უქმეების შუა პერიოდი - 11 აპრილი ცხადდება საბანკო დღედ, საგადახდო ოპერაციები ჩვეულ რეჟიმში განხორციელდება - სებ

„უნდა აღინიშნოს, რომ საქართველოს საშუალო ეკონომიკური ზრდა ევროკავშირის კანდიდატი ქვეყნების ეკონომიკური ზრდის მაჩვენებელს თითქმის ორჯერ აღემატება“ - აღნიშნა ვახტანგ ცინცაძემ.მინისტრის მოადგილემ ხაზი გაუსვა მსოფლიო ბანკის შეფასებებს, რომლის მიხედვითაც, საქართველო რჩება ერთ-ერთი ყველაზე მაღალი ეკონომიკური ზრდის მაჩვენებლის მქონე ქვეყნად„შესაბამისად, ველოდებით, რომ ეკონომიკური ზრდის მაჩვენებელი როგორც 2026, ასევე 2027 წელს იმაზე უფრო მაღალი იქნება, ვიდრე ამას საერთაშორისო-საფინანსო ინსტიტუტები პროგნოზირებენ. ამის საფუძველს გვაძლევს ის მონაცემები, რომლებიც საქართველოში იანვარ-თებერვლის თვეებში დაფიქსირდა, კერძოდ: ორი თვის განმავლობაში, ჩვენი ქვეყნის საშუალო ეკონომიკური ზრდა 8.4 პროცენტს შეადგენს“ - განაცხადა ცინცაძემ.ეკონომიკის მინისტრის მოადგილის შეფასებით, ეკონომიკური ზრდის ტემპს დამატებით სტიმულს მისცემს 2026 წელს ინფრასტრუქტურული პროექტების განხორციელების გააქტიურება,  ასევე ეკონომიკური განვითარების კორპორაციის შექმნა, რომელიც უზრუნველყოფს არამხოლოდ მცირე და საშუალო მეწარმეების, არამედ ზოგადად, ეკონომიკის მხარდაჭერას სხვადასხვა ინსტრუმენტებით, რაც ასევე დააჩქარებს ეკონომიკურ ზრდას.„ჩვენი მოლოდინია, რომ  2026-27 წლებში საქართველოს ექნება ერთ-ერთი ყველაზე მაღალი  ეკონომიკური ზრდა არამხოლოდ რეგიონისა და ევროპის მასშტაბით, არამედ გლობალურად“ - აღნიშნა ვახტანგ ცინცაძემ.

1775729626

შეგახსენებთ, რომ 9 აპრილი და აღდგომის ბრწყინვალე დღესასწაულთან დაკავშირებით 10, 11, 12 და 13 აპრილი დასვენების დღეებად არის გამოცხადებული.

1775726589

მისი განმარტებით, ენერგეტიკის სექტორში მნიშვნელოვანი რეფორმა ხორციელდება, რომლის ნაწილი იყო კერძო სექტორში დაგროვილი ჯარიმების პატიება, რომლის მოცულობამაც 1 მილიარდი ლარი შეადგინა. მინისტრის  მოადგილის განმარტებითვე,  2025 წლიდან განხორციელებული ღონისძიებები კერძო სექტორის მხარდაჭერას ემსახურება და ქვეყნის სწრაფ ენერგეტიკულ განვითარებას შეუწყობს ხელს.„საქართველოს  მთავრობას დაგეგმილი აქვს, რომ უახლოესი 10 წლის განმავლობაში ქვეყნის დადგმული სიმძლავრე 11500 მეგავატი გახდეს.  ეს არის ძალიან მნიშვნელოვანი წინაპირობა იმისთვის, რომ ქვეყანა გახდეს ენერგოდამოუკიდებელი  და შესაბამისად, იმპორტზე  დამოკიდებულება ელექტროენერგიის თვალსაზრისით  გავანულოთ. მსგავსი ტიპის ღონისძიებები, რაც  2025  წლიდან საქართველოს მთავრობამ განახორციელა კერძო სექტორის  დასახმარებლად, სწორედ იმას ემსახურება, რომ ქვეყნის  ელექტროენერგეტიკული განვითარების კუთხით  ძალიან სწრაფად  მოხდეს იმ დაგეგმილი ნაბიჯების გადადგმა, რომელიც ქვეყანას  მიიყვანს ამ ეტაპამდე“, -  აღნიშნა ინგა ფხალაძემ.შეგახსენებთ, რომ 157 კომპანიას პირობით ეპატია 1 მილიარდი ლარის ჯარიმები. კომპანიების ნაწილმა უარი თქვა შეთავაზებით სარგებლობაზე, შედეგად შეწყდება 535 მეგავატის პროექტები, თუმცა, იმავდროულად გაგრძელდება 1560 მეგავატი პროექტების განხორციელება.

1775724505

„ბრიტანულ-ქართული აკადემიის“ 30%-იანი აქციონერის ნათია ჯანაშიას და მისი მეუღლის მიერ გავრცელებული განცხადებიდან, რომელიც აქციონერთა კრების დეტალებს ეხებოდა, გასაჯაროვდა ამავე კრების დეტალები. კერძოდ, განხილული იყო შემდეგი საკითხები: ახალ კანონთან ბრიტანულ-ქართული აკადემიის სარეგისტრაციო მონაცემების შესაბამისობაში მოყვანის საკითხი, რათა დაკმაყოფილებულიყო საქართველოს კანონმდებლობის მოთხოვნა და 1 აპრილამდე, ანუ კანონით დადგენილ ვადამდე, ბრიტანულ-ქართული აკადემიის ხელახალი რეგისტრაცია დასრულებულიყო და ბრიტანულ-ქართული აკადემიის შემდგომი განვითარებისა და უკვე გაცხადებულად დაინტერესებული მოსწავლეების მოზიდვის მიზნით, მაჟორიტარი აქციონერის მფლობელობაში არსებული მიწის ნაკვეთის ბრიტანული აკადემიის კაპიტალში შეტანის საკითხის განხილვა, მხარეთა შორის წარსულში შეთანხმებულ ფასად და წესით.როგორც ნათია ჯანაშიას მიერ გავრცელებული განცხადებაშია მითითებული, მისი მხარე იუსტიციის მინისტრის მიერ დამტკიცებული წესდების მიღების წინააღმდეგ წავიდა, რითაც უარი განაცხადა „ბრიტანულ-ქართული აკადემიის“ რეგისტრაციის გაგრძელებაზე და საფრთხის წინაშე დააყენა მოსწავლეები. ნათია ჯანაშია გავრცელებულ განცხადებაში თავად წერს: „იმ შემთხვევაში, თუ რეესტრის მიერ დადგენილი ხარვეზი არ აღმოიფხვრება, სკოლას ემუქრება რეგისტრაციის არათუ შეჩერება, არამედ გაუქმება, რაც სკოლის ლიკვიდაციის საფრთხეს ქმნის“.გიორგი კაპანაძე უაღრესად შეშფოთებულია იმ ფაქტით, რომ ნათია ჯანაშიას მხარემ არ დაუჭირა მხარი სკოლის მომავალს და განვითარებას.აფბას ხელმძღვანელი აღწერს, თუ რა მდგომარეობაშია აკადემია ამ უმძიმესი ნაბიჯის გამო. „ნათია ჯანაშია გაცნობიერებულად მიდის სასტიკი გადაწყვეტილების აღსრულებაზე და შეგნებულად აზიანებს „ბრიტანულ-ქართულ აკადემიას“. სკოლას სრულად შეეზღუდა საბანკო ანგარიშების მართვა, თანხების განკარგვა, წარმომადგენლობითი უფლებამოსილებები. „ბრიტანულ-ქართული აკადემიის“ საოპერაციო საქმიანობა, ფაქტობრივად, პარალიზებულია.გიორგი კაპანაძის აზრით, ბრიტანულ-ქართული აკადემიის გადარჩენა ამ შექმნილ უმძიმეს მდგომარეობაში მხოლოდ „საქართველოს განათლების ჯგუფს“ შეუძლია.„ბრიტანულ-ქართული აკადემია“, რადგან მისი ლიკვიდაცია ნათია ჯანაშიას და მის მეუღლეს სურს და ყველაფერს აკეთებს ამისთვის, არ უნდა დაიხუროს. დარწმუნებული ვარ „საქართველოს განათლების ჯგუფი“ ყველაფერს იღონებს იმისთვის, რომ აკადემიამ გააგრძელოს საქმიანობა და სკოლის მოსწავლეებმა და მასწავლებლებმა ჯანაშია-ცეცხლაძის საქციელის გამო არანაირი პრობლემა არ უნდა შეექმნას“, - ამბობს კაპანაძე.

1775723862

„ინფრასტრუქტურის მინისტრის რევაზ სოხაძის განცხადებით, სამინისტროს მიერ მიღწეული შედეგი აქტიური მუშაობის შედეგია. მისი თქმით, პირველი კვარტლის გეგმა გადაჭარბებით შესრულდა და ათვისებულმა თანხამ დაახლოებით 442 მილიონ ლარს მიაღწია. მინისტრმა ასევე აღნიშნა, რომ უწყებას კიდევ უფრო ამბიციური გეგმები აქვს, განსაკუთრებით მეორე და მესამე კვარტალში, როდესაც ძირითადი ინფრასტრუქტურული პროექტების მნიშვნელოვანი ნაწილი დაიწყება.,,აქტიურად ვმუშაობთ სხვადასხვა პროგრამაზე და მიმართულებაზე, რომელიც წლის დასაწყისში დავაანონსეთ. იმედი გვაქვს, რომ ამ კუთხით პრობლემები არ გვექნება. შევეცდებით, ყველა ის სამუშაო, რომელიც ჩვენს ქვეყანაში ინფრასტრუქტურის გაუმჯობესებას ეხება მაქსიმალურად სწრაფი ტემპით და ხარისხიანად წარიმართოს“-აღნიშნა რევაზ სოხაძემ.სამინისტროს მართვაში არსებულმა უწყებებმაც 2026 წლის 3 თვის გეგმებს გადააჭარბეს და ქვეყნის მასშტაბით, ინფრასტრუქტურული პროექტების განვითარებას მოახმარეს: საავტომობილო გზების დეპარტამენტმა - 281.1 მილიონი ლარი (გეგმის 111%); სსიპ საქართველოს მუნიციპალური განვითარების ფონდმა - 119.3 მილიონი ლარი (გეგმის 100%); შპს ,,საქართველოს გაერთიანებული წყალმომარაგების კომპანიამ“ – 39.0 მილიონი ლარი (გეგმის 108%).საავტომობილო გზების დეპარტამენტში განმარტავენ, რომ პირველი კვარტლის შედეგები მიუთითებს ინფრასტრუქტურული სამუშაოების აქტიურ ფაზაში გადასვლაზე. ამ ეტაპზე ქვეყნის მასშტაბით მიმდინარეობს სახელმწიფო ბიუჯეტით დაფინანსებული 85 პროექტი, რომელთა უმეტესობა გზების რეაბილიტაციას, სტიქიის შედეგების ლიკვიდაციასა და ნაპირდაცვით სამუშაოებს მოიცავს. პირველ კვარტალში დასრულდა 11 პროექტი, რომელთა შედეგებიც უკვე ხელმისაწვდომია მოსახლეობისთვის.124%-ით შესრულდა მაგისტრალური გზების მშენებლობის გეგმაც, რასაც 149.6 მილიონი ლარი მოხმარდა. სამუშაოები გრძელდება და მიმდინარე წელს დასრულდება ჩქაროსნული გზის ოთხი მონაკვეთი: სამტრედია-გრიგოლეთის მაგისტრალის 6-კილომეტრიანი და გრიგოლეთი-ქობულეთის 3-კილომეტრიანი მონაკვეთები, საგარეჯო-ბადიაურის მაგისტრალური გზა და გუდაურამდე მისასვლელი ახალი გზა.მთელი ქვეყნის მასშტაბით აქტიურად აგრძელებს სამუშაოებს საქართველოს გაერთიანებული წყალმომარაგების კომპანიაც - სახელმწიფო ბიუჯეტისა და ფინანსური ინსტიტუტების მხარდაჭერით, 100-ზე მეტ მდებარეობაში მიმდინარეობს 2 მილიარდ ლარზე მეტი ღირებულების პროექტები. აღნიშნული პროექტების დასრულების შედეგად, 300 ათასზე მეტი ბენეფიციარი ისარგებლებს გაუმჯობესებული წყალმომარაგების სისტემით", - ნათქვამია ინფორმაციაში.

1775722345

ქართული ღვინის დეგუსტაცია-სემინარები, ე.წ. Road Show იაპონიის ქალაქებში - საპორო, სენდაი და ტოკიო, 7-13 აპრილის პერიოდში იმართება.სენდაიში ქართული ღვინის წარდგენას Red Bridge-ის ხელმძღვანელი, ღვინის მაგისტრი კენიჩი ოჰაში უძღვებოდა, რომელმაც ქართული ღვინის შესახებ პრეზენტაცია წარადგინა. პრეზენტაცია მოიცავდა ინფორმაციას ქართული მეღვინეობის მრავალსაუკუნოვანი ისტორიის, ტრადიციების, ვაზის ძირითადი ჯიშებისა და თანამედროვე ქართული ღვინის ინდუსტრიის განვითარების შესახებ.იაპონია ქართული ღვინის ერთ-ერთ სტრატეგიულ საექსპორტო ბაზარს წარმოადგენს. 2025 წელს აღნიშნულ ბაზარზე ექსპორტირებული იყო 200 ათას ლიტრამდე ქართული ღვინო, რაც 42%-ით აღემატება 2024 წლის ანალოგიურ მაჩვენებელს.იაპონიის ბაზარი გამოირჩევა მაღალი ხარისხის პროდუქციისადმი განსაკუთრებული მოთხოვნითა და ავთენტური, განსხვავებული გემოებისადმი მზარდი ინტერესით. შესაბამისად, აღნიშნული აქტივობები ხელს უწყობს როგორც ექსპორტის ზრდას, ასევე წარმოების სტანდარტებისა და მარკეტინგული სტრატეგიებისდახვეწას,  რაც გრძელვადიან პერსპექტივაში აძლიერებს ქართული ღვინის კონკურენტუნარიანობას საერთაშორისო ბაზარზე.

1775721976