დღეს, "ავერსი" საქართველოს მასშტაბით, მომხმარებელს ქეშბექ აქციას სთავაზობს

მისი თქმით, მხარეებმა ასევე ისაუბრეს ორმხრივი ურთიერთობების გაუმჯობესებაზე, სოფლის მეურნეობასა და ტურიზმის სფეროში თანამშრომლობაზე.„დღეს ჩვენ გვქონდა მთავრობათაშორისი ეკონომიკური კომისიის შეხვედრა, რაც ძალიან მნიშვნელოვანია საქართველოსა და უნგრეთს შორის პარტნიორობის კუთხით. ფორმატის ფარგლებში ხდება მხარეებს შორის ეკონომიკური ურთიერთობების დაახლოება, სხვადასხვა საკითხზე ინფორმაციის გაცვლა. ასევე, შედგა სამუშაო ჯგუფების შეხვედრა სოფლის მეურნეობის და ტურიზმის მიმართულებით. ასევე ხაზი გაესვა ქვეყნებს შორის პირდაპირი ფრენების მნიშვნელობას.სოფლის მეურნეობის კუთხით ჩვენ შევთანხმდით რამდენიმე მემორანდუმის გაფორმებაზე. 11-12 ივნის დაგეგმილია მთავრობათაშორისი სამიტი, რომელსაც ორივე ქვეყნის პრემიერ-მინისტრი უხელმძღვანელებს. შეხვედრა ბუდაპეშტში შედგება.ჩვენ ასევე მიმოვიხილეთ შავი ზღვის კაბელის საკითხი. მიმდინარეობს კვლევა, რომელიც უახლოეს მომავალში დასრულდება. პროექტი მნიშვნელოვანია როგორც ევროკავშირისთვის, ასევე სამხრეთ კავკასიის ქვეყნებისთვის. ჩვენ ორივე მხარე ყველაფერს გავაკეთებთ, რათა მხარი დავუჭიროთ აღნიშნული პროექტის განვითარებას“, -განაცხადა მან.ცნობისთვის, სასტუმრო „ბილტმორში“, ეკონომიკურ საკითხებში თანამშრომლობის უნგრეთ-საქართველოს სამთავრობათშორისო კომისიის მე-6 სხდომა გაიმართა.სხდომის ოქმს სამთავრობათშორისო კომიტეტის ორმა თანათავმჯდომარემ: საქართველოს მხრიდან ეკონომიკისა და მდგრადი განვითარების მინისტრის მოადგილემ , გენადი არველაძემ და უნგრეთის მხრიდან თავდაცვის მინისტრის მოადგილემ, ტომაშ ვარგამ მოაწერეს ხელი.

1745924262

მისივე ინფორმაციით, საქართველოს ასევე, დიდი პოტენციალი აქვს თაფლის მიმართულებით და საჭიროა სპეციალური პოზიციების დაჭერა, რაც ჩინელი მომხმარებლებისთვის მომხიბვლელი იქნება."ჩინეთი მსოფლიოში არა მხოლოდ მეორე ეკონომიკური ძალა გახლავთ, არამედ მსოფლიოში პირველი წვლილის შემტანია ეკონომიკის ზრდაში. მსოფლიო ეკონომიკაში ჩვენი წვლილი დაახლოებით, 30%-ით გაიზარდა და ჩინეთის მშპ წინა წელს 18, 7 ტრილიონი დოლარი შეადგინა და პირველ კვარტალში მშპ 5.4%-ით გაიზარდა, რაც ძირითად ეკონომიკებში ერთ-ერთი წამყვანი მაჩვენებელი გახლავთ.როგორც სტრატეგიული პარტნიორი ჩინური ბაზარი აბსოლუტურად ღიაა ქართველი მწარმოებლებისთვის, განსაკუთრებით ღვინის სფეროში. ჩინეთს ღვინო მსოფლიოს მრავალი ქვეყნიდან შემოაქვს, მაგრამ ქართული ღვინო ახალშემოსულია ჩინურ ბაზარზე. მე ვიცი, რომ საქართველო ღვინის სამშობლოა და ხარისხი ძალიან მაღალია. მნიშვნელოვანია, რომ ქართულმა ღვინომ ჩინურ ბაზარზე იმიჯი გაიმყაროს როგორც მაღალი ხარისხის ღვინო. ამას ძალიან დიდი პოტენციალი გააჩნია.რაც შეეხება თაფლის ექსპორტს ჩინურ ბაზარზე - აღნიშნულ მიმართულებასაც ძალიან დიდი პოტენციალი აქვს. ერთი ქალაქიც, რომ აითვისოს თქვენმა თაფლმა ქართული ექსპორტი ჩინეთში ფაქტობრივად გაორმაგდება. საჭიროა სპეციალური პოზიციების დაჭერა, რაც ჩინელი მომხმარებლებისთვის მომხიბვლელი იქნება. ეს ეხება როგორც თაფლს, ისე ქართულ ღვინოს", - აცხადებს ჭოუ ციენი. 

1745924037

"გარემოსდაცვითი ზედამხედველობის დეპარტამენტისა და სასაზღვრო პოლიციის თანამშრომლების მიერ შედგენილი ადმინისტრაციული სამართალდარღვევის ოქმის საფუძველზე, ფოთის სასამართლომ გემი სამართალდამრღვევად ცნო და 100 000 ლარის ოდენობის ჯარიმა დააკისრა.პანამის დროშის ქვეშ მცურავ გემს საქართველოს ტერიტორიული წყლების დატოვებისა და თავისუფალი ნაოსნობის უფლება დაკისრებული საჯარიმო სანქციისა და გარემოსთვის მიყენებული ზიანის თანხის გადახდის შემდეგ მიეცა.ზღვის დაბინძურების ფაქტების გამოვლენა, აღკვეთა და პრევენცია დეპარტამენტისთვის პრიორიტეტულია. მიმდინარე წელს, უცხო ქვეყნის დროშის ქვეშ მცურავი გემების მიერ ზღვის დაბინძურების 4 ფაქტია გამოვლენილი; 2024 წლის განმავლობაში შავი ზღვის დაბინძურების 16 ფაქტი გამოვლინდა", - ნათქვამია გარემოსდაცვითი ზედამხედველობის დეპარტამენტის მიერ სამშაბათს გავრცელებულ ინფორმაციაში.

1745922101

საქართველოში უცხო ქვეყნის მოქალაქეების რიცხვი სწრაფად მზარდია. იმის  მიუხედავად, რომ მიგრაციული პოლიტიკა მკაცრდება, ქვეყანაში მათი წილი მაინც მატულობს. პარალელურად, დიდია ადგილობრივი მოსახლეობის გადინება. სპეციალისტები აზრით, პროცესი თუ არ დარეგულირდა, შესაძლოა უცხოელების მზარდმა შემოდინებამ, უახლოეს მომავალში, ადგილობრივი მოსახლეობის ეთნიკური შეცვლაც კი გამოიწვიოს.ფაქტია, როცა შენ თვითონ მცირდები და უცხო ქვეყნის მოქალაქეების რაოდენობა იზრდება, ეს კი ჩვენისთანა პატარა ქვეყნისთვის არასახარბიელო ფაქტია. ისინი უკვე საერთო მოთხოვნაში მონაწილეობენ და გარკვეულ როლს თამაშობენ.ექსპერტმა სოსო არჩვაძემ ,,ბიზნეს-რეზონანსთან" აღნიშნა, რომ თუ იმიგრანტთა ფაქტორი უარყოფითად მოქმედებს მოსახლეობის რიცხოვნობაზე, მაშინ მიზეზების აღმოფხვრა უნდა მოხდეს, რადგან ადმინისტრაციული გამკაცრება და რკინის ფარდის ჩამოშვება სახელმწიფოს მხრიდან სწორი და გამართლებული არ იქნება.,,უნდა გვახსოვდეს, რომ ადამიანი თავის არჩევანში თავისუფალია. მისი გადაადგილების ფიზიკური და ადმინისტრაციული შეზღუდვა, ფუნდამენტურ უფლებებს ეწინააღმდეგება. სახელმწიფოს მხრიდან რკინის ფარდის ჩამოშვება, ადმინისტრაციული გამკაცრება სწორი და გამართლებული არ იქნება.ვფიქრობ, რამდენიმე მომენტის თანხვედრასა აქვს ადგილი. ერთის მხრივ, ადამიანებს დამატებითი შემოსავალი, ეკონომიკური მდგომარეობა  საშუალებას აძლევს, რომ თავიანთი მოთხოვნები გადაადგილებაში, მობილურობაში, სხვა ქვეყნების ნახვაში დაიკმაყოფილონ. ესაა დროებით გასვლა. სხვა საკითხია მუდმივი საცხოვრისის დატოვება. მსოფლიოში დაახლოებით იმდენი მიგრანტია, რამდენიცაა ინდონეზიის მოსახლეობა. ხოლო მათ მიერ სამშობლოში გადმოგზანილი თანხების ჯამური მოცულობა გაცილებით ნაკლებია, ვიდრე მათ მიერ ადგილზე გამომუშავებული. დაახლოებით იმდენივეა, რამდენიც არის შვეიცარიის ეროვნული პროდუქტი."- განაცხადა სოსო არჩვაძემ.მისივე თქმით, საქართველოში, წელს უფრო მეტი ქართველი ემიგრანტი შემოვიდა, ვიდრე გავიდა, რაც სასიამოვნო მომენტია, თუმცა პრობლემაა გამსვლელთა და შემომსვლელთა ასაკი.,,როგორც წესი, ბრუნდებიან ხოლმე ასაკში  მყოფი ადამიანები და ახალგაზრდები გადიან. სხვაობა ადგილობრივი მოსახლეობის მედიანურ ასაკსა და გამსვლელთა მედიანურ ასაკთა შორის დაახლოებით 7-8 წელია. ეს რა თქმა უნდა, უარყოფითად მოქმედებს ქვეყნის ეკონომიკურ პოტენციალზე. ამიტომ, სახელმწიფომ უნდა წაახალისოს დემოგრაფიული პროცესები, პოპულარული გახადოს მრავალშვილიანობა. მოკლედ, აგრესიული დემოგრაფიული პოლიტიკა უნდა აწარმოოს.ჩვენთან ყოველი მე-5-ე სტუდენტი უცხოელია. ეს, ერთი მხრივ, ადასტურებს იმას, რომ აქ ცოდნის მიღება პრესტიჟულია, მეორე მხრივ, დამატებით  პრობლემებს უქმნის ადგილობრივ მოსახლეობას სამუშაოს შოვნის, ბინების დაქირავების, სამომხმარებლო ფასების საერთო დონესთან დაკავშირებით. ამიტომ, ჩვენ გვჭირდება აქტიური დემოგრაფიული პოლიტიკა. ასევე, მეტად გააზრებული მიგრაციული პოლიტიკა, რათა მივაღწიოთ იმას, რომ საქართველოს მოქალაქეებისთვის აქ ყოფნა, ცხოვრება, საქმიანობა უფრო პრესტიჟული და ეკონომიურად ეფექტიანი გახდეს", - აღნიშნა არჩვაძემ ,,ბიზნეს-რეზონანსს" საუბრისას.1990-იანი წლებიდან მოყოლებული მოსახლეობის რაოდენობის მხრივ დღემდე სულ კლების ტენდენციაა. ამიტომაც, არსებული ტენდენციები კარგს არაფერს გვიქადის. დემოგრაფი ანზორ სახვაძე მიიჩნევს, რომ თუ არსებული ტემპი შენარჩუნდა, რაც უფრო დრო გავა მით უფრო სწრაფად შემცირდება ადგილობრივი მოსახლეობაც. ამიტომაც, ჩვენს დემოგრაფიულ ფონს უცხო ქვეყნის მოქალაქეების დამკვიდრების მიზნით შემოდინება სერიოზულ საფრთხეს უქმნის.,,ფაქტია, უცხო ქვეყნის მოქალაქეების ჭარბი შემოდინება საფრთხეს უქმნის ქვეყანას. ისინი მაღალი ნაყოფიერებით გამოირჩევიან და შობადობის მაჩვენებელი უფრო მაღალია, ვიდრე ჩვენთან. შესაბამისად, ძალიან მალე, მათი დამკვიდრების შემთხვევაში, ბევრნი გახდებიან. ჩვენ კი, ცხადია, გამრავლებისთვის შობადობის არსებული დონე არ გვყოფნის. ამიტომ, ეს პროცესი გარკვეულ საფრთხეს შექმნის. მიგრაციული პოლიტიკა, დემოგრაფიულ პოლიტიკასთან ერთად უნდა იყოს გააზრებული და კომპლექსურად  მოიცავდეს ყველა საკითხს.სამწუხაროდ, ჩვენ არ ვიცით ეროვნულ ჭრილში ჩვენი დემოგრაფიული მაჩვენებელი. არც ის ვიცით, შობადობის დონით რომელი  ხალხი უფრო გამოირჩევა. ვთქვათ, თუ 100 ბავშვი იბადება, რამდენია დედით, მამით ქართველი ან უცხოელი ამის სტატისტიკა არა გვაქვს. სტატისტიკა ეროვნული ნიშნის მიხედვით მონაცემებს ვეღარ აგროვებს. არადა, ასეთი მონაცემების ქონა აუცილებელია. გამოცხადებულ დემოგრაფიულ პოლიტიკაში ერთ-ერთი საკითხი უნდა იყოს, აღდგეს გრაფა ეროვნულობის შესახებ დაბადების მოწმობაში მაინც, რომ შესაძლებლობა მოგვეცეს ყოველწლიურად თვალი მივადევნოთ რამდენი ქართველი იბადება, ქორწინდება, შორდება და ა.შ. ამით მეტ დეტალურ ინფორმაციას მივიღებთ, რაც  ჩვენნაირი მცირერიცხოვანი ერისთვის მნიშვნელოვანია", - განუცხადა,,ბიზნეს-რეზონანსს" ანზორ სახვაძემ.1990-იან წლებთან შედარებით, ახლა შობადობა 2-ჯერ შემცირებულია. თუ ეს ტემპი შენარჩუნდა, რაც უფრო დრო გავა მით უფრო სწრაფად გაუარესდება დემოგრაფიული მდგომარეობაც.,,1989 წელს, როდესაც ბოლოს ჩატარდა ჩვენი დემოგრაფიული აღწერა, მაშინ დაახლოებით 90 ათასი ბავშვი იბადებოდა საქართველოში, ახლა ეს რიცხვი 2-ჯერ ნაკლებია. შესაბამისად, ეს გარემოება ორჯერ შეამცირებს მოსახლეობის რაოდენობას, სულ რაღაც ორი თაობის განმავლობაში. დინამიკა მილევადია. 1990-იანი წლებიდან დღემდე მოსახლეობის რაოდენობა სულ იკლებს. ამ ფონზე კი, უცხოელი მოქალაქეების დამკვიდრება სერიოზულ საფრთხეს ქმნის.ჩვენი თანამემამულეებიც უკეთესი პირობების მქონე ქვეყნებში დადიან და იქ ჩერდებიან. აქედანაც ვერავის გავყრით. ამიტომაც ოქროს შუალედი უნდა მოინახოს. ეს უნდა იყოს  სახელმწიფოებს შორის კვოტირების კონსენსუსი. საჭიროა სხვადასხვა ქვეყნის წარმომადგენლები შეთანხმდნენ და ამერიკის მსგავსად, ორმხრივი შეთანხმების საფუძველზე კვოტირების პრინციპი აამოქმედონ. თუ შემომსვლელთა და გამსვლელთა რაოდენობა ლიმიტით განისაზღვრება, შემდეგ კონტროლიც გამკაცრდება. ვფიქრობ, ეს გზა გაამართლებს. ამით არავის გავანაწყენებთ, არც გაგდების ფორმა იქნება და არც ჩვენი ქვეყნის უპატივცემლობას ვაპატიებთ ვინმეს", - აღნიშნა სახვაძემ ,,ბიზნეს-რეზონანსთან" საუბრისას.წყარო: resonancedaily.com

1745919709

"გლობალურად მომატებული გაურკვევლობა. აშშ-ის პრეზიდენტის, დონალდ ტრამპის მიერ სავაჭრო ტარიფების დაწესებამ და სხვა მსხვილი ეკონომიკების საპასუხო, თუმცაღა სხვადასხვაგვარმა, ზომებმა, გასულ თვეში მნიშვნელოვნად შეცვალა გლობალური ეკონომიკური პერსპექტივები. ვინაიდან ნაკლებსავარაუდოა რომ პროტექციონიზმისკენ გლობალურმა გადახრამ რომელიმე ცალკეულ ეკონომიკაზე დადებითად იმოქმედოს, ეკონომიკური ზრდის მოლოდინები შემცირდა, ხოლო საინვესტიციო მოთხოვნამ შედარებით უსაფრთხო აქტივებისაკენ გადაინაცვლა, რამაც ოქროს ფასის ისტორიულ მაქსიმუმამდე ზრდა განაპირობა. მეორე მხრივ, გლობალური რეცესიის შიშების გამო, აშშ დოლარისა და ნავთობის ფასები შემცირდა, რაც მიმდინარე მოვლენების არაპირდაპირ ეფექტებზე აქცენტის გაკეთების მნიშვნელობასაც უსვამს ხაზს. ამავე დროს, გასათვალისწინებელია ისიც, რომ საერთაშორისო ბაზრებზე გაურკვევლობას კიდევ უფრო ზრდის დაწესებული პოლიტიკის გადახედვის ან სულაც გაუქმების შესაძლებლობაც.სავარაუდო გავლენა საქართველოზე სატარიფო პოლიტიკის გამოცხადებული სახით შენარჩუნების შემთხვევაში - ზომიერად უარყოფითი ეფექტი ზრდაზე, ხოლო ლარის კურსისთვის ამ ეტაპზე პოზიტიური, თუმცა პოტენციურად ნეგატიური შედარებით ხანგრძლივ პერსპექტივაში. ანალიტიკოსები თანხმდებიან, რომ სავაჭრო ტარიფების დაწესების შედეგად, ყველაზე მეტად ევროკავშირი - საქართველოში სავალუტო შემოდინებების უდიდესი წყარო, ჩინეთი, ისრაელი და თავად აშშ დაზარალდებიან. თუმცა, გლობალური მოთხოვნის შემცირებით გამოწვეული ეფექტები საქართველოს სხვა სავაჭრო პარტნიორებზეც უარყოფითად აისახება, მათ შორის ნავთობზე დამოკიდებულ ეკონომიკებზე. მიუხედავად იმისა, რომ სავალუტო შემოდინებების დივერსიფიკაცია ხელს უწყობს საქართველოს მდგრადობას გარე შოკების მიმართ, ჩვენი შეფასებით, პარტნიორ ქვეყნებში ეკონომიკური ზრდის შემცირება საქართველოს ზრდასაც დაახლოებით 0.7 პროცენტული პუნქტით შეამცირებს.მეორე მხრივ, ვვარაუდობთ, რომ ნავთობის ფასების შემცირებით გამოწვეული დეზინფლაციური ეფექტი სწრაფად გახდება შესამჩნევი და წლიური ინფლაცია უკვე მომდევნო თვეში 0.1-0.2 პროცენტული პუნქტით შემცირდება, ხოლო თუ გლობალური ფასები უცვლელი დარჩება, ეფექტი პოტენციურად 0.5 პროცენტულ პუნქტსაც მიაღწევს.რაც შეეხება ლარს, ვფიქრობთ, პოტენციური ეფექტები მოკლე და გრძელვადიან პერსპექტივაში განსხვავებული იქნება. კერძოდ, დოლარის გლობალურად დასუსტების მყისიერი ეფექტი ლარისთვის მკვეთრად პოზიტიურია - ეროვნული ვალუტა აშშ დოლარის მიმართ მყარდება, სავაჭრო პარტნიორების ვალუტების გამყარებამ კი ლარის რეალური ეფექტური გაცვლითი კურსის მცირედით დასუსტებაც გამოიწვია. თუმცა, უფრო ხანგრძლივ პერსპექტივაში, სავაჭრო პარტნიორებიდან მოთხოვნისა და, შესაბამისად, სავალუტო შემოდინებების შემცირება, ლარისთვის გარკვეული უარყოფითი ეფექტების წარმოშობასაც მოასწავებს.ლარი/ევრო/დოლარის ბიზნეს სტრატეგია - საშუალო და გრძელვადიან ინდიკატორებზე ორიენტირება მნიშვნელოვან სარგებელს იძლევა. ტარიფების პოლიტიკა და აშშ დოლარის მიმართ მოლოდინების გაუარესება კიდევ ერთი მაგალითია იმისა, რომ მოკლევადიან პერიოდში ბაზრის განწყობები ხშირად მნიშვნელოვნად იცვლება, რის საპირწონედაც ჩვენი რჩევა მოკლევადიან რყევებზე ზედმეტი აქცენტის გაკეთებისგან თავის შეკავება და უფრო მეტად საშუალო და გრძელვადიანი ინდიკატორების გათვალისწინებაა. მაგალითისათვის, 2022 წლის შემოდგომაზე, როდესაც ევრო თავის წონასწორულ ნიშნულთან შედარებით გაუფასურდა, მართალია დამატებით დასუსტებას ვერ გამოვრიცხავდით, თუმცა გრძელვადიან შეფასებაზე დაყრდნობით, ჩვენი რჩევა ევროში ნაკლები სესხის აღება იქნებოდა. შესაბამისად, ევროზონის ვალუტის ამჟამინდელი გამყარება ამ მომენტისთვის ევროში მეტი სესხის აღების მომგებიანობაზე მიანიშნებს, თუმცაღა, მხედველობაში უნდა ვიქონიოთ რომ ევრო/დოლარი, თავის გრძელვადიან ტრენდთან შედარებით, ჯერაც სუსტი რჩება. საილუსტრაციოდ, დაფინანსების ოპტიმალური სავალუტო სტრუქტურის წარმოდგენილი ჩარჩო, საქართველოს კორპორატიულ სექტორში, 2013 წლიდან დღემდე 8 მილიარდი ლარის პოტენციურ სარგებელზე მიუთითებს. შედარებისათვის, საქართველოში კორპორატიული სესხების მოცულობა 22 მილიარდი ლარის ექვივალენტია.მიმდინარე დინამიკა საქართველოში – უახლესი ინდიკატორები ეკონომიკური ზრდის მაჩვენებლების გაუმჯობესებაზე მიუთითებს, ეროვნული ბანკი კი რეზერვების შევსებას უკვე უფრო მოცულობითი ინტერვენციებით ახორციელებს. გამომდინარე იქიდან, რომ საქართველოს ეკონომიკური ზრდა მნიშვნელოვნადაა დამოკიდებული ჩვენს ძირითად სავაჭრო პარტნიორებში არსებულ ეკონომიკურ ვითარებაზე, ბოლო მოვლენებმა საქართველოს ზრდის განტოლებაში საგარეო კომპონენტის მნიშვნელობას კიდევ ერთხელ გაუსვა ხაზი. ამასთან, რას გვიჩვენებს ეკონომიკური აქტივობის უახლესი ინდიკატორები?მარტსა და აპრილში გაუმჯობესება იკვეთება ტურიზმიდან მიღებულ შემოსავლებსა და უნაღდო დანახარჯებში, მათ შორის ხანგრძლივი მოხმარების საქონელზე, თუმცა, ჩვენი შეფასებით, მიგრანტების ხარჯები მარტში დაფიქსირებული ზრდის შემდეგ შედარებით შემცირდა. ექსპორტის ზრდას ძირითადად კვლავ რე-ექსპორტი განაპირობებს, ხოლო ფულადი გზავნილების მხრივ, მარტში, რუსეთიდან მიღებული გზავნილების მაღალი საბაზო ეფექტის გათვალისწინებითაც კი, 4%-იანი წლიური ზრდა დაფიქსირდა. ჯამურად, წმინდა სავალუტო შემოდინებები მარტში მხოლოდ მცირედით გაუარესდა იმპორტის აღდგენის გამო, ხოლო დეპოზიტების სავალუტო კონვერტაციების დინამიკა ბოლო პერიოდში მეტ-ნაკლებად ლარისთვის პოზიტიური გახდა. შესაბამისად, როგორც მოკლე, ასევე გრძელვადიან შეფასებებზე დაყრდნობით, ლარი, წონასწორულ ნიშნულებთან შედარებით, უფრო სუსტია. ზემოხსენებულმა ფაქტორებმა, აშშ დოლარის გლობალურ დასუსტებასთან ერთად, რეზერვების შესავსებად უფრო მოცულობითი ინტერვენციების განხორციელების შესაძლებლობა მისცა ეროვნულ ბანკს, რომელმაც მარტში სავალუტო ბაზარზე დაახლოებით 102 მილიონი აშშ დოლარი შეიძინა, ხოლო აპრილში განხორციელებული შესყიდვების მოცულობა, ჩვენი შეფასებით, კიდევ უფრო დიდი იქნება. ამ ფონზე, თუკი სამომავლოდ აშშ დოლარი კიდევ უფრო მკვეთრად არ გაუფასურდება, ჩვენ კვლავ ვინარჩუნებთ შეფასებას, რომ გაუმჯობესებული სავალუტო ნაკადები სებ-ის საერთაშორისო რეზერვების შევსებას უფრო გამოიწვევს, ვიდრე ლარის მნიშვნელოვან გამყარებას,"- ნათქვამია მიმოხილვაში.

1745918770

მისივე თქმით, ეს აეროპორტი ნატოსა და ევროპის წინააღმდეგ იქნება მიმართული.„რუსეთი, რომელსაც ოკუპირებული აქვს აფხაზეთი, მიზანმიმართულად ახორციელებს ანექსიის პოლიტიკას. სწორედ ამ პოლიტიკის შემადგენელი ნაწილი გახლავთ აეროპორტის აღდგენა. ეს არის არამარტო სამოქალაქო აეროპორტი, არამედ არის იმავდროულად სამხედრო ბაზირების. დარწმუნებული ვარ, რომ ეს უფრო იქნება სამხედრო დანიშნულების, ვიდრე სამოქალაქო. აეროპორტი უკვე ფაქტობრივად ამუშავებულია. ყველას გვახსოვს 7 თებერვალს საპილოტე ფრენა მოსკოვიდან სოხუმში. შემდეგ გაკეთდა განცხადებები, რომ 3 მაისს დაიწყება ფრენა მოსკოვიდან, 6 მაისს ნიჟნი ნოვგოროდიდან და ა.შ.ეს არის არამხოლოდ სამოქალაქო ავიაციისთვის განკუთვნილი, არამედ არის სამხედრო ბაზირების. ისმის კითხვა, სამხედრო ავიაცია, რომელიც იქნება განლაგებული შავი ზღვის სანაპიროზე, ვის წინააღმდეგ არის მიმართული? მარტო საქართველოსი? - რა თქმა უნდა, არა. საქართველოს საწინააღმდეგოდ სავსებით საკმარისია ის, რაც არის გუდაუთაში, ბომბორას აეროპორტი. მაშინ ეს დამატებითი რისთვის და ვის წინააღმდეგაა მიმართული? - რა თქმა უნდა, ნატოს წინააღმდეგ, ევროპის წინააღმდეგაა. ჩვენ ველოდებით, რომ ნატო და ევროკავშირი ამას კარგად გაიაზრებენ და შესაბამის განცხადებას გააკეთებენ, ზეწოლას განახორციელებენ რუსეთის წინააღმდეგ იმისთვის, რომ შეწყდეს ამ აეროპორტის უკანონო ექსპლუატაცია. ეს არის სუფთა რუსული აეროპორტი და ანექსიის პოლიტიკის შემადგენელი ნაწილი, რასაც რუსეთი ახორციელებს წლების განმავლობაში. ამიტომ არამარტო საქართველო, არამედ ევროპა, ევროკავშირი, ნატო საკუთარი ინტერესებიდან გამომდინარე უნდა ჩაერთონ, რომ შეწყდეს ექსპლუატაცია“, - განაცხადა ჯემალ გამახარიამ.ცნობისთვის, რუსეთში აფხაზეთის ე.წ. ელჩმა, ალხას კვიცინიამ რუსულ მედიასთან ინტერვიუში განაცხადა, რომ საქართველოს მცდელობის მიუხედავად, რუსულ ავიაკომპანიებს სოხუმის აეროპორტში ფრენები აუკრძალოს, რუსეთსა და აფხაზეთს შორის საჰაერო მიმოსვლა გეგმის შესაბამისად დაიწყება. მისი თქმით, რუსეთსა და აფხაზეთს შორის საჰაერო მიმოსვლის დაწყების ოფიციალური თარიღი 1-ელი მაისია.

1745918570