„ფოთის ახალი საზღვაო ნავსადგურის განვითარების მეორე ფაზა ეკონომიკური განვითარებისა და რეგიონული კავშირების გაძლიერების კუთხით დამატებით პერსპექტივებს აჩენს“

მინისტრის განმარტებით, აღნიშნული პროექტი პირდაპირი და ეფექტიანი პასუხია იმ მზარდ მოთხოვნაზე, რომელიც ქვეყნის სატრანსპორტო და ლოგისტიკური სექტორის მიმართ არსებობს.„ესაა პროექტი, რომელიც ქვეყნის ეკონომიკური განვითარებისა და რეგიონული კავშირების გაძლიერების კუთხით ახალ პერსპექტივებს აჩენს. განვლილი რამდენიმე წლის განმავლობაში შუა დერეფანი ერთ-ერთ ყველაზე დინამიკურად განვითარებად საერთაშორისო სატრანსპორტო მარშრუტად ჩამოყალიბდა. შესაბამისად, მნიშვნელოვნად გაიზარდა საქართველოს მიერ გატარებული ტვირთის ნაკადიც.აღსანიშნავია, რომ მიმდინარე წლის პირველ ხუთ თვეში შუა დერეფნით გადაზიდული ტვირთების მოცულობა 21%-ით, საქართველოს ნავსადგურებში შემოსული გემების ტონაჟი კი 19%-ით გაიზარდა. ზრდა ფიქსირდება პრაქტიკულად ყველა ძირითადი მიმართულებით, რაც კიდევ ერთხელ უსვამს ხაზს ჩვენი ქვეყნის მზარდ როლს რეგიონულ და საერთაშორისო ლოგისტიკაში“, - აღნიშნა ეკონომიკისა და მდგრადი განვითარების მინისტრმა.

1782386256

ნაწილ-ნაწილ გადახდით სარგებლობა 2000-მდე პარტნიორ ობიექტშია შესაძლებელი ტექნიკის, ავეჯის, ტანსაცმლის, მოგზაურობის, ავტომობილის, აქსესუარებისა და სხვა კატეგორიებში, მათ შორის:ტანსაცმელი და ფეხსაცმელი ზარა Factory ბატა ადიდასი Benetton სახლი და ინტერიერი გორგია დომინო JYSK Home ICR Home ტექნიკა ალტა ელიტი მეგატექნიკა iTechnics iSpace სილამაზე და თავის მოვლა ლუტეცია ისი პარი ვულე ვუ GPC ქალთა ბედნიერება ავტო ამბოლი ავტობანი გეზ მოტორსი ვინტო აქსესუარები კენარი თორელი Time Swarovski Franco Fontana დასვენება და გართობა ამბასადორი კაჭრეთი კასტელო მარე Weyman Around the World 8000 მოსავალი პარტნიორი ობიექტების სრული სია იხილეთ ბმულზე.

1782386022

26-დან 30 ივნისის ჩათვლით, ლიბერთის VISA ბარათების მფლობელები, შეძლებენ მომენტალურად დაიბრუნონ ყველაზე მაღალი, 70%-მდე ქეშბექი, ჩვენ მეგობარ ობიექტებში:26-27 ივნისი - HER STORE | 60% ქეშბექი | ლიმიტი 100 ლარი26-27 ივნისი - GALLERY GLASSES | 70% ქეშბექი | ლიმიტი 150 ლარი28-29 ივნისი - VOULEZ-VOUS | 40% ქეშბექი | ლიმიტი 100 ლარი - Studio Liberty-ის წევრებისთვის 50% ქეშბექი, ლიმიტი 250 ლარი.30 ივნისი - TRESOR | 50% ქეშბექი | ლიმიტი 100 ლარი30 ივნისი - BRANDSFIELD BY TRESOR | 50% ქეშბექი | ლიმიტი 100 ლარი30 ივნისი - YVES ROCHER | 40% ქეშბექი | ლიმიტი 100 ლარი - Studio Liberty-ის წევრებისთვის, ქეშბექი 50%.დეტალური პირობები: შეთავაზება ვრცელდება ლიბერთის VISA ბარათებით გადახდისას; შეთავაზება ვრცელდება ლიბერთის ტერმინალზე გადახდისას; ტრესორი, ბრენდსფილდი, ივ როშე და ვულე ვუს მაღაზიებში, ქეშბექი გავრცელდება ფასდაკლებულ პროდუქციაზეც; ვულე ვუს შეთავაზება ვრცელდება სრულ პროდუქციაზე სასაჩუქრე ვაუჩერების და გამონაკლისი ბრენდების გარდა: Chanel, Dior, Guerlain, Givenchy, Kenzo, Essential Parfume-ზე; სათვალის გალერეას შეთავაზება არ ვრცელდება კონტაქტურ ლინზებზე; ფიზიკური მაღაზიების გარდა, შეთავაზება ონლაინ ვრცელდება მხოლოდ ივ როშეს ონლაინ მაღაზიაში; ონლაინ გადახდისას აუცილებელია გადახდა შესრულდეს ლიბერთის გადახდის არხით; სტუდიო ლიბერთის წევრებისთვის აუცილებელია გადახდა შესრულდეს VISA Platinum ბარათით; შეთავაზება არ ვრცელდება სასაჩუქრე ბარათების შეძენაზე; შეთავაზების დროს არ მოქმედებს ნივთის უკან დაბრუნება, შესაძლებელია მხოლოდ გაცვლა; ბანკი იტოვებს უფლებას საეჭვო ტრანზაქციის აღმოჩენის შემთხვევაში, მომხმარებელს არ დაუბრუნოს ქეშბექის თანხა. გადავიმეოროთ ქეშბექის მიღების წესები: გადმოწერე აპლიკაცია ან შედი ვებგვერდზე: cashback.ge გაიაქტიურე სასურველი შეთავაზება წინასწარ გადაიხადე ლიბერთის VISA ბარათით, ლიბერთის ტერმინალზე თუ ჯერ კიდევ არ ხარ ლიბერთის მომხმარებელი, გახდი ჩვენიანი ონლაინ: https://onboarding.lb.ge *წესები დეტალურად: შეთავაზების გასააქტიურებლად, გადმოწერეთ CashBack ის აპლიკაცია: iOS | Android ან შედით ვებ გვერდზე cashback.ge.თუ უკვე ხართ ლიბერთის ინტერნეტ/მობაილ ბანკის მომხმარებელი, CashBack-ის აპლიკაციაში ავტორიზაციას იგივე მონაცემებით გაივლით. თუ ჯერ არ სარგებლობთ ლიბერთის ინტერნეტ/მობაილ ბანკით, გაიარეთ მარტივი რეგისტრაცია. ავტორიზაციის გავლის შემდეგ, CashBack ის აპლიკაციაში აირჩიეთ სასურველი მეგობარი ობიექტი, დააჭირეთ ღილაკს "აქტივაცია" და ლიბერთის ბარათით ლიბერთის ტერმინალზე გადახდისას, დაიბრუნეთ თანხა მომენტალურად.

1782385803

დოკუმენტი განსაზღვრავს ხუთი წლის განმავლობაში აგროსასურსათო სექტორის ხელშეწყობაში FAO-ს ჩართულობას და სრულად შეესაბამება საქართველოს ეროვნული განვითარების პრიორიტეტებსა და გაეროს მდგრადი განვითარების თანამშრომლობის ჩარჩოს (UNSDCF). ეროვნულ და საერთაშორისო დაინტერესებულ მხარეებთან მრავალმხრივი  კონსულტაციების შედეგად შემუშავებული დოკუმენტი ასახავს სტრატეგიულ ხედვას საქართველოს აგროსასურსათო სისტემების უფრო კონკურენტუნარიან, ინკლუზიურ და კლიმატის მიმართ მედეგ სექტორად გარდასაქმნელად და აძლიერებს გაეროს კოორდინირებულ მხარდაჭერას.ქვეყნის პროგრამული ჩარჩოს (CPF) მეშვეობით, FAO უზრუნველყოფს ტექნიკურ ექსპერტიზას, პოლიტიკის მხარდაჭერასა და ტექნიკურ დახმარებას მწვანე და ინკლუზიური განვითარების ხელშესაწყობად.„გაეროს სურსათისა და სოფლის მეურნეობის ორგანიზაციასთან (FAO) ჩვენ მრავალწლიანი წარმატებული თანამშრომლობა გვაკავშირებს. მტკიცე პარტნიორობით განხორცილდა და ამ ეტაპზეც მიმდინარეობს არაერთი პროექტი, რომელთა მიზანიც აგროსექტორის მაღალი სტანდარტით განვითარების  ხელშეწყობაა. ქვეყნის პროგრამულ ჩარჩო ხელშეკრულებაზე  (CPF)  ხელმოწერით ვადასტურებთ მზაობას უფრო კონკურენტუნარიანი და ინკლუზიური აგროსასურსათო სისტემის შესაქმნელად, რომელსაც ხელშესახები სარგებელი მოაქვს ჩვენი სოფლად მცხოვრები მოსახლეობისთვის“, - განაცხადა დავით სონღულაშვილმა.FAO-ს წარმომადგენელმა რაიმუნდ იელემ ხაზი გაუსვა ორგანიზაციის როლს ეროვნული შესაძლებლობების გაძლიერებასა და ინკლუზიური მიდგომების პოპულარიზაციაში.„პროგრამული ჩარჩო ხელშეკრულება (CPF, 2026-2030) შეთანხმების ის ფორმაა, რომელიც ეფუძნება საერთო პრიორიტეტებს და მიზნად ისახავს გლობალური ექსპერტიზის გამოყენებას ქალაქსა და სოფელს შორის არსებული სხვაობის აღმოსაფხვრელად, ქალებისა და ახალგაზრდების გასაძლიერებლად და იმის უზრუნველსაყოფად, რომ საქართველოს სოფლის მეურნეობის სექტორი მზად იყოს კლიმატის ცვლილების გამოწვევებისთვის“, - განაცხადა რაიმუნდ იელემ.„მოხარული ვარ, სამინისტროსა და გაეროს სურსათისა და სოფლის მეურნეობის ორგანიზაციას შორის ქვეყნის პროგრამულ ჩარჩო ხელშეკრულების ხელმოწერით. ეს დოკუმენტი ემსახურება ქვეყანაში აგროსასურსათო სისტემების განვითარების, სოფლის მეურნეობის პროდუქტიულობის ზრდის მიმართულებით მნიშვნელოვანი კონტრიბუციის განხორციელებას, ასევე ეროვნულად განსაზღვრული წვლილის (NDC) ფარგლებში, სათბურის აირების ემისიების შემცირებას. ვულოცავ ორივე მხარეს მნიშვნელოვანი დოკუმენტის ხელმოწერას“,-განაცხადა გაერთიანებული ერების ორგანიზაციის მუდმივმა კოორდინატორმა საქართველოში- დიდიე ტღებიუკმა.ქვეყნის პროგრამული ჩარჩო ხელშეკრულება (CPF, 2026-2030 წლები) ქმედითი გზამკვლევია, განვითარების ხარვეზების აღმოსაფხვრელად, იყოს მწვანე ეკონომიკური ზრდის უზრუნველსაყოფად  და სოფლად მცხოვრები მოსახლეობის კეთილდღეობის ასამაღლებლად.გარემოს დაცვისა და სოფლის მეურნეობის სამინისტროში გამართულ შეხვედრას მთავრობის ადმინისტრაციის უფროსის მოადგილე ზვიად ბარქაია, მინისტრის მოადგილე ლაშა დოლიძე, გაეროს სურსათისა და სოფლის მეურნეობის ორგანიზაციის წარმომადგენლები და  სამინისტროს შესაბამისი სამსახურის ხელმძღვანელი პირები ესწრებოდნენ.

1782384995

საკითხის დეტალებზე, ფარულ ფინანსურ ინტერესებსა და შესაძლო სამართლებრივ შედეგებზე „ახალგაზრდა ფინანსისტთა და ბიზნესმენთა ასოციაციის“ (აფბა) ანალიტიკოსი, ბაჩანა ჯინჭარაძე გვესაუბრება. შეგახსენებთ, აფბა "ბრიტანულ-ქართული აკადემიის" გარშემო მიმდინარე ბიზნესდავის საზოგადოებრივ მონიტორინგს ახორციელებს.- ბატონო ბაჩანა, თქვენ აქტიურად ადევნებთ თვალს „ბრიტანულ-ქართული აკადემიის“ გარშემო განვითარებულ მოვლენებს. რა ეტაპზეა დღეს ეს კონფლიქტი და რა არის რეალურად ის, რაც საზოგადოების თვალს მიღმა რჩება? - მოდით, პირდაპირ ვიტყვი - ის, რაც ბოლო დროს „ბრიტანულ-ქართული აკადემიის“ გარშემო ხდება, უკვე დიდი ხანია გასცდა ჩვეულებრივი ბიზნეს-დავის ფარგლებს. თუ მედიას თვალს ადევნებთ, შესაძლოა, იფიქროთ, რომ რომ ეს უბრალოდ აქციონერების მორიგი კონფლიქტია, მაგრამ რეალობა ბევრად უფრო მძიმეა.ჩვენ ვხედავთ აკადემიის ყოფილი დირექტორისა და 30%-ის მეწილის, ნათია ჯანაშიას მხრიდან აბსოლუტურად მიზანმიმართულ, ცილისმწამებლურ და ძალმომრეობით კამპანიას.ეს კამპანია მიმართულია თავად აკადემიის, მისი მენეჯმენტის, მასწავლებლებისა და უშუალოდ ინვესტორის წინააღმდეგ. პროცესების ელემენტარული ანალიზიც კი  აჩვენებს, რომ საქმე გვაქვს საგანმანათლებლო დაწესებულების მიზანმიმართულ დესტრუქციასთან.- თქვენ ახსენეთ დესტრუქცია. კონკრეტულად რაში გამოიხატება ეს ქმედებები, რაც ასე აზიანებს სასწავლო პროცესს? -  პარადოქსული სწორედ ის არის, რომ ადამიანი, ვინც წესით ამ საგანმანათლებლო კერას უნდა უფრთხილდებოდეს, ყველაფერს აკეთებს მის დასანგრევად. სახეზეა გამუდმებული წერილები სხვადასხვა საერთაშორისო ინსტანციებში — აქ, იქ, ბრიტანეთში, აშშ-ში. ამას ემატება აკადემიის მენეჯმენტის განზრახ დამახინჯებული, დაფოტოშოფებული ფოტოები და სკანდალური სათაურები მედიაში. ამ ყველაფრის ერთადერთი დანიშნულება აკადემიის მოსწავლეებისა და მათი მშობლების დაშინება, დაშანტაჟება და საყვარელი სასწავლებლის დატოვებისკენ იძულებაა.- საიდან იღებს სათავეს ეს კონფლიქტი? რა გახდა რეალური ტრიგერი, რამაც პროცესები ამ ზღვრამდე მიიყვანა? - ეს ყველაფერი გუშინ არ დაწყებულა. დაპირისპირება ბევრად ადრე, ნათია ჯანაშიას მენეჯმენტ-კონტრაქტის ამოწურვის შემდგომ, მისი თანამდებობიდან კანონიერი გათავისუფლების შემდგომ დაიწყო.ხელშეკრულებაში, რომელიც ინვესტორმა გაუფორმა მენეჯმენტს, მკაფიოდ იყო მითითებული, რომ კონტრაქტი დირექტორთან გრძელდებოდა 5 წელი. თუ შემდგომში „საქართველოს განათლების ჯგუფი“ (ანუ ინვესტორი) აღარ მოისურვებდა მასთან თანამშრომლობის გაგრძელებას, ნათია ჯანაშიას უნდა დაეტოვებინა აკადემია, როგორც მენეჯმენტის წარმომადგენელს. თუმცა, მისი 30%-იანი წილი კომპანიაში, ბუნებრივია, ხელუხლებელი რჩებოდა.- თუ წილი რჩებოდა, მაშინ რატომ გამწვავდა სიტუაცია ასე რადიკალურად? საუბარია ფინანსურ დანაკარგებზე? - ზუსტად. წილი რჩებოდა, ოღონდ ინვესტორი და შესაბამისად აკადემია აღარ გადაუხდიდა 1 მილიონ ლარს წელიწადში ჯანაშიას და მის მეუღლეს. ციფრებს შევხედოთ: 2019 წლიდან 2024 წლის ჩათვლით, ხელფასის სახით აკადემიიდან ამ ოჯახურმა წყვილმა 5 მილიონი ლარი მიიღო! ამ მოცემულობით, ისინი საქართველოში ყველაზე მაღალანაზღაურებადი წყვილი გახდნენ. როგორც კი ეს ფინანსური ნაკადი შეწყდა, ჯანაშიამ წამოიწყო ეს გაწევ-გამოწევა და დავა, სადაც ყველა ეტაპზე გამაოგნებლად ცუდად იქცევა.- ჯანაშიას მხარემ დავა საერთაშორისო ასპარეზზე, კერძოდ ლონდონში გადაიტანა. როგორ აფასებთ ამ სამართლებრივ ნაბიჯს? - ეს ცალკე აბსურდია. ჯერ იყო და სარჩელი ბრიტანეთში შეიტანა და ინვესტორის პარალელურად საქართველოს ხელისუფლებას, მის უკლებლივ ყველა შტოს და მათ შორის, დიდი დოზით, სასამართლო სისტემას და კონკრეტულ მოსამართლეებს უჩივლა.უკვე წელიწადზე მეტია, ლონდონელი მოსამართლეები საერთოდ იმის გარკვევაში არიან, ვინ არიან ეს ადამიანები და რა კავშირი აქვთ ამ კონკრეტულ ბიზნეს-სარჩელთან. წარმოიდგინეთ, სარჩელში, სადაც ერთი მხარე ნათია ჯანაშიაა, ხოლო მეორე მხარე — „საქართველოს განათლების ჯგუფი“, რა შუაშია იუსტიციის საბჭოს წევრი თავართქილაძე ან თუნდაც მმართველი პარტიის საპატიო თავმჯდომარე, ბიძინა ივანიშვილი?-  ანუ, თქვენი აზრით, საჩივრების ადრესატების წრე ხელოვნურად არის გაზრდილი?-  აბსოლუტურად. მონიტორინგის პროცესში ნათლად გამოჩნდა, ვის წინააღმდეგ აქვთ პრეტენზიები ნათია ჯანაშიას და მის მეუღლეს, დავით ცეცხლაძეს.სია შთამბეჭდავია: ბიძინა ივანიშვილი, ირაკლი კობახიძე, შალვა პაპუაშვილი, მთლიანად სასამართლო სისტემა და ყველა მოსამართლე, იუსტიციის საბჭოს წევრები, ეროვნული ბანკის პრეზიდენტი, უშიშროების, შინაგან საქმეთა, იუსტიციისა და ფინანსთა მინისტრები, გენერალური პროკურორი...აქ არ გაჩერებულან - ხან უჩივიან და ხან ჩივიან აშშ-სა და ბრიტანეთის საელჩოებს, FBI-ს, საქართველოში კი ფინანსურ პოლიციას და ახლო-მახლო ლამის პოლიციის ყველა განყოფილებას. უჩივიან ყველას და ყველაფერს! ეს გახდა მათი ახალი ნორმა და ახალი საქმე - ერთგვარი ფულის საჭრელი დაზგა, რათა შანტაჟითა და დაჟინებული რეიდერობით ეს 60-მილიონიანი ქონება კიდევ უფრო გააბევრონ და გაზარდონ.- ამ განცხადებების მიღმა, არსებობს თუ არა რეალური სამართლებრივი საფუძვლები თავად ნათია ჯანაშიასა და მისი მეუღლის წინააღმდეგ?- რა თქმა უნდა, თანაც ძალიან სერიოზული. ისინი არაერთგზის არიან შემჩნეული ძალადობრივ ქმედებებში. ორ ქვეყანაში რამდენიმე მძიმე ეპიზოდია დაგროვილი. განსაკუთრებულად საშიში და რეზონანსულია ჰაერში მყოფი „ბრიტანეთის ავიახაზების“ თვითმფრინავის ინციდენტი და „საქართველოს განათლების ჯგუფის“ ორსული თანამშრომლის მიმართ გაჟღერებული მოკვლის მუქარა.მაგრამ მსგავსი მძიმე ინციდენტები ამით არ იწურება.ამ დროისთვის სისხლის სამართლის საქმეა აღძრული საქართველოს ფინანსთა სამინისტროს საგამოძიებო სამსახურში. გამოძიება მიმდინარეობს „საქართველოს განათლების ჯგუფის“ განცხადების საფუძველზე, ნათია ჯანაშიასა და დავით ცეცხლაძის მენეჯმენტში ყოფნის პერიოდში სამსახურებრივი მდგომარეობის გამოყენებით, დიდი ოდენობით შპს „ბრიტანულ-ქართული აკადემიის“ კუთვნილი თანხების მითვისება-გაფლანგვის ფაქტზე.-  ცნობილი გახდა, რომ აკადემიამ თავადაც მიმართა სასამართლოს დიფამაციის მოტივით. რა არის ამ კონკრეტული სარჩელის საგანი? – დიახ, მიმდინარე წლის თებერვალში „ბრიტანულ-ქართულმა აკადემიამ“ ნათია ჯანაშიას საქმიანი რეპუტაციის შელახვისა და დიფამაციისთვის უჩივლა.აკადემია ითხოვს პასუხისმგებლობას ცრუ და შეცდომაში შემყვანი ცნობების გავრცელებისთვის. მათ ოფიციალურ განცხადებაშიც პირდაპირ წერია, რომ ამ ცილისმწამებლური კამპანიის მიზანი ერთადერთია — ზიანი მიადგეს სკოლის ავტორიტეტს.მსგავსი ბრალდებები არსებულ და მომავალ მოსწავლეებში, მათ მშობლებში ავტომატურად აჩენს ქაოსისა და არასტაბილურობის განცდას, რაც საგანმანათლებლო სფეროსთვის კრიტიკულად დამაზიანებელია.- საუბარი იყო ასევე წესდების რეგისტრაციასთან დაკავშირებულ პრობლემებზე, რამაც, როგორც ამბობენ, სკოლის ფუნქციონირება საფრთხის ქვეშ დააყენა. რეალურად რა მოხდა საჯარო რეესტრში? - ეს არის კლასიკური მაგალითი იმისა, თუ როგორ შეიძლება მთელი აკადემია შეეწიროს ერთი ადამიანის ამბიციებს. წარმოიდგინეთ მარტივი, ფორმალური სიტუაცია: აქციონერებს კომპანიის წესდება ახალ კანონმდებლობასთან შესაბამისობაში უნდა მოეყვანათ. მაჟორიტარმა აქციონერმა მოიწვია კრება და... ამ გადამწყვეტ მომენტში ნათია ჯანაშიამ და მისმა მეუღლემ პირდაპირ ბოიკოტი გამოაცხადეს. უარი თქვეს კენჭისყრაში მონაწილეობაზე. მიზანი იყო მარტივი: სკოლას ხელახალი რეგისტრაცია ვერ გაევლო და შესულიყო სამართლებრივ ჩიხში. ფაქტობრივად, მზად იყვნენ საკუთარი ხელით გაეუქმებინათ სკოლა, ოღონდ თავისი გაეტანათ.- როგორ მოხერხდა ამ სამართლებრივი კრიზისის განმუხტვა?- კრიზისიდან გამოსასვლელად, მაჟორიტარმა ინვესტორმა („საქართველოს განათლების ჯგუფმა“) კანონის სრული დაცვით მიიღო იუსტიციის მინისტრის მიერ დამტკიცებული ახალი წესდება და სკოლა რეალურ პარალიზებას გადაარჩინა. მაგრამ ჯანაშია არც ამის შემდეგ გაჩერებულა და საჯარო რეესტრში წარდგენილი წესდების გასაჩივრება დაიწყო. რომ არა ინვესტორის სწორი და სამართლებრივად უნაკლო მოქმედებები, აკადემია რჩებოდა მმართველობითი რგოლის, საბანკო ანგარიშებისა და ყველა იმ ატრიბუტის გარეშე, რაც პირდაპირ იწვევს ლიკვიდაციას.ჯანაშიას საქციელის გამო იშლებოდა სასწავლო პროცესი და ასობით ბავშვის ინტერესი ეწირებოდა ამ მავნებლობას. თუმცა, მიზანს ვერ მიაღწიეს - აკადემიამ ფუნქციონირება წარმატებულად განაგრძო.- ნათია ჯანაშია თავის ერთგვარ საპროგრამო წერილში აცხადებს, რომ სკოლა არასოდეს გაუყიდია და არც არასოდეს გაყიდის. როგორ აფასებთ ამ განცხადებას ფინანსური დოკუმენტაციის ჭრილში? – ამ განცხადებამ კლასიკური რეიდერული თავდასხმის სახე მიიღო. დოკუმენტები კი საპირისპიროს ამბობს: მან სკოლის 70% გაყიდა 29,3 მილიონ ლარად! თუ სკოლა არასდროს გაუყიდია, მაშინ როგორ აიღო 70%-ში 29,3 მილიონი ლარი? შეფასება საზოგადოებისთვის მიმინდვია, რადგან ფაქტი და რიცხვი ჯიუტია.რაც შეეხება მის მეორე განცხადებას, რომ "არც გაყიდის" - აქ მართალია, ფიზიკურად ვეღარ გაყიდის, რადგან მისი დარჩენილი წილი დღეს დაყადაღებულია. ასე რომ, ამ მხრივ სკოლას საფრთხე ნამდვილად არ ემუქრება.- ამ დავაში ერთ-ერთი ყველაზე მგრძნობიარე თემა ბავშვების, მათ შორის საკუთარი შვილების საკითხი იყო. ბოლო დროს შეიცვალა თუ არა რიტორიკა ამ მიმართულებით? -  ბავშვებს რაც შეეხება, ამაზე ბევრს აღარ ვისაუბრებ. ბოლო კვირის მოვლენებს თუ გავითვალისწინებთ, როგორც ჩანს, ჯანაშია მიხვდა, რომ შვილების ჩართვა ბიზნეს-დავაში და მათით მანიპულირება უმსგავსო საქციელია. ვფიქრობ და იმედს დავიტოვებ, რომ ის აღარ გააგრძელებს ამ თემით სპეკულირებას და ბავშვების გამოყენებას ბიზნეს დავაში.- საბოლოო ჯამში, რა სამართლებრივ პერსპექტივას ხედავთ ამ ქეისში? როგორ შეიძლება დასრულდეს ეს პროცესი ნათია ჯანაშიასთვის? - სურათი ნათელია: სკოლის დანგრევის ეს მცდელობა და აკადემიის ახალგაზრდა, მოტივირებული და შორსმჭვრეტელი მენეჯმენტისთვის ტოქსიკური გარემოს შექმნა თავად ნათია ჯანაშიას აყენებს მძიმე და გამოუვალ მდგომარეობაში. არ არის გამორიცხული, რომ მას სასამართლოში პერსონალურად მოუწიოს პასუხისგება თითოეულ იმ დესტრუქციულ და მავნებლურ ნაბიჯზე, რასაც ამდენი ხანია დგამს. ეს კამპანია მისთვის შესაძლოა ძალიან მძიმე სამართლებრივი შედეგებით დასრულდეს.

1782384600

გარემოს დაცვისა და სოფლის მეურნეობის სამინისტროს ინფორმაციით, შეხვედრაზე მინისტრმა ქართული აგროსასურსათო პროდუქციის ექსპორტის გაფართოების, ახალ ბაზრებზე წვდომის, სავაჭრო კავშირების განვითარების საკითხები განიხილა.მათივე ცნობით, შეხვედრაზე აღინიშნა, რომ საერთაშორისო ბაზრებზე ქართული აგროსასურსათო პროდუქციის მიმართ მზარდი ინტერესი ფიქსირდება. ახლო აღმოსავლეთის ქვეყნები – იორდანია, ალჟირი და საუდის არაბეთი დაინტერესებული არიან წვრილფეხა საქონლის იმპორტით. ბელარუსის ბაზარზე მოთხოვნა არსებობს არაალკოჰოლურ სასმელებზე, ნუშსა და თხილზე. ცენტრალური აზიის ქვეყნებიდან – უზბეკეთიდან, ყირგიზეთიდან, ტაჯიკეთიდან და თურქმენეთიდან განსაკუთრებული ინტერესია ქართული არაალკოჰოლური სასმელების, თხილის, კაკლის, ნუშისა და ციტრუსოვანი კულტურების მიმართ, რაც მნიშვნელოვანია ქართული აგროსასურსათო სექტორის განვითარების, საექსპორტო ბაზრების დივერსიფიკაციისა და ქვეყნის ეკონომიკური ზრდის ხელშეწყობისთვის.„ცენტრალური აზიის ქვეყნებში ვიზიტების ერთ-ერთი მთავარი მიზანი ქართული აგროსასურსათო პროდუქციისთვის ახალი ბაზრების ათვისების ხელშეწყობა და საექსპორტო შესაძლებლობების გაფართოებაა. სწორედ ამიტომ, მნიშვნელოვანია, კერძო სექტორისგან მივიღოთ დეტალური ინფორმაცია კონკრეტული პროდუქტების საექსპორტო პოტენციალის შესახებ, ასევე, რა გამოწვევების წინაშე დგანან ექსპორტიორები ბაზრებზე შესვლის პროცესში. ეს შესაძლებლობას მოგვცემს, სახელმწიფო რესურსები და მხარდამჭერი მექანიზმები მაქსიმალურად ეფექტიანად გამოვიყენოთ და ბიზნესს ახალი ბაზრების მოძიებასა და დამკვიდრებაში რეალური მხარდაჭერა გავუწიოთ“, – განაცხადა დავით სონღულაშვილმა.ეფექტიანი თანამშრომლობისა და დროული კოორდინაციის მიზნით, მინისტრმა გამოთქვა მოსაზრება აგროსასურსათო პროდუქციის ექსპორტიორთა საბჭოს შექმნის შესახებ. საბჭო კვარტალში ერთხელ შეიკრიბება და უზრუნველყოფს სახელმწიფოსა და კერძო სექტორს შორის რეგულარულ კომუნიკაციას.გარემოს დაცვისა და სოფლის მეურნეობის სამინისტროში გამართულ შეხვედრას მინისტრის მოადგილე ლაშა დოლიძე და სამინისტროს შესაბამისი უწყებების ხელმძღვანელი პირები ესწრებოდნენ.

1782383200