როდის "გაჩნდა" ლარი? - ეკონომისტი მიხეილ ჯიბუტი

იმიტირებულ კენჭისყრის პროცესის მიმდინარეობას სიღნაღში პირადად გაეცნო ცენტრალური საარჩევნო კომისიის თავმჯდომარე გიორგი კალანდარიშვილი. როგორც ცესკოს თავმჯდომარემ აღნიშნა, იმიტირებული კენჭისყრის გამართვის მიზანი არამხოლოდ არჩევნებისადმი მზადყოფნის შემოწმება, არამედ საარჩევნო უბნებზე ტექნოლოგიური საშუალებების და ლოგისტიკური საკითხების რეალურ გარემოში პრაქტიკული შემოწმებაა. მისივე თქმით, ასეთი იმიტირებული კენჭისყრა ქმნის შესაძლებლობას, რომ კომისიის წევრებმა პრაქტიკაში გამოიყენონ მიღებული ცოდნა, დაიხვეწოს მათი მოქმედების კოორდინაცია და გაუმჯობესდეს პროცესის მართვის უნარები.„საარჩევნო ადმინისტრაციამ ქვეყნის მასშტაბით 207 ლოკაციაზე ჩაატარა იმიტირებული კენჭისყრა, რომელშიც საარჩევნო ადმინისტრატორები და ტექნიკური პერსონალი მონაწილეობდნენ. იმიტირებული კენჭისყრის მიზანია არჩევნებამდე კიდევ ერთხელ ვნახოთ ტექნოლოგიური საშუალებების მზაობა, ლოგისტიკისა და ადმინისტრირების სხვა ასპექტები, მათ შორის ჩვენი სწავლების შედეგები - თუ როგორ იყენებენ საარჩევნო კომისიის წევრები მიღებულ ცოდნას პრაქტიკაში.შემიძლია თამამად ვთქვა, რომ საარჩევნო ადმინისტრაცია სრულად არის მზად ოთხი ოქტომბრის არჩევნების მაღალ პროფესიულ დონეზე ადმინისტრირებისთვის“, - განაცხადა კალანდარიშვილმა.იმიტირებული კენჭისყრის მიმდინარეობას გიორგი კალანდარიშვილთან ერთად ცესკოს თავმჯდომარის მოადგილე გიორგი შარაბიძე და სპიკერი ნათია იოსელიანი გაეცნენ. შეგახსენებთ, რომ 4 ოქტომბრის არჩევნებისთვის გახსნილია 3 051 საარჩევნო უბანი, რომელთაგან 2284 უბანზე კენჭისყრა ელექტრონული, ხოლო 767 უბანზე ტრადიციული წესით ჩატარდება.

1757939342

მოსწავლეებისთვის, სტუდენტებისთვის, ახალგაზრდა პროფესიონალებისთვის და მასწავლებლებისთვის საქართველოს ბანკი შესაძლებლობების შექმნას განაგრძობს. სწორედ ამიტომ, 40-ზე მეტ საგანმანათლებლო პროექტს ახორციელებს, რითაც 500 000-ზე მეტი ახალგაზრდისთვის ქმნის განათლების შესაძლებლობას. ბანკის მიერ შექმნილი შესაძლებლობების შესახებ ინფორმაცია ხელმისაწვდომია ვებგვერდზე ganatleba.bog.geგანათლების შესაძლებლობები მოსწავლეებისთვის:„საქართველოს ბანკის“ და კომაროვის STEM სკოლა - ახალგაზრდებში მომავლის პროფესიების პოპულარიზაციის მიზნით, საქართველოს ბანკი, კომაროვთან ერთად, STEM სკოლის პროექტს ახორციელებს, რომლის ფარგლებშიც VII-XI კლასის მოსწავლეებს აძლევს შესაძლებლობას: გაიარონ 1-წლიანი სასწავლო კურსი ონლაინ; დაეუფლონ მომავლის პროფესიებს; მიიღონ სერტიფიცირებული, აკადემიური ცოდნა STEM მიმართულებით. კურსი ონლაინ ტარდება, რაც საქართველოს მასშტაბით მცხოვრებ მოსწავლეებს აძლევს შესაძლებლობას, გაკვეთილებს ნებისმიერი წერტილიდან დაესწრონ.ამასთან, საქართველოს ბანკი ყოველწლიურად საუკეთესო შედეგების მქონე 60 მოსწავლეს 100%-ით, ხოლო 30-ს 50%-ით უფინანსებს სწავლას.სასკოლო ოლიმპიადებიახალგაზრდებისთვის განათლების შესაძლებლობების შესაქმნელად, საქართველოს ბანკი არაერთ სასკოლო ოლიმპიადას ახორციელებს და უჭერს მხარს. მათ შორისაა:STEM ოლიმპიადა - ეს კომაროვის სკოლასთან თანამშრომლობით შექმნილი პროექტია, რომლის ფარგლებშიც მოსწავლეები თეორიული და პრაქტიკული ამოცანების გადაჭრაზე მუშაობენ. საპრიზო ადგილზე გასულ სკოლის გუნდს საქართველოს ბანკისგან ფულადი პრიზი 10 000 ლარი გადაეცემა.ევერესტი - I-VI კლასის მოსწავლეებისთვის გამართული ყველაზე მასშტაბური მათემატიკური ოლიმპიადაა, რომელიც სეზონურად ტარდება და მასში მონაწილეობას 17 000-ზე მეტი მოსწავლე იღებს. ევერესტის გენერალური სპონსორი საქართველოს ბანკია. ოლიმპიადის ფარგლებში, ოქროს ტურის 2 გამარჯვებული მოსწავლე საქართველოს ბანკისგან 5000 ლარის ოდენობის სტიპენდიას იღებს.საქართველოს ბანკის ინოვაციური ბიბლიოთეკები - იდეათეკებიმოსწავლეებისთვის შემეცნებისა და განათლების კიდევ უფრო მეტი შესაძლებლობის შესაქმნელად, საქართველოს ბანკმა ინოვაციური ბიბლიოთეკები - იდეათეკები საქართველოს 11 რეგიონის 25 სკოლაში გახსნა.ყოველი იდეათეკა აღჭურვილია მრავალფეროვანი, 2000-მდე წიგნისგან შემდგარი ბიბლიოთეკით, განათლების მისაღებად საჭირო თანამედროვე ინსტრუმენტებით - კომპიუტერებითა და პროექტორებით, STEM კუთხით.საქართველოს ბანკის ინოვაციური ბიბლიოთეკების რაოდენობა კიდევ გაიზრდება და უსაზღვრო აღმოჩენების სივრცეზე უფრო მეტ ახალგაზრდას მისცემს წვდომას.შესაძლებლობები სტუდენტებისთვის და ახალგაზრდა პროფესიონალებისთვის:საქართველოს ბანკის სტიპენდია და გიორგი ჩახავას სახელობის სტიპენდია - პროექტი შესაძლებლობას აძლევს მიზანდასახულ და მოტივირებულ სტუდენტებს, მიიღონ სწავლის ერთწლიანი, 100%-იანი ან ნაწილობრივი დაფინანსება. უკვე გამოვლინდა საქართველოს ბანკი 350-ზე მეტი სტიპენდიატი და მათი რაოდენობა ყოველწლიურად იზრდება. დეტალური ინფორმაცია ხელმისაწვდომია stipendia.bog.geსწავლა დიდ ბრიტანეთში, აშშ-სა და გერმანიაში - CHEVENING-ის, Fulbright-ისა და ნიკა გუჯეჯიანის სასტიპენდიო პროგრამების ფარგლებში, საქართველოს ბანკი ახალგაზრდა პროფესიონალებს შესაძლებლობას აძლევს, სრული დაფინანსებით ისწავლონ წამყვან უნივერსიტეტებში, სამაგისტრო საფეხურზე. ინიციატივის ფარგლებში, უკვე გამოვლინდა საქართველოს ბანკის 50-ზე მეტი სტიპენდიატი, რომლებიც სასწავლებლად დიდ ბრიტანეთში, აშშ-სა და გერმანიაში გაემგზავრნენ. განათლების შესაძლებლობების შესახებ დეტალური ინფორმაციის მისაღებად ეწვიეთ ვებგვერდს stipendia.bog.geსაქართველოს ბანკის მიერ ახალგაზრდების მხარდასაჭერად შექმნილი ინიციატივების შესახებ დეტალური ინფორმაცია ხელმისაწვდომია ვებგვერდზე: ganatleba.bog.ge-ზე.

1757938440

მიხეილ დუნდუას თქმით, მიზანი კეთილდღეობის იმ დონის დაფიქსირებაა, რომ საქართველო მაღალშემოსავლიანი ქვეყანა გახდეს.„10 პროცენტით არის გაზრდილი საშუალო წლიური ნომინალური ხელფასი. მეორე კვარტალში 2200 ლარს გადააჭარბა და ბუნებრივია, გაგრძელდება ხელფასების მატება.მიზანი კეთილდღეობის იმ დონის დაფიქსირებაა, რომ საქართველო მაღალშემოსავლიანი ქვეყანა გახდეს. 2030 წლისთვის საქართველო იქნება მაღალშემოსავლიანი ქვეყანა“, - აღნიშნა მიხეილ დუნდუამ.

1757936093

პრეზენტაციაზე წიგნის შესახებ ისაუბრეს: დიმიტრი ერისთავმა, ლევან კალანდარიშვილმა და მანანა არაბულმა.ლადო ალექსი-მესხიშვილი ის ერთ-ერთი გამორჩეული არქიტექტორია, ვისმა შემოქმედებამაც საქართველოში, განსაკუთრებით თბილისში, მნიშვნელოვანი კვალი დატოვა. ის ეკუთვნის ერთ-ერთ პირველ თაობას, რომელმაც არქიტექტურული განათლება საქართველოში მიიღო. მისი სწავლისა თუ შემოქმედების პერიოდში, არქიტექტურაში ორი ძირეული ცვლილება მოხდა – სოციალისტური რეალიზმის დანერგვა (1930-იანი წლები), რომელიც ხელს უწყობდა ეროვნული ნიშნების კონსტრუირებას და ხშირად პირდაპირ უბიძგებდა დეკორატიულობისკენ და შემდეგ, სსრკ-ის დადგენილება „დაპროექტებასა და მშენებლობაში ზედმეტობების აღმოფხვრის შესახებ“ (1955 წ.), რომელმაც ფართო ასპარეზი მისცა ინდუსტრიული მეთოდით სწრაფ და ეკონომიურ მშენებლობას, ხოლო გამომსახველობის მხრივ, საფუძველი ჩაუყარა სიმარტივეს და მკაცრ ფორმებს, შესაბამისად, აკრძალა ყველა ის დეკორატიული ელემენტი, რითაც წინა პერიოდის არქიტექტურა გამოირჩეოდა.წიგნის სამუშაო ჯგუფი:რედაქტორი: დიმიტრი ერისთავიტექსტი: ლევან კალანდარიშვილი, დიმიტრი ერისთავი, ქეთევან ჯანანაშვილივიზუალური კონცეფცია და დიზაინი: მანანა არაბულიპროექტის ხელმძღვანელი: მარიამ წიქარიძედაიბეჭდა IMAK PRESS, ISTANBUL / 2024წიგნი გამოიცა თიბისის მხარდაჭერით. 2022 წლის საგამოფენო პროექტის ლადო ალექსი-მესხიშვილი – არქიტექტორი ეპოქების მიჯნაზე ფარგლებში. კურატორები დიმიტრი ერისთავი და ლადო შონია, ნინი ფალავანდიშვილთან თანამშრომლობით. თიბისი კონცეპტის მულტიფუნქციური სივრცე,კოტე მარჯანიშვილის ქუჩა N7. თბილისი, საქართველო.წიგნის გამოცემის პარტნიორია : კახა ბენდუქიძის ცოდნის ფონდი

1757935560

მიხეილ ჯიბუტის პოსტს BFM.GE უცვლელად გთავაზობთ:"1995 წლის 2 ოქტომბერს ლარი საქართველოში ერთადერთ საგადამხდელო საშუალებად გამოცხადდა, ხოლო მიმოქცევაში ლარი გაშვებულ იქნა უფრო ადრე - 1995 წლის 25 სექტემბერს.ლარის ისტორიკოსებისთვის კითხვა - რა ფუნქცია ჰქონდა ლარს 25 სექტემბრიდან 2 ოქტომბრამდე?სწორი პასუხი საჯაროდ არავისგან მომისმენია და ამიტომ არც ახლა ველოდები. ამიტომ გთავაზობთ სწორ პასუხს: ამ პერიოდში ხდებოდა მანამდე არსებული ქართული ეროვნული ვალუტის - კუპონის ფიზიკური ჩანაცვლება ახალი ბანკნოტებითა და მონეტებით - ლარებითა და თეთრებით, როგორც ნაღდ, ისე უნაღდო ანგარიშებზე. ამდენად, 1995 წლის 2 ოქტომბერს მოხდა არა ქართული ეროვნული ვალუტის შემოღება საქართველოში, არამედ არსებული ეროვნული ვალუტის - კუპონის ჩანაცვლება ახალი ფორმით - ლარით, რომელიც განხორციელდა ეროვნული ვალუტის დენომინაციიასთან ერთად.ქართული კუპონი (Georgian Coupon) იყო პირველი ქართული ეროვნული ვალუტა - ის ერთადერთ საგადამხდელო საშუალებად გამოცხადდა 1993 წლის 20 აგვისტოს ( მანამდე კი - 1993 წლის 3 აპრილიდან ასრულებდა ერზაც - სუროგატი ვალუტის როლს) და ასეთად რჩებოდა 1995 წლის 2 ოქტომბრამდე. ლარის ისტორია კუპონის ისტორიას მოიცავს. ქართული კუპონის ISO (სტანდარტების საერთაშორისო ორგანიზაციის) კოდი GEK შეიცვალა GEL-ით, ე.ი. ორთავე სრულფასოვან, თანაბარუფლებიან ვალუტადაა აღიარებული. კუპონის გარეშე ლარის ისტორია - ეროვნული ვალუტის ისტორიის ნაწილია.ეროვნული ვალუტის ისტორიის დაყვანა ლარის ისტორიამდე - ისტორიის ფალსიფიცირება და დამახინჯებაა. ვის რაში სჭირდება ეს? მრავალი მიზეზი შეიძლება იყოს ამისათვის. ერთ-ერთი, ჩემი აზრით, „კუპონის წარუმატებელი“ ისტორიის დავიწყების მცდელობაა. ამას შეიძლება რაიმენაირი შიდა მოხმარების მნიშვნელობა ჰქონდეს, მაგრამ საერთაშორისო თვალსაზრისით ძალიან აზიანებს საქართველოს პოლიტიკურ-ეკონომიკურ ისტორიას. მასში დაკარგულია საქართველოს მიერ რუბლის ზონის უკეთეს პირობებში გამოსვლის ამბები, სხვა ქვეყნებთან შედარებით. აქ შეასრულა კუპონმა, როგორც ეროვნულმა ვალუტამ, საქართველოს სახელმწიფოებრივი დამოუკიდებლობის მექანიზმის ფუნქცია. აქ არ შევჩერდები კუპონთან დაკავშირებულ უბედურებებზე, ვიტყვი მხოლოდ მის პოზიტივზე. აფხაზეთის ომის ყველა პერიპეტია საქართველომ კუპონით გადაიტანა, ისე რომ არ აუღია არც ერთი ცენტი (აშშ) სახელმწიფო ვალად! იმასაც ვიტყვი, რომ არ არსებობს ცუდი ფული: არსებობს - ცოტა ფული! ჩვენმა მეზობლებმა, სომხეთმა და აზერბაიჯანმა, სუროგატი ვალუტებიდან - ერთადერთ საგადამხდელო საშუალებაზე გადასვლა მოახდინეს შესაბამისად, 1993 წლის 22 ნოემბერს (დრამი) და 1994 წლის 1 იანვარს (მანათი), ანუ საქართველოსთან შედარებით 3-4 თვით გვიან. და, ჰოი საოცრებავ! სომხეთმა, ეროვნული ვალუტის 30 წლისთავი აღნიშნა 2023 წელს, აზერბაიჯანმა -2024 წელს, ხოლო საქართველო აღნიშნავს - 2025 წელს, ეროვნული ვალუტის ისტორიის ლარის ისტორიად ფალსიფიცირებული ტრანსფორმაციის გამო! ერთ მშვენიერ დღეს, როდესაც „მიმავალნი“, ვისაც ეს ისტორია გვახსოვს, წავალთ, ჩვენს შთამომავლებს ეტყვიან, მეზობელი ქვეყნების შთამომავლები ეტყვიან, რომ თქვენ ეროვნული ვალუტა ჩვენზე გვიან შემოიღეთო და არგუმენტად, მათი წინაპრების, ანუ დღეს ცოცხალი და „მიმავალი“ ადამიანების მიერ გადახდილი იუბილეებს წარუდგენენ.ასეთი პერსპექტივის თავიდან ასაშორებლად, მაქვს გამოსავალი: დადგინდეს საქართველოში ეროვნული ვალუტის დღე - 20 აგვისტო, რომლის ათვლა დაიწყოს 1993 წლიდან! 2025 წელი - ქართული ეროვნული ვალუტის არა 30-ე, არამედ 32 -ე წლისთავია!P.S. ისტორიისათვის მნიშვნელოვანია ისიც, თუ როდის „გაჩნდა“ ლარი და როდის „გავიდა“ ის ხალხში. დახედეთ დღესაც მიმოქცევაში მყოფ მონეტებს. ავერსზე მათ აქვთ „ბორჯღალი“ და დამზადების თარიღი - „1993“. იმ დროისათვის არ იყო დამტკიცებული საქართველოს გერბი. შემდეგ პერიოდში მონეტები გამოიცემა ავერსზე საქართველოს გერბისა და დამზადების წელის ჩვენებით. ამდენად, ლარი დამზადდა 1993 წელს, მიმოქცევაში გაეშვა 1995 წლის 25 სექტემბერს, ერთადერთ საგადამხდელო საშუალებად იქცა 1995 წლის 2 ოქტომბერს, შეცვალა რა მანამდე არსებული ეროვნული ვალუტა-კუპონი", - წერს ჯიბუტი.

1757934970

„ვიცით, რომ ძალიან დიდი ინტერესია Emaar-ის ინვესტიციის შესახებ. ეს არის ისტორიული სიდიდის პროექტი, მათ შორის ინვესტიციის კუთხით. 6,5 მილიარდი დოლარის ინვესტიცია არის დადასტურებული Emaar-ის მხრიდან. ჩვენ ვსაუბრობთ ორ უმსხვილეს პროექტზე გონიოსა და დედაქალაქში კრწანისის ტერიტორიაზე, სადაც ფაქტობრივად 5000-ზე მეტი ადამიანი იქნება დასაქმებული. ეს იქნება უდიდესი, მულტიფუნქციური 2 კომპლექსი, რომელიც გააერთიანებს საცხოვრებელ. განთავსების ობიექტებს, ისევე როგორც სხვა კომერციულ სივრცეებს. ჩვენ ძალიან მოხარულები ვართ, რომ ეს ხდება ჩვენს ქვეყანაში, ძალიან მჭიდრო თანამშრომლობა გვაქვს კომპანია Emaar-თან, პირადად მე - დამფუძნებელთან.ჩვენი გუნდები ძალიან აქტიურად მუშაობენ. ფაქტობრივად პროექტი უკვე სრულყოფილია იმისთვის, რომ გადავიდეთ შემდგომ ნაბიჯებზე. დღეს გაქვს ძალიან დიდი პროგრესი, მათ შორის დაწყებულია არაერთი კვლევა, პროექტირება და ასე შემდეგ. შესაბამისად, ეს მათ შორის იყო დიდი სტიმული სხვა ინვესტორებისთვის. განსაკუთრებით ყურის ქვეყნებისთვის, ამან ძალიან გააძლიერა ჩვენი ქვეყნისადმი ნდობა, ნდობა იმისა, რომ ამ ქვეყანაში არის სტაბილური საინვესტიციო გარემო. ის, რომ ამ ქვეყნის მომავალი არის მხოლოდ პოზიტიური, და რა თქმა უნდა ასეთი მსხვილი ინვესტორის შემოსვლა, ამ მოცულობის თანხით, უზრუნველყოფს იმას, რომ არამხოლოდ ყურის ქვეყნებიდან, სხვა ქვეყნებიდანაც მსხვილი ინვესტორების დაინტერესება გამოიწვიო“, - აღნიშნა მარიამ ქვრივიშვილმა.Business Insider Georgia

1757934733