საქართველოს ბანკის რიგით 28-ე თანამედროვე ბიბლიოთეკა გურიის სოფელ ხიდისთავში გაიხსნა

ღონისძიება საქართველოს ბანკის, გაეროს ქალთა ორგანიზაციის (UN Women), დანიის მთავრობის ფინანსური მხარდაჭერით და „ბაზარი ორბელიანთან“ პარტნიორობით ხორციელდება.გამოფენა-გაყიდვა ქალი მეწარმეების მხარდაჭერასა და გაძლიერებას ისახავს მიზნად. მასზე წარმოდგენილი იქნება საკვები პროდუქტები, ხელნაკეთი თუ საყოფაცხოვრებო ნივთები.გამოფენა-გაყიდვა 12:00-დან 20:00-მდე გაიმართება. ის ფიზიკური პირი, ვინც გამოფენაზე პროდუქციას საქართველოს ბანკის ნებისმიერი ბარათით შეიძენს, 30%-იან ქეშბექს მიიღებს (მაქსიმუმ 50 ლარი).შეთავაზებით სარგებლობისთვის აუცილებელია საქართველოს ბანკის ტერმინალით ისარგებლოთ. ქეშბექი კი ანგარიშზე მომენტალურად აისახება.შეთავაზება ვრცელდება შემდეგ ობიექტებში გადახდისას: LILE Rcheuli Akhvlediani ceramics Lecobs Tilisma Lucy's Toys • ლუსის სათამაშოები კომბლე MaNo - Leather accessories Strawberro თვითშემეცნებითი დღიურები myceramics მაკულინას ხელნაკეთი სათამაშოები BE RAMA ინფორმაციისთვის, საქართველოს ბანკის, გაეროს ქალთა ორგანიზაციის (UN Women), დანიის მთავრობის ფინანსური მხარდაჭერით და „ბაზარი ორბელიანთან“ პარტნიორობის ფარგლებში, „ბაზარი ორბელიანი“ ერთი წლის განმავლობაში, ყოველ თვე, სამი დღის განმავლობაში - პარასკევიდან კვირის ჩათვლით - სივრცეს მეწარმე ქალებს უთმობს, რათა მათ საკუთარი პროდუქცია ფართო აუდიტორიას წარუდგინონ.შეთავაზების შესახებ დამატებითი დეტალებისთვის შეგიძლიათ ეწვიოთ ბმულს.

1780583922

საქართველოს ბანკის რიგით 28-ე იდეათეკა გურიის სოფელ ხიდისთავის საჯარო სკოლაში გაიხსნა.მულტიფუნქციური ბიბლიოთეკა ქართული წიგნის ინსტიტუტთან და Energy Development Georgia-სთან თანამშრომლობით აშენდა.თანამედროვე იდეათეკები აღჭურვილია მრავალფეროვანი ბიბლიოთეკით, ზოგადი და სასკოლო საგანმანათლებლო რესურსით, კომპიუტერებით, პროექტორით და STEM კუთხით, სადაც ახალგაზრდებს აქვთ შესაძლებლობა, გაეცნონ საბუნებისმეტყველო მეცნიერებების საფუძვლებს, ჩაატარონ მარტივი, სახალისო ექსპერიმენტები და თეორიული ცოდნა პრაქტიკულ გამოცდილებად აქციონ, რაც დაეხმარება მათ, გადადგან პირველი ნაბიჯები დიდი აღმოჩენებისკენ.ინფორმაციისთვის, დღეს, საქართველოს ბანკის იდეათეკები 11 რეგიონის 28 სკოლაში ფუნქციონირებს და 20 000-ზე მეტი მოსწავლისთვის ქმნის განათლების შესაძლებლობებს.საქართველოს ბანკის მიერ შექმნილი საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს: ganatleba.bog.ge

1780582800

მინისტრის მოადგილე ხაზს უსვამს, რომ ბიზნესსექტორის ბრუნვამ 2026 წლის I კვარტლისთვის რეკორდული მაჩვენებელი - 62.0 მლრდ ლარი შეადგინა. ამავე პერიოდში ზრდა დაფიქსირდა როგორც მსხვილ, ისე მცირე და საშუალო ბიზნესში: მსხვილი საწარმოების გამოშვება 13.0%-ით გაიზარდა, ხოლო მცირე და საშუალო საწარმოების გამოშვების ზრდამ 11.9% შეადგინა. იანვარ-მარტში მნიშვნელოვანი ზრდა დაფიქსირდა როგორც ბრუნვისა და პროდუქციის გამოშვების, ისე დასაქმების მიმართულებით.„უნდა აღინიშნოს, რომ გამოშვების ზრდა ფიქსირდება ეკონომიკის ყველა სექტორში. პირველ კვარტალში გამოშვების ზრდაში მნიშვნელოვანი პოზიტიური წვლილი შეიტანა დამამუშავებელი მრეწველობის, ტრანსპორტის და დასაწყობების, ვაჭრობის სექტორებმა და ტურიზმთან დაკავშირებული აქტივობების ზრდამ. ასევე, აღსანიშნავია, რომ ბიზნესაქტივობის ზრდასთან ერთად იზრდება ბიზნესსექტორში სამუშაო ადგილების რაოდენობა - მიმდინარე წლის იანვარ-მარტში სამუშაო ადგილების რიცხვი 3.7%-ით (28.5 ათასით) გაიზარდა და 799.4 ათასი შეადგინა, რაც პირველი კვარტლის ჭრილში რეკორდული მაჩვენებელია. გაზრდილია დაქირავებით დასაქმებულთა საშუალო თვიური ხელფასიც - ის 2,300 ლარს აჭარბებს“, - აღნიშნა ვახტანგ ცინცაძემ.ბიზნესსექტორში არსებულ მაღალ მაჩვენებლებზე საუბრისას მინისტრის მოადგილე ყურადღებას ამახვილებს საქართველოს მთავრობის პოლიტიკაზე, რომელიც აქტიურად უწყობს ხელს მცირე და საშუალო მეწარმეების კონკურენტუნარიანობის ზრდას. ვახტანგ ცინცაძის შეფასებით, ასევე, მნიშვნელოვანია ქვეყანაში არსებული მიმზიდველი საინვესტიციო და ბიზნესკლიმატი, რაც საბოლოო ჯამში ხელს უწყობს ბიზნესაქტივობის, ახალი ინვესტიციების განხორციელების და ზოგადად, ბიზნესისთვის მიმზიდველი გარემოს ჩამოყალიბებას.„შესაბამისად, ჩვენი მოლოდინია, რომ ბიზნესაქტივობის ზრდის მიმართულებით პირველ კვარტალში დაფიქსირებული ტენდენციები მომავალ კვარტლებშიც გაგრძელდება. ეს, საბოლოო ჯამში, განაპირობებს მაღალ ეკონომიკურ ზრდას, რაც პოზიტიურად აისახება როგორც ქვეყანაში სამუშაო ადგილების შექმნაზე და დასაქმებულთა რაოდენობის ზრდაზე, ასევე, სიღარიბის მაჩვენებლების შემცირებაზე და სხვა მაკროეკონომიკურ პარამეტრებზე“, - განაცხადა მინისტრის მოადგილემ.

1780581568

ძირითადი ტენდენციებიინფლაცია მაისში წლიურმა ინფლაციამ 5.7% შეადგინა, ხოლო მარტთან შედარებით ფასების საერთო დონემ 0.3%-ით მოიმატა საბაზო ინფლაცია, რომელიც სამომხმარებლო კალათიდან მერყევ სურსათის, ენერგომატარებლების და სიგარეტის ფასებს გამორიცხავს, მაისში 3.5% შეადგინა მომსახურების ინფლაცია 3.8%-ს გაუტოლდა საბანკო სექტორი აპრილში, გაცვლითი კურსის ეფექტის გამორიცხვით, სესხების ზრდის ტემპმა 14.1% შეადგინა დეპოზიტების დოლარიზაცია აპრილში არ შეცვლილა და 46.6% შეადგენს აპრილში, მთლიანი საკრედიტო პორტფელის დოლარიზაცია 0.1 პპ-ით, 42.5%-მდე შემცირდა საგარეო სექტორი იმპორტი - საქონლის იმპორტი წლიურად 2.9%-ით შემცირდა და 1.5 მლრდ აშშ დოლარს გაუტოლდა. აპრილში საქონლის იმპორტის შემცირება ძირითადად სამომხმარებლო და საინვესტიციო დანიშნულების საქონლის იმპორტის კლებამ განაპირობა. ექსპორტი - საქონლის ექსპოწრტი წლიურად 16.1%-ით გაიზარდა და 716.3 მლნ აშშ დოლარი შეადგინა. აპრილში საქონლის რეგისტრირებული ექსპორტის წლიური ზრდა ძირითადად შუალედური მოხმარების და სამომხმარებლო საქონლის ექსპორტის ზრდამ განაპირობა აპრილის მდგომარეობით, წინა თვესთან შედარებით, ოფიციალური საერთაშორისო რეზერვები 154.2 მლნ აშშ დოლარით გაიზარდა, რეზერვების მთლიანმა მოცულობამ კი 6.5 მლრდ აშშ დოლარი შეადგინა გამოცემის ნახვა შესაძლებელია ეროვნული ბანკის ოფიციალურ ვებგვერდზე "პუბლიკაციების" რუბრიკაში.

1780581433

დაინტერესებული პირების, მათ შორის, ცხოველთა დამცველების, მომართვის  საფუძველზე,  საქართველოს მთავრობის გადაწყვეტილებით,ცვლილებები შევიდა „ძაღლების ჰიპერპოპულაციის მართვის 2026 წლის პროგრამის დამტკიცების შესახებ“ N412 განკარგულებაში.  ცვლილებების, (მე-3 მუხლის მე-3 პუნქტი) თანახმად, არაიდენტიფიცირებული (მიუსაფარი)  ძაღლების ცხოველთა მუნიციპალურ თავშესაფრებში გადაყვანისა და შესაბამისი ღონისძიებების განხორციელების შემდგომ, სააგენტოს შესაბამისი ეკიპაჟები ძაღლებს იმავე ლოკაციაზე დააბრუნებენ, საიდანაც მათი აყვანა მოხდა.ასევე, ცხოველების ჰიპერპოპულაციის ეფექტიანი მართვის აუცილებლობის და  იმ გარემოების  გათვალისწინებით, რომ ზოგიერთ მუნიციპალიტეტში არ არის ვეტერინარული დაწესებულებები,  ძუ ძაღლების სტერილიზაცია (რომელიც  სააგენტოს მიერ მომსახურების შესყიდვით ხორციელდება) შესაძლებელია, ჩატარდეს ვეტერინარული დაწესებულების გარეთ.  მნიშვნელოვანია, რომ ასეთ შემთხვევაში, ძაღლის სტერილიზაცია უნდა განხორციელდეს ცხოველის კეთილდღეობის დაცვით, სტერილურ პირობებში და  კანონმდებლობით გათვალისწინებული დადგენილი წესით.საყურე ნიშნით იდენტიფიცირებადი მიუსაფარ/მიკედლებული ძაღლების  ცოფის საწინააღმდეგო ვაქცინაცია  განხორციელდება თავშესაფარში გადაყვანის გარეშე,  აყვანის ადგილზე.

1780581329

საქართველოს დელეგაციას ეკონომიკისა და მდგრადი განვითარების მინისტრის მოადგილე გენადი არველაძე ხელმძღვანელობდა.CARTIF-ი CAREC-ის ფარგლებში შემუშავებული პირველი შეთანხმებაა, რომლის მიზანია ქვეყნებს შორის ვაჭრობისა და ინვესტიციების ხელშეწყობა, არასატარიფო ბარიერების შემცირება, ციფრული ვაჭრობის განვითარება და ეკონომიკური თანამშრომლობის გაძლიერება. CAREC-ის წევრ სახელმწიფოებს წარმომადგენელთა შეხვედრაზე განიხილეს მოლაპარაკებების ფორმატი, სტრუქტურა, პრიორიტეტები და სამომავლო გეგმები.„საქართველოსთვის CARTIF - ი მნიშვნელოვანი შესაძლებლობაა, რადგან შეთანხმება ხელს შეუწყობს ქართული ექსპორტის დივერსიფიცირებას, ინვესტიციების მოზიდვასა და ქვეყნის, როგორც რეგიონული სატრანზიტო და სავაჭრო ჰაბის პოზიციის გაძლიერებას. ასევე მოსალოდნელია ვაჭრობის პროცედურების გამარტივება და ბიზნესისთვის უფრო პროგნოზირებადი და კონკურენტული გარემოს შექმნა“, - განაცხადა საქართველოს დელეგაციის ხელმძღვანელმა.გენადი არველაძის თქმით, საქართველო, როგორც ევროპისა და აზიის გზაჯვარედინზე მყოფი ქვეყანა, დიდი ხანია ასრულებს ბუნებრივი ხიდის როლს ვაჭრობისა და ტრანზიტისთვის.„თავისუფალი ვაჭრობის შეთანხმებების ფართო ქსელით, მათ შორის, ევროკავშირთან, ჩინეთთან და რეგიონულ პარტნიორებთან და ჩვენი მზარდი როლით, როგორც ლოგისტიკური და სატრანსპორტო ჰაბის, ჩვენ CARTIF-ს განვიხილავთ, როგორც მნიშვნელოვან ინსტრუმენტს რეგიონის პოტენციალის კიდევ უფრო მეტად გასააქტიურებლად. ეს პირდაპირ ეხმიანება ჩვენს ხედვას, გავხდეთ ბაზრებს შორის დამაკავშირებელი კარიბჭე და ხელი შევუწყოთ საზღვრებზე საქონლის უფრო სწრაფ, ეფექტურ და საიმედო გადაადგილებას,“ - აღნიშნა მინისტრის მოადგილემ.როგორც გენადი არველაძემ განაცხადა, საქართველო მზად არის აქტიური მონაწილეობა მიიღოს მოლაპარაკებებში.„ჩვენ გვჯერა, რომ ეს პროცესი კიდევ უფრო განამტკიცებს რეგიონის ქვეყნებს შორის თანამშრომლობას, უფრო მეტად განავითარებს ეკონომიკურ შესაძლებლობებს და ხელს შეუწყობს დაკავშირებადობას“, - აღნიშნა მინისტრის მოადგილემ.

1780573903