ლარში გაცემული სესხები გაიაფდა

სებ-ის წლიური ანგარიშის თანახმად, „წარმოშობის მიხედვით, არარეზიდენტების მთლიან დეპოზიტებში გაზრდილია რუსეთის რეზიდენტების წილი 38 პროცენტამდე. ამავდროულად, ჯამურად ეს დეპოზიტები კვლავ დივერსიფიცირებულია, როგორც ქვეყნების, ისე დეპოზიტების ტიპების მიხედვით, რაც რისკიანობის კუთხით დადებითი ფაქტორია“.აღსანიშნავია, რომ 2023 წლის დეკემბრის მდგომარეობით არარეზიდენტ პირებს ვადიან ანაბარზე განთავსებული ჰქონდათ 3.179 მლრდ ლარი, მოთხოვნამდე ანაბარზე - 2.214 მლრდ ლარი, მიმდინარე დეპოზიტებზე კი 3.676 მლრდ ლარი.რაც შეეხება არარეზიდენტი მოქალაქეების, როგორც ფიზიკური, ასევე იურიდიული პირების წილს მთლიან დეპოზიტებში, ასე გამოიყურება: (2023 წლის დეკემბრის მდგომარეობით) რუსეთი - 38%, დაახლოებით 3.446 მლრდ ლარი ისრაელი - 8%, დაახლოებით 725.5 მლნ ლარი უკრაინა - 7%, დაახლოებით 634.8 მლნ ლარი კვიპროსი - 5%, დაახლოებით 452.4 მლნ ლარი დიდი ბრიტანეთი - 5%, დაახლოებით 452.4 გარდა ამ ხუთი ქვეყნისა, საქართველოს ბანკებში დეპოზიდეტბს ინახავენ ბელარუსის, აზერბაიჯანის, გერმანიის და ა.შ. ქვეყნების მოქალაქეები.ამასთან, ანგარიშის მიხედვით, 2023 წლის განმავლობაში არასაბანკო დეპოზიტები 5.8 მლრდ ლარით გაიზარდა და დეკემბრისათვის 50.60 მლრდ ლარი შეადგინა. დეპოზიტარების სტრუქტურის მიხედვით, ფიზიკური და იურიდიული პირების ანაბრების ზრდა, შესაბამისად, 15.1% და 13.3% იყო. 2023 წლის განმავლობაში გაიზარდა დეპოზიტების ლარიზაციაც და დეკემბრის ბოლოსთვის 49.6% პროცენტი შეადგინა.

1715852952

მისივე თქმით, „ესაა აგენტების რუსული კანონის პირველი ეფექტი“.„ლონდონის საფონდო ბირჟაზე საქართველო სამი კომპანიით არის წარმოდგენილი. ესენია: „თიბისი ბანკი“, „საქართველოს ბანკი“ და „საქართველოს კაპიტალი“. პირველი მაისიდან დღემდე, ორი კვირის განმავლობაში, ამ კომპანიების აქციების ფასი მკვეთრად დაეცა, შემცირდა 25 პროცენტით.„საქართველოს ბანკის” საბაზრო კაპიტალიზაცია 1 მაისის მდგომარეობით იყო 2.850 მილიარდი გირვანქა სტერლინგი, დღეისათვის კი 2.138 მილიარდია. კლებამ 712 მილიონი სტერლინგი შეადგინა.„თიბისი ბანკის“ საბაზრო კაპიტალიზაცია 1 მაისის მდგომარეობით იყო 2.179 მილიარდი გირვანქა სტერლინგი, დღეისათვის 1.634 მილიარდია. კლებამ 545 მილიონი სტერლინგი შეადგინა.საქართველოს კაპიტალის საბაზრო კაპიტალიზაცია 1 მაისის მდგომარეობით იყო 614.4 მილიონი გირვანქა სტერლინგი, დღეისათვის 460.8 მილიონია. კლებამ 153.6 მილიონი სტერლინგი შეადგინა.ბოლო ორი კვირის განმავლობაში სამივე კომპანიამ დაკარგა 1.4 გირვანქა სტერლინგი (4.7 მილიარდი ლარი).ესაა აგენტების რუსული კანონის პირველი ეფექტი“, - წერს რომან გოცირიძე.

1715779686

სარჩელში პროკურატურამ დაასახელა Global Spirits-ის დამფუძნებელი ევგენი ჩერნიაკი უკრაინის შეიარაღებული ძალების (AFU) მთავარ სპონსორად და მოითხოვა, რომ აიკრძალოს ჰოლდინგის საქმიანობა რუსეთში „ექსტრემისტული საქმიანობის განხორციელებასთან დაკავშირებით. “ წერს რუსული „კომერსანტი“, რომელიც საქმის მასალებს გაეცნო.სარჩელში მოპასუხეები არიან შპს რუსული „სევერი“, შპს Standard of Quality, შპს Rodnik and K LLC, Brand Group Corporation Limited და ოთხი ფიზიკური პირი. როგორც რია ნოვოსტი განმარტავს, ეს არის თავად ჩერნიაკი, ასევე ალექსანდრე ბესპალოვი, ივან კურბაკოვი და ანდრეი ლაზუტინი.ერთი დღით ადრე ცნობილი გახდა, რომ კურსკის ლენინსკის რაიონულმა სასამართლომ დააყადაღა Global Spirits-ის რუსული აქტივები. კერძოდ, დაყადაღდა ფეოდოსიას კონიაკისა და ღვინის ქარხანა, ყირიმის ღვინის სახლი, რუსული სევერის ქარხნები ვოლოგდასა და როდნიკში და K LLC-ში, მოსკოვის მახლობლად.მანამდე რუსეთში სისხლის სამართლის საქმე აღიძრა Global Spirits-ის დამფუძნებლის, ევგენი ჩერნიაკის წინააღმდეგ, "ტერორიზმის დაფინანსებისთვის" (რუსეთის ფედერაციის სისხლის სამართლის კოდექსის 205.1 მუხლის 1.1 ნაწილი).გამომძიებლების თქმით, ჩერნიაკმა და "სხვა პირებმა" უკრაინის შეიარაღებულ ძალებს გადასცეს 500 მილიონ რუბლზე მეტი, ასევე შეიძინეს საქონელი საბრძოლო მოქმედებებისთვის 90 მილიონ რუბლზე მეტი ღირებულების. შინაგან საქმეთა სამინისტრომ ჩერნიაკი ძებნილთა სიაში შეიყვანა, როსფინმონიტორინგმა კი ტერორიზმსა და ექსტრემიზმში ჩართული პირების რეესტრში შეიყვანა.ჩერნიაკის წინააღმდეგ სისხლის სამართლის საქმე სხვა გამოძიების შედეგად წარმოიშვა - ქრთამის შესახებ, რომელიც, გამოძიების თანახმად, ბიზნესმენმა ალექსანდრე ბესპალოვმა მისცა, რომელმაც 2022 წელს ჩერნიაკიდან რუსული ქარხნები იყიდა, წერს რუსული კომერსანტი. ამავდროულად, გამოცემის წყაროები ალკოჰოლის ბაზარზე თვლიდნენ, რომ გარიგება იყო ფორმალური და ისინი დარჩებოდნენ ჩერნიაკის კონტროლის ქვეშ. თავად უკრაინელმა ბიზნესმენმა უარყო, რომ ის ფლობდა რაიმე საწარმოს რუსეთში.ფინანსთა სამინისტრომ გასული წლის ბოლოს დაიწყო Global Spirits-ის აქტივების გადაცემის მომზადება ფედერალური ქონების მართვის სააგენტოსთვის დროებით მართვაში, იტყობინება რუსული ვედომოსტი. მათი ღირებულება არანაკლებ 15 მილიარდი რუბლია.რუსული „კომერსანტის“ ცნობით, უკრაინაში ომის დაწყებამდე "ხორტიცა" რუსული არყის ბაზრის ლიდერი იყო 5,3%-იანი წილით, მეორე ადგილი "მოროშა" 4,4%-ით, ხოლო მესამეზე "ბელენკაია" 4%-ით. ბაზრის წყაროები Global Spirits-ის ბრენდების პოპულარობას მათ შედარებით დაბალ ფასებს მიაწერენ.

1715776637

მისივე შეფასებით, ამ მასშტაბის არასტაბილურობა, რომელიც გასცდა ქვეყნის ფარგლებს და საერთაშორისო დონეზეა ატაცებული გარკვეული ნეგატიური განწყობის განცდას ქმნის.„ამ ყველაფერს დამატებული საარჩევნო წელი, დამატებული საშინაო თუ საგარეო წნეხი, საბოლოო ჯამში ქმნის გარკვეულ არასტაბილურობის განცდას ინვესტორისთვის, რომელსაც შეიძლება საქართველოსთან თავისი მომავლის დაკავშირება სურდეს. ამით მე არც ვინმეს ვაკნინებ და ან ვინმეს ვახალისებ, რომ პროტესტი გამოხატოს, ან არ გამოხატოს, ამას გვერდზე ვდებ და ვაფასებ სუფთა ეკონომიკური თვალსაზრისით. ფაქტია, რომ მსგავსი ტიპის არასტაბილურობა, მით უმეტეს ამ მასშტაბის არასტაბილურობა, რომელიც გასცდა ქვეყნის ფარგლებს და საერთაშორისო დონეზეა უკვე ატაცებული ჩვენი პარტნიორების მიერ, ქმნის გარკვეული ნეგატიური განწყობის განცდას, რომელიც საბოლოო ჯამში ბიზნესს ვერავითარ შემთხვევაში ხელს ვერ შეუწყობს“, - აცხადებს ვახტანგ ჭარაია.მანვე აღნიშნა, რომ ახლა მთავარი მიზანი ეკონომიკის და პარტნიორების შენარჩუნება უნდა იყოს, რადგან ბაზრის დაკარგვა ძალიან მარტივია, ხოლო აღდგენა ძალიან რთული.„მე არ მინდა წარმოვიდგინო საქართველო დასავლელი პარტნიორების გარეშე. ძალიან დიდი იმედი მაქვს და არ მინდა დავიჯერო, რომ დავკარგავთ დასავლეთის მხარდაჭერას, მივიღებთ ამ კანონს თუ არა. ეს გამორიცხული ამბავია, არაფერი არ გვიღირს იმად, რომ დავკარგოთ დასავლეთის მხარდაჭერა. ჩვენ დამოუკიდებლები და მარტო ამ რეგიონში ვერ ვითამაშებთ, ფაქტობრივად, შეუსრულებელი მისიაა. თუკი ხელისუფლება, ოპოზიცია, საერთაშორისო პარტნიორები თუ საზოგადოება შეძლებს ამ პროცესების ისე მართვას, რომ საბოლოო ჯამში ყველას ინტერესი იყოს დაკმაყოფილებული, ან ვიღაცამ იმდენი დათმოს რისი დათმობაც შეუძლია და საბოლოო ჯამში ჩვენ არ დავკარგავთ ჩვენი დასავლელი პარტნიორების მხარდაჭერას, ეს არის ნომერ პირველი ამოცანა. წინააღმდეგ შემთხვევაში ლარის კურსი იქნება, ტურიზმი, საგარეო ვაჭრობა, თუ ბიზნეს სექტორი ყველა პირი შეიძლება ძალიან დიდი გამოწვევის წინაშე დადგეს, რაც საბოლოო ჯამში ქართულ ეკონომიკას არავითარ შემთხვევაში არ აწყობს.გაძლებით უარესსაც გავუძლებთ, მაგრამ მიზანი არ უნდა იყოს გავუძლოთ ყველაფრის ფასად. მიზანი უნდა იყოს, რომ შევინარჩუნოთ ჩვენი ეკონომიკა, შევძლოთ, რომ უკან არ წავიდეს, რომ არ დაკარგოს აქტუალურობა, სამუშაო ადგილები, შემოსავლები, პარტნიორები, რომლებიც ჰყავს, რადგან ბაზრის დაკარგვა ძალიან მარტივია, ხოლო აღდგენა ძალიან რთული. ამისთვის მაქსიმუმი უნდა გავაკეთოთ“, - აცხადებს ჭარაია. bp.ge

1715774090

 ამის შესახებ თურქეთის ენერგეტიკისა და ბუნებრივი რესურსების მინისტრ ალფარსლან ბაირაქტარმა ხელშეკრულება აზერბაიჯანის ეკონომიკის მინისტრ მიქაილ ჯაბაროვთან გააფორმა, რასაც Anadolu ავრცელებს.„დღევანდელი შეთანხმება ბუნებრივი გაზის სფეროში თანამშრომლობის ახალი ეტაპია. ის უზრუნველყოფს 2030 წლამდე თურქეთისთვის აზერბაიჯანული გაზის დამატებითი მოცულობის, ასევე, კასპიის ზღვის გაზის რესურსების მიწოდებას. ამასთან, თურქეთის გავლით გაზის ნაწილს ევროპას მიაწვდიან. მნიშვნელოვანია ისიც, რომ ხელშეკრულების ფარგლებში მივაღწიეთ შეთანხმებას აზერბაიჯანისა და საქართველოს გავლით თურქმენული ბუნებრივი აირის თურქეთში ტრანსპორტირებაზე,“ - ამბობს ბაირაქტარი.მან დასძინა, რომ თურქეთი და აზერბაიჯანი ბაქო-თბილისი-ერზრუმისა და ტრანსანატოლიური გაზსადენის (TANAP) ერთობლივი პროექტების ფარგლებში თანამშრომლობას განაგრძობენ. მინისტრის განცხადებით, ამ პროექტების შედეგად ბაქო და ანკარა არა მხოლოდ უზრუნველყოფენ საკუთარი მიწოდების ჯაჭვების უსაფრთხოებას, არამედ ევროპის ენერგომომარაგების უსაფრთხოებაში მნიშვნელოვანი წვლილი შეაქვთ.აღსანიშნავია, რომ ბაირაქტარი ჯერ კიდევ მარტის დასაწყისში განიხილავდა ალტერნატივად საქართველო-აზერბაიჯანის გზას თურქეთში და თურქეთიდან ევროპაში თურქმენული გაზის მისაწოდებლად.„როგორც ალტერნატივა, თურქმენული გაზი შესაძლოა, თურქეთს კასპიის ზღვაზე გამავალი მილსადენით მიეწოდოს, რომელიც არსებითად უფრო სტაბილური, მდგრადი და მეტი სიმძლავრისაა,“ - აცხადებდა მაშინ მინისტრი.მისი მონაცემებით, თავდაპირველად თურქმენეთიდან 2 მლრდ კუბურ მეტრამდე ბუნებრივი აირის ტრანსპორტირება იქნება შესაძლებელი.ამასთან, ალფარსლან ბაირაქტარი აცხადებს, რომ ამ გაზსადენით ბუნებრივი აირი წლევანდელ ზამთარს პირველად მიეწოდება აზერბაიჯანულ ანკლავ ნახიჩევანსაც, რაც იგდირი-ნახიჩევანის მონაკვეთის ექსპლუატაციაში შესვლით მოხდება.BPN.GE

1715766318

გთავაზობთ კახა მაღრაძის პოსტს:„ოკ. გეთანხმებით. ეს კანონი არ არის რუსული!!!ზოგადად, არ მიყვარს მე ასე ხელაღებით იარლიყების მიწებება ვინმესთვის. შეგნებულად არ ვიყენებ ტერმინს "მოღალატეს", იმიტომ რომ ასეთი ხმამაღალი ლაპარაკი არც ჩემ სტილშია და მიმაჩნია, რომ თან ძალიან კონტრპროდუქტიულია.არ არის რუსული! მაგრამ, აქვე გეტყვით, რომ უცხოური გავლენის გამჭვირვალობის კანონი და ყველა ის პროცესი, რაც მოჰყვა ამ კანონის მიღებას არის ანტისახელმწიფოებრივი, საქართველოს ეროვნული ინტერესების საწინააღმდეგო და ანტიჰუმანური. ჰოდა, მინდა გაგიზიაროთ პუნქტობრივად არგუმენტები ამის თაობაზე.მიუხედავად იმისა, რომ არ მაქვს ილუზია, რომ ვინმე გაითვალისწინებს. მაინც ჩემს მოვალეობად მიმაჩნია, რომ ავხსნა. ავხსნა, პირველ რიგში, ხელისუფლების მხარდამჭერი ჩემს მეგობრებისთვის. შეიძლება რამის გამეორება მომიწიოს წინა არგუმენტაციიდან, მაგრამ მნიშვნელოვანი იყო, რომ ჩემიანებს კიდევ ერთხელ გავუმეორო ეს არგუმენტები.ჰოდა, ესეც არგუმენტები. თანაც სულ სამი 🙂არგუმენტი #1: ეს კანონი არაა გამჭვირვალობის და შავი ფულის გაჩერების, იმიტომ რომ გამჭვირვალობის მექანიზმები ისედაც არსებობს და გამჭვირვალობა კიდე თავისთავად შავ ფულს არ აჩერებს. თან შავი ფულის კონტროლის და შეჩერების სხვა მექანიზმებიც აქვს სახელმწიფოს და ტრაკის თამაშია ამ არგუმენტების მოყვანა. აქვე გაგახსენებთ, რომ კანონის საჭიროების არანაირი დასაბუთება არ ყოფილა. არ ყოფილა რაიმე სტატისტიკა, ან რაიმე გენერალური კვლევა, რითიც დადასტურდებოდა, რომ აუცილებელია ეს უცხოური გავლენის გამჭვირვალობის კანონი. ეს კანონი არის მედიის და სამოქალაქო სექტორის კონტროლის, უფრო სწორად მათზე ზეწოლის ინსტრუმენტი და მეტი არაფერი. თან უცხო ძალის ინტერესების გამტარებლებს უწოდებ, სტიგმატიზირებას მოახდენ და თან როცა გინდა, მაშინ რომ შეამოწმებ, აი ასეთი კანონია. სამოქალაქო საზოგადოებაზე ზეწოლა კი დიქტატურისკენ გადადგმული დიდი ნაბიჯია. ეს კიდევ ანტისახელმწიფოებრივი ქმედებაა.არგუმენტი #2: კანონპროექტის ტექსტს, მის რუსულობას თუ ამერიკულობას რომ თავი დავანებოთ, აქ დიდი პრობლემა ისაა, თუ როგორ აისახა ეს ჩვენს სტრატეგიულ პარტნიორებთან ურთიერთობასა და დასავლური ინტეგრაციის პროცესზე. ევროპარლამენტის რეზოლუციას, სენატორების წერილს და მსგავს დოკუმენტებს რომ არ მივაქციოთ ყურადღება (რაზეც ოცნება ამბობს, რომ მაგ ყველაფერს არანაირი ძალა აქვს), რას ვუშვრებით აღმასრულებელი ხელისუფლების და საგარეო საქმეთა მინისტრების, პრემიერ მინისტრების თუ კანცლერების ნათქვამებს? თან მხოლოდ ერთხელ კი არ თქვეს და მერე მიიღეს ჩვენი ხელისუფლების არგუმენტები? რამდენჯერმე გაგვიმეორეს სხვადასხვა ტრიბუნიდან და სხვადასხვა ფორმით. გვითხრეს, რომ ამ კანონის მიღება შეაჩერებს ჩვენს დასავლურ ინტეგრაციას და პრობლემებს შეგვიქმნის ჩვენ სტრატეგიულ პარტნიორებთან. ეს კი ჩვენი ეროვნული ინტერესებისთვის დამაზიანებელი კი არა, დამღუპველია. ეროვნულ ინტერესებში ეროვნულ ტრადიციებს და ქართველი კაცების ტრაკის დაცვას ნუ მოიაზრებთ, ოღონდ. ტერმინია ასეთი და დასერჩეთ, თუ არ იცით.არგუმენტი #3: ეს უბრალოდ მოდიქტატურო კანონი, ან დასავლეთის წინააღმდეგ მიმართული ამბავი რომ ყოფილიყო, აქ შეიძლებოდა კიდე კამათი. ანუ, რაც აქამდე დავწერე, ყველაფერზე შეიძლება შემოდავება, იდეაში. შეიძლება დიდ პოლიტიკურ თამაშზე ილაპარაკო, ან რეალური სუვერენიტეტის დემონსტრირებაზე და დამოუკიდებელი თამაშის თამაშზე. შეიძლება უამრავი მსგავსი არგუმენტი (სულელური, მაგრამ მაინც არგუმენტი) თქვა, მაგრამ როცა საზოგადოებაში დაპირპისპირების გაჩენას ასეთი ძალით უწყობ ხელს, როცა პოლიციელებს ქუჩაში აცემინებ ხალხს, როცა ასე ლანძღავ და უმოწყალოდ უსწორდები ახალგაზრდებს, აქ უკვე არაფრის თქმა არ შეიძლება. ამ დანაშაულს აღარაფერი გადაწონის და მაგ პასუხისმგებლობას ვერსად გაექცევა ოცნების ლიდერშიფი. ასე არ შეიძლება მოექცე საკუთარ ხალხს, საკუთარ ახალგაზრდებს. ეს ძლივს შეყვარებული პოლიცია შეგვაზიზღეს თავიდან. ძალოვნების რწმენა დაგვიკარგეს და უკვე გვეშინია მაგათი. აი ეს მოიტანა ამ მაიმუნურმა გამჭვირვალობის კანონმა. ოჯახის წევრები და მეგობრები დააპირისპირა ერთმანეთს. ხალხი და პოლიცია გადაამტერა.პ.ს. ჰოდა, თუ თქვენ არ დამეთანხმებით ასეთ აშკარა არგუმენტებში, ესე იგი თქვენთვის დიქტატურაც, რუსულ ორბიტაზე დაბრუნებაც და პოლიციელების მიერ ხალხის ქუჩაში ცემაც არ წარმოადგენს პრობლემას. დაფიქრდით ამაზე!პ.პ.ს. მართლა თუ ასე გჯერათ, რომ ეს კანონი კარგია და ხალხის უმეტესობა უჭერს მას მხარს, მაშინ გამოიტანეთ პლებისციტზე (ან რეფერენდუმზე. არ ვიცი რომელია აქ სწორი ვარიანტი) და მართლა ხალხმა გადაწყვიტოს, გვინდა ეს მოგონილი გამჭვირვალობა და ვითომ რეალური სუვერენიტეტი, თუ - არა.პ.პ.პ.ს. და ბოლოს, რაც არ უნდა გავბრაზდე თქვენს ნათქვამზე ხოლმე, რაც არ უნდა გამამწაროს თქვენმა პოსტებმა და დამცინავმა ტონმა, იცოდეთ, რომ მაინც სულ სიყვარულით და არგუმენტებით დაგელაპარაკებით. არასდროს არ გადავალ შეურაცხყოფაზე. არ მივცემ კობახიძეს და მდინარაძეს იმის ფუფუნებას, რომ ამ დიდმა ყლეობამ ჩვენს მეგობრობაზე იმოქმედოს. ეს ყველაფერი დროებითია და ბოლოს მაინც სახელოვნად გავიმარჯვებთ ❤“, – წერს კახა მაღრაძე.

1715765167