ენერგეტიკის სასწავლო ცენტრი ახალ სასწავლო კურსებზე რეგისტრაციას იწყებს

არჩვაძის შეფასებით, ლონდონის საფონდო ბირჟა, რომელსაც 225-წლიანი ისტორია აქვს, მსოფლიოს ერთ-ერთ ყველაზე სანდო და ლიკვიდურ ფინანსურ პლატფორმად ითვლება. ამ ბირჟაზე ოპერირებენ უმსხვილესი საინვესტიციო და საპენსიო ფონდები, სადაზღვევო კომპანიები და ცენტრალური ბანკები, რაც ნიშნავს, რომ იქ განთავსებული ფასიანი ქაღალდები სარგებლობს მაღალი ნდობითა და რეპუტაციით.მისივე თქმით, ლონდონის საფონდო ბირჟაზე საქართველოს აქტიურობა ნიშნავს საერთაშორისო ფინანსურ კლუბში ყოფნას, რაც ზრდის ქვეყნის ეკონომიკურ და ინსტიტუციურ სანდოობას, ამცირებს სესხის ფასს და უზრუნველყოფს გრძელვადიანი ფინანსური რესურსების უფრო იაფად მოზიდვას.„ფინანსთა სამინისტროს ინფორმაციით, საქართველოს მთავრობამ წარმატებით განახორციელა 500 მილიონი აშშ დოლარის ოდენობის ევროობლიგაციების გამოშვება ლონდონის საფონდო ბირჟაზე - კუპონის განაკვეთი დაფიქსირდა 5.125% ოდენობით.აღნიშნული ინფორმაცია რამდენიმე ასპექტითაა მნიშვნელოვანი.ჯერ ერთი, 225-წლიანი ისტორიის მქონე ლონდონის საფონდო ბირჟა (დაარსდა 1801 წელს) ერთ-ერთი ყველაზე სანდო და ლიკვიდური პლატფორმაა ასეთი ოპერაციებისთვის, ფაქტობრივად, მსოფლიო ფინანსური ჰაბია. ეს ბირჟა ასოცირდება კანონის უზენაესობასთან, გამჭვირვალობასთან და დაცულობასთან. ამ ბირჟაზე აქტიურობენ უმსხვილესი საინვესტიციო ფონდები, საპენსიო ფონდები, სადაზღვევო კომპანიები, ცენტრალური ბანკები. ამიტომ ინვესტორები ენდობიან იქ გამოშვებულ ფასიან ქაღალდებს, მათი ემიტენტები კი სარგებლობენ მაღალი რეპუტაციული და სანდოობის დონით. ეს კი უკვე თავისთავად ნიშნავს დიდ მოთხოვნას და უკეთეს ფასს (დაბალ პროცენტს);მეორე, ის, რომ მიმდინარე გამოშვებისას დაფიქსირებული კუპონი, ევროობლიგაციების ბაზრისთვის ყველაზე დაბალი განაკვეთია საქართველოს მსგავსი და ერთი საფეხურით მაღალი საკრედიტო რეიტინგის მქონე სუვერენული ევროობლიგაციებისთვის ბოლო 4 წელიწადში.მესამე, საერთაშორისო ინვესტორების მხრიდან მოთხოვნამ ქართულ ფასიან ქაღალდებზე დააფიქსირა რეკორდულად მაღალი დონე - 2.8 მილიარდი დოლარი (ბაზარზე შეთავაზებულ ოდენობაზე 5.5-ჯერ მეტი), მაგრამ ქვეყნის მიერ გამოშვებულ ევროობლიგაციებზე მაღალი მოთხოვნა ნიშნავს, რომ ინვესტორები ენდობიან საქართველოს, ქვეყანას მიიჩნევენ გადახდისუნარიანად, რაც ამარტივებს მომავალში ინვესტიციების მოზიდვას;მეოთხე, ეს არის პირდაპირი, არაორაზროვანი გზავნილი საერთაშორისო ინვესტორებისათვის საქართველოში ინვესტიციების განხორციელების სასურველი პირობებისა და ეკონომიური სარგებლიანობის, ქვეყნის ეკონომიკისადმი მაღალი ნდობისა და დაბალი რისკის თაობაზე. - ამ უკანასკნელის დონე წინა პერიოდთან შედარებით შემცირებულია 25%-ზე მეტით;მეხუთე, მოთხოვნის ჯერადი მეტობა ქართულ ობლიგაციებზე, მათ მიწოდებასთან შედარებით, აგრეთვე ტრანზაქციაში ჯამში 100-ზე მეტი საერთაშორისო ინვესტორის მონაწილეობა ადასტურებს, რომ საერთაშორისო საინვესტიციო წრეებში საკმაოდ მაღალია ინტერესი და ნდობა საქართველოს მთავრობის რეფორმების, ფისკალური და ეკონომიკური პოლიტიკის მიმართ.აღნიშნულის დასტურად გამოდგება ის ფაქტიც, რომ ინვესტორებთან შეხვედრების დროს, მაღალი ინტერესი დაფიქსირდა აგრეთვე ლარში დენომინირებული ფასიანი ქაღალდების მიმართ.მთლიანობაში, საქართველოსთვის ლონდონის საფონდო ბირჟაზე აქტიურობა ნიშნავს საერთაშორისო ფინანსურ „კლუბში“ ყოფნას, ქვეყნის ეკონომიკური და ფინანსური სანდოობის გაზრდას, უფრო იაფ და გრძელვადიან ფინანსურ რესურსზე წვდომას. ეს კი ფაქტობრივად სახელმწიფოს ეკონომიკური და ინსტიტუციური მდგრადობის საერთაშორისო აღიარების უმნიშვნელოვანეს ინდიკატორს წარმოადგენს.“ - წერს არჩვაძე.

1769678138

მისი განცხადებით, 2.8 მილიარდი დოლარის მოთხოვნა, რაც შეთავაზებულზე 5.5-ჯერ მეტია, იმის ნიშანია, რომ საერთაშორისო ბაზრები ენდობიან საქართველოს პოლიტიკის კარგ პერსპექტივებს, ხოლო, ინვესტორები მზად არიან გრძელვადიანად ჩადონ კაპიტალი, რაც განსაკუთრებით მნიშვნელოვანია გლობალური გაურკვევლობის ფონზე.როგორც ცუცქირიძე განმარტავს, ობლიგაციის განთავსება თანხვედრაშია ქვეყნის საკრედიტო რეიტინგის გაუმჯობესებასთან. მისივე თქმით, საქართველო აღიქმება უფრო უსაფრთხო ეკონომიკად, რაც აისახება არა მხოლოდ სახელმწიფოზე, არამედ ბანკებზე, ბიზნესზე და ინვესტორებზე მთლიანად.„საქართველოს მთავრობამ წარმატებით განახორციელა 500 მილიონი აშშ დოლარის ოდენობის ევროობლიგაციების განთავსება ლონდონის საფონდო ბირჟაზე, ხოლო კუპონის განაკვეთი დაფიქსირდა 5.125% ოდენობით. ძალიან მნიშვნელოვანი მოვლენაა არა როგორც ერთჯერადი ფინანსური ტრანზაქცია, არამედ ეკონომიკისთვის ძლიერი სიგნალი.ფასიანი ქაღალდების განთავსებამდე იყო მანიპულაციები თითქოს ქვეყანას ძველი ვალის რეფინანსირება გაცილებით ძვირი დაუჯდება.შედარებისათვის მოყვანილი იყო მაგალითად 2021 წლის საქართველოს ევროობლიგაციების გამოშვების წლიური საპროცენტო განაკვეთი- 2.75%, რაც ისტორიულად დაბალ ნიშნულს წარმოადგენს საქართველოსთვის, ხოლო განთავსების განაკვეთად 5.6-6 % -ს პროცენტს ვარაუდობდნენ.ამ დროს, ქვეყნის სუვერენული ობლიგაციების განაკვეთი დიდწილად მიბმულია გლობალურ ბაზრებზე და პირველ რიგში აშშ-ის 5-წლიანი სახაზინო ობლიგაციების განაკვეთთან. საპროცენტო განაკვეთები 2021 წლის გაზაფხულზე ძალიან დაბალ დონეზე იყო, კერძოდ აშშ-ის 5-წლიანი სახაზინო ობლიგაციების განაკვეთი დაახლოებით 0.75-1% იყო , რაც ძალიან დაბალი მაჩვენებელია საერთაშორისო ბაზრებზე არსებული რისკისა და მონეტარული პოლიტიკის ფონზე. აშშ-ის და სხვა განვითარებული ქვეყნების სახაზინო ობლიგაციების განაკვეთები მკვეთრად გაიზარდა 2021 წლის შემდეგ ინფლაციის და ცენტრალურ ბანკების მონეტარული პოლიტიკის გამკაცრების გამო. მოგეხსენებათ იმ პერიოდში არც უკრაინის ომი იყო დაწყებული და არც გლობალური დაძაბულობა იყო ამ დონეზე ახლო აღმოსავლეთში.ეს ზრდის ვალის ღირებულებას ინვესტორთა რისკ-პრემიების ზრდით. თუ 2021 წელს აშშ-ის 5-წლიანი სახაზინო ობლიგაციების საპროცენტო განაკვეთი 1 %-ზე ქვემოთ იყო, დღევანდელი მონაცემით მისი ღირებულება მნიშვნელოვნად არის გაზრდილი და დაახლოებით 3.7 % – 3.8 % ფარგლებშია.შესაბამისად, მოხდა თუ არა სახელმწიფოს დაფინანსების ღირებულების შემცირება უნდა ამოვიდეთ გლობალური ბაზრების ტენდენციიდან და ქვეყნის სუვერენული რეიტინგიდან (იგულისხმება S&P / Fitch / Moody’s რეიტინგები). 5.125%-იანი კუპონი არა თუ გაცილებით ნაკლებია ოპოზიციურ საექსპერტო ვარაუდზე არამედ ნიშნავს, რომ საქართველომ ფული მოიზიდა უფრო იაფად, ვიდრე ბოლო წლებში ჩვენი მსგავსი(BB), არამედ, ერთი საფეხურით მაღალი რეიტინგის მქონე ქვეყნების ნაწილმა, რომელთაც აქვთ BB / BB+ დონე სუვერენული ევროობლიგაციებისთვის, ბოლო 4 წელიწადში.2021 წლის ევროობლიგაციების გადაფარვა ახლით ნიშნავს, რეფინანსირების რისკის შემცირებას რადგან არ გაჩნდა ერთჯერადი დიდი გადახდის საჭიროება და გაუმჯობესდა ვალის ვადობრივი სტრუქტურა, რაც ზრდის ფისკალურ სტაბილურობას და პროგნოზირებადობას.ნიშანდობლივია, რომ ობლიგაციის განთავსება თანხვედრაშია ქვეყნის საკრედიტო რეიტინგის გაუმჯობესებასთან და „ნეგატიურიდან სტაბილურზე“, რაც იწვევს 50 საბაზისო პუნქტზე მეტად სპრედის შემცირებასაც. 50 საბაზისო პუნქტზე მეტით შემცირებული ქვეყნის რისკი ნიშნავს, რომ საქართველო აღიქმება უფრო უსაფრთხო ეკონომიკად, რაც აისახება არა მხოლოდ სახელმწიფოზე, არამედ ბანკებზე, ბიზნესზე და ინვესტორებზე მთლიანად.ამაზე მიუთითებს ინვესტორთა რეკორდული ნდობა. 2.8 მლრდ დოლარის მოთხოვნა (5.5-ჯერ მეტი შეთავაზებულზე) არის ძალიან ძლიერი სიგნალი, რომ საერთაშორისო ბაზრები ენდობიან საქართველოს პოლიტიკის კარგ პერსპექტივებს, ხოლო ინვესტორები მზად არიან გრძელვადიანად ჩადონ კაპიტალი, რაც განსაკუთრებით მნიშვნელოვანია გლობალური გაურკვევლობის ფონზე.ამასთან, ინვესტორთა ინტერესი ლარში დენომინირებული ფასიანი ქაღალდების მიმართ ნიშნავს: ადგილობრივი ფინანსური ბაზრის კაპიტალიზაციის ზრდას და ლარის სტაბილურობისთვის პოზიტიურ ფაქტორს, ნაკლებ დოლარიზაციას გრძელვადიან პერსპექტივაში.ევროობლიგაციების წარმატებული განთავსება არის ფინანსთა სამინისტროსა და ეროვნული ბანკის თანმიმდევრული და კოორდინირებული პოლიტიკის შედეგი, რადგან თუ ფისკალური პოლიტიკა ამცირებს დეფოლტის რისკს, მონეტარული პოლიტიკა — ინფლაციისა და ვალუტის რისკს.რაც არანაკლებ მნიშვნელოვანია, მას ექნება „დამატებითი ეფექტი“ (crowding-in effect) კერძო სექტორზე. როდესაც სუვერენული ევროობლიგაციები დაბალ განაკვეთზე იყიდება ქართულ ბანკებს და კომპანიებსაც უადვილდებათ რა საერთაშორისო საკრედიტო ბაზარზე გასვლა, მცირდება კაპიტალის ფასი მთელ ეკონომიკაში, რაც ხელს უწყობს ეკონომიკურ ზრდას და დასაქმებას“, - წერს გიორგი ცუცქირიძე.

1769678036

გარემოს დაცვისა და სოფლის მეურნეობის სამინისტროს ცნობით, შეხვედრაზე მხარეებმა სავაჭრო-ეკონომიკური თანამშრომლობის გაღრმავების შესაძლებლობები განიხილეს.დავით სონღულაშვილმა ისაუბრა ორ ქვეყანას შორის პარტნიორული ურთიერთობის მნიშვნელობაზე, რაც თანამშრომლობის განვითარების ნაყოფიერ საფუძველს წარმოადგენს და ელჩს ქართული საექსპორტო პროდუქტების, მათ შორის, ღვინო, მინერალური წყლები, წყალი და სხვა, შესახებ ინფორმაცია მიაწოდა.შეხვედრაზე მინისტრმა ყურადღება გაამახვილა ბრაზილიური კომპანიებისთვის საქართველოს რეგიონულ სავაჭრო ჰაბად განხილვის საკითხზე.როგორც საგანგებო და სრულუფლებიან ელჩმა განაცხადა, საქართველო ბრაზილიისთვის საინტერესო პარტნიორი ქვეყანაა და არსებობს შესაძლებლობა ორმხრივად საინტერესო და ეკონომიკურად ეფექტიანი თანამშრომლობისთვის.შეხვედრას გარემოს დაცვისა და სოფლის მეურნეობის სამინისტროს საერთაშორისო ურთიერთობებისა და ევროინტეგრაციის დეპარტამენტის უფროსი დავით ჩიტაიშვილი ესწრებოდა.

1769677849

მისი თქმით, გარდა მოზიდული ფინანსური რესურსისა, ახალი ევროობლიგაციის გამოშვება, განსაზღვრავს ქვეყნის რისკის დონეს, ზომავს საერთაშორისო ინვესტორების დაინტერესებასა და ნდობას ქვეყნისა და მისი ეკონომიკის მიმართ.„ორივე მიმართულებით მნიშვნელოვანი წარმატება დაფიქსირდა საქართველოს მთავრობის მიერ გამოშვებული ფასიანი ქაღალდებით. პირველ რიგში, მნიშვნელოვანია, რომ ქვეყნის რისკიანობის მაჩვენებელი შემცირებულია 50 საბაზისო პუნქტზე მეტით, რაც ნიშნავს 25 პროცენტზე მეტით შემცირებას, ხოლო მეორე მხრივ, ვნახეთ რეკორდულად მაღალი მოთხოვნა საქართველოს მიერ გამოშვებულ ევროობლიგაციებზე. ჯამში, 2,8 მილიარდ დოლარამდე ოდენობის მოთხოვნა დაფიქსირდა, რაც არის 5,5-ჯერ მეტი ბაზარზე შეთავაზებულ ოდენობასთან მიმართებით. ის, რომ ძალიან მაღალია შეფასება საერთაშორისო ინვესტორების მხრიდან და გაზრდილია მოთხოვნა, მიუთითებს საქართველოს მთავრობის მიერ განხორციელებული ეკონომიკური და ფისკალური რეფორმების მიმართ ინტერესსა და ნდობაზე“, - განაცხადა ფინანსთა მინისტრმა.როგორც მან აღნიშნა, გაგრძელდება მუშაობა, როგორც ევროობლიგაციების ისე,  მსოფლიოს სხვა ბაზრებზე. მისი თქმით, მნიშვნელოვანია, რომ მაღალი ინტერესი დაფიქსირდა ლარში დენომინირებული ფასიანი ქაღალდების მიმართ.„ამ მიმართულებით ჩვენ კიდევ გვექნება ღონისძიებები, მოვიწვევთ საერთაშორისო ინვესტორებს ქართულ ბაზარზე, სადაც ინტერესი ძალიან მზარდია ბოლო თვეების განმავლობაში“, - აღნიშნა ფინანსთა მინისტრმა, ლაშა ხუციშვილმა.

1769673964

კანონმდებლობის შესაბამისად, არჩევნები ფარული კენჭისყრით ჩატარდა, სადაც კომისიის წევრების სრულმა შემადგენლობამ გოგა გულორდავას კანდიდატურას დაუჭირა მხარი.გოგა გულორდავას 26 წლიანი სამუშაო გამოცდილება აქვს. კომუნიკაციების კომისიამდე, იგი 2 წლის განმავლობაში ტელეკომპანია „ტელეიმედში“ ფინანსური მონიტორისა და აუდიტის პოზიციას იკავებდა. 2020 წლიდან 2025 წლამდე კი, საქართველოს სახელმწიფო ელექტროსისტემაში გენერალური დირექტორის მრჩეველი, შემდგომ კი, ამავე უწყებაში, შიდა აუდიტის დირექტორი იყო.2016-2020 წლებში გოგა გულორდავა საქართველოს პარლამენტის წევრი, ხოლო 2013-2016 წლებში წალენჯიხის მუნიციპალიტეტის გამგებელი იყო. პროფესიით გოგა გულორდავა იურისტია, მან 1995-2000 წლებში ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი დაამთავრა. სხვადასხვა დროს გოგა გულორდავას გავლილი აქვს საბაჟო და საგადასახადო კანონმდებლობის, სახელმწიფო შესყიდვების, ფინანსური აღრიცხვის, აუდიტორებისა და პროკურორების სასწავლო კურსები საქართველოსა და სხვა ქვეყნებში, მათ შორის, ამერიკის შეერთებულ შტატებსა და გერმანიაში.გარდა ამისა, ჩაბარებული აქვს პროკურატურის მუშაკთა საკვალიფიკაციო გამოცდა. შეგახსენებთ, რომ 2025 წლის დეკემბერში გოგა გულორდავა საქართველოს პარლამენტმა ComCom-ის წევრად 77 ხმით, ერთხმად დაამტკიცა.

1769673837

შეხვედრაზე ყურადღება გამახვილდა საწარმოებიდან ჰაერში მავნე ნივთიერებების გაფრქვევის უწყვეტი თვითმონიტორინგის სისტემების ფუნქციონირების საკითხზე. აღინიშნა, რომ სამრეწველო სექტორიდან ჰაერის დაბინძურების შემცირების პროცესში მნიშვნელოვანია, ერთი მხრივ, გარემოს დაცვა და ეფექტიანი კონტროლის მექანიზმების არსებობა, ხოლო, მეორე მხრივ, შეუფერხებელი წარმოება.„ბოლო წლებში აქტიურად ვმუშაობთ ქ.რუსთავში ჰაერის ხარისხის გაუმჯობესების მიმართულებით; არაერთი მნიშვნელოვანი რეგულაცია იქნა მიღებული, მათ შორის, მსხვილ საწარმოებს დაევალათ გაფრქვეული მავნე ნივთიერებების უწყვეტი მონიტორინგი, რამაც გარკვეული დადებითი შედეგები უკვე გამოიღო; თუმცა, საჭიროა დამატებითი, კომპლექსური ღონისძიებების დაგეგმვაც, რათა უახლოეს მომავალში კიდევ უფრო უკეთესი შედეგები მივიღოთ. საწარმოების წარმომადგენლებისგან მოვისმინეთ თვითმონიტორინგის სისტემის ფუნქციონირებასთან დაკავშირებული გამოწვევები და ვიმსჯელეთ, როგორ შეიძლება სისტემის გაუმჯობესება ისე, რომ არ შეფერხდეს საწარმოების მუშაობა და, ამავდროულად, სახელმწიფოს ჰქონდეს ეფექტიანი კონტროლის მექანიზმი“, - აღნიშნა ნინო თანდილაშვილმა.შეხვედრაზე მხარეებმა იმსჯელეს იმ გამოწვევებზე, რომელიც საწარმოებში რეგულაციებით გათვალისწინებული მოთხოვნების შესრულების პროცესში არსებობს.„ყველა საწარმო, რომელთა წარმომადგენლებსაც გარემოს დაცვისა და სოფლის მეურნეობის სამინისტროში შევხვდით, ჩართულია 24 საათიანი უწყვეტი მონიტორინგის სისტემაში. მიუხედავად იმისა, რომ მეწარმე სუბიექტებს გარკვეული სირთულეები აქვთ, მათი მხრიდან არსებობს მზაობა ტექნოლოგიური პროცესების დახვეწის კუთხით. სამინისტროც მზად არის, მწარმოებლებს ხელი შეუწყოს, რათა მონიტორინგის სისტემის დანერგვისა და ოპერირების პროცესში შეფერხებები არ შეიქმნას“, - განაცხადა ირაკლი შატაკიშვილმა.აღსანიშნავია, რომ 2021 წლის 1 ივნისიდან მოქმედი საკანონმდებლო ცვლილებების შესაბამისად, მსხვილ სამრეწველო საწარმოებს დაევალათ გაფრქვევების უწყვეტი ავტომატური თვითმონიტორინგის სისტემის დანერგვა და შესაბამისი ინფორმაციის მიწოდება სამინისტროსთვის. დადგენილი მოთხოვნების დარღვევის შემთხვევაში, მათ შორის აირმტვერდამჭერი სისტემის არქონის ან გამოუყენებლობის დროს, საწარმოებს გადაჭარბებული გაფრქვევებისთვის კანონმდებლობით განსაზღვრული მნიშვნელოვანი სანქციები ეკისრებათ.გარემოს დაცვისა და სოფლის მეურნეობის სამინისტროში გამართულ შეხვედრას გარემოს ეროვნული სააგენტოს უფროსი ელენე ღუბიანური, გარემოსდაცვითი ზედამხედველობის დეპარტამენტის უფროსი ლევან ჯღარკავა და სამინისტროს შესაბამისი დეპარტამენტების ხელმძღვანელი პირები ესწრებოდნენ.

1769673496