2024 წლის 9 თვეში თურქეთის ექსპორტმა 193 მილიარდ დოლარს მიაღწია

საქართველოში რუსეთიდან ბუნებრივი აირის მიწოდება გაიზარდა

ამის შესახებ საქართველოს სტატისტიკური სამსახური იტყობინება.საქართველომ გაზარდა რუსული გაზის შესყიდვები 2024 წლის პირველ სამ კვარტალში და ამ პერიოდისთვის რეკორდულ ოდენობამდე – 90,1 მილიონ დოლარამდე გაიზარდა.ეს 6,5%-ით მეტია 2023 წლის ანალოგიურ პერიოდთან შედარებით.

მაია მელიქიძე - მსხვილი ჰესების გარეშე, საქართველო რუსეთზე სერიოზულად...

მისივე შეფასებით, არსებულ სიტუაციაში სწორი მიდგომა მსხვილი ჰიდროპროექტების მშენებლობაში სახელმწიფო ჩართულობა იქნება.„მსხვილი პროექტების ვერ ან არ აშენების შემთხვევაში, ქვეყანა ენერგეტიკული თვალსაზრისით სერიოზულად დამოკიდებული გახდება რუსეთზე. თურქეთს და სომხეთს არ აქვთ საკმარისი ელექტროენერგია, რომ ჩვენთან მოახდინონ იმპორტი. აზერბაიჯანიდან გაზი შემოგვაქვს, რითიც თბოსადგურებს ვამარაგებთ და ელექტროენერგიას ვაგენერირებთ.ჩვენ ელექტროენერგიით ჩვენს თავსაც ვერ ვაკმაყოფილებთ, საუბარი აღარაა იმაზე, რომ ექსპორტი განვახორციელოთ. ვხედავთ, რომ „ნამახვანის“ შემთხვევამ, ამ პროექტის ჩაშლამ გარკვეულწილად ნდობა დაუკარგა მსხვილ ინვესტორებს ჩვენი ქვეყნის მიმართ. ამ სიტუაციაში ჩვენ სხვა გამოსავალი არ გვრჩება, რომ ჩვენივე ფულით ავაშენოთ მსხვილი პროექტები. შემდეგ შეგვიძლია უკვე ვიმსჯელოთ მათ გაყიდვაზე. ეს უკვე შემდეგი ეტაპია, მაგრამ პირველ ეტაპზე ამის გარეშე უბრალოდ გაგვიჭირდება, რომ განვავითაროთ როგორც სექტორი, ასევე ქვეყნის ეკონომიკა“, - განაცხადა მაია მელიქიძემ.ცნობისთვის, გასულ კვირაში ეკონომიკის მინისტრმა, ლევან დავითაშვილმა განაცხადა, რომ მთავრობისთვის მსხვილი ჰესების პროექტები კვლავ აქტუალური და პრიორიტეტულია. მისი განცხადებით, არსებობენ დაინტერესებული ინვესტორები, რომლებიც „ხუდონჰესის“ განხორციელებას განიხილავენ. ამასთან, მინისტრმა თქვა, რომ „ნენსკრაჰესის" პროექტთან დაკავშირებით მოლაპარაკებები სამხრეთკორეულ სახელმწიფო კომპანიასთან K-Water-თან გრძელდება.წყარო: BMG

6 წელიწადში ენერგოგენერაციის გაორმაგება - რამდენად რეალურია მთავრობის...

საქართველოს კიდევ ერთი ჰესი შეემატა. გუშინ დღიდან 'ხობი 2 ჰესი” ექსპლუატაციაში ოფიციალურად შევიდა. მართალია, ამ კუთხით მთავრობას მოსახლეობის მხარდაჭერა ნაკლებად აქვს, მაგრამ 2030 წლისათვის საკმაოდ ამბიციური გეგმაა შემუშავებული, რაც 10 ათასი მეგავატი დადგმული სიმძლავრის ექსპლუატაციაში შესვლას გულისხმობს. ენერგეტიკოსები ფიქრობენ, რომ მიზანი ძალიან რთულად მისაღწევია.„ხობი 2 ჰესის” დადგმული სიმძლავრე 44.5 მეგავატია, ხოლო ელექტროენერგიის წლიური გამომუშავება 202 მილიონი კვტ/სთ-ია. აღნიშნული პროექტი შპს ქართული საინვესტიციო ჯგუფი „ენერგიამ“ განახორციელა."ამ პროექტზე ინვესტიციების მოცულობა შეადგენდა 63 მლნ დოლარს, 300 ადამიანი იყო დასაქმებული მშენებლობაზე. ეს არის უმნიშვნელოვანესი პროექტი, რომელიც ხელს შეუწყობს ენერგეტიკული დამოუკიდებლობის გაძლიერებას. 2015 წლიდან დაიწყო მშენებლობა და ჰესი დღეს შევიდა ექსპლუატაციაში“, - განაცხადა პრემიერ-მინისტრმა ირაკლი კობახიძემ და ასევე 2030 წლისათვის განსახორციელებელ გეგმაზე ისაუბრა."გვაქვს ძალიან ამბიციური გეგმა ეკონომიკური ზრდის თვალსაზრისით და მას თან უნდა სდევდეს ენერგეტიკული რესურსების გაძლიერება. 2012 წლისთვის ჩვენი ელექტროენერგიის გამომუშავება შეადგენდა 3359 მეგავატს, ახლა 4600 მეგავატამდეა გაზრდილი დადგმული სიმძლავრის მოცულობა გასული 12 წლის განმავლობაში, ანუ 37%-ით გაიზარდა ჩვენი ენერგეტიკული რესურსები.ასევე გვაქვს ამბიციური გეგმა, რომ 2028 წელს უკვე 8000 მეგავატს გადააჭარბოს დადგმული სიმძლავრის მოცულობამ, ხოლო 2030 წლისთვის მიაღწიოს 10 000 მგვტ-ს. გვინდა, რომ საქართველოში ელექტროენერგიის გამომუშავებამ გადააჭარბოს ელექტროენერგიის მოხმარებას, რაც ნიშნავს, რომ ელექტროენერგეტიკის თვალსაზრისით ვიქნებით სრულიად თვითკმარი და დამოუკიდებელი ქვეყანა. ამისათვის შექმნილია ყველანაირი საფუძველი და მუშაობა გაგრძელდება“, - განაცხადა პრემიერმა.ენერგეტიკოსები ამბობენ, რომ მთავრობის გეგმა მართლაც საკმაოდ ამბიციურია. მისი განხორციელება კი შესაძლებელია, თუმცა ძალიან ძნელად მისაღწევია 6 წელიწადში მსგავსი შედეგის დადება.როგორც ენერგეტიკოსმა ანზორ ჭითანავამ განაცხადა, თუ ენერგეტიკაში მხარდაჭერა არ გაძლიერდება და მოსახლეობა ისევ მოინდომებს მიტინგების მოწყობას, მაშინ, არაფერი არ გამოვა."რა თქმა უნდა, ამ გეგმის განხორციელება შესაძლებელია, მაგრამ ძალიან რთულია, რადგან საკმაოდ დიდი ციფრია და ჯამში იკრიბება ობიექტების მიხედვით, თუმცა მათი მდგომარეობა ისეთია, რომ მზადყოფნისა და მისი პერსპექტიულობის თვალსაზრისით მრავალი კითხვის ნიშანია. მაგალითად, აღდგეს შეჩერებული ობიექტების მშენებლობა, დასრულდეს დაწყებული ჰესების რეაბილიტაცია, მოხდეს ახალი ობიექტების გამოვლენა, შესწავლა და მისი განხორციელება. თუ ეს მუშაობა წარიმართება მხარდაჭერითა და პროფესიონალიზმით, მაშინ, რა თქმა უნდა, მთავრობის გეგმა განხორციელდება. დრო ბევრი არ არის, მაგრამ 4-5 წელიწადში შესაძლებელი იქნება სერიოზული ცვლილება.სირთულეები მდგომარეობს შემდეგში - რეაბილიტაცია-მშენებლობის საკითხები, რომელიც დაკავშირებულია ენგურთან, ხუდონთან, ნენსკრასთან, ნამოხვანთან და ა.შ. ისეთ კონდიციამდე არ არის მიყვანილი, რომ შეიძლებოდეს პროექტის იმ სახით განხორციელება, რა სახითაც იყო შემოთავაზებული.სასწრაფოდ უნდა დაიწყოს მუშაობა საუკეთესო ვარიანტის შერჩევისათვის და პერსპექტივაში ყველაზე უფრო მისაღების არჩევა უნდა მოხდეს. თუ ენერგეტიკაში მხარდაჭერა არ გაძლიერდება და მოსახლეობა ისევ მოინდომებს მიტინგების მოწყობას, რომ ჰესი არ უნდა აშენდეს, მაშინ, არაფერი გამოვა. არ შეიძლება ამის გაკეთება. ისევე, როგორც ფეხბურთში არ შეიძლება, ყველა მაყურებელი მწვრთნელზე უფრო კვალიფიციური რომ არის. ასეა ენერგეტიკაშიც, ყველა მომხმარებელმა უკეთ იცის, ვიდრე პროფესიონალმა. ეს მიდგომა დაუშვებელია. ამისათვის კი ენერგეტიკისადმი მხარდაჭერის გაძლიერებაა საჭირო”, - განაცხადა ანზორ ჭითანავამ "რეზონანსთან”.საქართველომ ბოლო პერიოდში ელექტროენერგიის გამომუშავება გაზარდა. ქვეყანამ იმდენი დენი გამოიმუშავა, რომ ექსპორტზე აქტიურად გავიდა და ამ მხრივ შარშანდელი წელი განსაკუთრებული იყო.2023 წელი საქართველოს ენერგეტიკისთვის რეკორდული აღმოჩნდა, თუმცა ასეთი პერიოდი არც ისე ხშირია ხოლმე. შარშან საქართველოდან უცხოეთში 103 მილიონი დოლარის ღირებულების 1.47 მილიარდი კვტ/საათის მოცულობის ელექტროენერგია გავიდა ექსპორტზე და ეს 2010 წლის შემდეგ რაოდენობრივად ყველაზე დიდი მოცულობაა, შემოსავლის მხრივ კი ყველა წლის რეკორდს წარმოადგენს.ელექტროენერგიის გენერაციის რესურსი ქვეყანას ნამდვილად გააჩნია და როგორც ენერგეტიკოსმა გია არაბიძე აღნიშნა, შესაძლებელია ისე დაბალანსდეს ენერგიის მოხმარება, რომ იგი გამომუშავებასთან თანაფარდობაში იყოს."2023 წელს გამომუშავება მოხმარებაზე მეტი იყო, თუმცა აქ მხედველობაში უნდა მივიღოთ ერთი რამ - აფხაზეთისა და სამაჩაბლოს მოხმარება უნდა ამოვიღოთ დანარჩენი საქართველოს მოხმარებიდან. ამ ვარიანტს თუ ავიღებთ, წლიურ ჭრილში ბალანსი მეტ-ნაკლებად დაცულია - ხან ერთი ჭარბობს, ხან მეორე, მაგრამ იმპორტის ციფრი კატასტროფული არ არის. სხვა საკითხია თვეების მიხედვით სტატისტიკა.2030 წლისთვის თვეების მიხედვითაც შესაძლებელი უნდა გახდეს  ელექტროენერგიის მოხმარების ბალანსი, რომ გამომუშავებასთან თანაფარდობაში იყოს და უკეთეს შემთხვევაში მეტი გამოვიმუშავოთ და მეტი გავყიდოთ.2030 წლისათვის ჩვენ გვაქვს საკმაოდ ამბიციური გეგმა, არა მხოლოდ ახალი სიმძლავრეების შეყვანა და გამომუშავება, არამედ სხვა საკითხების მოგვარებაც. დაახლოებითი გეგმა ასეთია, რომ 2030 წლისათვის დაახლოებით 1 200 მეგავატამდე განახლებადი ენერგიის წყაროები უნდა შევიდეს ექსპლუატაციაში. აქ არის მოდინებაზე მომუშავე ელექტროსადგურები და ა.შ. რაც შეეხება 10 000 მეგავატს, არ ვიცი რისი ჯამია ეს ციფრი, მაგრამ ის, რომ დაგეგმილია ჩვენი სიმძლავრეების გაორმაგება, ეს ჩემთვის ცნობილია და ახალი არ არის”, - განუცხადა "რეზონანსს” გია არაბიძემ.წყარო: resonancedaily.com

დავითაშვილი - „ხობი 2 ჰესი“-ს სახით ექსპლუატაციაში შევიდა საქართველოში...

მათი ცნობით, ჩხოროწყუს მუნიციპალიტეტში მდებარე „ხობი 2 ჰესი“ დღეს პირველმა ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა პრემიერ-მინისტრ ირაკლი კობახიძესთან ერთად გახსნა.უწყების განმარტებით, „ქართული საინვესტიციო ჯგუფი ენერგია“-ს მიერ განხორციელებული პროექტი საკმაოდ მასშტაბურია - სადგურის დადგმული სიმძლავრე 44.5 მგვტ-ს, ხოლო ელექტრო ენერგიის წლიური გამომუშავება, დაახლოებით, 200 მლნ კვტ სთ-ს შეადგენს. სამინისტროში აცხადებენ, რომ ამ პარამეტრებით, „ხობი 2 ჰესი“ დამოუკიდებელი საქართველოს ისტორიაში აშენებული ჰესების პირველ ხუთეულში შედის. პროექტის პირველი ფაზის ინვესტიციის მოცულობა 250 მლნ ლარზე მეტს შეადგენს.„დღეს მართლაც ერთ-ერთი გამორჩეული ენერგეტიკული პროექტი შევიდა ექსპლუატაციაში, 2012 წლიდან დღემდე კი საქართველოს ენერგოსისტემას 1150 მგვტ-ზე მეტი სიმძლავრე დაემატა, ეს დიდი მიღწევაა. 63 ახალი ჰიდროელექტროსადგურის პროექტი განხორციელდა, თუმცა, ამ მასშტაბის პროექტები ყოველდღე არ გვაქვს და ეს, რა თქმა უნდა, ძალიან მნიშვნელოვანი და აღსანიშნავია - ჩვენი ენერგოსისტემისთვის, ენერგოდამოუკიდებლობისთვის კიდევ ერთი წინგადადგმული ნაბიჯი“, - განაცხადა პირველმა ვიცე-პრემიერმა ლევან დავითაშვილმა.ჰესის გახსნის ღონისძიებაში მონაწილეობა მიიღეს ეკონომიკისა და მდგრადი განვითარების მინისტრის მოადგილეებმა - ნინო ენუქიძემ და გენადი არველაძემ, ადგილობრივი ხელისუფლების, ენერგეტიკის დარგის უწყებების და კერძო კომპანიების ხელმძღვანელმა პირებმა. სტუმრებმა ადგილზე დაათვალიერეს ჰესის ინფრასტრუქტურა და კომპანიის წარმომადგენლებისგან მისი მუშაობის შესახებ მიიღეს დეტალური ინფორმაცია.როგორც ეკონომიკისა და მდგრადი განვითარების მინისტრმა აღნიშნა, საქართველოს მთავრობის ხედვაა, რომ არსებული ენერგორესურსები მაქსიმალურად იქნას ათვისებული. მან ხაზი გაუსვა, რომ ქვეყანას განახლებადი წყაროებიდან ელექტროენერგიის მიღების მნიშვნელოვანი საშუალებები აქვს, პირველ რიგში - ჰესების მიმართულებით, რადგან ქვეყანას 26 ათასზე მეტი მთის მდინარე გააჩნია და საჭიროა ამ რესურსების ათვისება. ამასთან, ლევან დავითაშვილის ინფორმაციით, მთავრობა, კერძოდ, ეკონომიკისა და მდგრადი განვითარების სამინისტრო ამ კუთხით მომავალ წლებში აქტიურად იმუშავებს, ისევე, როგორც ქარისა და მზის ენერგიის გამოყენების მიმართულებით. ლევან დავითაშვილმა, ასევე, აქცენტი გააკეთა საქართველოს ენერგოსისტემის მეზობელ ქვეყნებთან და ევროპასთან დაკავშირებადობის და ამ კუთხით მიმდინარე სამუშაოების მნიშვნელობაზე.„აბსოლუტურად რეალისტურია ჩვენი ამბიციური გეგმა - რომ შეგვიძლია არამხოლოდ გავაორმაგოთ ჩვენი დადგმული სიმძლავრე, არამედ 10,000 მგვტ-მდე დადგმული სიმძლავრე გვქონდეს. ეს სრულად უზრუნველყოფს ჩვენი ეკონომიკის სწრაფ განვითარებას, სრულად დაეხმარება ეკონომიკის ზრდის მაღალ ტემპებს და ასევე გვექნება ახალი, ენერგოტევადი დარგების განვითარების და ელექტროენერგიის ექსპორტზე გატანის საშუალება. ამ კუთხით სამინისტრო აქტიურად მუშაობს, ასევე დაკავშირებადობის გაზრდაზე მეზობელ ქვეყნებთან - აზერბაიჯანთან, სომხეთთან, თურქეთთან. თუმცა, ასევე მნიშვნელოვანი ფლაგმანი პროექტია - ევროკავშირთან პირდაპირ დაკავშირების შესაძლებლობა შავი ზღვის წყალქვეშა კაბელის მეშვეობით. ეს ყველაფერი საშუალებას მოგვცემს, რომ ჩვენი ენერგოსექტორი კიდევ უფრო მეტად მიმზიდველი იყოს ინვესტორებისთვის“, - აღნიშნა პირველმა ვიცე-პრემიერმა.სამინისტროს ინფორმაციით, დღეს ასევე აქცენტი გაკეთდა ახალი ჰესის ეკონომიკურ-სოციალური მნიშვნელობაზე რეგიონისა და ადგილობრივი მოსახლეობისთვის, მათ შორის ინფრასტრუქტურული და იმ სოციალური პროექტების სახით, რომელთაც ინვესტორი კომპანია ახორციელებს. ჰესს ადგილობრივ ბიუჯეტში ყოველწლიურად 2,5 მლნ ლარი შეაქვს, მშენებლობის პროცესში დასაქმდა რამდენიმე ასეული ადამიანი, დღეისთვის კი 50-მდე ადგილობრივი მაცხოვრებელია დასაქმებული. ამასთან, კომპანიამ სხვადასხვა სოციალური თუ კულტურული პროექტების სახით უკვე დახარჯა 408, 000 ლარი, მათ შორის სოფელ მუხურის მოსახლეობას უშენებს და საჩუქრად გადასცემს თანამედროვე სპორტულ კომპლექსს.

კობახიძე - „ხობი 2 ჰესი“ ყველაზე დიდი ჰიდროელექტროსადგურია, რომელიც სა...

მთავრობის მეთაურის თქმით, სადგურის დადგმული სიმძლავრე არის 44,5 მგვტ, ხოლო ელექტროენერგიის გამომუშავება - 202 მლნ კვტ/სთ.„ეს არის უმნიშვნელოვანესი პროექტი, რომელიც ხელს შეუწყობს ჩვენი ეკონომიკის კიდევ უფრო მეტად განვითარებას და ჩვენი ენერგეტიკული დამოუკიდებლობის კიდევ უფრო მეტად გაძლიერებას. პროცესები დაიწყო 2015 წლიდან და ჰიდროელექტროსადგური უკვე შესულია ექსპლუატაციაში. მინდა განსაკუთრებული მადლობა გადავუხადო შპს „ქართული საინვესტიციო ჯგუფი ენერგიას“ წარმომადგენლებს, მის ხელმძღვანელს, ბატონ ლაშა იორდანიშვილს ამ არაჩვეულებრივი პროექტის განხორციელებისთვის.ასევე, განსაკუთრებული მადლობა მინდა გადავუხადო ამ კომპანიას მაღალი სოციალური პასუხისმგებლობისთვის. არაერთი მნიშვნელოვანი სოციალური პროექტი განხორციელდა ამ ჰესის მშენებლობასთან ერთად, რაც მოიცავდა, მათ შორის, მდინარის გათევზიანებას, ადგილობრივი სიმღერის და ცეკვის სახალხო ანსამბლის, ასევე ვოკალურ-ინსტრუმენტული ანსამბლისთვის მხარდაჭერის აღმოჩენას, ნიკო კვარაცხელიას ფონდის მხარდაჭერას ნიჭიერი ახალგაზრდების სწავლის დასაფინანსებლად, ასევე მუხურის ენდემური ჯიშის ფუტკრის პოპულარიზაციას, გამრავლებას, ჩხოროწყუს საფეხბურთო გუნდის მხარდაჭერას და ა.შ. ეს არის, რა თქმა უნდა, მაღალი სოციალური პასუხისმგებლობის გამოხატულება და კიდევ ერთხელ უდიდესი მადლობა კომპანიას, კომპანიის ხელმძღვანელობას ამ ყველაფრისთვის“, - განაცხადა პრემიერ-მინისტრმა.