იქნება თუ არა საქართველოში დაბალი საპროცენტო განაკვეთი იპოთეკურ სესხებზე, ევროკავშირში გაწევრიანების შემთხვევაში?

ერთგულ ყულაბაში 500 ლარით დასაჩუქრდება ის მომხმარებელი, რომელიც აქციის პერიოდში (1 ივლისიდან 30 სექტემბრის ჩათვლით), ნებისმიერი ერთი დღის განმავლობაში, თიბისიში შესრულებულ გზავნილებს შორის მე-500 განაღდებს გზავნილს და მისი ოდენობა იქნება მინიმუმ 100 ლარი, დოლარი ან ევრო.  შესაბამისად, აქციის გამარჯვებულები გამოვლინდებიან ყოველდღე.სუპერ პრიზი კი- ორკაციანი საგზური იტალიაში, გადაეცემა იმ 3 მომხმარებელს, რომელიც კამპანიის პერიოდში (1 ივლისიდან 30 სექტემბრის ჩათვლით), რაოდენობრივად ყველაზე მეტ გზავნილს გაანაღდებს.სუპერ პრიზის მისაღებად აუცილებელი პირობაა მომხმარებელმა კამპანიის მიმდინარეობის პერიოდში, ყოველთვიურად, ერთი გზავნილი მაინც გაანაღდოს- მინიმუმ 100 ლარი, დოლარი ან ევრო.თუ მომხმარებლები თანაბარი რაოდენობის ტრანზაქციებს შეასრულებენ, გამარჯვებულად გამოცხადდება ის, ვისი განაღდებული გზავნილების საერთო მოცულობაც მეტი იქნება.აქციის დეტალური პირობები იხილეთ ბმულზე.ისარგებლე, თიბისის ინტერნეტ ან ონლაინბანკის გზავნილების სისტემებით და გახდი ერთ-ერთი გამარჯვებული.

1751373000

„როგორც საქსტატის მიერ გამოქვეყნებული ინფორმაციიდან ირკვევა, მაისში საქართველოს ეკონომიკურმა ზრდამ 7.5 პროცენტი, ხოლო იანვარ-მაისში - 8.8 პროცენტი შეადგინა, რაც მნიშვნელოვნად აღემატება სხვადასხვა საერთაშორისო თუ ადგილობრივი კვლევითი ორგანიზაციების პროგნოზებს. თუ გავითვალისწინებთ, რომ ტურიზმი საქართველოს ეკონომიკის ერთ-ერთი წამყვანი კონტრიბუტორია, ხოლო აქტიური ზაფხულის ტურისტული  სეზონი ჯერ კიდევ წინაა, უნდა ველოდოთ, რომ არსებული მაჩვენებლები კიდევ გაუმჯობესდება და მინიმუმ შემოდგომამდე ქვეყანაში მაღალი ეკონომიკური ზრდა შენარჩუნდება“ - აცხადებენ აფბაში.ახალგაზრდა ფინანსისტების შეფასებით,  განსაკუთრებით აღსანიშნავია საგარეო ვაჭრობის მიმართულებით დაფიქსირებული დადებითი ტენდენციები, რომლის მიხედვითაც  მაისში, ისევე როგორც აპრილში, საგარეო სავაჭრო ბრუნვის ზრდა უზრუნველყო ექსპორტის 15.9%-იანმა მატებამ და ეს  მაშინ, როდესაც იმპორტი შემცირდა 5.1 პროცენტით. ექსპორტის მიმართულებით კი ცალკე გამოსაყოფია ადგილობრივი ექსპორტის მაჩვენებელი, რომელიც მაისში 10.6%-ით გაიზარდა და 267 მილიონი დოლარი შეადგინა.  ადგილობრივი ექსპორტის ზრდის მაჩვენებლები ცხადყოფს, რომ ბიზნესსექტორი ქვეყანაში აქტიურად ვითარდება, მათი წარმოების მასშტაბები და საექსპორტო პოტენციალიც წლიდან-წლამდე იზრდება.  ბუნებრივია, ბიზნესსექტორის განვითარებამ მნიშვნელოვანი როლი უნდა ითამაშოს უმუშევრობის შემცირებაში და ამას ადასტურებს საქართველოს ბიზნეს ასოციაციის BAG-ის ინდექსიც, რომლის მიხედვითაც  2025 წლის მეორე კვარტალში გამოკითხული კომპანიების 28%-მა დასაქმებულთა რაოდენობა გაზარდა, ხოლო კომპანიების 35% მესამე კვარტალში ელის დასაქმებულთა ზრდას. დაქირავებით დასაქმებულთა რაოდენობის ზრდის პარალელურად, მატულობს შრომის ანაზღაურებაც, რომელიც (ინფლაციის გამორიცხვით) დაახლოებით 8 პროცენტით გაიზარდა.„მაღალმა ეკონომიკურმა ზრდამ,  ექსპორტის გაუმჯობესებულმა მაჩვენებლებმა და გაზრდილმა ფულადმა ტრანზაქციებმა უზრუნველყო ქვეყნის ფინანსური მაჩვენებლების გაუმჯობესებაც, კერძოდ - ლარი გამყარების ტრენდს ინარჩუნებს, საბანკო სექტორში მნიშვნელოვნადაა გაზრდილი დეპოზიტების მაჩვენებელი, ხოლო ეროვნულმა ბანკმა მნიშვნელოვნად გაზარდა საერთაშორისო რეზერვები და მან მაისის მდგომარეობით 4.6 მილიარდი დოლარი შეადგინა“ - განაცხადეს აფბაში.როგორც აფბაში აცხადებენ, სწორედ ბოლო წლებში დაფიქსირებულმა მაღალმა ეკონომიკურმა ზრდამ, ბიზნეს სექტორის განვითარებამ და მაკროეკონომიკური პარამეტრების მნიშვნელოვანმა გაუმჯობესებამ უზრუნველყო საერთაშორისო კვლევებში საქართველოს დაწინაურება. ამის ნათელი მაგალითია, დღეს „ატლანტიკური საბჭოს“ მიერ გავრცელებული კეთილდღეობის ინდექსის კვლევა, რომლის მიხედვითაც 100%-იანი სისტემით საქართველომ ისტორიული მაქსიმუმი, 75.5% დააფიქსირა და კეთილდღეობის ინდექსის გაუმჯობესებით 21-ე საუკუნის საუკეთესო სამეულში მოხვდა. ამავდროულად, საქართველო მსოფლიოში პირველ ადგილზე გავიდა 2012 წლის შემდეგ განცდილი პროგრესის მიხედვით. ორგანიზაციის შეფასებით, ბოლო 12 წელიწადში საქართველოში კეთილდღეობის ინდექსი 8,8 პუნქტით გაუმჯობესდა და მსოფლიო რეიტინგში ქვეყანა 23 ადგილით დაწინაურდა.ახალგაზრდა ფინანსისტთა და ბიზნესმენთა ასოციაცია, დადებითი ტენდენციების კვალდაკვალ ყურადღებას ამახვილებს იმ გამოწვევებზე, რომელიც ქვეყანაში არსებობს. კერძოდ, აფბას შეფასებით საქართველოს მთავრობამ აუცილებლად უნდა გაამახვილოს მეტი ყურადღება ენერგეტიკის სექტორზე, რომელიც საკმაოდ დაბალი ტემპით ვითარდება, ხოლო მაისში საერთოდ შემცირების ტენდენცია აჩვენა. არადა, ენერგეტიკა არის ის სექტორი, რომელიც ქვეყნის ეკონომიკური განვითარების ერთ-ერთ მთავარ ლოკომოტივად უნდა იქცეს. აუცილებლად უნდა გადაიდგას ნაბიჯები ქვეყნის საინვესტიციო მიმზიდველობის გაზრდის კუთხით, ვინაიდან ინვესტიციების შემცირების ტენდენცია აუცილებლად გამოსასწორებელია. და ბოლოს,  მიუხედავად იმისა, რომ ბოლო წლებში ქვეყანაში სიღარიბე  მნიშვნელოვნად 9,4%-მდე შემცირდა და ჯინის კოეფიციენტიც გაუმჯობესდა, მაღალი ეკონომიკური ზრდის პარალელურად აუცილებელია კიდევ უფრო მეტი ინკლუზიურობა და სიღარიბის აღმოფხვრის მიმართულებით ეფექტური რეფორმების განხორციელება.

1751371395

მცირე ოდენობით კანაფის - 10 გრამამდე, მარიხუანას - გამომშრალი 5 გრამამდე, ხოლო ნედლი - 10 გრამამდე შეძენა, შენახვა, გადაზიდვის პირველი შემთხვევა ადმინისტრაციული წესით პასუხისმგებლობას გამოიწვევს. განმეორების შემთხვევაში - შეძენა, შენახვა გადაზიდვა, გადაგზავნა გამოიწვევს სასჯელის სახით ჯარიმას ან საზოგადოებისათვის სასარგებლო შრომას ან თავისუფლების ერთ წლამდე ვადით აღკვეთას.სისხლის სამართლის დასჯადი ოდენობის, მცენარე კანაფის შემთხვევაში 10 გრამიდან 155 გრამამდე, გამომშრალი მარიხუანას შემთხვევაში 5 გრამიდან 70 გრამამდე, ხოლო ნედლი მარიხუანას შემთხვევაში 10 გრამიდან 150 გრამამდე, შეძენა, შენახვა გამოიწვევს 6 წლამდე თავისუფლების აღკვეთას, ხოლო უკანონოდ დამზადება, წარმოება, გადაგზავნა ან გადაზიდვა თავისუფლების აღკვეთას 3-დან 7 წლამდე.რაც შეეხება დიდი ოდენობით მცენარე კანაფის (155-დან 750 გრამამდე), მარიხუანას - გამომშრალის შემთხვევაში 70-დან 250 გრამამდე, ხოლო ნედლის შემთხვევაში 140-დან 500 გრამამდე, შეძენა-შენახვას გამოიწვევს 5-დან 8 წლამდე პასუხისმგებლობას, ხოლო დამზადება, წარმოება, გადაზიდვა და გადაგზავნა 6-დან 9 წლამდე.განსაკუთრებულ დიდი ოდენობის შემთხვევაში, რაც გულისხმობს მცენარე კანაფის 750 გრამიდან და მეტს, მარიხუანას - გამომშრალი შემთხვევაში 50 გრამიდან და მეტს, ხოლო ნედლის შემთხვევაში 500 გრამიდან და მეტს, შეძენა-შენახვა გამოიწვევს თავისუფლების აღკვეთას 8-დან 20 წლამდე ან უვადო პატიმრობას.გამკაცრებული რეგულაციებია გათვალისწინებული მარიხუანასა და მცენარე კანაფის რეალიზაციასთან დაკავშირებითაც.როგორც იურიდიულ საკითხთა კომიტეტის თავმჯდომარე არჩილ გორდულაძე აცხადებს, გადაისინჯება საკონსტიტუციო სასამართლოს გადაწყვეტილებები მცენარე კანაფის მოყვანასა და კულტივაციასთან დაკავშირებით და მასზე იგივე სანქციები გავრცელდება, რაც ნარკოტიკული საშუალების შემცველი სხვა მცენარეების კულტივაციაზე არსებობს. კერძოდ, 145 გრამამდე მცენარე კანაფის მოყვანისათვის დადგინდება თავისუფლების აღკვეთა, რომელიც არ უნდა იყოს 6 წელზე მეტი, ასევე დაემატება ალტერნატიული სანქციები, როგორიც არის საზოგადოებისათვის სასარგებლო შრომა ან შინა პატიმრობა.ამასთან, არჩილ გორდულაძემ განმარტა, რომ კანონი მარიხუანას მოხმარებაზე არ მკაცრდება. „კანონის გამკაცრება ამ ნარკოტიკული საშუალების შეძენას, შენახვას, მის კულტივაციასა და რეალიზაციას ეხება“, - განაცხადა არჩილ გორდულაძემ.როგორც გორდულაძემ აღნიშნა, მარიხუანას მოხმარებაზე ძალაში მოქმედი რეგულაციები რჩება.

1751366284

ყოველდღიურ მონაცემებზე დაკვირვებით - მათ შორის, ე.წ. უახლესი ინდიკატორების, Google-ის საძიებო სისტემის და საქართველოს ეროვნული ბანკის (სებ) ინტერვენციების შეფასების ჩათვლით - ვლინდება, რომ ტურიზმიდან შემოსავლები ივნისის მეორე ნახევარში შემცირდა, თუმცა შეზღუდული ხანგრძლივობითა და მასშტაბით, რადგან ცეცხლის შეწყვეტის შეთანხმების შემდგომ აღდგენის ნიშნები უკვე სახეზეა. ამავდროულად, საქართველოში საწვავზე ფასებმა ბოლო დღეებში გარკვეულწილად მოიმატა. კონფლიქტის გამწვავების საწყის დღეებში თიბისი კაპიტალმა საქართველოს ეკონომიკაზე პოტენციური გავლენის შეფასება გამოაქვეყნა, სადაც გადაცემის ორი ძირითადი არხი იყო განხილული: უცხოური ვალუტის შემოდინებები და ნავთობის ფასი. ე.წ. უახლეს ინდიკატორებზე - კერძოდ, არარეზიდენტების უნაღდო დანახარჯებზე - დაყრდნობით, 12 ივნისის შემდეგ ტურისტულ ხარჯებში შენელება სახეზეა. თუმცა, კლება მასშტაბური არ ჩანს და, 23 ივნისის შემდგომ, მცირედი ზრდაც შეინიშნება. ამავდროულად, 12 ივნისამდე არარეზიდენტების დანახარჯები საკმაოდ ძლიერად იზრდებოდა, ამიტომ, მიუხედავად შენელებისა, ივნისში ხარჯები ჯამურად, როგორც ჩანს, მაინც მაისზე მაღალი იქნება. გარდა ამისა, ისრაელიდან Google-ის საძიებო სისტემაში საქართველოს შესახებ ძებნათა სიხშირე, კონფლიქტის პერიოდში ვარდნის შემდეგ, ბოლო დღეებში თვალსაჩინოდ გაზრდილია, რაც ტურიზმის კუთხით კვლავ მაღალ ინტერესზე მიუთითებს. ისრაელი (ბოლო ოთხ კვარტალში მთლიანი შემოდინებების 5.3%) და ახლო აღმოსავლეთის ფართო რეგიონი (8.9%) საქართველოში უცხოური ვალუტის შემოდინების მნიშვნელოვანი წყაროა, განსაკუთრებით ტურისტული შემოსავლის მხრივ. ის, რომ ტურიზმიდან შემოსავლების დანაკლისი განსაკუთრებით დიდი არ ყოფილა, ასევე იკვეთება სებ-ის მიერ განხორციელებული ინტერვენციებიდან, რომლებიც, თიბისი კაპიტალის შეფასებით, ივნისში, მათ შორის თვის მეორე ნახევარში, კვლავ მასშტაბური იყო, ეს კი ძლიერი დანაკლისის პარალელურად რთულად სავარაუდო იქნებოდა. მეორე მხრივ, გასათვალისწინებელია მიგრაციის ეფექტიც. ამ მხრივ, აღსანიშნავია, რომ ადგილობრივი ბარათებით არარეზიდენტების ხარჯებში ისრაელის მოქალაქეთა წილი ბოლო პერიოდში მზარდია. რაც შეეხება ნავთობის ფასებს, კონფლიქტის გამწვავებისას ნავთობი მსოფლიო ბაზარზე მნიშვნელოვნად გაძვირდა, თუმცა ცეცხლის შეწყვეტის შემდგომ კვლავ მყისიერად გაიაფდა. ზოგადად, მიუხედავად იმისა, რომ საქართველო ნავთობპროდუქტების წმინდა იმპორტიორია და, შესაბამისად, ნავთობის ფასის ზრდა გამოწვევას წარმოადგენს, ასეთ დროს ქვეყანა ნავთობის მწარმოებლებისგან შედარებით მაღალ სავალუტო შემოდინებებსაც იღებს. ჩვენი შეფასებით, აღნიშნული ფაქტორები ერთმანეთს დიდწილად აბალანსებს. თუმცა, გამოვყოფთ, რომ ბოლო ორ თვეში ბენზინსა და დიზელზე ფასების კლებამ წლიური ინფლაციის შემცირებაში 0.5 პროცენტული პუნქტის წვლილი შეიტანა. ამდენად, ნავთობპროდუქტების მსოფლიო ფასის ზრდა ინფლაციის კუთხით უარყოფითი ფაქტორია. მართლაც, ბოლო დღეებში ბენზინგასამართ სადგურებზე საწვავის ფასები მცირედით გაიზარდა. მსოფლიო ბაზარზე ფასის ნორმალიზაციის პარალელურად, მოსალოდნელია, რომ, სხვა თანაბარ პირობებში, საწვავზე ფასი კვლავ უნდა შემცირდეს.თიბისი კაპიტალის მკითხველისთვის უცხოური ვალუტის შემოდინებებსა და ნავთობის ფასთან დაკავშირებული არგუმენტები კარგად ნაცნობია, მაგრამ არის მნიშვნელოვანი სიახლეც: აშშ დოლარის სტატუსის ცვლილება. როგორც წესი, მომატებული რისკის პერიოდებში, აშშ დოლარი მყარდება, რადგან ინვესტორები აქტივების უსაფრთხო ვალუტაში გადატანას არჩევენ. თუმცა, ამჯერად აშშ დოლარი მხოლოდ კონფლიქტის გამწვავების პირველ საათებში გამყარდა მცირედით, შემდგომ კი კვლავ გაუფასურდა. რას ნიშნავს ეს ჩვენთვის? თუკი ლარი/ევრო/დოლარის ბიზნეს სტრატეგიის ფარგლებში დოლარის გაუფასურება ადრინდელთან შედარებით დოლარში უფრო ნაკლები სესხის აღებას ნიშნავს, უსაფრთხო აქტივის სტატუსის დასუსტება საპირისპირო არგუმენტია. ამის გათვალისწინება განსაკუთრებით მნიშვნელოვანია ბიზნესისთვის, რადგან, თუ უსაფრთხო სტატუსი „ცუდ დროს“ უფრო ძლიერ ვალუტას მოიაზრებს, გაყიდვებისა და მომგებიანობის ვარდნის პარალელურად ვალის ზრდა მოვლენათა სწორედ კიდევ უფრო არასასურველ განვითარებას წარმოადგენს. მთლიანობაში, რა არის ჩვენი განახლებული რეკომენდაცია? ერთი მხრივ, ევროს ბოლოდროინდელი გამყარება ევროში უფრო მეტი სესხების არგუმენტია, თუმცა შედარებით ნაკლებად ვიდრე ადრე, აშშ დოლარის უსაფრთხო აქტივის სტატუსის გარკვეული ცვლილების გამო. მეორე მხრივ, სავალუტო რისკის აღებისას ვალის სტრუქტურაში, ევროსთან შედარებით, აშშ დოლარის წილი კვლავ მეტი უნდა იყოს. შესაძლოა, ეს ყოველივე, ერთი შეხედვით, რთულად ჟღერს, თუმცა აშკარაა, რომ ამ სტრატეგიის გამოყენება ძალზე დიდი ფინანსური სარგებლის მომტანია.ახლა კი ბოლო თვის ყველაზე მნიშვნელოვანი ეკონომიკური მოვლენები:  ეკონომიკური ზრდის შეფასება კვლავ ჩვენს მოლოდინებზე მაღალი რჩება, ინფლაცია გარკვეულწილად მომატებულია, ლარის მხარდამჭერი ფაქტორები ნარჩუნდება, ხოლო სებ სავალუტო რეზერვების შესავსებად დოლარის შეძენას განაგრძობს.საქსტატის მიხედვით, მაისში ეკონომიკურმა ზრდამ 7.5% შეადგინა. უახლეს ინდიკატორებზე დაყრდნობით, უნაღდო დანახარჯები მაისში გაიზარდა და, დღევანდელი მდგომარეობით, მოსალოდნელია, რომ ივნისშიც უფრო ძლიერი იქნება.ამავე დროს, ინფლაცია გარკვეულწილად შერეულ სურათს იძლევა. კერძოდ, სეზონურად შესწორებული და გაწლიურებული ინფლაცია კვლავ მაღალია, მათ შორის მაისშიც. ადგილობრივად წარმოებულ და შერეულ საქონელსა და მომსახურებაზე ფასები, განსაკუთრებით საკვებზე, კი ასევე იზრდება. საპირისპიროდ, მომსახურების ინფლაცია, რომელიც ფუნდამენტურ ფაქტორებს ყველაზე ზუსტად ასახავს, მაისში თითქმის უცვლელი იყო, თუმცა წინა თვეებში საკმაოდ სწრაფად იზრდებოდა. თიბისის კაპიტალის განახლებული პროგნოზით, ინფლაცია წლის ბოლოსთვის, 4.1%-ის ნაცვლად, დაახლოებით, 4.5% იქნება. ინფლაციის გაზრდილ პროგნოზს დიდწილად საკვებზე ფასების ზრდა განაპირობებს, რაც, ერთი მხრივ, გლობალურ ბაზრებზე დინამიკას უკავშირდება, მეორე მხრივ კი ადგილობრივ ფაქტორებსაც ასახავს, კერძოდ მოსავლის კუთხით არსებულ სირთულეებს. რაც შეეხება ლარს, წინა ყოველთვიურ მიმოხილვაში ლარის მხარდამჭერი სამი ძირითადი ფაქტორი იყო გამოყოფილი: ძლიერი წმინდა სავალუტო შემოდინებები, დეპოზიტების თანდათან უკან ლარში კონვერტაციები და აშშ დოლარის გლობალური სისუსტე. ყველა ეს ფაქტორი კვლავ ლარისთვის პოზიტიური დინამიკით ხასიათდება: წმინდა შემოდინებები გაუმჯობესდა, ლარის დეპოზიტები გაიზარდა, შინამეურნეობებისა და იურიდიული პირების მხრიდან უცხოურ ვალუტაზე მოთხოვნა მნიშვნელოვნად შემცირდა, ხოლო აშშ დოლარი კიდევ უფრო გაუფასურდა. პარალელურად, სებ სავალუტო რეზერვების მოცულობით შევსებას განაგრძობს. მაისში შესყიდვებმა 245 მილიონ აშშ დოლარს მიაღწია, ბოლო სამ თვეში კი ჯამური შენაძენი 613 მილიონ აშშ დოლარს შეადგენს. თიბისი კაპიტალის შეფასებით, ტურიზმიდან შემოსავლების დროებით შესუსტების მიუხედავად, ინტერვენციები ივნისშიც გრძელდება.იხილეთ პუბლიკაციის სრული ვერსია ბმულზე .

1751366135

საქართველოში ელექტრომობილების ბიზნესი ვერ ვითარდება და პოპულარობას ვერ იხვეჭს. მიზეზი გაუმართავი ინფრასტრუქტურაა. გარდა ამისა, მანქანების დამუხტვაც თანდათან ძვირდება. რაც მეტად თანამედროვეა დასამუხტი საშუალება, მომხმარებელს უფრო მაღალი ტარიფის გადახდა უწევს. აღმოჩნდა, რომ ელექტრომობილებით გადაადგილების ღირებულება ბენზინზე მომუშავე ავტომობილის ხარჯს გაუტოლდა. თუ ფასი არ დარეგულირდა შესაძლოა, ელექტრო ავტომობილმა ის უპრატესობა დაკარგოს, რაც მის ეკონომიურობას უკავშირდება. ის, რომ მანქანების დამუხტვა ძალიან ძვირია, ამაზე ევროპაშიც ხმამაღლა საუბრობენ. გერმანიაში ელექტრომობილის დამუხტვის ღირებულება ხშირად ბენზინის ფასს აღემატება, რაც „მწვანე“ ტრანსპორტზე გადასვლას საფრთხეს უქმნის.„მწვანე“ ენერგიის მიმწოდებელი გერმანული კომპანია "ლიხტბლიკის" ცნობით, 100 კმ-ისთვის ელექტრომობილის დამუხტვის საშუალო ღირებულება ჩვეულებრივ სადგურებზე 10.45 ევრო, ხოლო მაღალსიჩქარიან სადგურებზე 12.06 ევროა მაშინ, როცა იმავე მანძილზე საჭირო 6 ლიტრი ბენზინის ფასი, დაახლოებით, 10 ევროა.გერმანიაში დამუხტვის სადგურებზე ფასების ზრდას „მრავალი წლის განმავლობაში შეშფოთებით აკვირდებიან.“ვითარება ამ კუთხით სახარბიელო არც ჩვენთანაა. მართალია, საქართველოში ელექტრომობილების დამუხტვა საწვავის ფასს ჯერჯერობით არ უსწრებს, მაგრამ მატების ტენდენცია თვალში საცემია. რაც მეტად გამართული და თანამედროვეა დასამუხტი აპარატები, მით მაღალია მისი ღირებულებაც. ასევე პრობლემურია ინფრასტრუქტურის საკითხიც.ავტომობილების იმპორტიორთა კავშირის თავმჯდომარემ ლაშა დარბაისელმა ,,ბიზნეს-რეზონანსთან" საუბრისას ხაზგასმით აღნიშნა, რომ  საქართველოში უფრო მეტი ელექტრომობილი უნდა დადიოდეს, ვიდრე დღეს არის, მაგრამ მის პოპულარიზაციას ხელს უშლის გაუმართავი ინფრასტრუქტურა."მართალია,  აქციზით არ იბეგრება ელექტრომობილები, მაგრამ ეს არ არის საკმარისი იმისთვის, რომ ბიზნესი განვითარდეს. ამ ეტაპისთვის, მაინც ვერ მოხერხდა, რომ ელექტრო ავტომობილებმა ბაზარზე ფეხი მოიკიდონ. ამის ძირითადი მიზეზი ინფრასტრუქტურის გაუმართაობაა. დამტენები ყველგან უნდა იყოს.რაც შეეხება ფასს, თუ ავტომობილი სახლში იტენება სხვა ტარიფი აქვს. ჩვენ ინფრასტრუქტურის პრობლემა უფრო გვაქვს. ბევრი კომპანიაა, სხვადასახვგვარი დასატენი აპარატებია. ავტომობილის მფლობელები ამ კუთხით პრობლემებს აწყდებიან. ცხადია, ეს დისკომფორტს ქმნის. ხელშეწყობა აუცილებელია. ძალიან ბევრი სწრაფი დამტენი უნდა იყოს, რომ ავტომფლობელმა სწრაფად მოახერხოს გადაადგილება. მართალია, ასეთი დამტენის შემთხვევაში მომხმარებელი გაცილებით მეტს იხდის, მაგრამ ეს არ ნიშნავს იმას, რომ ეს ავტომობილები არაეკონომიურია. თუ ჩვენ ამ მანქანების პოპულარიზაციას ვეწევით და გვინდა გადავიდეთ განვითარების შემდეგ ეტაპზე, ტარიფი არავითარ შემთხვევაში არ უნდა გაიზარდოს, პირიქით, უნდა გაიაფდეს", - განაცხადა ,,ბიზნეს-რეზონანსთან" დარბაისელმა.დიდი მცდელობის მიუხედავად, ფაქტია, ელექტრომობილების პოპულარიზება ჩვენთან მაინც ვერ ხერხდება. სპეციალისტები ფიქრობენ, რომ ყველაზე მთავარი, რითაც ასეთი მანქანები გამოირჩევიან, ეკონომიურობაა, მაგრამ ამ ეტაპისთვის, ეს საკითხიც კითხვის ნიშნის ქვეშ დგება.ელექტრომობილების დამუხტვის ტარიფებთან დაკავშირებით სულ სხვა დამოკიდებულება აქვს კომპანია „რობანი მოტორსის“ დამფუძნებელს ელგუჯა ჯამაგიძეს. ამჟამინდელი მდგომარეობით გამორიცხული არაა, რომ ავტომობილების დამუხტვის ფასმა თანდათან აიწიოს. რასაც ხელს უწყობს მერიის მიერ გამოცხადებული პოლიტიკაც, რომელიც სატენების კომერციული ბაზით გაცემას გულისხმობს.,,დღეს დადგა საკითხი მერიის საკუთრებაში არსებული სატენების გასხვისებასა და კომერციული ბაზით გაცემაზე. თავისთავად, კომერციული დენი უფრო ძვირი ღირს და შესაბამისად, შესაძლებელია, რომ საწვავის ფასს არ გაუთანასწორდეს, მაგრამ მიაღწიოს იმ დონეს, რომ მომხმარებელს ინტერესი გაუწრეს. თანაც, ჩვენთან ელექტრომობილების უმეტესი ნაწილის საქართველოს ერთი საზღვრიდან, მეორემდე მიღწევის ალბათობა ნულია. შესაბამისად, ინფრასტრუქტურა, რომელიც ამ ეტაპზე თითქმის არ არსებობს სრულად გამართული უნდა იყოს. გზაზეც უნდა განთავსდეს სატენები. ეს კი, მეტწილად, სახელმწიფო პოლიტიკაზეა დამოკიდებული.თუ სექტორი კომერციულ საწყისებზე გადავა, მოხმარებული დენის საფასურიც გაცილებით მოიმატებს. თანაც, ელექტროენერგიის მეტ ხარჯვასთან ერთად, ტარიფიც იზრდება. 100 კვ.სთ ზემოთ დახარჯულ ენერგიაზე სხვა ფასია, 300კვ.სთ-ზე დახარჯულძთან სხვა და ა.შ.  ავტომობილის მფლობელი, რომელიც ამ ენერგიის მოხმარებას დაიწყებს და ტარიფი გაეზრდება, ესეც თავისთავად ხარჯი და დისკომფორტია.რაც შეეხება ახალი ტიპის სატენების დანერგვას, რომელიც სწრაფად მუხტავს და აკუმულატორებს არ აფუჭებს, ეს უფრო ძვირია. მოგეხსენებათ, ტექნოლოგიურად რაც მეტად დახვეწილი და კომფორტულია, ფასიც დიდია. ამ კრიტერიუმებს თუ დავაჯამებთ სავსებით შესაძლებელია, რომ ფასმაც აიწიოს. ყოველივე ამის შემდგომ, რამდენად აზრი ექნება ელექტრომობილის ფლობას, ეს ძნელი წარმოსადგენია", - აღნიშნა ელგუჯა ჯამაგიძემ ,,ბიზნეს-რეზონანსთან" საუბრისას.მისივე აზრით, ელექტრო ავტომობილების მიმართ სახელმწიფო პოლიტიკა  სწორად მიმართული არა. აუცილებელია ინფრასტრუქტურის განვითარება. უნდა აღმოიფხვრას ის პრობლემები, რომელიც, ნებით თუ უნებლიეთ, მფლობელს დისკომფორტს უქმნის."მყიდველი რაღაცით დაინეტერესებული უნდა იყოს. ადვილი არაა გადავიდეთ ელექტრომობილებზე და აღმოჩნდეს რომ კომერციული თვალსაზრისით ღირებული არ აღმოჩნდეს. ჩვენ, ერთი მხრივ გავიძახით, რომ გარემოს ვუფრთხილდებით და მეორე მხრივ, არაფერს ვაკეთებთ ეკოლოგიური ნორმების დასაცავად. ამიტომაც პოპულარიზაცია და განვითარება ვერ მოხერხდა", - განუცხადა ელგუჯა ჯამაგიძემ ,,ბიზნეს-რეზონანსს".საქართველოში სწრაფი დამუხტვის აპარატებზე 1 კვტ/სთ ელექტროენერგიის ღირებულება 85 თეთრიდან 1,20 ლარამდე მერყეობს. 100 კმ-ის გასავლელად საჭირო დენის შეძენის შემთხვევაში, ელექტრომობილის მფლობელს დაახლოებით 22-24 ლარის გადახდა უწევს. ბენზინის ძრავზე მომუშავე ავტომობილის ხარჯიც ამისგან თითქმის  არ განსხვავდება. მანქანას, რომელიც 100 კმ-ზე 9-10 ლიტრ ბენზინს მოიხმარს, ამ მანძილის დასაფარად 25-28 ლარი სჭირდება.წყარო: resonancedaily.com

1751361605

მრიცხველის მოწყობის მსურველმა წერილობით უნდა მიმართოს განაწილების ლიცენზიანტს. ჭკვიანი მრიცხველის მოწყობის მსურველმა განაცხადის წარდგენამდე ჭკვიანი მრიცხველის საფასურის ნახევარი წინასწარ უნდა გადაიხადოს, დანარჩენი კი დამონტაჟებიდან 10 დღის ვადაში.ცნობისთვის, აღნიშნული რეგულაცია თვითმმართველ ქალაქებში 2024 წლის 1-ლი ოქტომბრიდან ამოქმედდა.

1751361237