საქართველოში Maje Paris-ისა და Sandro Paris-ისგან ბრენდის ექსკლუზიური წარმომადგენლის უფლებას კომპანია „Z&A G” ფლობს. ის არის „ნორკ ჯგუფის“ წევრი, რომელიც 1997 წელს დაფუძნდა. 28 წელზე მეტი უწყვეტი ზრდისა და სრულყოფილებაზე ძლიერი ორიენტაციის წყალობით, ჯგუფმა გამორჩეული ბიზნეს კულტურა ჩამოაყალიბა, დაიკავა წამყვანი პოზიცია ბაზარზე და დღეს, ეკონომიკის სხვადასხვა სექტორში 1,000-ზე მეტი პროფესიონალი ჰყავს დასაქმებული.“ნორკ ჯგუფი“ უკვე წლებია თბილისში სხვადასხვა ცნობილ ტანსაცმლის ბრენდს წარმოადგენს. ესენია: Burberry, Polo Ralph Lauren, Maje Paris, Sandro Paris და New Yorker-ის მაღაზიათა ქსელი.„უკვე 14 წელია, რაც ქართულ ბაზარზე სხვადასხვა ცნობილი ბრენდის შემოყვანით ქართველ მომხმარებელს ვანებივრებთ. ამჯერად, საქართველოს ბანკის ფინანსური მხარდაჭერით, რუსთაველის გამზირზე, 28 ნომერში, ტანსაცმლის ფრანგული პრემიუმ ბრენდების Maje Paris-ისა და Sandro Paris-ის პირველი მაღაზიები გავხსენით, რომელიც 120 კვ.მ. ფართობს იკავებს. რაც შეეხება სამომავლო გეგმებს, წლის ბოლომდე კიდევ ერთ იტალიურ ლუქს ბრენდს Santoni -ს შევთავაზებთ მაღალი მოდის მოყვარულებს“, – აღნიშნავს კომპანიის დირექტორი, ირაკლი მელუავა.“საქართველოს ბანკი და “ნორკ ჯგუფი“ წლებია ვპარტნიორობთ. ამ თანამშრომლობის ფარგლებში, ერთობლივად არაერთი საინტერესო პროექტი განვახორციელეთ და არაერთი საერთაშორისო ბრენდი უკვე წარმატებით ოპერირებს. მოხარულები ვართ, რომ ჩვენი მხარდაჭერით, ორი ფრანგული პრემიუმ ბრენდი Maje Paris და Sandro Paris-ს მაღაზიები გაიხსნა. მსგავსი საერთაშორისო ბრენდების შემოსვლა ქართულ ბაზარზე ქვეყნის ეკონომიკის განვითარებისთვის ძალიან მნიშვნელოვანია. მინდა წარმატებები ვუსურვო გუნდს, ჩვენ კი აქტიურად ვაგრძელებთ ჩვენი პარტნიორი ბიზნესების და მათი ინიციატივების მხარდაჭერას”, - განაცხადა საქართველოს ბანკის კორპორაციული გაყიდვების სექტორის უფროსმა, ალექსანდრე წულუკიანმა.

1760513580

ამის შესახებ მირზოიანმა ეუთო-ს მოქმედ თავმჯდომარესთან, ფინეთის საგარეო საქმეთა მინისტრთან, ელინა ვალტონენთან ერთობლივ პრესკონფერენციაზე განაცხადა.სომხეთის საგარეო უწყების ხელმძღვანელმა განაცხადა, რომ 13 ოქტომბერს, შარმ-ელ-შეიხში ჰქონდა საშუალება, შეხვედროდა აზერბაიჯანელ კოლეგას, რა დროსაც განიხილეს ორ ქვეყანას შორის ურთიერთობების დარეგულირების ფართო სპექტრი, მათ შორის, სატრანსპორტო ინფრასტრუქტურის გახსნის საკითხიც.მირზოიანმა კიდევ ერთხელ გაუსვა ხაზი, რომ სატრანსპორტო ინფრასტრუქტურის გახსნა მოხდება ტერიტორიული მთლიანობის, საზღვრების ხელშეუხებლობის, სუვერენიტეტისა და სახელმწიფოების იურისდიქციის პრინციპების დაცვის საფუძველზე.სომხეთის საგარეო საქმეთა მინისტრის თქმით, ამ ეტაპზე „ტრამპის გზის“ პროექტის შესახებ მოლაპარაკაბები ამერიკულ მხარესთან მიმდინარეობს და გადაწყვეტილების შესახებ ყველა საკითხზე შეთანხმების შემდეგ გახდება ცნობილი.1tv.ge

1760441460

ევროკავშირის საბჭომ, ევროკავშირი-უკრაინის ასოცირების კომიტეტში ევროკავშირის პოზიციის გათვალისწინებით, გამოაცხადა გადაწყვეტილება, შეამციროს ან გააუქმოს საბაჟო გადასახადები გარკვეულ უკრაინულ სოფლის მეურნეობისა და საკვები პროდუქტების მიმართ.ABC.AZ-ის ცნობით, ევროკავშირის საბჭოს დანიის თავმჯდომარეობის საგარეო საქმეთა მინისტრმა, ლარს ლოკე რასმუსენმა, განაცხადა, რომ საბაჟო გადასახადების გაუქმება სასარგებლოა როგორც ევროკავშირისთვის, ასევე უკრაინისთვის.„ეს უზრუნველყოფს მდგრად ეკონომიკურ სტაბილურობას, ძლიერ სავაჭრო ურთიერთობებს და უკრაინის შემდგომ ინტეგრაციას კავშირთან“, - განაცხადა მან.გადაწყვეტილება ეხება ისეთ პროდუქტებს, როგორიცაა რძის პროდუქტები, ახალი ხილი და ბოსტნეული, ხორცი და ნახევარფაბრიკატები.

1760440807

რომ ამის შესახებ ყაზახეთის ენერგეტიკის ვიცე-მინისტრმა, სანჟარ ჟარკეშოვმა განაცხადა.მინისტრის მოადგილემ აღნიშნა, რომ ყაზახეთისა და აზერბაიჯანის ენერგეტიკის სამინისტროები აქტიურად მუშაობენ ეროვნულ კომპანიებს KazMunayGas-სა და SOCAR-ს შორის ნავთობის მოძიებასა და წარმოებაში თანამშრომლობის გაფართოებაზე.„ხელი მოეწერა მემორანდუმს, რომელიც ასახავს პოტენციური ერთობლივი პროექტების ფართო სპექტრს. კერძოდ, მანგისტაუს რეგიონში მდებარე დუნგას საბადოსთან დაკავშირებით, SOCAR-მა გამოთქვა პროექტში მონაწილეობის სურვილი. ამჟამად აქტიური მოლაპარაკებები მიმდინარეობს და ველოდებით აზერბაიჯანის ენერგეტიკის სამინისტროს შედეგებს. ყაზახეთი, თავის მხრივ, მზადაა ყოვლისმომცველი მხარდაჭერა გაგვიწიოს“, - აღნიშნა ჟარკეშოვმა.დუნგას ნავთობისა და გაზის საბადო მდებარეობს მანგისტაუს რეგიონში, ტუპკარაგანის რაიონში. საბადოს გეოლოგიური მარაგი 106 მილიონ ტონა ნავთობს და 6 მილიარდ კუბურ მეტრზე მეტ გაზს შეადგენს. საბადო 1966 წელს აღმოაჩინეს. დუნგას პროექტი ხორციელდება 1994 წლის 1 მაისს Oman Oil Company Limited-სა და ყაზახეთის მთავრობას შორის ხელმოწერილი წარმოების გაზიარების შეთანხმების ფარგლებში.

1760440551

თურნავა ვიზიტით ვაშინგტონში, საერთაშორისო სავალუტო ფონდისა და მსოფლიო ბანკის ყოველწლიურ შეხვედრებზე იმყოფება.სებ-ის მიერ გავრცელებულ ვიდეო კომენტარში ეროვნული ბანკის პრეზიდენტი ამბობს, რომ ეს იქნება კარგი შესაძლებლობა, ქვეყანაში ახალი ინვესტიციების მოსაზიდად.„დღეს ვიწყებთ ოფიციალურ შეხვედრებს ამერიკის შეერთებულ შტატებში, ვაშინგტონში. ჩვენი ძირითადი ამოცანაა მივიღოთ მონაწილეობა მსოფლიო ბანკის და სავალუტო ფონდის წლიურ შეხვედრებში. ეს არის რეგულარული პლატფორმა, რომელსაც იყენებენ სხვადასხვა ქვეყნის მთავარი ბანკირები, ფინანსთა მინისტრები და ასევე მთავრობის წევრები იმისთვის, რომ ისაუბრონ საერთაშორისო სავალუტო ფონთან, მსოფლიო ბანკთან მიმდინარე პროექტებსა და თანამშრომლობაზე, სამომავლო პერსპექტივებზე. ამასთანავე, ორმხრივი შეხვედრები გამართონ თავის კოლეგებთან.ჩვენთვის ეს ყოველთვის არის შესაძლებლობა ასევე, რომ შევხვდეთ საერთაშორისო ინვესტორებს. ძალიან სასიხარულოა, რომ ყოველწლიურად ინტერესი საქართველოში ინვესტირებისადმი იზრდება და კიდევ უფრო მეტად სასიხარულოა, რომ ის ინვესტორები, ვინც აქამდე მონაწილეობდნენ ჩვენთან მსგავს შეხვედრებში, პოტენციური სტატუსიდან გადმოვიდნენ რეალური ინვესტორების სტატუსში, ანუ დავარწმუნეთ, რომ საქართველო არის საინტერესო, მაკროეკონომიკურად სტაბილური, მუდმივად მზარდი ეკონომიკა, სადაც საკმაოდ სარფიანი და უსაფრთხოა ინვესტიციების განხორციელება და ძალიან მაღალი არის ინტერესი.ასე რომ, გვექნება შესაძლებლობა წამყვანი ამერიკული ბანკების ორგანიზებით ინვესტორთა დიდ ჯგუფებს შევხვდეთ. აქ, როგორც მოგახსენეთ, არიან როგორც უკვე არსებული ინვესტორები, ვინც აქტიურად აბანდებენ თანხებს, მათ შორის ჩვენს სახაზინო ვალდებულებებში, კორპორატიულ ფასიან ქაღალდებში, ასევე პოტენციური ინვესტორები, ვისაც დიდი ინტერესი გააჩნია საქართველოსთან მიმართებით," - ამბობს ნათია თურნავა.

1760437799

რთველის საკოორდინაციო შტაბის უფროსის მოადგილის, ალექსანდრე კობერიძის განცხადებით, მიმდინარე წელს ყურძნის მოსავლის რაოდენობა გასული წლის რაოდენობას 30%-ით აჭარბებს.„უხვა მოსავალმა და ნალექიანმა ამინდებმა, როგორც კახეთში, ასევე რაჭის რეგიონში, კრეფისთვის ხელსაყრელი პერიოდი შეამცირა, რამაც გამოიწვია კრეფის პიკური დღეები და ღვინის საწარმოებთან ყურძნით დატვირთული მანქანების ნაკადი გაზარდა; განსაკუთრებით რთველის აქტიურ პერიოდში. გარდა ამისა, ღვინის საწარმოებში ყურძნის ჩაბარება დაკავშირებულია აღრიცხვასა და კონკრეტულ ტექნოლოგიურ პროცედურებთან, რაც, რათქმა უნდა, საჭიროებს გარკვეულ დროს. ამასთან ერთად, ყველას საწარმოს აქვს ყურძნის დღეღამური გადამუშავების ლიმიტი“, - აღნიშნა ალქსანდრე კობერიძემ.შტაბის უფროსის მოადგილემ მოსახლეობას მოუწოდა, აუცილებლად მიიღონ ინფორმაცია სოფლის რწმუნებულებისგან, აიღონ შესაბამისი ცნობა, შემდგომ დაიწყონ კრეფა და მივიდნენ მითითებულ საწარმოში.„რთველის საკოორდინაციო შტაბის წევრები, ყოველდღიურ რეჟიმში, სოფლების რწმუნებულებს აწვდიან ინფორმაციას ყურძნის დღეღამური გადამუშავების კვოტების და ჩამბარებელი საწარმოების მისამართების შესახებ. ამ ინფორმაციის საფუძველზე, სოფლის რწმუნებულები მევენახეებზე გასცემენ ცნობებს კონკრეტული საწარმოს შესაძლებლობების შესახებ კონკრეტული დროის მითითებით. რიგების შემცირებისთვის, მევენახეებმა სწორედ ამ სქემის გათვალისწინებით უნდა იმოქმედონ. რთველის საკოორდინაციო შტაბი სრულად მობილიზებულია და არც ერთი კილოგრამი ყურძენი ჩაუბარებელი არ დარჩება“, - აღნიშნა ალექსანდრე კობერიძემ.

1760434664