2024 წლის IV კვარტალში საქართველოში სამაცივრე მეურნეობებმა 138 მილიონ ლარზე მეტი ღირებულების პროდუქცია გაყიდეს

საკანონმდებლო ცვლილება პოზიტიურად აისახება ქვეყნის უმნიშვნელოვანესი ენერგეტიკული ობიექტის შემდგომ განვითარებასა და სტაბილურ ფუნქციონირებაზე. ცვლილების საფუძველზე, „ენგურჰესისა“ და „ვარდნილჰესების კასკადისთვის“ დადგენილი ტარიფები ხელს შეუწყობს კომპანიის ფინანსურ გაძლიერებასა და მასზე დაკისრებული ვალდებულებების შეუფერხებლად განხორციელებას.სატარიფო რეგულირების პერიოდში „ენგურჰესისა“ და „ვარდნილჰესების კასკადის“ ახალი ტარიფების გავლენა ელექტროენერგიის საბოლოო მოხმარების ტარიფებზე დაბალანსდება „ენგურჰესისა“ და „ვარდნილჰესების კასკადის“ მიერ წარმოებული იაფი ელექტროენერგიის მაქსიმალურად ქვეყნის შიგნით რეალიზაციით. 

1740061836

კორპორაციული მდგრადობის ჯილდოს კონკურსი, გაეროს გლობალური შეთანხმების საქართველოს ქსელის ინიციატივით, საქართველოში წელს მეშვიდედ გაიმართა. ჯილდო განკუთვნილია იმ კომპანიებისთვის, რომელთა საქმიანობა პროგრესულ, თანამედროვე ღირებულებებზე დაფუძნებულ ბიზნესმოდელებს ეყრდნობა და მიზნად ისახავს მდგრადი განვითარების ხელშეწყობას. ღონისძიება წელს განსხვავებული ფორმატით ჩატარდა. ჟიურის მიერ შერჩეული გამარჯვებული კომპანიების წარმომადგენლებმა, დიპლომატიური კორპუსის და საერთაშორისო ორგანიზაციების წევრებთან ერთად, თემატური ნომინაციების ირგვლივ გამართულ პანელურ დისკუსიებში მიიღეს მონაწილეობა. ეკატერინე ქავთარაძე, „თეგეტა ჰოლდინგის“ მთავარი აღმასრულებელი ოფიცერი: „თეგეტაში“ მუდმივად ვცდილობთ, მომხმარებლისთვის მაღალი ხარისხის სერვისის შეთავაზების პარალელურად, მივყვეთ ცვლილებებს მსოფლიო ავტოინდუსტრიაში და დავნერგოთ ისინი ჩვენს ბიზნესსაქმიანობაში. სწორედ ამიტომ ენერგოეფექტურობაზე ზრუნვა „თეგეტა ჰოლდინგისთვის“ ერთ-ერთ პრიორიტეტულ მიმართულებად იქცა. „თეგეტასა“ და „ვოლვოს“ მულტიფუნქციური კომპლექსი სწორედ თანამედროვე ენერგოეფექტური სტანდარტების გათვალისწინებით შეიქმნა. მშენებლობის პროცესში გარემოს დაცვასა და, შესაბამისად, მდგრადი გადაწყვეტილებების მიღებას დიდ მნიშვნელობას ვანიჭებდით. შედეგად ის სრულად ეპასუხება გარემოსდაცვით გამოწვევებს და აერთიანებს ისეთ ძირითად მიმართულებებს, როგორიცაა ელექტრიფიკაცია, ენეგოეფექტურობა და სამშენებლო პროცესის საერთაშორისო სტანდარტებთან სრულად შესაბამისობა. მიღებული ჯილდო გარემოს დაცვაში შეტანილი წვლილისთვის, ეს არის მორიგი აღიარება და დასტური, რომ სწორი მიმართულებით ვდგამთ ნაბიჯებს“.„თეგეტას“ ულტრათანამედროვე, მულტიფუნქციური საავტომობილო კომპლექსი, 1 ჰექტარამდე ტერიტორიაზე „თეგეტა მოტორსისა“ და „ვოლვო ქარ საქართველოს“ სერვისცენტრებს აერთიანებს. მულტიფუნქციურ კომპლექსში დამონტაჟებულია 762 ერთეული მზის პანელი. ობიექტზე განთავსებულია 5 ელექტროდამტენი. შენობებში გამოყენებულია ენერგო და რესურსეფექტიანი პროდუქცია. ობიექტზე დანერგილია სპეციფიკური ნარჩენების სეპარირებული შეგროვება.თათია ხორბალაძე, „თეგეტა ჰოლდინგის“ სტრატეგიული კომუნიკაციების დეპარტამენტის ხელმძღვანელი: „კორპორაციული მდგრადობის თვალსაზრისით ჩვენ თანმიმდევრული, კომპლექსური და თვალსაჩინო მიდგომა გვაქვს, რაც არაერთხელ დამტკიცდა ამ წლების განმავლობაში. მიღებული ჯილდო გარემოს დაცვაში შეტანილი წვლილისთვის, ვფიქრობ, ნათლად ცხადყოფს ჩვენს ძალისხმევას. ჯილდო თვითმიზანი არ არის, თუმცა არის დასტური, რომ კომპანია სწორი მიმართულებით ვითარდება, გარემოსდაცვითი პასუხისმგებლობის ფარგლებში საჭირო ნაბიჯებს ვდგამთ. ადგილობრივი და საერთაშორისო ჟიურის აღიარება კიდევ მეტ მოტივაციას გვაძლევს, რათა მაქსიმალურად გავაფართოოთ ჩვენი ინოვაციური ხედვა“.„თეგეტა ჰოლდინგი“ ყოველდღიურ ბიზნესპროცესებში აქტიურად მოიხმარს განახლებად ენერგიას. საერთაშორისო სტანდარტის, ენერგოეფექტიანი ინფრასტრუქტურული პროექტებით კომპანია ეკოლოგიურად სუფთა და მწვანე საავტომობილო ინდუსტრიის განვითარებას უწყობს ხელს.--თეგეტა ჰოლდინგის შესახებ: უმსხვილესი საავტომობილო კომპანია კავკასიასა და ცენტრალურ აზიაში მომხმარებელს საავტომობილო ეკოსისტემის სრულ სპექტრს სთავაზობს, რაც მსუბუქ, სატვირთო და სამშენებლო, ასევე კომერციულ, სამგზავრო და ინდუსტრიულ ტრანსპორტს მოიცავს. მთელი ქვეყნის მასშტაბით თეგეტას 28 სერვისცენტრი აქვს, ხოლო საერთაშორისო ვაჭრობას ჰოლდინგი ოთხ კონტინენტზე ახორციელებს. თეგეტა ექსკლუზიურად წარმოადგენს ცნობილ ბრენდებს Porsche, Volvo, Toyota, Mazda, Lamborghini, Bentley, Geely, Zeekr,. სატვირთო და სპეცტექნიკის მიმართულებით ჰოლდინგის პარტნიორები არიან ისეთი დიდი ბრენდები, როგორებიცაა: MAN, JCB, HINO, Liebherr, BOMAG და სხვები. თეგეტა მსოფლიოს 300-ზე მეტი წამყვანი საავტომობილო ბრენდის უმსხვილესი იმპორტიორია საქართველოში. თეგეტა ჰოლდინგი, 3000-მდე თანამშრომლით, დღეს საქართველოში ერთ-ერთი უმსხვილესი დამსაქმებელია.

1740058004

შეხვედრიდან გადაღებულ ფოტოზე 58 წლის რიბოლოვლევი რუსეთის საგარეო საქმეთა მინისტრ სერგეი ლავროვთან და პრეზიდენტის მრჩეველთან იური უშაკოვთან ერთადაა რიადში, დირიას სასახლეში, მმართველი საუდის დინასტიის ერთ-ერთ რეზიდენციაში.როლი, რომელიც კრემლმა მიანიჭა რიბოლოვლევს, გაურკვეველია. თუმცა მილიარდერს აშშ-ის პრეზიდენტ დონალდ ტრამპთან პირდაპირი ტრანზაქციების გამოცდილება აქვს. 2008 წელს მან იყიდა ტრამპის პალმ ბიჩის ქონება 95 მილიონ დოლარად, თანხა, რომელიც იმ დროისთვის რეკორდული იყო ფლორიდის უძრავი ქონების ბაზრისთვის. რიბოლოვლევთან გარიგებამ ტრამპს საშუალება მისცა მიეღო დაახლოებით 40 მილიონი დოლარის მოგება, რადგან მან თავად იყიდა სასახლე 41,3 მილიონ დოლარად 2004 წელს.პერმში დაბადებულმა რიბოლოვლევმა თავისი ქონება 1990-იანი წლების პრივატიზაციის დროს მოიპოვა, როდესაც მან კონტროლი აიღო მსოფლიოში კალიუმის ერთ-ერთ უმსხვილეს მწარმოებელ "ურალკალზე". 2011 წელს რიბოლოვლევმა თავისი წილი მიჰყიდა მილიარდერ სულეიმან კერიმოვის საკუთრებაში არსებულ სტრუქტურებს 5 მილიარდ დოლარად, რის შემდეგაც ის შვეიცარიიდან მონაკოში გადავიდა, იყიდა ადგილობრივი საფეხბურთო კლუბი, დაიწყო ფერწერაში ინვესტიცია და უძრავი ქონების გარიგებების დადება. რიბოლოვლევმა იყიდა სახლი ჰავაიზე, რომელიც ეკუთვნოდა მსახიობ უილ სმიტს (20 მილიონ დოლარად), ასევე საბერძნეთში ორი კუნძული, რომლებიც ადრე მილიარდერ არისტოტელე ონასისს ეკუთვნოდა (100 მილიონი დოლარი).რუსეთის მოლაპარაკებების ჯგუფმა, მათ შორის რიბოლოვლევმა, მიიღო ინსტრუქციები კრემლიდან, გამოეჩინა „მაქსიმალური კეთილგანწყობა“ ამერიკული დელეგაციის მიმართ და თუნდაც „კომპლიმენტური დამოკიდებულება“ შეერთებული შტატების და პირადად ტრამპის მიმართ, განუცხადეს წყაროებმა The Moscow Times-ს. მათი თქმით, მოსკოვი იმედოვნებს, რომ ვაშინგტონს შეერთებულ შტატებში დაბლოკილი აქტივების (6 მილიარდი დოლარი) გაყინვისკენ მოუწოდებს, ასევე გააუქმებს სანქციებს და დააბრუნებს ობამას ადმინისტრაციის დროს ჩამორთმეული დიპლომატიურ აგარაკებს.თავად გუნდი, The Moscow Times-ის წყაროების თანახმად, შეიძლება დროთა განმავლობაში გაფართოვდეს, რადგან სამიტი პრეზიდენტის მიერ შეთანხმებულია.

1740057284

აღნიშნული ღონისძიება გლობალური შეთანხმების საქართველოს ქსელის ორგანიზებით და შვედეთის ფინანსური მხარდაჭერით, საქართველოში მეშვიდედ გაიმართა.ინიციატივის  ფარგლებში, გამარჯვებულები გამოვლინდნენ სხვადასხვა კატეგორიებში, მათ შორის: SDG 4 - ხარისხიანი განათლება; SDG 8 - ღირსეული სამუშაო და ეკონომიკური ზრდა; SDG 11 - მდგრადი ქალაქები და დასახლებები; SDG 12 - მდგრადი მოხმარება და წარმოება; SDG 16- მშვიდობა, სამართლიანობა და ძლიერი ინსტიტუტები; SDG 17- პარტნიორობა მდგრადი განვითარებისთვის - პარტნიორული პროექტები/მდგრადი დაფინანსება.„საქართველოს ბანკის კორპორატიული სოციალური პასუხისმგებლობის პრიორიტეტული მიმართულება განათლებაა. შესაბამისად, გლობალური შეთანხმების საქართველოს ქსელის პროგრამის ფარგლებში მიღებული ჯილდო განათლების ხელშეწყობის მიმართულებით ჩვენ მიერ გაღებული ძალისხმევის დაფასებაა, რომელიც გვანახებს, რომ სწორი მიმართულებით მივდივართ და გვიბიძგებს, არ გავჩერდეთ და კიდევ უფრო მეტი პროექტი განვახორციელოთ ხარისხიან განათლებაზე ხელმისაწვდომობის გასაზრდელად. დღეისათვის, CSR-ის პორტფოლიო 40-ზე მეტ საგანმანათლებლო პროექტს ითვლის, რაც ნიშნავს იმას, რომ 500 000-ზე მეტი ახალგაზრდისთვის ვქმნით ხარისხიანი განათლების მიღების, პოტენციალის გამოვლენისა და საკუთარ თავში ახალი უნარების აღმოჩენის  შესაძლებლობას“, - აღნიშნავენ საქართველოს ბანკის გუნდში.ინფორმაციისთვის, ახალგაზრდების მხარდაჭერის მიზნით, საქართველოს ბანკის CSR მიმართულებისთვის უკვე 5 წელზე მეტია განათლება პრიორიტეტია. სწორედ ამიტომ, ბანკი 40-ზე მეტ საგანმანათლებლო პროექტს ახორციელებს და უჭერს მხარს, რითაც 500 000-ზე მეტი მოსწავლისთვის, სტუდენტისა და ახალგაზრდა პროფესიონალისთვის ქმნის განათლების შესაძლებლობას. ბანკის CSR მიმართულების პორტფელი მოიცავს ისეთ საგანმანათლებლო პროექტებს, როგორებიც არის: საქართველოს ბანკის სტიპენდიები; გიორგი ჩახავას სახელობის სტიპენდია; დიდ ბრიტანეთში, აშშ-სა და გერმანიაში სწავლის დაფინანსება; იდეათეკები – საქართველოს ბანკის ბიბლიოთეკების პროექტი; საქართველოს ბანკის ოლიმპიადები მოსწავლეებისთვის: STEM ოლიმპიადა, ეკონომიკის ოლიმპიადა, Kings-ის ფინანსური განათლების ოლიმპიადა, ევერესტი. ამასთან, საჯარო მეტყველების კონკურსი, და სხვა. საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს ganatleba.bog.ge

1740055896

კონკურსი ახალგაზრდებს აძლევს შესაძლებლობას, დაეუფლონ საჯარო მეტყველების ხელოვნებას, აღმოაჩინონ ახალი უნარები და საერთაშორისო კონკურსში მონაწილეობის მისაღებად გაემგზავრონ დიდ ბრიტანეთში.საჯარო მეტყველების კონკურსი 60 ქვეყანას 1 000 000 მონაწილეს აერთიანებსინგლისურ ენაზე მოლაპარაკეთა კავშირი (The English-Speaking Union - ESU) ინგლისური ენის პოპულარიზაციისა და სხვადასხვა ერებს შორის მეგობრული ურთიერთობების დამყარების მიზნით 1918 წელს დაარსდა. ამ მისიის ფარგლებში, ESU ბევრ საინტერესო პროექტს ახორციელებს, მათ შორის გამორჩეულ ადგილს საჯარო მეტყველების კონკურსი იკავებს, რომელიც საქართველოში 1998 წლიდან ტარდება. პროექტის ფინანსური მხარდაჭერა საქართველოს ბანკმა 2012 წლიდან დაიწყო.დღესდღეობით კონკურსში მონაწილე ქვეყნების რაოდენობა 60-ს ითვლის, ხოლო მონაწილეთა რიცხვი კი 1 000 000-ს აღწევს.გამოცდილება, რომელიც ყოველდღიურ ცხოვრებაში გამოგადგებასაჯარო მეტყველების უნარი მხოლოდ პოლიტიკოსებისა და პროფესიონალი ორატორების პრივილეგია არ არის. მსგავსი გამოცდილება ხშირად ყოველდღიურ ცხოვრებაში გვეხმარება - იქნება ეს სოციალური ურთიერთობების დახვეწა, პროფესიული უნარების გამომუშავება, საკუთარი შიშების გადალახვა თუ ახალი ენის სიღრმისეულად შესწავლა. სწორედ ამ შესაძლებლობების შესახებ საუბრობს კონკურსის 2024 წლის გამარჯვებული, ბაჩო უგრეხელიძე.„უნივერსიტეტში ინგლისურ ფილოლოგიას და ფილოსოფიას ვსწავლობ, სამომავლოდაც ვგეგმავ, რომ ინგლისური ლიტერატურის ლექტორი და პროფესორ-მკვლევარი გავხდე. ჩემს პროფესიაში კარგი საჯარო მეტყველება აუცილებელია, სწორედ ამიტომ გადავწყვიტე კონკურსში მონაწილეობაც. როგორი საინტერესოც არ უნდა იყოს სალექციო თემა, აუცილებელია, რომ მისი სწორად გადმოცემა შეძლო და აუდიტორიას არ მოსწყინდეს შენი მოსმენა.“კონკურსში გამარჯვება და მოგზაურობა ინგლისშიბაჩომ კონკურსში მონაწილეობა პირველად 2023 წელს მიიღო, სადაც მეორე ადგილი დაიკავა. მიღებული გამოცდილებისა და შეცდომების გაანალიზების წყალობით, მან მეორე მცდელობაზე გამარჯვება შეძლო და დიდ ბრიტანეთში გაემგზავრა.,,ჟიურის წევრებს ბევრი სხვადასხვა კრიტერიუმი აქვთ - პირველ რიგში, რა თქმა უნდა, დახვეწილი მეტყველება. გარდა ამისა, თავდაჯერებულობა, ჟესტიკულაცია, ზოგადი განათლება, თემის შინაარსი და სტრუქტურა. საბოლოო ეტაპზე, რომელიც ინგლისში იმართება, კონკურენცია გაცილებით მაღალია, რადგან იქ საკუთარ ქვეყნებში გამარჯვებული საუკეთესო მონაწილეები იკრიბებიან. დაძაბულობის მიუხედავად, მაინც არ იყო სტრესული გარემო, რადგან ძალიან კარგად დაგვხვდნენ - დაგვათვალიერებინეს ბევრი საინტერესო ადგილი და საბოლოო ჯამში, კონკურსის პარალელურად ძალიან სასიამოვნო დრო გავატარეთ.”ინდივიდუალობა, როგორც მთავარი იარაღიყველა ადამიანი განსხვავებულია, შესაბამისად, მრავალფეროვანი და თავისებურია მათი გამოსვლის სტილიც. როგორც ბაჩო აღნიშნავს, სწორედ ამ ინდივიდუალობას ეძებენ ჟიურის წევრებიც მონაწილეებში.,,ყველაზე მნიშვნელოვანი რჩევა, რაც შემიძლია სხვა მონაწილეებს მივცე, არის ის, რომ მაქსიმალურად ავთენტურები და გულწრფელები იყვნენ. ჟიური ამას ყოველთვის აკვირდება და სიყალბესაც ადვილად ამჩნევს. ყველაზე ეფექტურია, რომ შენი საკუთარი სტილი იპოვო და კონკურსში მოცემული თემები პირად ინტერესებს დაუკავშირო. როცა გეტყობა, რომ შენ თვითონ გაინტერესებს რაზეც ლაპარაკობ, ეს თემა მით უფრო დააინტერესებს და ჩაითრევს მსმენელსაც.” კონკურსის დეტალებიკონკურსი სამი ეტაპისგან შედგება. პირველ ტურში მონაწილეები წინასწარ მოცემულ თემაზე ამზადებენ ხუთწუთიან პრეზენტაციას. მეორე ეტაპზე გამოსვლას ემატება იმპროვიზაციული ტური. ხოლო ფინალურ ტურში კონკურსანტის გამოსვლას ბრიტანეთის ელჩი, სამინისტროს წარმომადგენლები და სხვა საპატიო სტუმრები აფასებენ.საქართველოს ბანკის მხარდაჭერით, ESU-GEORGIA წელსაც აცხადებს კონკურსს საჯარო მეტყველებაში, რომელშიც მონაწილეობის მიღება 16-დან 20 წლამდე ასაკის ახალგაზრდებს შეუძლიათ. დამატებითი დეტალები ხელმისაწვდომია ვებგვერდზე. ასევე შეგიძლიათ დაუკავშირდეთ მეილზე - britishcornerbc@gmail.comინფორმაციისთვის, ახალგაზრდების მხარდაჭერის მიზნით, საქართველოს ბანკის CSR მიმართულებისთვის უკვე 5 წელზე მეტია განათლება პრიორიტეტია. სწორედ ამიტომ, ბანკი 40-ზე მეტ საგანმანათლებლო პროექტს ახორციელებს და უჭერს მხარს, რითაც 500 000-ზე მეტი მოსწავლისთვის, სტუდენტისა და ახალგაზრდა პროფესიონალისთვის ქმნის განათლების შესაძლებლობას. ბანკის CSR მიმართულების პორტფელი მოიცავს ისეთ საგანმანათლებლო პროექტებს, როგორებიც არის: საქართველოს ბანკის სტიპენდიები; გიორგი ჩახავას სახელობის სტიპენდია; დიდ ბრიტანეთში, აშშ-სა და გერმანიაში სწავლის სრული დაფინანსება; იდეათეკები - საქართველოს ბანკის ბიბლიოთეკების პროექტი; საქართველოს ბანკისა და კომაროვის ერთობლივი პროექტი - STEM სკოლა; საქართველოს ბანკის ოლიმპიადები მოსწავლეებისთვის: STEM ოლიმპიადა, ეკონომიკის ოლიმპიადა, Kings-ის ფინანსური განათლების ოლიმპიადა, ევერესტი. ამასთან, საჯარო მეტყველების კონკურსი, და სხვა. საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს ganatleba.bog.ge

1740054950

საქართველოს სანავთობო ბაზარზე სტაბილური მდგომარეობაა. ქვეყანაში საწვავის დიდი მარაგი არსებობს და თანაც დამატებით პარტიები მალე შემოვა საქართველოში. მარტიდან რუსეთი შემზღუდავი ზომების დაწესებას კვლავ აპირებს, თუმცა როგორც იმპორტიორებისგან ითქვა, ეს საქართველოსთვის პრობლემას არ წარმოადგენს. ექსპერტები კი განსხვავებულად ფიქრობენ და მიიჩნევენ, რომ რუსეთიდან ბენზინის იმპორტის აკძრალვის შემდეგ საწვავი 10-15 თეთრით გაძვირდება.რუსეთის ხელისუფლება და ნავთობმწარმოებლები მიმდინარე კვირას ვიცე-პრემიერ ალექსანდრე ნოვაკთან ჩანიშნულ შეხვედრაზე 1-ლი მარტიდან საავტომობილო ბენზინის ექსპორტის სრული აკრძალვის შესაძლებლობას განიხილავენ.თებერვლის დასაწყისში ფედერალურმა ანტიმონოპოლიურმა სამსახურმა განაცხადა, რომ მწარმოებლებისთვის ბენზინის ექსპორტის ერთი თვის ვადით აკრძალვის ინიცირებისთვის მზად არის. ნოვაკმა ამ ინიციატივის განხილვის პირობა დადო.10-დან 14 თებერვლამდე პერიოდში სანკტ-პეტერბურგის საერთაშორისო სასაქონლო ბირჟაზე საავტომობილო ბენზინისა და დიზელის საწვავის საბითუმო ფასები დაეცა. ეს იმ ფონზე მოხდა, რაც დიდი ნავთობგადამამუშავებელი ქარხნების სამუშაოს აღდგენისა და ბენზინის ექსპორტის შესაძლო აკრძალვის შესახებ ახალმა ამბებმა მყიდველები დაამშვიდა.მიუხედავთ იმისა, რომ საქართველოში რუსეთიდან ბენზინის იმპორტი კვლავ შეიძლება შეიზღუდოს, ეს პრობლემას არ წარმოადგენს. სწორედ ამაზე გაამახვილა ყურადღება ნავთობიმპორტიორთა კავშირის ხელმძღვანელა ვახტანგ იობაშვილმა და განაცხადა, რომ საქართველოს სანავთობო ბაზარზე სტაბილური მდგომარეობაა და ფასების ცვლილება მოსალოდნელი არ არის.„ადგილობრივ ბაზარს არანაირი ცვლილება და დეფიციტი არ ემუქრება. ამას ვაცხადებ სრული პასუხისმგებლობით. ჩვენ საკმაოდ ფართო გეოგრაფია გვაქვს. აქ მხედველობაში მაქვს სანავთობო ქვეყნები და ნავთობპროდუქტების მომწოდებლები. ესენი არიან ევროპული ქვეყნები, ჯერჯერობით არის რუსეთი, ბელორუსი, ბულგარეთი და სხვა.ფასების ცვლილება მოსალოდნელი არ არის. საქმე ისაა, რომ რუსული კომპანიები ბოლო თვეების განმავლობაში ისედაც არ გვაძლევდნენ დაბალ ფასად საწვავს. ფაქტიურად, გათანაბრებული იყო ევროპული და რუსული ბენზინი ღირებულება ერთმანეთთან. საქართველოს არც დეფიციტი და არც ცვლილება არ ემუქრება.დღეს ძალიან სტაბილურია მოწოდება და რეალიზაცია. იმპორტმა და ტრანზიტმა მოიმატა კიდეც ქვეყანაში და კიდევ მეტად მოიმატებს, რადგან ზაფხულისა და თბილი თვეების განმავლობაში ტრანზიტი ყოველთვის უფრო მეტია, ვიდრე ზამთარში.ჩვენ დეფიციტი არასოდეს შეგვექმნება, რადგან საქართველოს ისეთი გეოგრაფიული მდგომარეობა აქვს, რომ არა მხოლოდ ნავთობპროდუქტების, არამედ ნებისმიერი საქონლის მოწოდება არის გაცილებით უფრო მარტივი, ვიდრე სხვა ქვეყნებში. აქედან გამომდინარე, არანაირი უარყოფითი მოლოდინი არ გვაქვს.გეტყვით, რომ საწვავის რაღაც ნაწილი უკვე გზაშია. მარაგი დიდია, ადგილობრივი ბაზარი ახლა გადავსებულია საწვავით", - განუცხადა „რეზონანსს" ვახტანგ იობაშვილმა.რუსეთი საქართველოსთვის ნომერ პირველი საიმპორტო ქვეყანა, საიდანაც საწვავი შემოდის. 2025 წლის იანვარში საქართველომ 107 მილიონი დოლარის ღირებულების 143 ათასი ტონა ნავთობი შეიძინა, რაც წლიურად თანხობრივად 33%-ით გაზრდილი მაჩვენებელია, ხოლო რაოდენობრივად კი საწვავის იმპორტის მოცულობა 45%-ით არის მომატებული.სტატისტიკის თანახმად, იმპორტის ზრდა ძირითადად რუსეთიდან საწვავის შესყიდვის მატებას უკავშირდება, რადგან იქედან ზრდა 49%-ია. მთლიანობაში იანვარში საქართველომ რუსეთიდან 55 მილიონი დოლარის ღირებულების ნავთობპროდუქტები შეიძინა. იმპორტში მეორე პოზიციაზეა რუმინეთი 18 მილიონი დოლარით, მესამეზე კი ბულგარეთი 17 მილიონი დოლარის იმპორტით.რაც შეეხება წინა წლის შედეგებს, 2024 წელს საქართველომ 1.3 მილიარდი დოლარის ღირებულების 1.6 მილიონი ტონა ნავთობი შეიძინა. აქედან 520 მილიონი დოლარის ნავთობი რუსეთიდან, 184 მილიონის - ბულგარეთიდან, 164 მილიონის კი - რუმინეთიდან.ექსპერტები კი ფიქრობენ, რომ რუსეთიდან ბენზინის აკრძალვის შემდეგ საქართველოში საწვავი გაძვირდება. ასეთი ვარაუდი გამოთქვა "რეზონანსთან" საერთაშორისო კვლევებისა და პროგნოზირების ცენტრის ვიცე-პრეზიდენტმა ნიკა შენგელიამ და აღნიშნა, რომ ნავთობპროდუქტები მინიმუმ 10-15 თეთრით გაძვირდება.„რუსეთი მარტში კვლავ აპირებს ბენზინის ექსპორტის შეჩერებას, საქართველოსა და სხვა ქვეყნების მიმართულებით. ეს, რა თქმა უნდა, გამოიწვევს საწვავის გაძვირებას, მინიმუმ 10-15 თეთრით.დღეს საქართველოში საწვავის საკმარისი რაოდენობაა და კონკრეტულად ბენზინზე თუ არის საუბარი, იმპორტიორებს შემოტანილი აქვთ. ჩემი ინფორმაციით, შემოიტანეს დაახლოებით სამი თვის წინ მაღალი ღირებულებით, შემდეგ გაიაფდა, ვერ ყიდიან და მიდიან წაგებაში, ამიტომ როგორც კი რუსეთი მარტში ექსპორტს შეწყვეტს, საქართველოში საწვავი გაძვირდება, ალბათ უფრო აპრილის თვიდან", - განუცხადა „რეზონანსს" ნიკა შენგელიამ.წყარო: resonancedaily.com

1740048001