2026 წელს იტალიაში SOCAR-ის ბრენდის ქვეშ 25 ახალი ავტოგასამართი სადგური გაიხსნება

მისივე თქმით, პროდუქციის საბაჟომდე ტრანსპორტირების გარდა, დამატებით კიდევ დიდი ხარჯები არსებობს, რომელიც ფასზე დიდ ზეგავლენას ახდენს.ამასთან, მისივე განმარტებით, საკითხის რეგულირება პრობლემას ვერ გადაჭრის, თუმცა დადებით როლს ითამაშებს.„ასოციაციამ და წევრმა სექტორის წარმომადგენლებმა კიდევ ერთხელ მიაწოდეს ინფორმაცია იმ პრობლემატური საკითხების შესახებ, განსაკუთრებით, რაც არსებობს საცალო ვაჭრობის ქსელურ ობიექტებთან ურთიერთობის ფარგლებში. მათ შორის, დაისვა კითხვები „რითეილის“ პოზიციებიდან გამომდინარე, რომელიც წინა შეხვედრაზე დაგროვდა, როდესაც სამთავრობო კომისია შეხვდა „რითეილ“ სექტორის წარმომადგენლებს. აღნიშნულთან დაკავშირებით მივაწოდეთ ინფორმაცია და სექტორის პოზიციები. ადგილობრივი მწარმოებელი და სადისტრიბუციო კომპანია, ჩვენდა სამწუხაროდ, ვერ კარნახობს პირობას ბაზარზე.არც სადისტრიბუციო კომპანია და არც ადგილობრივი მწარმოებელი არ არის მნიშვნელოვანი ძალაუფლების მქონე და არის შემსყიდველი. მათ შორის, ვისაუბრეთ საერთაშორისო პრაქტიკაზე. მსგავსი ტიპის ურთიერთობებში, ყველა განვითარებულ ქვეყანაში არსებობს ეს კანონმდებლობა და ამ კუთხით რეგულირება, მაგრამ კიდევ ერთხელ აღვნიშნავთ, რომ ეს არსებითად იმ საკითხებს ვერ გადაჭრის, რაც შეიძლება ფასებზე კიდევ დამატებით ზეგავლენას ახდენდეს.თუმცა, რა თქმა უნდა, დადებით როლს ითამაშებს. უბრალოდ, ეს პროცესი ნებისმიერ შემთხვევაში უნდა წარიმართოს იმ ფორმით, რომ რეალურად არ დაზიანდეს არცერთი მხარე და საბოლოოდ მომხმარებელი. საერთაშორისო პრაქტიკის შესაბამისად, ის რაც არის მოქცეული ჩარჩოში, პირობითად არის დაწესებული ე.წ. ქეშბექის ზედა ზღვარი, ახალი მაღაზიის გახსნის საფასურის გადასახადი, თაროზე მოხვედრის გადასახადი თუ ა.შ. აქ გარკვეული ტიპის რეგულირება მწარმოებელსაც და დისტრიბუტორსაც შესაძლებლობას მისცემს პროპორციულად დაადგინოს ზღვარი, ან აიკრძალოს. ამას დადებითი ზეგავლენა ექნება ფასზე.ჩვენდა სამწუხაროდ, ჩვენ არ ვართ მწარმოებლები, ევროპა თვითონ არის მწარმოებელი, მათ შორის, ევროპის ქვეყნების ბაზრები მნიშვნელოვნად დიდია და ერთი და იგივე ფასი ვერ იქნება შეთავაზებული მწარმოებლის მიერ 3 მილიონიანი და 60-70 მილიონიანი ქვეყნისთვის. აქ უკვე ფასთა შორის სხვაობა, რა თქმა უნდა, დიდი იქნება. რაც შეეხება იმას, რომ მაგ დონემდე რაიმე ტიპის ცვლილება მოხდეს, ეს ფიზიკურად და ტექნიკურადაც კი შეუძლებელი აღმოჩნდება, იმიტომ, რომ საბაჟომდე ტრანსპორტირების გარდა, დამატებით კიდევ დიდი ხარჯები არსებობს, რომელიც დიდ ზეგავლენას ახდენს. ჩვენ ვსაუბრობთ, რომ ეს რეგულირება არა ფასს, არამედ ურთიერთობას ეხება და აწესებს კონკრეტულ ზღვრებს და ჩარჩოებს, რომლის ფარგლებშიც შესაძლებელია, რომ ადგილობრივმა მწარმოებელმა და სადისტრიბუციო კომპანიამ ფასი დაწიოს. ის იხდის ამას იმისთვის, რომ ქსელში იყოს მისი პროდუქცია განთავსებული“,- განაცხადა ლაშა რიჟამაძემ.ცნობისთვის, სასურსათო პროდუქციის ფასებთან დაკავშირებით მოქმედი სამთავრობო საკოორდინაციო კომისიის დღევანდელ სხდომას სადისტრიბუციო კომპანიების წარმომადგენლები დაესწრნენ.

1769172433

გარიგება ითვალისწინებს მიწის, შენობებისა და მასთან დაკავშირებული ინფრასტრუქტურის, მათ შორის მიმდებარე საშტატო ქარხნის, Chery-სთვის გადაცემას. ტრანზაქციის დასრულება 2026 წლის შუა პერიოდისთვისაა დაგეგმილი და მარეგულირებელი ორგანოების დამტკიცებას ექვემდებარება.შეთანხმების ფარგლებში, როსლინის ობიექტზე Nissan-ის თანამშრომლების უმეტესობა Chery SA-სგან სამუშაო შეთავაზებებს ანალოგიური პირობებით მიიღებს. ეს შეინარჩუნებს სამუშაო ადგილების მნიშვნელოვან რაოდენობას და გააგრძელებს ადგილობრივი მიწოდების ჯაჭვის ფუნქციონირებას.Nissan Africa-ს პრეზიდენტმა ჟორდი ვილამ აღნიშნა, რომ კომპანია დიდი ხნის განმავლობაში ეძებდა ოპტიმალურ გადაწყვეტას, თანამშრომლების, პარტნიორებისა და მომხმარებლების ინტერესების გათვალისწინებით. მან აღნიშნა, რომ გარე ფაქტორებმა უარყოფითად იმოქმედა ქარხნის გამოყენებასა და მის გრძელვადიან მომგებიანობაზე Nissan-ის სტრუქტურაში და მიღწეული შეთანხმება შეინარჩუნებს ობიექტის სამრეწველო საქმიანობას და მის წვლილს სამხრეთ აფრიკის საავტომობილო ინდუსტრიაში.ტრანზაქციის დასრულების შემდეგ, Nissan გააგრძელებს ოპერირებას სამხრეთ აფრიკის ბაზარზე. კომპანია შეინარჩუნებს ავტომობილების გაყიდვებისა და მომსახურების ოპერაციებს და გეგმავს რამდენიმე ახალი მოდელის გამოშვებას 2026 ფისკალურ წელს, მათ შორის Nissan Tekton-ისა და Nissan Patrol-ის.

1769170305

„თეგეტა ჰოლდინგი“ თანამედროვე ტექნოლოგიურ და ციფრულ სერვისებს აფართოებს და კორპორაციული მომხმარებლებისთვის ავტოპარკის ფლობას კიდევ უფრო ამარტივებს. საავტომობილო ინდუსტრიის ლიდერ კომპანიას GPS ოპერატორი, GeoGPS შეემატა. ბაზრის ყველაზე მსხვილი მოთამაშე, „თეგეტასთან“ ერთად, ბიზნესს საერთაშორისო პრაქტიკაზე დაფუძნებულ მომსახურებას შესთავაზებს, რაც სისტემურ მიდგომასა და ფლიტის მართვაზე სრულ პასუხისმგებლობას ნიშნავს. გარიგება უკვე ძალაშია. მხარეთა ჩართულობით დოკუმენტს  ხელი „თეგეტას“ გეზის ფილიალის ტერიტორიაზე მოეწერა.ეკატერინე ქავთარაძე, „თეგეტა ჰოლდინგის“ მთავარი აღმასრულებელი ოფიცერი: „თეგეტას“ განვითარების სტრატეგია მომხმარებელზე ორიენტირებული და მონაცემებზე დამყარებული ეკოსისტემის შექმნას გულისხმობს. მაღალი სანდოობით გამორჩეული ტელემატიკ სისტემის კომპანიის “თეგეტა ჰოლდინგში” ინტეგრაცია კი ამ მიდგომის ლოგიკური და თანმიმდევრული გაგრძელებაა. ჩნდება ახალი შესაძლებლობა, სატრანსპორტო მონიტორინგისა და ფლიტის მენეჯმენტის მიმართულებით მომხმარებელს უფრო ეფექტიანი გადაწყვეტილებები შევთავაზოთ. მიგვაჩნია, რომ ეს გაფართოება ჰოლდინგისთვის ფუნდამენტურად მნიშვნელოვანი ნაბიჯია და ნათლად ადასტურებს ჩვენს მიზანს - ვიყოთ ინოვაციური მიდგომების სათავეში და უზრუნველვყოთ გრძელვადიანი, მდგრადი ღირებულების შექმნა ბიზნესისა და პარტნიორებისათვის“.  მოლაპარაკებები კომპანიებს შორის გასული წლის გაზაფხულზე დაიწყო და რამდენიმე თვეში წარმატებით დასრულდა. შეთანხმება ეფუძნება მრავალწლიან გამოცდილებას, სანდოობასა და საერთო ხედვას - შეიქმნას ახალი პლატფორმა, რომელიც როგორც მსხვილი, ისე მცირე და საშუალო ბიზნესის მზარდ მოთხოვნებს სათანადოდ უპასუხებს. ეს არის ავტოპარკის მართვის ახალი თაობის სერვისი, რომელიც კლასიკურ GPS მონიტორინგს მნიშვნელოვნად სცდება. საუბარია ისეთ ინტეგრირებულ გადაწყვეტილებებზე, როგორებიცაა:  ავტომობილის ტექნიკური მდგომარეობის მუდმივი კონტროლი, საწვავისა და ექსპლუატაციის ხარჯების ანალიზი, მძღოლის ქცევის შეფასება, უსაფრთხოების გაუმჯობესება და ოპერაციული ეფექტიანობის ზრდა.ნიკოლოზ ხიდურელი, „თეგეტა ჰოლდინგის“ მთავარი ფინანსური ოფიცერი: „GeoGPS-თან გარიგება „თეგეტას“ ფინანსური პოლიტიკის ნაწილია, რომელიც კაპიტალის ეფექტიან გადანაწილებასა და დიდი პოტენციალის მქონე მიმართულებებში ინვესტირებას გულისხმობს. GPS სერვისების ინტეგრაციით ჩვენ, ერთი მხრივ, ვაძლიერებთ განმეორებადი შემოსავლის წყაროებს და ფინანსურად მდგრად პლატფორმას ვქმნით, მეორე მხრივ კი, თანამედროვე, სისტემურად გამართული და კომპლექსური სერვისით ბაზარზე ლიდერის პოზიციას ვიმყარებთ.  ჩვენ წლებია, ვთანამშრომლობთ GeoGPS-თან, ვიცნობთ მათ პროდუქტს, ხარისხს, შესაძლებლობებსა და მართვის სტილს. შესაბამისად, ვფიქრობთ, საერთო ძალისხმევითა და სინერგიით  დასახულ ამოცანებს წარმატებით შევასრულებთ და შევძლებთ, რომ ავტოპარკის ეფექტიანი მართვა მომხმარებლის ბიზნესის უწყვეტობის რეალურ გარანტად ვაქციოთ“. კომპლექსური სერვისის ფარგლებში მომხმარებელი მონაცემებზე დაფუძნებული, ჭკვიანი ინსტრუმენტებით სარგებლობს, რომლებიც მას სწორი და დროული გადაწყვეტილებების მიღებაში დაეხმარება - როდის სჭირდება ავტომობილს სერვისი, როგორ შემცირდეს ხარჯები, როგორ გაიზარდოს უსაფრთხოება და პროდუქტიულობა. მიზანი სრულფასოვანი Fleet Management პლატფორმის შექმნაა, რომელიც ბიზნესებს რეალურ, გაზომვად ღირებულებას შესთავაზებს და ავტოპარკის მართვას სრულიად ახალ დონეზე აიყვანს. მომსახურება ყველა ტიპის ავტოსატრანსპორტო საშუალებებზე ვრცელდება. მსუბუქი, მძიმე და სპეციალური დანიშნულების ტექნიკის მფლობელები ტექნიკური მომსახურების, სათადარიგო ნაწილების, მონიტორინგისა და ბიზნესანალიტიკის სრულ პაკეტს მიიღებენ.დავით მუმლაძე, GeoGPS-ის დამფუძნებელი და დირექტორი: „თეგეტასთან“ კომუნიკაციის დასაწყისშივე ცხადი იყო, რომ საუბარი არ ეხებოდა მხოლოდ ფინანსურ გარიგებას. პირველივე შეხვედრებიდან გამოჩნდა, რომ ავტოპარკის მართვის მომავალს ორივე მხარე ერთნაირად უყურებდა. GeoGPS უკვე წლებია, საქართველოს ბაზრის ლიდერია ავტოპარკის მონიტორინგის სფეროში, თუმცა შემდეგ ეტაპზე გადასასვლელად საჭირო იყო პარტნიორი, რომელსაც აქვს მასშტაბი, ინფრასტრუქტურა და ძლიერი ურთიერთობა კორპორაციულ მომხმარებლებთან. „თეგეტა ჰოლდინგი“ ამ მხრივ უნიკალურ პოზიციაშია - ეს არის კომპანია, რომელსაც ენდობა ათასობით ბიზნესი და რომელიც აქტიურად ახორციელებს ინოვაციებს ავტომობილებისა და მობილობის მიმართულებით.ამასთან ერთად, ჩვენთვის მნიშვნელოვანია, რომ GeoGPS შეინარჩუნებს ტექნოლოგიურ დამოუკიდებლობას, გუნდსა და პროდუქტზე ფოკუსს, ხოლო „თეგეტასთან“ ერთად შეძლებს ახალი, კომპლექსური გადაწყვეტილებების მიღებას - ისეთების, რომლებიც მანქანას, სერვისს, მონაცემებსა და ანალიტიკას ერთ სისტემაში აერთიანებს“.შეთანხმება უკვე ამოქმედებულია და მომხმარებელს შესაძლებლობა აქვს, „თეგეტას“ მომსახურების თანამედროვე მიდგომებით ისარგებლოს. უწყვეტ განვითარებაზე ზრუნვით კომპანია კიდევ ერთხელ ადასტურებს მისწრაფებას, იყოს ტექნოლოგიური ტრანსფორმაციის ლიდერი სატრანსპორტო ინდუსტრიაში და ბიზნესებისთვის ავტოპარკის ფლობის ახალი მომავალი შექმნას.--,,თეგეტა ჰოლდინგის” შესახებ: უმსხვილესი საავტომობილო კომპანია კავკასიასა და ცენტრალურ აზიაში მომხმარებელს საავტომობილო ეკოსისტემის სრულ სპექტრს სთავაზობს, რაც მსუბუქ, სატვირთო და სამშენებლო, ასევე კომერციულ, სამგზავრო და ინდუსტრიულ ტრანსპორტს მოიცავს. მთელი ქვეყნის მასშტაბით ,,თეგეტას” 28 სერვისცენტრი აქვს. „თეგეტა“ ექსკლუზიურად წარმოადგენს ცნობილ ბრენდებს Porsche, Lamborghini, Bentlye, Volvo, Toyota, Mazda, Geely, Zeekr. სატვირთო და სპეცტექნიკის მიმართულებით ჰოლდინგის პარტნიორები არიან ისეთი დიდი ბრენდები, როგორებიცაა: MAN, JCB, HINO, LIEBHERR, BOMAG და სხვები. ,,თეგეტა” მსოფლიოს 300-ზე მეტი წამყვანი საავტომობილო ბრენდის იმპორტიორია საქართველოში. ,,თეგეტა ჰოლდინგი”, 3000-მდე თანამშრომლით, დღეს საქართველოში ერთ-ერთი უმსხვილესი დამსაქმებელია.

1769167440

მუდმივი წინსვლისა და არგაჩერების პროცესში სუხიშვილების მთავარი სპონსორი საქართველოს ბანკია, ღონისძიების ორგანიზატორი კი Emolas Corporation იყო.1891 წელს გახსნილი კარნეგი ჰოლი საუკუნეზე მეტია გამორჩეულ არტისტებს მასპინძლობს. მათ, რომლებმაც ეპოქები შექმნეს. სწორედ აქ იდგნენ ბილი ჰოლიდეი, ლუი არმსტრონგი, ელა ფიცჯერალდი, მაილს დევისი, არეტა ფრანკლინი, მარია კალასი, The Beatles და სხვა არტისტები, რომლებმაც ეს სცენა ლეგენდარულად აქციეს.  მათი თითოეული კონცერტი კულტურულ მოვლენად იქცა, რომელმაც თაობები გააერთიანა და დროს გაუძლო.მათ რიგს უკვე ქართული კულტურაც შეუერთდა. სუხიშვილების კონცერტმა კარნეგი ჰოლში დაადასტურა, რომ ქართული ეროვნული ცეკვა მსოფლიო კულტურის ნაწილია.აღსანიშნავია, რომ საქართველოს ბანკი აქტიურ რეჟიმში უჭერს მხარს საზღვარგარეთ მცხოვრებ ქართველებს და მათთვის არაერთ პროექტს ახორციელებს როგორც საბანკო სერვისების განვითარების,  ისე კულტურული პროექტების განხორციელების მიმართულებით. სუხიშვილების კონცერტის მხარდაჭერა სწორედ ამ ხედვის ნაწილია.„სუხიშვილების კარნეგი ჰოლის სცენაზე გამოსვლა ისტორიული მოვლენაა, რომელიც განსაკუთრებულად მნიშვნელოვანია საზღვარგარეთ მცხოვრები ჩვენი თანამემამულეებისთვის. საქართველოს ბანკი უკვე წლებია აქტიურად ახორციელებს ემიგრანტებზე ორიენტირებულ არაერთ პროექტს როგორც ფინანსური სერვისების განვითარების, ისე კულტურული და საზოგადოებრივი ინიციატივების მხარდაჭერის კუთხით. ჩვენთვის განსაკუთრებით საამაყოა, რომ ამ ისტორიული მნიშვნელობის მოვლენის მხარდამჭერები ვართ. მსგავსი ღონისძიებები გვაძლევს შესაძლებლობას ემიგრანტებისთვის შევქმნათ კავშირი საკუთარ კულტურასთან, სადაც არ უნდა იყვნენ ისინი”, - განაცხადა საქართველოს ბანკის ემიგრანტების საბანკო მომსახურების დეპარტამენტის დირექტორმა, ნატალია შათირიშვილმა.თუ ქვეყნის საზღვრებს გარეთ ცხოვრობთ და გიყვართ ქართული კულტურა, შემოუერთდით ემიგრანტების ჯგუფს, რომ მსგავსი დღეები ერთად აღვნიშნოთ!

1769166960

კითხვაზე, შესაძლებელია თუ არა პროდუქტებზე ფასების შემცირება, აკაკი ახვლედიანი აცხადებს, რომ - კი.„ფასწარმოქმნა რომ მაღალია, ამაზე, რა თქმა უნდა, ვთანხმდებით. ამას გარკვეული მიზეზები აქვს. ამ მიზეზებზე იყო საუბარი. ეს არ არის მარტო ერთი მხარის პრობლემა - მე, მაგალითად, ორივე მხარეს წარმოვადგენ ამ შემთხვევაში. ეს არის საკითხი, რომელიც უნდა დარეგულირდეს კანონმდებლობით“, - განაცხადა აკაკი ახვლედიანმა.ირაკლი კობახიძე პროდუქტებზე მაღალი ფასების საკითზე, სადისტრიბუციო კომპანიების წარმომადგენლებს შეხვდა.

1769165002

სააგენტოს გავრცელებულ ინფორმაციით, "აღნიშნული გადაწყვეტილებით, ნათია ლაბაძე გახდა პირველი ქალი კაპიტანი საქართველოში.ნათია ლაბაძე ბათუმის საზღვაო აკადემიის კურსდამთავრებულია. მისი პროფესიული გზა 2015 წელს კადეტობიდან დაიწყო. ამჟამად იგი კონტეინერმზიდ გემზე კაპიტნის თანაშემწედ მუშაობს და მზად არის, ჩაიბაროს გემის კაპიტნის პოზიცია და ეკიპაჟის ხელმძღვანელობა. ნათია ლაბაძის პროფესიული მიღწევა მნიშვნელოვანი მაგალითია ქალთა ჩართულობის ზრდის თვალსაზრისით საზღვაო დარგში.ამჟამად საზღვაო ტრანსპორტის სააგენტოს მიერ 130 ქალი მეზღვაურია სერტიფიცირებული, საიდანაც 120 საკრუიზო გემებზეა დასაქმებული როგორც დამხმარე პერსონალი. რაც შეეხება დანარჩენ 10 ქალ მეზღვაურს, ისინი უშუალოდ მეზღვაურის კომპეტენციას ფლობენ, ოთხი მათგანი ამჟამად შორეულ ნაოსნობაშია.აღსანიშნავია, რომ საქართველოში ქალები გასული საუკუნის დასაწყისიდან ცდილობდნენ საზღვაო პროფესიებში დასაქმებას. მე-20 საუკუნის პირველ ნახევარში იულია ფაილოძემ, ვაიდე გვარიშვილმა, ნინო კალანდაძემ და შუშანა თუმანიშვილმა ბათუმის საზღვაო ტექნიკუმი დაამთავრეს და შორეულ ნაოსნობაში გასვლის სურვილი გამოთქვეს. მე-20 საუკუნის მეორე ნახევრიდან ყოფილ საბჭოთა კავშირში ქალების მსახურება შორეულ ნაოსნობაში პრაქტიკულად შეუძლებელი იყო. შეზღუდვების გამო, ქალები საზღვაო დარგში ძირითადად სანაპირო და დამხმარე მიმართულებებში საქმიანობდნენ — მეტეოროლოგიაში, რადისტებად, სამედიცინო პერსონალში, ჰიდროგრაფიაში და სხვა სანაპირო სტრუქტურებში. სწორედ ამიტომ ნათია ლაბაძის პრეცედენტი გამორჩეულია და საქართველოს იმ ქვეყნების გვერდით აყენებს, სადაც ქალს გემზე უმაღლესი თანამდებობის დაკავება შეუძლია."

1769161882