რუსეთიდან საწვავის მოწოდება ისევ აიკრძალება - დაეტყობა თუ არა ეს საქართველოს ბაზარს?

„ენერგეტიკისა და წყალმომარაგების შესახებ“ კანონში შესული ცვლილებები ელ...

საკანონმდებლო ცვლილება პოზიტიურად აისახება ქვეყნის უმნიშვნელოვანესი ენერგეტიკული ობიექტის შემდგომ განვითარებასა და სტაბილურ ფუნქციონირებაზე. ცვლილების საფუძველზე, „ენგურჰესისა“ და „ვარდნილჰესების კასკადისთვის“ დადგენილი ტარიფები ხელს შეუწყობს კომპანიის ფინანსურ გაძლიერებასა და მასზე დაკისრებული ვალდებულებების შეუფერხებლად განხორციელებას.სატარიფო რეგულირების პერიოდში „ენგურჰესისა“ და „ვარდნილჰესების კასკადის“ ახალი ტარიფების გავლენა ელექტროენერგიის საბოლოო მოხმარების ტარიფებზე დაბალანსდება „ენგურჰესისა“ და „ვარდნილჰესების კასკადის“ მიერ წარმოებული იაფი ელექტროენერგიის მაქსიმალურად ქვეყნის შიგნით რეალიზაციით. 

რუსეთიდან საწვავის მოწოდება ისევ აიკრძალება - დაეტყობა თუ არა ეს საქარ...

საქართველოს სანავთობო ბაზარზე სტაბილური მდგომარეობაა. ქვეყანაში საწვავის დიდი მარაგი არსებობს და თანაც დამატებით პარტიები მალე შემოვა საქართველოში. მარტიდან რუსეთი შემზღუდავი ზომების დაწესებას კვლავ აპირებს, თუმცა როგორც იმპორტიორებისგან ითქვა, ეს საქართველოსთვის პრობლემას არ წარმოადგენს. ექსპერტები კი განსხვავებულად ფიქრობენ და მიიჩნევენ, რომ რუსეთიდან ბენზინის იმპორტის აკძრალვის შემდეგ საწვავი 10-15 თეთრით გაძვირდება.რუსეთის ხელისუფლება და ნავთობმწარმოებლები მიმდინარე კვირას ვიცე-პრემიერ ალექსანდრე ნოვაკთან ჩანიშნულ შეხვედრაზე 1-ლი მარტიდან საავტომობილო ბენზინის ექსპორტის სრული აკრძალვის შესაძლებლობას განიხილავენ.თებერვლის დასაწყისში ფედერალურმა ანტიმონოპოლიურმა სამსახურმა განაცხადა, რომ მწარმოებლებისთვის ბენზინის ექსპორტის ერთი თვის ვადით აკრძალვის ინიცირებისთვის მზად არის. ნოვაკმა ამ ინიციატივის განხილვის პირობა დადო.10-დან 14 თებერვლამდე პერიოდში სანკტ-პეტერბურგის საერთაშორისო სასაქონლო ბირჟაზე საავტომობილო ბენზინისა და დიზელის საწვავის საბითუმო ფასები დაეცა. ეს იმ ფონზე მოხდა, რაც დიდი ნავთობგადამამუშავებელი ქარხნების სამუშაოს აღდგენისა და ბენზინის ექსპორტის შესაძლო აკრძალვის შესახებ ახალმა ამბებმა მყიდველები დაამშვიდა.მიუხედავთ იმისა, რომ საქართველოში რუსეთიდან ბენზინის იმპორტი კვლავ შეიძლება შეიზღუდოს, ეს პრობლემას არ წარმოადგენს. სწორედ ამაზე გაამახვილა ყურადღება ნავთობიმპორტიორთა კავშირის ხელმძღვანელა ვახტანგ იობაშვილმა და განაცხადა, რომ საქართველოს სანავთობო ბაზარზე სტაბილური მდგომარეობაა და ფასების ცვლილება მოსალოდნელი არ არის.„ადგილობრივ ბაზარს არანაირი ცვლილება და დეფიციტი არ ემუქრება. ამას ვაცხადებ სრული პასუხისმგებლობით. ჩვენ საკმაოდ ფართო გეოგრაფია გვაქვს. აქ მხედველობაში მაქვს სანავთობო ქვეყნები და ნავთობპროდუქტების მომწოდებლები. ესენი არიან ევროპული ქვეყნები, ჯერჯერობით არის რუსეთი, ბელორუსი, ბულგარეთი და სხვა.ფასების ცვლილება მოსალოდნელი არ არის. საქმე ისაა, რომ რუსული კომპანიები ბოლო თვეების განმავლობაში ისედაც არ გვაძლევდნენ დაბალ ფასად საწვავს. ფაქტიურად, გათანაბრებული იყო ევროპული და რუსული ბენზინი ღირებულება ერთმანეთთან. საქართველოს არც დეფიციტი და არც ცვლილება არ ემუქრება.დღეს ძალიან სტაბილურია მოწოდება და რეალიზაცია. იმპორტმა და ტრანზიტმა მოიმატა კიდეც ქვეყანაში და კიდევ მეტად მოიმატებს, რადგან ზაფხულისა და თბილი თვეების განმავლობაში ტრანზიტი ყოველთვის უფრო მეტია, ვიდრე ზამთარში.ჩვენ დეფიციტი არასოდეს შეგვექმნება, რადგან საქართველოს ისეთი გეოგრაფიული მდგომარეობა აქვს, რომ არა მხოლოდ ნავთობპროდუქტების, არამედ ნებისმიერი საქონლის მოწოდება არის გაცილებით უფრო მარტივი, ვიდრე სხვა ქვეყნებში. აქედან გამომდინარე, არანაირი უარყოფითი მოლოდინი არ გვაქვს.გეტყვით, რომ საწვავის რაღაც ნაწილი უკვე გზაშია. მარაგი დიდია, ადგილობრივი ბაზარი ახლა გადავსებულია საწვავით", - განუცხადა „რეზონანსს" ვახტანგ იობაშვილმა.რუსეთი საქართველოსთვის ნომერ პირველი საიმპორტო ქვეყანა, საიდანაც საწვავი შემოდის. 2025 წლის იანვარში საქართველომ 107 მილიონი დოლარის ღირებულების 143 ათასი ტონა ნავთობი შეიძინა, რაც წლიურად თანხობრივად 33%-ით გაზრდილი მაჩვენებელია, ხოლო რაოდენობრივად კი საწვავის იმპორტის მოცულობა 45%-ით არის მომატებული.სტატისტიკის თანახმად, იმპორტის ზრდა ძირითადად რუსეთიდან საწვავის შესყიდვის მატებას უკავშირდება, რადგან იქედან ზრდა 49%-ია. მთლიანობაში იანვარში საქართველომ რუსეთიდან 55 მილიონი დოლარის ღირებულების ნავთობპროდუქტები შეიძინა. იმპორტში მეორე პოზიციაზეა რუმინეთი 18 მილიონი დოლარით, მესამეზე კი ბულგარეთი 17 მილიონი დოლარის იმპორტით.რაც შეეხება წინა წლის შედეგებს, 2024 წელს საქართველომ 1.3 მილიარდი დოლარის ღირებულების 1.6 მილიონი ტონა ნავთობი შეიძინა. აქედან 520 მილიონი დოლარის ნავთობი რუსეთიდან, 184 მილიონის - ბულგარეთიდან, 164 მილიონის კი - რუმინეთიდან.ექსპერტები კი ფიქრობენ, რომ რუსეთიდან ბენზინის აკრძალვის შემდეგ საქართველოში საწვავი გაძვირდება. ასეთი ვარაუდი გამოთქვა "რეზონანსთან" საერთაშორისო კვლევებისა და პროგნოზირების ცენტრის ვიცე-პრეზიდენტმა ნიკა შენგელიამ და აღნიშნა, რომ ნავთობპროდუქტები მინიმუმ 10-15 თეთრით გაძვირდება.„რუსეთი მარტში კვლავ აპირებს ბენზინის ექსპორტის შეჩერებას, საქართველოსა და სხვა ქვეყნების მიმართულებით. ეს, რა თქმა უნდა, გამოიწვევს საწვავის გაძვირებას, მინიმუმ 10-15 თეთრით.დღეს საქართველოში საწვავის საკმარისი რაოდენობაა და კონკრეტულად ბენზინზე თუ არის საუბარი, იმპორტიორებს შემოტანილი აქვთ. ჩემი ინფორმაციით, შემოიტანეს დაახლოებით სამი თვის წინ მაღალი ღირებულებით, შემდეგ გაიაფდა, ვერ ყიდიან და მიდიან წაგებაში, ამიტომ როგორც კი რუსეთი მარტში ექსპორტს შეწყვეტს, საქართველოში საწვავი გაძვირდება, ალბათ უფრო აპრილის თვიდან", - განუცხადა „რეზონანსს" ნიკა შენგელიამ.წყარო: resonancedaily.com

რატომ მიიღეს მომხმარებლებმა გაზის გაზრდილი გადასახადი?

მისი თქმით, მოქალაქეები ენერგოომბუდსმენს დენისა და წყლის საკითხში მიმწოდებელთან დაკავშირებული პრობლემებით, გაზის შემთხვევაში კი მეტი გადასახადის გამო მიმართავენ.სეზონიდან გამომდინარე, აქტუალური ბუნებრივი აირის საკითხი. მომხმარებელთა ნაწილმა გაზრდილი გადასახადის გამო განაცხადი უკვე დააფიქსირა. ენერგოომბუდსმენმა ჩაატარა მოკვლევა და დაადგინა რამდენიმე მიზეზი, რამაც აღნიშნული განაპირობა.„მომხმარებლებს ჰქონდათ წარმოდგენა, რომ ბუნებრივი აირის მეტი გადასახადი იყო გამოწვეული გაზის ტარიფების ზრდით. ეს გამოვრიცხეთ იმიტომ რომ ბუნებრივი გაზის ტარიფი არ გაზრდილა და გადასახადი მომხმარებელს ძველი ტარიფით ერიცხებათ. მოქალაქეთა მომართვის შემდეგ დავიწყეთ მოკვლევა იმისა, თუ რა გახდა მიზეზი გაზრდილი გადასახადების.იანვარი ყოველთვის გამოირჩევა ხოლმე მრავალი დღესასწაულით, ამიტომ იმ მოქალაქეებს, რომლებიც ამ პერიოდში სახლში იმყოფებიან, მეტი მოსდით გადასახადი. ამას ემატება ისიც, თუკი კომპანიამ რამდენიმე დღით გვიან აიღო ჩვენება და 30-დღიანი პერიოდი ირღვევა. ეს ფაქტორები გარკვეულ ეტაპზე გაზრდილ გადასახადებს იწვევს“, - აღნიშნავს გულეიშვილი.მანვე აღნიშნა, რომ ცალკეულ შემთხვევებში საჭირო გახდა ინდივიდუალური მოკვლევა. რიგ შემთხვევებში გამოვლინდა, რომ დაზიანებული იყო გაზის მრიცხველები.„გვქონდა რამდენიმე ცალკეული შემთხვევა, როცა ინდივიდუალური შესწავლა დავიწყეთ და ვნახეთ რომ მრიცხველი, რომლითაც ხდებოდა დარიცხვა, იყო დაზიანებული. ლაბორატორიული დასკვნით დადასტურდა, რომ მრიცხველი იყო უვარგისი მოხმარებისთვის. ცალკეულ შემთხვევებში დაფიქსირდა აღრიცხვიანობის მოშლაც.თუმცა, არის შემთხვევები, რომლებიც შევისწავლეთ და არ დადასტურდა მრიცხველის ცდომილება. იქ აღრიცხვიანობა იყო 2-3 დღიანი დაგვიანებით, შესაბამისად, გადასახადის დაკორექტირების საშუალება არ გვაქვს. როდესაც მრიცხველია დაზიანებული, ვმსჯელობთ დაკორექტირებაზე, თუმცა, ჯერ ეს საკითხი დასრულებული არ გვაქვს“, - განაცხადა ნინო გულეიშვილმა.წყარო www.bpn.ge

გენადი არველაძე: საქართველოსთვის ენერგეტიკული გაერთიანების თავმჯდომარე...

ღონისძიება ეკონომიკისა და მდგრადი განვითარების მინისტრის მოადგილე გენადი არველაძის გამოსვლით გაიხსნა.„საქართველო ენერგეტიკული გაერთიანების თავმჯდომარეობას იწყებს. ეს არა მხოლოდ პასუხისმგებლობაა, არამედ შესაძლებლობა, წავახალისოთ რეგიონული თანამშრომლობა, გავაძლიეროთ ენერგეტიკული უსაფრთხოება და წინ წავწიოთ მწვანე ენერგეტიკაზე გადასვლის პროცესი“, – განაცხადა ეკონომიკისა და მდგრადი განვითარების მინისტრის მოადგილემ.თავის გამოსვლაში გენადი არველაძემ აქცენტი იმ მიმართულებებზე გააკეთა, რომელთაც საქართველოს თავმჯდომარეობისას განსაკუთრებული ყურადღება მიექცევა. მათ შორისაა ენერგოეფექტურობა, საკანონმდებლო დაახლოება ევროკავშირის ენერგეტიკულ რეგულაციებთან და ენერგოუსაფრთხოება. როგორც გენადი არველაძემ აღნიშნა, ენერგეტიკა მხოლოდ სექტორი არ არის – ეს არის ეკონომიკური სტაბილურობის, ინვესტიციების და რეგიონული თანამშრომლობის საფუძველი.„ჩვენი ერთგულება ენერგეტიკული სექტორის მოდერნიზების, ევროპულ სტანდარტებთან შესაბამისობისა და რეგიონული თანამშრომლობის ხელშეწყობის მიმართ ურყევი რჩება. 2024 წელს ჩვენ ქვეყნის ელექტროენერგეტიკული ბაზრის სამიზნე მოდელისკენ მნიშვნელოვანი ნაბიჯი გადავდგით – ავამოქმედეთ დღით ადრე და დღიური ბაზრები, რაც ელექტროენერგიის კონკურენტული ბაზარზე უმტკივნეულოდ გადასვლის საფუძველს ქმნის“, – აღნიშნა მინისტრის მოადგილემ.გენადი არველაძემ გაერთიანების წევრებს ასევე ინფორმაცია მიაწოდა საქართველოს ენერგეტიკის სექტორში მიმდინარე პროექტებზე, განსაკუთრებული აქცენტი შავი ზღვის წყალქვეშა კაბელის პროექტზე გაკეთდა. მისი თქმით, პროექტი მნიშვნელოვან წვლილს შეიტანს საქართველოს და მთლიანად სამხრეთ კავკასიის რეგიონის ევროპის ენერგოსისტემასთან ინტეგრაციის პროცესში, მისი განხორციელების კუთხით მუშაობა მონაწილე ქვეყნების ჩართულობით აქტიურად მიმდინარეობს.საზეიმო მიღების მონაწილეებს მიესალმა ენერგეტიკული გაერთიანების დირექტორი არტურ ლორკოვსკი, რომელმაც დადებითად შეაფასა საქართველოს მიერ ბოლო წლებში განხორციელებული რეფორმები ენერგეტიკის სექტორში და აღნიშნა ქვეყნის ლიდერი პოზიცია გაერთიანების სხვა წევრ სახელმწიფოებს შორის ენერგეტიკული რეფორმების გატარების კუთხით.მიღებას ასევე დაესწრო საქართველოს საქმეთა დროებითი რწმუნებული ავსტრიის რესპუბლიკაში ალექსანდრე მაისურაძე.საზეიმო მიღება დასრულდა ქართული ხალხური სიმღერებით, რომლებიც შეასრულა ავსტრიულმა ტრიომ „მეგობრები დუნაიზე“, რომელიც ქართულ ხალხურ სიმღერებს 2014 წლიდან ასრულებს.ენერგეტიკული გაერთიანება საერთაშორისო ორგანიზაციაა, რომელიც უზრუნველყოფს ევროკავშირისა და წევრი ქვეყნების ურთიერთთანამშრომლობას ენერგეტიკული უსაფრთხოების, ენერგეტიკული მდგრადობისა და გარემოსდაცვითი მიზნების მიღწევის კუთხით. საქართველომ, რომელიც ორგანიზაციაში 2017 წელს გაწევრიანდა, პირველად ჩაიბარა მისი თავმჯდომარეობა. აღსანიშნავია, რომ წელს ორგანიზაციის არსებობის 20 წლის იუბილე აღინიშნება.

„დაფინანსების შეჩერება აისახება ენერგეტიკაზეც - USAID-მა ბევრ ოჯახსა დ...

მისი თქმით, USAID-ის მიერ ენერგეტიკული კუთხით გაწეული დახმარება ძირითადად მიმართული იყო ქარისა და მზის მცირე სიმძლავრის სადგურების მშენებლობისკენ.„USAID უამრავი პროგრამის შექმნაში გვეხმარებოდა, USAID-მა საქართველოში გაატარა ძალიან ბევრი ენერგოეფექტურობის პროგრამა. ასევე, USAID-მა გააკეთა ბევრი მზისა და ქარის მცირე სიმძლავრის დანადგარები ოჯახებისთვის, მონასტრებისთვის და ა.შ. თუმცა, განახლებადი ენერგიის მსხვილი პროექტები ჩვენთან არ არის განხორციელებული და არ მაქვს ინფორმაცია, მათი საშუალებით რომელიმე თუ გაკეთდა“, - ამბობს არაბიძე.როგორც არაბიძე აღნიშნავს, USAID-ის პროგრამები საქართველოში არ იყო მხოლოდ ინფრასტრუქტურული და მოიცავდა როგორც სწავლებებსა და გადამზადებებს, ისე სტრუქტურულ ცვლილებებსა და მათ შორის სამთავრობო ღონისძიებებსაც.„დაფინანსების შეწყვეტა და შეჩერება გარკვეულ პრობლემებს შექმნის, რადგან ბევრი პროექტი ფინანსდებოდა USAID-ის მიერ საქართველოში. ეს არ იყო მხოლოდ ბეტონის ჩასხმა და ბოძის დადგმა, აქ იყო სტრუქტურული ცვლილება, სამთავრობო ღონისძიებები, გადამზადებები და სწავლებები. ბუნებრივია, ეს ყოველივე იმოქმედებს საქართველოს ენერგეტიკულ სისტემაზე, ეფექტი დამოკიდებულია იმაზე, თუ რა იყო დაგეგმილი მომდევნო წლებში“, - განაცხადა გია არაბიძემ.შეგახსენებთ, რომ აშშ-ს 47-ე პრეზიდენტის დონალდ ტრამპის გადაწყვეტილებით, 20 იანვრიდან საგარეო განვითარების დახმარება 90 დღით შეჩერდა. გადაწყვეტილების მიზეზად სახელდება ის, რომ აშშ-ს საგარეო დახმარების ინდუსტრია და ბიუროკრატია არ არის თანხვედრაში ქვეყნის ინტერესებთან. დაფინანსება შეჩერებულია 90 დღით, თუმცა უცნობია, ვადის ამოწურვის შემდეგ იქამდე დაგეგმილი პროექტები გაგრძელდება თუ არა.რაც შეეხება საქართველოს, ვრცელია იმ მიმართულებების ჩამონათვალი, რა კუთხითაც USAID-ი ქვეყანას ფინანსურ და ტექნიკურ დახმარებას უწევდა. ეს იყო მაგალითად, განათლება, ლოგისტიკა, ტრანსპორტი, სოფლის მეურნეობა, კიბერუსაფრთხოება და მათ შორის ენერგეტიკა. ამ ფონზე კი პრემიერ-მინისტრმა ირაკლი კობახიძე იმედს გამოთქვამს, რომ საქართველოსთვის ეს დახმარება არც 90 დღის შემდეგ გაგრძელდება.BPN.GE