როგორი იყო გასული კვირა ლონდონის საფონდო ბირჟაზე ქართული კომპანიებისთვის

GSMArena-ზე დაყრდნობით, ბატარეის გაუმჯობესების მიუხედავად, Apple-ის სმარტფონები მნიშვნელოვნად ჩამორჩებიან კონკურენტებს დაცემისადმი მდგრადობის თვალსაზრისით.ამრიგად, ახალი ევროპული ეტიკეტირების სისტემა მოწყობილობებს გამძლეობისა და შეკეთების კლასებს ანიჭებს. სტანდარტიზებული ტესტების შედეგების მიხედვით, iPhone 17 Pro Max-მა მიიღო B კლასის რეიტინგი. ეს ნიშნავს, რომ მას გარანტირებული აქვს 180 ვარდნის გაძლება. მიუხედავად იმისა, რომ ეს ორჯერ უკეთესია, ვიდრე გასული წლის iPhone 16 Pro Max-ის (90 ვარდნა, C კლასი), შედეგი მაინც ჩამორჩება კონკურენტებს.შედარებისთვის, ფლაგმანებმა Samsung Galaxy S25 Ultra-მ და Google Pixel 10 Pro XL-მა მიიღეს ყველაზე მაღალი A კლასი, რადგან გაუძლეს 270 ვარდნას. ეს ნიშნავს, რომ ყოველდღიური გამოყენებისას Apple-ის ფლაგმანი უფრო მგრძნობიარე იქნება დაზიანების მიმართ. თხელმა iPhone Air-მა აჩვენა Pro Max-ის მსგავსი შედეგი - B კლასი (180 ვარდნა).შეკეთების თვალსაზრისით, iPhone 17 ასევე შორს არის ლიდერისგან. ტელეფონს C კლასი მიენიჭა - იგივე, რაც Samsung-ს, მაგრამ უარესი, ვიდრე Pixel (კლასი B).ამავდროულად, ბატარეის ტესტებში iPhone 17 Pro Max-მა აჩვენა შესანიშნავი მახასიათებლები: A კლასი ენერგოეფექტურობისთვის და შთამბეჭდავი 53 საათიანი ბატარეის ხანგრძლივობა, კონკურენტებს უსწრებს. თუმცა, არსებობს ერთი ნიუანსი: iPhone-ის ბატარეა გათვლილია მხოლოდ 1000 დატენვის ციკლისთვის, ხოლო Samsung-ის ბატარეა 2000 ციკლისთვისაა გათვლილი, რაც ორჯერ მეტ ექსპლუატაციის ვადას ნიშნავს.თავად Apple არ ეთანხმება ევროკავშირის ტესტირების მეთოდოლოგიას და ადრეც გამოთქვა მკაცრი კრიტიკა. კომპანია ამტკიცებს, რომ ვარდნისა და შენჯღრევის ტესტების განმარტებები ბუნდოვანია, მათი შედეგების რეპროდუცირება რთულია და ხუთი მოწყობილობის ნიმუში ძალიან მცირეა ობიექტური შეფასებისთვის (Apple მოითხოვს მინიმუმ 30 ერთეულს).

1757928214

„ოჯახთან საფუძვლიანი განხილვისა და კონსულტაციის შემდეგ, მე ვხსნი ჩემს კანდიდატურას საპრეზიდენტო რბოლიდან. ეს ადვილი გადაწყვეტილება არ იყო, მაგრამ ამ დროისთვის სწორი გადაწყვეტილებაა.მიუხედავად იმისა, რომ ამ არჩევნებში მონაწილეობას არ მივიღებ, ირლანდიისადმი ჩემი ერთგულება აქ არ მთავრდება. მე გავაგრძელებ ჩემი ერის სამსახურს საერთაშორისო პლატფორმის გამოყენებით, რათა წინ წავწიო ირლანდიის ინტერესები საზღვარგარეთ, გავაძლიერო ჩვენი ეკონომიკური შესაძლებლობები და დავიცვა გამჭვირვალობა და ანგარიშვალდებულება საზოგადოებრივ ცხოვრებაში სამშობლოში“, - დაწერა მაკგრეგორმა სოციალურ მედიაში, იტყობინება Oxu.Az.ირლანდიის საპრეზიდენტო არჩევნები 2025 წლის 11 ნოემბერს არის დაგეგმილი. მაიკლ ჰიგინსი ამ თანამდებობას 2011 წლის ნოემბრიდან იკავებს.

1757927779

ცივი წყლის ეფექტი საქმეში გარდაიქმნა. „მამებმა“  მეტეოსადგურის ტერიტორია ათობით წლის განმავლობაში დაგროვებული ნაგვისგან გაათავისუფლეს, ბიოტუალეტები ჩადგეს, შემდეგ კი ბევრისთვის არარეალისტური იდეა განახორციელეს. ასე გაჩნდა  ალპური ქოხი „ალტიჰატი“. 2025 წელს ნიკოლოზ ალავიძე თიბისი ბიზნესდაჯილდოების აპლიკაციაში სწორედ გაბრიელ  გარსია მარკესის შედევრის ციტირებას მოახდენს და რეგიონის განვითარებაში შეტანილი წვლილისთვის „ალტიჰატს“ მეორე ადგილიც ერგება.თუმცა, მოდი ქრონოლოგიურად და “მარტოობის ასი წელიწადისგან” ნაკლებად ბუნდოვანებით მივყვეთ მოვლენებს.“ალტიჰატი” სამთო  თავშესაფარი და ალპური სასტუმროა, რომელიც ზღვის დონიდან 3 014 მეტრზე მდებარეობს. 1940-იანი წლებში აშენებული მეტეოსადგურის შემდეგ, რომელსაც ლავრენტი ბერია ზედამხედველობდა, ალტიჰატი მეორე პროექტია კავკასიონის ქედზე. (თან ისე, რომ მშენებლობისას და არც მის შემდეგ გულაგის გზაზე არავინ გაუმწესებიათ). მასალები შვეიცარიაში საუკეთესო პროფესიონალებმა დაამზადეს, ადგილზე კი ვერტმფრენმა აიტანა.ალპურ ზონაში არ იყო დაცული უსაფრთხოების არც ერთი ნორმა. “ექსცენტრულმა დედამიწელებმა” ( ასე უწოდებენ საკუთარ თავს)  დაამონტაჟეს მდინარე ჩხერზე გადასასვლელი ხიდი და ვერტმფრენის დასაჯდომი ბაქანი, რაც უმნიშვნელოვანესი აღმოჩნდა სამაშველო ოპერაციებისთვის. ანტენები საკუთარი ხარჯით დაამონტაჟეს და ფიჭური სიგნალით მთელი ალპური ტერიტორია დაფარეს.გასაკვირიც არაა, რომ ბიზნესგეგმით კომპანია მოგებას 80.. კი, 80 წლის შემდეგ მოიტანს.“პირველივე დღიდან გვჯეროდა, რომ ალტიჰატი გავლენაზე ორიენტირებული უნდა ყოფილიყო და ისეთი პრობლემები მოეგვარებინა, რომელიც ქვეყნის განვითარებას უშლიდა ხელს.  ამიტომ დივიდენდების მიღებას, პორშეთი სეირმობას ან საშაურმის გახსნას, ამ გზით წასვლა ვარჩიეთ. თავიდან, შეგვძრა ნაგვის იმ რაოდენობამ რაც აქ დაგვხვდა. ტონობით ნარჩენი ათეულობით წლები გროვდებოდა და ბუნებრივია, ეს ნაგავი თავისით არ აღმოცენებულა. ეტაპობრივად მივყევით. დავამონტაჟეთ ბიოტუალეტებიც. სასტუმრო სრულად ენერგოეფექტურია და მზის აკუმულატორებითაა აღჭურვილი”- გვიყვება ერთ-ერთი დამფუძნებელი ნიკოლოზ ალავიძე და იქვე ილიას ციტატას იშველიებს. “მოძრაობა და მარტო მოძრაობა არის, ჩემო თერგო, ქვეყნის ღონისა და სიცოცხლის მიმცემი”.ლიტერატურა 3014 სიმაღლეზეც ძალიან უყვართ, ამიტომ ალტიჰატში  სამკითხველო ბიბლიოთეკაც მოაწყვეს. თუ კავკასიონის ხედებით მოხიბლულს შტაბეჭდილების გაზიარება  მოგინდებათ და წერა აგიტანთ, აქვეა ევროპის ყველაზე მაღალ წერტილში მოქმედი ფოსტაც. ღია ბარათების გაგზავნას ყველგან შეძლებთ.ალტიჰატმა სეზონის გახანგრძლივებითა და მაღალმხარჯველიანი ტურისტების მოზიდვით ადგილობრივ თემსაც შეუწყო ხელი. კერძები მხოლოდ ნატურალური და ადგილობრივი ფერმერების მიერ მოყვანილი პროდუქტებით მზადდება. ნოყიერი საუზმის შემდეგ მადლობა შეფის გარდა შეგიძლიათ სუ-შეფებსაც გადაუხადოთ: ნისლას და ალუმინას. ინგრედიენტები ალტიჰატამდე სწორედ ამ ორ ცხენს ამოაქვს. ;)“ერთი ხელი თეთრეულის გარეცხვა 36 ლარი გვიჯდება, მაგრამ ამას შეგნებულად ვაკეთებთ. ინდუსტრიული თეთრეული  ცხენებს გერგეტში ყოველდღიურად მიაქვთ, სადაც მცირე საოჯახო სამრეცხაო ფუნქციონირებს USAID-ის დაფინანსებით. ჩვენ მასთან ხელშეკრულება გავაფორმეთ, ტრანსპორტირებაშიც ბუნებრივია ადგილობრივებს ვუხდით თანხას.“- ამბობს ნიკოლოზი.თუ მიუხედავად  დიდი სურვილისა, არასპორტული ცხოვრების წესიდან გამომდინარე მწვერვალების დაპყრობა და ალტიჰატში დარჩენა შორეული პერსპექტივააა - მაშინ უბრალოდ მათ ვებგვერდს ესტუმრეთ. https://altihut.ge/ka ყოველდღიური რუტინის ფონზე, აქ ნამდვილად იპოვით ინსპირაციას.  ნახავთ, რომ ჩვენ გვერდით არსებობენ ადამიანები, რომლებსაც საქმის კეთება და თან ამბების მოყოლა  ერთმანეთზე კარგად გამოსდით.პრინციპში გასაკვირიც არაა. თიბისის ბიზნესდაჯილდოების გამარჯვებულებშიც ხომ ასეთები იყრიან თავს, რომლებსაც სჯერათ, რომ წარმატება გზაშია. 

1757927520

ამის შესახებ სომხეთის პრემიერ-მინისტრმა ნიკოლ ფაშინიანმა დღეს, 15 სექტემბერს, საერთაშორისო კონფერენციაზე „ყოვლისმომცველი უსაფრთხოება და მდგრადობა 2025“ განაცხადა.„მე ვაღიარე აზერბაიჯანის ტერიტორიული მთლიანობა (2022 წლის ოქტომბერში), რათა მათ სომხეთის ტერიტორიული მთლიანობა ეღიარებინათ. სხვა გზა უბრალოდ არ არსებობდა“, - აღნიშნა მან.პრემიერ-მინისტრის თქმით, სომხეთის უსაფრთხოების ლეგიტიმურობა კიდევ უფრო გაამყარა ვაშინგტონში 8 აგვისტოს პარაფირებული სამშვიდობო შეთანხმების გაფორმებამ.„ამ დოკუმენტს სათანადო შეფასება არ მიუღია. ასე ვფიქრობ, რადგან ეს არის პირველი ორმხრივი საერთაშორისო დოკუმენტი სომხეთსა და აზერბაიჯანს შორის, რომელიც ორივე ქვეყანამ მიიღო და რომელსაც იურიდიული ძალა აქვს“, - დასძინა ფაშინიანმა.

1757927508

Galt & Taggart და TBC Capital იმოქმედეს ობლიგაციების განთავსების აგენტებად. ემისიას მხარს უჭერდნენ გრძელვადიანი პარტნიორი საერთაშორისო საფინანსო ინსტიტუტები (IFI-ები) International Finance Corporation („IFC“) და Asian Infrastructure Investment Bank („AIIB“), ასევე ადგილობრივი ბანკები და საქართველოს საპენსიო ფონდი, რომლის მონაწილეობაც ფონდის ისტორიაში ყველაზე დიდი ინვესტიციაა ერთ ადგილობრივ ობლიგაციაში.მოპოვებული სახსრები გამოყენებული იქნება გამცემი კომპანიის არსებული გრძელვადიანი სესხების რეფინანსირებისა და კაპიტალური ხარჯების დასაფინანსებლად, სოციალური ობლიგაციების ჩარჩო დოკუმენტის შესაბამისად. ტრანზაქციის დასრულების შემდეგ, აღნიშნული ობლიგაციები კომპანიის ერთადერთ ბალანსზე არსებულ დავალიანებას წარმოადგენს.Georgia Capital-ის თავმჯდომარე და გენერალური დირექტორი, ირაკლი გილაური | მოხარული ვარ, რომ ჩვენმა ჯანდაცვის მომსახურების ბიზნესმა წარმატებით დაასრულა საქართველოში ისტორიაში ყველაზე მსხვილი ლარში ნომინირებული კორპორატიული ობლიგაციების განთავსება. ტრანზაქციამ ინვესტორებისგან  ძლიერი მხარდაჭერა მიიღო, რაც ადასტურებს, რომ საქართველოს კაპიტალის ბაზრები სწრაფად ვითარდება და ადგილობრივი საინვესტიციო ბანკების Galt & Taggart-ისა და TBC Capital-ის მხარდაჭერის დახმარებით, ჩვენი ჯგუფისთვის მნიშვნელოვან ალტერნატიული დაფინანსების წყაროდ იქცა. მსურს მადლობა გადავუხადო მენეჯმენტს და ჩვენს გრძელვადიან პარტნიორებს IFC-ს, AIIB-ს და საქართველოს საპენსიო ფონდს, რომელთა ეფექტიანმა თანამშრომლობამ ეს ტრანზაქცია წარმატებულად აქცია. აღნიშნული ობლიგაციები ჩვენი ჯგუფისთვის კიდევ ერთ მნიშვნელოვან ეტაპს წარმოადგენს და კიდევ ერთხელ ადასტურებს ჩვენს განსაკუთრებულ წვდომას კაპიტალზე.ცნობისთვის, საქართველოს ჯანდაცვის ჯგუფი (GHG) ჯანდაცვის სექტორის ლიდერია ქვეყანაში და მოსახლეობას სტაციონარული და ამბულატორიული სერვისების ყველაზე ფართო სპექტრს  სთავაზობს. სწრაფად მზარდი, კერძო საკუთრებაში მყოფი ჯანდაცვის უმსხვილესი ეკოსისტემა ვერტიკალურად ინტეგრირებული ქსელია (ჰოსპიტლები, პოლიკლინიკები, მეგალაბორატორია) და ქვეყნის ფარგლებს გარეთ მყოფ პირებსაც ემსახურება.

1757926736

კონფერენცია მიზნად ისახავდა სოციალური პარტნიორების, პრაქტიკოსი იურისტების, იურიდიული ფირმების,  მედიატორების, არბიტრების, ადვოკატების, აკადემიური წრეების, ბიზნეს გაერთიანებების წარმომადგენლების და სხვა დაინტერესებული პირების მონაწილეობით ინდივიდუალური შრომითი დავების განხილვის ალტერნატიული მექანიზმების განვითარების შესახებ სისტემური დიალოგის დაწყებას, მექანიზმების ანალიზს, სოციალურ პარტნიორების პოზიციების დაახლოებას და საცდელი/საპილოტე მოდელის შემუშავებას.ორდღიანი კონფერენციის ფარგლებში, მოხდა შრომის სამართლის ექსპერტის - ზაქარია შველიძის მიერ მომზადებული კვლევის - „ინდივიდუალური შრომითი დავის ალტერნატიული გადაწყვეტა: სისტემის განვითარების გზამკვლევი„ პრეზენტაცია და ფართო აუდიტორიაში გაიმართა დისკუსია, რამაც შესაძლებელი გახადა როგორც საერთაშორისო პრაქტიკის სათანადოდ გააზრება, ასევე ადგილობრივი პერსპექტივიდან გამოწვევების იდენტიფიცირება და მათ დასაძლევად შესაბამისი ნაბიჯების დაგეგმვა.კონფერენციის მსვლელობისას Dansk Industi-ს და დანიის პროფესიული კავშირების გაერთიანების ექსპერტებმა  იორნ კემპელმა  და ფილიპ ნორდენტოფტმა აუდიტორიას  გამოცდილება შრომითი დავების გადაწყვეტის „დანიური მოდელის" და საერთაშორისო პერსპექტივების შესახებ გაუზიარეს. „საქართველოს ბიზნეს ასოციაცია აქტიურად აგრძელებს დანიელ პარტნიორებთან თანამშრომლობას, ჩვენი ერთობლივი პროექტის მიზანია ევროკავშირთან დაახლოების პროცესში შრომის ბაზრის განვითარება და ეკონომიკურ საჭიროებებთან მისი უკეთ ადაპტირება. დღევანდელი კონფერენცია ეძღვნებოდა ინდივიდუალური შრომითი დავების ალტერნატიული გადაწყვეტის გზების ძიებას, რაც მნიშვნელოვანია ხანგრძლივი და ხარჯიანი სასამართლო დავების თავიდან აცილებისა და კომპანიებში დასაქმების პოლიტიკის უკეთ გააზრებისათვის. ამ პროექტის ფარგლებში ეს ჩვენი პირველი ერთობლივი ღონისძიება არაა და  ვფიქრობთ, დანიელ პარტნიორებთან BAG-ის თანამშრომლობას უკვე აქვს ხელშესახები სარგებელი როგორც ბიზნეს სექტორისთვის, ასევე ჩვენი ქვეყნის ეკონომიკისთვის" განაცხადა საქართველოს ბიზნეს ასოციაციის აღმასრულებელმა დირექტორმა ლევან ვეფხვაძემ. შეგახსენებთ, რომ კონფერენცია ტარდება  საქართველოს ბიზნეს ასოციაციისა და Dansk Industri-ს ერთობლივი პროექტის „საქართველოს შრომის ბაზრის განვითარება: სოციალური დიალოგის, უნარებისა და ევროკავშირთან ჰარმონიზაციის ხელშეწყობა" ფარგლებში.

1757926576