თბილისში Starbucks-ი გაიხსნა

გაორმაგებული PLUS ქულები „თეგეტა მოტორსში“ - 5 ივლისს მომხმარებელი განსაკუთრებული შეთავაზებით სარგებლობს. აქციის ფარგლებში „საქართველოს ბანკში“ დაგროვილი PLUS ქულების ღირებულება ორმაგდება და მომხმარებელს საშუალება ეძლევა, საავტომობილო პროდუქციის სრულ ასორტიმენტზე 50%-იანი ფასდაკლებით ისარგებლოს.აქცია მოქმედებს როგორც „თეგეტა მოტორსის“ ფილიალებში, ისე ონლაინ პლატფორმა Tegetashop.ge-ზე. PLUS შეთავაზება 5 ივლისს ასევე იმოქმედებს Tbilisi Mall-სა და East Point-ში განთავსებულ „თეგეტა მოტორსის“ სტენდებზე.ელენე კოხრეიძე, „თეგეტა ჰოლდინგის“ მარკეტინგის მთავარი ოფიცერი: „გაორმაგების დღე PLUS პროგრამის მომხმარებლებისთვის წლის ერთ-ერთი ყველაზე ხელსაყრელი შეთავაზებაა. ერთი დღის განმავლობაში, დაგროვილი ქულების ღირებულება ორმაგდება - ეს პრაქტიკულად ნიშნავს 50%-იან ფასდაკლებას საავტომობილო პროდუქციის სრულ ასორტიმენტზე. „თეგეტა მოტორსისთვის“ მნიშვნელოვანია, მომხმარებელს განსაკუთრებული პირობები შევთავაზოთ და საავტომობილო პროდუქციის შეძენა მაქსიმალურად ხელმისაწვდომი და მოსახერხებელი გავხადოთ. PLUS პროგრამა სწორედ ამ მიზანს ემსახურება - მას შემდეგ, რაც მომხმარებელი ჩვენი ერთგული პარტნიორი ხდება, ვცდილობთ, ამ ურთიერთობის ღირებულება რეალურ, ხელშესახებ სარგებელში აისახოს. PLUS ქულების გაორმაგების დღეც ერთ-ერთი ასეთი მაგალითია“.ENERGIZER-ის სპეციალური შეთავაზებამხოლოდ 5 ივლისს ENERGIZER-ის აკუმულატორის შეძენისას, მომხმარებელი ორ შეთავაზებას შორის შეძლებს არჩევანის გაკეთებას - PLUS ქულებით გადახდისას მოქმედი ფასდაკლებით ისარგებლებს, ან აქციით „1 ამპერი = 2 ლარი".5 ივლისს, 09:30-დან 18:00 საათამდე, PLUS ქულების გაორმაგების აქცია მოქმედებს თეგეტა მოტორსის ფილიალებში მთელი საქართველოს მასშტაბით — თბილისში, გორში, მარნეულში, თელავში, ახალციხეში, ქუთაისში, რუხში, ფოთსა და ბათუმში. ცენტრალური ფილიალი - დ. აღმაშენებლის ხეივანი №129 დიღმის მასივი - ბელიაშვილის ქუჩა №127, მიონის ქარხნის მოპირდაპირე მხარეს ვარკეთილი - ლაღიძის ქუჩა №6 ვაკე - უნივერსიტეტის ქუჩა №6 სანაპირო - ტაბიძის ხიდის ქვეშ გორი - პუშკინის ქუჩა №2 მარნეული - 26 მაისის ქუჩა თელავი - სოფელი ვარდისუბანი ახალციხე - თამარაშვილის ქუჩა №69 ქუთაისი - აღმაშენებლის ქუჩა №99 რუხი - სოფელი რუხი ფოთი - ლარნაკას ქუჩა №2 ბათუმი - გაგარინის ქუჩა №1 გარდა ამისა, შეთავაზებით სარგებლობა ასევე შესაძლებელია „თეგეტა მოტორსის“ სტენდებზე: East Point-სა (თვალჭრელიძის ქუჩა №2) და Tbilisi Mall-ში (დ. აღმაშენებლის ხეივანი, 213-ე კმ).--„თეგეტა მოტორსის“ შესახებ: „თეგეტა ჰოლდინგში“ შემავალი კომპანია „თეგეტა მოტორსი“ 1995 წლიდან ოპერირებს ბაზარზე მსუბუქი, სატვირთო და სპეციალური დანიშნულების სერვისის მიმართულებით. ავტოინდუსტრიის ლიდერი კომპანია მომხმარებელს ავტომომსახურების სრულ სპექტრს სთავაზობს, როგორც მსუბუქი და სატვირთო ავტომობილების, ისე ავტობუსებისა და მიკროავტობუსების, ასევე სპეციალური დანიშნულების ტექნიკის მიმართულებით. კომპანიას მთელი ქვეყნის მასშტაბით 28 ფილიალი აქვს, რომლებიც 500 000-მდე საცალო და 35 000-მდე კორპორაციულ მომხმარებელს ემსახურება. „თეგეტა მოტორსი“ არაერთი პრემიუმ ბრენდის ოფიციალური წარმომადგენელია საქართველოში, მათ შორის არის Bridgestone, Michelin, Varta, Shell, Motul, Ate და სხვა.

1783080780

მისი თქმით, საბაჟო მიმართულებით ხელმოწერილიშეთანხმების ფარგლებში შესაძლებელი გახდებაინფორმაციის გაცვლა, რაც ხელს შეუწყობს ორი ქვეყნისსაბაჟო უწყებებს შორის ეფექტიან კოორდინაციას.„გარდა ამისა, მნიშვნელოვანი შეთანხმება გაფორმდა,ასევე, საფინანსო სფეროში თანამშრომლობის მიმართულებით, რაც ჩვენს ქვეყნებს საშუალებას მისცემსგაუზიარონ ერთმანეთს გამოცდილება ისეთ სფეროებში, როგორიცაა: საბიუჯეტო დაგეგმვის პროცესი, საჯარო ფინანსების მართვის საკითხები. ამ მიმართულებით საქართველოს მსოფლიოში აქვს მოწინავე პოზიციები. საქართველო ბიუჯეტის გამჭვირვალობის ინდექსით, არის მსოფლიოში ნომერ პირველი ქვეყანა, ასევე, ძალიან მოწინავე პოზიციები აქვს საჯარო ფინანსების მართვის რეფორმის მიმართულებით, რაც საშუალებას მისცემს ჩვენს უზბეკ კოლეგებს გაიზიარონ რეფორმის შედეგები და ერთობლივად მოხდეს აღნიშნულ თემებზე მუშაობა“, -აღნიშნა ფინანსთა მინისტრმა, ლაშა ხუციშვილმა.

1783076436

არ გამოგრჩეთ „Creator ჩემპიონატის” ახალი ეპიზოდი @argacherde-ს არხზე.მეორე ეპიზოდის მონაწილეები ჯი2ჯ, ოზი და კოპალა არიან. ისინი მანჩესტერ სიტის სახელით ასპარეზობენ.Creator ჩემპიონატის ფარგლებში, მათ უნდა შეასრულონ  სახალისო დავალებები, მონაწილეობა მიიღონ მოედანზე გამართულ შეჯიბრებებში და გასცენ პასუხი საინტერესო კითხვებს მათი საყვარელი გუნდის ისტორიიდან.შეგახსენებთ, რომ პროექტში 6 გუნდი მონაწილეობს და ისინი საკუთარი საგულშემატკივრო ქვეყნების სახელით ასპარეზობენ. გამარჯვებულების გამოვლენა ლიდერბორდების მიხედვით მოხდება. საუკეთესო კი ის გუნდი გახდება, რომელიც შეძლებს საკუთარი საგულშემატკივრო ქვეყნის ღირსების დაცვას.Creator ჩემპიონატის გამარჯვებულს საქართველოს ბანკისგან ფულადი პრიზი - 10 000 ლარი გადაეცემა. ერთად ვუგულშემატკივროთ საყვარელი კრეატორების გუნდებს.საქართველოს ბანკი - სპორტის მთავარი მხარდამჭერი და საქართველოს ეროვნული საფეხბურთო ნაკრების მთავარი სპონსორი.

1783073620

ცნობისთვის, საქართველოში "სტარბაქსის" მაღაზიები Alshaya Group-თან პარტნიორობით გაიხსნა, რომელიც „სტარბაქს"-ის ერთ-ერთი უმსხვილესი ლიცენზირებული პარტნიორია მსოფლიოში.Starbucks-ის  ბრენდის შემოსვლა საქართველოში, ეკონომიკისა და მდგრადი განვითარების სამინისტროს სააგენტოს „აწარმოე საქართველოში", საქართველოს საგარეო საქმეთა სამინისტროს, ქუვეითში საქართველოს საელჩოსა და საქართველოში თურქეთის საელჩოს მხარდაჭერით განხორციელდა. Alshaya Group ევრაზიაში Starbucks-ის 800-ზე მეტ ობიექტს მართავს თურქეთში, ყაზახეთში, აზერბაიჯანსა და ახლო აღმოსავლეთის ქვეყნებში.Starbucks მსოფლიო ბაზარზე 1971 წლიდან ოპერირებს და წარმოადგენს სპეციალიზებული ყავის ერთ-ერთ წამყვან მომწოდებელს. დღეს კომპანიის ქსელი 40 000-ზე მეტ ობიექტს მოიცავს.BP.GE

1783071925

მისივე თქმით, ქსელში შესვლის ხარჯები მსხვილ მიმწოდებლებს შორის კონკურენციის შედეგია, რადგან ისინი მზად არიან კონკრეტული სივრცისთვის მეტი გადაიხადონ.„სამართლიანი ვაჭრობის შესახებ რეგულაცია უზრუნველყოფს, რომ ფერმერებისთვის, სტრატაპებისთვის, რომლებსაც არ აქვთ მიწოდების პრობლემა, მზად არიან აყვნენ ამ პროცესს, ამას ჰქონდეს მხარდაჭერა. ბევრ ევროპულ ქვეყანაში, სადაც სამართლიანი ვაჭრობის შესახებ რეგულაცია არსებობს, თუ მაგალითად თანხის გადახდის დაგვიანება ხდება, მაგალითად არასამართლიანად ვერ შედის [მიმწოდებელი] კონკრეტულ ქსელში, ასეთი ჩავარდნების აღმოფხვრას, აღნიშნული ჩარჩო რეგულიციების აღსრულებას, უზუნველყოფენ კონკურენციის სააგენტოები. თუ იქნება მიღებული მსგავსი ტიპის რეგულირების ჩარჩო ჩვენი უწყება მზაობას გამოთქვას, რომ ამ პროცესის აღსრულებაში შევიდეს“, - განაცხადა ირაკლი ლექვინაძემ.

1783070239

ეპიზოდი პირველი - 29 ივნისი ქართულმა სასამართლომ გახმაურებული ბიზნესდავის განხილვა დაიწყო. საუბარია "ბრიტანულ-ქართული აკადემიის" მინორიტარი აქციონერისა (30%) და ყოფილი დირექტორის, ნათია ჯანაშიას მიერ წამოწყებულ დავაზე მაჟორიტარი აქციონერის (70%), "საქართველოს განათლების ჯგუფის" ("საქართველოს კაპიტალის" შვილობილი) წინააღმდეგ. ჯანაშიამ ეს დავა 2024 წელს წამოიწყო. "ბანკები და ფინანსები", მას შემდეგ, რაც  მხარეთა შორის დაპირისპირებამ საჯარო და საინფორმაციო სივრცეშიც დაიდო ბინა, დავას  ყურადღებით აკვირდება, რამდენადაც იგი თავისი არსით და ხასიათით გამორჩეული ბიზნესდავაა, ქართული ბიზნესის უახლეს ისტორიას თუ გადავავლებთ თვალს.ამ დავის არსებითი სასამართლო განხილვის მიჯნაც, ცხადია, საინტერესო მომენტია და ამდენად, გადავწყვიტეთ, ჩვენი მკითხველის ყურადღება მივაპყროთ ამ სასამართლო პროცესის ქრონიკას და იგი მის მიმდინარეობასთან დროში მაქსიმალური თანხვედრით და შეძლებისდაგვარი სიზუსტით შემოგთავაზოთ.აღნიშნული დავის წინარე ისტორია კი ასეთია - 2019 წელს მხარეებს შორის გაფორმდა წილის ნასყიდობის ხელშეკრულება, რომლის მიხედვითაც ნათია ჯანაშიამ და მისმა მეუღლემ, დავით ცეცხლაძემ საქართველოს განათლების ჯგუფისგან მიიღეს 29 მილიონ 300 ათასი ლარი ბრიტანულ-ქართული აკადემიის 70%-იანი წილის სანაცვლოდ. მხარეთა შორის შეთანხმებით, წილის გაყიდვის მიუხედავად, ნათია ჯანაშია აკადემიის დირექტორის პოზიციაზე დარჩა მომდევნო 5 წლის განმავლობაში და მეუღლესთან ერთად წლიურად 1 მილიონ ლარს იღებდა ხელფასის სახით.2024 წელს, მას შემდეგ რაც მენეჯმენტ კონტრაქტი ამოიწურა და მაჟორიტარმა აქციონერმა ნათია ჯანაშია ბრიტანულ-ქართული აკადემიის დირექტორად აღარ დატოვა, ჯანაშიამ სასამართლოს მიმართა და მემორანდუმიდან გასვლა და ზიანის ანაზღაურება მოითხოვა. შემდგომში მან ასევე მოითხოვა "საქართველოს განათლების ჯგუფის“ გარიცხვა პარტნიორობიდან 10 მლნ აშშ დოლარის გადახდის პირობით.როგორც მოსალოდნელი იყო, ამ სარჩელებს "საქართველოს განათლების ჯგუფმა" შესაგებელი სარჩელებით უპასუხა და სწორედ ამ და კიდევ რამდენიმე ამბის, როგორც გაერთიანებული სარჩელის, სასამართლო გარკვევა დაიწყო 2026 წლის 29 ივნისს თბილისის საქალაქო სასამართლოს მოსამართლე ქეთევან კურცხალიამ, რომლის წარმოებაშიც მოიყარა თავი საკითხთან დაკავშირებულმა სარჩელებმა.29 ივნისს შედგა სარჩელის განსახილველი მოსამზადებელი სასამართლო სხდომა, სადაც სასამართლომ მხარეთა მიერ წარდგენილი, სარჩელზე თანდართული მტკიცებულებების მიღების პროცესი დაიწყო.ამავე სხდომაზე უნდა დაკითხულიყვენ მოწმეები - ნათია ჯანაშიას მხარის მიერ გამოძახებული კერძო ლიცენზირებული აუდიტორი/შემფასებელი, - ქალბატონი ნინო ბერაია, რომელმაც შეაფასა ბრიტანულ-ქართული აკადემიის ღირებულება 2024 წლის ნოემბრის მდგომარეობით, მან ასევე შეაფასა რა იქნებოდა ბრიტანულ-ქართული აკადემიის ღირებულება ორი კამპუსის მშენებლობის პროექტის განხორციელების შემთხვევაში და ასევე დაითვალა რა თეორიული დივიდენდი დაიკარგა ორი სკოლის მშენებლობის პროექტის განუხორციელებლობით მომდევნო 11 წლის განმავლობაში. სწორედ ამ შეფასების შედეგად დაითვალა ის 15 მლნ დოლარის ზიანი, რასაც ნათია ჯანაშია ითხოვს მემორანდუმიდან გასვლის საქმეში. აღნიშნულის საწინააღმდეგოდ, "საქართველოს განათლების ჯგუფმა" დიდი ოთხეულის წარმომადგენელ საერთაშორისო აუდიტორულ კომპანია KPMG-ს დაუკვეთა ბერაიას წარმოდგენილი დასკვნის შეფასება, რომლის სასამართლოსთვის და შესაბამისად, მხარისთვის წარდგენის შემდეგ, ქალბატონმა ბერაიამ სწორედ 29 ივნისის სხდომის დაწყების წინ (სადაც მოწმედ უნდა დაკითხულიყო), წარმოადგინა განახლებული დასკვნა. ამ დასკვნის შინაარსი "საქართველოს განათლების ჯგუფისთვის“, ბუნებრივია, ვერ იქნებოდა ცნობილი და ამდენად, "საქართველოს განათლების ჯგუფმა“ მისი დაკითხვის გადადება მოითხოვა (ამ შუამდგომლობას ნათია ჯანაშიას უფლებების დამცველებიც დაეთანხმნენ).გადაიდო ასევე, მოწმე გიორგი კეთილაძის დაკითხვაც. მიზეზი იყო ის, რომ მისი მოწმედ გამოძახება სასამართლოს მიერ მოხდა 26 ივნისს, პარასკევს, სამუშაო დღის ბოლოს, ხოლო მოწმე სასამართლოს წინაშე უნდა წარმდგარიყო პირველივე მომდევნო სამუშაო დღის 12 საათზე. "საქართველოს განათლების ჯგუფის“ ადვოკატთა განმარტებით, მოწმესთან დაკავშირება და მისთვის აღნიშნული ინფორმაციის გადაცემა, შეზღუდული დროიდან გამომდინარე, ვერ მოხერხდა. გიორგი კეთილაძე "საქართველოს განათლების ჯგუფის" ყოფილი დირექტორია. სწორედ მისი დირექტორობის პერიოდში, მისი უშუალო ჩართულობით, გაფორმდა მხარეთა შორის ბრიტანულ-ქართული წილის მემორანდუმი და ნასყიდობა.სასამართლოს მოსამზადებელ სხდომაზე მოსამართლემ დააკმაყოფილა "საქართველოს განათლების ჯგუფის“ ადვოკატთა შუამდგომლობა და სასამართლო დარბაზის დატოვება მოსთხოვა დამსწრე მოქალაქეს - სანდრო-ლევან შანიძეს. ადვოკატთა მოთხოვნა ეფუძნებოდა იმ ფაქტს, რომ აღნიშნული პირი მათ შემდგომში გამოსაძახებელ მოწმეთა სიაში ჰყავდათ შეყვანილი და ამდენად, მიზანშეუწონლად მიაჩნდათ მისი დასწრება სასამართლო სხდომაზე. ადვოკატთა მიერ მოსამართლე კურცხალიასთვის წარდგენილი არგუმენტაციის თანახმად, გაირკვა, რომ სანდრო-ლევან შანიძე წარსულში იყო "ბრიტანულ-ქართული აკადემიის" კალათბურთის მასწავლებელი და ნათია ჯანაშიასთან დაახლოებული პირი, რომელზეც ამჟამად გადაფორმებულია ნათია ჯანაშიას მიერ კონტროლირებადი ინტერნეტ-რესურსების დომენები. ადვოკატებმა სასამართლოს შეახსენეს 2025 წლის თებერვალში მომხდარი პროვოკაციული ფაქტი. საუბარია დავით ცეცხლაძის მიერ გამართულ აქციაზე, რომლის დროსაც იგი სკოლის შესასვლელთან მეგაფონით აშინებდა მოწაფეებსა და მშობლებს, რომ  სკოლის ტერიტორიაზე გადაადგილდებოდნენ შეიარაღებული პირები და რომ არ შესულიყვნენ საკლასო ოთახებში. აქციის დროს, წარმოდგენილი ინფორმაციის თანახმად, დავით ცეცხლაძის გვერდით და მის მხარდამჭერად და ასევე მეგაფონის ხმამაღლა მოლაპარაკის დამჭერად, სწორედ სანდრო-ლევან შანიძე იდგა. ამ ინციდენტის შემდეგ იგი გათავისუფლებულ იქნა დაკავებული პოზიციიდან. შანიძემ სარჩელი შეიტანა სასამართლოში, თუმცა, ის დავა "ბრიტანულ-ქართული აკადემიის“ სასარგებლოდ დასრულდა. მოსამზადებელი სხდომა, ამ ეტაპზე, გადადებულია. მხარეებს, ექსპერტ ბერაიას მიერ წარმოდგენილი დასკვნის თაობაზე საკუთარი მოსაზრებების სასამართლოსთვის წარსადგენად ვადა 7 ივლისამდე განესაზღვრათ. დიდი ალბათობით, მოსამზადებელი სხდომა ზემოთ აღნიშნული მოწმეების დაკითხვით განახლდება.

1783069965