საქართველოში მოყვანილი ვაშლის 91% რუსეთში გაიყიდა

SOCAR-მა ანკარის ესენბოღას აეროპორტის ობიექტებისთვის ბუნებრივი აირის მ...

SOCAR Turkey-მ ანკარის ესენბოღას აეროპორტის ობიექტებისთვის ბუნებრივი აირის მიწოდება დაიწყო. ამასთან დაკავშირებით SOCAR Turkey-ის ბუნებრივი აირის ბიზნეს განყოფილების ხელმძღვანელ ფუად იბრაჰიმოვსა და TAV Airports-ის აეროპორტების ხელმძღვანელ მეტე ჰერნანს შორის თანამშრომლობის ხელშეკრულება გაფორმდა.ფიქსირებული ფასის კონტრაქტის სტრუქტურით მხარდაჭერილი ეს ახალი ფაზა მიზნად ისახავს არა მხოლოდ მიწოდების საიმედოობის გაძლიერებას, არამედ TAV Airports-ის ოპერაციული მდგრადობის გაზრდას და ხარჯების პროგნოზირებადობის უზრუნველყოფას. ამ ობიექტების SOCAR Turkey-ის აგრეგირებულ პორტფელში ჩართვა ქმნის არა მხოლოდ ელექტროენერგიისა და ბუნებრივი აირის მარაგების, არამედ კოგენერაციის ობიექტის ინტეგრირებული, ეფექტური და ეფექტიანი მართვის შესაძლებლობას.აღნიშნული მოდელი, რომელიც ოპტიმიზაციას უკეთებს გაზისა და ელექტროენერგიის კომბინირებულ მიწოდებას, სისტემის ბალანსს აძლიერებს, ხოლო მრავალდონიანი პორტფელის მართვის მიდგომა გვთავაზობს ყოვლისმომცველ ენერგეტიკულ გადაწყვეტას, რომელიც აუმჯობესებს ოპერაციულ ეფექტურობას.ფუად იბრაჰიმოვმა თანამშრომლობის შესახებ კომენტარი გააკეთა.„ენერგეტიკული ბაზრები უკვე შორდებიან იმ მოდელებს, სადაც გაზი და ელექტროენერგია დამოუკიდებლად იმართება. დღეს, ინტეგრირებული სტრუქტურები, რომლებსაც შეუძლიათ ამ რესურსების ეფექტურად ოპტიმიზაცია, კონკურენტულ უპირატესობას იძენენ. ეს თანამშრომლობა, რომელიც TAV Airports-თან დავამყარეთ, SOCAR Turkey Energy-სა და Gas-to-Power-ის ინტეგრირებული ხედვის პრაქტიკული გამოვლინებაა. ჩვენი ძლიერი მიწოდების ინფრასტრუქტურით, ფიქსირებული ფასის კონტრაქტის მექანიზმებით და აგრეგირებული პორტფელით, ჩვენ არა მხოლოდ უზრუნველვყოფთ ენერგომომარაგებას, არამედ გთავაზობთ დამატებით ღირებულ გადაწყვეტილებებს, რომლებიც მხარს უჭერს სისტემის ბალანსს და ოპერაციულ მდგრადობას.“თავის მხრივ, მეტე ჰერნანმა აღნიშნა, რომ აეროპორტები კრიტიკულად მნიშვნელოვანი სატრანსპორტო ინფრასტრუქტურაა შეუფერხებელი ოპერირებით.„ენერგეტიკული უსაფრთხოება ჩვენი ერთ-ერთი მთავარი პრიორიტეტია ოპერაციული უწყვეტობის უზრუნველსაყოფად. SOCAR Turkey-თან ხელმოწერილი შეთანხმება ჩვენს თანამშრომლობას ახალ დონეზე აჰყავს. ჩვენი მიზანია, ჩვენს მგზავრებსა და პარტნიორებს საუკეთესო მოგზაურობის გამოცდილება შევთავაზოთ. SOCAR Turkey-ის ენერგეტიკული ექსპერტიზა და მათ მიერ შემოთავაზებული ინტეგრირებული მიდგომა აუცილებელია ჩვენი ოპერაციების მდგრადობისთვის“.

ინგა ფხალაძე: 2036 წლისთვის საქართველო მიზნად ისახავს გახდეს სრულად თვ...

მინისტრის მოადგილემ ყურადღება გაამახვილა რეგიონული მნიშვნელობის ენერგეტიკულ ინფრასტრუქტურულ პროექტებზე, რომელთა მეშვეობითაც საქართველო და სამხრეთ კავკასიის ენერგეტიკული სისტემა ევროკავშირის ელექტროენერგიის ქსელს დაუკავშირდება. ინგა ფხალაძემ ფორუმის მონაწილეებს შავი ზღვის წყალქვეშა კაბელისა და მწვანე ენერგეტიკული დერეფნის განვითარების მიმდინარეობა გააცნო. მინისტრის მოადგილის თქმით, ეს პროექტები არა მხოლოდ ინფრასტრუქტურული ინვესტიციებია, არამედ ენერგიის დივერსიფიკაციის, დეკარბონიზაციისა და გრძელვადიანი რეგიონული მდგრადობის მიმართ საერთო ერთგულებას ასახავენ.ინგა ფხალაძემ ასევე აქცენტი გააკეთა საქართველოს საინვესტიციო კლიმატსა და მთავრობის გრძელვადიან ენერგეტიკულ ხედვაზე, მეტი ყურადღება დაუთმოს ქვეყანაში განახლებადი ენერგიის წყაროების ათვისებას. „ჩვენს ქვეყანას გააჩნია აუთვისებელი პოტენციალი ჰიდრო, ქარისა და მზის ენერგიის მიმართულებით. მზად ვართ შევქმნათ გამჭვირვალე და ინვესტორზე ორიენტირებული ჩარჩო, რომელიც მხარს დაუჭერს მდგრად პროექტებს გარემოსდაცვითი და სოციალური სტანდარტების სრული დაცვით,“ - აღნიშნა მინისტრის მოადგილემ.„2036 წლისთვის საქართველო მიზნად ისახავს გახდეს სრულად თვითკმარი ელექტროენერგიის თვალსაზრისით და სუფთა ენერგიის საიმედო ექსპორტიორი რეგიონსა და ევროპაში. გვაქვს ამბიციური გეგმა, გავზარდოთ ჯამური დადგმული სიმძლავრე ორნახევარჯერ, რაც გულისხმობს სტრატეგიული ჰესების განვითარებას სისტემის მოქნილობისა და საიმედოობისთვის, ასევე, ქარისა და მზის ფართომასშტაბიან პროექტებს ენერგეტიკის შემდგომი დივერსიფიკაციისთვის,“ - განაცხადა ინგა ფხალაძემ. თავის გამოსვლაში, მინისტრის მოადგილემ ასევე ისაუბრა ქვეყანაში მიმდინარე ენერგეტიკულ დარგის რეფორმასა და სექტორში ახალი ტექნოლოგიების დანერგვის შესაძლებლობასა და სხვა პრიორიტეტულ საკითხებზე.აიდერის ენერგეტიკულ ფორუმზე ინგა ფხალაძემ ასევე გამართა ორმხრივი შეხვედრები თურქეთისა და აზერბაიჯანის სამთავრობო და კერძო ენერგეტიკული კომპანიების წარმომადგენლებთან.

ყაზახეთმა 2025 წელს ბაქო-თბილისი-ჯეიჰანის მილსადენით 1.3 მილიონი ტონა...

ამის შესახებ ნავთობისა და გაზის კომპანია KazMunayGas-ის პრესსამსახურმა განაცხადა.„ყაზახური ნავთობის მიწოდებამ აქტაუს პორტიდან ბაქო-თბილისი-ჯეიჰანის მიმართულებით 1.3 მილიონი ტონა შეადგინა. 2026 წლისთვის მოსალოდნელი მოცულობა 1.6 მილიონ ტონამდე ნავთობია“, - ნათქვამია 2025 წელს ნავთობის მიწოდების შედეგების შესახებ განცხადებაში.ყაზახეთის ენერგეტიკის სამინისტროს მონაცემებით, 2024 წელს ბაქო-თბილისი-ჯეიჰანის მარშრუტით დაახლოებით 1.4 მილიონი ტონა ყაზახური ნავთობი გადაიტანეს.

მოლდოვის ოფიციალურმა პირებმა განაცხადეს, რომ „ლუკოილი“ იძულებულია გაყი...

ამის შესახებ მოლდოვას ენერგეტიკის მინისტრმა დორინ ჯუნგიეტუმ რადიო „თავისუფლების“ მოლდოვურ ფილიალთან ინტერვიუში განაცხადა.„მათ არსებითად არჩევანი არ აქვთ. წინააღმდეგ შემთხვევაში, ტრანზაქციები დაიბლოკება“, - უპასუხა მინისტრმა, როდესაც რუსული კომპანიის მიერ მოლდოვური აქტივების გაყიდვაზე უარის თქმის შესაძლებლობაზე ჰკითხეს.მან განაცხადა, რომ მთავრობა არ არის დაინტერესებული „ლუკოილ-მოლდოვას“ შვილობილი კომპანიის ბენზინგასამართი სადგურების ქსელის შეძენით. თუმცა, მოლდოვას ხელისუფლება კიშინიოვის აეროპორტში კომპანიის საწვავის კომპლექსის ექსპროპრიაციას ახორციელებს მისი შესყიდვის შესახებ მოლაპარაკებების დასრულების გარეშე.ჯუნგიეტუს თქმით, კომპანიის მენეჯმენტი აქტივების გადაცემას ხელს არ უშლის.„ამ დროისთვის არანაირი აშკარა წინააღმდეგობა ან განზრახ შეფერხება არ ყოფილა. კომპანია თანამშრომლობს პროცესის დასასრულებლად“, - აღნიშნა მინისტრმა.მანამდე, აშშ-ის ფინანსთა სამინისტრომ ნავთობკომპანიები „ლუკოილი“ და „როსნეფტი“, ასევე მათი 34 შვილობილი კომპანია, აშშ-ის სანქციების ახალ პაკეტში შეიყვანა.აშშ-ის გადაწყვეტილების შემდეგ, მოლდოვას ენერგეტიკის მინისტრმა ჟურნალისტებს განუცხადა, რომ მთავრობა აეროპორტის საწვავის კომპლექსს შეიძენდა მთავარი აეროპორტის შეუფერხებელი ფუნქციონირების უზრუნველსაყოფად და რომ ფასზე მოლაპარაკებები დაწყებული იყო. თუმცა, შემდგომში ხელისუფლებამ ეს იდეა მიატოვა. მოლდოვას მთავრობის ცნობით, რუსული კომპანია მოლდოვაში მოქმედი 570 საწვავის სადგურიდან დაახლოებით 110-ს ფლობს. „ლუკოილ-მოლდოვა“ ნავთობპროდუქტების იმპორტიორი და საბითუმო მოვაჭრეა.

საქართველო მდიდარია ჰიდრორესურსებით, გვინდა 2.5-ჯერ გაიზარდოს წარმადობ...

განვითარების კვირეულის ფარგლებში გამართულ ლიდერთა დიალოგზე სიტყვით გამოსვლისას განაცხადა, რომლის მთავარი თემა იყო - შუა დერეფანი - ევროპისა და აზიის დაკავშირება ენერგიის მეშვეობით.მთავრობის მეთაურმა ენერგეტიკის სექტორის განვითარების განსაკუთრებულ მნიშვნელობაზე ისაუბრა.„ჩვენ განსაკუთრებულ მნიშვნელობას ვანიჭებთ ენერგეტიკის სექტორის განვითარებას ქვეყანაში. საქართველო მდიდარია ჰიდრორესურსებით. ჩვენ მხოლოდ 20%-ს ვიყენებთ ამ ჰიდრორესურსების, რაც ძალიან დიდ შესაძლებლობას ქმნის ჩვენთვის, რომ განვავითაროთ ეს სექტორი. ჩვენ განსაკუთრებული გეგმა გვაქვს ამ მიმართულებით ენერგოსექტორის განვითარებისთვის, ეს არის ჩვენი არსებული გეგმა 2026 წლის განმავლობაში. გვინდა, რომ გენერაციის წარმადობა 2.5-ჯერ გაიზარდოს. ეს არის ამბიციური გეგმა. ჩვენ გვაქვს შესაძლებლობა, რომ მოვიზიდოთ ინვესტორები. ეს ძალიან სასარგებლო იქნება ჰიდროენერგეტიკულ სექტორში ინვესტირებისთვის საქართველოში“, - აღნიშნა პრემიერმა.ირაკლი კობახიძემ ისაუბრა ინვესტიციების მოზიდვაზე მზის და ქარის ენერგიის სფეროში.„ასევე, შეგვიძლია მოვიზიდოთ ინვესტიციები მზის და ქარის ენერგიის სფეროში და გეგმაც არსებობს ამისთვის. ჩვენ ძალიან მნიშვნელოვანი რეფორმები გვაქვს განხორციელებული მთავრობის და ეკონომიკის სამინისტროს მიმართულებით. ამიტომ, ძალიან ოპტიმისტურად ვართ განწყობილი ამ თემასთან დაკავშირებით. იდეა იმაში მდგომარეობს, რომ სრული თვითკმარობა შევქმნათ 2030 წლისთვის და ევროპულ ბაზარზე გავიტანოთ გამომუშავებული ენერგია. ამისთვის ძალიან დიდი შესაძლებლობები არსებობს და მიმაჩნია, რომ ეს პერსპექტივა 2026 წელს იქნება გამოყენებული და ექსპორტზე გავალთ ევროპულ ბაზარზე“, - განაცხადა პრემიერმა.