მსოფლიო ჩემპიონატის პერიოდში Wolt-ზე ყველაზე სწრაფად მზარდი პროდუქტები გამოვლინდა

კომპანიის ინფორმაციით, ტურნირის ჯგუფური ეტაპის (11–21 ივნისი) განმავლობაში, გაიზარდა როგორც ჯგუფური შეკვეთების რაოდენობა, ისე გარკვეული პროდუქტის მიმართ მოთხოვნა.მონაცემები აჩვენებს, რომ მატჩების დღეებში მომხმარებლები უფრო ხშირად ირჩევდნენ ერთობლივ შეკვეთებს. ქვეყნის მასშტაბით ჯგუფური შეკვეთები 7%-ით გაიზარდა, ხოლო ყველაზე მაღალი ზრდა ბათუმში დაფიქსირდა, სადაც ამ მაჩვენებელმა 22%-ს მიაღწია. თბილისში ჯგუფური შეკვეთები 4%-ით გაიზარდა. ტურნირის პერიოდში განსაკუთრებული ზრდა დაფიქსირდა კვების ობიექტების არაერთ პროდუქტზე. ყველაზე სწრაფად მზარდი პროდუქტი აღმოჩნდა ნაჩოს სამკუთხედები, რომლის შეკვეთებიც 1 674%-ით გაიზარდა. მას მოჰყვება Big Mac-ის სოუსი (+808%), BBQ Signature (+308%), ცხარე ჩიზი (+251%) და ორ ადამიანზე გათვლილი ბურგერის კომბო (+251%). მონაცემები აჩვენებს, რომ მატჩების ყურებასთან ერთად, მომხმარებლები სულ უფრო ხშირად ირჩევდნენ გაზიარებისთვის განკუთვნილ კომბოებსა და სნექებს.საინტერესო ტენდენციები გამოიკვეთა სასურსათო კატეგორიაშიც. ყველაზე მაღალი ზრდა ლურჯ მოცვზე დაფიქსირდა (+584%), რასაც მოჰყვება სიმინდი (+177%), საზამთრო და ნესვი (+109%) და სხვა სეზონური პროდუქტები. ეს მიუთითებს, რომ ფეხბურთის ჩემპიონატი საქართველოში ზაფხულის სეზონურ მოხმარებასაც დაემთხვა, რის გამოც მომხმარებლების კალათაში სპორტული საღამოსთვის განკუთვნილ სნექებთან ერთად, ახალი ხილი და სეზონური პროდუქტებიც აქტიურად გამოჩნდა.„მსგავსი მასშტაბის სპორტული მოვლენები საინტერესო შესაძლებლობას გვაძლევს დავაკვირდეთ, როგორ იცვლება მომხმარებლების ყოველდღიური ქცევა. მონაცემები გვაჩვენებს, რომ მატჩების პერიოდში ადამიანები უფრო ხშირად იკრიბებიან მეგობრებთან და ოჯახთან ერთად, აქტიურად იყენებენ ჯგუფურ შეკვეთებს და არჩევანს აკეთებენ ისეთ პროდუქტებზე, რომლებიც საერთო გამოცდილებას ქმნის. სწორედ ასეთ პერიოდებში განსაკუთრებით კარგად ჩანს, როგორ ხდება Wolt ყოველდღიური ცხოვრების ნაწილი, იქნება ეს მატჩის ყურებისთვის საჭირო პროდუქტები, საკვები თუ სხვა ყოველდღიური ნივთები,“ - აცხადებენ Wolt-ში.მსოფლიო ჩემპიონატის განმავლობაში Wolt მომხმარებლებს სპეციალურ აქციებსა და ფასდაკლებებს სთავაზობს, რაც მათ საშუალებას აძლევს, საკვები, სურსათი და ყოველდღიური საჭიროების სხვა პროდუქტები ერთ სივრცეში, მარტივად და კომფორტულად შეიძინონ.

1783174166

შეხვედრას სოფლის განვითარების სააგენტოს დირექტორი ზურაბ გოზალიშვილი და შიდა ქართლის მხარეში სახელმწიფო რწმუნებულის  პირველი მოადგილე  მიხეილ ფავლენიშვილი ესწრებოდნენ.შეხვედრის ფარგლებში მონაწილეებს დეტალური ინფორმაცია მიეწოდათ პროგრამის მიზნების, დაფინანსების პირობებისა და მიმართულებების შესახებ.„აგროთანადაფინანსების სახელმწიფო პროგრამა“ 1 ივლისს ამოქმედდა. პროგრამის ფარგლებში ფინანსდება მრავალწლოვანი კულტურების გაშენება, სასათბურე მეურნეობების, მეცხოველეობისა და მეფრინველეობის ფერმების, მეფუტკრეობის, აკვაკულტურისა და მარიკულტურის მეურნეობების მოწყობა, სასურსათო დანიშნულების ცხოველების დაკვლისთვის განკუთვნილი ობიექტების (სასაკლაოების) მოწყობა, ასევე გადამამუშავებელი და შემნახველი საწარმოების შექმნა.პროგრამით სარგებლობა შეუძლია რეგისტრირებულ მეწარმე ფიზიკურ პირს (ინდივიდუალურ მეწარმეს) ან მეწარმე იურიდიულ პირს.სააგენტოს თანადაფინანსების ჯამური მოცულობა პროგრამის  ფარგლებში არაუმეტეს 2 მილიონი ლარით განისაზღვრება. განსხვავებული პირობებით სარგებლობენ მერძეული ფერმის მოწყობით დაინტერესებული ფერმერები.პროგრამის ფარგლებში სააგენტოს თანადაფინანსება წარდგენილი პროექტის ჯამური ღირებულების არაუმეტეს 50%-მდეა განსაზღვრული, ხოლო სასოფლო-სამეურნეო სტატუსის მქონე კოოპერატივებისთვის, გამყოფი ხაზის მიმდებარე სოფლებში და მაღალმთიან დასახლებებში განსახორციელებელი პროექტებისთვის – არაუმეტეს 55%-მდე.„აგროთანადაფინანსების სახელმწიფო პროგრამაში“ განაცხადების მიღება ხორციელდება ელექტრონულად, სოფლის განვითარების სააგენტოს ოფიციალური ვებგვერდის მეშვეობით.სახელმწიფო პროგრამაში მონაწილეობის ერთ-ერთი აუცილებელი წინაპირობაა ფერმერული მეურნეობებისა და სოფლად არსებული საწარმოების რეესტრში რეგისტრაცია.

1783086797

ფერმერული მეურნეობებისა და სოფლად არსებული საწარმოების რეესტრში რეგისტრაცია აუცილებელია მათთვის ვინც უკვე რეგისტრირებელია  ფერმათა/ფერმერთა რეგისტრაციის პროექტში - „ფერმერთა რეესტრი“.  ფერმერული მეურნეობებისა და სოფლად არსებულისაწარმოების რეესტრი წარმოადგენს ერთიანელექტრონულ  სისტემას, რომელიც აერთიანებსმონაცემებს ფერმერული მეურნეობებისა დასოფლად მოქმედი საწარმოების შესახებ. რეგისტრაციისას ერთიან ელექტრონულ სისტემაშიაისახება ბენეფიციარის შესახებ ძირითადიინფორმაცია, მათ შორის, მონაცემები მიწისნაკვეთებისა და სასოფლო-სამეურნეო საქმიანობისშესახებ. რეგისტრაცია შესაძლებელია სოფლის განვითარების სააგენტოში, როგორც  თბილისში (თბილისი, დევი აბაშიძის 10ა), ასევე რეგიონებში. მუნიციპალიტეტებში მოქმედი საინფორმაციო-საკონსულტაციო ცენტრების მისამართები ხელმისაწვდომია შემდეგ ბმულზე https://rda.gov.ge/contact/contact).

1783085731

პროექტის ფარგლებში თიბისის წარმომადგენლები ქობულეთის, ბათუმის, დაბა ჩაქვისა და რუსთავის 11 სკოლას 270 მოსწავლეს შეხვდნენ. ინტერაქციული ფორმატის ფარგლებში მოსწავლეები გაეცნენ ლარის ისტორიას, მონაწილეობა მიიღეს ფინანსური განათლების თემაზე შემეცნებით თამაშებში და საჩუქრად მიიღეს მათ ასაკზე მორგებული საგანმანათლებლო კომიქსები.შეხვედრების ფარგლებში, თიბისის წარმომადგენლები, მოსწავლეებს ესაუბრნენ ისეთ მნიშვნელოვან თემებზე, როგორიცაა ფულის გონივრული მართვა, დაზოგვის მნიშვნელობა, გაუთვალისწინებელი მოვლენებისთვის ფინანსური მზადყოფნა, ფინანსური მიზნების დასახვა და მიღწევა, ასევე, ფინანსური უსაფრთხოების ძირითადი პრინციპები. შეხვედრების მიზანი იყო, ბავშვებს ადრეული ასაკიდანვე ჩამოუყალიბდეთ დამოუკიდებლობისა და ფულთან სწორი ურთიერთობის უნარები.თიბისისთვის ფინანსური განათლების ხელშეწყობა კორპორაციული პასუხისმგებლობის ერთ-ერთი მნიშვნელოვანი მიმართულებაა. სწორედ ამიტომ, ბრენდი აქტიურად მონაწილეობს ინიციატივებში, რომლებიც ბავშვებსა და ახალგაზრდებს ფინანსური ცოდნის გაღრმავებასა და პასუხისმგებლიანი გადაწყვეტილებების მიღების უნარის განვითარებაში ეხმარება.პროექტი „მოიწვიე ფინედუ კლასში“ ფულის გლობალური კვირეულის ფარგლებში ყოველწლიურად ტარდება და საქართველოს ეროვნული ბანკის ფინანსური განათლების პლატფორმა „ფინედუს“ ორგანიზებით, პარტნიორი ორგანიზაციების ჩართულობით ხორციელდება.ფულის გლობალური კვირეული (Global Money Week) 2012 წლიდან მსოფლიოს 170-ზე მეტ ქვეყანაში იმართება და მისი მიზანია ბავშვებსა და ახალგაზრდებში ფინანსური, ეკონომიკური და სამეწარმეო განათლების პოპულარიზება. საქართველოში ინიციატივას საქართველოს ეროვნული ბანკის ფინანსური განათლების პლატფორმა - ფინედუ, პარტნიორებთან ერთად, 2026 წელს უკვე მეთორმეტედ შეუერთდა. წლევანდელი კამპანია ახალგაზრდებში ფულთან დაკავშირებულ საკითხებზე ღია საუბრის მნიშვნელობას უსვამს ხაზს და მათ ფინანსურად გააზრებული გადაწყვეტილებების მიღებაში ეხმარება.

1783085450

დოკუმენტს ხელი მოაწერეს საქართველოს ფინანსთა მინისტრმა, ლაშა ხუციშვილმა და  უზბეკეთის რესპუბლიკის ინვესტიციების, მრეწველობისა და ვაჭრობის მინისტრმა, ლაზიზ კუდრატოვმა.მემორანდუმის თანახმად, სამინისტროები ითანამშრომლებენ შემდეგ სფეროებში: საჯარო ფინანსების მართვა; ბიუჯეტის დაგეგმვა; საგადასახადო პოლიტიკა; ფინანსური და საბიუჯეტო ანგარიშგება; ბუღალტრული აღრიცხვა და აუდიტი; სახელმწიფო ვალის მართვა და სხვა.თანამშრომლობა, ასევე, მოიცავს ინფორმაციისა და ექსპერტული ცოდნის გაცვლასა და საკონსულტაციო დახმარებას.დღესვე მინისტრებმა გააფორმეს შეთანხმება „საქართველოს მთავრობასა და უზბეკეთის რესპუბლიკის მთავრობას შორის საბაჟო საკითხებში თანამშრომლობისა და ადმინისტრაციული ურთიერთდახმარების შესახებ“.დოკუმენტი არეგულირებს საბაჟო ადმინისტრაციებს შორის ინფორმაციის გაცვლის, ადმინისტრაციული დახმარების გაწევის, საბაჟო კანონმდებლობის დარღვევების პრევენციის, გამოვლენისა და გამოძიების, ასევე, საბაჟო სამართალდარღვევებთან ბრძოლის მიზნით თანამშრომლობის ძირითად პრინციპებსა და მექანიზმებს.შეთანხმება ხელს შეუწყობს საქართველოსა და უზბეკეთის რესპუბლიკის საბაჟო ადმინისტრაციებს შორის თანამშრომლობის გაძლიერებას და ორ ქვეყანას შორის ეკონომიკური კავშირების გაფართოებას.

1783085001

აღნიშნული ინიციატივის მიზანი გამორჩეული მასწავლებლების გამოვლენა და დაფასებაა, რომლებიც განათლების სფეროში პოზიტიურ ცვლილებას ქმნიან.წლევანდელი მასწავლებლების საუკეთესო ათეულის წევრები გახდნენ: ცოტნე გვაჯაია, ზუგდიდის N5 საჯარო სკოლის კომპიუტერული ტექნოლოგიების მასწავლებელი; არჩილ თოდუა, ზუგდიდის N9 საჯარო სკოლის სამოქალაქო განათლების და მოქალაქეობის მასწავლებელი; მარიამ კვაჭაძე, დუშეთის მუნიციპალიტეტის სოფელ შუაფხოს საჯარო სკოლის ქართული ენისა და ლიტერატურის მასწავლებელი; დავით მალაზონია, თანამედროვე განათლების აკადემიის ისტორიის მასწავლებელი; მაგდა მიქაბერიძე, თბილისის N45 საჯარო სკოლის დაწყებითი საფეხურის მასწავლებელი; ეკატერინე ჩიქოვანი, თბილისის საერთაშორისო სკოლის ქართული ენისა და ლიტერატურის მასწავლებელი; მადონა წერედიანი, მესტიის მუნიციპალიტეტის სოფელ ლატალის საჯარო სკოლის ქართული ენისა და ლიტერატურის მასწავლებელი; დავით ჯანდიერი, თბილისის ილია ჭავჭავაძის სახელობის 23 საჯარო სკოლის, მჭევრის დამოუკიდებელი ბიზნეს სკოლის და აზროვნების აკადემიის სკოლის მოქალაქეობის, ბიზნესისა და მე და საზოგადოების მასწავლებელი; ირინა ჯვარშეიშვილი, გოგიტა კიკნაძის სახელობის თბილისის N182 საჯარო სკოლის სამოქალაქო განათლების მასწავლებელი; ლაურა ჯიმშელეიშვილი, დამოუკიდებელი საერო გიმნაზიის „შავნაბადა“ ბიოლოგიისა და ბუნებისმეტყველების მასწავლებელი. შეგახსენებთ, რომ მასწავლებლის ეროვნული ჯილდოს კონკურსი სამ ეტაპად ტარდება: პირველ ეტაპზე აპლიკაციები ტექნიკურ შემოწმებას გადიან, რის შემდეგაც საუკეთესო ათეული ირჩევა. შემდგომ ეტაპზე ხდება ხუთი ფინალისტის გამოვლენა, ხოლო გამარჯვებული 5 ოქტომბერს, მასწავლებლის მსოფლიო დღეს დასახელდება.წელს მასწავლებლის ეროვნული ჯილდოს კონკურსზე 1200-ზე მეტი მასწავლებელი წარადგინეს, 120-ზე მეტმა კი თავად შეავსო განაცხადი.მასწავლებლის ეროვნული ჯილდო საქართველოში 2017 წელს დაწესდა და გლობალური ინიციატივის - „The Global Teacher Prize“-ის ნაწილია. პროექტის მხარდამჭერები არიან: გენერალური სპონსორი - გუდავაძე-პატარკაციშვილის ფონდი; მთავარი მხარდამჭერი - საქართველოს ბანკი; ოქროს სპონსორი - ილიას სახელმწიფო უნივერსიტეტი; მხარდამჭერი და სპონსორი - კონსულტაციისა და ტრენინგის ცენტრი (CTC); მხარდამჭერი - ალტე უნივერსიტეტი.ინფორმაციისთვის, მოსწავლეების, სტუდენტების, ახალგაზრდა პროფესიონალებისა და მასწავლებლების მხარდაჭერის მიზნით, საქართველოს ბანკისთვის განათლება უკვე ექვს წელზე მეტია CSR მიმართულების ერთ-ერთი მთავარი პრიორიტეტია. ბანკი 40-ზე მეტ საგანმანათლებლო პროექტს ახორციელებს და მხარს უჭერს, რითაც 500 000-ზე მეტი მოსწავლისთვის, სტუდენტისა და ახალგაზრდა პროფესიონალისთვის ქმნის განათლების შესაძლებლობას.საქართველოს ბანკის საგანმანათლებლო პროექტებს შორისაა: საქართველოს ბანკის სტიპენდიები, გიორგი ჩახავას სახელობის სტიპენდია, დიდ ბრიტანეთში, აშშ-სა და გერმანიაში სწავლის სრული დაფინანსება, იდეათეკები - საქართველოს ბანკის ბიბლიოთეკების პროექტი, STEM სკოლა, STEM ოლიმპიადა, ეკონომიკის ოლიმპიადა, Kings-ის ფინანსური განათლების ოლიმპიადა, ევერესტი, საჯარო მეტყველების კონკურსი და სხვა ინიციატივები.საქართველოს ბანკის საგანმანათლებლო პროექტების შესახებ დეტალური ინფორმაციის მიღება შესაძლებელია ვებგვერდზე ganatleba.bog.ge

1783083724