ლაშა აბაშიძე: ანაკლიის პორტი მრავალფუნქციური გახდება, რაც რკინიგზით ტვირთბრუნვას გაზრდის

2026 წლის ივნისში, წინა წლის შესაბამის პერიოდთან შედარებით, ექსპორტი 20.4%-ით გაიზარდა და ივნისის თვის რეკორდული მოცულობა - 771.3 მლნ. აშშ. დოლარი შეადგინა.მინისტრის მოადგილის განცხადებით,  ასევე რეკორდულია მიმდინარე წლის იანვარ-ივნისის მაჩვენებლებიც. ჯამურად, წელს იანვარ-ივნისის პერიოდში ექსპორტი 20.1%-ით არის გაზრდილი და მისი მოცულობა ასევე რეკორდულ ოდენობას - 3,876.7 მლნ აშშ. დოლარს შეადგენს.„უნდა აღინიშნოს, რომ ზოგადად, ის მაჩვენებლები, რაც საგარეო ვაჭრობის კუთხით და განსაკუთრებით ექსპორტის მიმართულებით ფიქსირდება, საქართველოს მთავრობის სწორი პოლიტიკის შედეგია, რომელიც ორიენტირებულია კერძო სექტორის კონკურენტუნარიანობის ზრდაზე და მის მხარდაჭერაზე. სახელმწიფო აგრძელებს კერძო სექტორის აქტიურ მხარდაჭერას და, ფაქტობრივად, არაერთი სახელმწიფო პროგრამის მოდერნიზება ხდება, რომლებიც უფრო მეტადაა მორგებული კერძო სექტორის საჭიროებებზე “, - აღნიშნა ეკონომიკის მინისტრის მოადგილემ.2026 წლის ივნისში სავაჭრო ბრუნვამ ივნისის თვის რეკორდული მაჩვენებელი - 2,396.4 მილიონი აშშ შეადგინა, რაც წინა წლის შესაბამისი პერიოდის მაჩვენებელზე 11.3%-ით მეტია. 2026 წლის იანვარ-ივნისში სავაჭრო ბრუნვა 5.8%-ით გაიზარდა და ასევე რეკორდულ - 12,925.6 მილიონ აშშ. დოლარს გაუტოლდა.

1783938251

სოფლის მეურნეობის სამეცნიერო-კვლევითი ცენტრის დირექტორმა ლევან უჯმაჯურიძემ და ანასეულის ცენტრის აღმასრულებელმა დირექტორმა იოსებ ბასილიამ დამსწრე საზოგადოებას ანასეულის ცენტრის საქმიანობა, კვლევითი მიმართულებები, თანამედროვე ლაბორატორიული შესაძლებლობები და ფერმერებისთვის ხელმისაწვდომი სერვისები გააცნეს.სოფლის მეურნეობის სახელმწიფო ლაბორატორიის დირექტორმა ირაკლი გულედანმა და ლაბორატორიის წარმომადგენლებმა ფერმერებისთვის ლაბორატორიის შესაძლებლობებისა და სოფლის მეურნეობის სფეროში აქტუალურ საკითხებზე თემატური მოხსენებები წარადგინეს.შეხვედრი ფარგლებში შპს „ადამ ბერიძის სახელობის ნიადაგისა, სურსათისა და მცენარეთა ინტეგრირებული დაცვის დიაგნოსტიკური ცენტრი „ანასეულსა“ და სსიპ სოფლის მეურნეობის სახელმწიფო ლაბორატორიას შორის ურთიერთთანამშრომლობის მემორანდუმი გაფორმდა. მემორანდუმი ერთობლივი სამეცნიერო-კვლევითი საქმიანობის, ინფორმაციის გაცვლის, საერთაშორისო პროექტებში თანამშრომლობისა და სხვადასხვა მიმართულებით კვლევების განხორციელებას ითვალისწინებს.შეხვედრის დასრულების შემდეგ მონაწილეებმა ანასეულის ლაბორატორიული კომპლექსი დაათვალიერეს, გაეცნენ ცენტრში მიმდინარე კვლევით საქმიანობასა და თანამედროვე ლაბორატორიულ შესაძლებლობებს.ღონისძიებას გურიის სახელმწიფო რწმუნებული გიორგი ღურჯუმელიძე, გურიის საკრებულოს თავმჯდომარე დავით დარჩია, ადგილობრივი თვითმმართველობის წარმომადგენლები, აგრარული სფეროს სპეციალისტები და ფერმერები ესწრებოდნენ.

1783936048

აზერბაიჯანის პრეზიდენტმა ილჰამ ალიევმა განაცხადა, რომ აზერბაიჯანის რესპუბლიკის რუსეთის იმპერიისა და სსრკ-ს შემადგენლობაში ყოფნას კოლონიურ პერიოდად მიიჩნევს.„მე-19 საუკუნეში კოლონიზებული ვიყავით. შემდეგ საბჭოთა კავშირის ნაწილი ვიყავით, სადაც დამოუკიდებლობა არ გვქონდა. სსრკ-ს ნაწილი ვიყავით, რესპუბლიკა, დიახ, მაგრამ უფლებების გარეშე. ჩვენს ისტორიულ მეხსიერებაში შენარჩუნებულია იმის გაგება, თუ რას ნიშნავს კოლონიად ყოფნა და შემდეგ თავისუფალ სახელმწიფოდ ჩამოყალიბება“, - განაცხადა ალიევმა შუშას მე-4 გლობალურ მედიაფორუმზე.მისი თქმით, საბჭოთა ეპოქაში „აზერბაიჯანიდან მილიარდობით ტონა ნავთობი ექსპორტირებული იყო“, მაგრამ სსრკ-ს დაშლის შემდეგ ქვეყანა ელექტროენერგიის დეფიციტის წინაშე აღმოჩნდა და დღემდე იძულებულია ნავთობის ინტენსიური მოპოვებით გამოწვეული გარემოზე ზიანის აღმოფხვრას.ალიევმა ასევე აღნიშნა, რომ 1991 წლის შემდეგ რუსეთში ბევრმა იწინასწარმეტყველა ყოფილი საბჭოთა რესპუბლიკების გარდაუვალი დაშლა, მათი თვითუზრუნველყოფის უუნარობის მოტივით, მაგრამ ეს პროგნოზები არ ახდა.„ისინი ყველა ნორმალური ცხოვრებით ცხოვრობენ“, - თქვა მან და დასძინა, რომ აზერბაიჯანი თავად გახდა „შუა ძალა“ თავისი დამოუკიდებლობის 30 წლის განმავლობაში.უკრაინის შესახებ კითხვაზე პასუხის გაცემისას, ალიევმა კიდევ ერთხელ გაიმეორა, რომ ის არ უნდა დაეთანხმოს ოკუპაციას და ხაზგასმით აღნიშნა, რომ აზერბაიჯანი მუდმივად უჭერს მხარს მის ტერიტორიულ მთლიანობას.ეს არ არის პირველი შემთხვევა, როდესაც ალიევი საბჭოთა პერიოდს ასეთ შეფასებებს აკეთებს. მანამდე მან აზერბაიჯანის სსრკ-ში შეერთებას ოკუპაციის შედეგი უწოდა და განაცხადა, რომ ეს ხელს უშლიდა რესპუბლიკის სრულფასოვან დემოკრატიულ სახელმწიფოდ ჩამოყალიბებას.უფრო მეტიც, საბჭოთა ეპოქაში აზერბაიჯანის სსრ-ს დიდი ხნის განმავლობაში ხელმძღვანელობდა ამჟამინდელი პრეზიდენტის მამა, ჰეიდარ ალიევი: 1969 წლიდან 1982 წლამდე ის რესპუბლიკის კომუნისტური პარტიის ცენტრალური კომიტეტის პირველი მდივნის თანამდებობას იკავებდა, შემდეგ კი სსრკ მინისტრთა საბჭოს თავმჯდომარის პირველი მოადგილის თანამდებობას იკავებდა 1987 წლამდე.

1783935093

„მიმაჩნია, ყველას დიდი ხნის წინ უნდა გაეცნობიერებინა, რომ ეს ომი უნდა შეწყდეს და ის დაუყოვნებლივ უნდა შეწყდეს. ეს არის აზერბაიჯანის პოზიცია. ეს არის ჩემი პირადი პოზიცია. ასევე ჩემი, როგორც იმ ქვეყნის ლიდერის, პოზიცია, რომლის მიწებიც ოკუპირებული იყო და შემდეგ ამ ოკუპაციისგან გაათავისუფლეს“, - აღნიშნა ალიევმა.ამასთან, მან უკრაინელებს მოუწოდა, არასდროს შეეგუონ ოკუპაციას.„არ ვფიქრობ, რომ უკრაინელ ხალხს ან უკრაინის ხელმძღვანელობას ჩემი რჩევა სჭირდება. თუმცა, დღესაც იგივე რეკომენდაციას გავიმეორებდი: არასდროს შეეგუოთ ოკუპაციას. სწორედ ამას აკეთებს უკრაინა. ის არ იღებს ოკუპაციას, გასული წლის ძალიან რთული მომენტების მიუხედავად. ჩვენ ვიხილეთ გარკვეული წრეების ზეწოლა, რათა შეჩერებულიყო ბრძოლა ოკუპაციის ეფექტურად ფორმალიზების პირობით. თუმცა, არც უკრაინელი ხალხი და არც მისი ხელმძღვანელობა ამაზე არ დათანხმდა“, - აღნიშნა ალიევმა.აზერბაიჯანის პრეზიდენტის თქმით, მისთვის ცნობილია უკრაინის პრეზიდენტის ვოლოდიმირ ზელენსკის პოზიცია.„მან ეს საჯაროდ არაერთხელ განაცხადა. მიმდინარე წლის აპრილში აზერბაიჯანში ვიზიტის დროს ჩვენ ასევე დეტალურად გავცვალეთ მოსაზრებები ამ საკითხთან დაკავშირებით. მისი პოზიციაა დაუყოვნებლივი ცეცხლის შეწყვეტა შეხების ხაზის გასწვრივ. ვერ ვიტყვი, რამდენად აქტუალურია ეს წინადადება ახლა, მაგრამ რამდენადაც ვიცი, მას ამ პოზიციიდან საჯაროდ უკან არ დაუხევია. აზერბაიჯანის პოზიცია უცვლელი რჩება. ჩვენ ყოველთვის ვუჭერდით მხარს უკრაინის ტერიტორიულ მთლიანობას, სუვერენიტეტს და მისი საერთაშორისოდ აღიარებული საზღვრების ურღვევობას და ამას გავაგრძელებთ. არცერთი ქვეყნის საზღვრები არ შეიძლება შეიცვალოს ძალის გამოყენებით ან მისი ხალხის თანხმობის გარეშე. ჩვენი პოზიცია ამ საკითხთან დაკავშირებით თანმიმდევრული და მტკიცეა”, - აღნიშნა ალიევმა.მისი თქმით, რაც შეეხება უკრაინელ ხალხს, აზერბაიჯანი ყოველთვის მზადაა მათ დაეხმაროს.„ამაზე ბევრი არ მინდა ვისაუბრო, რადგან ამას საჯაროობისთვის არ ვაკეთებთ. ეს გულწრფელი ჟესტია. დახმარებას მხოლოდ სახელმწიფო არ უწევს. მონაწილეობენ როგორც ჩვეულებრივი ადამიანები, ასევე კერძო კომპანიები. ეს სოლიდარობის ერთიანი მაგალითია. ვცდილობთ, ჩვენი შესაძლებლობების ფარგლებში დავუჭიროთ მხარი იმ ადამიანებს, რომელთა ტერიტორიული მთლიანობაც დაირღვა“, - აღნიშნა ალიევმა.ამასთან, მან რუსეთ-აზერბაიჯანის ურთიერთობებზეც ისაუბრა და აღნიშნა, რომ ეს ურთიერთობები სრულად ნორმალიზდა.„მინდა კიდევ ერთხელ გავიმეორო, რომ ჩვენ დიდ მნიშვნელობას ვანიჭებთ რუსეთთან ურთიერთობებს. ასევე ვნახეთ რუსეთის ფედერაციის ოფიციალური პირების, მათ შორის პრეზიდენტ პუტინის განცხადებები ჩვენს ქვეყნებს შორის ურთიერთობების პოზიტიური განვითარების შესახებ. თქვენ ახსენეთ გარკვეული სირთულეები. დიახ, ჩვენ ყველა მათგანი ვიცით. თუმცა, მთავარი ის არის, რომ ეს ეტაპი უკვე წარსულს ჩაბარდა. ვიტყოდი, რომ ურთიერთობები სრულად ნორმალიზდა. სხვადასხვა დონეზე კონტაქტები გრძელდება“, - აღნიშნა ალიევმა.მისი თქმით, რუსეთსა და აზერბაიჯანს შორის ურთიერთობებს დიდი მნიშვნელობა აქვს როგორც ორმხრივი თანამშრომლობისთვის, ასევე რეგიონისთვის.„ეს ურთიერთობები მოიცავს როგორც თანამშრომლობის ტრადიციულ სფეროებს, ასევე მომავალში შესაძლოა გაჩნდეს ახალი მიმართულებები. აქ განსაკუთრებით მნიშვნელოვანია ტრანსპორტის საკითხები. ასევე ძირითად სფეროებს შორისაა ვაჭრობისა და ჰუმანიტარულ საკითხებზე თანამშრომლობა“, - აღნიშნა ალიევმა.

1783934658

ფრენკ მერეიდემ აღნიშნული პროექტის მნიშვნელობაზე ისაუბრა.„ძალიან ვამაყობ, რომ აქ ვიმყოფები. ჩვენ ძალიან გვჯერა საქართველოს ზრდის პოტენციალის. იგივე სტრატეგია, იგივე ხედვა გვაქვს ქვეყნის განვითარების მიმართულებით. საქართველო ძალიან ეფექტურად, სწრაფად იზრდება. ჩვენ არ გვინდა, რომ რაიმე შანსი გავუშვათ ხელიდან. სწორედ ამიტომ ვიმყოფებით აქ. ეს არის ძალიან მნიშვნელოვანი სიმბოლო ჩვენი თანამშრომლობის. არ მავიწყდება, 2021 წლის მარტში ბათუმის საერთაშორისო აეროპორტის განვითარებაზე ვმუშაობდით და მიუხედავად კოვიდისა და იმისა, რომ იმ პერიოდში ინვესტიცია იყო სრული სიგიჟე, მაინც შევძელით ამ პოტენციალის ათვისება.ახლა უკვე თბილისში ვიწყებთ განვითარებისა და გავრცობის მზადებას. გასულ თვეში მსოფლიოში უპრეცედენტო მოვლენა მოხდა. პრობლემების მიუხედავად, ვნახულობდით, რომ სხვა კომპანიები ცდილობდნენ, დაეცადათ და ენახათ, რა განვითარებას პოვებდა მსოფლიოში ეს მრეწველობა და ინდუსტრია, მაგრამ ჩვენ დავიწყეთ გაფართოება თბილისის საერთაშორისო აეროპორტის. რიცხვებს თუ შევხედავთ, ივნისის მაჩვენებლები ძალიან სწრაფ ზრდას მეტყველებს. 40 პროცენტი იყო ზრდა. ამ გამოწვევების, შესაძლებლობის ათვისებისთვის ძალიან მნიშვნელოვანი ნაბიჯები იდგმება. სწორედ ამიტომ ვართ აქ, ვამაყობთ ამ პარტნიორობით. ჩვენს ქსელს თუ შევხედავთ, 27 ქვეყანაში ვართ წარმოდგენილი, ყველაზე დიდი და სწრაფი განვითარება საქართველოდან იკვეთება.უკვე ვხედავთ ამის ნიშნებს. სწრაფად უნდა ვიმოქმედოთ, საქართველოსთან ძალიან ძლიერი პარტნიორობა უნდა გამოვიყენოთ, ამაზე მოვახდინოთ აპელირება. განსაკუთრებით მადლიერი ვართ პრემიერ-მინისტრის, ეკონომიკის მინისტრის ასეთი ხედვის, ტემპისთვის, რომ ყველა შესაძლებლობა იქნეს სწორად და სწრაფად გამოყენებული. 2028 წელს უფრო მეტი პოტენციალი ექნება ამ აეროპორტს, მეტი გამტარუნარიანობა. ძალიან მნიშვნელოვანი პროექტია ჩვენთვის და დიდი პატივია, რომ თბილისში ვიმყოფები ჩვენს პარტნიორებთან, მეგობრებთან ერთად“, – განაცხადა ფრენკ მერეიდემ.

1783934382

ღონისძიება მიზნად ისახავდა განახლებადი ენერგეტიკის სფეროში არსებული შესაძლებლობების, დაფინანსების ინსტრუმენტებისა და ბაზრის მიმდინარე ტენდენციების გაზიარებას.შეხვედრაზე განიხილეს მცირე და საშუალო ბიზნესისთვის ელექტროენერგიის ხარჯების შემცირების გზები, მიკროსიმძლავრის ელექტროსადგურების მიმართულებით არსებული ტენდენციები, კაპიტალის მოზიდვის შესაძლებლობები და ბიზნესის პრაქტიკული გამოცდილება. ღონისძიებაში მონაწილეობდნენ გალტ & თაგარტის კვლევების დეპარტამენტის, შვეიცარიის განვითარებისა და თანამშრომლობის სააგენტოს და მის მიერ დაფინანსებული საქართველოს რეგიონებში მცირე და საშუალო საწარმოების განვითარების პროექტის (RSMEDP) წარმომადგენლები, ასევე ინდუსტრიის წამყვანი კომპანიების - Step Energy, Helios Energy, Envus, Shine Energy და Photomate - ხელმძღვანელები.აღსანიშნავია, რომ ღონისძიებაზე მცირე და საშუალო ბიზნესის წარმომადგენლებიპირველები გაეცნენ საქართველოს ბანკისა და RSMEDPის თანამშრომლობით შექმნილ ინსტრუმენტს, მზის პანელის სესხის კალკულატორს, რომელიც ბიზნესებს შესაძლებლობას აძლევს, გამოთვალონ დაზოგილი თანხა მზის პანელების ინსტალაციის და საკუთარი განახლებადი ენერგიის წარმოების შემთხვევაში.„საქართველოს ბანკისთვის მწვანე დაფინანსება ერთ-ერთი სტრატეგიული მიმართულებაა. ჩვენთვის მნიშვნელოვანია, რომ მცირე და საშუალო ბიზნესს ჰქონდეს წვდომა არა მხოლოდ ფინანსურ რესურსებზე, ცოდნასა და პრაქტიკულ გამოცდილებაზე. სწორედ ამიტომ ერთ სივრცეში გავაერთიანეთ სექტორის ლიდერები, ანალიტიკოსები და საერთაშორისო პარტნიორები, რათა ბიზნესმა მიიღოს ინფორმაცია იმ შესაძლებლობების შესახებ, რომელიც მიკროსიმძლავრის ელექტროსადგურების მიმართულებით არსებობს“, - განაცხადა  საქართველოს ბანკის მცირე და საშუალო ბიზნესის მიმართულების ხელმძღვანელმა თორნიკე კუპრაშვილმა.საქართველოს ბანკი განაგრძობს მცირე და საშუალო ბიზნესის მხარდაჭერას როგორც სპეციალიზებული ფინანსური პროდუქტებით, ასევე საგანმანათლებლო და სადისკუსიო პლატფორმების შექმნით, რომლებიც საქართველოში მწვანე ეკონომიკის განვითარებას უწყობს ხელს.

1783930396