დავით სონღულაშვილი ბრაზილიის ფედერაციული რესპუბლიკის ელჩს შეხვდა

შეხვედრაზე  მხარეებმა წყლის მიწოდების რეჟიმებთან დაკავშირებულ საკითხებზე იმსჯელეს. ჰიდროელექტროსადგურების წარმომადგენლებსა და ფერმერებს შესაძლებლობა ჰქონდათ, დაეფიქსირებინათ  წინადადებები რეგულირების ფარგლებში გამოქვეყნებული საპროგნოზო რეჟიმების შესახებ. კომპანიის „საქართველოს მელიორაციის“ მხრიდან მაქსიმალურად იქნება გაზიარებული წყალმომხმარებლების მოსაზრებები.2026 წელის თებერვლიდან 2027 წლის იანვრის ჩათვლით,  „საქართველოს მელიორაცია“ წყლის მიწოდებას შეთანხმებული და დამტკიცებული რეჟიმით განახორციელებს.წინასწარ განსაზღვრული  რეჟიმები და წყალმომარაგების გრაფიკი წყლის სამართლიან განაწილებასა და სწორი მოლოდინების შექმნას უზრუნველყოფს. წყლის მიწოდების საპროგნოზო რეჟიმები გაწერილია როგორც ერთწლიანი და მრავალწლიანი კულტურებისთვის, ასევე ჰესებისთვის.კომპანიის წარმომადგენლებმა შეხვედრის მონაწილეებს გააცნეს საქართველოს ენერგეტიკისა და წყალმომარაგების მარეგულირებელი ეროვნული კომისიის 2025 წლის 26 დეკემბერის დადგენილებით დამტკიცებული ირიგაციის მომსახურების ახალი ტარიფები, რომლებიც მიმდინარე წლის 1-ლი აპრილიდან ამოქმედდება. 

1769684576

დეპუტატი გამოეხმაურა ფინანსთა სამინისტროს ინფორმაციას, რომლის თანახმად, მთავრობამ ლონდონის საფონდო ბირჟაზე 500 მილიონი დოლარის ოდენობის 5-წლიანი ევროობლიგაციების გამოშვება წარმატებით შეძლო.„ეს ნიშნავს იმას, რომ ქვეყანას შეუძლია იაფი კრედიტის აღება, ეს ნიშნავს, რომ ინვესტიციები მოიმატებს, რომ სარეიტინგო კომპანიები მოუმატებენ რეიტინგს საქართველოს. ჩვენ რომ ვამბობთ, რომ საქართველოს ეკონომიკა ჯანსაღია და კარგად ვითარდება, ამას ეთანხმება სავალუტო ფონდი, მსოფლიო ბანკი, რაც ჩემთვის ყველაზე მნიშვნელოვანია. ეს უკვე რეიტინგები კი არ არის, არამედ ეს არის ფაქტი. საქართველოში წარმატებულმა ეკონომიკურმა პოლიტიკამ და დღევანდელმა სიტუაციამ გამოიწვია ის, რომ მთელი მსოფლიო დარწმუნდა, რომ აქ ჩადებული ფული არის უსაფრთხო“, - აღნიშნა კვიჟინაძემ.

1769684267

საჯარო სხდომაზე მიღებული გადაწყვეტილებების შესაბამისად,  ცვლილებები შევიდა კომისიის გადაწყვეტილებაში „საირიგაციო სისტემაზე განაცხადის ფორმებისა და მათთან დაკავშირებული ხელშეკრულების სტანდარტული პირობების დამტკიცების შესახებ“.  ამასთანავე, შპს „მარნეულის სოფწყალს“ დაევალა წყალმომარაგების საქმიანობის განსახორციელებლად საჭირო საშუალებების საქართველოში მოქმედ ტექნიკურ რეგლამენტებთან/სტანდარტებთან შესაბამისობის დამადასტურებელი დოკუმენტის სემეკში წარდგენა მიმდინარე წლის 31 მარტამდე.სემეკი შეახსენებს ელექტროენერგიის, ბუნებრივი გაზისა და წყალმომარაგების მომხმარებლებს, მომსახურე კომპანიებთან არსებული სადავო საკითხების არსებობის შემთხვევაში მიმართონ სემეკს. კონსულტაციების გავლა შესაძლებელია ქოლცენტრის საშუალებით, ნომერზე 16 216 (ზარი უფასოა ნებისმიერი ოპერატორიდან), ასევე სემეკის Facebook  გვერდის საშუალებით.  

1769684164

ქართულ ფასიან ქაღალდებზე საერთაშორისო ინვესტორების მხრიდან მოთხოვნა დაფიქსირდა რეკორდულად მაღალ - 2.8 მილიარდ დოლარამდე, რაც ბაზარზე შეთავაზებულ ოდენობაზე 5 ნახევარჯერ მეტია. უშუალოდ ტრანზაქციაში, ჯამში, 100-ზე მეტმა საერთაშორისო ინვესტორმა მიიღო მონაწილეობა.„ეს ცალსახად მიუთითებს, რომ ინვესტორები საქართველოს შემცირებულ რისკებს ხედავენ, რაც კუპონის განაკვეთშიც აისახა“, - აღნიშნა ნათია თურნავამ.ეროვნული ბანკის პრეზიდენტის თქმით, ინვესტორების თვალში საქართველოს სუვერენული რისკები უფრო დაბალია, ვიდრე 2021 წელს, როდესაც ქვეყანამ პირველად გამოუშვა ევრობონდები.„მაღალი ინტერესი განპირობებულია ნდობით ქვეყნის ეკონომიკის, ეკონომიკური განვითარების, სამთავრობო პოლიტიკისა და იმ მშვიდობიანი გარემოს მიმართ, რომელიც საქართველოში შენარჩუნდა მიუხედავად რეგიონში არსებული მნიშვნელოვანი გამოწვევებისა“, - განაცხადა სებ-ის პრეზიდენტმა.

1769682731

აღნიშნულ პროექტზე 2025 წელს ეროვნულ ბანკსა და კორეის ცენტრალურ ბანკს შორის ურთიერთთანამშრომლობის შეთანხმება გაფორმდა. პროექტი მიზნად ისახავს საქართველოში უნაღდო ანგარიშსწორების შემდგომი განვითარების ხელშეწყობას. პროექტი ფოკუსირებულია არსებული საგადახდო გარემოს შეფასებაზე, უნაღდო ანგარიშსწორების დანერგვის ხელისშემშლელი ძირითადი ბარიერების გამოვლენასა და კორეის საუკეთესო პრაქტიკისა და პოლიტიკის გამოცდილების გაზიარებაზე ციფრული გადახდების პოპულარიზაციის კუთხით.პროექტის ფარგლებში შეიქმნა რეგულირების ჩარჩოს პრაქტიკული რეკომენდაციები, რომლებიც მიზნად ისახავს გადახდის თანამედროვე ინფრასტრუქტურის განვითარებასა და უნაღდო ანგარიშსწორების ფართო გავრცელებას.„ეს პროექტი შესაძლებლობას გვაძლევს არა მხოლოდ შევაფასოთ  არსებული უნაღდო ანგარიშსწორების ინფრასტრუქტურა, არამედ მივიღოთ კონკრეტული პრაქტიკული ინსტრუმენტები მისი განვითარებისთვის. მნიშვნელოვანია, რომ ეს თანამშრომლობა სჭირდება არა მხოლოდ საქართველოს, არამედ მთლიანად რეგიონს - ჩვენ  ერთად შეგვიძლია ფინანსური ინფრასტრუქტურის გაძლიერება, რაც მდგრადი ეკონომიკური განვითარების ქვაკუთხედია“, - განაცხადა საქართველოს ეროვნული ბანკის პრეზიდენტმა, ნათია თურნავამ.მისივე თქმით, აღსანიშნავია საქართველო-კორეის პარტნიორობის სტრატეგიული მნიშვნელობა, განსაკუთრებით ის შესაძლებლობები, რასაც ეს პროექტი უნაღდო ანგარიშსწორების სისტემის გაძლიერების, ფინანსური ტექნოლოგიების დანერგვისა და რეგიონში კოორდინირებული პრაქტიკების შემუშავებისთვის წარმოადგენს.კორეის ცენტრალური ბანკის წარმომადგენლის ვონჯონგ რომის განცხადებით, საქართველოსა და კორეას ბევრი საერთო აქვს და ურთიერთგამოცდილების გაცვლა ორივე მხარისთვის მნიშვნელოვანია.„საქართველო არის პირველი ევროპული ქვეყანა და პირველი ქვეყანა აზიის რეგიონს მიღმა, რომელთანაც ჩვენ შუა დერეფნის კონტექსტში ვთანამშრომლობთ, რაც საშუალებას გვაძლევს პარტნიორობა მომავალში უფრო გავაფართოვოთ“, - კორეის ცენტრალური ბანკის საგანმანათლებლო პროექტების ხელმძღვანელმა, განაცხადა ვონჯონგ რომ.ბოლო ორი წლის განმავლობაში საქართველოს ეროვნული ბანკი კორეის ცენტრალურ ბანკსა და საფინანსო სექტორის მარეგულირებელ ორგანოებთან აქტიურად თანამშრომლობს.შეხვედრას სებ-ის ვიცე-პრეზიდენტი ეკატერინე გალდავა და სხვადასხვა დეპარტამენტების წარმომადგენლები ესწრებოდნენ.

1769682060

რია ნოვოსტის მითითებით, ამის შესახებ განაცხადა სახელმწიფო სათათბიროს მეცნიერებისა და უმაღლესი განათლების კომიტეტის თავმჯდომარის პირველმა მოადგილემ, ქსენია გორიაჩევამ (ნოვიე ლიუდი). ცვლილება ეხება 2026-2027 სასწავლო წლიდან აპლიკანტებს; ამჟამინდელი სტუდენტები სწავლას მიმდინარე პროგრამებზე დაასრულებენ.გორიაჩევას თქმით, საბაზო უმაღლეს განათლებას სპეციალობის მიხედვით ოთხიდან ექვს წლამდე სწავლა დასჭირდება, ხოლო სპეციალიზებულ უმაღლეს განათლებას - ერთიდან სამ წლამდე. ეს არსებითად „მაგისტრის ხარისხის განახლებული ფორმატია პროფესიული, მენეჯმენტის და კვლევითი მიმართულებით“.„მნიშვნელოვანი დამატება: ადრე, სპეციალისტის ხარისხის მიღების შემდეგ, მაგისტრატურაში სახელმწიფოს მიერ დაფინანსებულ ადგილებში განაცხადის შეტანა შეუძლებელი იყო. ეს აკრძალვა აღარ მოქმედებს. ნებისმიერი საბაზისო პროგრამის კურსდამთავრებულებს შეეძლებათ სახელმწიფოს მიერ დაფინანსებული ადგილებისთვის კონკურსში მონაწილეობა, ხოლო ასპირანტურა ახლა პროფესიული განათლების ცალკე დონედ ითვლება“, - აღნიშნა გორიაჩევამ.მან ხაზგასმით აღნიშნა, რომ ახალ უმაღლესი განათლების სისტემაზე გადასვლა, რომელიც წელს დაიწყო, რამდენიმე წელია მიმდინარეობს და ეს არ არის „ბრმა“ ნაბიჯი.„ბოლონიის სისტემის ჩანაცვლების შესახებ დისკუსიები ჯერ კიდევ 2022 წელს დაიწყო, შემდეგ ჩვენ მოვამზადეთ გარდამავალი პროგრამა და დავიწყეთ საპილოტე პროგრამა ექვს უნივერსიტეტში, სადაც მოდელი რეალურ აუდიტორიებში გამოსცადეს. ეს გამოცდილება ახლა მასშტაბირდება“, - თქვა გორიაჩევამ.მისი თქმით, ახალი უმაღლესი განათლების სისტემა ყველაზე მნიშვნელოვანია ინჟინერიისა და სამეცნიერო ინტენსიური სფეროებისთვის, სადაც ოთხწლიანი მომზადება ყოველთვის საკმარისი არ არის.„დამსაქმებლები იძულებულნი არიან, თანამშრომლები შიდა გადამზადების გზით გადაამზადონ, რადგან უნივერსიტეტის პროგრამები ყოველთვის მოქნილი არ არის და განახლებებს არ ადევნებს თვალყურს. ახალი მოდელი უნივერსიტეტებს მეტ თავისუფლებას აძლევს, პროგრამები რეალურ საჭიროებებზე მოარგონ ფუნდამენტური ხასიათის დაკარგვის გარეშე“, - მიაჩნია პარლამენტარს.

1769681794