ბაზისბანკი IFC-მ „გლობალური ვაჭრობის დაფინანსების პროგრამის“ ფარგლებში ქალთა დაფინანსების მიმართულებით აღმოსავლეთ ევროპის გამორჩეულ ბანკად აღიარა

ენერგოომბუდსმენის სამსახური მოსახლეობას აფრთხილებს, რომ კუსტარულად და თვითნებურად დამონტაჟებული გაზის დანადგარები, განსაკუთრებით ღია წვის კამერით, საფრთხეს  უქმნის ადამიანის სიცოცხლესა და ჯანმრთელობას.სამწუხაროდ, დღემდე ისევ რჩება გამოწვევად ისეთი ტიპის დანადგარების მონტაჟი, რომლებიც სიცოცხლისთვის საშიშია. კერძოდ, საუბარია ღია წვის კამერიან დანადგარებზე, რომელთა დამონტაჟება დახურულ სივრცეში (მათ შორის, სავენტილაციო არხებში) აკრძალულია. მათი გამოყენება იწვევს ინტოქსიკაციასა და ხშირად მთავრდება ლეტალური შედეგებით.მოსახლეობამ უნდა გაითვალისწინოს, რომ ბუნებრივი გაზის დანადგარების თვითნებური დამონტაჟება აკრძალულია და დანადგარის მონტაჟი ნებადართულია მხოლოდ სპეციალისტის მიერ. ნებისმიერი ტიპის დანადგარის დამონტაჟების შემდგომ, მოქალაქემ  უნდა მიმართოს შესაბამის მომსახურე კომპანიას და მოითხოვოს მისი ჩართვა.ენერგოომბუდსმენის სამსახური  კიდევ ერთხელ მოუწოდებს მოსახლეობას დაიცვან ბუნებრივი გაზის დანადგარების გამოყენების წესები, გაითვალისწინონ უსაფრთხოების ნორმების შესახებ ყველა რეკომენდაცია, შეამოწმონ ქსელისა და დანადაგარების გამართულობა. გაზის სუნის, გაზის გაჟონვის, დანადგარების დაზიანების ან სხვა ნებისმიერი საეჭვო გარემოების არსებობის შემთხვევაში, დაუყოვნებლივ დაუკავშირდნენ კომპანიას ცხელ ხაზზე.დავიცვათ უსაფრთხოების  წესები, რათა დაცული იყოს ჩვენი სიცოცხლე  და ჯანმრთელობა. 

1738674552

Galt & Taggart-ის 2025 წლის საბაზისო სცენარით, დაშვებაა, რომ არსებული პოლიტიკური ვითარება შენარჩუნდება წლის განმავლობაში: აღნიშნულ სცენარში, Galt & Taggart-ის პროგნოზით საქართველოს ეკონომიკა0%-ით გაიზრდება, რაც ძირითადად მოხმარებით იქნება განპირობებული. ლარი/დოლარის საშუალო გაცვლითი კურსი მოსალოდნელია 2.88-ის ფარგლებში. საშუალო წლიური ინფლაცია9%-ის დონეზეა მოსალოდნელი, რაზეც საბაზო ეფექტთან ერთად, გავლენას მოახდენს საერთაშორისო ბაზრებზე სურსათის და ენერგომატარებლების ფასები და ლარის გაუფასურება. ამასთან, Galt & Taggart-ის შეფასებით, ფასების ზრდის შედეგად, რეფინანსირების განაკვეთი წლის განმავლობაში არსებულ 8.0%-ზე შენარჩუნდება. 2025 წელს ბიუჯეტის დეფიციტი და სახელმწიფო ვალი, Galt & Taggart-ის პროგნოზით, დარჩება მართვადი – შესაბამისად - მშპ-ის 3%-ზე და მშპ-ის 40%-ზე ქვემოთ. 2025 წლის პესიმისტურ სცენარში მთავარი დაშვებაა პოლიტიკური პოლარიზაციის კიდევ უფრო გაღრმავება: აღნიშნული, Galt & Taggart-ის შეფასებით ინვესტიციების მკვეთრ შემცირებას გამოიწვევს და ეკონომიკური ზრდის ტემპის4%-მდე შენელებაა მოსალოდნელი. სუსტი ეკონომიკური ზრდა და პოლიტიკური არასტაბილურობა ლარის კურსზე უარყოფითად აისახება და შესაბამისად, ლარი/დოლარის საშუალო გაცვლითი კურსი ამ სცენარში მოსალოდნელია 3.1-ის ფარგლებში. ლარის გაუფასურება ფასებზე ზეწოლას გააღრმავებს, რადგან სამომხმარებლო კალათის 70%-ზე მეტი იმპორტირებული საქონელია. Galt & Taggart-ის პროგნოზით, საშუალო წლიური ინფლაცია7%-მდე გაიზრდება. მაღალი ინფლაციის ფონზე, ეროვნული ბანკი სავარაუდოდ, გაზრდის მონეტარული პოლიტიკის განაკვეთს 9.5%-მდე. ამ სცენარში Galt & Taggart ბიუჯეტის დეფიციტის მშპ-ის 3%-ზე ქვემოთ შენარჩუნებას პროგნოზირებს, რადგან შესუსტებული ეკონომიკური აქტივობიდან გამომდინარე საგადასახადო შემოსავლების შემცირება, სავარაუდოდ, დაბალანსდება ბიუჯეტის გარკვეული ხარჯების (ძირითადად კაპიტალური ხარჯების) შეკვეცით, რათა დაცული იყოს ფისკალური დისციპლინა. რაც შეეხება 2025 წლის ოპტიმისტურ სცენარს, აქ მთავარი დაშვება დასავლეთთან ურთიერთობების გადატვირთვას და ევროკავშირში ინტეგრაციის პროცესის გაგრძელებას უკავშირდება: ამ სცენარში პროგნოზია0%-იანი ეკონომიკური ზრდა, რაც გაუმჯობესებულ ბიზნეს და სამომხმარებლო განწყობებს უკავშირდება. ლარი/დოლარის საშუალო გაცვლითი კურსი მოსალოდნელია 2.78-ის ფარგლებში. საშუალო წლიური ინფლაცია მოსალოდნელია1%-ს დონეზე, რაც ეროვნულ ბანკს მისცემს შესაძლებლობას, შეამციროს მონეტარული პოლიტიკის განაკვეთი 7.75%-მდე. რაც შეეხება საგარეო ფაქტორებს, რამაც შესაძლოა დადებითი ან უარყოფითი გავლენა მოახდინოს დამატებით საქართველოს ეკონომიკურ ზრდაზე, ესენია - უკრაინაში ომის დასრულება, აზერბაიჯანის საზღვრის გახსნა, ტრამპის სატარიფო პოლიტიკის გავლენა საქართველოს სავაჭრო პარტნიორებზე, აშშ-ს ცენტრალური ბანკის განაკვეთების შემცირების დინამიკა, და ა.შ.სრული კვლევა შეგიძლიათ იხილოთ გალტ & თაგარტის ვებგვერდზე აქ, სადაც ასევე მოცემულია სხვა მაკროპარამეტრებისა და ვალუტის კურსების პროგნოზები.

1738670781

შეხვედრაზე საუბარი შეეხო როგორც გლობალურ და რეგიონულ ტენდენციებს, ასევე ქვეყნის შიგნით ბიზნესის წინაშე არსებულ გამოწვევებს, მათ შორისაა გლობალური სატარიფო ომი, სანქციები, რუსეთ-უკრაინის ომი, ევროკავშირთან ინტეგრაციისა და პირდაპირი უცხოური ინვესტიციების საკითხები. ამასთან, აღინიშნა, რომ ბიზნესის მთავარ გამოწვევად კვლავ რჩება ადგილობრივ შრომის ბაზარზე არსებული პრობლემები, რომელიც უკვე მეორე წელია მნიშვნელოვანი შემაფერხებელი გარემოებაა ბიზნესის საინვესტიციო აქტივობების კუთხით. დამატებით, საუბარი შეეხო ლარის გაცვლითი კურსის სტაბილურობის მნიშვნელობასა და შესაძლო ცვალებადობის გავლენას ექსპორტიორ და იმპორტიორი კომპანიების კომერციულ ტრანზაქციებზე.საქართველოს ბიზნეს ასოციაციის აღმასრულებელმა დირექტორმა ლევან ვეფხვაძემ მისიის წარმომადგენლობას BAG ინდექსის 2019-2024 წწ. მონაცემების დინამიკა გააცნო, სადაც აღინიშნა, რომ განსაკუთრებული მოლოდინია კვლევის 2025 წლის პირველი კვარტალის შედეგებთან დაკავშირებით, რომელიც უფრო ზუსტად გაზომავს ბიზნეს განწყობებსა და მოლოდინებს მიმდინარე პროცესების გათვალისწინებით.„საქართველოს ბიზნეს ასოციაცია დღიდან დაფუძნებისა აქტიურად თანამშრომლობს საერთაშორისო საფინანსო ორგანიზაციებთან, რომელთან შორის სავალუტო ფონდს გამორჩეული ადგილი უკავია. ჩვენთვის დიდი პატივია, რომ ფონდის მისია ვიზიტის დროს გამოთქვამს სურვილს ესტუმროს საქართველოს ბიზნეს ასოციაციას და მოისმინოს ბიზნესში არსებული განწყობები და შეფასებები. ამჯერადაც, საერთაშორისო სავალუტო ფონდის მისიასთან განვიხილეთ ქვეყნის ეკონომიკური პარამეტრები და მიმდინარე გამოწვევები, რომელიც გავლენას ახდენს როგორც ბიზნეს სექტორზე, ასევე ზოგადად ქვეყნის ეკონომიკურ განვითარებაზე“, - განაცხადა ლევან ვეფხვაძემ.

1738669848

კომპანიის განმარტებით, ასევე შემოწმდა ქსელში არსებული ყველა პარტიის ნიმუში და აღნიშნულ ნიმუშებში დარღვევა არ დაფიქსირებულა.„სოციალურ ქსელში გავრცელდა ინფორმაცია, რომ „ბაკურიანი ციდას“ ბოთლიდან დალეული სითხით მოხდა მცირეწლოვანი ბავშვის ჰოსპიტალიზაცია. გაცნობებთ, რომ კომპანიის მხრიდან მყისიერი რეაგირების შედეგად, გადამოწმდა კონკრეტულ მაღაზიაში (სადაც ჩვენს ხელთ არსებული ინფორმაციით მოხდა პროდუქტის შეძენა) ნიმუშები და დარღვევა არ გამოვლენილა.პარალელურ რეჟიმში, შევამოწმეთ ამჟამად ქსელში არსებული ყველა პარტიის ნიმუში და ვადასტურებთ, რომ აღნიშნულ ნიმუშებში დარღვევა არ დაფიქსირებულა.ასევე, გადამოწმდა საწარმოო პროცესის სრული ტექნოლოგიური ციკლი, რომელიც გამორიცხავს პროდუქტში რაიმე უცხო ნივთიერების მოხვედრას,“ - აღნიშნულია განცხადებაში.

1738668786

საქართველოს მთავრობასთან თანამშრომლობით, Exim Holding-ის შვილობილი კომპანია „აჭარ ენერჯი“ ქვეყნის ენერგეტიკის სექტორში 460 მლნ აშშ დოლარის ოდენობის ინვესტიციას განახორციელებს. აღნიშნულის შესახებ პრემიერ-მინისტრ ირაკლი კობახიძისა და კომპანიის ხელმძღვანელების დღევანდელი შეხვედრის შემდეგ გახდა ცნობილი.„კომპანია „აჭარ ენერჯი“ წარმოადგენს Exim Holding-ის შვილობილ კომპანიას. Exim ჯგუფი თურქეთის ენერგეტიკულ სფეროში ერთ-ერთი ყველაზე წარმატებული კომპანიაა, რომელსაც თურქეთში 800 მგვტ-მდე დადგმული სიმძლავრე აქვს. კომპანია საქართველოში წარმატებით ოპერირებს, ბოლო წლებში 2 მნიშვნელოვანი პროექტი განახორციელა, 2 ჰიდროელექტროსადგური, რომელშიც 200 მლნ აშშ დოლარზე მეტი მოცულობის ინვესტიცია განხორციელდა.მათთვის საქართველო და საქართველოში არსებული საინვესტიციო კლიმატი არის მიმზიდველი, აქედან გამომდინარე, კომპანიამ მიიღო გადაწყვეტილება უპრეცედენტოდ დიდი საინვესტიციო გადაწყვეტილების შესახებ. ჩვენ, დაახლოებით, 360 მგვტ-მდე სიმძლავრის პროექტებზე უკვე შევთანხმდით მთავრობასთან ერთად და კომპანია მიმდინარე წელს აქტიურად იწყებს 460 მლნ აშშ დოლარიანი ინვესტიციების განხორციელებას, რაც საქართველოს ელექტროენერგეტიკის სექტორს შემატებს დამატებით სიმძლავრეს და კონკურენტუნარიანობას აამაღლებს. უკვე 2025 წელს ჩვენ პირველი პროექტების გახსნას შევძლებთ და შემდეგი 3-4 წლის განმავლობაში ჩვენ 360 მგვტ-ის სიმძლავრის ახალ პროექტებს გავხსნით,“- აღნიშნა ლევან დავითაშვილმა.ინფორმაციას მთავრობის ადმინისტრაცია ავრცელებს.

1738667277

საინვესტიციო პროექტით დაგეგმილია ქარის ხუთი და მზის ერთი ელექტროსადგურების მშენებლობა, რაც ჯამში, დაახლოებით, 360 მგვტ დადგმულ სიმძლავრეს მოიცავს და ხელს შეუწყობს როგორც ქვეყნის ენერგეტიკული სექტორის გაძლიერებას, ისე ამ მიმართულებით საქართველოს კონკურენტუნარიანობის გაზრდას.როგორც შეხვედრის დასრულების შემდეგ Achar Energy-Eksim Holding -ის წარმომადგენელმა აღნიშნა, ქვეყნის დიდი საინვესტიციო პოტენციალი და ის ხელშეწყობა, რომელიც ბიზნესმენებს საქართველოს მთავრობისგან აქვთ, საქართველოს განსაკუთრებულად მიმზიდველს ხდის უცხოელი ინვესტორებისთვის. უპრეცედენტოდ დიდი ინვესტიციის განხორციელებას კომპანია მიმდინარე წელს დაიწყებს და პროექტები ექსპლუატაციაში ეტაპობრივად შევა."Exim Holding-ის შვილობილი კომპანია „აჭარ ენერჯი“ საქართველოში ბოლო წლებია წარმატებით ოპერირებს და 2 ჰიდროელექტროსადგურის პროექტი უკვე განახორციელა, რომელთა ჯამური საინვესტიციო მოცულობა 200 მლნ აშშ დოლარს აღემატება", - ნათქვამია ინფორმაციაში, რომელსაც მთავრობის ადმინისტრაცია ავრცელებს.

1738665785