საქსტატი - 2025 წელს ქართველმა მოგზაურებმა საზღვარგარეთ 2.4 მილიარდი ლარი დახარჯეს

შეხვედრაზე მხარეებმა განიხილეს გადახდების ბაზრის განვითარების მიმდინარე პროცესები, საქართველოს ეროვნული ბანკის მიერ განხორციელებული და დაგეგმილი რეფორმები, ასევე Visa-სთან თანამშრომლობის გაღრმავების შესაძლებლობები.განსაკუთრებული ყურადღება დაეთმო გადახდების სისტემების განვითარებას, ინოვაციური პროექტების განხორციელებასა და მომხმარებელთა დაცვის მექანიზმების გაძლიერებას. ასევე განხილული იყო ოპერაციული უსაფრთხოების საკითხები.საქართველოს ეროვნული ბანკისა და Visa-ს თანამშრომლობა მოიცავს ფინანსური განათლების ინიციატივებს, ინფორმაციის გაცვლას, გადახდების ინფრასტრუქტურის განვითარებასა და ახალი ტექნოლოგიების დანერგვას. არსებული თანამშრომლობა მნიშვნელოვან როლს ასრულებს ქვეყნის გადახდების ეკოსისტემის გაძლიერების პროცესში.შეხვედრის დასასრულს მხარეებმა დაადასტურეს მზადყოფნა, გააგრძელონ თანამშრომლობა გადახდების სისტემების განვითარების, ინოვაციური სერვისების ხელშეწყობისა და ოპერაციული უსაფრთხოების გაძლიერების მიმართულებით.შეხვედრაში ასევე მონაწილეობდნენ საქართველოს ეროვნული ბანკის ვიცე-პრეზიდენტი ეკატერინე გალდავა, Visa-ს უფროსი ვიცე-პრეზიდენტი და CISSEE რეგიონის ჯგუფის ქვეყნების მენეჯერი, ქრისტინა დოროსი და სებ-ის საერთაშორისო და საგადახდო მიმართულებების ხელმძღვანელები - გიორგი ედილაშვილი და ნატალია ჭყოიძე.ინფორმაციას საქართველოს ეროვნული ბანკი ავრცელებს.

1770631417

მათივე ცნობით, 2026 წლის იანვარში წლიური ინფლაცია 4.8%-მდე გაიზარდა, რაც ადგილობრივად წარმოებული საქონლისა და მომსახურების და შერეული საქონლის ფასების წლიური ზრდის ტემპების დაჩქარებამ განაპირობა."იმპორტირებული საქონლის ფასები წლიურად 0.1%-ით შემცირდა, წინა თვის 0.2%-იანი კლების შემდეგ. რაც შეეხება საბაზო ინფლაციას, რომელიც კალათიდან გამორიცხავს სურსათის, ენერგომატარებლების და თამბაქოს ფასებს, 2.1%-მდე გაიზარდა 2026 წლის იანვარში წინა თვის 1.6%-იანი ზრდის შემდეგ.სასაქონლო ჯგუფების მიხედვით, 2026 წლის იანვარში წლიური ინფლაციის ფორმირებაზე მნიშვნელოვანი გავლენა იქონია ფასების ცვლილებამ შემდეგ ჯგუფებში: სურსათი და უალკოჰოლო სასმელები (+10.6% წ/წ, +3.55პპ), ჯანდაცვა (+8.3% წ/წ, +0.68პპ), სასტუმროები და რესტორნები (+8.1% წ/წ, +0.26პპ), ალკოჰოლური სასმელები, თამბაქო (+3.5% წ/წ, +0.23პპ), ტანსაცმელი და ფეხსაცმელი (-1.8% წ/წ, -0.08პპ), დასვენება, გართობა, კულტურა (-2.5% წ/წ, -0.10პპ) და კავშირგაბმულობა (-4.6% წ/წ, -0.15პპ)", - აღნიშნულია მიმოხილვაში 

1770628179

„რაც შეეხება მგზავრთა ოდენობას, მიმდინარე წლის პირველ თვეში საქართველოს აეროპორტები 613 933 მგზავრს მოემსახურა. ქვეყნის საერთაშორისო აეროპორტების ჭრილში ჩაშლილი მაჩვენებლები ასეთია:  თბილისის საერთაშორისო აეროპორტი მოემსახურა 430 034 მგზავრს, ქუთაისის საერთაშორისო აეროპორტმა მიიღო 138 028 მგზავრი, ხოლო ბათუმის საერთაშორისო აეროპორტმა – 44 894 მგზავრი.2026 წლის იანვარში გადაზიდული ტვირთების მოცულობამ 3147.16 ტონა შეადგინა – ზრდა 2025 წლის ანალოგიურ პერიოდთან შედარებით 38.75%-ია. გასული წლის იანვართან შედარებით 9.56%-ით გაიზარდა საქართველოს საჰაერო სივრცის გამოყენების მაჩვენებელი. სულ, 2026 წლის პირველი თვის განმავლობაში 24 387 ერთეული ფრენა (აფრენა, დაფრენა, გადაფრენა) დაფიქსირდა.აღსანიშნავია, რომ 2025 წელს საავიაციო სექტორმა  საჰაერო მიმოსვლის ყველა ძირითადი მიმართულებით რეკორდული ზრდა აჩვენა. გასულ წელს საქართველოს აეროპორტები 8 494 640 მგზავრს მოემსახურენ, რაც მგზავრთნაკადის რეკორდული მაჩვენებელი იყო ქვეყნისთვის. 2025 წელი  რეკორდული იყო განხორციელებული ფრენების თვალსაზრისითაც – წლის განმავლობაში საქართველოს აეროპორტებში 38 218 რეისი განხორციელდა, რაც 17.5%-ით აღემატებოდა 2024 წელს განხორციელებულ ფრენებს. საჰაერო სატვირთო გადაზიდვების კუთხით კი, ტვირთების მოცულობამ  38578.379 ტონა შეადგინა, რაც ასევე რეკორდული შედეგი იყო საქართველოს აეროპორტებისთვის, რადგან 2024 წელთან შედარებით ტვირთბრუნვის ზრდამ 50% შეადგინა“, – აღნიშნულია ეკონომიკისა და მდგრადი განვითარების სამინისტროს ინფორმაციაში.

1770628024

საქსტატის ცნობით, აღნიშნული რაოდენობიდან საქართველოს რეზიდენტი ვიზიტორების მიერ საზღვარგარეთ განხორციელებული ვიზიტების რაოდენობამ 2.2 მილიონი შეადგინა, რაც 0.1 პროცენტით ნაკლებია 2024 წლის მაჩვენებელზე.ამასთან, უწყების ანგარიშით, გასულ წელს საქართველოს რეზიდენტი ვიზიტორების მიერ საზღვარგარეთ განხორციელდა 1.5 მილიონი ტურისტული ტიპის ვიზიტი, რაც 4.3 პროცენტით მეტია წინა წლის მაჩვენებელზე. ვიზიტების უმრავლესობა, 47.0 პროცენტი, განხორციელდა საქართველოს რეზიდენტი 31-50 წლის ვიზიტორების მიერ, ქალების მიერ განხორციელებული ვიზიტების რაოდენობამ კი მთლიანი ვიზიტების რაოდენობის 46.4 პროცენტი შეადგინა.2025 წელს ყველაზე მეტი ვიზიტი, 36.1 პროცენტი, განხორციელდა მეგობრების/ნათესავების მონახულების მიზნით. ვიზიტების უმრავლესობა განხორციელდა თურქეთსა და რუსეთის ფედერაციაში, შესაბამისად, 836.0 და 367.3 ათასი ვიზიტი.2025 წელს განხორციელებული ვიზიტებისას გათეული ღამეების საშუალო რაოდენობამ 6.97 ღამე შეადგინა, რაც წინა წლის მაჩვენებელზე (6.98 ღამე) 0.1 პროცენტით ნაკლებია. ვიზიტების 98.1 პროცენტი წარმოადგენდა განმეორებითი ხასიათის ვიზიტს.2025 წელს განხორციელებული ვიზიტებისას გაწეული ხარჯები 2.4 მილიარდ ლარს გაუტოლდა, რაც 5.9 პროცენტით მეტია წინა წლის მაჩვენებელზე. ერთ ვიზიტზე საშუალო ხარჯი 2024 წელთან შედარებით 6.0 პროცენტით გაიზარდა და 1 068.6 ლარი შეადგინა.

1770627908

საქართველოს საწვავის მომარაგების ისტორიაში პირველად, ტვირთი დაიტვირთა ExxonMobil-ის ნავთობგადამამუშავებელ ქარხანაში და ქვეყნის მიმართულებით 5 500 კილომეტრი გაიარა.მიწოდება მოიცავს G-Force Euro Regular (92), G-Force Premium (95) და G-Force Super (98) ტიპის საწვავს. დამოუკიდებელი ლაბორატორიული კვლევებით დადასტურებულია, რომ საწვავი სრულად შეესაბამება და აღემატება EN 228 ევროპულ ხარისხის სტანდარტს.მთლიანი ტვირთი ეკუთვნის ნავთობკომპანია Gulf-ის ქსელს და უზრუნველყოფს Gulf-ის ავტოგასამართი სადგურების უწყვეტ და შეუფერხებელ მომარაგებას საქართველოს მასშტაბით.

1770627766

NEXT-ის საინვესტიციო პორტფელი მოიცავს 5-ვარსკვლავიან ბრენდულ რეზიდენციებს, რეზორტებს, აპარტ-სასტუმროებს, ვილებსა და ბიზნეს აპარტამენტებს. პროექტები ხორციელდება ისეთ ბრენდებთან პარტნიორობით, როგორებიცაა: Radisson Hotel Group და Wyndham Hotels and Resorts. ბრენდის მასშტაბი და კომპეტენცია აღიარებულია არაერთი პრესტიჟული საერთაშორისო ჯილდოთი, რაც ხაზს უსვამს მის წვლილს უძრავი ქონების სფეროში.აღსანიშნავია, რომ ყოველი პროექტი მიზანმიმართულად არის დაგეგმილი გრძელვადიანი საინვესტიციო ღირებულების შესაქმნელად, განსაკუთრებული აქცენტი ტურისტულ და სწრაფად მზარდ ურბანულ ბაზრებზე კეთდება, სადაც პრემიუმ უძრავ ქონებაზე მოთხოვნა სტაბილურად მაღალია.დღეს NEXT სამ კონტინენტზე, ექვს ქალაქში ოპერირებს და აერთიანებს ინვესტორებს 65 ქვეყნიდან.NEXT-ის მიზანია, შექმნას მომავლის ქალაქები, სადაც ინოვაციური არქიტექტურა ბუნებრივად ერწყმის ადგილობრივ გარემოსა და საზოგადოებრივ კეთილდღეობას.„საქართველოს ბიზნეს ასოციაციისთვის განსაკუთრებით მნიშვნელოვანია, რომ ჩვენს წევრთა რიგებს შემოუერთდა საერთაშორისო მასშტაბის დეველოპერული ბრენდი NEXT, რომელიც ინოვაციურ მიდგომებსა და გრძელვადიან საინვესტიციო ღირებულებაზეა ორიენტირებული. დარწმუნებულები ვართ, რომ კომპანიის გლობალური გამოცდილება და მაღალი სტანდარტები დადებით გავლენას მოახდენს სექტორის განვითარებაზე“, განაცხადა საქართველოს ბიზნეს ასოციაციის პრეზიდენტმა სოსო ფხაკაძემ.

1770625189