საქართველოს ბიზნეს ასოციაციში საერთაშორისო სავალუტო ფონდის (IMF) მისიასთან ქვეყანაში არსებული ბიზნესგარემო და საინვესტიციო პოტენციალი განიხილეს

შეხვედრაზე მხარეებმა სამომავლო თანამშრომლობის შესაძლებლობები განიხილეს.სოლომონ პავლიაშვილმა მადლობა გადაუხადა მსოფლიო ბანკს სოფლის მეურნეობის და გარემოს დაცვის მიმართულებებით წლების განმავლობაში გაწეული დახმარებისთვის და ყურადღება ნარჩენების მართვის საკითხებზე მხარდაჭერის მნიშვნელობაზე გაამახვილა.„ნარჩენების სწორი მართვა ერთ-ერთი პრიორიტეტული მიმართულებაა. ქვეყანაში მოქმედებს ნარჩენების მართვის კოდექსი, შემუშავებულია სტრატეგია და ეროვნული გეგმა. საქართველო მიერთებულია მაღალი ამბიციის კოალიციასა და „ნულოვანი ნარჩენის“ ინიციატივას. ამ ეტაპზე, ერთ-ერთ გამოწვევას  ნარჩენების განთავსების ახალი ობიექტების მოწყობა წარმოადგენს, სადაც საერთაშორისო პარტნიორების მხარდაჭერა განსაკუთრებულად მნიშვნელოვანია“, - განაცხადა სოლომონ პავლიაშვილმა.მინისტრის მოადგილის განცხადებით, ეტაპობრივად იწურება არსებული ნაგავსაყრელების ფუნქციონირების ვადა, შესაბამისად, ახალი, თანამედროვე სტანდარტების არასახიფათო ნარჩენების განთავსების ობიექტების მოწყობა კრიტიკულ საჭიროებას წარმოადგენს.როლანდ პრაისის განცხადებით, მსოფლიო ბანკი მზად არის მხარი დაუჭიროს და ხელი შეუწყოს ქვეყანაში  პრიორიტეტული მიმართულებების განვითარებას.გარემოს დაცვისა და სოფლის მეურნეობის სამინისტროში გამართულ შეხვედრას სამინისტროს შესაბამისი უწყების და სამსახურების ხელმძღვანელი პირები ესწრებოდნენ.

1774950834

„მტკვრის მარცხენა ნაპირიდან უფლისციხე იყურება გამოთხრილი თვალებით“.ასეთი ლამაზი და შემზარავი მეტაფორით ჩნდება უფლისციხე გურამ რჩეულიშვილის მოთხრობაში „უსახელო უფლისციხელი“.გურამ რჩეულიშვილი მარად ახალგაზრდა მწერალი იყო - თაობის კერპი, კაცი, რომელმაც სოცრეალიზმის ხანგრძლივი ბატონობის შემდეგ, ქართულ ლიტერატურაში რეალური დრო და ნამდვილი ადამიანი შემოიყვანა - თავისი გრძნობებით, ტკივილით, სიყვარულით. მისი ახალგაზრდული და მართალი ხმა ზარივით გაისმა ორმოცდაათიანი წლების ბოლოს.ისტორიულ მოთხრობებს რჩეულიშვილი ნაკლებად წერდა. მაგრამ ერთხელ ეს მოუსვენარი კაცი ქვახვრელის სადგურზე ჩამოვიდა მატარებლიდან და უფლისციხე მოინახულა. ადგილი მოთხრობის შთაგონება გახდა და დაიბადა „უსახელო უფლისციხელი" - პატარა მოთხრობა, რომელიც ზმანებას გავს და სიუჟეტი პირდაპირ მკითხველის თვალწინ იბადება.მოთხრობაში ნარკვევის დასაწერად მთხრობელი ქვაში ნაკვეთ ნაქალაქარს სტუმრობს. გამგზავრებამდე ისტორიულ წყაროებს ეცნობა, ემზადება. მერე კი დიდხანს დახეტიალობს ძეგლზე - ათვალიერებს ელინისტური პერიოდის ჩუქურთმებს. იცის, რომ აქაურობამ არაბების და სხვათა შემოსევებს გაუძლო.მთხრობელი კითხვას სვამს: როგორ შეიძლება, რომ ისტორიას მეფეების და მხედართმთავრების გარდა, არცერთი ჩვეულებრივი ადამიანის სახელი არ შემორჩა? რატომ არ მოვიდა ჩვენამდე გლეხი კაცის გმირობის არცერთი ამბავი? ეს პირდაფჩენილი სიცარიელე უსამართლოდ ეჩვენება და მის ამოვსებას თავად ლამობს. იგონებს უსახელო გმირს და მის გმირობაზე გვიამბობს.უფლისციხეს მტერია მომდგარი. მტრის მხედართმთავარი სიმაგრეზე იერიშისთვის ემზადება და არ იცის, რომ მასთან მყოფი უენო მონა სწორედ სწორედ აქაურია - უფლისციხელია. ტყვეობაში გატარებული წლების შემდეგ მონა სამშობლოში მოხვდა და ახლა, რადაც არ უნდა დაუჯდეს, სამშობლოს მხსნელი უნდა გახდეს.ყინვიან ღამით მონა ბანაკიდან იპარება, რათა თავისიანებს მტრის გეგმა შეატყობინოს. მთელი ღამე მიხოხავს გაჭრილ თხრილში, ხელ-ფეხი ეყინება, მაგრამ მაინც ასწრებს ზმუილითა და სხეულის ენით ციხე-ქალაქის მცველების გაფრთხილებას. ქალაქი გადარჩება. მტერი მარცხდება.დილით მზე გამოდის და ციხისთავი ვამეხი გამარჯვებას ზეიმობს. ჩვენ ისევ გამარჯვებული დიდებულის სახელი ვიცით და ნამდვილი გმირი ისევ უსახელოდ რჩება.უფლისციხის კედლებზე ჯოჯოები დაცოცავენ. იქნებ წარსულის მეციხვნეთა სული ჩასახლებულა მათში...უფლისციხიდან ატენის სიონამდე მცირე მანძილია. ოღონდ ეს ორი ადგილი ერთმანეთს სულ არ ჰგავს. გამოქვაბულების ქალაქი მუდამ ქარიანი მტკვრის განიერ ხეობაში მდებარეობს. მეშვიდე საუკუნის ეკლესია კი ატენის ვიწრო და მყუდრო ხეობაში, პატარა მდინარე ტანას ნაპირასაა კლდეზე დასკუპებული. ტანა რაკრაკით მოედინება, მის ნაპირზე ძველი წისქვილი დგას. კიდევ ფერდობზე შეფენილი ვენახები…ეს ადგილიც შთაგონებაა, დიდი და დაუფასებელი პოეტი ნიკო სამადაშვილის, რომელსაც სიცოცხლეში ერთი ლექსის გამოქვეყნებაც არ ღირსებია.სამადაშვილი ატენის სიონით მოჯადოებული ქართლელი კაცი იყო. მის „ატენის სიონში“ ეკლესიის კედელზე გამოსახული ირმებისთვისაც მოინახა ადგილი. მეტიც, პოეტმა მიწის პატარა ნაგლეჯზე მთელი ამქვეყნიური და იმქვეყნიური სამყარო დაატია. „ქრისტემ ბავშვობა აქ გაატარა და ღვთისმშობელი უგვიდა ეზოს..." პატარა მდინარე ტანა კი ამ ორი სამყაროს საზღვარი გახადა…ამ პატარა ლექსში ყველაფერია დატეული - მოუსვენრობაც, შფოთიც, მყუდროებაც, მარადისობაც. თავზე კი ატენის სიონს ჩრჩილის დაჭმული ცა ადგას.გურამ რჩეულიშვილი საკუთარი თაობის გამორჩეული კაცი იყო - ადვილად დასანახი და გამოსარჩევი. დღესაც იტყვი სახელ „გურამს“ და გვარიც რომ არ დააყოლო, ბევრი მიხვდება, ვინ არის საქართველოს მთავარი გურამი.ნიკო სამადაშვილმა ცხოვრება შეუმჩნევლად გაატარა - ბუღალტრის ტყავში გადაცმულმა. სიკვდილის წინ მეგობარს ეუბნებოდა, მთელი ცხოვრება კაცურად ვიცხოვრე და ერთი დღე არ მიცხოვრია ისე, ადამიანად რომ მეგრძნო თავიო...ისინი ერთი წლის ინტერვალით გარდაიცვალნენ - ერთი სრულიად ახალგაზრდა, მეორე კი - სამოცსმიტანებული.ორივე მათგანის მემკვიდრეობა საგანძურია ჩვენი, ისევე როგორც უფლისციხე და ატენის სიონი, ოდესღაც მათი შთაგონებები რომ გახდნენ.

1774949460

საქართველო ჟურნალის ყდაზეა წარმოდგენილი და ეთმობა ერთი სრული სარეკლამო გვერდი, რაც განსაკუთრებით მნიშვნელოვანია როგორც ამერიკის სტრატეგიულ, ისე ღვინის გლობალურ ბაზარზე ქართული ღვინის პოპულარიზაციისა და ცნობადობის ზრდისთვის. ჟურნალის ონლაინ ვერსია თებერვალში გახდა ხელმისაწვდომი. აღნიშნულ ჟურნალში ქართული ღვინის შესახებ სტატია, ბოლო 14 წლის განმავლობაში, პირველად დაიბეჭდა.პირველი სტატია „საქართველო ყურადღების ცენტრში“, რომლის ავტორია ჟურნალის უფროსი რედაქტორი ჯეიმს მოლსვორთი, ქართული ღვინის მიმოხილვას მიეძღვნა. „ქართული ღვინოები ახალ ეტაპს გადიან. აღმოსავლეთ ევროპის ქვეყანა, ღვინის სამშობლო 8000 წლიანი ღვინის კულტურით, ტურიზმის მნიშვნელოვანი ზრდით სარგებლობს, ხოლო მისი ადგილობრივი ყურძნის ჯიშების ფართო ასორტიმენტი, გამორჩეული მეღვინეობის სტილი და გულიანი სამზარეულო ნაყოფიერ ნიადაგს ქმნის თავგადასავლების მოყვარულთათვის“, - აღნიშნულია სტატიაში.სტატიაში ასევე საუბარია EMMY-ის მფლობელი მრავალენოვანი სერიალ DROPS OF GOD-ის მეორე სეზონზე, სადაც ქართული ღვინო ყურადღების ცენტრშია. მეორე სტატია სათაურით „სუფრა“ ქართულ სუფრასა და გასტრონომიას მიეძღვნა. სტატიის ავტორი ჯულია ლარსონი ყურადღებას ამახვილებს ქართულ სამზარეულოსა და კერძებზე, ასევე, სუფრის ტრადიციაზე და მის კულტურულ მნიშვნელობაზე.  მესამე სტატიაში წარმოდგენილია ქართული ღვინოების შეფასებები. ჯეიმს მოლსვორთმა დეგუსტაციისთვის 23 მწარმოებლის 56 ქართული ღვინო შეარჩია, საიდანაც უმაღლესი შეფასება - 93 ქულა „ხიხვი კახეთი 2023“-მა (ანდრის ღვინო)  მიიღო. ჯამში, 18-მა ღვინომ Wine Spectator-ის 100-ქულიანი შეფასების სისტემიდან 90 ან მეტი ქულა მიიღო, რაც საკმაოდ მაღალი შეფასებაა. Wine Spectator-ი 1976 წლიდან გამოდის და ამერიკული ღვინის მიმართულებისა და ცხოვრების სტილის ერთ-ერთ ყველაზე გავლენიან და პოპულარულ გამოცემად მიიჩნევა ღვინის ენთუზიასტებსა და პროფესიონალებში. მისი ბეჭდური ტირაჟი 400 ათასს აღწევს, ხოლო ონლაინ გამოცემებისა და სხვადასხვა პლატფორმების ჩათვლით, მკითხველთა რაოდენობა 3 მილიონამდეა.

1774947503

შეხვედრაზე სიღრმისეულად მიმოიხილეს ქვეყანაში არსებული ბიზნესგარემო, კერძო სექტორის განწყობები და მოლოდინები, რის ფონზეც განსაკუთრებული აქცენტი პირდაპირი უცხოური ინვესტიციების მოზიდვის დინამიკასა და ამ მიმართულებით არსებულ პერსპექტივებზე გაკეთდა. დისკუსიის მნიშვნელოვანი ნაწილი დაეთმო გლობალურ ბაზრებზე საწვავისა და სასუქების ფასების ცვალებადობის ანალიზს, რაც პირდაპირ გავლენას ახდენს როგორც სოფლის მეურნეობის სექტორზე, ისე მთლიანად კერძო სექტორის საოპერაციო ხარჯებზე. შეხვედრაზე, საუბარი ასევე შეეხო, სასურსათო რეფორმისა და საავტომობილო ბიზნესში დაგეგმილი საკანონმდებლო ცვლილებების მნიშვნელობას.საქართველოს ბიზნეს ასოციაციის აღმასრულებელმა დირექტორმა ლევან ვეფხვაძემ მისიის წარმომადგენლობას BAG ინდექსის პირველი კვარტალის შედეგები გააცნო, რომელიც უახლოეს პერიოდში გახდება ცნობილი და გამოქვეყნდება.„საქართველოს ბიზნეს ასოციაცია დღიდან დაფუძნებისა აქტიურად თანამშრომლობს საერთაშორისო საფინანსო ორგანიზაციებთან, რომელთა შორის სავალუტო ფონდს გამორჩეული ადგილი უკავია. ჩვენთვის პატივია, რომ ფონდის მისია ვიზიტის დროს გამოთქვამს სურვილს ესტუმროს საქართველოს ბიზნეს ასოციაციას და მოისმინოს ბიზნესში არსებული განწყობები და შეფასებები. ამჯერადაც, საერთაშორისო სავალუტო ფონდის მისიასთან განვიხილეთ ქვეყნის ეკონომიკური პარამეტრები და მიმდინარე გამოწვევები, რომელიც გავლენას ახდენს როგორც ბიზნეს სექტორზე, ასევე ზოგადად ქვეყნის ეკონომიკურ განვითარებაზე“, - განაცხადა საქართველოს ბიზნეს ასოციაციის აღმასრულებელმა დირექტორმა ლევან ვეფხვაძემ.

1774945640

კამპანიის ფარგლებში, მომხმარებლებს დახვდებათ განსაკუთრებული ფასდაკლებები წამყვანი პარტნიორი ობიექტებისგან. მათ შორის, Wolt Market-ში ხელმისაწვდომი იქნება 40%-მდე ფასდაკლებები ყველაზე მოთხოვნად სააღდგომო პროდუქტებზე, როგორიცაა კვერცხი, პასკა, ჩაქაფულის ინგრედიენტები და სხვა ყოველდღიური პროდუქცია. Wolt Market-ში აცხადებენ, რომ სააღდგომოდ ისინი მომხმარებლებს ქალაქში საუკეთესო ფასებს შეთავაზებენ შესაბამის კატეგორიებზე.გარდა ამისა, სპეციალური შეთავაზებები იმოქმედებს ისეთ პარტნიორებთან, როგორებიც არიან Carrefour და Europroduct, სადაც მომხმარებლებს ელოდებათ 50%-მდე ფასდაკლებები სხვადასხვა პროდუქტზე.სააღდგომო სამზადისისთვის მოდი უბრალოდ ვოლტი - ამ ქუდის ქვეშ ერთიანდება სააღდგომო შეთავაზებები Wolt-ის პლატფორმაზე. აქ მომხმარებლებს დახვდება დამატებითი შეთავაზებები სხვა პარტნიორებისგან, რაც საშუალებას აძლევს მათ, ერთ სივრცეში იპოვონ ყველაფერი, რაც სააღდგომო სუფრისთვის სჭირდებათ და ისარგებლონ სპეციალური შეთავაზებებით სხვადასხვა კატეგორიაში.Wolt აგრძელებს მომხმარებელზე ორიენტირებული სერვისის განვითარებას და სადღესასწაულო პერიოდშიც უზრუნველყოფს სწრაფ, მარტივ და კომფორტულ მომსახურეობას ერთ აპლიკაციაში.

1774944000

საქსტატის ცნობით, 2026 წლის თებერვალში, წინა წლის შესაბამის პერიოდთან შედარებით, ზრდის მიმართულებით მნიშვნელოვანი წვლილი შეიტანა ისეთმა დარგებმა, როგორიცაა ინფორმაცია და კომუნიკაცია, ტრანსპორტი და დასაწყობება, საფინანსო და სადაზღვევო საქმიანობები, დამამუშავებელი მრეწველობა, სამთომოპოვებითი მრეწველობა.ხოლო კლების ტენდენცია დაფიქსირდა მშენებლობის და ენერგეტიკის სექტორებში.

1774942620