ინგლისის ცენტრალურმა ბანკმა, როგორც მოსალოდნელი იყო, განაკვეთი 3.75%-ზე შეინარჩუნა

„საქართველოს მთავრობის გადაწყვეტილებით ჩამოყალიბდა საქართველოს ეკონომიკის განვითარების კორპორაცია, რომელიც რამდენიმე მიმართულებით  იმუშავებს იმისთვის, რომ მხარი დავუჭიროთ ქართული ეკონომიკის ზრდას და განვითარებას, ესენია: ექსპორტის მხარდაჭერა, ასევე კორპორაციის მიზანია, ხელი შეუწყოს სასესხო ინსტრუმენტების გამრავალფეროვნებას და დაფინანსების ალტერნატიული წყაროების მოზიდვას“ - აღნიშნა ირაკლი გაბრიაძემ.კორპორაცია საქართველოს მთავრობის გადაწყვეტილებით, სააგენტოს „აწარმოე საქართველოში“ ტრანსფორმაციის შედეგად შეიქმნა. კორპორაციის მიზნებსა და ამოცანებზე, ასევე ქართველ მეწარმეთა მხარდასაჭერად შექმნილი ახალი ინსტრუმენტების შესახებ, გენერალურმა დირექტორმა ირაკლი გაბრიაძემ დღეს ამ თანამდებობაზე მისი წარდგენის ღონისძიებაზე ისაუბრა.„ვგეგმავთ, რომ მომდევნო 10 წლის განმავლობაში მხარს დავუჭერთ 40 მლრდ ლარზე მეტ ინვესტიციას ქართულ ეკონომიკაში“, - აღნიშნა კორპორაციის გენერალურმა დირექტორმა.

1781788889

ქობულეთის მუნიციპალიტეტში ამ ეტაპზე 40 ერთეული სპეციალიზებული ტექნიკაა მობილიზებული, ხოლო შეწამვლა, თერმული ნისლისა და ცივი შესხურების მეთოდებით, 14 ადმინისტრაციულ ერთეულში მიმდინარეობს.„უხვი ნალექის გამო, აზიური ფაროსანას წინააღმდეგ ბრძოლის სამუშაოები შედარებით გვიან დავიწყეთ. ღონისძიებები მასშტაბურად განხორციელდება, რაც მნიშვნელოვნად შეუწყობს ხელს მავნებლის გავრცელების შემცირებას და იმ გამოწვევებთან გამკლავებას, რომლებიც დღეს სოფლის მეურნეობის სექტორის წინაშე დგას. სამუშაოები ეტაპობრივად მთელი ქვეყნის მასშტაბით გაიშლება, რაც ფერმერებს მოსავლის დაცვასა და ხარისხიანი პროდუქციის წარმოებაში დაეხმარება“, - განაცხადა დავით სონღულაშვილმა.სურსათის ეროვნული სააგენტო, აჭარის ავტონომიური რესპუბლიკის სოფლის მეურნეობის სამინისტროსთან თანამშრომლობით, ფაროსანასთან ბრძოლის ღონისძიებებს რეგიონის ყველა მუნიციპალიტეტში ახორციელებს. თერმული ნისლის მეთოდით ტერიტორიების დამუშავება დღეიდან დაიწყო, ხოლო ცივი შესხურების მეთოდით სამუშაოები მაისიდან მიმდინარეობს.„ტრადიციულად, აზიური ფაროსანას წინააღმდეგ ბრძოლის ღონისძიებების ფარგლებში შესაბამისი ტექნიკა უკვე მობილიზებულია და სამუშაოები ოპერატიულად იწყება. პროცესს ქობულეთის მუნიციპალიტეტიდან ვიწყებთ, რაც მნიშვნელოვანი ნაბიჯია იმისთვის, რომ დროულად ვუპასუხოთ იმ გამოწვევებს, რომელთა წინაშეც დღეს ჩვენი ფერმერები და სოფლის მეურნეობის სექტორი დგას. დარწმუნებულები ვართ, რომ კოორდინირებული მუშაობითა და დროული პრევენციული ღონისძიებებით შესაძლებელი იქნება მავნებლის გავრცელების შემცირება და სასოფლო-სამეურნეო კულტურების დაცვა“, - განაცხადა ზურაბ პატარაძემ.დავით სონღულაშვილთან ერთად, აჭარის რეგიონში გარემოს დაცვისა და სოფლის მეურნეობის მინისტრის მოადგილე ლაშა ავალიანი და სურსათის ეროვნული სააგენტოს უფროსი გიორგი იაკობაშვილი იმყოფებოდნენ.

1781788500

მარეგულირებლის გადაწყვეტილება ანალიტიკოსების პროგნოზებს დაემთხვა. მონეტარული პოლიტიკის კომიტეტის ცხრა წევრიდან შვიდმა ძირითადი განაკვეთის 3.75%-ზე შენარჩუნებას მისცა ხმა. გარე წევრი მეგან გრინი მთავარ ეკონომისტ ჰიუ პილს შეუერთდა და მოითხოვა განაკვეთის მეოთხედი პროცენტული პუნქტით გაზრდა.თუმცა, როგორც ჩანს, მონეტარული პოლიტიკის კომიტეტის წევრების უმრავლესობამ უარი თქვა განაკვეთის ზრდის მხარდაჭერაზე და შეინარჩუნა ის, რასაც ინგლისის ბანკის მმართველი ენდრიუ ბეილი აქტიურ პაუზას უწოდებს, რასაც ის კონფლიქტამდე განაკვეთის შემცირების ბაზრის მოლოდინებთან შედარებით ფაქტობრივ გამკაცრებად მიიჩნევს.ამავდროულად, ცენტრალურმა ბანკმა განაცხადა, რომ ნაადრევია იმის თქმა, რომ ინფლაციის საფრთხე დასრულდა.„რაც არ უნდა მოხდეს მომავალში, ენერგორესურსების ფასების ზრდამ ბოლო ოთხი თვის განმავლობაში უკვე შექმნა ინფლაციური ზეწოლა“, - აღნიშნა ბეილიმ ხუთშაბათს გადაწყვეტილების გამოცხადებასთან ერთად გამოქვეყნებულ განცხადებაში. 

1781784437

განაკვეთის ზრდის ალბათობა იზრდება: წერტილოვანი დიაგრამა აჩვენებს, რომ FOMC-ის წევრები ორად გაიყვნენ. საშუალო პროგნოზი წლის ბოლომდე განაკვეთის კიდევ 25 საბაზისო პუნქტით გაზრდაზე მიუთითებს. უორშის პროგნოზი: ფედერალური სარეზერვო სისტემის ახალმა თავმჯდომარემ დაადასტურა, რომ მაკროეკონომიკურ ანგარიშში მან არ გაამჟღავნა პირადი მოლოდინები განაკვეთის შესახებ, რადგან სკეპტიკურად უყურებს ხისტი გრძელვადიანი პროგნოზირების პრაქტიკას.რეფორმები ფედერალურ სარეზერვო სისტემაში: გამოცხადდა ხუთი სამუშაო ჯგუფის შექმნა, რომლებიც შეისწავლიან კომუნიკაციების ეფექტურობას, ბალანსის სტრუქტურას, ინფლაციისადმი მიდგომებს და ხელოვნური ინტელექტის გავლენას.ინფლაციის წინააღმდეგ უკომპრომისო ბრძოლა: კევინ უორშის რიტორიკა „ფასების სტაბილურობასთან“ დაკავშირებით ინვესტორებმა უკიდურესად აგრესიულად აღიქვეს, რამაც მონეტარული პოლიტიკის გარდაუვალი შემსუბუქების იმედები შეამცირა.განცხადების ახალი ფორმატი: ფედერალური სარეზერვო სისტემის საბოლოო კომუნიკეს ტექსტი ტრადიციული 300+ სიტყვიდან ლაკონურ 130 სიტყვამდე შემცირდა, რაც არასაჭირო ორაზროვნებას გამორიცხავს.

1781779390

"სამუშაოების მიმდინარეობას ინფრასტრუქტურის მინისტრი რევაზ სოხაძე, საავტომობილო გზების დეპარტამენტის თავმჯდომარის მოადგილე ჯემალ ზაბახიძესთან ერთად გაეცნო.სამტრედია–გრიგოლეთის მაგისტრალზე ლანჩხუთი-ლესას მონაკვეთი, რომელიც სამტრედია გრიგოლეთის მაგისტრალის მესამე მონაკვეთის შემადგენელი ნაწილია, 2025 წლის ბოლოს გაიხსნა. მიმდინარე სამუშაოების დასრულების შემდეგ, მესამე მონაკვეთი სრულად შევა ექსპლუატაციაში.სამტრედია–გრიგოლეთის გზის მე-3 მონაკვეთი საერთო ჯამში მოიცავს 12-კილომეტრიან, ოთხზოლიან ასფალტ-ბეტონის გზას, 6 სახიდე გადასასვლელს, 2 სატრანსპორტო კვანძს, ასევე საქონლისა და საველე გასასვლელებს.სამტრედია–გრიგოლეთის მაგისტრალური გზის მშენებლობა ოთხ მონაკვეთად მიმდინარეობს. მეორე და მეოთხე მონაკვეთები უკვე გახსნილია ავტოტრანსპორტის მოძრაობისთვის, ხოლო პირველ მონაკვეთზე სამშენებლო სამუშაოები გრძელდება.მაგისტრალური გზა გურიის რეგიონში ქალაქ ლანჩხუთსა და ლანჩხუთის მუნიციპალიტეტის სოფლებზე – გვიმბალაურზე, ქვემო ჩიბათსა და ნიგოეთზე გაივლის", - წერია გავრცელებულ ინფორმაციაში.სამტრედია–გრიგოლეთის გზის მესამე მონაკვეთის მშენებლობა ევროპის საინვესტიციო ბანკისგან მიღებული სესხის ფარგლებში ფინანსდება, ხოლო პროექტის ღირებულება 324.6 მილიონ ლარს შეადგენს.

1781774649

ლარის კურსი იმაზე უფრო სწრაფად მყარდება, ვიდრე მოსალოდნელი იყო. „თიბისი კაპიტალის“ შეფასებით, წლის ბოლოს, ლარის კურსი დოლართან მიმართებაში 2.60-2.65-ის ფარგლებში იქნება, თუმცა ამჟამად 1 აშშ დოლარის ღირებულება უკვე 2.65 ლარია. სპეციალისტების განცხადებით, ეს შეფასება სრულიად რეალურია და საკმაოდ მტკიცე საფუძველიც გააჩნია. სხვადასხვა ფაქტორებთან ერთად, ლარის გამყარებას აშშ დოლარის დასუსტებაც უწყობს ხელს. „თიბისი კაპიტალის“ შეფასების მიხედვით, საქართველოში სავალუტო ბაზარზე უცხოური ვალუტის ჭარბი მიწოდება ივნისშიც შენარჩუნდა, რაც ლარის გამყარებას უწყობს ხელს. „თიბისი კაპიტალი“ ვარაუდობს, რომ წლის ბოლოს, აშშ დოლარისა და ლარის კურსი, დაახლოებით, 2.60-2.65 დიაპაზონში იქნება.ეს პროგნოზი ითვალისწინებს უცხოური ვალუტის წმინდა შემოდინებებისა და ეროვნული ბანკის რეზერვების დაგროვების შედარებით ნორმალიზებას.რაც შეეხება აშშ დოლარს, ანალიტიკოსების აზრით, დოლარის ახლანდელი გლობალური გამყარების ნაწილი დროებითი ფაქტორებით არის განპირობებული. დოლარის გაძლიერებას ხელს უწყობს აშშ-ში საპროცენტო განაკვეთების შესაძლო ზრდა და სხვა ქვეყნებთან საპროცენტო სხვაობის გაფართოება.„ეს მოლოდინი დაკავშირებულია ინფლაციის რისკებთან და აშშ-ის ეკონომიკის შედარებით ძლიერ მდგომარეობასთან. თუ ირანთან დაკავშირებული გეოპოლიტიკური დაძაბულობა შემცირდება ან შეთანხმება შედგება, ბაზრების რისკებისადმი დამოკიდებულება შეიძლება შეიცვალოს და დოლარის გამყარებული პოზიციებიც ნაწილობრივ შესუსტდეს“, - ასეთია ანალიტიკოსების პროგნოზი.საბანკო სფეროს სპეციალისტი ლია ელიავა „რეზონანსთან“ საუბრისას ადასტურებს, რომ ყოველ წელს, ტურისტული სეზონის დაწყების წინ, ლარი მყარდება. ეს ყოველწლიური ტენდენციაა, თუმცა ახლა ლარი მკვეთრად გამყარდა.„რა თქმა უნდა, ამის მიზეზი მარტო ტურისტული სეზონი არ არის. უნდა გავითვალისწინოთ ისეთი გლობალური ტენდენცია, როგორიცაა ნავთობის ფასის მერყეობა. შავი ოქრო, ძირითადად, ივაჭრება დოლარით და მისი ფასის მერყეობა ავტომატურად იწვევს დოლარის რყევას სხვა უცხოური ვალუტების მიმართ. ამ გარემოებაზე რეაგირებენ ჩვენი საბანკო სექტორის წარმომადგენლებიც, რომელთა საქმიანობის შედეგად იცვლება ლარის კურსი. ეს ტენდენცია საქართველოზე არანაირად არ არის დამოკიდებული - არც მის ეკონომიკურ და პოლიტიკურ პროცესებზე. დიახ, ლარი მყარდება, მაგრამ მისი მკვეთრი გამყარება ეკონომიკისთვის ნამდვილად არ არის სასიკეთო“, - განუცხადა „რეზონანსს“ ლია ელიავამ.სპეციალისტის განცხადებით, ლარის ზედმეტი გამყარება არასასურველია იმიტომ, რომ ბიზნესის შემოსავლები ლარში შემცირდება. მნიშვნელობა არ აქვს, როგორი იქნება ლარის კურსი, რადგან მთავარია, იგი სტაბილური იყოს.„ეს ნიშნავს, რომ კურსი არ მერყეობდეს და პროგნიზირებადი იყოს, რომ ადამიანებმა - როგორც ბიზნესის წარმომადგენლებმა, ასევე ფიზიკურმა პირებმა, თავისი ეკონომიკური საქმიანობისა და შედეგების პროგნოზირება შეძლონ. აქედან გამომდინარე, ლარის გამყარება კი არ არის პოზიტიური ტენდენცია, არამედ კურსის სტაბილურობაა მნიშვნელოვანი“, - აღნიშნა „რეზონანსთან“ ლია ელიავამ.იგივე პოზიციას აფიქსირებს ეკონომიკის აკადემიური დოქტორი გოჩა თუთბერიძე, რომელმაც „რეზონანსთან“ საუბრისას აღნიშნა, რომ „თიბისი კაპიტალის“ პროგნოზი სრულიად რეალურია და მყარი საფუძველი გააჩნია. სავალუტო შემოდინებების ზრდასთან ერთად, ლარის გამყარებას ხელს უწყობს ემიგრანტების გადმორიცხვებიც, რაც მაისში 15-20%-ით გაიზარდა.„რა თქმა უნდა, ეს იწვევს ლარის გამყარებას, თუმცა მნიშვნელოვანია ეროვნული ბანკის პოლიტიკაც. სებ-მა რეფინანსირების განაკვეთი უკვე გაზარდა და ესეც წარმოშობს მოთხოვნას ეროვნულ ვალუტაზე. დედოლარიზაციის პროცესი, რომელსაც ეროვნული ბანკი აწარმოებს, ლარის გამყარებას უწყობს ხელს, რადგან მოთხოვნა იზრდება ლარზე. დოლარის პოზიციების შესუსტებაც მნიშვნელოვანი ფაქტორია, თუმცა უნდა დავაკვირდეთ იმასაც, რომ ლარი ევროსთან მიმართებითაც მნიშვნელოვნად გამყარდა ბოლო პერიოდში“, - განუცხადა „რეზონანსს“ გოჩა თუთბერიძემ.მისი თქმით, ლარი უფრო სწრაფად გამყარდებოდა, ეროვნული ბანკი რომ არ ყიდულობდეს უცხოურ ვალუტას. ბოლო პერიოდში, სებ-მა ასეულობით მილიონი დოლარი შეისყიდა, რაც ანელებს ლარის გაძლიერების პროცესს.„ზოგადად, ლარის სწრაფად გამყარება სასურველი არ არის, ისევე, როგორც გაუფასურებაც არასასურველია. სჯობს, კურსი ყოველთვის სტაბილური იყოს, რადგან ეს  უმთავრესი ფაქტორია. ამიტომ, ეროვნული ბანკი ცდილობს, რომ ლარი სწრაფად არ გამყარდეს.გარდა ამისა, დაიწყო ტურისტული სეზონი და თავისთავად ცხადია, კიდევ უფრო გაიზრდება უცხოური ვალუტის შემოდინება ქვეყანაში და შესაბამისად, ესეც ლარის გამყარებას შეუწყობს ხელს. აქედან გამომდინარე, ეს პროგნოზი სრულიად გამართლებულია და ვფიქრობ, საკმარისი საფუძველი გააჩნია“, - აღნიშნა „რეზონანსთან“ გოჩა თუთბერიძემ.წყარო: რეზონანსი

1781773584