Nasdaq Calypso წამყვანი სახაზინო პლატფორმაა, ინფრასტრუქტურის განახლება აუცილებელობაა და არა ფუფუნება - ლაშა ჯუღელი

FT-ის მიერ გამოკითხული ანალიტიკოსები აღნიშნავენ, რომ ნავთობიდან მიღებული შემოსავალი ვენესუელას მშპ-ს დაახლოებით მეოთხედს შეადგენს და სანქციების შემსუბუქებას ეკონომიკაზე მნიშვნელოვანი დადებითი გავლენა უნდა მოეხდინა. თუმცა, ექსპერტები აღნიშნავენ, რომ ვენესუელაში ეკონომიკური აღდგენის ნიშნები ჯერ კიდევ სუსტია, რის მიზეზადაც აშშ-ს მიერ ვენესუელასთვის ნავთობიდან მიღებული ყველა შემოსავლის დაბრუნების უუნარობა სახელდება.„ტრამპის ვენესუელაში შეჭრა თავიდანვე ნავთობს, ძალაუფლებასა და კორუფციას ეხებოდა. ამასობაში, ვენესუელური ნავთობიდან მიღებული მილიარდობით დოლარის შემოსავალი ტრამპის ადმინისტრაციის მიერ გამჭვირვალობისა და გარანტიების გარეშე კონტროლდებოდა“, - განუცხადა Financial Times-ს აშშ-ის დემოკრატმა კონგრესმენმა ხოაკინ კასტრომ.ვენესუელის მთავრობამ შექმნა ვებსაიტი ამერიკული კომპანიებისთვის ნავთობის გაყიდვიდან მიღებული შემოსავლების თვალყურის დევნებისთვის, მაგრამ ჯერჯერობით ის მხოლოდ ერთ ჩანაწერს შეიცავს - მარტში 300 მილიონი დოლარის გადარიცხვას. 21 ივლისს, აშშ-ის კონგრესის მოსმენაზე, რესპუბლიკელმა წარმომადგენელმა მარია ელვირა სალაზარმა ვენესუელური სახსრების შესახებ ანგარიშების გამოქვეყნებისკენ მოუწოდა.როგორც Financial Times აღნიშნავს, ვენესუელას ნავთობის შემოსავლების ბედი კიდევ უფრო აქტუალური გახდა 24 ივნისს მომხდარი ორი დამანგრეველი მიწისძვრის შემდეგ. გაერო ეკონომიკურ ზარალს დაახლოებით 37 მილიარდ დოლარად აფასებს.

1784821150

„არსებული ვითარების გამო, რომელიც გავლენას ახდენს ჩვენს ოპერაციებზე, მიმწოდებელი ოპერატორი ვერ ახერხებს უკრაინაში მომსახურების გაწევის გაგრძელებას შავი ზღვის სათევზაო პორტის მეშვეობით. ყველა გემი გადამისამართდება რუმინეთის პორტ კონსტანცაში“, - ნათქვამია განცხადებაში.შესაბამისად, კომპანიის კონტეინერების გადაზიდვები უკრაინაში დროებით განხორციელდება რუმინეთის პორტ კონსტანცას გავლით.ეს გადაწყვეტილება მიღებულ იქნა უკრაინის პორტის ინფრასტრუქტურაზე მიმდინარე რუსეთის თავდასხმების ფონზე, რაც გავლენას ახდენს საერთაშორისო ლოგისტიკური ოპერატორების ოპერაციებზე.

1784820827

როგორც ლაშა ჯუღელი გადაცემა "ბიზნესპარტნიორში" განმარტავს, ზოგიერთ ბანკში არსებული შიდა ინფრასტრუქტურა და გარკვეული არაავტომატიზებული სისტემები თანამედროვე გამოწვევებს ვეღარ პასუხობს. შესაბამისად, ინფრასტრუქტურული განახლება აუცილებლობაა და არა ფუფუნება."Nasdaq Calypso არის სისტემა, რომლის საშუალებითაც ბანკები საკუთარ სახაზინო ოპერაციებსა და რისკებს მართავენ. ესენია: ლიკვიდობის, საპროცენტო, სავალუტო რისკები, ასევე მარეგულირებელი ანგარიშგების მართვა. რაც შეეხება - რას ნიშნავს ხუთი ბანკის ამ პლატფორმაზე გადასვლა?! საქართველოში ხუთი წამყვანი ბანკი ამ სისტემას ერთობლივად განავითარებს და ეროვნული ბანკის ინფრასტრუქტურაზე დანერგავს. შედეგად, საბანკო სექტორი იმ ინფრასტრუქტურაზე გადავა, რომელიც განვითარებულ ფინანსურ სამყაროში საუკეთესო საერთაშორისო პრაქტიკას შეესაბამება. ეროვნულ ბანკს არაერთი რეფორმა უკვე დაწყებული აქვს. მათ შორისაა საკანონმდებლო ცვლილებები და საგადახდო სისტემების რეფორმა. აღნიშნულ სტრატეგიაში JIM-ის პროგრამა ბუნებრივად ჯდება.საერთაშორისოდ აღიარებული და საუკეთესო პრაქტიკის შესაბამისი ინფრასტრუქტურის დანერგვა წარმოადგენს იმ აუცილებელ საფუძველს, რომელზედაც ბაზრის შემდგომი განვითარება უნდა დაფუძნდეს. ამ საფუძველის გარეშე ბაზრის განვითარება წარმოუდგენელია. ბოლო წლებში საქართველოს საბანკო სექტორი მნიშვნელოვნად გაიზარდა და ზუსტად აღნიშნულმა ზრდამ გამოიწვია აუცილებლობა, რასაც მიმდინარე პროექტი გულისხმობს", - აცხადებს ლაშა ჯუღელი.ცნობისთვის, ქართული კომერციული ბანკები - "საქართველოს ბანკი", "თიბისი ბანკი", "ლიბერთი ბანკი", "ტერაბანკი" და "ბაზისბანკი" - სახაზინო ინფრასტრუქტურის ტრანსფორმაციას  ერთიან, საერთაშორისოდ აღიარებულ პლატფორმაზე - Nasdaq Calypso სისტემის მეშვეობით მოახდენენ.BP.GE

1784816893

მარეგულირებლის გადაწყვეტილება ანალიტიკოსების მოლოდინს აკმაყოფილებდა.

1784811465

"შპს "საჩხერის წყალკანალის" აბონენტთა საყურადღებოდ! საქართველოს ენერგეტიკისა და წყალმომარაგების მარეგულირებელ ეროვნულ კომისიის (სემეკ) მიერ კანონმდებლობის შესაბამისად მიღებული გადაწყვეტილებით, გაუქმდა შპს "საჩხერის წყალკანალის" წყალმომარაგების ლიცენზია. შპს "საჩხერის წყალკანალის" აბონენტებს, საჩხერის რაიონის მოსახლეობას წყალმომარაგების მომსახურებას გაუწევს შპს "საქართველოს გაერთიანებული წყალმომარაგების კომპანია".  შპს "საქართველოს გაერთიანებული წყალმომარაგების კომპანიასთან" დაკავშირება შესაძლებელია შემდეგ ნომერზე: 032 2930000.სემეკი შეახსენებს მოქალაქეებს, თუ თვლით რომ ელექტროენერგიის, ბუნებრივი გაზის, წყალმომარაგებისა და მელიორაციის სექტორებში ირღვევა თქვენი უფლებები, მიმართეთ სემეკის დავებისა და სერვისების მართვის დეპარტამენტს. კონსულტაციების მიღება შესაძლებელია სემეკის ქოლცენტრში ნომერზე 16 216, ასევე სემეკის Facebook გვერდის საშუალებით. სემეკისთვის განცხადების გაგზავნა შესაძლებელია როგორც ონლაინ, ასევე იუსტიციის სახლის მეშვეობით", - აღნიშნულია განცხადებაში.

1784809576

„Galt & Taggart-მა განაახლა განათლების სექტორის კვლევა, რომელსაც რეგულარულად ვუყურებთ ხოლმე და ძალიან საინტერესო ტენტენდციები არის ამსექტორის ძირითად ქვესექტორებში მათ შორის ზოგადი განათლების და უმაღლესი განათლების მიმართულებით.პირველ რიგში რომ დავიწყოთ ჯამურად სექტორის ტენდენციები, ეს არის ერთ-ერთი ყველაზე სწრაფად მზარდი დარგი დღეს-დღეობით საქართველოში. განსაკუთრებით 2022 წლის შემდეგ სექტორის ზრდის ტემპმა რამდენჯერმე გადაუსწრო საქართველოს ეკონომიკის ზრდის ტემპს. თუ შევხედავთ 2025 წლის რიცხვს დაახლოებით 24.5%-ით გაიზარდა წინა წელთან მიმართებით რეალური ზრდა იყო სექტორის ეს და ამან გამოიწვია ის რომ სექტორი გახდა მეშვიდე ყველაზე მსხვილი დარგი საქართველოს ეკონომიკაში 2025 წლის მდგომარეობით.რა იწვევდა საინტერესოა ამ სექტორის ზრდას? რომ ჩავშალოთ თვითონ განათლების სექტორი ქვესექტორებად, ყველაზე მსხვილი ორი დარგი ეს არის ზოგადი განათლება და უმაღლესი განათლება. ჯამურად სექტორის მოცულობა არის დაახლოებით 4,3 მილიარდი ლარი, რაც მოიცავს როგორც საჯარო სექტორს ანუ საჯარო სკოლებს, ბაღებს, უნივერსიტეტებს, რომლებიც მოგეხსენებათ ძირითადად სახელმწიფო დაფინანსებაზე არიან დამოკიდებული და ასევე კერძო სექტორსაც. ამ 4.3 მილიარდიდან ყველაზე მსხვილი არის უმაღლესი განათლება დაახლოებით, 2,1 მილიარდი ლარის მოცულობით 2025 წელს და ზოგადი განათლების ზრდის ტემპი ძირითადად სახელმწიფო დაფინანსების ზრდით იყო გამოწვეული, თუმცა ასევე იზრდება კერძო სკოლების შემოსავლებიც საკმაოდ სწრაფი ტემპით და ძალიან საინტერესო ტენდენციებს ვხედავთ კერძო განათლების თვალსაზრისით ზოგად განათლებაში.რაც შეეხება უმაღლეს განათლებას ეს არის მეორე ყველაზე მსხვილი ქვესექტორი 1.3 მილიარდი ლარის მოცულობით და აქ ბოლო წლებში ზრდის მთავარი მამოძრავებელი წყარო იყო უცხოელი სტუდენტები. უცხოელი სტუდენტები ძირითადად კერძო უნივერსიტეტებზე ქმნიან მოთხოვნას და ამიტომ ჯამურად სექტორის შემოსავლების მთავარი მამოძრავებელი იყო კერძო უნივერსიტეტების შემოსავლები და ნუ შემდეგ მოდის შედარებით პატარა ქვესექტორები მათ შორის, სკოლამდელი განათლება, ბაღები - საჯარო და კერძო ბაღები. დაახლოებით 680 მილიონი ლარის მოცულობით არის ეს სექტორი 2025 წელს წარმოდგენილი და შემდეგ მოდის შედარებით უფრო მცირე ეს არის პროფესიული განათლება, რომელიც 170 მილიონის ფარგლებშია ამ სექტორის ზომა", - აცხადებს თათია მამრიკიშვილი.

1784809141