მიხეილ გოგოლიძე თეთრიწყაროს მუნიციპალიტეტში ნარჩენების განთავსების ახალი ობიექტის სამშენებლო სამუშაოების დასკვნით ეტაპს გაეცნო

„მართალია, ინფლაცია საპროგნოზო მაჩვენებლებით სამიზნესთან იქნება, თუმცა ჯერჯერობით კვლავ შედარებით მაღალია.მნიშვნელოვანია, რომ ეკონომიკური ზრდა, როგორც ჩვენი, ასევე სებ-ის შეფასებით, ნორმალიზაციისკენ მიდის. ეკონომიკური ზრდასთან ერთად ნორმალიზდება საკრედიტო აქტივობაც, ამიტომ მომავალში განაკვეთის ეტაპობრივი შემცირება ლოგიკური ნაბიჯია და საბაზისო სცენარია.ასევე, მნიშვნელოვანია აშშ-ის ფედერალური სარეზერვო სისტემის (FED) გადაწყვეტილებები. წლის განმავლობაში ორი შემცირებაა დაგეგმილი, რაც ლარის განაკვეთის ქვემოთ დაწევასაც შეუწყობს ხელს“, - აცხადებს ოთარ ნადარაია.შეგახსენებთ, რომ 11 თებერვალს საქართველოს ეროვნული ბანკმა  მონეტარული პოლიტიკის განაკვეთი (რეფინანსირების განაკვეთი) უცვლელად შეინარჩუნა და დღეისათვის მონეტარული პოლიტიკის განაკვეთი 8.0 პროცენტს შეადგენს.

1770801513

გიორგი ფანგანმა პანელური დისკუსიის ფარგლებში ისაუბრა წყალმომარაგების სექტორში გრძელვადიანი და მოკლევადიანი ინვესტიციების მიზნობრიობის შესახებ. სემეკის წევრმა ყურადღება გაამახვილა უწყვეტი და საიმედო წყალმომარაგებისათვის ინფრასტრუქტურის განახლების აუცილებლაბაზე. გიორგი ფანგანის თქმით, წყალმომარაგების სექტორში არსებული გამოწვევების აღმოფხვრა საჭიროებს კომპლექსურ და სტრატეგიულ მიდგომებს, რაზეც მარეგულირებელი კომისია სისტემატურად მუშაობს."სექტორი დღეს დგას რამდენიმე მნიშვნელოვანი გამოწვევის წინაშე. ერთ-ერთი მთავარი გამოწვევაა მოძველებული ინფრასტრუქტურა, რომელიც საჭიროებს ეტაპობრივ განახლებას. პარალელურად იზრდება მოსახლეობის მოთხოვნა მომსახურებაზე, რაც დამატებით დატვირთვას ქმნის სისტემაზე. ტექნოლოგიური განვითარება, გარემოსდაცვითი მოთხოვნები და ფინანსური რესურსების ეფექტიანი მართვა ასევე მნიშვნელოვან გამოწვევად რჩება. ამ პირობებში მარეგულირებლის როლი კიდევ უფრო იზრდება. მისი ამოცანაა ინტერესთა ბალანსის დაცვა მომხმარებელსა და ოპერატორებს შორის, საინვესტიციო ვალდებულებების მონიტორინგი, მომსახურების ხარისხის კონტროლი და სექტორის გრძელვადიანი მდგრადობის უზრუნველყოფა. მნიშვნელოვანია რომ მარეგულირებლის მიზანი არ არის რომელიმე კომპანიის მხარდაჭერა.მიზანია სისტემის ეფექტიანი ფუნქციონირება, მომხმარებლის ინტერესების დაცვა და სექტორის სტაბილური განვითარება. თუ საინვესტიციო პოლიტიკა სწორად განხორციელდება და გაგრძელდება გრძელვადიანი ხედვის ფარგლებში, შესაძლებელი იქნება ინფრასტრუქტურის მნიშვნელოვანი გაუმჯობესება, მომსახურების ხარისხის ზრდა და ტექნიკური პრობლემების შემცირება. ეს თავის მხრივ, დადებით გავლენას მოახდენს როგორც ეკონომიკაზე, ისე მოსახლეობის ცხოვრების ხარისხზე.შეჯამების სახით შეიძლება ითქვას, რომ წყალმომარაგების სექტორი საჭიროებს მუდმივ, თანმიმდევრულ და სტრატეგიულ ინვესტიციებს. გრძელვადიანი ხედვა არის კრიტიკული, ხოლო სტრატეგიული ინვესტორების მონაწილეობა ზრდის განვითარების შესაძლებლობას. მარეგულირებლის როლი კი არის უზრუნველყოს, რომ ეს განვითარება იყოს სტაბილური, სამართლიანი და მომხმარებელზე ორიენტირებული,” - აღნიშნა გიორგი ფანგანმა.სემეკის წევრთან, გიორგი ფანგანთან ერთად პანელურ დისკუსიაში მონაწილეობდნენ ვინსტონ იუ, მსოფლიო ბანკის წყლის პრაქტიკის მენეჯერი ევროპასა და ცენტრალურ აზიაში, ანდრია ბასილაია, თბილისის მერის მოადგილე, ნინო ლაცაბიძე - რუსთავის მერი, ხოსე მიგელ სანტოსი - GWP-ის გენერალური დირექტორი. დისკუსიას მოდერატორობას უწევდა, ისიდორო მარბანი - Aqualia-ს ფინანსური დირექტორი.თბილისში, 10-11 თებერვალს “წყლის მომავლის საერთაშორისო ფორუმი“ მიმდინარეობს. მაღალი დონის ფორუმი აერთიანებს მთავრობის წარმომადგენლებს, მარეგულირებლებს, საერთაშორისო ორგანიზაციებს, ოპერატორებსა და დარგის ექსპერტებს, რათა განიხილონ წყლის სტრატეგიული პოლიტიკა, ინფრასტრუქტურული ინვესტიციები, მარეგულირებელი ჩარჩოები, საინვესტიციო და სატარიფო პოლიტიკების ურთიერთკავშირი საქართველოსა და მის ფარგლებს გარეთ. ფორუმი ორგანიზებულია „ჯორჯიან უოთერ ენდ ფაუერის“ მიერ და ხორციელდება საერთაშორისო გამოცდილების მქონე წამყვანი გლობალური წყლის ოპერატორის, Aqualia-ს მხარდაჭერით.

1770801338

საუბარი ასევე შეეხო რეგულარული საკონტეინერო ბლოკმატარებლის მოძრაობის საკითხებს. აღინიშნა მარშრუტის გაციფრულების, კერძოდ ელექტრონული დოკუმენტაციის დანერგვის საჭიროება და ტვირთების მოძრაობის შესახებ ინფორმაციის ოპერატიულად გაცვლის აუცილებლობა, რისთვისაც მხარეებს შორის თანამშრომლობის გრაფიკი გაიწერა.სარკინიგზო და საბორნე მიმოსვლის არსებული მდგომარეობის შესწავლის მიზნით კი, ერთობლივი ვიზიტი განხორციელდება თურქმენბაშის პორტში.საქართველოს რკინიგზა, შუა დერეფნის განვითარების ხელშეწყობისთვის, აქტიურად განაგრძობს მუშაობას მარშრუტზე სატვირთო გადაზიდვების მოცულობების გაზრდისა და ტვირთმფლობელებისთვის მომსახურების სწრაფი, თანამედროვე და მოქნილი პირობების შეთავაზების მიზნით.

1770801154

განათლების მნიშვნელობის შესახებ წაიკითხეთ დავით გოგიჩაიშვილის ბლოგი:“როდის იმარჯვებს განათლება?განათლება იმარჯვებს ყოველთვის, ყველგან და ყველას შემთხვევაში.განათლება იმარჯვებს შესაძლებლობების საზღვრებზე.განათლება იმარჯვებს შიშებზე.განათლება იმარჯვებს იმ იდეაზეც, რომ თითქოს წარმატება საბოლოო წერტილია, ანუ განათლება იმარჯვებს წარმატებაზეც!რაც არ უნდა შემდგარი, წარმატებული და თვითრეალიზებული ადამიანები ვიყოთ, მაინც გვჭირდება განათლება და თვითგანვითარება, და ზოგი ვიტყვით, რომ ამ დროს უფრო გვჭირდება.ჩემ შემთხვევაში ამბავი იყო ასე:როდესაც შემდგარი მენეჯერებისთვის შექმნილი ერასმუსის უნივერსიტეტის Executive MBA პროგრამაზე მოვხვდი, ამ პროგრამის მასპინძელი იყო 5 ქვეყნის 5 უნივერსიტეტი - ნიდერლანდები, ამერიკა, მექსიკა, ბრაზილია, ჩინეთი - მოვხვდი ისეთ გარემოში, სადაც ჩემი ჯგუფელები და აწ უკვე მეგობრები იყვნენ მსოფლიოს წამყვანი ბრენდებისა და კომპანიების აღმასრულებელი მენეჯერები, ფინანსური დირექტორები, მარკეტინგის დეპარტამენტების ხელმძღვანელები ისეთი კომპანიების, როგორიც არის მაგალითად, Bank of America, Wall-Mart, Mcdonald’s და ა.შ.ანუ, განათლებისა და თვითგანვითარების სურვილმა გაიმარჯვა შესაძლებლობების საზღვრებზე, რადგან თავიდან მეგონა, რომ ვერ შევძლებდი და შესაძლებლობები ზღვრული იყო.აქ მოხვედრა, ერთი მხრივ, დიდი წარმატებასთან არის დაკავშირებული, მაგრამ მეორე მხრივ, იწვევდა დიდ შიშებსაც. „ვაიმე, ამ ხალხთან რა მინდა, ამხელა გამოცდილება აქვთ, ჩემი გამოცდილება მათთან სად მივა, ვერ გავიმარჯვებ, დავმარცხდები და ა.შ.”აქ უკვე განათლებამ გაიმარჯვა შიშებზეც, რადგან ეს ყველა განათლებაზე და თვითგანვითარებაზე ორიენტირებული ადამიანები იყვნენ და არა დომინანტობაზე, შესაბამისად, მე აღარ დამჭირდა “იცით, მე “ვეკუა” დავამთავრე და მათემატიკაში ძლიერი ვარ” ამბავი, რადგან მათ ჩათვალეს, რომ, შეიძლება არა მათი მასშტაბით, მაგრამ მათთან შედარებით მცირე მასშტაბით მე უკვე გავლილი მქონდა ორგანიზაციული განვითარების ეტაპები, ორგანიზაციული ცვლილებები, ჩემი კომპანია მქონდა, და მოკლედ, გადაწყვიტეს, რომ ჩემგანაც ბევრი რამის სწავლა შეეძლოთ.მათი მაგალითით დავინახე, რომ განათლებას მოაქვს თავმდაბლობა, ურთიერთპატივისცემა და უნარი, რომ დავინახოთ ღირებულება ერთმანეთის გამოცდილებაში, ერთმანეთის მოსმენაში.განათლებამ გაიმარჯვა წარმატებაზე,განათლებამ გაიმარჯვა შიშებზე,განათლებამ გაიმარჯვა შესაძლებლობების საზღვრებზე.განათლება და თვითგანვითარება გვჭირდება ცხოვრების ყველა ეტაპზე, რაც არ უნდა შემდგარი და წარმატებული ადამიანები ვიყოთ.ამ Executive MBA-ს პროგრამას ჩემთან ერთად აკეთებდა 69 წლის მაიკლი - აუდიტორული კომპანიების საუკეთესო 4-ეულის ე.წ. “Big 4”-ის წლების განმავლობაში მთავარი საგადასახადო კონსულტანტი, წარმატებული და შემდგარი ადამიანი, მაგრამ მიუხედავად ამისა, 69 წლის ასაკში მან გადაწყვიტა თვითგანვითარების გაგრძელება, ანუ არ გაჩერება.განათლება და თვითგანვითარება იწყება მაშინ, როცა იწყება სიცოცხლე და არ მთავრდება მანამ, სანამ არ მთავრდება სიცოცხლე.განათლება იმარჯვებს ყოველთვის, ყველგან და ყველას შემთხვევაში”.მეტისთვის, ნახეთ ვიდეო: https://www.facebook.com/share/v/1CbPYsTkNq/

1770800400

ეროვნული სატყეო სააგენტოს ინფორმაციით, სამართალდარღვევა სახელმწიფო ტყეში განთავსებული ვიდეოხაფანგის საშუალებით დაფიქსირდა.„ადგილობრივმა მკვიდრმა სახელმწიფო ტყეში უკანონოდ მოიპოვა წიწვოვანი სახეობის 6 კუბური მეტრი სამასალე მერქანი, რომლის ტრანსპორტირებას მაღალი გამავლობის ავტოსატრანსპორტო საშუალებით ახორციელებდა.კანონდამრღვევის მიმართ შედგა ადმინისტრაციული სამართალდარღვევის ოქმი. ავტოსატრანსპორტო საშუალება დაილუქა, ხოლო უკანონოდ მოპოვებული ხე-ტყე შემდგომი განკარგვის მიზნით გადატანილია წაღვერის საქმიან ეზოში.სატყეო სექტორში დაგეგმილი რეფორმის ერთ-ერთ ძირითად მიზანს წარმოადგენს ტყის მონიტორინგისა და კონტროლის გაძლიერება. რეფორმის მიხედვით, ტყის ფიზიკური დაცვის ფუნქცია ეროვნულ სატყეო სააგენტოს უბრუნდება. შესაბამისად, დაგეგმილია ტყის მცველთა რაოდენობის გაზრდა. მონიტორინგის ეფექტიანად განხორციელებისთვის დამატებით გათვალისწინებულია სააგენტოს ტექნოლოგიური გადაიარაღება თანამედროვე საშუალებებით, რაც მნიშვნელოვნად შეამცირებს ხე-ტყის უკანონოდ მოპოვების ფაქტებს“, – აღნიშნა ეროვნული სატყეო სააგენტოს უფროსმა, ბესიკ ამირანაშვილმა.

1770798573

„2026 წლის იანვრის მდგომარეობით, საქართველოში ფასების საერთო დონე წლიურად 4.8 პროცენტით გაიზარდა. მიზნობრივზე მაღალ ინფლაციას, მეტწილად კვლავ სურსათის ინფლაცია განაპირობებს. ერთი მხრივ, საერთაშორისო ბაზრებზე ცალკეულ სასაქონლო ჯგუფებზე, რომელთაც საქართველოს სამომხმარებლო კალათაში მაღალი წონა აქვთ, ფასები მზარდია, რაც ადგილობრივ ბაზარსაც გადმოეცემა. მეორე მხრივ, საგარეო ფაქტორებთან ერთად, ადგილობრივად, გარკვეულ პროდუქტებზე ფასის ერთჯერადი კორექტირება და აგრარული პროდუქტების ფასების მერყეობა ინფლაციაზე ზრდის მიმართულებით მოქმედებს. ამავდროულად, საბაზო ინფლაცია, რომელიც მთლიანი ინფლაციიდან სურსათს, ენერგომატარებლებს და თამბაქოს გამორიცხავს, მიზნობრივი მაჩვენებლის ფარგლებში ნარჩუნდება (იანვარი 2.1 პროცენტი), რაც გრძელვადიანი ინფლაციური მოლოდინების სტაბილურობაზე მიუთითებს.მომსახურების სექტორის ინფლაცია, სადაც ფასების ცვლილება შედარებითი სიხისტით ხასიათდება, იანვრის მდგომარეობით, მცირედით გაიზარდა და 3 პროცენტს შეადგენს. შესაბამისად, ხისტი ფასების საზომები მიუთითებს, რომ ინფლაციური პროცესები ნაკლებად ყოვლისმომცველია. თუმცა, წინა თვესთან შედარებით, ხისტი ფასების ინფლაციის ზომიერი ზრდა ინფლაციური მოლოდინების ზრდის რისკებს აძლიერებს. ამ ტენდენციების ფონზე, სებ-ის განახლებული ცენტრალური სცენარის მიხედვით, ინფლაციის პროგნოზი 2026 წლისათვის მცირედით ზემოთ გადაიხედა. ცენტრალური სცენარის მიხედვით, ინფლაციის მიმდინარე დინამიკა კვლავ დროებითი ხასიათისაა და არ იწვევს ე.წ „მეორე რაუნდის“ ეფექტებს, რაც გულისხმობს, რომ ზეწოლა არ გადადის სხვა საქონლისა და მომსახურების ფასებზე. შესაბამისად, სხვა თანაბარ პირობებში, დროებითი ფაქტორების ზემოქმედების მილევის ფონზე, 2026 წლის მეორე კვარტალიდან ინფლაცია ეტაპობრივად დაუახლოვდება მიზნობრივ მაჩვენებელს და წლის განმავლობაში საშუალოდ 3.7 პროცენტი იქნება.ეკონომიკური აქტივობა თანდათან უბრუნდება თავის გრძელვადიან ზრდის ტემპს, რაც ფასებზე მოთხოვნის მხრიდან წნეხს არბილებს. კერძოდ, სებ-ის განახლებული ცენტრალური სცენარით, რეალური მშპ-ს ზრდა 2026 წელს 5 პროცენტს გაუტოლდება. ეკონომიკის ზრდის ტემპის ნორმალიზაციას დამატებით ხელს შეუწყობს საკრედიტო აქტივობის მის წონასწორულ დონესთან შენარჩუნებაც.მაღალი გაურკვევლობის გათვალისწინებით, ინფლაციაზე ზრდის მიმართულებით მოქმედი რისკები გამოკვეთილია, თუმცა ასევე, კვლავ ნარჩუნდება შემცირების მიმართულებით მოქმედი რისკებიც. აქედან გამომდინარე, მონეტარული პოლიტიკის კომიტეტმა (მპკ) ცენტრალურ სცენართან ერთად განიხილა როგორც მაღალინფლაციური, ისე დაბალინფლაციური რისკების სცენარები და გადაწყვეტილების მიღებისას მხედველობაში მიიღო სხვადასხვა მიმართულებით მოქმედი რისკები.მაღალინფლაციური რისკის სცენარის რეალიზების შემთხვევაში ფუნდამენტური პროცესები მონეტარული პოლიტიკის განაკვეთის უფრო მაღალ ტრაექტორიას მოითხოვს, ვიდრე ცენტრალური სცენარი. კერძოდ, იანვრის თვეში ხისტი ფასების საზომების წინა თვეებთან შედარებით ზომიერი ზრდა გრძელვადიანი ინფლაციური მოლოდინების ზრდის რისკებს აძლიერებს. ამავდროულად, რეალური ეკონომიკური აქტივობის მაღალ დონეზე შენარჩუნება, მაღალპროდუქტიული სექტორების ზრდის ნორმალიზების ფონზე, ინფლაციაზე დამატებით წნეხს შექმნის. ასევე, ამ სცენარით, გლობალურად გეოპოლიტიკური ვითარების გამწვავების შემთხვევაში, შესაძლებელია საერთაშორისო სასაქონლო ბაზრებზე ფასები მოსალოდნელზე მეტად გაიზარდოს და ადგილობრივ ბაზარსაც გადმოეცეს. მეორე მხრივ, მონეტარული პოლიტიკის კომიტეტის მიერ განხილული დაბალინფლაციური რისკის სცენარით გათვალისწინებული რისკების რეალიზაცია მონეტარული პოლიტიკის განაკვეთის, ცენტრალურ სცენართან შედარებით, უფრო სწრაფად შემცირების შესაძლებლობას მოიაზრებს. კერძოდ, მაღალპროდუქტიულ სექტორებში ზრდის მაღალი ტემპის შენარჩუნებამ შესაძლოა ეკონომიკის პოტენციური ზრდა დააჩქაროს. აღნიშნულ შემთხვევაში, მიწოდების მხარის გაძლიერება დისინფლაციურად იმოქმედებს და ინფლაცია მიზნობრივ მაჩვენებელს, ცენტრალურ სცენართან შედარებით, უფრო სწრაფად დაუახლოვდება. ამავდროულად, მიმდინარე ეტაპზე ადგილობრივი შრომის ბაზრის ტენდენციები ფასებზე შემცირების მიმართულებით მოქმედებს, რაც დაბალინფლაციური სცენარის განვითარების შესაძლებლობებს აძლიერებს. საგარეო ფაქტორებიდან, დოლარის სუსტი პოზიციის ხანგრძლივად შენარჩუნება, საერთაშორისო ბაზრებზე ნავთობის ფასის კლებად ტენდენციასთან ერთად, მთლიან ინფლაციაზე შემცირების მიმართულებით იმოქმედებს.მაკროეკონომიკური ანალიზისა და ზემოხსენებული სცენარების განხილვის შედეგად, მპკ-მ ოპტიმალურად მიიჩნია ზომიერად გამკაცრებული მონეტარული პოლიტიკის შენარჩუნება და მონეტარული პოლიტიკის განაკვეთი, უცვლელად, 8 პროცენტზე დატოვა. მონეტარული პოლიტიკის განაკვეთის შემდგომი ცვლილება დამოკიდებული იქნება მომავლის განახლებულ მონაცემებსა და რისკების რეალიზებაზე. ცენტრალური სცენარის შესაბამისად, მხოლოდ მას შემდგომ, რაც მიმდინარე ერთჯერადი ფაქტორები ამოიწურება და ინფლაცია დაუახლოვდება მიზნობრივ დონეს, ეროვნული ბანკი გააგრძელებს მონეტარული პოლიტიკის ნორმალიზებას. თუმცა, თუ სხვადასხვა ერთჯერადი ფაქტორების ზეგავლენის შედეგად ინფლაცია მიზნობრივზე მაღალ დონეზე ხანგრძლივად შენარჩუნდა, მპკ მზად არის არსებული მკაცრი პოზიცია მოსალოდნელზე ხანგრძლივად შეინარჩუნოს და, საჭიროების შემთხვევაში, უფრო მეტად გაამკაცროს.საქართველოს ეროვნული ბანკი ყველა ინსტრუმენტს გამოიყენებს ფასების სტაბილურობის შესანარჩუნებლად, რაც იმას ნიშნავს, რომ ფასების საერთო დონის ზრდა საშუალოვადიან პერიოდში 3 პროცენტთან ახლოს იქნება“, - აღნიშნულია კომიტეტის გადაწყვეტილებაში.მონეტარული პოლიტიკის კომიტეტის შემდეგი სხდომა 2026 წლის 25 მარტს ჩატარდება.

1770798325