ელექტროენერგიის ექსპორტი ბოლო 10 წლის მინიმუმზეა - Galt & Taggart

სამი დღის განმავლობაში, ექვს სხვადასხვა სცენაზე გაიმართა მასტერკლასები, ვორქშოფები, პანელური დისკუსიები და სესიები ისეთ მნიშვნელოვან საკითხებზე, როგორიცაა მედიის გამოწვევები დღეს, ქალთა უფლებები და გენდერული სამართლიანობა, ხელოვნური ინტელექტი და ტექნოლოგიური ძალაუფლება, ომებისა და იმპერიების მემკვიდრეობა, კლიმატური კრიზისი, ლიტერატურა, ფოტოგრაფია, დემოკრატიის გამოწვევები, არქიტექტურა თუ ფილოსოფია, ციფრული რეპრესიები და მრავალი სხვა. არაერთი სესია დაეთმო საქართველოში მიმდინარე პროცესებს.ჩატარდა შემეცნებითი ტურები, რომლებიც მოიცავდა თბილისის საბჭოთა და დემოკრატიული წარსულის გაცნობას, ქალაქის არქიტექტურაზე საუბარს, უახლოესი წარსულისა და საქართველოში მიმდინარე მოვლენების გაზიარებას.წელს მომხსენებლებს შორის იყვნენ: ვიეტ თან ნგუენი – პულიცერის პრემიის ლაურეატი, წიგნის The Sympathizer ავტორი და ერთ-ერთი უმნიშვნელოვანესი მწერალი ომებისა და იძულებითი გადაადგილების თემებზე. დევიდ ბელტი – მეწარმე და ნოვატორი დეველოპერი, რომელმაც ბრუკლინის გემთსაშენის საუკუნოვანი საწყობი New Lab-ად აქცია და ნიუ-იორკის ტექნოლოგიური სფეროს 50 ყველაზე გავლენიან ადამიანს შორის დასახელდა. კარენ ჰაო – ჟურნალისტი, რომლის Empire of AI ცვლის წარმოდგენას იმაზე, თუ ვინ აკონტროლებს რეალურად ხელოვნური ინტელექტის რევოლუციას. ზელდა პერკინსი – ჰარვი ვაინშტაინის ყოფილი ასისტენტი, რომლის ათწლიანმა კამპანიამ გაუთქმელობის ხელშეკრულებების(NDA) წინააღმდეგ ბრიტანული კანონმდებლობა შეცვალა. კუმი ნაიდუ – სამხრეთ აფრიკელი უფლებადამცველი, რომელიც 15 წლის ასაკში აპარტეიდის წინააღმდეგ სკოლების ბოიკოტს უწევდა ორგანიზებას, მოგვიანებით კი ხელმძღვანელობდა Greenpeace-სა და Amnesty International-ს. მაიკლ ბარენბოიმი – მევიოლინე, West-Eastern Divan Orchestra-ს კონცერტმაისტერი. ლეოპოლდო ლოპესი – ვენესუელელი ოპოზიციის ლიდერი, რომელმაც წლები გაატარა მადუროს ციხეში და შექმნა გლობალური მოძრაობა იმ ადამიანებისა, რომლებიც უარს ამბობენ ავტოკრატიის გამარჯვებასთან შეგუებაზე. ბაო ნგუენი – ემის ნომინანტი რეჟისორი; მისი ბოლო ფილმი, The Stringer, იკვლევს ვიეტნამის ომის ყველაზე ცნობილი ფოტოს სადავო ავტორობას. ჯული პოსეტი – დეზინფორმაციის მკვლევარი, რომელიც ამჟამად მარია რესას პროექტს, Information Integrity Initiative-ს ხელმძღვანელობს. რეიჩელ კორპი – ITN-ის აღმასრულებელი დირექტორი, რომელმაც გაიარა გზა სტუდენტი ფრილანსერობიდან ბრიტანეთის ერთ-ერთი ყველაზე სანდო საინფორმაციო ორგანიზაციის მართვამდე. ჯეიკ ფრიდმანი– კრეატიული მეწარმე, რომელმაც საკუთარი ხმის ჩამწერი ლეიბლი 19 წლის ასაკში დააარსა და მუსიკას, თეატრსა და კინოს აკავშირებს. ჯონ ლი ანდერსონი – The New Yorker-ის ჟურნალისტი და ჩვენი დროის ერთ-ერთი უდიდესი სამხედრო კორესპონდენტი. ელაიზა ანიანგვე – ემის მფლობელი კამერუნელი ჟურნალისტი, რომელიც გენდერისა და ძალაუფლების საკითხებზე მუშაობს.წელს თიბისიმ ფესტივალში ჩართულობა კიდევ უფრო გააფართოვა და ZEG-ის მოხალისეთა პროგრამის მხარდამჭერი გახდა. ეს პარტნიორობა თიბისის ახალი თაობის მხარდაჭერის სტრატეგიის მნიშვნელოვანი ნაწილია და მიზნად ისახავს ახალგაზრდებისთვის ისეთი სივრცეების შექმნას, სადაც ისინი შეძლებენ საერთაშორისო გამოცდილების მიღებას, პროფესიული უნარების განვითარებასა და გლობალურ დიალოგში აქტიურ მონაწილეობას.ZEG ამბის თხრობის საერთაშორისო ფესტივალი, თბილისში 2027 წლის 4-6 ივნისს დაბრუნდება. მანამდე კი, 2026 წლის შემოდგომაზე, ZEG-ის ღონისძიებას ამსტერდამი და ნიუ-იორკი უმასპინძლებს.

1782213659

საქსტატის მიხედვით 2026 წლის I კვარტალში საქართველოს რეალური მშპ 9.0%-ით გაიზარდა, რაც 0.1პპ-ით შემცირებულია წინასწარ მაჩვენებელთან შედარებით. აღნიშნული კორექციის გათვალისწინებით, საქართველოს ეკონომიკა 2026 წლის პირველ 4 თვეში 8.2%-ით გაიზარდა.„სექტორულ ჭრილში, I კვარტლის წლიურ ზრდაში მაღალი დადებითი კონტრიბუცია შეიტანეს შემდეგმა დარგებმა: ინფორმაცია & კომუნიკაცია (+36.0%), ტრანსპორტი (+18.0%), ვაჭრობა (+5.5%), საფინანსო საქმიანობა (+11.7%), ხელოვნება & გართობა (+14.5% წ/წ), ჯანდაცვა (+12.6%), სახელმწიფო მმართველობა (+11.0%), სასტუმროები & რესტორნები (+12.4%) და უძრავი ქონების ოპერაციები (+3.1%).ამასთან, აღნიშნულ პერიოდში წლიური კლება დაფიქსირდა მშენებლობის (-2.0%) და სოფლის მეურნეობის (-3.3%) დარგებში“, - წერია Galt & Taggart-ის მიმოხილვაში.

1782210425

მიმდინარე წლის მაისში თურქეთში ელექტროენერგიის ექსპორტი 4.8-ჯერ რაოდენობრივად, ხოლო ღირებულებით 7.8-ჯერ შემცირდა. მაისში ექსპორტმა 36.2 მლნ კვტ.სთ შეადგინა, მაშინ როცა 2025 წლის მაისში 172 მლნ კვტ.სთ იყო. ხოლო თურქეთში ექსპორტის საშუალო ფასი კვტ.სთ-ზე თითქმის 40%-ით 2.7 ცენტამდე შემცირდა."ექსპორტის ფასის, მოცულობისა და შემოსავლის ასეთი შემცირება თურქეთის ბაზარზე ფასების მკვეთრ კლებას უკავშირდება. 2026 წლის მაისში, ელექტროენერგიის საშუალო ფასი თურქეთის ბაზარზე შეადგენდა 1.8 ცენტს/კვტ.სთ-ზე (vs 6.4 აშშ ცენტი კვტ.სთ-ზე მაი-25). ასეთი დაბალი ფასი ექსპორტის ეკონომიკურ მიმზიდველობას მნიშვნელოვნად ამცირებს, რადგან ექსპორტიორებს სისტემასთან დაკავშირებული ხარჯების დაფარვაც უწევდათ, მათ შორის გადაცემის ტარიფისა და გარანტირებული სიმძლავრის საფასურის", - წერია Galt & Taggart-ის მიმოხილვაში.თურქეთის საბაზრო ფასსა და საქართველოდან ექსპორტის საშუალო ფასს შორის სხვაობა, სავარაუდოდ, ექსპორტის საათობრივ/დღიურ სტრუქტურასა და პირდაპირ კონტრაქტებს უკავშირდება. თურქეთში ელექტროენერგიის ფასების შემცირება, თავის მხრივ, მზის სადგურების მშენებლობას და ხელსაყრელ ჰიდროლოგიურ პირობებს უკავშირდება.მაისში თურქეთში ექსპორტი მხოლოდ ოთხმა კომპანიამ განახორციელა: შპს „აჭარ-ენერჯი 2007“; შპს „ენერჯი დეველოპმენტ ჯორჯია“; შპს „სვანეთი ჰიდრო“; შპს „კასლეთი-2“; დაბალი საბაზრო ფასების მიუხედავად, ექსპორტის გაგრძელება შესაძლოა უკავშირდებოდეს როგორც მოქმედ გადაცემისა და დისპეტჩერიზაციის შეთანხმებებს, ისე კომპანიების ინდივიდუალურ საკონტრაქტო პირობებს.თურქეთის გარდა, ბალანსის მიხედვით წელს ექსპორტი აზერბაიჯანშიც დაფიქსირდა, თუმცა ეს არ იყო კომერციული ექსპორტი. აღნიშნული მოცულობა აზერბაიჯანთან სინქრონული პარალელური მუშაობისთვის განხორციელებულ ტექნიკურ გაცვლას წარმოადგენდა და იმავე მოცულობისა და ღირებულების იმპორტით დაბალანსდა. 2026 წლის აპრილიდან შეიცვალა აღრიცხვის მეთოდოლოგია და ეს გაცვლა, რომელიც მანამდე ბალანსში სალდირებულად აისახებოდა, ახლა ცალ-ცალკე ფიქსირდება იმპორტსა და ექსპორტში.

1782210362

თიბისი დაზღვევის ინფორმაციით, კომპანიის მომხმარებლების სადაზღვევო შემთხვევების შედეგად დამდგარი ზიანი უკვე 4 მილიონ ლარს აღემატება, შემთხვევების რაოდენობა კი 2 500-ს აჭარბებს.კომპანიაში აცხადებენ, რომ სტიქიური მოვლენით გამოწვეული შემთხვევების ასეთი მასშტაბი კიდევ ერთხელ აჩვენებს, რამდენად მნიშვნელოვანია დაზღვევის როლი იმ მომხმარებლებისთვის, ვისთვისაც ავტომობილი ყოველდღიური ცხოვრების მნიშვნელოვანი ნაწილია.ამ დღეებში თიბისი დაზღვევის სადაზღვევო შემთხვევების მართვის გუნდები გაძლიერებულ რეჟიმში მუშაობენ, რათა თითოეული შემთხვევა დროულად შეფასდეს და მომხმარებლებმა საჭირო მხარდაჭერა სწრაფად, გამჭვირვალედ და მათ საჭიროებებზე მორგებულად მიიღონ.თიბისი დაზღვევაში აღნიშნავენ, რომ როცა ავტომობილი მოულოდნელად ზიანდება, მომხმარებლისთვის განსაკუთრებით მნიშვნელოვანია, პროცესი სწრაფად, მარტივად და ზედმეტი სირთულეების გარეშე წარიმართოს. სწორედ ამიტომ, კომპანიის მთავარი ამოცანაა, დაზარალებულმა მომხმარებლებმა მხარდაჭერა დროულად მიიღონ, ხოლო შემთხვევის შეფასებისა და ანაზღაურების პროცესი მათთვის მარტივი და გამჭვირვალე იყოს.კომპანიის ინფორმაციით, შემთხვევების შეფასება და ანაზღაურების პროცესი უწყვეტ რეჟიმში მიმდინარეობს.

1782210220

ასევე, ორგანიზებული ჯგუფის ან კრიმინალური საზოგადოების (კრიმინალური ორგანიზაციის) მიერ ჩადენილი ქმედებებისთვის, ასევე დიდი შემოსავლის გენერირებისთვის, სასჯელი შემოიფარგლება თავისუფლების შეზღუდვით 3-დან 5 წლამდე ვადით.უნდა აღინიშნოს, მიუხედავად იმისა, რომ მოქმედი სანქცია ითვალისწინებს ჯარიმას კონკრეტული დიაპაზონით (10,000-დან 15,000 მანათამდე), კანონპროექტის თანახმად, ჯარიმა განისაზღვრება დანაშაულის შედეგად მიღებული შემოსავლის ორმაგ ოდენობამდე.შესწორებები ასევე ითვალისწინებს უფრო მკაცრ სასჯელს აზარტული თამაშების ორგანიზებასთან ან ჩატარებასთან დაკავშირებული განმეორებითი დანაშაულისთვის, ასევე აზარტული თამაშების ობიექტების ორგანიზებასთან ან მოვლა-პატრონობასთან, არასრულწლოვანთა მონაწილეობით ჩადენილი დანაშაულისთვის, მნიშვნელოვანი, დიდი ან განსაკუთრებით დიდი მასშტაბის შემოსავლის გენერირებით ჩადენილი დანაშაულისთვის და სხვა შემთხვევებში.ამრიგად, მოქმედი კანონმდებლობის თანახმად, ეს ქმედებები, განმეორებით ჩადენის შემთხვევაში, ისჯება თავისუფლების შეზღუდვით 4-დან 5 წლამდე ვადით ან თავისუფლების აღკვეთით 4-დან 8 წლამდე ვადით.

1782209261

ამერიკული აერონავტიკის კორპორაცია SpaceX-ის აქციები ზედიზედ მესამე დღეა დაეცა საინვესტიციო კლასის ობლიგაციების შეთავაზების გამოცხადების შემდეგ.როგორც Bloomberg-ი წერს, SpaceX-ის აქციები 16%-ით დაეცა და აქციაზე 154.60 დოლარამდე ივაჭრება. სამ სესიაზე ჯამურმა კლებამ 23%-ს მიაღწია, რის შედეგადაც აერონავტიკის გიგანტმა საბაზრო ღირებულება 600 მილიარდ დოლარზე მეტით დაკარგა. კომპანიის ამჟამინდელი საბაზრო კაპიტალიზაცია დაახლოებით 2 ტრილიონ დოლარს შეადგენს.საინვესტიციო ბანკმა KeyBanc Capital Markets-მა SpaceX-ის აქციებს ნეიტრალური „შენარჩუნების“ რეიტინგი მიანიჭა და აღნიშნა, რომ კომპანიის მომავალი ზრდის პოტენციალი ხელოვნური ინტელექტის სტარტაპ xAI-თან ინტეგრაციის შედეგად უკვე შეფასებულია მიმდინარე ფასში.

1782207859