სურსათის სააგენტო - Picot-ის ბავშვთა კვების იდენტიფიცირებული პარტიები ბაზრიდან თითქმის სრულად ამოღებულია

ტურიზმის შემოსავლები: ზრდა მოლოდინს აღემატება2025 წლის მე-4 კვარტალში ტურიზმიდან მიღებული შემოსავლები წლიურად 9.2%-ით გაიზარდა და 1.1 მლრდ აშშ დოლარი შეადგინა. ჯამურად, ტურიზმის შემოსავლები 4.7 მლრდ აშშ დოლარს გაუტოლდა 2025 წელს, რაც მცირედით აღემატება გალტ & თაგარტის პროგნოზს.2026 წელს, გალტ & თაგარტი ტურიზმის შემოსავლების 5.0 მლრდ აშშ დოლარამდე ზრდას პროგნოზირებს.საგარეო ვაჭრობა: ექსპორტი და იმპორტი რეკორდულ ნიშნულზეა2025 წლის დეკემბერში საქონლის ექსპორტი წლიურად 22.5%-ით გაიზარდა და 673.2 მლნ აშშ დოლარი შეადგინა, რაც ძირითადად ადგილობრივი ექსპორტის ზრდამ განაპირობა. საქონლის იმპორტი წლიურად 8.5%-ით გაიზარდა 1.8 მლრდ აშშ დოლარამდე, რაც ძირითადად კაპიტალური საქონლის, საწვავის, სამრეწველო და საკვები პროდუქტების იმპორტის ზრდამ განაპირობა.საერთო ჯამში, 2025 წელს საქონლის ექსპორტი 7.3 მლრდ აშშ დოლარი, ხოლო იმპორტი 18.5 მლრდ აშშ დოლარი იყო - ორივე მაჩვენებელი ისტორიულ მაქსიმუმზეა.ფულადი ბაზარი: მაღალი მოთხოვნა ნარჩუნდება20 იანვარს ფინანსთა სამინისტრომ სახაზინო ფასიანი ქაღალდების 1 აუქციონი ჩაატარა. მაღალი ინტერესის ფონზე მოთხოვნამ შეთავაზებას მნიშვნელოვნად გადააჭარბა და საშუალო შეწონილი საპროცენტო განაკვეთი შემცირდა.

1769434980

მათივე ცნობით, სურსათის ეროვნული სააგენტოს შესაბამისი სამსახურები ბავშვთა კვების იმპორტირებული პროდუქტის „Picot“ კონკრეტული პარტიების სარეალიზაციო ბაზრიდან გამოთხოვას მთელი საქართველოს მასშტაბით ზედამხედველობენ.„იდენტიფიცირებული პარტიებია:Picot 1 400G – 8000003312;Picot 1 800G -8000003297;Picot 2 800G -8000003280.სააგენტოს ინსპექტირების ჯგუფებმა იდენტიფიცირებული პარტიები გადაამოწმეს როგორც ქსელურ აფთიაქებში, ასევე საბითუმო და საცალო სარეალიზაციო ობიექტებში.შემოწმებული სარეალიზაციო ობიექტებიდან Picot-ის აღნიშნული პარტიების პროდუქცია, ასეთის არსებობის შემთხვევაში, სრულად ამოღებულია და ექვემდებარება განადგურებას.სურსათის ეროვნული სააგენტო მოუწოდებს მომხმარებელს, არ გამოიყენოს პროდუქცია დასახელებული პარტიებიდან თუ უკვე შეძენილი აქვთ“, - ნათქვამია ინფორმაციაში.ცნობისთვის, ტოქსინ Cereulide-ის გამოვლენის შესაძლო რისკის გამო, „ლაქტალის ნუტრიშენ სანტე“ (LNS) - Picot-ის ბავშვთა კვების რძის პროდუქტების კონკრეტული პარტიები ბაზრიდან გამოთხოვას დაექვემდებარა

1769432665

ირაკლი ქურდაძის თქმით, პრობლემის არსში კარგად არიან გაცნობიერებული პრემიერი, მინისტრები, კომისიის წევრები და იმედი აქვს, უახლოეს პერიოდში ქმედითი ნაბიჯები გადაიდგმება.„მთავარი პრობლემა არის კომპლექსური, თუმცა ქსელების მხრიდან მაღალი მარჟების, ქეშბექების მოთხოვნა ქართველი მწარმოებლებისთვის ყველაზე დიდი ბარიერია, რომ მივაღწიოთ როგორც ფასის რეგულირებას, ასევე, ზოგადად, გადავრჩეთ. ფასების კლება შესაძლებელია, თუ ქსელი მოიკლებს მარჟას, ვიღაცის ჯიბეს ეს უნდა დააკლდეს – ეს არის დღეს ქსელი, ვინც აკონტროლებს ბაზარს. შესაბამისად, ქსელმა უნდა მოახდინოს ოპტიმიზაცია.ბოლო ხუთი წლის განმავლობაში უბნის მაღაზიები დაიკეტა, 90% აიღეს უკვე ქსელურმა მაღაზიებმა. შესაბამისად, ისინი კარნახობენ ბაზარს იმ პირობებს, რისი შესრულებაც გვიწევს მწარმოებლებს. თუ არ შევასრულებთ, დახლიდან მოვიხსნებით. შესაბამისად, მოვუწოდებ ყველას, დისტრიბუციამ, მწარმოებლებმა, ქსელებმა, მთავრობის ჩართულობით, შევიმუშაოთ თამაშის სამართლიანი წესები, რითიც შევძლებთ, ფასების რეგულირებასაც მივაღწიოთ, ქართული წარმოებაც დავიცვათ“, – განაცხადა ირაკლი ქურდაძემ.

1769431061

გაცნობითი შეხვედრისას მხარეებმა საქართველოსა და უნგრეთს შორის არსებული ურთიერთობების შემდგომი გაღრმავების შესაძლებლობები განიხილეს. ხაზი გაესვა, რომ ორი ქვეყნის ცენტრალურ ბანკებს მრავალწლიანი თანამშრომლობის ისტორია აკავშირებთ.სებ-ის პრეზიდენტმა უნგრეთის ელჩს საქართველოს ეროვნული ბანკის ძირითადი პრიორიტეტები და მიმდინარე პროექტები გააცნო. საქართველოსა და უნგრეთის ცენტრალურ ბანკებს შორის დაგეგემილია ურთიერთგაგების მემორანდუმის (MoU) გაფორმება. აღინიშნა, რომ მემორანდუმი ორმხრივი თანამშრომლობის გაძლიერებისთვის მყარ ინსტიტუციურ ჩარჩოს შექმნის, მათ შორის, საგადახდო სისტემების, ფინანსური სერვისებისა და საუკეთესო პრაქტიკის გაცვლის მიმართულებით.შეხვედრის ფარგლებში მხარეებმა ასევე განიხილეს რეგიონული თანამშრომლობის გაღრმავების საკითხები.შეხვედრას ასევე ესწრებოდნენ უნგრეთის საელჩოს ეკონომიკური მრჩეველი დომინიკ კარი და საქართველოს ეროვნული ბანკის საერთაშორისო ურთიერთობების დეპარტამენტის ხელმძღვანელი გიორგი ედილაშვილი.

1769430331

სონღულაშვილის თქმით, არსებობს ადგილობრივ პროდუქციაზე ფასის კლების და ასევე, ორგანიზებულ ქსელებში ქართული წარმოების აგრო სასურსათო პროდუქციის შესვლის ზრდის შესაძლებლობა, რაც მნიშვნელოვანი ფაქტორია.„პირველ რიგში, რომ არსებობს შესაძლებლობა ადგილობრივ პროდუქციაზე ფასის კლების და ასევე, ორგანიზებულ ქსელებში ქართული წარმოების აგრო სასურსათო პროდუქციის შესვლის ზრდის, რაც მნიშვნელოვანი ფაქტორია. დღევანდელი შეხვედრა კიდევ ერთხელ უსვამს ხაზს იმ შესაძლებლობას, რომელიც აქვს ადგილობრივ მწარმოებლებს, ერთის მხრივ, გაიზარდოს აგრო სასურსათო პროდუქციის ადგილობრივი წარმოება და, მეორე მხრივ, მოხდეს ფასების კლება, რაც ჯამში, აუცილებლად აისახება პოზიტიურად ჩვენი ქვეყნის მოქალაქეებზე“, - განაცხადა დავით სონღულაშვილმა.დღეს პრემიერ-მინისტრი ირაკლი კობახიძე სასურსათო პროდუქციის ფასებთან დაკავშირებით მოქმედი სამთავრობო საკოორდინაციო კომისიის ფორმატში ქართველ მწარმოებლებს შეხვდა.როგორც პრემიერმა შეხვედრაზე აღნიშნა, პირველადი ინფორმაციით არსებული თამაშის წესები ბაზარზე გარკვეულწილად ხელს უშლის ქართველ მწარმოებლებს, რომ უზრუნველყონ საკუთარი პროდუქციის სათანადოდ რეალიზაცია ქართულ ქსელურ მარკეტებში.კომისიის სხდომას ადგილობრივი წარმოების 25 წარმომადგენელი ესწრებოდა.

1769429470

2026 წელს, საბაჟოს საერთაშორისო დღის სლოგანია - ,,საბაჟო - საზოგადოების დაცვის სადარაჯოზე“.მებაჟე ოფიცრებს პროფესიული დღე მიულოცეს საქართველოს პრემიერ-მინისტრმა, ირაკლი კობახიძემ, ფინანსთა მინისტრმა, ლაშა ხუციშვილმა, ასევე შემოსავლების სამსახურის ხელმძღვანელმა, ირაკლი (დაჩი) ბერაიამ და საბაჟო დეპარტამენტის უფროსმა, მიხეილ ჩოკოშვილმა.საბაჟოს საერთაშორისო დღისადმი მიძღვნილი ღონისძიების ფარგლებში, სტუმრებმა მსოფლიო საბაჟო ორგანიზაციის გენერალური მდივნის, იან სონდერსის ვიდეო მილოცვა მოისმინეს.სამსახურებრივი მოვალეობის ღირსეულად შესრულებისა და მჭიდრო თანამშრომლობისთვის, მსოფლიო საბაჟო ორგანიზაციის მიერ დაწესებული ღირსების სერტიფიკატები გადაეცა საბაჟო დეპარტამენტის 20 მებაჟე ოფიცერს.აღსანიშნავია, რომ ღონისძიების ფარგლებში, საბაჟო ადმინისტრაციასა და საქართველოს შინაგან საქმეთა სამინისტროს შორის მჭიდრო პარტნიორული ურთიერთობის საფუძველზე, WCO-ს მიერ დაწესებული ღირსების სერტიფიკატი გადაეცა ცენტრალური კრიმინალური პოლიციის დეპარტამენტს.შემოსავლების სამსახური თითოეულ მებაჟე ოფიცერს და მსოფლიო საბაჟო საზოგადოებას ულოცავს პროფესიულ დღეს.

1769429330