საქართველოში ევროკავშირიდან მოგზაურობით მიღებული შემოსავლები მზარდია - ეროვნული ბანკი

მინისტრის მოადგილის ინფორმაციით, 2026 წლის პირველი კვარტლის სტატისტიკით შემოსავლების ნაწილში 36 - პროცენტიანი ზრდით ევროკავშირი ლიდერობს - ამ მიმართულებიდან მიღებულმა შემოსავლებმა 141 მლნ აშშ დოლარი შეადგინა, რაც მთლიანი შემოსავლების 17%-ია. ასევე მნიშვნელოვანია თურქეთის წილიც, რომელიც შემოსავლების დაახლოებით 15%-ს აგენერირებს.„ტურისტული ნაკადების დივერსიფიცირებისა და პირდაპირი ფრენების კიდევ უფრო მეტად სტიმულირების შედეგად, ვიმედოვნებთ, რომ ტურისტული ნაკადებისა და ტურიზმიდან მიღებული შემოსავლების ზრდის ტენდენცია ზაფხულის ტურისტული სეზონის განმავლობაშიც შენარჩუნდება, - აცხადებს ეკონომიკისა და მდგრადი განვითარების მინისტრის მოადგილე.

1776767720

ულიმიტო მეგაბაიტები• ულიმიტო წუთები• ულიმიტო SMS დამატებით მიიღე უამრავი სხვა ბენეფიტიც: ყოველკვირეული საჩუქრები MyCellfie აპლიკაციაში• ტელკო ინდუსტრიის ერთადერთი ლოიალობის პლატფორმით სარგებლობა• ყოველ 5000 გადადგმულ ნაბიჯზე მეგაბაიტები საჩუქრად 25%-ით გაზრდილი სიჩქარე ინტერნეტზე მხოლოდ ₾5, მთელი კვირა.https://go.cellfie.ge/daimate_cellfie

1776767447

„საერთაშორისო მოგზაურობიდან მიღებულ შემოსავალში 2026 წლის I კვარტალში ევროკავშირის ქვეყნების წილი 17.0%-ით განისაზღვრა და 140.7 მილიონ აშშ დოლარს გაუტოლდა - ზრდა წინა წლის ანალოგიურ მაჩვენებელთან შედარებით 36.4%-ია.სტატისტიკის მიხედვით, გაზრდილია თურქეთიდან და უკრაინიდან მიღებული შემოსავლები, წლიურად 12.2% და 34.2%-ით და, შესაბამისად, 120.1 და 45.3 მლნ აშშ დოლარს უტოლდება. ახლო აღმოსავლეთში ომის ფონზე, შემცირებულია ისრაელიდან მიღებული მოგზაურობიდან შემოსავლები წლიურად 13.4%-ით 98.9 მლნ აშშ დოლარამდე.კლების ტენდენციით ხასიათდება რუსეთიდან შემოსავლები - 2026 წლის I კვარტალში რუსეთიდან საქართველოში მოგზაურობით მიღებული შემოსავლები 12.3%-ით შემცირდა.საქართველოს შემოსავლები მოგზაურობიდან ქვეყნების ჭრილში 2026 წლის პირველ კვარტალში შემდეგნაირად ნაწილდება:აზერბაიჯანი - 48.1 მილიონი აშშ დოლარი;ბელარუსი - 16.2 მილიონი აშშ დოლარი;თურქეთი - 120.1 მილიონი აშშ დოლარი;ირანი - 9.7 მილიონი აშშ დოლარი;ისრაელი - 98.9 მილიონი აშშ დოლარი;რუსეთი - 124.3 მილიონი აშშ დოლარი;საუდის - არაბეთი 12.9 მილიონი აშშ დოლარი;სომხეთი - 28.8 მილიონი აშშ დოლარი;უკრაინა - 45.3 მილიონი აშშ დოლარი;ევროკავშირი - 140.7 მილიონი აშშ დოლარი;დანარჩენი ქვეყნები - 185.0 მილიონი აშშ დოლარი", - აღნიშნულია ინფორმაციაში.

1776764485

საქართველოს ტურიზმის ასოციაციის თავმჯდომარის, ნატა კვაჭანტირაძის განცხადებით, 2026 წლის პირველი კვარტლის დადებით შედეგებს ევროპასთან და განსაკუთრებით დიდ ბრიტანეთთან პირდაპირი ფრენების ზრდამ შეუწყო ხელი.„შეგვიძლია ვთქვათ, რომ პირველი კვარტლის მონაცემები საკმაოდ დადებითი მაჩვენებლით დასრულდა. ზრდა დაფიქსირდა როგორც პროდუქტების, ისე ევროპული მიმართულების კუთხით. ამ შედეგებს მნიშვნელოვნად შეუწყო ხელი პირდაპირი ავიამიმოსვლის გაძლიერებამ: დაინიშნა არაერთი პირდაპირი ფრენა როგორც ბრიტანეთის, ისე ევროპის სხვადასხვა ქვეყნის მიმართულებით. ბრიტანელი და ევროკავშირის ქვეყნების ვიზიტორები ჩვენთვის პრიორიტეტულ სეგმენტს წარმოადგენს.მიუხედავად გლობალური გამოწვევებისა, რაც ნეგატიურ გავლენას ახდენს ტურიზმზე, იმედი მაქვს, დამდეგი სეზონი კიდევ უფრო დადებითი მაჩვენებლით დასრულდება და შესაბამისად, სექტორზე აისახება მთლიანად ის წარმატება, რომელიც შემოსავლების ჭრილში ჩვენი ეკონომიკური განვითარებისთვის მნიშვნელოვანი და პრიორიტეტულია,“ - აღნიშნა ნატა კვაჭანტირაძემ.ოფიციალური მონაცემებით, 2026 წლის იანვარი-მარტის პერიოდში მნიშვნელოვნად გაიზარდა ტურიზმიდან მიღებული შემოსავლები ევროკავშირიდან და დიდი ბრიტანეთიდან (გაიზარდა 37.6 მლნ. აშშ. დოლარით, 36.4%-ით და 140.7 მლნ. აშშ. დოლარი შეადგინა, თურქეთიდან გაიზარდა 13.1 მლნ. აშშ. დოლარით, 12.2%-ით და 120.1 მლნ. აშშ. დოლარი შეადგინა. საუდის არაბეთიდან გაიზარდა 4.1 მლნ. აშშ. დოლარით, 47.6%-ით და 12.9 მლნ. აშშ. დოლარი შეადგინა.

1776764392

დეველოპერულმა კომპანია „ზიონმა“ და ლიბერთი ბანკმა სტრატეგიული პარტნიორობის შესახებ მემორანდუმს მოაწერეს ხელი. შეთანხმების ფარგლებში, ლიბერთის მხარდაჭერით, დეველოპერული კომპანიის ერთ-ერთი ყველაზე გამორჩეული პროექტის განხორციელება იწყება, რომელიც თბილისის ისტორიულ ნაწილში, მელიქიშვილის გამზირზე, საერთაშორისო სტანდარტების A კლასის ბიზნეს ცენტრის მშენებლობას ითვალისწინებს.პროექტის ჯამური საინვესტიციო მოცულობა 8.5 მლნ ამერიკული დოლარია, საიდანაც ბანკი 6 მლნ დოლარი ინვესტიციას განახორციელებს. ამ თანამშრომლობით ორი კომპანია, ხელს შეუწყობს დედაქალაქის ურბანულ განვითარებას და ბიზნესისათვის პრემიალური სივრცეების შექმნას.„ბიზნეს ცენტრი მელიქიშვილზე „ზიონის“ ერთ-ერთი მასშტაბური პროექტია, რომელიც მშენებლობის ინოვაციური ტექნოლოგიით გამოირჩევა. შესაბამისად, მისი განხორციელების პროცესში ძლიერი და საიმედო ფინანსური პარტნიორის მხარდაჭერა კრიტიკულად მნიშვნელოვანია. მოხარულები ვართ, რომ ლიბერთი ბანკი დღეიდან ჩვენი სტრატეგიული მოკავშირეა. 6 მილიონი დოლარის მოცულობის ინვესტიცია საშუალებას მოგვცემს, მშენებლობის პროცესი მაღალი ხარისხის და წინასწარ გაწერილი ვადების სრული დაცვით წარვმართოთ. ეს პარტნიორობა ჩვენთვის არა მხოლოდ ფინანსური მხარდაჭერა, არამედ ნდობისა და საერთო ხედვის დასტურია, რომლის ფარგლებშიც შევძლებთ თბილისის საქმიანი გარემო ახალ ეტაპზე გადავიყვანოთ.“ - გიორგი რეხვიაშვილი, დეველოპერული კომპანია „ზიონის“ ფინანსური დირექტორი.„მოხარულები ვართ, რომ „ზიონის“ მასშტაბური და ინოვაციური პროექტის ფინანსური პარტნიორი ვართ. აღნიშნული თანამშრომლობა სრულად შეესაბამება ლიბერთის სტრატეგიას, რომელიც კერძო სექტორის მხარდაჭერას და ქვეყნის ეკონომიკურ განვითარებაში აქტიურ ჩართულობას გულისხმობს.მელიქიშვილის ბიზნესცენტრი გამორჩეული პროექტია, როგორც თავისი არქიტექტურული გადაწყვეტით, ისე ლოკაციით, რაც მას მნიშვნელოვან კომერციულ პოტენციალს ანიჭებს. ჩვენთვის მნიშვნელოვანია ისეთი ინიციატივების მხარდაჭერა, რომლებიც ქმნის თანამედროვე, ხარისხიან ბიზნესგარემოს და ხელს უწყობს თბილისის ურბანულ განვითარებას.გვჯერა, რომ „ზიონთან“ პარტნიორობა წარმატებული იქნება და აღნიშნული პროექტი ერთ-ერთი გამორჩეული ბიზნესჰაბი გახდება როგორც ადგილობრივი, ისე საერთაშორისო კომპანიებისთვის.“- რატი მეხრიშვილი, ლიბერთის კორპორატიული საბანკო მომსახურების დეპარტამენტის ხელმძღვანელი.,,ზიონის“ მისია ხარისხს, პროგრესსა და გარემოსთან ჰარმონიულ თანაარსებობას ეფუძნება. მელიქიშვილის ბიზნესცენტრის კონცეფციაც სწორედ ამ ღირებულებებს იზიარებს და სრულ თანხვედრაშია დედაქალაქისათვის უმნიშვნელოვანესი ისტორიული გამზირის არქიტექტურულ მემკვიდრეობასა და თანამედროვე სტატუსთან. მოხარულები ვართ, რომ ლიბერთი ბანკთან პარტნიორობით ვქმნით პრეცედენტს, სადაც ინოვაციური ხედვა და ბიზნესის საჭიროებები ერთმანეთს პრესტიჟულ ლოკაციაზე შეხვდება. გვინდა, შევქმნათ არა უბრალოდ სამუშაო სივრცე, არამედ გარემო იდეებისა და მომავლისთვის, რომელიც კომპანიებისთვის ყველაზე სასურველ მისამართად იქცევა“- ნათია ცხადაია, დეველოპერული კომპანია „ზიონის“ ბიზნესის განვითარების დირექტორი.საერთაშორისო სტანდარტების ბიზნესცენტრი დედაქალაქის ერთ-ერთ ცენტრალურ გამზირზე, მელიქიშვილის 41-ში განთავსდება. 8 სართულიანი შენობის კონცეფცია არქიტექტურულ სტუდია Dephani-ს ეკუთვნის.პროექტის გამორჩეული უპირატესობა მისი ინოვაციური ფასადია, - საქართველოს სამშენებლო სექტორში პირველად „ზიონი“ გამოიყენებს ულტრათანამედროვე გამჭირვალე ბეტონის პანელებს, რაც ობიექტს განსაკუთრებულ ესთეტიკას და მსუბუქ ფორმებს შესძენს. ბიზნესცენტრის მშენებლობის პროცესი უკვე დაწყებულია და მისი დასრულება 2029 წლისთვის იგეგმება.პროექტი მდებარეობს თბილისის ისტორიულ გამზირზე, რომელმაც წლებია მნიშვნელოვანი კომერციული დატვირთვაც შეიძინა. „ზიონის“ ბიზნესცენტრი სწორედ ამ დინამიურ გარემოში წამყვან ადგილს დაიკავებს. კომპანიაში მოლოდინი აქვთ, რომ თანამედროვე ინფრასტრუქტურის და მაღალი სტანდარტების გათვალისწინებით, ცენტრი მელიქიშვილზე, საერთაშორისო თუ ადგილობრივი კომპანიებისთვის ყველაზე მოთხოვნად ბიზნესჰაბად ჩამოყალიბდება.„ზიონის“ შესახებ:„ზიონი“ ქართულ-ებრაული დეველოპერული კომპანიაა, რომელიც საერთაშორისო გამოცდილებასა და ხარისხის უმაღლეს სტანდარტებს აერთიანებს. მისი პორტფოლიო გამორჩეული პროექტებისგან შედგება: კრწანისის დიპლომატიური უბნის ექსკლუზიური კომპლექსი ZION Krtsanisi Embassies, პრესტიჟული ვილები წავკისში — ZION Olive Gardens, Radisson Individuals-ის ქსელის სასტუმრო ქუთაისში და A-კლასის ბიზნეს ცენტრები თბილისში.სულ სხვა სტანდარტის შესაქმნელად, „ზიონი“ გლობალურ ლიდერებთან თანამშრომლობს, როგორებიცაა შვეიცარიული Schindler, სკანდინავიური Akukon და ისრაელის წამყვანი მენეჯმენტ-ჯგუფი Capital Maintenance.ლიბერთის შესახებ:ლიბერთი ბანკი საქართველოში ერთ-ერთი უმსხვილესი ფინანსური ინსტიტუტია და ემსახურება 1.7 მილიონზე მეტ ფიზიკურ პირს და 60,000-ზე მეტ მცირე და საშუალო ბიზნესს.ქვეყნის მასშტაბით წარმოდგენილია ყველაზე ფართო ქსელით: 500-მდე მომსახურების ცენტრით, 700-მდე ბანკომატით, ყველა რეგიონსა და მუნიციპალიტეტში. დასაქმებულ თანამშრომელთა რაოდენობა 5,600-ს აღემატება. ბანკის აქტივები 5.8 მლრდ ლარს შეადგენს, მთლიანი საკრედიტო პორტფელი 4.2 მლრდ ლარია, ხოლო დეპოზიტების პორტფელი 4.17 მლრდ ლარი. ბანკის 2025 წლის წმინდა მოგება 128 მილიონი ლარია.

1776764149

შესაბამისად, გლობალურ ბაზრებზე განწყობები მერყევი რჩება. ჰორმუზის სრუტის გახსნასთან დაკავშირებით გაკეთებული თავდაპირველი განცხადების შემდეგ ბარელი ნავთობის ფასი 10%-ით დაეცა, თუმცა ორშაბათს ვაჭრობის განახლების შემდგომ კვლავ 95 აშშ დოლარამდე გაძვირდა. აღსანიშნავია, რომ, სხვადასხვა საზომით, ფიზიკური ბარელი ნავთობის რეალური ფასი, დაახლოებით, 30 აშშ დოლარით უფრო მაღალიცაა. ამავდროულად, გუშინ მცირედი გამყარების მიუხედავად, აშშ დოლარი, ფაქტობრივად, ესკალაციამდე ნიშნულს დაუბრუნდა - როგორც ევროსთან, ასევე ძირითად სავაჭრო პარტნიორებთან მიმართებით - რაც, ჩვენი პროგნოზების შესაბამისად, მიუთითებს, რომ ევრო-დოლარის წყვილზე მოქმედი საშუალო და გრძელვადიანი ფაქტორების კუთხით საერთო სურათი მეტწილად უცვლელია.საშინაო და საგარეო ტენდენციების ერთობლიობის გათვალისწინებით, თიბისი კაპიტალი საქართველოს ეკონომიკური ზრდის პროგნოზს 2026 წლისთვის 4.5%-დან 6.1%-მდე ზრდის:ა) მოსალოდნელია, რომ ახლო აღმოსავლეთის კონფლიქტი შედარებით მოკლე ვადაში დასრულდება, ტურიზმზე ნეგატიური ეფექტი კი, გარკვეულწილად, სასაქონლო პროდუქტების ექსპორტის, ასევე პოტენციურად მიგრაციის ეფექტისა და ნავთობის ექსპორტიორი ქვეყნებიდან მოთხოვნის ზრდით დაბალანსდება.ბ) საქსტატის მიერ გამოქვეყნებული თებერვლის ეკონომიკური ზრდის წინასწარი შეფასება მოსალოდნელზე მაღალია.გ) - პროგნოზის გაზრდის შედარებით ყველაზე წონადი ფაქტორი. ადრინდელი მოლოდინებისგან განსხვავებით, სამწუხაროდ, ამ ეტაპზე შედარებით ნაკლებად სავარაუდოა, რომ უკრაინაში ომი მოკლე ვადაში დასრულდება. ამდენად, ომისშემდგომი სავალუტო ნაკადების ნაწილობრივ პოტენციური გადინების გადავადება  საქართველოში უფრო მაღალი ზრდის არგუმენტია.რაც შეეხება უახლეს მონაცემებს, რეზიდენტების უნაღდო დანახარჯები მარტსა და აპრილის პირველ ნახევარში თებერვალზე მცირედით მაღალია, მაგრამ არარეზიდენტების ხარჯებში - რომლებიც ტურიზმიდან შემოსავლების პროგნოზირებისთვის გამოიყენება - ბოლო ორ თვეში მნიშვნელოვანი შენელება იკვეთება. ამავდროულად, მარტის შემდგომ დაბალი რჩება საქართველოს აეროპორტებში ფრენების რაოდენობა, განსაკუთრებით ბათუმში, თუმცა ბოლო დღეებში თბილისში გარკვეულწილად მატებაც შეინიშნება.საქართველოში საერთაშორისო ვიზიტორების რაოდენობა (კვარტალური მონაცემები) პირველ კვარტალში წლიურად თითქმის არ შეცვლილა - 1.2 მილიონი (-0.2%). ვინაიდან იანვარსა და თებერვალში, წინასწარი შეფასებით, ტურიზმიდან შემოსავლები საკმაოდ მაღალი იყო, აღნიშნული დინამიკა მარტში შესამჩნევ კლებაზე მიუთითებს. გეოგრაფიულ ჭრილში, მოთხოვნის ძლიერი ზრდა დაფიქსირდა ევროპიდან და ჩრდილოეთ და სამხრეთ ამერიკიდან, რამაც დიდწილად დააბალანსა შემცირებული ვიზიტები ახლო აღმოსავლეთიდან, სამხრეთ აზიიდან და აფრიკის გარკვეული ქვეყნებიდან. მნიშვნელოვან შეკითხვად რჩება მიმდინარე მოვლენების გავლენა რეგიონს მიღმა ქვეყნებიდან ვიზიტებზე, განსაკუთრებით კონფლიქტის გახანგრძლივების შემთხვევაში.თუმცა, მიუხედავად სტუმარმასპინძლობის სექტორში შენელებისა, წმინდა სავალუტო შემოდინებების ყოველთვიური საზომი, რომელიც საქონლით ვაჭრობას, ფულად გზავნილებსა და ტურიზმიდან შემოსავლებს აერთიანებს, მარტში მხოლოდ მცირედით გაუარესდა. საქონლის ექსპორტი წლიურად 24%-ით გაიზარდა, სასაქონლო პროდუქტებზე მაღალი ფასების ფონზე,ჩვენი პროგნოზის შესაბამისად, ხოლო იმპორტი - 4.7%-ით. ამავდროულად, წლიურად 10%-ით მოიმატა ფულადმა გზავნილებმა. მათ შორის 25%-ით გაიზარდა ჩარიცხვები ისრაელიდან, მაშინ როდესაც ახლო აღმოსავლეთის ესკალაციამდე, იანვარ-თებერვალში, ეს მაჩვენებელი 16%-ს შეადგენდა.ლარის გაცვლითი კურსი, რომელიც მარტის დასაწყისში დეპოზიტების კონვერტაციების ფონზე გაუფასურდა,აპრილში უმნიშვნელოდ, თუმცა მაინც მყარდება, რაც მოლოდინებთან თანხვედრაშია და მიუთითებს, რომ სავალუტო შემოდინებების სხვა წყაროები, გარდა ტურიზმისა, მაღალ ნიშნულზე რჩება. ვინაიდან მოსალოდნელია, რომ ინფლაციური ზეწოლა წლის განმავლობაში გაძლიერდება, მათ შორის კონფლიქტის შედარებით სწრაფად დასრულების სცენარშიც, ჩვენი შეფასებით, ეს ლარის მოკლევადიან პროგნოზზე გამყარების მიმართულებით იმოქმედებს. საპირისპიროდ, გასათვალისწინებელია წლიურ ჭრილში საგარეო ბალანსის მცირედი, თუმცა მაინც მოსალოდნელი გაუარესება. ამდენად, განახლებული პროგნოზით, წლის განმავლობაში ლარი, დაახლოებით, არსებულ ნიშნულთან ახლოს შენარჩუნდება.და ბოლოს, წლიური ინფლაცია თებერვლის 4.6%-დან მარტში 4.3%-მდე შენელდა, თუმცა აღნიშნული მნიშვნელოვნად არის განპირობებული პურის ფასებთან დაკავშირებული საბაზო ეფექტებით, რაც აპრილშიც გაგრძელდება. ჯამურად, პურის ფასის შარშანდელი ზრდის ეფექტი ინფლაციაზე ჯერ კიდევ 0.6 პროცენტული პუნქტი რჩება, რაც წლის განმავლობაში ამოიწურება. საყურადღებოა, რომ სეზონურად შესწორებული და გაწლიურებული თვიური ინფლაცია, რომელიც ამ საბაზო ეფექტებს გამორიცხავს, 8.6%-მდე აჩქარდა. იმავე მაჩვენებელმა იმპორტული ინფლაციისთვის 10.4%-ს მიაღწია, საწვავის ფასების ზრდის ფონზე, რაც 2023 წლის ოქტომბრის შემდეგ ყველაზე მაღალი მაჩვენებელია. აპრილში საწვავის ფასების დამატებითი ზრდა, ქვეყნის შიგნით ელექტროენერგიის ტარიფისა და გლობალურად საკვებზე, სასუქებსა და ტრანსპორტირებაზე ხარჯების ზრდასთან  ერთად, ინფლაციურ ზეწოლას გააძლიერებს. თიბისი კაპიტალის პროგნოზით, წლიური ინფლაცია დეკემბერში 5.6%-ს მიაღწევს, რაც იანვრის პროგნოზზე 2 პროცენტული პუნქტით მეტია. საბაზო სცენარით, სასაქონლო პროდუქციაზე ფასები თანდათან შემცირდება, თუმცა კონფლიქტამდე ნიშნულებზე ზემოთ დარჩება. კერძოდ, მაგალითად, ნავთობის ფასი, წლის ბოლოსთვის, დაახლოებით, 80 აშშ დოლარს გაუტოლდება. შესაბამისად, მოსალოდნელია, რომ რეფინანსირების განაკვეთი წლის განმავლობაში უცვლელად, 8%-ზე შენარჩუნდება, იმ დაშვებით, რომ ახლო აღმოსავლეთში კონფლიქტის შემდგომი ესკალაცია არ მოხდება.იხილეთ პუბლიკაციის სრული ვერსია შემდეგ ბმულზე: 

1776761583