„ეკონომისტის პროფესიულ დღეს ვულოცავ ქვეყნის ერთ-ერთი მთავარი მამოძრავებელი დარგის თითოეულ წარმომადგენელს, მოქმედ და მომავალ ეკონომისტებს. განსაკუთრებით ვულოცავ დღევანდელ დღეს ახალგაზრდებს, რომელთა წარმატება, პროფესიონალიზმი და ცოდნა ჩვენი ქვეყნის მდგრადი ეკონომიკური განვითარებისა და უკეთესი მომავლის გარანტია.ამ დღეს, განსაკუთრებულად უნდა გავიხსენოთ ის ღვაწლმოსილი ეკონომისტები, რომლებმაც 1999 წლიდან საფუძველი ჩაუყარეს ეკონომისტის დღის აღნიშვნის ტრადიციას, რაც, თავის მხრივ, 1918 წლის 13 სექტემბერს (სექტემბრის მეორე პარასკევს) პირველი ეკონომიკური ჟურნალის - „საქართველოს ეკონომისტის" გამოცემას უკავშირდება. კოლეგებს და თანამშრომლებს, აკადემიური წრეების წარმომადგენლებს, სტუდენტებს და დარგის სპეციალისტებს, ქვეყნის ეკონომიკურ საქმიანობაში ჩართულ თითოეულ ადამიანს გილოცავთ პროფესიულ დღეს და წარმატებებს გისურვებთ,“ - აღნიშნულია მილოცვაში.

1757668048

თუ გზა მარტივია, ჟინი ქრება. მაგრამ საკმარისია წინ თავგადასავლებისა და დაბრკოლებების მთელი სერია მოჩანდეს, ჟინი ნამდვილ ცეცხლად იქცევა და იწყება ბრძოლა გამარჯვებამდე.საქართველოს ბანკი სწორედ ასეთი შეუჩერებელი და მებრძოლი ადამიანების აღმოჩენასა და მხარდაჭერას ისახავს მიზნად. ადამიანების, რომლებიც მუდმივად ვითარდებიან, წინ მიიწევენ და არ ჩერდებიან, რადგან როგორც ჩვენი გმირი ამბობს:“დღეს თუ დამარცხდი, ხვალ შეგიძლია ყველაფერი თავიდან დაიწყო“.გიყვებით ერეკლე ბაღაშვილზე, 25 წლის ველომოგზაურზე, რომელიც მალე მსოფლიო რეკორდის დამყარებას აპირებს. სამომავლო გეგმებამდე კი, გიამბობთ თუ რა გზა გაიარა მან და როგორ შექმნა თავისი შეუჩერებელი ჟინი.პირველი გამარჯვებაველოსიპედის მიმართ ინტერესი მაშინ გაუჩნდა, როდესაც 8 წლის ასაკში ლეგენდარულ ჯუმბერ ლეჟავას შეხვდა. სწორედ ეს შეხვედრა იქცა მისთვის შთაგონებად, რომელმაც მომავალში დიდ გეგმებზე ფიქრი დააწყებინა. დაახლოებით ერთი წლის წინ კი, პირველი ველოც შეიძინა და ბავშვობის ოცნებების ახდენა დაიწყო.რამდენი მწვერვალიც არ უნდა დაიპყრო, პირველი გამარჯვებით მოტანილ თავისუფლებას, ბედნიერებას და ემოციას ვერაფერი შეცვლის. ერეკლესთვის ასეთი სამცხე-ჯავახეთის გავლით, თბილისი-ბათუმის სამ დღიანი ველომოგზაურობა აღმოჩნდა.თავიდან ყველაფერი გეგმის მიხედვით მიდიოდა, თუმცა მოგზაურობის მესამე დღეს აჭარის მთებში, ხულოსთან, გოდერძის უღელტეხილზე ერეკლე ველოდან გადავარდა და საკმაოდ ძლიერი დაზიანებები მიიღო. დანიშნულების ადგილამდე 120 კილომეტრი აშორებდა, ამიტომ მოიკრიბა ძალა, კვლავ დაიწყო პედლების ტრიალი და სრული შემართებით განაგრძო გზა. მისთვის ეს იყო პირველი გამარჯვება და დაჯერება იმისა, რომ ყველაფერი შესაძლებელია.“გოდერძის უღელტეხილზე ველოსიპედიდან გადავვარდი და ძლიერი დაზიანებები მივიღე. ერთდროულად ვიგრძენი ტკივილი, დაღლილობა, შიშიც კი. მაგრამ ყველაზე მეტად ბორბლებში მოყოლილი ჰამაკი მედარდებოდა. ვინაიდან, მასთან არაერთი ისტორია, მათ შორის ამაზონის ჯუნგლებში გატარებული დღეები მაკავშირებდა. დანებების დრო არ იყო, მეგობრის დახმარებით, მოვიკრიბე ძალა, დავჯექი ველოზე და ჯიუტად გავაგრძელე გზა“- იხსენებს ერეკლე ბაღაშვილი.ჟინი ყველაფერს შეგაძლებინებსეს ყველაფერი მისთვის ახალი ცხოვრების დასაწყისი იყო. იმ დღიდან მოყოლებული, ერეკლე თავგადასავლებისა და მუდმივი ადრენალინის ძიებაშია.და მართლაც, პორტუგალიაში ყოფნისას, გაბედულმა ველომოგზაურმა ერთი გიჟური, დაუჯერებელი იდეის განხორციელება დაისახა მიზნად. დაისახა და შეასრულა კიდეც, პორტუგალიიდან საქართველომდე არსებული 5091 კილომეტრი 67 დღეში დაფარა.ცხელი მზე, წვიმიანი დღეები, რთული გზები და ცვალებადი კლიმატი, ერეკლესთვის მხოლოდ მორიგი გამოწვევა იყო საკუთარი შესაძლებლობების დასამტკიცებლად. 10 ქვეყანა გაიარა ისე, რომ ყველაზე რთულ გზებზეც კი თავს უსაფრთხოდ და თავისუფლად გრძნობდა. როგორც თავად აღნიშნავს, ჟინი არის ძალა, რომლითაც შენს გონებას გაუტეხელს ხდი, ასეთ დროს კი არ არსებობს გამოწვევა, რომელსაც ვერ გადალახავ.“როცა ეს მოგზაურობა დავიწყე არც მიფიქრია რომ ვერ შევძლებდი. თავისუფალი გონება ყოველთვის იპოვნის გზას. და მეც შეუჩერებლად ვაგრძელებდი სვლას. “- ამბობს ერეკლე.ჟინი, მსოფლიო რეკორდის მოხსნას აპირებსპორტუგალიიდან დაბრუნების შემდეგ, ველომოგზაურის დაუღალავმა ჟინმა მსოფლიო რეკორდის დამყარება განიზრახა. ამჯერად, ერეკლე აპირებს ვაშლოვანის დაცული ტერიტორიებიდან გრიგოლეთამდე მანძილი 30 საათზე ნაკლებ დროში დაფაროს.მისი თქმით, ეს გამოწვევა მხოლოდ ფიზიკური ძალის გამოცდა არაა. ეს არის ჯიუტი ნების, მენტალური გამძლეობის და შინაგანი ჟინის გამოცდა. რა დროსაც თითოეული კილომეტრი, გორაკი და წამი იქნება იმის მტკიცებულება, რომ ჟინი არასდროს ჩერდება. ველომოგზაურის თქმით ეს რეკორდი იქნება ერთგვარი ბილეთი მსოფლიო სპორტისკენ.“მჯერა რომ საკმარისი ფიზიკური მონაცემები და პოტენციალი მაქვს იმისთვის, რომ ულტრაველო სპორტში პროფესიონალურად ჩავერთო. შემდეგი ნაბიჯი 2026 წლის Transcontinental Race-ზე გასვლაა. ევროპის ყველაზე დიდი ულტრაველო რბოლა. დაახლოებით იმავე მარშრუტის, რაც პორტუგალიიდან 67 დღეში გამოვიარე, ორ კვირაში, დაფარვა მომიწევს.“,- აღნიშნავს ერეკლე.ეს ყველაფერი გვახსენებს, რომ ერეკლესნაირი ადამიანები ჩვენთვის შთაგონების წყაროა. მათი შეუჩერებელი ჟინი, დაუღალავი ენერგია და მომავლის იმედი გვიჩვენებს, რომ არ არსებობს მწვერვალი, რომლის დაპყრობასაც ვერ შევძლებთ. რადგან მაშინ, როცა წინ თითქოს შეუძლებელი გველოდება, ჟინი გვაძლევს ძალას, არ დავნებდეთ და გავაგრძელოთ გზა გამარჯვებისკენ.ერეკლე ბაღაშვილის დაუოკებელი ჟინის შესახებ კიდევ უფრო მეტის გაგება ამ ვიდეოში შეგიძლიათ.

1757667837

მათივე ცნობით, ფრენების ნაწილი 2025 წლის ოქტომბერში გაუქმდება, დანარჩენი კი 2026 წლის მარტამდე შეწყდება."Wizz Air-მა ვენის ბაზა 2018 წელს გახსნა. ამჟამად იქ ბაზირებული ფლოტი 5  Airbus A321neo თვითმფრინავისგან შედგება, რომელიც 28 მარშრუტს ახორციელებს 20 ქვეყანაში, რაც ავიაკომპანიის ძლიერი პოზიციის მაჩვენებელია ავსტრიაში.თუმცა, ბაზის გახსნის შემდეგ ვენის აეროპორტში მნიშვნელოვნად გაიზარდა ხარჯები და გადასახადები. Wizz Air-ის სტრატეგიული ფოკუსი დაბალი ფასების უზრუნველყოფაზეა ორიენტირებული, რაც ხარჯების მკაცრ კონტროლს მოითხოვს. ამ პირობებში ვენიდან ოპერირება შეუსაბამო გახდა კომპანიის ძალიან დაბალბიუჯეტიან ბიზნეს-მოდელთან", - აღნიშნულია Wizz Air-ის მიერ გავრცელებულ ინფორმაციაში.

1757666949

ღონისძიება მდგრადი დაფინანსების თემატიკას დაეთმო და ერთდროულად, საქართველოსა და სომხეთში, ჰიბრიდულ ფორმატში ჩატარდა და მიზნად ისახავდა გამოცდილების გაზიარებას რეგიონის ქვეყნებს შორის.პანელურ დისკუსიაში საქართველოსა და სომხეთის ის წამყვანი კომპანიები მონაწილეობდნენ, რომლებიც მდგრადი კაპიტალის ბაზრებზე აქტიურად ოპერირებენ. პანელისტებმა აუდიტორიას საკუთარი წარმატების, გამოწვევებისა და მიღებული გამოცდილების შესახებ ინფორმაცია გაუზიარეს, აზიის განვითარების ბანკმა კი კაპიტალის ბაზრებზე მისი, როგორც ტრანზაქციების მხარდამჭერის, როლი მიმოიხილა.“საქართველოში, მდგრადი დაფინანსების სფეროში, საერთაშორისო სტანდარტების დანერგვის კუთხით მნიშვნელოვანი წინსვლა უკვე არსებობს, თუმცა, დამატებით განვითარების პოტენციალიც მაღალია. დისკუსიების ფარგლებში გვქონდა შესაძლებლობა, საკუთარი გამოცდილება და ხედვები გაგვეზიარებინა როგორც ადგილობრივ, ასევე რეგიონალურ მოთამაშეებთან. მსგავსი შეხვედრები ქმნის თანამშრომლობის გაფართოების შესაძლებლობას და რეგიონის, როგორც სანდო საინვესტიციო არეალის, უკეთ პოზიციონირების მიმართულებით. მოხარული ვართ, რომ გალტ & თაგარტი ამ პროცესში საქართველოსა და სომხეთში კაპიტალის ბაზრის განვითარებისთვის მნიშვნელოვან ნაბიჯებს დგამს”, - განაცხადა ქეთევან თოიძემ.„აზიის განვითარების ბანკი აქტიურად უჭერს მხარს კაპიტალის ბაზრის განვითარებას საქართველოსა და რეგიონში ადგილობრივ საინვესტიციო ბანკებთან თანამშრომლობის ფარლგებშიც არაერთ წარმატებულ განთავსებაში მივიღეთ მონაწილეობა. მდგრადი დაფინანსების სფერო ცენტრალურ და აღმოსავლეთ ევროპაში სწრაფად ვითარდება, საქართველო და სომხეთი კი ამ ბაზარზე სანდო აქტორებად ყალიბდებიან. მწვანე, სოციალური, და მდგრადობასთან დაკავშირებული ობლიგაციები პირველ რიგში კომპანიებს  მმართველობის ახალ ეტაპზე გადასვლაში ეხმარება, რაც  როგორც საოპერაციო ისე ფინანსურ ოპტიმიზაციაში აისახება. ეს, ასევე, ხელს უწყობს როგორც ადგილობრივი ისე საერთაშორისო ინვესტორების მოძიებასა და ახალი დაფინანსების შესაძლებლობების შექმნაში. ჩვენ ვაგრძელებთ კაპიტალის ბაზრის განვითარების ხელშეწყობას დაძლიერი სამოქმედო ჩარჩოების შექმნას საერთაშორისო სტანდარტების დანერგვის მიმართულებით", - ამბობს ტატო ცინცაძე, აზიის განვითარების ბანკის მთავარი საინვესტიციო ოფიცერი კავკასიაში. 

1757658240

ბორჯომის ახალი ქარხანა ყვიბისში, ყოფილი, N2 ჩამომსხმელი ქარხნის ტერიტორიაზე აშენდა. საწარმოს საერთო ფართობი 48 000 მ2-ს შეადგენს. მასშტაბითა და წარმოების შესაძლებლობებით, საქართველოში ის ყველაზე დიდი საწარმოა ჩამომსხმელ სექტორში.ქარხნის მშენებლობა 2022 წელს დაიწყო და ეტაპობრივად, ფაზების მიხედვით მიმდინარეობდა. საწარმოო პროცესი სრულად შეესაბამება ეროვნულ კანონმდებლობას და აკმაყოფილებს ევროპულ და საერთაშორისო სტანდარტებს. ქარხანა აგებულია ენერგო ეფექტურობაზე გათვლილი მასალებითა და მოწყობილობებით. წარმოების თითოეული ეტაპი ისეა ორგანიზებული, რომ გარემოზე ზემოქმედება მინიმუმამდე იყოს დაყვანილი.

1757656140

მისივე ინფორმაციით, დღევანდელი მდგომარეობით, დაახლოებით, 2.6%-ია უმოქმედო სესხების წილი, რაც დაკრედიტების სიჯანსაღის შეფასების ერთ-ერთი მთავარი ინდიკატორია.გარდა ამისა, მან ლარის კურსის ტენდენციებზე ისაუბრა და აღნიშნა, რომ კურსზე მოქმედი ფაქტორები პოზიტიურად აისახება მის ტენდენციაზე."საქართველოში მოქმედებს მცურავი გაცვლითი კურსის რეჟიმი და ლარის კურსს მაკროეკონომიკური ფუნდამენტური მდგომარეობა აყალიბებს. რა თქმა უნდა, ლარის კურსზე ასევე, საგარეო მდგომარეობა აისახება. თუნდაც ის, რომ დოლარის პოზიცია სხვა ვალუტების მიმართებით შესუსტდა.რაც შეეხება მოლოდინებს - მოლოდინებიც ახდენს ლარის კურსზე მოკლევადიან გავლენას. მოლოდინების თვალსაზრისით, ყველაზე კარგი ინდიკატორია, თუ რა ტენდენციაა დეპოზიტების დოლარიზაციის მიმართულებით  და ამ კუთხითაც ივლისის მონაცემებით, 3%-ით არის შემცირებული", - აცხადებს თამთა სოფრომაძე.

1757602766