საქართველოს რკინიგზამ 45 ახალი მაგისტრალური სატვირთო ელმავლის შესყიდვის მიზნით, საერთაშორისო ტენდერი გამოაცხადა

საქართველოს რკინიგზის ინფორმაციით, პროექტის საერთო ღირებულება 350 მლნ აშშ დოლარის ეკვივალენტია ლარში და დაახლოებით 1 მლრდ ლარს შეადგენს. დამოუკიდებელი საქართველოს ისტორიაში საქართველოს რკინიგზა ახალ მაგისტრალურ სატვირთო ელმავლებს პირველად შეისყიდის.პროექტი „ტრანსკასპიური სატრანსპორტო დერეფნის - საქართველოს ხელმისაწვდომობისა და ტრანსპორტის გაუმჯობესების პროექტის“ ფარგლებში და მსოფლიო ბანკისა და აზიის განვითარების ბანკის ფინანსური მხარდაჭერით ხორციელდება.საქართველოს რკინიგზის მაგისტრალური სატვირთო ელმავლების პარკის მნიშვნელოვანი ნაწილის ექსპლუატაციის ვადა იწურება. ახალი ელმავლების შესყიდვით კომპანია განაახლებს სალოკომოტივო პარკს, გაზრდის საოპერაციო შესაძლებლობებს, გააუმჯობესებს სატვირთო გადაზიდვების ეფექტიანობასა და საიმედოობას, რაც მას მზარდი სატვირთო ნაკადების უფრო ეფექტიანად მომსახურების შესაძლებლობას მისცემს.ახალი მაგისტრალური სატვირთო ელმავლების შესყიდვა საქართველოს რკინიგზის გრძელვადიანი განვითარების ხედვის, მათ შორის 10-წლიანი განვითარების სტრატეგიის, პრაქტიკული განხორციელების ერთ-ერთი უმნიშვნელოვანესი პროექტია. მას განსაკუთრებული მნიშვნელობა აქვს ტრანსკასპიური საერთაშორისო სატრანსპორტო მარშრუტის - შუა დერეფნის განვითარებისთვის.ახალი ელმავლები ხელს შეუწყობს საქართველოს სატრანზიტო პოტენციალის გაძლიერებასა და ქვეყნის, როგორც რეგიონული სატრანსპორტო და ლოგისტიკური კვანძის, კონკურენტუნარიანობის ზრდას.სატენდერო პროცესს საქართველოს რკინიგზა მსოფლიო ბანკის შესყიდვების პროცედურების შესაბამისად ახორციელებს.ახალი ელმავლების შესყიდვასთან ერთად, პროექტი ხაშურში, საქართველოს რკინიგზის კუთვნილ ტერიტორიაზე, თანამედროვე სტანდარტების შესაბამისი ელმავლების ტექნიკური მომსახურების ახალი დეპოს მშენებლობას ითვალისწინებს.ტენდერში გამარჯვებული კომპანია საკუთარი ხარჯებით დააპროექტებს, ააშენებს და თანამედროვე ტექნოლოგიური აღჭურვილობით უზრუნველყოფს ახალ დეპოს.

1784982591

„საქართველოს სახელმწიფო უსაფრთხოების სამსახურმა მთელი ქვეყნის მასშტაბით ელექტროენერგიის მიწოდების ავარიულად, არაერთგზის გათიშვის გამო გამოძიება საქართველოს სისხლის სამართლის კოდექსის 318-ე მუხლით დაიწყო, რაც საქართველოს სახელმწიფოებრივი ინტერესებისთვის საფრთხის შექმნის მიზნით, სახელმწიფო საწარმოს ან სხვა მნიშვნელოვანი ობიექტების ნორმალური ფუნქციონირების ხელშეშლას ან მათ დაზიანება/განადგურებას გულისხმობს.სახელმწიფო უსაფრთხოების სამსახური გამოძიების მიმდინარეობის შესახებ საზოგადოების ინფორმირებას ეტაპობრივად განახორციელებს", - ნათქვამია სუს-ის ინფორმაციაში.

1784979778

სწორედ ამ მიზნით, 25 ივლისს, 14:00 საათზე, Holiday Inn-ში საჯარო შეხვედრა გაიმართება, რომელიც მამებისა და შვილების ურთიერთობას, მხარდაჭერის მნიშვნელობასა და ბავშვის განვითარებაში მამის როლს დაეთმობა. ღონისძიებაზე დასწრების მსურველებმა უნდა გაიარონ რეგისტრაცია ბმულზე.შეხვედრის მთავარი თემა იქნება - „რას ცვლის ადამიანის ცხოვრებაში ერთი გულშემატკივარი, რომელსაც მისი ნამდვილად სჯერა?“ შეხვედრა გააერთიანებს პროფესიულ ხედვასა და პირად გამოცდილებას იმის შესახებ, თუ როგორ შეიძლება ყოველდღიურმა მხარდაჭერამ, ნდობამ და თანადგომამ გავლენა მოახდინოს ბავშვის განვითარებასა და თავდაჯერებულობის ჩამოყალიბებაზე.ღონისძიებაზე საუკთარი გამოცდილებების შესახებ ისაუბრებენ მასწავლებელი გიორგი ლიპარიშვილი და საქართველოს ეროვნული საფეხბურთო ნაკრების ფეხბურთელის, ბუდუ ზივზივაძის მამა - კახა ზივზივაძე. ისინი ისაუბრებენ თუ რას ნიშნავს შვილის მხარდაჭერა მისი პირველი ნაბიჯებიდან მნიშვნელოვან წარმატებამდე და როგორ იქცევა მშობლის თანადგომა ბავშვის განვითარების მნიშვნელოვან საყრდენად.შეხვედრის ფარგლებში ასევე გაიმართება მრავალფეროვანი აქტივობები, რომლებიც მონაწილეებს მისცემს შესაძლებლობას, შვილებთან ურთიერთობის მნიშვნელობაზე განსხვავებული პერსპექტივით დაფიქრდნენ და ერთად შექმნან დასამახსოვრებელი გამოცდილება.საქართველოს ბანკსა და გაეროს მოსახლეობის ფონდს (UNFPA) შორის დაწყებული თანამშრომლობა მიზნად ისახავს მზრუნველი მამობის მხარდაჭერას, შვილების აღზრდაში მამების ჩართულობის წახალისებას და ოჯახების გაძლიერებას. პარტნიორობის ფარგლებში სხვადასხვა საგანმანათლებლო და ცნობიერების ამაღლების აქტივობა განხორციელდება.ინფორმაციისთვის, UNFPA საქართველოში წლების განმავლობაში ხელს უწყობს ისეთი გარემოს შექმნას, სადაც მამობა მხოლოდ პასუხისმგებლობას კი არა, შვილების ცხოვრებაში აქტიურ მონაწილეობას, ემოციურ სიახლოვესა და ზრუნვის თანაბარ განაწილებასაც გულისხმობს. სწორედ ამ ღირებულებების გაძლიერებას ემსახურება საქართველოს ბანკისა და UNFPA-ის პარტნიორობაც.ღონისძიების შესახებ დეტალური ინფორმაციის მისაღებად ეწვიეთ ბმულს.

1784969400

შეთავაზებები, რომლის გამოყენებაც  შოპინგის კატეგორიაში შეგიძლიათ: 24-26 ივლისს Flormar - ში  50%-იან  ქეშბექს მიიღებთ, (მაქს. 50 ლარი).  (sCool card-ით გადახდის შემთხვევაში  საჭიროა შეთავაზების sCoolApp-ში გააქტიურება) ყოველ ორშაბათს, 23 სექტემბრის ჩათვლით პენდანტში 20%- იან ქეშბექს მიიღებთ; 28 აგვისტოს ჩათვლით, ყოველ ოთხშაბათს და ხუთშაბათს, Joma და SBM Storeში 20% ქეშბექს ულიმიტოდ მიიღებთ; კვების აქტიური შეთავაზებები 31 ივლისს ჩათვლით იმოქმედებს და ესენია: Jackie Chan – 20% ქეშბექი, ულიმიტო; Bliss Corner – 20% ქეშბექი, (მაქს. 50 ლარი) Cinnamon – 20% ქეშბექი, ყოველ ოთხშაბათსა და პარასკევს, (მაქს. 50 ლარი) Costa Coffee – 20% ქეშბექი, ყოველ სამშაბათს, (მაქს. 50 ლარი) პოკე ბარი – 20% ქეშბექი, (მაქს. 50 ლარი) პაცა – 20% ქეშბექი, (მაქს. 50 ლარი) ვასაბი – 20% ქეშბექი, ყოველ ხუთშაბათსა და შაბათს, (მაქს. 50 ლარი)   Food & Market – 20% ქეშბექი, ულიმიტო. თუ ჯერ კიდევ არ გაქვთ Student card-ი,  მისი აღება მარტივად, მობილბანკიდან შეგიძლია. ასევე, თუ ჯერ თქვენს შვილს არ აქვს  sCool card-ი მისი აღებაც მარტივად არის შესაძლებელი. ამისთვის საჭიროა ბარათი ამ ბმულიდან შეუკვეთოთ.

1784962260

როგორც თიბისი კაპიტალი ივნისში მიუთითებდა, ბაზრებმა დეესკალაციის ნიშნები ოპტიმისტურად შეაფასა და სასაქონლო ფასები მკვეთრად შემცირდა. ამჟამად, განწყობა საპირისპირო მიმართულებითაა შეცვლილი. მარტის მსგავსად, თიბისი კაპიტალი აგრძელებს უახლეს ინდიკატორებზე დაკვირვებას, რაც ეკონომიკური გავლენის რეალურ დროში შეფასების საშუალებას იძლევა.ყველაზე თვალსაჩინო ცვლილება საერთაშორისო სასაქონლო ფასებია. ბრენტის ტიპის ნავთობის ფასი 7 ივლისის 72 აშშ დოლარიდან 24 ივლისს დაახლოებით 100 აშშ დოლარამდე გაძვირდა. პარალელურად, გაიზარდა სოფლის მეურნეობის პროდუქციის, მაგალითად ხორბლისა და სოიოს, ფასებიც. მნიშვნელოვან რისკს ქმნის რეგიონულ საზღვაო მარშრუტებზე შესაძლო შეფერხება, რაც ნავთობის ფასებზე დამატებით ზეწოლას ნიშნავს. როგორც თიბისი კაპიტალის პუბლიკაციებში იყო აღნიშნული, ინფლაციის ახლო პერიოდის პერსპექტივისთვის ყველაზე მნიშვნელოვანი ფაქტორები კვლავ ნავთობისა და სურსათის ფასებია, რომლებზეც ივნისის წლიური 5.8%-იანი ინფლაციიდან ნახევარზე მეტი მოდიოდა (3.1 პროცენტული პუნქტი). ამ მხრივ, საერთაშორისო და ადგილობრივ ფასებს შორის კავშირიისტორიულად მაღალია, განსაკუთრებით ნავთობის შემთხვევაში, სადაც ესკალაციის ეფექტი ადგილობრივ ბაზარზე უკვე შეიმჩნევა. ბენზინი, რომელიც თვის დასაწყისში მცირედით გაიაფდა, 20 ივლისიდან მსხვილ ქსელებში უკვე ისევ გაძვირდა. დამატებით ზეწოლაზე მიუთითებს საკვების ფასების გლობალური ზრდაც, თუმცა ამ არხიდან გადმოცემის მექანიზმი შედარებით გრძელვადიანია და ადგილობრივი მიწოდების ფაქტორებზეცაა დამოკიდებული. მოცემული დინამიკის გათვალისწინებით, 2026 წლის ბოლოს თიბისი კაპიტალის ინფლაციის პროგნოზი 5.1%-დან კვლავ 6%-მდე იზრდება.შესაბამისად, პროგნოზი, ფაქტობრივად, უბრუნდება წინა სცენარს, რომელიც კონფლიქტის შედარებით ხანგრძლივ დონეზე შენარჩუნებისა და დეკემბრისთვის ბრენტის ტიპის ნავთობის ფასის 80-85 აშშ დოლარის ფარგლებში დასტაბილურების დაშვებებს ეყრდნობოდა. რადგან აღნიშნული წლის დარჩენილ პერიოდში ნავთობის გარკვეულწილად გაიაფებას მოიაზრებს, იმ შემთხვევაში, თუ ფასები უცვლელი დარჩება ან გაძვირდება, ინფლაციის პროგნოზი, შესაძლოა, დამატებით გაიზარდოს. მიმდინარე მდგომარეობით, ბირჟების მოლოდინებიც, რომლებიც ბოლო პერიოდში განსაკუთრებით მერყევია, ნავთობის მხრივ, დაახლოებით, მსგავს დინამიკას ითვალისწინებს. სასაქონლო პროდუქციაზე მაღალი ფასები, ინფლაციასთან ერთად, ექსპორტიდან შემოსავალზეც ზრდის მიმართულებით მოქმედებს. საქონლის ექსპორტი იანვარ-ივნისში წლიურად 20%-ით გაიზარდა, რაც ძირითადად ნავთობის, ოქროს, ფეროშენადნობებისა და სპილენძის ექსპორტს უკავშირდება. ამავდროულად, მარტისა და აპრილისგან განსხვავებით, ტურიზმის სექტორში შენელება ჯერჯერობით არ იკვეთება. მეორე კვარტალში ტურიზმიდან შემოსავლები წლიურად 3.8%-ით შემცირდა, რაც, ფაქტობრივად, მთლიანად აპრილის ეფექტით იყო განპირობებული, ვინაიდან ფრენებისა და უნაღდო დანახარჯების მონაცემები მაისსა და ივნისში უკვე აღდგენაზე მიუთითებს. რაც შეეხება ივლისს, 13 ივლისის შემდგომ საქართველოს აეროპორტებში ფრენების რაოდენობა გაზრდილია, ხოლო არარეზიდენტების უნაღდო დანახარჯები, რომლებიც ტურიზმიდან შემოსავლების პროგნოზისთვის გამოიყენება, 19 ივლისის მდგომარეობით, როგორც თვიურად, ასევე წლიურად აჩქარებულია.ერთობლივად, ტურიზმიდან შემოსავლების, საქონლის ექსპორტისა და ფულადი გზავნილების ზრდის ფონზე, იმპორტის შედარებით დაბალ ნიშნულზე შენარჩუნებასთან ერთად, წმინდა სავალუტო შემოდინებები პირველ კვარტალთან შედარებით გაზრდილია. მკითხველისთვის ცნობილია, რომ, ახლო აღმოსავლეთის კონფლიქტის მიუხედავად, პირველ კვარტალში მიმდინარე ანგარიშის სეზონურად შესწორებული ბალანსი, რეინვესტირებული შემოსავლების გამორიცხვით, პროფიციტში დარჩა. ამდენად, თუ კონფლიქტის დამატებით მნიშვნელოვანი ესკალაცია არ მოხდა, სავალუტო შემოდინებების მხრივ შესამჩნევი დანაკლისი მოსალოდნელი არ არის.შენელება არ იკვეთება ადგილობრივი აქტივობის კუთხითაც. რეზიდენტების უნაღდო დანახარჯები, 19 ივლისის მდგომარეობით, როგორც წინა თვესთან, ასევე 2025 წლის ივლისთან შედარებით გაზრდილია. შესაბამისად, მთლიანი უნაღდო ხარჯები, რომლებიც ეკონომიკური ზრდის პროგნოზისთვის გამოიყენება, ასევე იზრდება. საერთო ჯამში, 2026 წელს ეკონომიკური ზრდის 7.4%-იანი პროგნოზიუცვლელი რჩება. ინფლაციის უფრო მაღალი პროგნოზი განაკვეთის ხანგრძლივად მაღალ დონეზე შენარჩუნების არგუმენტს აძლიერებს. ამავე დროს, ინფლაციის უფრო ხისტი მაჩვენებლები მეტწილად ზომიერ წნეხზე მიუთითებს, ხოლო პოლიტიკის გადაწყვეტილებისთვის უფრო მნიშვნელოვანი საშუალოვადიანი პროგნოზია, ვიდრე მიმდინარე ტენდენციები. შესაბამისად, საბაზო სცენარად წლის ბოლომდე 8.25%-იანი განაკვეთი რჩება, თუმცა გამორიცხული არც 8.5%-მდე დამატებითი ზრდაა, ვინაიდან სებ-მა 6 მაისს განაკვეთი 25 საბაზისო პუნქტით სწორედ მსგავსი გარემოს საპასუხოდ გაზარდა. სებ-ის შემდეგი გადაწყვეტილება 29 ივლისს გახდება ცნობილი. გლობალური საპროცენტო გარემოც შედარებით მკაცრია, თუმცა მთავარ განმსაზღვრელ ფაქტორად მაინც ადგილობრივი ინფლაციის პერსპექტივა რჩება. უცვლელია ლარის გაცვლითი კურსის პროგნოზიც: წლის ბოლოს ერთი დოლარი 2.60-2.65 ლარის ფარგლებშია მოსალოდნელი. თუმცა აღსანიშნავია, რომ მიმდინარე ტენდენციები უფრო ძლიერი ლარის სცენარისკენ იხრება. სავალუტო შემოდინებები მყარია, ხოლო პოლიტიკის განაკვეთის შემცირების სივრცე კიდევ უფრო შეიზღუდა. ამავდროულად, მარტისგან განსხვავებით, მიმდინარე ეპიზოდს დეპოზიტების კონვერტაცია არ მოჰყოლია და ამ არხიდან ლარზე წნეხი არ შექმნილა. 21 ივლისის მდგომარეობით, დეპოზიტების ლარიზაცია ესკალაციამდე პერიოდთან შედარებით გაზრდილია. იხილეთ პუბლიკაციის სრული ვერსია შემდეგ ბმულზე:https://tbccapital.ge/ge/publications/all-publications/singleview/30007619-macro-update-georgia

1784900216

სინამდვილეში, სასურველი ნივთების ქულებით შეძენას მარტივი სტრატეგია აქვს. მთავარია, ქულების შეგროვებაზე არა მხოლოდ ფასდაკლებების დროს, არამედ მთელი წლის განმავლობაში იზრუნო. გადაიხადე PLUS ბარათით მხოლოდ საქართველოს ბანკის ტერმინალზე პირველი და ყველაზე მარტივი ნაბიჯი ყოველდღიური გადახდებისთვის საქართველოს ბანკის ტერმინალის არჩევაა, რადგან PLUS ქულებს საქართველოს ბანკის ნებისმიერი ბარათით ბანკის ტერმინალზე გადახდისას აგროვებ.ქულები გროვდება ონლაინ გადახდის შემთხვევაშიც, ამისთვისაც უნდა აირჩიო საქართველოს ბანკის გადახდის მეთოდი. ყოველი ასეთი ტრანზაქცია ქულების სწრაფად დაგროვებაში შეგიწყობს ხელს და შენი ბალანსიც ყოველდღიურად გაიზრდება. თვალიადევნეპარტნიორების შეთავაზებებს სწრაფად დაგროვების ერთ-ერთი მთავარი საიდუმლო სპეციალური შეთავაზებებით სარგებლობაა. საქართველოს ბანკს უამრავი პარტნიორი ჰყავს, სადაც განსაკუთრებული პირობები მოქმედებს. შეთავაზებები, როგორც წესი, ორი სახისაა:ქულების ქეშბექი ან გამრავლებული ქულები.ერთი სწორად დაგეგმილი შენაძენით იმდენ ქულას დააგროვებ, რასაც სტანდარტულად თვეები დასჭირდებოდა. აუცილებლად უნდა გახსოვდეს, ზოგიერთი შეთავაზება გააქტიურებას საჭიროებს. ამიტომ, სანამ საყიდლებზე წახვალ, გადაამოწმე მობილბანკის შეთავაზებების სივრცე, მოძებნე სასურველი პარტნიორი და გაააქტიურე შეთავაზება.რჩევა: ყოველი თვის დასაწყისში მობილბანკის შეთავაზებების სივრცეში შეამოწმე თვის PLUS ბარათის შეთავაზება. აქ დაგხვდება ის ბრენდები, სადაც თვის განმავლობაში PLUS ბარათით გადახდისას 20%-ის PLUS ქულას დაიბრუნებ.ნახე თვის PLUS ბარათის შეთავაზება გამოიყენემეგობრებთან“თანხის გაყოფის”ფუნქცია ეს ალბათ ერთ ერთი, ყველაზე სახალისო ხრიკია. მეგობრებთან ერთად კაფეში სტუმრობისას, მოგზაურობისა თუ საერთო საჩუქრის ყიდვისას, მთლიანი თანხა საქართველოს ბანკის ტერმინალით გადაიხადე. მეგობრებს ხარჯის განაწილება მარტივად, მობილბანკის თანხის გაყოფის ფუნქციით შესთავაზე. ამ ხერხით ქულებს შენს ანგარიშზე მოუყრი თავს; მეგობრები თანხის მათ ნაწილს მარტივად გადმოგირიცხავენ, ქულები კი შენ დაგრჩება! შეაგროვეთქულებიერთად მაგალითად, თუ საოჯახო ტექნიკის შეძენა გსურთ და პირადი ბალანსი არ გყოფნის, შეგიძლია ძალები ოჯახის წევრებთან გააერთიანო. ეს ხრიკი მეგობრებთან ერთადაც იდეალურად მუშაობს – იქნება ეს საერთო საჩუქრის ყიდვა თუ მოგზაურობის დაგეგმვა.მობილბანკის საშუალებით PLUS ქულების გადარიცხვა ნებისმიერ ადამიანთან, სულ რამდენიმე წამში შეგიძლია. ქულების ერთ ანგარიშზე თავმოყრით საერთო მიზანს ბევრად მარტივად მიაღწევთ და ქულებსაც უფრო მომგებიანად დახარჯავთ.აქ უნდა გახსოვდეთ რომ PLUS ქულები საქართველოს ბანკის ტერმინალით გადახდისას გროვდება. დააკონვერტირეAmex-ისMR ქულები თუ American Express საკრედიტო ბარათს იყენებ, გეცოდინება, რომ ყოველდღიური ხარჯვისას MR ქულები გიგროვდება. აუცილებლად უნდა შეგახსენოთ, რომ მობილბანკში ამ ქულების პირდაპირ PLUS ქულებად კონვერტაციაა შესაძლებელი. კონვერტაციის მაღალი კურსი შენი PLUS ბალანსის მომენტალურად გაზრდაში დაგეხმარება და დაგროვების პროცესს ბევრად დააჩქარებს.1 MR ქულა = 3 PLUS ქულას, სხვადასხვა Amex ბარათით კი ყოველ გადახდილ 1 ლარზე 1-დან 3 MR ქულამდე აგროვებ.თუ სწორად დაგეგმავ საყიდლებს, არ გამოტოვებ შეთავაზებებს, PLUS ბარათით გადაიხდი და საქართველოს ბანკის ტერმინალსაც მოითხოვ, იმაზე მარტივად შეაგროვებ 5 ივლისისთვის PLUS ქულებს, ვიდრე წარმოგიდგენია.

1784899387