გაიცანით Full Card - თქვენი ახალი ფინანსური მეგობარი კრედო ბანკისგან

მინისტრის განმარტებით, სახელმწიფოს მხრიდან ყველაფერი კეთდება ქვეყნის სატრანზიტო პოტენციალის გასაზრდელად.„მინდა, გამოვყო მნიშვნელობა ჩვენი ინიციატივის უშუალოდ საქართველოს რკინიგზის მოდერნიზაციის კუთხით. საქართველოს რკინიგზაში მომდევნო წლების განმავლობაში მილიარდ ლარზე მეტი ინვესტიცია განხორციელდება იმისთვის, რომ გაიზარდოს საქართველოს რკინიგზის ტვირთნაკადის გამტარობა. ეს იქნება უკიდურესად მნიშვნელოვანი ჩვენი ქვეყნისთვის“, – აღნიშნა ქვრივიშვილმა.

1781620930

ეს ცვლილება მხოლოდ სახელის შეცვლას არ გულისხმობს - ის მომხმარებლის საჭიროებებზე მორგებული, გაუმჯობესებული ფინანსური გამოცდილებაა, რომელიც ყოველდღიური მიზნების მიღწევაშიც დაგეხმარებათ.თანხა მაშინ, როცა ყველაზე მეტად გჭირდებათFull Card-ის ერთ-ერთი მთავარი პლუსი 10 000 ლარამდე საკრედიტო ლიმიტია. ეს არის რესურსი, რომელსაც ბარათის მფლობელი სურვილისამებრ, ნებისმიერი ხარჯის დასაფარად განკარგავს. მათ შორის: ყოველდღიური წვრილმანი ხარჯები; შოპინგი და სასურველი ნივთები; ტექნიკის განახლება; კომუნალური თუ სხვა აუცილებელი გადასახადები; მოულოდნელი ხარჯები, რომლებიც თვის ბიუჯეტში გაწერილი არ იყო. რაც მთავარია, იმისათვის, რომ ფინანსების მართვა კიდევ უფრო კომფორტული იყოს, Full Card-ს 55-დღიანი საშეღავათო პერიოდი აქვს. ეს ნიშნავს, რომ თუ ათვისებულ თანხას 55 დღემდე ვადაში დააბრუნებთ, ეფექტური საპროცენტო განაკვეთი 0% იქნება - ანუ, დამატებითი გადასახადი საერთოდ არ მოგიწევს. ეს გამორჩეული შესაძლებლობაა მათთვის, ვისაც საკუთარი ბიუჯეტის გონივრულად და მშვიდად გადანაწილება სურს.Full Card მზად არის, თქვენი ყოველდღიური ფინანსური მეგობარი გახდეს. ბარათის პირობების უფრო დეტალურად გასაცნობად ან შესაკვეთად კი კრედო ბანკის უახლოეს ფილიალს ან ვებგვერდს უნდა ეწვიოთ.

1781619733

„აღსანიშნავია, რომ ზრდა ფიქსირდება ეკონომიკის ყველა სექტორში, მათ შორის განსაკუთრებით მაღალი ხელფასები ფიქსირდება სადაზღვევო და საფინანსო სექტორში, სადაც საშუალო ხელფასის მაჩვენებელი 5,900 ლარს აჭარბებს. ასევე საკმაოდ მაღალი მაჩვენებელია ინფორმაციისა და კომუნიკაციების, სამთო-მოპოვებითი მრეწველობისა და სხვა სექტორებში“, - აღნიშნა ვახტანგ ცინცაძემ.ეკონომიკის მინისტრის მოადგილის შეფასებით, ხელფასების ზრდას ხელს უწყობს საქართველოს მთავრობის მიერ განხორციელებული სწორი ეკონომიკური პოლიტიკა. ამ მიმართულებით ვახტანგ ცინცაძე აქცენტს კერძო სექტორის კონკურენტუნარიანობის ზრდის მიზნით არსებულ სახელმწიფო პროგრამებზე აკეთებს.„ეს პროგრამები, ფაქტობრივად, ბიზნესსაქმიანობის მასტიმულირებელია და საბოლოო ჯამში, ერთი მხრივ, აისახება დასაქმების და სამუშაო ადგილების შექმნაზე, მეორე მხრივ კი  დასაქმებულთათვის ხელფასების ზრდაზე. ეს ყველაფერი, რა თქმა უნდა, ქმნის იმ მიმზიდველ გარემოს როგორც საინვესტიციო, ასევე სხვა ეკონომიკური მიმართულებებით, რაც საქართველოში ფიქსირდება“ - აცხადებს ეკონომიკის მინისტრის მოადგილე.

1781619512

რამდენიმეკვირიანი სპეკულაციების შემდეგ, აშშ და ირანი სამხედრო ოპერაციების ფორმალურად დასრულებაზე, ნაღმებისგან გაწმენდის შემდეგ ჰორმუზის სრუტის გახსნასა და აშშ-ის საზღვაო ბლოკადის მოხსნაზე შეთანხმდნენ. ოფიციალური ხელმოწერის ცერემონია პარასკევს, შვეიცარიაში გაიმართება.თუმცა, ბევრი მნიშვნელოვანი საკითხი კვლავ მოუგვარებელი რჩება. მაგალითად, მემორანდუმი არ მოიცავს შეთანხმებას ბირთვულ პროგრამასთან დაკავშირებით და სანაცვლოდ ტექნიკურ დონეზე მოლაპარაკებებისთვის დამატებით 60-დღიან პერიოდს ითვალისწინებს. გაურკვეველია, რა შედეგები შეიძლება მოჰყვეს ამ ვადაში შეთანხმების მიუღწევლობას. ასევე ბუნდოვანია, როდის და რა პირობებით აღდგება საზღვაო გადაზიდვები, მოიხსნება თუ არა სანქციები და როგორ აისახება ეს შეთანხმება უფრო ფართო კონფლიქტზე, მათ შორის ლიბანთან დაკავშირებულ ვითარებაზე.ჯერჯერობით, ბაზრების რეაქცია შეთანხმებაზე მოლოდინების შესაბამისი იყო: შემცირდა ნავთობის ფასი, საფონდო ბირჟის მერყეობა, აშშ-ის ობლიგაციების შემოსავლიანობა და დოლარის კურსი, ხოლო აქციებისა და ოქროს ფასები გაიზარდა. დიახ, დეესკალაციის ფონზე ოქროს გაძვირება ახლა უკვე „პროგნოზირებადი“ რეაქციაა, რადგან უსაფრთხო აქტივებზე მოთხოვნის ზრდის ტენდენცია, როგორც ჩანს, ბოლო პერიოდში ინფლაციასთან დაკავშირებულმა მღელვარებამ გადაფარა. თუმცა, მიუხედავად იმისა, რომ ეს ცვლილებები მოსალოდნელი იყო, მათი მასშტაბი გარკვეულ კითხვებს ბადებს. მაგალითად, ნავთობი, რომლის ფასზეც მიმდინარე მოვლენებს ყველაზე მკვეთრი გავლენა აქვს, სამშაბათს დილისთვის დაახლოებით 4.5%-ითაა გაიაფებული, რაც წინა ეპიზოდებთან შედარებით საკმაოდ მოკრძალებული ცვლილებაა. ჩვენი შეფასებით, ეს ორი ფაქტორით აიხსნება: ა) კონფლიქტის დასრულება გლობალური ბაზრების მოლოდინებში დიდწილად უკვე ასახული იყო - მაგალითისათვის, მარტი-აპრილის პიკურ დონესთან შედარებით, ნავთობის ფასები ისედაც შემცირებული იყო. ინვესტორებისთვის გაურკვეველი მხოლოდ შეთანხმების დრო რჩებოდა. შესაბამისად, ბაზრების შედარებით ზომიერი რეაქცია ლოგიკურია, რადგან მოულოდნელი იყო არა შედეგი, არამედ მისი ზუსტი ვადა.ბ) ბაზარი კვლავ ფრთხილად უყურებს იმ საკითხებს, რომლებიც მოუგვარებელი დარჩა. საბოლოო ჯამში, ეს არ არის საბოლოო შეთანხმება, არამედ შეთანხმება საბოლოო შეთანხმების მისაღწევად. მიუხედავად იმისა, რომ ეს მნიშვნელოვანი წინგადადგმული ნაბიჯია, ჯერ კიდევ გასარკვევია, დასრულდა თუ არა კონფლიქტი საბოლოოდ და შესრულდება თუ არა აღებული ვალდებულებები, მათ შორის გაიხსნება თუ არა ჰორმუზის სრუტე, განსაკუთრებით იმის გათვალისწინებით, რომ წინა პერიოდებში შეთანხმებები საკმაოდ მყიფე გამოდგა. მსგავსი მიდგომა ვრცელდება ჩვენს პროგნოზებზეც. თიბისი კაპიტალის საბაზო სცენარი, რომელიც 2026 წელს 7.4%-იან ეკონომიკურ ზრდას ითვალისწინებს, შედარებით ხანმოკლე კონფლიქტსა და დამატებითი მნიშვნელოვანი გვერდითი ეფექტების არარსებობას მოიაზრებდა. შესაბამისად, თუ შეთანხმებული პირობები შენარჩუნდება და სხვა მიმართულებებითაც პროგრესი დაფიქსირდება, პროგნოზები არსებითად უცვლელი რჩება.  პირველ კვარტალში ეკონომიკური ზრდის მთავარი კომპონენტი, სავარაუდოდ, სასაქონლო პროდუქციის ექსპორტი იყო - ამას ესკალაციის შემდეგ ფასების გლობალურად ზრდამ შეუწყო ხელი, რაც საქონლის ექსპორტისა და ბიზნესსექტორის გამოშვების მონაცემებითაც დასტურდება. ამ მხრივ, კონფლიქტის მოგვარება სასაქონლო ფასებისთვის უარყოფითი ფაქტორია, თუმცა ამ დანაკლისს, დიდი ალბათობით, ტურიზმიდან შემოსავლების აღდგენა დააბალანსებს, ისევე როგორც გასულ თვეებში დააკომპენსირა ტურიზმის დანაკლისი სასაქონლო ექსპორტმა. მსგავსი დინამიკა უკვე შეინიშნება მაისში, როდესაც სტუმარმასპინძლობის სექტორში ზრდამ, წინა თვესთან შედარებით, შემცირებული საქონლის ექსპორტი დააბალანსა. ამავდროულად, უახლეს ინდიკატორებზე დაყრდნობით, ივნისში ტურისტული შემოსავლების მხრივ, მაისთან შედარებით, ჯერჯერობით გარკვეული შენელება იკვეთება. ასევე საყურადღებო იქნება მიგრაციასთან დაკავშირებული პოტენციური შემოდინებები. ჩვენი პროგნოზი, რომლის მიხედვითაც წლის ბოლოს ინფლაცია 6%-ს მიაღწევს, დეკემბრისთვის ბრენტის ტიპის ნავთობის ფასს 80-85 აშშ დოლარის დიაპაზონში მოიაზრებს. ამჟამად ბრენტი დაახლოებით 82 დოლარად ივაჭრება. თუ ფასი ესკალაციამდე არსებულ 72-დოლარიან ნიშნულს დაუბრუნდება, ეს ინფლაციის პროგნოზის გარკვეულწილად შემცირების არგუმენტია. თუმცა, მოსალოდნელია, რომ სასუქების, ლითონების, სურსათისა და სხვა სასაქონლო ფასები, მიწოდების ფაქტორების გამო, თებერვლის დონეზე მაღლა დარჩება. ამასთან, მაშინაც კი, თუ წარმოების დანახარჯები შემცირდება, სამომხმარებლო ფასების სიხისტის გათვალისწინებით, ინფლაციაზე გავლენა მყისიერი არ იქნება. ამ ეტაპზე კონფლიქტის მოსალოდნელი დასრულების გათვალისწინებით, მონეტარული პოლიტიკის განაკვეთის უცვლელად 8.25%-ზე შენარჩუნების ალბათობა იზრდება. აღსანიშნავია, რომ მაისში სეზონურად შესწორებული და გაწლიურებული თვიური ინფლაცია 3%-იან მიზნობრივ მაჩვენებელთან ახლოს იყო. მეორე მხრივ, გასათვალისწინებელია სასაქონლო პროდუქციის ფასების შესაძლო სიხისტე და ინფლაციური მოლოდინები, რაც განაკვეთის 8.5%-მდე ზრდასაც არ გამორიცხავს. ჩვენი შეფასებით, სავალუტო ბაზარზე უცხოური ვალუტის სიჭარბე ივნისშიც შენარჩუნდა, ხოლო ლარზე გამყარების კუთხით მოქმედი ფაქტორები უფრო გამოკვეთილი ხდება. თიბისი კაპიტალის მოლოდინით, წლის ბოლოს აშშ დოლარი/ლარის გაცვლითი კურსი დაახლოებით 2.60-2.65-ის ფარგლებში იქნება, რაც უცხოური ვალუტის წმინდა შემოდინებებისა და რეზერვების დაგროვების შედარებით ნორმალიზებასაც ითვალისწინებს.  აშშ დოლარის კუთხით, უცვლელია მოსაზრება, რომ დოლარის გამყარების მხარდამჭერი ფაქტორები მეტწილად დროებითია, ხოლოსაშუალო და გრძელვადიან პერსპექტივაში სტრუქტურული გამოწვევები დომინირებს. დოლარის პოზიციების გლობალურ გამყარებას აშშ-ში საპროცენტო განაკვეთების მოსალოდნელი მატება და საპროცენტო დიფერენციალის გაფართოება უწყობდა ხელს, რაც, თავის მხრივ, ინფლაციური მოლოდინების ზრდასა და ეკონომიკის სიძლიერის ფონზე მონეტარული პოლიტიკის გამკაცრების კუთხით მეტ მოქნილობას უკავშირდება. თუ ირანთან შეთანხმების ფონზე ეს მოლოდინები გადაიხედება, ესკალაციის შემდგომ დოლარის გამყარებული პოზიციებიც, სავარაუდოდ, შესუსტდება. აღსანიშნავია, რომ, 15 ივნისის მდგომარეობით, ბაზარი წლის ბოლოსთვის ფედერალური სარეზერვო სისტემის განაკვეთის უკვე უცვლელად შენარჩუნებას ელის, მაშინ როდესაც, გასული კვირის ბოლოს, განაკვეთის 0.25 პროცენტული პუნქტით გაზრდას მცირედით მაღალი ალბათობა ჰქონდა. აქედან გამომდინარე, მოსალოდნელია, რომ წლის დარჩენილ პერიოდში ევრო კვლავ გამყარდება, მით უფრო იმის გათვალისწინებით, რომ დოლართან მიმართებით ჯერ კიდევ წონასწარულზე სუსტი რჩება. რას ნიშნავს ეს ოპტიმალური სავალუტო სტრატეგიის კუთხით? შედარებით მეტი სესხის აღებას დოლარში, თუმცა მოკლევადიანი პოზიციების მიმართ კვლავ სიფრთხილის შენარჩუნებით: საბოლოო შეთანხმება ჯერ გაფორმებული არ არის და რიგ გეოპოლიტიკურ სცენარებში დოლარის მნიშვნელოვანი გამყარება კვლავ შესაძლებელია. კონკრეტულად რამდენად მეტი უნდა ვისესხოთ დოლარში? ინდივიდუალური, კომპანიაზე მორგებული შეფასება, რასაკვირველია, ყველაზე ზუსტია, თუმცა ორიენტირად მარტის „ერთგვერდიანი შეჯამება“ და მაისის „მკითხველის კომენტარებზე პასუხები“ გამოდგება. იხილეთ პუბლიკაციის სრული ვერსია შემდეგ ბმულზე:https://tbccapital.ge/ge/publications/all-publications/singleview/30007554-macro-update-georgia 

1781615972

კომპანია 2008 წელს ჩინეთის ქალაქ შენიანგში დაარსდა. მართალია ბიქიუ (BQ) არასრული ორი ათწლეულია რაც მძიმე ტექნიკას აწარმოებს, მაგრამ დღეს უკვე ერთ-ერთი მოწინავე სახელია გლობალურ სამშენებლო ბაზარზე. კომპანია აქტიური ექსპორტიორია 20-ზე მეტი ქვეყანაში, მათ შორის საქართველოშიც. ჩვენთან ბრენდი 2021 წელს შემოვიდა და ადგილობრივ დეველოპერებში მალევე დაიმსახურა საიმედო პარტნიორის რეპუტაცია.თანამედროვე ინფრასტრუქტურულ პროექტებში კოშკურა ამწე ყოველთვის მთავარ როლს ასრულებს, მასშტაბების მიუხედავად. მექანიზმს დიდ სიმაღლეებზე უსაფრთხოდ ააქვს მძიმე სამშენებლო მასალები, არმატურა და ბეტონის ბლოკები. ამ ამოცანის უსაფრთხოდ შესრულებას სანდო და გამძლე ტექნიკა სჭირდება.ტექნიკის სწორად შერჩევა მხოლოდ ტვირთამწეობით არ ისაზღვრება. თითოეულ სამშენებლო ობიექტს თავისი სპეციფიკა აქვს და ინდივიდუალურ მიდგომას ითხოვს. ბიქიუ მომხმარებლებს ამწის პროექტირების სერვისსაც სთავაზობს, რომლის ფარგლებშიც ინჟინრები წინასწარ სწავლობენ სამუშაო არეალს და ოპტიმალურ მოდელს არჩევენ. ასე ობიექტზე ზუსტად ის ბიქიუს ამწეები იდგმება, რომელიც კონკრეტულ ლოკაციაზე ყველაზე ეფექტურად მუშაობს. შედეგად, დეველოპერი არასწორი მოდელის დადგმით გამოწვეულ გაუთვალისწინებელ ხარჯებს არიდებს თავს.ბიქიუსთან პარტნიორობის შემთხვევაში დეველოპერი სრულ საინჟინრო მხარდაჭერასაც იღებს. ინჟინრები ტექნიკას რეგულარულად, თვეში ერთხელ უტარებენ ინსპექციას, რაც მოულოდნელი დაზიანების რისკებს მინიმუმამდე ამცირებს და მექანიზმის ექსპლუატაციის ვადას ზრდის.მოულოდნელი დაზიანების შემთხვევაში დროულ რეაგირებას გადამწყვეტი მნიშვნელობა ენიჭება. ბიქიუს ცხელი 24/7-ზე ხელმისაწვდომია, მათ შორის დასვენების დღეებსა და დღესასწაულებზეც. ინჟინერთა გუნდი ობიექტზე გამოძახებიდან საშუალოდ 2 საათში მიდის.თუ პრობლემის ადგილზე აღმოფხვრა ვერ ხერხდება, მაგალითად რომელიმე დეტალი დაზიანდა და ჩასანაცვლებელია, ინჟინრებს ამწე კრანი აღაიანის ბაზაზე არსებულ “ამწის ლაბორატორიაში” გადააქვთ. ხშირად ამწის აღდგენა-რეკონსტრუქცია დროში იწელება, რადგან სათადარიგო ნაწილებს საზღვარგარეთიდან ჩამოტანა სჭირდება. ბიქიუმ ამ პრობლემის თავიდან ასაცილებლად, საქართველოში, აღაიანის ბაზაზე მოაწყო სათადარიგო ნაწილების საწყობი. ეს ინჟინრებს საშუალებას აძლევს პირდაპირ დაიწყონ ამწეზე მუშაობა და შეკეთების დროს მნიშვნელოვნად ამცირებს. მუდმივი მზადყოფნის სტანდარტი ადგილობრივი დეველოპერებისთვის დიდ უპირატესობას ქმნის.დაბალი ფასი ბევრისთვის ხარისხის დათმობას ნიშნავს, მაგრამ ბიქიუ ძველ სტერეოტიპებს ამსხვრევს. ოფიციალური ქარხნული გარანტია და ადგილობრივი საინჟინრო გუნდის მწარმოებელ ქარხანასთან პირდაპირი კავშირი მაღალი სანდოობის საფუძველს ქმნის. ბიქიუსთან პარტნიორობისას დეველოპერს შეუძლია ფოკუსი მთავარ საქმეზე ჰქონდეს და სამშენებლო ტექნიკაზე არ ინერვიულოს - ბიქიუს მომსახურება გათვლილია მომხმარებელს მშენებლობის დათქმული ვადების დაცვაში მაქსიმალურად დაეხმაროს. დღეს ბიქიუს ქართულ კატალოგში წარმოდგენილი კოშკურა ამწეები და სხვა დამხმარე მექანიზმები თანამედროვე სამშენებლო მოთხოვნებს სრულად აკმაყოფილებს.

1781614570

„ვაზისა და ღვინის შესახებ“ საქართველოს კანონში შესული ერთ-ერთი ცვლილებით, სავალდებულო დეგუსტაციას დაექვემდებარა კომერციული წარმოებისთვის განკუთვნილი ყველა ღვინო, გარდა „ბუნებრივი ღვინის“ კატეგორიისა.ლევან მეხუზლას განცხადებით, რეგულაციების გამკაცრება ეტაპობრივად განხორციელდა.„სადეგუსტაციო კომისია საქართველოში 2008 წლიდან მოქმედებს და ამ დროიდან სავალდებულო დეგუსტაციას ექვემდებარება ყველა დაცული ადგილწარმოშობის დასახელების ღვინო. 2017 წლიდან, სავალდებულო დეგუსტაციას დაექვემდებარა ყველა კატეგორიის საექსპორტო ღვინოც. კანონში შესული ბოლო ცვლილებებით, ფაქტობრივად ორგანოლეპტიკურ შემოწმებას ექვემდებარება ყველა სარეალიზაციოდ განკუთვნილი ღვინო, გარდა „ბუნებრივი ღვინის“ კატეგორიისა. ეს გამონაკლისი დაკავშირებულია ბუნებრივი ღვინის დამზადების ტექნოლოგიასთან, რადგან ვიცით, რომ ბუნებრივი ღვინო, თავისი დაყენების მეთოდიდან გამომდინარე, განსხვავებულია სხვა ღვინოებისგან“, - აღნიშნა ლევან მეხუზლამ.ღვინის ეროვნულ სააგენტოსთან არსებული სახელმწიფო სადეგუსტაციო კომისია ყოველდღიურ რეჟიმში მუშაობს, რათა ღვინის მწარმოებლებს დეგუსტაციის პროცესში არ შეექმნებათ შეფერხება.„კომისიის შემადგენლობაში 60-ზე მეტი პროფესიონალი დეგუსტატორია. მათი უმრავლესობა მოქმედი მეღვინეა სხვადასხვა კომპანიიდან, ასევე არიან სომელიეები, ღვინის ლაბორატორიების თანამშრომლები.  ყოველ კონკრეტულ დეგუსტაციაში 5 დეგუსტატორი მონაწილეობს“,- აღნიშნა ღვინის ეროვნული სააგენტოს თავმჯდომარემ.

1781612496