სამი ძირითადი ფაქტორი, რომელიც ლარს ამყარებს - თიბისი კაპიტალმა მაკროეკონომიკური განახლება გამოაქვეყნა

Global Tech Weekend Tbilisi 2025-ის მხარდამჭერია „თეგეტა ჰოლდინგი“. კომპანიამ წლებია, ციფრული ტრანსფორმაცია ბიზნესმოდელისა და მომხმარებელთან ურთიერთობის გაუმჯობესების ფუნდამენტად აქცია. ღონისძიების მონაწილეებს „თეგეტას“ დიგიტალ ტრანსფორმაციისა და ციფრული პროდუქტების, მათ შორის  Tegeta app-ის შესახებ ინფორმაციას, ჰოლდინგის ციფრული ტრანსფორმაციის ლიდი გაუზიარებს. ნიკა კოხოძე 21 ივნისს  Global Tech Weekend Tbilisi 2025-ის მთავარ ღონისძიებაზე  - Shaping the New Era გამოვა სიტყვით.ნიკა კოხოძე, „თეგეტა ჰოლდინგის“ ციფრული ტრანსფორმაციის ლიდი: „თეგეტასთვის“ ციფრული ტრანსფორმაცია არ არის მხოლოდ პროექტი — ესაა ბიზნესის განვითარების ძირითადი ღერძი. გვიხარია, რომ Global Tech Weekend Tbilisi 2025 ფარგლებში საშუალება მოგვეცემა, ტექსფეროს წარმომადგენლებს გავუზიაროთ ჩვენი გამოცდილება. ციფრული ტრანსფორმაციის პროცესში  შევქმენით მონაცემთა ერთიანი სტრუქტურა, მოვახდინეთ პროცესების ავტომატიზაცია, ციფრულ პროდუქტებზე აქცენტით.Tegeta App სწორედ ამ ტრანსფორმაციის ერთ-ერთი  მაგალითია, რომელიც  მომხმარებელს ავტომობილზე ზრუნვას უმარტივებს.  ის  არის ერთგვარი ციფრული ასისტენტი, შენი მანქანის პერსონალური მენეჯერი. ეს აპლიკაცია მხოლოდ „თეგეტას“ მომხმარებლებისთვის არ შეგვიქმნია, ის იქნება ერთიანი პლატფორმა ყველა ავტომფლობელისთვის საქართველოში, მომავალში — რეგიონშიც.Global Tech Weekend Tbilisi 2025-ი შესაძლებლობას მოგვცემს, საფუძველი ჩავუყაროთ პროფესიულ კომუნიკაციას, მივიღოთ უკუკავშირი იმ ადამიანებისგან, ვინც არა მხოლოდ გვისმენს, არამედ ხედავს განვითარების გლობალურ ტენდენციებსა და შესაძლებლობებს“.Global Tech Weekend Tbilisi 2025-ის მთავარი კონფერენცია სახელწოდებით Shaping the New Era 21 ივნისს,  Radio City | District 4-ში ჩატარდება და მას  3000-ზე მეტი სტუმარი, 100-ზე მეტი პარტნიორი კომპანია და სხვადასხვა ქვეყნიდან 80 სპიკერი დაესწრება. Radio City | District 4-ში ქართველი და უცხოელი წამყვანი ტექპროფესიონალები სხვადასხვა სცენაზე წარდგებიან: მოეწყობა მთავარი სცენა, სტარტაპების გამოფენა და კონკურსი, შიდა მცირე სცენა, Arrival Lab-სცენა, Co-Working სივრცე, მედიასივრცე და Chillout ზონა და სხვა. ბილეთების გაყიდვა მთავარი ღონისძიებისთვის უკვე დაწყებულია. სრული განრიგი კი ეტაპობრივად დაანონსდება.ღონისძიების პირველ და მესამე დღეს, Global Tech Weekend Tbilisi 2025-ის ქოლგის ქვეშ, არსებული Community Partner-ები თბილისის მასშტაბით ტექნოლოგიებთან დაკავშირებულ სხვადასხვა უნიკალურ  Side Event-ს გამართავენ.Global Tech Weekend Tbilisi 2025-ზე დასწრება შეუძლია ნებისმიერ მსურველს, ვისაც ტექნოლოგიები და მასთან დაკავშირებული ციფრული სფეროები აინტერესებს, სურს, შეხვდეს ინვესტორებს და გაიცნოს ინდუსტრიის წამყვანი პროფესიონალები. გარდა ადგილობრივი მონაწილეებისა, ღონისძიება უმასპინძლებს სტუმრებს მსოფლიოს სხვადასხვა წერტილიდან, რაშიც აქტიურად არიან ჩართულები GTWT 2025-ის ბრენდელჩები – საერთაშორისო მასშტაბით ცნობილი ათი პროფესიონალი, რომელთა მხარდაჭერით სხვადასხვა ქვეყანაში ინფორმაციის გავრცელება და სტუმრების მოწვევა ხდება.--,,თეგეტა ჰოლდინგის” შესახებ: უმსხვილესი საავტომობილო კომპანია კავკასიასა და ცენტრალურ აზიაში მომხმარებელს საავტომობილო ეკოსისტემის სრულ სპექტრს სთავაზობს, რაც მსუბუქ, სატვირთო და სამშენებლო, ასევე კომერციულ, სამგზავრო და ინდუსტრიულ ტრანსპორტს მოიცავს. მთელი ქვეყნის მასშტაბით ,,თეგეტას” 28 სერვისცენტრი აქვს. „თეგეტა“ ექსკლუზიურად წარმოადგენს ცნობილ ბრენდებს Porsche, Volvo, Toyota, Mazda, Geely, Zeekr. სატვირთო და სპეცტექნიკის მიმართულებით ჰოლდინგის პარტნიორები არიან ისეთი დიდი ბრენდები, როგორებიცაა: MAN, JCB, HINO, LIEBHERR, BOMAG და სხვები. ,,თეგეტა” მსოფლიოს 300-ზე მეტი წამყვანი საავტომობილო ბრენდის უმსხვილესი იმპორტიორია საქართველოში. ,,თეგეტა ჰოლდინგი”, 3000-მდე თანამშრომლით, დღეს საქართველოში ერთ-ერთი უმსხვილესი დამსაქმებელია.  

1747836116

Runners Club თიბისი კონცეპტის და Oktopus-ის ერთობლივი პროექტია, რომელიც ყოველ კვირა დღეს, სირბილის მოყვარულებს, ლისის ტბაზე, Oktopus-ის ინსტრუქტორებთან ერთად უმასპინძლებს.Runners Club-ში გაწევრიანებას თიბისი კონცეპტის 100 უნიკალური მომხმარებელი შეძლებს. კლუბის წევრობა უსასყიდლოა. კლუბის წევრობისთვის აუცილებელია იყოთ კონცეპტ მომხმარებელი.Runners Club-ს გაუძღვებიან Oktopus-ის პროფესიონალი ინსტრუქტორები: ანკა დუნდუა, მამუკა გურული, საბა ჯოჯუა და შაკო ხაჩიძე.Runners Club-ის წევრები, ასევე ისარგებლებენ სპეციალური 15%-იანი ფასდაკლებით ერთთვიანი აბონემენტის შეძენისას Oktopus Fitness Club-ში.პირველ 100 დარეგისტრირებულ მომხმარებელს, წევრობის დასადასტურებლად, დაუკავშირდება თიბისი კონცეპტის ასისტენტი დამატებითი კითხვების შემთხვევაში, გთხოვთ, მიმართოთ კონცეპტ ასისტენტს.დარეგისტრირდით და გახდით კლუბის წევრი.

1747834295

Fulbright აშშ-ს მთავრობის მიერ დაფინანსებული გლობალური სტუდენტური პროგრამაა, რომელიც სტუდენტებს აძლევს შესაძლებლობას, აშშ-ში მათთვის სასურველ მიმართულებასა და უნივერსიტეტში სამაგისტრო საფეხურზე სრული დაფინანსებით ისწავლონ.2014 წლიდან საქართველოს ბანკი Fulbright-ის პროგრამის მხარდამჭერია, რაც ნიშნავს იმას, რომ ფინანსური ინსტიტუტი ყოველწლიურად საკუთარ გამარჯვებულს ავლენს და მათ აშშ-ში როგორც სწავლის, ასევე ცხოვრების ხარჯებს სრულად უფინანსებს.უკვე გამოვლინდა საქართველოს ბანკის 15 სტიპენდიატი და მათი რაოდენობა ყოველწლიურად იზრდება.აღსანიშნავია, რომ Fulbright-ის პროგრამაში მონაწილეობის მიღება შეუძლია საქართველოს ყველა მოქალაქეს, რომელიც ფლობს ბაკალავრის ხარისხს ან არის მეოთხე კურსის სტუდენტი. სასტიპენდიო პროგრამის მოთხოვნებისა და განაცხადის შევსების წესების შესახებ ინფორმაცია ხელმისაწვდომია ბმულზე. აპლიკაციის ეტაპის წარმატებით გადალახვის შემდეგ, ახალგაზრდებს ჩაუტარდებათ გასაუბრება; შერჩეული აპლიკანტებმა უნდა ჩააბარებენ სამი ტიპის ტესტი: TOEFL, GRE, GMAT. 2026-2027 წლის Fulbright-ის სამაგისტრო პროგრამაზე აპლიკაციების შევსება 2025 წლის 1 აგვისტომდე არის შესაძლებელი. ამისათვის, ეწვიეთ საერთაშორისო განათლების ინსტიტუტის (IIE) პორტალს. 

1747825620

„მისიამ, რომელსაც ხელმძღვანელობს ალეხანდრო ჰაჟდენბერგი, პირველი შეხვედრა ფინანსთა მინისტრთან, ლაშა ხუციშვილთან გამართა.მიმდინარე მისიის მიზანია, საერთაშორისო სავალუტო ფონდის მიერ საქართველოში არსებული მაკროეკონომიკური მდგომარეობის, ქვეყნის ფისკალური და მონეტარული პოლიტიკის განხილვა.ლაშა ხუციშვილმა მისიის წევრებს გააცნო ეკონომიკაში არსებული ვითარება, 2025 წლის  ბიუჯეტის შესრულების მაჩვენებლები და საშუალოვადიანი პერიოდის პროგნოზები.შეხვედრას ქართული მხრიდან დაესწრნენ ფინანსთა მინისტრის მოადგილეები გიორგი კაკაურიძე, ეკატერინე გუნცაძე, მაკროეკონომიკური ანალიზისა და ფისკალური პოლიტიკის დაგეგმვის დეპარტამენტის ხელმძღვანელი ვახტანგ ჩალაფეიქრიშვილი“ – ნათქვამია ინფორმაციაში.

1747824878

მინისტრი ქვემო ქართლში მცხოვრებ იმ ფერმერებს შეხვდა, რომლებმაც სოფლის განვითარების სააგენტოს პროგრამებით ისარგებლეს. ფერმერებმა სახელმწიფოს მხარდაჭერის მნიშვნელობაზე ისაუბრეს და მინისტრისგან სამომავლოდ დაგეგმილ პროგრამებზე მიიღეს ინფორმაცია.დავით სონღულაშვილმა აგრარული დარგის განვითარების ხელშეწყობისთვის სახელმწიფოს მხრიდან სხვადასხვა მიზნობრიობის აქტივობაზე გაამახვილა ყურადღება და აღნიშნა, რომ ქართული პროდუქციის წარმოების ზრდის ტენდენცია, დიდწილად, სწორედ ამ მხარდაჭერის შედეგია. როგორც მინისტრმა აღნიშნა, ქვემო ქართლს ვაშლის, ატმის, ვაშლატამას, კაკლოვნების და სხვა პროდუქციის წარმოების დიდი პოტენციალი აქვს. ამ პოტენციალის გამოყენების მიზნით, სახელმწიფომ ქვემო ქართლის რეგიონში ახალი მრავალწლოვანი ბაღების გაშენება 4600 ჰექტარზე მეტ ფართობზე 30 მლნ ლარზე მეტით დააფინანსა. შედეგად, ქართული ვაშლი ადგილობრივი ბაზრის მოთხოვნის უმეტეს ნაწილს აკმაყოფილებს და ექსპორტზეც აქტიურად გადის. ბოლო ათი თვის განმავლობაში, საქართველოდან ექსპორტზე 18.0 ათასი ტონა ვაშლი გავიდა, რომლის ღირებულებამაც 11.3 მლნ აშშ დოლარი შეადგინა.შპს „Cadel Business“ გარემოს დაცვისა და სოფლის მეურნეობის სამინისტროს სოფლის განვითარების სააგენტოს ბენეფიციარია.სახელმწიფო პროგრამების ხელშეწყობით კომპანიამ რამდენიმე წლის წინ ვაშლის ბაღი 11,2 ჰექტარზე გააშენა, რისთვისაც 2 მლნ ლარის ინვესტიცია განახორციელა. ბაღის გაშენებისა და სასოფლო-სამეურნეო ტექნიკის შესაძენად შეღავათიანი აგროკრედიტის პროგრამის ფარგლებში აგრო სესხმა დაახლოებით ნახევარი მილიონი ლარი შეადგინა, ხოლო პროგრამით „დანერგე მომავალი“ მეწარმემ 100,000 ლარის თანადაფინანსება მიიღო.კომპანიამ „Cadel Business“ გასულ წელს ვაშლის მოსავალი ადგილობრივ ბაზარზე გაყიდა, ძირითადად, ქსელურ მაღაზიებში „ნიკორასა“ და „ორ ნაბიჯში“. ვაშლის ბაღებიდან წელს კომპანია 500 ტონა ვაშლის მოსავალს ელოდება.დავით სონღულაშვილმა, კომპანიის მსხლის თანამედროვე სტანდარტების ინტენსიური ბაღიც დაათვალიერა, სადაც მსხლის ევროპული ჯიშები – კაიზერი, კონფერენსი და ვილიამსია გაშენებული. მინისტრი კომპანიის ვენახშიც იმყოფებოდა. სასუფრე ყურძნის ჯიშის ვენახი სახელმწიფო პროგრამის ფარგლებში, 2020 წელს, 5 ჰექტარზე გაშენდა. სახელმწიფო თანადაფინანსებამ 27,700 ლარი შეადგინა.გარემოს დაცვისა და სოფლის მეურნეობის მინისტრ დავით სონღულაშვილთან ერთად მინისტრის მოადგილე ლაშა დოლიძე, ქვემო ქართლის მხარეში სახელმწიფო რწმუნებული ლევან ხარაბაძე და აგრარულ საკითხთა კომიტეტის თავმჯდომარე გელა სამხარაული იმყოფებოდნენ.

1747824521

შესაბამისად, საზოგადოების ინფორმირების მიზნით საარჩევნო უბნებზე ვიდეოგადაღებასთან დაკავშირებით ცესკო საკუთარ პოზიციას აფიქსირებს. მიუხედავად იმისა, რომ საარჩევნო უბნებზე ფოტო-ვიდეო გადაღება რეგულირდება და თითოეულ ჩართულ მხარეს - იქნება ეს პოლიტიკური სუბიექტი, მედია თუ დამკვირვებელი ორგანიზაცია, თანაბარი უფლება აქვს აწარმოოს გადაღება შესაბამისი წესის დაცვით, კონკრეტული დაინტერესებული პირები ცდილობენ საკითხის მანიპულაციურად წარმოჩენას. მათი კრიტიკის საგანი გახდა საარჩევნო უბნებზე მოქმედი კანონმდებლობის დაცვით დამონტაჟებული ვიდეოკამერები. მათი ვარაუდებითა თუ მტკიცებით, კამერების ტექნიკური მახასიათებლები ამომრჩევლის კონტროლის საშუალებას იძლეოდა და საარჩევნო ადმინისტრაციას ასეთი მონაცემების კამერების მუშაობა არ უნდა დაეშვა.განსაკუთრებით საგანგაშოა ის გარემოება, რომ ზოგიერთი ის პირი თუ ორგანიზაცია, რომელიც დღეს ამ კანონიერ პრაქტიკას აკრიტიკებს, წარსულში არღვევდა კანონს და  საარჩევნო უბანზე სპეციალურად გამოყოფილი ადგილის გარდა, სხვა სივრციდანაც ახორციელებდა გადაღებას/პირდაპირ ტრანსლირებას, მათ შორის, ამომრჩევლის ნების დაფიქსირებისას, რაც პირდაპირ არღვევდა როგორც პერსონალური მონაცემების დაცვის პრინციპებს, ასევე საარჩევნო კანონმდებლობას. სწორედ ამ დარღვევებზე რეაგირების საჭიროების გამო რამდენიმე კვირის წინ ცესკომ დადგენილებით დააზუსტა ვიდეოგადაღების საკითხები.კიდევ ერთხელ, ხაზგასმით აღვნიშნავთ - ფოტო-ვიდეო გადაღება, რომელსაც უფლებამოსილი პირები საარჩევნო უბანზე სპეციალურად გამოყოფილი ადგილიდან აწარმოებდნენ, არის კანონმდებლობით ნებადართული ქმედება და ასეთ ქმედებაზე აჟიოტაჟი იმ პირთა მხრიდან, რომლებიც კანონით დადგენილი გადაღების წესის უხეში დარღვევით პირდაპირ ეთერში გადასცემდნენ ამომრჩევლის ხმის მიცემის პროცესს და ასაჯაროებდნენ მათი პერსონალური ინფორმაციის შემცველ დოკუმენტაციას, თავად ამ მხრივ კანონის დამრღვევნი დღეს ცდილობენ დარღვევა წარმოაჩინონ იქ, სადაც ის არ არის, რაც ცალსახად მანიპულაციაა და მიუღებელია საარჩევნო ადმინისტრაციისათვის.ამ ფონზე განსაკუთრებით საყურადღებოა შერჩევითი კრიტიკა. იმის მტკიცება, თითქოს აღნიშნული კამერები გადაღებული მასალის ლაივ რეჟიმში გადაცემით ამომრჩევლის ნებაზე კონტროლის შესაძლებლობას იძლეოდა, არ ემყარება არანაირ ფაქტს და ვერ პასუხობს სამართლებრივ რეალობას - კანონმდებლობა არ განსაზღვრავს კამერის ტექნიკურ მახასიათებლებს და არ ანიჭებს საარჩევნო ადმინისტრაციას უფლებამოსილებას, ამ ნიშნით შეაფასოს და შეზღუდოს ვიდეოკამერის გამოყენება საარჩევნო უბანზე. ამდენად, ყველა უფლებამოსილ პირს კანონის შესაბამისად აქვს შესაძლებლობა საარჩევნო უბანზე სპეციალურად გამოყოფილი ადგილიდან აწარმოოს ფოტო-ვიდეო გადაღება.დაინტერესებული მხარეები ასევე,  მანიპულაციურად იყენებენ იმ ფაქტს, რომ აღნიშნული კამერებით საარჩევნო ადმინისტრაციამ 2021 წლის არჩევნებზე ისარგებლა. გაუგებარია, რა კითხვის ნიშნებს შეიძლება ბადებდეს ეს საჯარო ფაქტი, რომელიც აღნიშნულ არჩევნებზე პროცესში გამჭვირვალობის სტანდარტის ამაღლებას ემსახურებოდა. საზოგადოებას გვინდა შევახსენოთ, რომ აღნიშნული ვიდეოკამერებით მიმდინარეობდა ხმის დათვლის პროცესის ვიდეოგადაღება, რის შემდეგაც ვიდეომასალა აიტვირთა გუგლ პლატფორმაზე და ხელმისაწვდომი იყო ყველა დაინტერესებული პირისთვის. მაშინ ეს საკითხი სადავო და პრობლემური არ გამხდარა არცერთი მხარისთვის.ცესკო მკაფიოდ აფიქსირებს შემდეგს: ფოტო-ვიდეო გადაღება საარჩევნო უბანზე არის დასაშვები მხოლოდ იმ პირობებში, რაც განსაზღვრულია კანონით;ცესკო ვალდებულია, იმოქმედოს მხოლოდ კანონით დადგენილი სტანდარტების საფუძველზე და არ ეყრდნობა რომელიმე სუბიექტის მანიპულაციას ან ტექნიკურ ვარაუდებს; ნებისმიერ შემთხვევაზე, რომელიც არღვევს საარჩევნო პროცესის წესრიგს ან ამომრჩევლის კონფიდენციალურობას, ცესკო ახდენს კანონით გათვალისწინებულ შესაბამის რეაგირებას. აღვნიშნავთ, რომ სამწუხაროდ, ზოგიერთი დაინტერესებული პირის მიერ გაცხადებული პოზიციები არა მხოლოდ არათანმიმდევრულია, არამედ ცხადად ადასტურებს პოლიტიკური დღის წესრიგით მოქმედების მოტივს, რის შედეგადაც ზიანდება საზოგადოებრივი ნდობა საარჩევნო პროცესის მიმართ. ცესკო მოუწოდებს ყველა მხარეს, თავი შეიკავოს დეზინფორმაციის გავრცელებისა და ადმინისტრაციის დისკრედიტაციის მცდელობისგან. ჩვენ კვლავ გავაგრძელებთ კანონის უზენაესობის და გამჭვირვალე, სამართლიანი საარჩევნო პროცესის დაცვას როგორც მოქმედი კანონმდებლობით, ისე საერთაშორისო სტანდარტების შესაბამისად.

1747823620