ხუციშვილი - ვფიქრობ საქართველოს ფასიანი ქაღალდების მიმართ ინვესტორთა ინტერესი გაიზრდება

კერძოდ, პოლიციას მომხმარებელმა მიაწოდა ინფორმაცია სტაფილოსა და კარტოფილის პიურეს მოწამლული ქილის შესახებ. პოლიციის ცნობით, ქილა განზრახ იყო დაზიანებული. ხელისუფლებაში ვარაუდობენ, რომ მიმოქცევაშია კიდევ ერთი დაზიანებული ქილა და აქვეყნებენ ინსტრუქციებს, როგორ ამოიცნონ ის მომხმარებლებმა. განცხადებაში ნათქვამია, რომ გერმანელი გამომძიებლებისგან მიიღეს გაფრთხილება, რომ გაფუჭებული ქილები ჩეხეთსა და სლოვაკეთშიც აღმოაჩინეს.HiPP-მ ავსტრიის „სპარის“ სუპერმარკეტებიდან პიურეების მთელი პარტია გაიწვია. როგორც კომპანიაში განმარტეს, მათი მოხმარება, შესაძლოა, „სიცოცხლისთვის საფრთხის შემცველი“ ყოფილიყო.„პროდუქციის გაწვევა არ იყო გამოწვეული ჩვენი მხრიდან წარმოების ან ხარისხის დეფექტით. ქილები ქარხნიდან იდეალურ მდგომარეობაში გავიდა. ეს დაკავშირებული იყო კრიმინალურ ქმედებასთან, რომელსაც სამართალდამცველები იძიებენ. მიმდინარე სისხლის სამართლის გამოძიების ფარგლებში HiPP-ს საბავშვო საკვების ქილების დაზიანების ცალკეული შემთხვევები დაფიქსირდა როგორც ავსტრიაში, ასევე ჩეხეთსა და სლოვაკეთში. პასუხისმგებელმა ორგანოებმა აღნიშნული ქილების შემოწმების შემდეგ დაადგინეს, რომ ისინი ვირთხის შხამს შეიცავდნენ“, - ნათქვამია კომპანიის განცხადებაში.ამავე ცნობით, „სპარმა“ სიფრთხილის ზომები მიიღო და სხვა ქვეყნებში არსებული მაღაზიებიდანაც ამოიღო HiPP-ს საბავშვო საკვები.ავსტრიის ჯანმრთელობისა და სურსათის უვნებლობის სააგენტომ გააფრთხილა მშობლები, რომელთა ბავშვებმაც HiPP-ს საკვები მიიღეს, კონსულტაციისთვის მიმართონ ექიმს, თუ მათ შვილებს სისხლდენის, ძლიერი სისუსტის ან სიფერმკრთალის ნიშნები აღენიშნებოდათ.მომხმარებლებს ასევე მოეთხოვებათ, არ მიიღონ Eurospar-ში, Interspar-სა და Maximarkt-ში შეძენილი HiPP-ს საკვები და დააბრუნონ ქილები თანხის დაბრუნების მიზნით.

1776679854

მისი თქმით, ინტენსიური კვირა იყო, რომლის ფარგლებშიც შედგა არაერთი მნიშვნელოვანი და მაღალი დონის შეხვედრა თუ დისკუსია.ქართული დელეგაციის წევრებს შორის იყვნენ საქართველოს ფინანსთა მინისტრი ლაშა ხუციშვილი, სებ-ის ვიცე-პრეზიდენტები ეკატერინე მიქაბაძე, ეკატერინე გალდავა და ნინო ჯელაძე, ფინანსთა მინისტრის მოადგილეები ეკატერინე გუნცაძე და გიორგი კაკაურიძე.ერთკვირიანი ვიზიტის ფარგლებში, ნათია თურნავამ დელეგაციის წევრებთან ერთად შეხვედრები გამართა საერთაშორისო სავალუტო ფონდის მმართველი დირექტორის მოადგილესთან, ბო ლისთან, სსფ-ის ცენტრალური აზიისა და შუა აღმოსავლეთის დეპარტამენტის დირექტორთან ჯიჰად აზურთან, ასევე, სსფ-ის აღმასრულებელ და ალტერნატიულ დირექტორებთან.„პირველ რიგში, გამოვყოფ შეხვედრებს საერთაშორისო სავალუტო ფონდის ხელმძღვანელობასთან. მათთან შეხვედრებისას წინ არის წამოწეული რეგიონალური თანამშრომლობის საკითხები და ამისათვის საერთაშორისო სავალუტო ფონდი ძალიან კარგ პლატფორმას გვთავაზობს.საუბრები გვქონდა რეგიონული თანამშრომლობის გაძლიერებაზე, შუა დერეფნის როლზე, რაც ახალმა გეოპოლიტიკურმა გამოწვევამ - ირანთან დაკავშირებულმა კონფლიქტმა კიდევ უფრო მეტად წარმოაჩინა.მისასალმებელია საყოველთაო შეფასება, რომ საქართველო ერთ-ერთი გამორჩეული ქვეყანაა თავისი ეკონომიკური და პოლიტიკური სტაბილურობით, თავისი მიმზიდველობით, რეფორმირებული სტრუქტურებით, გამჭვირვალობით და მაღალი ხარისხის ინფრასტრუქტურით, რომელიც მზად არის მიიღოს დამატებითი ტვირთები, გასწიოს დამატებითი ლოგისტიკური მომსახურება და რაც მთავარია, წარმოვჩნდით როგორც ახალი და მზარდი რეგიონული ფინანსური ჰაბი, რაც ახლო აღმოსავლეთის კონფლიქტის ფონზე განსაკუთრებით მნიშვნელოვანია.დარწმუნებულები ვართ, რომ ბევრი ინვესტორი მომავალში აირჩევს საქართველოს იმისთვის, რომ აქ დაფუძნდეს და გააგრძელოს თავისი საქმიანობა“, - აღნიშნა ნათია თურნავამ.ვიზიტის ფარგლებში ეროვნული ბანკის პრეზიდენტმა ფინანსთა მინისტრთან ერთად ამერიკული საინვესტიციო კომპანიების J.P. Morgan-სა და Bank of America-ს ინვესტორებთან გამართა შეხვედრა, რომელშიც აშშ-ის, ევროპის და აზიის 20-ზე მეტი გლობალური საინვესტიციო ჯგუფის წარმომადგენელი მონაწილეობდა.„რამდენიმე მნიშვნელოვანი შეხვედრა გვქონდა გლობალურ ინვესტორებსა და საინვესტიციო ფონდებთან. ვესაუბრეთ მათ საქართველოს მიმდინარე ეკონომიკურ მდგომარეობაზე, გამოწვევებზე, ჩვენს სიძლიერეზე. წარმოვაჩინეთ თუ რატომ არის მიმზიდველი მათთვის საქართველოში ინვესტირება. რა თქმა უნდა, საკმაოდ მაღალი იყო ინტერესი მათი მხრიდან და ეს დადასტურებულია კიდეც იმ არსებული ინვესტიციებით, მათ შორის, საფინანსო ბაზარზე, რაც უკვე განხორციელებულია საქართველოში. ინვესტორთა მხრიდან ინტერესი კვლავაც მზარდია“, - განაცხადა ნათია თურნავამ.გარდა ამისა, ორმხრივი თანამშრომლობის ფორმატში ეროვნული ბანკის პრეზიდენტი არაბთა გაერთიანებული საამიროების ცენტრალური ბანკის პრეზიდენტს, ხალიდ მოჰამედ ბალამას შეხვდა. მხარეებმა ორი ქვეყნის ცენტრალურ ბანკს შორის სამომავლო თანამშრომლობის საკითხები განიხილეს.„ჩემს კოლეგასთან, გაერთიანებული საამიროების ცენტრალური ბანკის პრეზიდენტთან შეხვედრა ორმხრივი თანამშრომლობის გაძლიერების საწინდარია და მნიშვნელოვანია ქვეყნებს შორის მზარდი ეკონომიკური ურთიერთობების კონტექსტში“, - აღნიშნა ნათია თურნავამ.აშშ-ში ვიზიტისას სებ-ის პრეზიდენტმა მონაწილეობა მიიღო სსფ-ის მიერ ორგანიზებულ მაღალი რანგის მრგვალი მაგიდის დისკუსიაში. ასევე, კავკასიისა და ცენტრალური აზიის რეგიონის ცენტრალური ბანკის მმართველებისა და ფინანსთა მინისტრებისთვის ორგანიზებულ შეხვედრაში.13-18 აპრილს, ოფიციალურმა ვაშინგტონმა საერთაშორისო სავალუტო ფონდისა და მსოფლიო ბანკის საგაზაფხულო შეხვედრებს უმასპინძლა, რომელშიც საერთაშორისო სავალუტო ფონდისა და მსოფლიო ბანკის მმართველები და ალტერნატიული მმართველები, ასევე, მსოფლიოს თითქმის ყველა ქვეყნის საფინანსო სექტორის წარმომადგენელი, ცენტრალური ბანკირები და ფინანსთა მინისტრები მონაწილეობდნენ.განიხილავდნენ გლობალური მნიშვნელობის საკითხებს, მათ შორის მსოფლიო ეკონომიკის პერსპექტივებს, სიღარიბის დაძლევის, ეკონომიკის განვითარებისა და ფინანსური სტაბილურობის თემებს.

1776679555

Kpler-ის შეფასებით, თებერვლის ბოლოდან გლობალური ბაზრიდან 500 მილიონ ბარელზე მეტი ნედლი ნავთობი და კონდენსატი ამოიღეს. ანალიტიკოსების აზრით, ეს თანამედროვე ისტორიაში გლობალური ენერგომომარაგების ყველაზე დიდი დარღვევაა.ექსპერტები აღნიშნავენ, რომ კრიზისის შედეგები შეიძლება თვეების და წლების განმავლობაშიც კი იგრძნობოდეს.Wood Mackenzie-ის ანალიტიკოსის, იან მოატის თქმით, ამ მოცულობის დანაკარგი შედარებადია გლობალური ავიაციის მოთხოვნის 10 კვირასთან ან საავტომობილო მოძრაობის სრული გლობალური შეჩერების 11 დღემდე.

1776677544

ფინანსთა მინისტრის განცხადებით, მთავრობა აქტიურად მუშაობს ლარში ნომინირებული ფასიანი ქაღალდების გამოშვებაზე, რომელთაც ასევე საერთაშორისო ინვესტორებს შესთავაზებენ.„მნიშვნელოვანია, რომ მიუხედავად არსებული გლობალური ვითარებისა, საერთაშორისო ინვესტორების მხრიდან ნარჩუნდება ინტერესი საქართველოს ფასიან ქაღალდებში ინვესტირების მიმართულებით. ვფიქრობ, სამომავლოდ ეს ინტერესი შენარჩუნდება და კიდევ უფრო მეტად გაიზრდება. ჩვენ ვაპირებთ ინვესტორების მოწვევას არა მხოლოდ საერთაშორისო, არამედ ადგილობრივ ბაზარზე. აქტიურად გვაქვს საუბარი ლარში დენომინირებული ფასიანი ქაღალდების გამოშვებაზე. ბოლო პერიოდში საერთაშორისო ინვესტორების მხრიდან დაინტერესება ამ კუთხით მაღალია, მაგრამ ვფიქრობთ, ჩვენი აქტივობებით კიდევ უფრო წავახალისებთ მათ მონაწილეობას ადგილობრივ ბაზარზე“, - განაცხადა ფინანსთა მინისტრმა, ლაშა ხუციშვილმა.საქართველოს ფინანსთა მინისტრი საერთაშორისო სავალუტო ფონდისა და მსოფლიო ბანკის ყოველწლიური საგაზაფხულო სესიის ფარგლებში, შეხვდა საერთაშორისო სავალუტო ფონდის მმართველი დირექტორის მოადგილეს, სსფ-ის აღმასრულებელ და ალტერნატიულ დირექტორებს, სსფ-ის ახლო აღმოსავლეთისა და ცენტრალური აზიის დეპარტამენტის დირექტორს, შედგა კავკასიისა და ცენტრალური აზიის რეგიონის ქვეყნების ფინანსთა მინისტრებისა და ცენტრალური ბანკების პრეზიდენტების შეხვედრა საერთაშორისო სავალუტო ფონდის მმართველი დირექტორის მოადგილესთან. ასევე, ფინანსთა მინისტრმა მონაწილეობა მიიღო სსფ-ის მიერ ორგანიზებულ მრგვალ მაგიდაში, რომელიც რეგიონულ ეკონომიკურ მიმოხილვას მიეძღვნა.„საერთაშორისო სავალუტო ფონდთან ჩვენ შევთანხმდით, რომ გავაგრძელებთ ძალიან აქტიურ თანამშრომლობას, რომელიც მოიცავს ყველა იმ მნიშვნელოვან რეფორმას, რომელსაც ქვეყანა ახორციელებს როგორც ფისკალური, ისე მონეტარული კუთხით. ასევე, შევთანხმდით, რომ აქტიურად გაგრძელდება სახელმწიფო საწარმოების რეფორმა და საერთაშორისო სავალუტო ფონდი ჩაერთვება, როგორც დაგეგმვის, ისე განხორციელების პროცესში“, - განაცხადა ფინანსთა მინისტრმა, ლაშა ხუციშვილმა.ვიზიტისას ფინანსთა მინისტრი შეხვდა მსოფლიო ბანკის ოპერაციების მმართველ დირექტორს, ევროპასა და ცენტრალურ აზიაში მსოფლიო ბანკის ვიცე-პრეზიდენტს, ასევე მსოფლიო ბანკის აღმასრულებელ დირექტორს.„მნიშვნელოვანი შეხვედრები გაიმართა მსოფლიო ბანკში, სადაც მიმოვიხილეთ ის პოტენციური პროექტები, რომლებზეც მსოფლიო ბანკთან ერთად უახლოეს პერიოდში დავიწყებთ მუშაობას. ეს პროექტები მნიშვნელოვანია, რადგან ისინი ხელს უწყობენ ინვესტიციების განხორციელებას საქართველოს ინფრასტრუქტურაში. ეს მოიცავს როგორც დაკავშირებადობისა და შუა დერეფნის ინფრასტრუქტურის გაძლიერებას, ისე ენერგეტიკული პროექტების დაფინანსებას. ამ მიმართულებით ინტერესი და მზადყოფნა გამოთქვეს სხვა ბანკებმაც, მათ შორის, აზიის ინფრასტრუქტურის საინვესტიციო ბანკმა და აზიის განვითარების ბანკმა, რომელიც ტრადიციულად, ძალიან აქტიურია ჩვენს რეგიონში და კონკრეტულად, საქართველოში“, - აღნიშნა ფინანსთა მინისტრმა ლაშა ხუციშვილმა.

1776676757

კერძოდ, Lion Finance Group-ის (BGEO LN) აქციები დაიხურა 116.00 ბრიტანულ ფუნტ სტერლინგში (GBP), +7.81% წინა კვირასთან შედარებით და +17.41% გასულ თვესთან შედარებით. ვაჭრობის მოცულობამ 415 ათას აქციაზე მეტი შეადგინა, GBP 105.90 - 116.20 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 81 ათასი აქცია შეადგინა.თიბისი ბანკის ჯგუფის (TBCG LN) აქციები დაიხურა 51.80 ბრიტანულ ფუნტ სტერლინგში (GBP), +9.84% წინა კვირასთან შედარებით და +22.60% გასულ თვესთან შედარებით. ვაჭრობის მოცულობამ 311 ათას აქციაზე მეტი შეადგინა, GBP 46.18 - 52.00 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 73 ათასი აქცია შეადგინა.Georgia Capital-ის (CGEO LN) აქციები დაიხურა 40.80 ბრიტანულ ფუნტ სტერლინგში (GBP), +0.62% წინა კვირასთან შედარებით და +13.65% გასულ თვესთან შედარებით. ვაჭრობის მოცულობამ 339 ათას აქციაზე მეტი შეადგინა, GBP 39.50 - 41.90 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 58 ათასი აქცია შეადგინა.

1776673743

„ენერგეტიკული პოლიტიკის აღსრულება და თითოეულ მომხმარებლამდე დაყვანა მარეგულირებელი კომისიის ერთ-ერთი უმთავრესი ფუნქცია და ამოცანაა. გადამცემი ქსელის ფუნქციონირებისთვის უმნიშვნელოვანესია როგორც გენერაციის ნაწილი, ასევე ელექტროენერგიის გადაცემა, დისპეჩერიზაცია და მათთან დაკავშირებული მომსახურების მომსახურების ხარისხი და საიმედოობა. სემეკის დღის წესრიგში ძალიან მალე დადგება გადამცემი ქსელის ახალი საინვესტიციო პაკეტის შეთანხმების საკითხი.გენერაციის ობიექტების გადამცემ ქსელზე მიერთების პროცესის კიდევ უფრო დახვეწვისათვის სემეკი გადამცემ ქსელთან მიერთების წესებში მნიშვნელოვანი ცვლილებების განხორციელებას გეგმავს. კერძოდ, კომისიაში მიმდინარეობს საჯარო ადმინისტრაციული წარმოება „ქსელის წესებში“ შესატან ცვლილებებთან დაკავშირებით. პროექტის მიზანია გადამცემი ინფრასტრუქტურის ეფექტიანი მართვა და საინვესტიციო პროცესების სტიმულირება ქსელის სიმძლავრეების უსაფუძვლო დარეზერვების პრაქტიკის აღმოფხვრის გზით. ნებისმიერ დაინტერესებულ პირს შეუძლია წარმოადგინოს წინადადებები აღნიშნულ ცვლილებებთან დაკავშირებით, რომლებსაც დეტალურად განვიხილავთ.გარდა მარეგულირებელი ჩარჩოს დახვეწისა, კომისიის პრიორიტეტია ქსელში მიზნობრივი ინვესტიციების უზრუნველყოფა. გადამცემი ქსელის განვითარებისთვის შეთანხმებული ინვესტიციები ორ ძირითად მიზანს უნდა ემსახურებოდეს: ერთის მხრივ, არსებული ინფრასტრუქტურის განახლებასა და მოდერნიზაციას, როგორიც არის ქვესადგურები, გადამცემი ხაზები, ხოლო მეორეს მხრივ - ახალი პროექტების რეალიზაციასა და მშენებლობას, რაც უშუალოდ ქსელის გაძლიერებასა და საიმედოობას უზრუნველყოფს“, - აღნიშნა დავით ნარმანიამ.

1776673252