ტოიოტას პრემიუმ კლასის დამტვირთველები — რას გთავაზობთ K2

„კორპორაციული მდგრადობის ჯილდო - ბიზნესი მდგრადი განვითარებისთვის“ გაეროს გლობალური შეთანხმების ქსელის მიერ ორგანიზებული ყოველწლიური ღონისძიებაა, რომელიც განკუთვნილია იმ კომპანიებისთვის, რომელთა საქმიანობა პროგრესულ, თანამედროვე ღირებულებებზე დაფუძნებულ ბიზნესმოდელებს ეყრდნობა და მიზნად ისახავს მდგრადი განვითარების ხელშეწყობას.ეკატერინე ქავთარაძე, „თეგეტა ჰოლდინგის” მთავარი აღმასრულებელი ოფიცერი: „ნარჩენების ეფექტიანი მართვა „თეგეტასთვის“ არ არის მხოლოდ პარალელური აქტივობა - ეს არის ჩვენი ბიზნესის ყოველდღიური, განუყოფელი ნაწილი. კომპანია უკვე წლებია, საერთაშორისო სტანდარტების შესაბამისი CSR სტრატეგიით ხელმძღვანელობს, რომლის ერთ-ერთი პრიორიტეტული მიმართულებაც სწორედ გარემოზე ზრუნვაა. აღიარება, რომელიც „თეგეტამ“ კიდევ ერთხელ მოიპოვა, გვაძლევს მოტივაციას, რომ გავაგრძელოთ სწორი მიმართულებით განვითარება და ამ გზაზე მეტად ამბიციური მიზნები დავისახოთ“.ინიციატივებმა, რომლებიც „თეგეტა მოტორსმა“ და „თეგეტა გრინ პლანეტმა“ ერთობლივად განახორციელეს, შეამცირა საავტომობილო ნარჩენების ნეგატიური ზემოქმედება გარემოზე, ხელი შეუწყო რესურსების გადამუშავებას და საზოგადოებას მდგრადი განვითარების პრინციპები გააცნო.თათია ხორბალაძე, „თეგეტა ჰოლდინგის“ სტრატეგიული კომუნიკაციების დეპარტამენტის ხელმძღვანელი: „ამ ჯილდოს მიღება კიდევ ერთხელ ადასტურებს, რომ ჩვენი CSR სტრატეგია სწორად არის გაწერილი და რეალური შედეგები აქვს, რომლებიც როგორც ბიზნესისთვის, ისე საზოგადოებისთვის სარგებლის მომტანია. ჩვენთვის პრინციპულად მნიშვნელოვანია, რომ გარემოზე ზრუნვა მხოლოდ ერთჯერად აქტივობებად არ დარჩეს და კომპანიის საქმიანობის განუყოფელი ნაწილი იყოს.არასოდეს გვავიწყდება „თეგეტას“ ყველაზე მნიშვნელოვანი აქტივი - ჩვენი თანამშრომლები. მათი ჩართულობა, პასუხისმგებლობა და მხარდაჭერა ქმნის იმ კორპორაციულ კულტურას, რომელიც კომპანიას განვითარებასა და წინსვლაში უწყობს ხელს.ვფიქრობ, რომ სწორედ ეს ორმხრივი პროცესები - ბიზნესის მხრიდან სისტემური მიდგომა და თანამშრომელთა ჩართულობა გახდა ამ ჯილდოს მოპოვების ერთ-ერთი მთავარი განმაპირობებელი ფაქტორი. მოხარულები ვართ, რომ „თეგეტა“ უკვე მესამე წელია ინარჩუნებს ამ მიმართულებით ლიდერის პოზიციას და ასეთი მნიშვნელოვანი აღიარება კიდევ ერთხელ მოიპოვა“.ჰოლდინგთან დაკავშირებულმა კომპანიამ - „თეგეტა გრინ პლანეტმა“ 2024 წელს უსაფრთხოდ დაამუშავა 6 640 ტონა ნარჩენი, მათ შორის 3.9 მლნ კგ საბურავი, 1.88 მლნ კგ აკუმულატორი და 854 000 კგ ზეთი. აღნიშნული მონაცემები ნათლად აჩვენებს, რომ ნარჩენების მართვა „თეგეტას“ ბიზნესპროცესების განუყოფელი ნაწილია.ჰოლდინგის მწვანე ინიციატივებს შორისაა კამპანია - „არ გადაყარო-ჩააბარე!“ - რომელმაც თბილისსა და ქუთაისში მოქალაქეებს საშუალება მისცა, გამოყენებული ნარჩენები ჩაებარებინათ, აგრეთვე, „ბაკურიანის განვითარების სააგენტოსთან“ თანამშრომლობით ბაკურიანში შეგროვდა და გადამუშავდა 30 000 საბურავი.თანამშრომელთა ჩართულობით, შიდა ეკოკულტურის განვითარების ფარგლებში კი „მწვანე გამოწვევის“ მეშვეობით 1 500 კგ ქაღალდი შეგროვდა, რითაც 170 ხე გადაურჩა მოჭრას, ხოლო ძველი ბანერები „ბრენდ ადამიანთან“ პარტნიორობით ეკომეგობრულ ჩანთებად გადაკეთდა.„თეგეტას“ გარემოსდაცვითი პასუხისმგებლობა, რომელიც CSR სტრატეგიის პრიორიტეტული მიმართულებაა, ჰოლდინგის ბიზნესსაქმიანობის განუყოფელი ნაწილია. ის სრულად შეესაბამება გაეროს მდგრადი განვითარების მიზნებს და მსგავსი ყოველწლიური აღიარება ხაზს უსვამს კომპანიის მდგრად, თანმიმდევრულ და კომპლექსურ მიდგომას გარემოზე ზრუნვის კუთხით.კონკურსში „კორპორაციული მდგრადობის ჯილდო - ბიზნესი მდგრადი განვითარებისთვის“ 170-მდე პროექტი იყო წარდგენილი. 6 ნომინაციიდან ერთ-ერთში კი გამარჯვებული პროექტი „თეგეტა მოტორსი x თეგეტა გრინ პლანეტი: ნარჩენების მართვის ინიციატივები“ გახდა. მონაწილეები ქართველი და უცხოელი წევრებისგან შემდგარმა დამოუკიდებელმა ჟიურიმ შეაფასა.--„თეგეტა ჰოლდინგის” შესახებ: უმსხვილესი საავტომობილო კომპანია კავკასიასა და ცენტრალურ აზიაში მომხმარებელს საავტომობილო ეკოსისტემის სრულ სპექტრს სთავაზობს, რაც მსუბუქ, სატვირთო და სამშენებლო, ასევე კომერციულ, სამგზავრო და ინდუსტრიულ ტრანსპორტს მოიცავს. მთელი ქვეყნის მასშტაბით „თეგეტას” 28 სერვისცენტრი აქვს. „თეგეტა“ ექსკლუზიურად წარმოადგენს ცნობილ ბრენდებს: Porsche, Lamborghini, Bentley, Volvo, Toyota, Mazda, Geely, Zeekr. სატვირთო და სპეცტექნიკის მიმართულებით ჰოლდინგის პარტნიორები არიან ისეთი დიდი ბრენდები, როგორებიცაა: MAN, JCB, HINO, LIEBHERR, BOMAG და სხვები. „თეგეტა” მსოფლიოს 300-ზე მეტი წამყვანი საავტომობილო ბრენდის იმპორტიორია საქართველოში. „თეგეტა ჰოლდინგი”, 3 000-მდე თანამშრომლით, დღეს საქართველოში ერთ-ერთი უმსხვილესი დამსაქმებელია.

1764851220

რაც შეეხება კერძო უნივერსიტეტებს, 2026 წლიდან ჩარიცხულ სტუდენტებზე სახელმწიფო დაფინანსება არ გაიცემა.ამასთან, როგორც განათლების, მეცნიერებისა და ახალგაზრდობის მინისტრმა განაცხადა, იმ სტუდენტებს, რომლებიც უმაღლეს სასწავლებლებში უკვე სწავლობენ, სწავლის დაფინანსებასთან დაკავშირებული დაანონსებული ცვლილება, სასწავლო ციკლის დასრულებამდე, არ შეეხებათ.„მეორე კურსიდან და მიმდინარე რაც არის ჩვეულებრივად დარჩება იმ საგრანტო დაფინანსებაზე, ოღონდ მილევად რეჟიმში. რაც შეეხება ახლად მიღებულ სტუდენტებს, ამ მოცემულობაში უკვე რაიმე ვაუჩერული და საგრანტო დაფინანსება აღარ იქნება როგორც საჯარო, ასევე კერძოებისთვისაც, სადაც გრანტს რომ მოიპოვებოდნენ, მოხდებოდა ჩარიცხვა. ამ შემთხვევაში, კონკურენციაც, რა თქმა უნდა, მატულობს.მოცემულობა არის ის, რომ სახელმწიფო უნივერსიტეტები წარადგენენ თავის საჭიროებებს და ჩვენ ამ საჭიროებების მიხედვით გამოვყოფთ ფინანსურ ასიგნებებს, რაც დაკავშირებული იქნება როგორც სახელფასო საკითხებთან, ასევე მატერიალურ-ტექნიკური ბაზის უზრუნველყოფასთან და ა.შ. ახლა გვაქვს ჩვენ შემდეგი სამი-ოთხი წელიწადი გარდამავალი პერიოდი. თუმცა კომპონენტი, რომელიც საგრანტო დაფინანსებას ეხება, შემდეგი სასწავლო წლიდან ამოქმედდება. საგრანტო კომპონენტი პირველკურსელებთან დაკავშირებით შემდეგი წლიდან აღარ იმოქმედებს“,- განაცხადა გივი მიქანაძემ „რუსთავი 2-ის“ ეთერში.მისივე თქმით, „ფაქტობრივად, უფასო ხდება სწავლება მათთვის, ვინც ჩააბარებს“.

1764849303

მსგავსი შეფერხებები ბიზნესს ზრდაში უშლის ხელს და ყოველდღიურ საქმიანობაში ქაოსი შეაქვს. ამ გამოწვევის დასაძლევად საუკეთესო გზა სპეციალური სასაწყობე ტექნიკის, კერძოდ კი დამტვირთველების გამოყენებაა, რომელთა მთავარი დანიშნულება მძიმე ტვირთის უსაფრთხოდ აწევა და ერთი წერტილიდან მეორემდე გადატანაა.ამ მიმართულებით, ქართულ ბაზარზე ინტრალოგისტიკური კომპანია K2 ტოიოტას ოფიციალური წარმომადგენელია. ეს სტატუსი გაცილებით მეტია, ვიდრე უბრალოდ ტექნიკის მიწოდება. ეს ნიშნავს, რომ K2-ს საქართველოში შემოაქვს ტოიოტას მსოფლიო დონის გამოცდილება და ხარისხი.უსაფრთხოება და გამძლეობა — ტოიოტას მთავარი უპირატესობებიტოიოტას სასაწყობე დამტვირთველები მთელ მსოფლიოში ცნობილია იმით, რომ ისინი წლების განმავლობაში, ინტენსიური დატვირთვის პირობებშიც კი შეუფერხებლად მუშაობს. თუმცა, მხოლოდ ტექნიკური გამძლეობა თანამედროვე საწყობისთვის საკმარისი არ არის. ბიზნესის ფინანსური სტაბილურობისთვის კრიტიკულად მნიშვნელოვანია უსაფრთხო სამუშაო გარემო, რადგან ნებისმიერი ინციდენტი ან ტვირთის დაზიანება კომპანიას სოლიდურ ზარალს აყენებს.სწორედ ამ რისკების გასანეიტრალებლად, ტოიოტას დამტვირთველებში ჩაშენებულია სპეციალური SAS სისტემა (აქტიური სტაბილიზაციის სისტემა). ეს არის ჭკვიანი ტექნოლოგია, რომელიც მუდმივ რეჟიმში აკვირდება და აანალიზებს დამტვირთველის მოძრაობას. თუ ტექნიკა გადაბრუნების საფრთხის წინაშე აღმოჩნდება, სისტემა ავტომატურად ჩაერევა მართვაში და შეასწორებს ტრაექტორიას. შედეგად, დაცული იქნება როგორც ოპერატორი, ისე გადასაზიდი ტვირთი.სად გამოიყენება დამტვირთველები და რატომ არის ისინი აუცილებელი თანამედროვე ბიზნესისთვის?ტოიოტას დამტვირთველები სხვადასხვა ინდუსტრიის სპეციფიკას მარტივად ერგება. მაგალითად, ლოგისტიკურ და სადისტრიბუციო ცენტრებში, სადაც ტვირთბრუნვა მაღალია და სამუშაო ტემპი არ ჩერდება, გადამწყვეტი ფაქტორი სისწრაფე და მანევრულობაა. აქ ტექნიკა ეხმარება ბიზნესს, დროის მცირე მონაკვეთში დიდი მოცულობის სამუშაო შეასრულოს.სრულიად განსხვავებული მოთხოვნებია სავაჭრო ობიექტების საწყობებში. აქ ხშირად სივრცე შეზღუდულია, რაც მუშაობას ართულებს. ასეთ დროს ტექნიკის კომპაქტური დიზაინი იძლევა საშუალებას, ოპერატორმა ვიწრო დერეფნებსა და მაღალ თაროებთან უსაფრთხოდ იმოძრაოს.რაც შეეხება საწარმოო ხაზებს, სადაც მძიმე ნედლეულის მიწოდება შეფერხებების გარეშე უნდა ხდებოდეს, აქ უკვე ტექნიკის გამძლეობა და სიმძლავრე ხდება მნიშვნელოვანი. მძლავრი ძრავები იძლევა იმის შესაძლებლობას, რომ საწარმოო პროცესი არ გაჩერდეს და კონვეიერმა სტაბილურად იმუშაოს.ინდივიდუალური შერჩევა და სერვისი — K2-ის მიდგომასასაწყობე ტექნიკის შეძენისას მნიშვნელოვანია იმის გააზრება, რომ ერთი კონკრეტული მოდელი ყველა ტიპის ბიზნესს ვერ მოერგება. K2-ის გუნდი თითოეული კომპანიის საჭიროებებს ინდივიდუალურად განიხილავს და მხოლოდ დეტალური ანალიზის შემდეგ ხდება იმ მოდელის შერჩევა, რომელიც კონკრეტულ სივრცეში მაქსიმალურ შედეგს მოიტანს და სამუშაო პროცესს გაამარტივებს.K2-თან თანამშრომლობა ტექნიკის შეძენით არ სრულდება, პირიქით, ეს გრძელვადიანი პარტნიორობის დასაწყისია. ნებისმიერ ტექნიკას სჭირდება გამართული სერვისი, რათა მან შეუფერხებლად იმუშაოს. კომპანიის სერვისცენტრი სრულად იღებს ამ პასუხისმგებლობას. მობილური ჯგუფები მზად არიან, ოპერატიულად მივიდნენ ადგილზე და აღმოფხვრან ნებისმიერი გაუმართაობა, ხოლო ორიგინალი სათადარიგო ნაწილების მუდმივი მარაგი გამორიცხავს ტექნიკის ხანგრძლივ გაჩერებას. ეს მიდგომა ბიზნესს აძლევს გარანტიას, რომ ლოგისტიკური პროცესი არ შეჩერდება და კომპანია სტაბილურ განვითარებას განაგრძობს.

1764849258

რა შესაძლებლობებს ქმნის საქართველოს ბანკი მოსწავლეებისთვის?იდეათეკა - 11 რეგიონი, 25 სკოლა, 18 000-ზე მეტი მოსწავლისთვის შექმნილი განათლების შესაძლებლობამეექვსე წელია, რაც ხარისხიან განათლებაზე ხელმისაწვდომობის გასაზრდელად საქართველოს ბანკი რეგიონების სკოლებში ინოვაციურ ბიბლიოთეკებს - იდეათეკებს ხსნის, რომელთა მეშვეობით, 18 000-ზე მეტი მოსწავლისთვის ქმნის შემეცნებისა და ახალი აღმოჩენების სივრცეს. ყოველი იდეათეკა აღჭურვილია მრავალფეროვანი, 2000-მდე წიგნისგან შემდგარი ბიბლიოთეკით, განათლების მისაღებად საჭირო თანამედროვე ინსტრუმენტებით - კომპიუტერებით, პროექტორებით და STEM კუთხით.დღეისათვის იდეათეკები 11 რეგიონის, 25 სკოლაში ფუნქციონირებს და მათი რაოდენობა ყოველწლიურად იზრდება.STEM სკოლა - 2000-მდე მოსწავლე, 300-ზე მეტი სტიპენდიატიSTEM სკოლა საქართველოს ბანკის და კომაროვის სკოლის მიერ შექმნილი პროექტია, რომელიც VII-XI კლასის მოსწავლეებს შესაძლებლობას აძლევს, მიიღონ როგორც თეორიული, ასევე პრაქტიკული ცოდნა და გამოცდილება. STEM სკოლაში გაკვეთილები ონლაინ ტარდება, რაც საქართველოს მასშტაბით მცხოვრებ მოსწავლეებს შესაძლებლობას აძლევს, დისტანციურად დაესწრონ გაკვეთილებს და მიიღონ ხარისხიანი განათლება.განათლების კიდევ უფრო მეტი შესაძლებლობის შესაქმნელად, საქართველოს ბანკი ყოველწლიურად საუკეთესო შედეგის მქონე 90 სტიპენდიატს ასახელებს და მათ სწავლის ხარჯებს უფინანსებს - 60 მოსწავლეს სრულად, ხოლო 30-ს ნაწილობრივ.წელს STEM სკოლაში სწავლის სურვილი 1500-ზე მეტმა მოსწავლემ გამოთქვა, კურსი კი საუკეთესო შედეგის მქონე 700-ზე მეტმა მოსწავლემ გაიარა.STEM ოლიმპიადა - 300-ზე მეტი სკოლა, 1500-ზე მეტი მოსწავლემოსწავლეების მომავლის პროფესიებით დაინტერესების მიზნით, საქართველოს ბანკი, კომაროვის სკოლასთან ერთად, STEM ოლიმპიადას ახორციელებს. ინიციატივის ფარგლებში კი შესაძლებლობას აძლევს მოსწავლეებს, გამოავლინონ საკუთარი ცოდნა და აღმოაჩინონ ახალი შესაძლებლობები.STEM ოლიმპიადაში წელს მონაწილეობა 150-ზე მეტი სკოლის 800-ზე მეტმა მოსწავლემ მიიღო. საპრიზო ადგილზე გასულ სკოლის გუნდს კი საქართველოს ბანკისგან ფულადი პრიზი 10 000 ლარი გადაეცა.CODE-IT - 400-მდე მოსწავლემომავლის პროფესიების კიდევ უფრო მეტად პოპულარიზაციის მიზნით, საქართველოს ბანკი სხვადასხვა პროექტს უჭერს მხარს. მათ შორის ერთ-ერთი Code-IT-ია, რომელიც საქართველოს ბანკის, Lineate-ისა და საქართველოს ინოვაციების და ტექნოლოგიების სააგენტოს (GITA) თანამშრომლობით შეიქმნა.პროექტი პროგრამირებით დაინტერესებულ ახალგაზრდებს შესაძლებლობას აძლევს, საქართველოს 8 ტექნოპარკში - ოზურგეთში, ბათუმში, ზუგდიდში, სენაკში, კასპში, გურჯაანში, თელავში, ახმეტასა და თბილისში (და დამატებით 5 ლოკაციაზე) დაეუფლონ პროგრამირების საფუძვლებს. ინიციატივის ფარგლებში, წელს 170 მოსწავლე გადამზადდა.ევერესტის ოლიმპიადა - 105 000-ზე მეტი მოსწავლეამასთან, საქართველოს ბანკი საქართველოში ყველაზე მასშტაბური ევერესტის მათემატიკის ოლიმპიადის გენერალური სპონსორია.ყოველწლიურად პროექტში მონაწილეობას 35 000-ზე მეტი II, III, IV, V და VI კლასის მოსწავლე იღებს.საქართველოს ბანკი ეკონომიკური განათლებისთვისსაქართველოს ბანკი ფინანსური განათლების ამაღლების მიზნით არაერთ პროექტს ახორციელებს, მათ შორის, მართავს ტრენინგებს მშობლებისთვის, სტუდენტებისთვისა და მასწავლებლებისთვის.ეკონომიკის ოლიმპიადა - 1000-ზე მეტი მონაწილეეკონომიკური ცნობიერების ამაღლების მიზნით, საქართველოს ბანკი, ორგანიზაცია GELi-ს ინიციატივით გამართული ეკონომიკის ოლიმპიადის მხარდამჭერია. ინიციატივა საერთაშორისო პროექტის ნაწილია, რომელიც 2016 წელს Institute of Economic Education (INEV) მიერ ჩეხეთში შეიქმნა და მასში ყოველწლიურად 30 ქვეყნის 80 000 მოსწავლე მონაწილეობს.ოლიმპიადა სამ ეტაპად ტარდება და მასში მე-10, მე-11 და მე-12 კლასის მოსწავლეები მონაწილეობენ. ეკონომიკის ოლიმპიადისადმი დაინტერესება ყოველწლიურად იზრდება. თუმცა, საქართველოში გამართულ ეროვნულ ტურში მონაწილეობის მიღება ყოველწლიურად საუკეთესო შედეგის მქონე 200 მოსწავლეს შეუძლია.ეს საქართველოს ბანკის მიერ განხორციელებული საგანმანათლებლო პროექტების მხოლოდ ნაწილია. ინიციატივების შესახებ დეტალური ინფორმაცია ხელმისაწვდომია ვებგვერდზე: ganatleba.bog.ge

1764847526

განახლებული საკომუნიკაციო პლატფორმით, თიბისი ილია თოფურიას თანამგზავრი გახდა და ამ კოლაბორაციის დახმარებით, საზოგადოებაში მოტივაციის ამაღლება და იმ რწმენის გაძლიერება სურს, რომელიც დაგარწმუნებთ, რომ როცა გჯერა, შეუძლებელიც შესაძლებელია.UFC-ს დაუმარცხებელ ჩემპიონთან ერთად შექმნილი პირველი კომუნიკაციაც ამ საკითხს ეხმიანება და გვაჩვენებს, რომ ერთი შეხედვით ძალიან ძლიერ ადამიანებსაც კი, ხშირად, ყველაზე მნიშვნელოვანი ბრძოლა სწორედ საკუთარ თავთან აქვთ მოსაგები. ასეთ დროს, მნიშვნელოვანია, ჯიუტად გჯეროდეს საკუთარი შესაძლებლობების; თუნდაც, ისეთ რამეს ეჭიდებოდე, რაც ჯერ არავის გაუკეთებია.ილიასა და თიბისის უმთავრესი ღირებულებები ერთმანეთთან თანხვედრაშია და ამ ერთიანი ხედვისა და პრინციპების გათვალისწინებით, ეს კოლაბორაციაც რეალურ ღირებულებას ქმნის.საკუთარი თავის რწმენა, ძლიერი, დამოუკიდებელი ნაბიჯებით მუდამ წინსვლა და  გამარჯვება არის ის, რაც თიბისისა და ილიას დამეგობრებით კიდევ ბევრ საინტერესო სიახლეს გპირდებათ.მანამდე კი, ჯიუტად, მთავარია გჯეროდეს!

1764846210

კომპანია „სელფი მობაილის“ მომართვის საფუძველზე, ComCom-ის გადაწყვეტილებით, რადიოსიხშირული სპექტრით სარგებლობის ლიცენზიების მოსაპოვებლად გამოცხადებული იყო 6 აუქციონი, მათ შორის 4 აუქციონი 2100 მჰც სიხშირულ დიაპაზონში, ხოლო 2 აუქციონი 2600 მჰც სიხშირულ დიაპაზონში აბსტრაქტულ ლოტებზე. საგულისხმოა, რომ „სელფი მობაილმა“ ლოტები 40%-იანი ფასდაკლებით იყიდა. კერძოდ, კომპანიამ 20%-იანი ფასდაკლება მობილური/უსადენო ფართოზოლოვანი მომსახურების მაღალი სიჩქარის ინოვაციური ტექნოლოგიების დანერგვის ვალდებულების, ხოლო დამატებით 20%-იანი ფასდაკლება მობილური ქსელის ვირტუალური ოპერატორის (MVNO) დაშვების ვალდებულების არჩევის საფუძველზე მიიღო.კომპანია ვალდებული იქნება 2026 წლის 31 დეკემბრამდე მის მფლობელობაში არსებული 2100 მჰც სიხშირული დიაპაზონით თითოეული დასახლებული ტერიტორიის 90%-ში 28.65 მბ/წმ მინიმალური სიჩქარის  მობილური/უსადენო ფართოზოლოვანი მომსახურება უზრუნველყოს. ხოლო, აუქციონში მოპოვებული 2600 მჰც სიხშირული დიაპაზონით, თითოეული დასახლებული ტერიტორიის 90%-ში 25 მბ/წმ მინიმალური სიჩქარის მომსახურება უზრუნველყოს.

1764845750