საბანკო სექტორი ჯანსაღია, ძლიერია სტაბილური მაჩვენებლები - ალეხანდრო ჰაჟდენბერგი

პირველ კონცერტს 7 ივნისს ქუთაისის ლადო მესხიშვილის სახელობის სახელმწიფო პროფესიული დრამატული თეატრი უმასპინძლებს.მულტიმედიური კონცერტი რამდენიმე ნაწილისგან შედგება. პირველი ნაწილი ფოტო- და ვიდეოკოლაჟს დაეთმობა, რომელიც ასახავს ჯანსუღ კახიძის მოღვაწეობას სხვადასხვა ჟანრში - ოპერა, სიმფონიური მუსიკა და მის მიერ შესრულებული სიმღერები. მეორე ნაწილში კი გაიჟღერებს ცოცხალი მუსიკა თბილისის სიმფონიური ორკესტრის, ანსამბლ „რუსთავისა“ და ვახტანგ კახიძის შესრულებით.პროექტის ავტორი, წამყვანი და დირიჟორი ვახტანგ კახიძეა.ვახტანგ კახიძე, თბილისის მუსიკალურ-კულტურული ცენტრის სამხატვრო ხელმძღვანელი, თბილისის სიმფონიური ორკესტრის მთავარი დირიჟორი: „ჯანსუღ კახიძის 90 წლისადმი მიძღვნილმა საღამოებმა, რომლებიც თბილისში უკვე გაიმართა, მნიშვნელოვანი კვალი დატოვა როგორც მსმენელზე, ისე შემსრულებლებზე. ახლა კი სასიამოვნო საღამოები მუსიკის მოყვარულებს საქართველოს რეგიონებშიც ელით. პირველი კონცერტით ქუთაისში წარვდგებით, რის შემდეგაც უკვე თელავს ვესტუმრებით. კონცერტი დატვირთული იქნება მუსიკალურადაც და ვიდეო- და ფოტომასალითაც. აუდიტორია ჯანსუღ კახიძის ცხოვრებისა და მოღვაწეობის შესახებ საინტერესო ისტორიებს მოისმენს.ჯანსუღ კახიძის სახელობის რიგით მეათე საერთაშორისო მუსიკალური ფესტივალი სწორედ ჯანსუღ კახიძის 90 წლისადმი მიძღვნილი კონცერტებით დავხურეთ. სეზონი ძალიან წარმატებული იყო. კონცერტების რაოდენობით მეათე ფესტივალი ყველაზე მასშტაბური აღმოჩნდა, რისი შესაძლებლობაც „თეგეტა ჰოლდინგისა“ და კულტურის სამინისტროს მხარდაჭერამ განაპირობა. ზოგადად, ბიზნესის მხარდაჭერა ყველა სფეროს სჭირდება. მისასალმებელია, რომ „თეგეტა“ ერთ-ერთი წამყვანი კომპანიაა საქართველოში, რომელიც უამრავ მნიშვნელოვან პროექტს უდგას გვერდით“.ფესტივალის ფარგლებში, გაზაფხულზე თბილისში 7 განსაკუთრებული საღამო გაიმართა. მათ შორის იყოს მსოფლიო კინომუსიკის შედევრები უნგრელი დირიჟორის გაბორ ჰოლერუნგის შესრულებით; ცნობილი ამერიკული ანსამბლები – New York Voices, ასევე Kennedy Administration, რომელმაც სპეციალურად შექმნა არანჟირებები, რათა ორკესტრთან ერთად კონცერტის გამართვის შესაძლებლობა ჰქონოდა; მსმენელმა გამორჩეული კუბელი მესაყვირის რობერტიკო გარსიას ბენდსაც მოუსმინა.ფესტივალზე ამჯერადაც მასშტაბურად იყო წარმოდგენილი ქართული მუსიკა. საფესტივალო დღე დაეთმო ეკა მამალაძის კონცერტს, სადაც შესრულდა მარგალიტები ქართული მუსიკიდან.საერთაშორისო მუსიკალური ფესტივალი, რომელიც წელს სწორედ ჯანსუღ კახიძის 90 წლის იუბილეს მიეძღვნა, „თეგეტა ჰოლდინგის“ მხარდაჭერით გაიმართა. „თეგეტასა“ და ჯანსუღ კახიძის სახელობის მუსიკალური ცენტრის თანამშრომლობა 15 წელს ითვლის. სახელოვნებო მიმართულების მხარდაჭერა კომპანიისთვის წლებია, პრიორიტეტია.თეონა კოხოძე, „თეგეტა ჰოლდინგის“ კრეატიული დირექტორი: „ჯანსუღ კახიძის მუსიკალურ ცენტრთან წლები და ღირებულებები გვაერთიანებს. წელს განსაკუთრებით გვეამაყება, რომ „თეგეტა ჰოლდინგი“ წარმოგიდგენთ ჯანსუღ კახიძის 90 წლის იუბილესადმი მიძღვნილ კონცერტებს უკვე საქართველოს რეგიონებშიც.რაც შეეხება მეათე საერთაშორისო ფესტივალს, ის გამორჩეული იყო თავისი მასშტაბითა და გემოვნებიანი მუსიკით. ჩვენთვის, როგორც მომავალზე ორიენტირებული ჰოლდინგისთვის, განსაკუთრებით ღირებულია ისეთი პროექტების მხარდაჭერა, რომლებიც ახალგაზრდებს ახალ შესაძლებლობებს სთავაზობს. გვჯერა, რომ კულტურა მნიშვნელოვან როლს თამაშობს საზოგადოების განვითარებაში. მუსიკის მხარდაჭერით კი სივრცეს ვუხსნით ახალ თაობას.სწორედ ასეთი ინიციატივებია ჩვენთვის ინსპირაციის წყარო — ისინი აერთიანებს ტრადიციას, ინოვაციასა და საერთო მიზანს: გავუზიაროთ საზოგადოებას მეტი შინაარსი, ემოცია და შესაძლებლობა“.ჯანსუღ კახიძის 90 წლისადმი მიძღვნილი კონცერტი, ქუთაისის შემდეგ, 5 ივლისს, ასევე „თეგეტას“ მხარდაჭერით, თელავის ვაჟა-ფშაველას სახელობის დრამატულ თეატრში გაიმართება. ზაფხულის შესვენების შემდეგ კი, შემოდგომაზე ჯანსუღ კახიძის სახელობის მუსიკალური ცენტრი ტრადიციული ფესტივალით, „შემოდგომის თბილისით“ განახლდება. ჯანსუღ კახიძის საიუბილეო კონცერტის მოსმენის შესაძლებლობა მსურველებს შემოდგომის ფესტივალის ფარგლებშიც მიეცემათ.

1749192158

დაჯილდოების ღონისძიება ქ. ყვარელში, ილია ჭავჭავაძის სახლ-მუზეუმში გაიმართა, სადაც სემეკის თავმჯდომარემ, დავით ნარმანიამ და კახეთის მხარეში სახელმწიფო რწმუნებულმა, გიორგი ალადაშვილმა დამსწრე საზოგადოებას სიტყვით მიმართეს და გამარჯვებულ მოსწავლეებს სერტიფიკატები და საჩუქრები გადასცეს.ამავე ღონისძიებაზე, საჯარო სკოლის მოსწავლეების ენერგეტიკის საკითხებით დაინტერესების აუცილებლობის შესახებ ისაუბრეს სემეკის აღმასრულებელმა დირექტორმა, ელენე ლაგვილავამ, საქართველოს ტექნიკური უნივერსიტეტის ენერგეტიკის ფაკულტეტის დეკანმა, ქეთევან ქუთათელაძემ, ქ. ყვარლისა და ქ. თელავის საგანმანათლებლო რესურსცენტრების ხელმძღვანელი პირებმა.ენერგეტიკის სასწავლო ცენტრის მიერ სკოლის მოსწავლეებისათვის პროექტი - „ელექტროენერგიის გზა დაბადებიდან ჩვენამდე“ უკვე მეორედ, წარმატებით ხორციელდება. პროექტის მიზანს წარმოადგენს ელექტროენერგიის წარმოებიდან მოხმარებამდე სრული ციკლის შესახებ სკოლის მოსწავლეების ინფორმირება, განახლებადი ენერგიების, საქართველოს მწვანე ენერგეტიკული პოტენციალის შესახებ მათი ცნობიერების დონის ამაღლება. პროექტის ფარგლებში, მონაწილეებს ჩაუტარდათ ტრენინგები და მოეწყო მოსწავლეების მიერ შექმნილი თემატური ნამუშევრების გამოფენა. ამასთანავე, გამარჯვებული მოსწავლეებისთვის ენერგეტიკის სასწავლო ცენტრის ორგანიზებით ერთკვირიანი საზაფხულო სკოლა მოეწყობა.

1749189607

თიბისი კამპუსის მონაწილე ნუგო თოფურია აღნიშნავს: „თიბისი კამპუსში ვისწავლე მეწარმეობა და ბიზნესის დაგეგმარება. ზოგადად, მაინტერესებს ყველაფერი, რაც სტარტაპების შექმნასა და მენეჯმენტს უკავშირდება. თიბისი კამპუსმა შემძინა რწმენა, რომ გონივრული იდეა არასოდეს უნდა დარჩეს განუხორციელებელი. სწორი დაგეგმარებისა და მოტივაციის პირობებში, ინვესტიციის მოპოვება და იდეის რეალობად ქცევა, სრულიად შესაძლებელი ხდება“.თიბისის გუნდის სპეციალისტების და მოწვეული პროფესიონალ ლექტორებთან მუშაობის პრაქტიკული გამოცდილება, თეორიულ ცოდნასთან ერთად, კამპუსის კურსდამთავრებულებს, აძლევს შესაძლებლობას, დარგში არსებული მაღალი კონკურენციის მიუხედავად, გაუმკლავდნენ თანამედროვე საბაზრო გამოწვევებს, დასაქმდნენ და მათთვის საინტერესო იდეები რეალობად აქციონ.როგორც ნუგო აღნიშნავს: „კურსი, რომელიც გავიარე ძალიან საინტერესო გამოცდილება იყო ჩემთვის.ყველაზე ღირებული ჩემთვის ის იყო, რომ ორი წარმატებული ბიზნესმენისგან მათი წარმატების ისტორია, რჩევები და მიდგომები მოვისმინეთ, რაც პირადად მე, საკუთარ საქმეში ძალიან დამეხმარა. კურსი იმდენად მომეწონა, რომ თიბისი კამპუსის ახალ ნაკადსაც შევუერთდი და ტექნოლოგიური პროექტების მართვის კურსზე ვაპირებ სწავლას“.ახალი თაობა ქმნის ახალ დღეს, ახალ მომავალს, ახალ ისტორიას, ამ გზაზე კი მათი ხელშეწყობა და განათლების მიღების ხელმისაწვდომობა თიბისისთვის ერთ-ერთ მთავარ პრიორიტეტია.განათლებით შენს ამბავს ქმნი, მთავარია გჯეროდეს შენი მიზნების. თიბისის განათლების პროგრამები კი გაძლევს შესაძლებლობას ისწავლო იქ, სადაც ხარ და სიახლეების მუდმივ ძიებაში გაიღრმავო ინტერესები და ცოდნა. 

1749131656

სამუშაო შეხვედრაზე ეროვნული ბანკის ფინანსური ბაზრების, რისკების ცენტრალიზებული მართვის, ფინანსებისა და ბუღალტრული აღრიცხვის, საინფორმაციო ტექნოლოგიებისა და შიდა აუდიტის დეპარტამენტების წარმომადგენლებმა ტაჯიკ კოლეგებს გამოცდილება გაუზიარეს.სამუშაო შეხვედრაზე  ფინანსური ბაზრების აქტივებისა და რეზერვების მართვის მნიშვნელოვანი საკითხები განიხილეს. მათ შორის, საბაზრო და საკრედიტო რისკების მართვა,  ფინანსური ანგარიშგებისა და აუდიტისთვის აუცილებელი სისტემები, პროცესები და პრაქტიკული ასპექტები, ასევე, კიბერრისკების მართვის ჩარჩო.ღონისძიების მონაწილეებს მისასალმებელი სიტყვით მიმართა ფინანსური ბაზრების დეპარტამენტის უფროსმა ალექსანდრე ხაზარაძემ.„მოხარული ვართ, ჩვენი გამოცდილება სხვა ცენტრალურ ბანკებს გავუზიაროთ და მომავალშიც ჩვენს უცხოელ კოლეგებს აქტიურად გავუწიოთ ტექნიკური დახმარება და კონსულტაცია. საერთაშორისო პარტნიორებთან ერთობლივად ორგანიზებული სამუშაო შეხვედრები კიდევ ერთხელ ადასტურებს ჩვენ შორის არსებულ მრავალწლიან, მზარდ და მჭიდრო თანამშრომლობას“,  - აღნიშნა ალექსანდრე ხაზარაძემ.ეს არის მორიგი სასწავლო შეხვედრა ეროვნული ბანკის საგანმანათლებლო სივრცის პროექტის ფარგლებში, რომელიც ორგანიზებულია საერთაშორისო პარტნიორების ჩართულობით.აღსანიშნავია, რომ ბოლო ორი წლის განმავლობაში, იმავე პროექტის ფარგლებში, საქართველოს ეროვნულმა ბანკმა ყაზახეთის, უზბეკეთისა და ყირგიზეთის ცენტრალური ბანკების წარმომადგენლებს უმასპინძლა. 2024 წელს კი გაიმართა სემინარი ფინანსური პროგრამირებისა და პოლიტიკის შესახებ, რომელშიც საქართველოს საჯარო სექტორის წარმომადგენლებიც მონაწილეობდნენ.

1749131564

თამთა სოფრომაძის ინფორმაციით, საერთაშორისო სავალუტო ფონდის მოკლე მიმოხილვის მთავარი აქცენტები - მონეტარული პოლიტიკა და ფასების სტაბილურობის უზრუნველყოფა, ეროვნული ბანკის მთავარი მანდატია."საერთაშორისო სავალუტო ფონდი აღიარებს, რომ საქართველოს ეკონომიკა მედეგია, მიუხედავად მიმდინარე გაურკვევლობისა და გამოწვევებისა, რაც დღეს გლობალურად ხდება. ფონდის ეკონომიკური პროგნოზები საკმაოდ პოზიტიურია და 2025 წლისათვის დაახლოებით, 7.2%-იან ეკონომიკურ ზრდას პროგნოზირებენ, ხოლო ინფლაციის კუთხით კი, სამიზნე მაჩვენებელთან ახლოს არიან, 3.4%-ს პროგნოზირებენ. საერთაშორისო სავალუტო ფონდის შეფასებები და რეკომენდაციები, თუ როგორ უნდა გააგრძელოს ეროვნულმა ბანკმა თითოეული მიმართულებით მუშაობა, ეროვნული ბანკის ხედვასთან თანხვედრაშია.ფონდი მოკლე მიმოხილვაში აღნიშნავს, რომ საერთაშორისო სავალუტო ფონდის ძირითადი მიმართულებაა - მონეტარული პოლიტიკა და ფასების სტაბილურობის უზრუნველყოფა, ეს ყველაფერი კი, ეროვნული ბანკის მთავარი მანდატია. მინდა გითხრათ, რომ ფასების სტაბილურობა ფასდება იმით - სამიზნე მაჩვენებელი შესრულებულია, თუ არა. ფონდი (საერთაშორისო სავალუტო ფონდი) აღნიშნავს, რომ ბოლო 2 წლის საშუალო ინფლაცია 1.8%-ია, ჩვენი სამიზნე მაჩვენებელი 3%-ია, ხოლო ფონდი პროგნოზირებს, როგორც წელს, ასევე მომავალ წლებში ინფლაცია სამიზნე მაჩვენებელთან ახლოს იქნება.რეკომენდაციები მონეტარული პოლიტიკის მიმართულებით არის, რომ მონეტარული პოლიტიკა ნეიტრალურად შენარჩუნებული და მოქნილი უნდა იყოს. ეს ყველაფერი იმას ნიშნავს, რომ ეროვნული ბანკი მონეტარული პოლიტიკის მიმართებით, არც ზედმეტად მკაცრი უნდა იყოს და არც რბილი. ჩვენ ყოველთვის აღვნიშნავთ, რომ თუ დავინახავთ, მოვლენები უფრო პოზიტიურად ვითარდება, ვიდრე ამას ვპროგნოზირებდით, მზად ვართ - ნეიტრალურ მაჩვენებელს მალე დავუბრუნდეთ, მაგრამ ასევე თუ დავინახავთ, რომ ინფლაციური რეალურია და ინფლაციის პროგნოზი მაღალი იქნება, ასევე ამ ყველაფერს გამკაცრებული მონეტარული პოლიტიკით ვუპასუხებთ. მონეტარული პოლიტიკის გადაწყვეტილებები, ბოლო პერიოდში საკმაოდ ფრთხილია, იქიდან გამომდინარე, რომ რისკებს ვხედავთ. რა თქმა უნდა, ფინანსური სტაბილურობა ეროვნული ბანკის მთავარი მიზანია. ამასთან, ერთგული ვრჩებით ლარიზაციის პოლიტიკის, რომელიც გრძელვადიანი პროცესია", - აღნიშნავს თამთა სოფრომაძე.ცნობისთვის, საერთაშორისო სავალუტო ფონდმა 2025 წლის მიმოხილვა გამოაქვეყნა. IMF-ის გამოქვეყნებულ ანგარიშში, საქართველოს 2025 წლის ეკონომიკური ზრდის პროგნოზი 6%-დან 7.3%-მდეა.

1749131430

მისი თქმით, ოპტიმიზაცია პრემიერ-მინისტრის მიერ დაანონსებული სახელმწიფო საწარმოთა რეფორმის პირველი ნაწილია, რომლის საბოლოო მიზანია, სახელმწიფო საწარმოების მოგებაზე გასვლა.„სახელმწიფო საწარმოები უნდა იყვნენ არა თვითკმარი, არამედ უნდა გავიდნენ მოგებაზე, რაც არის მათი პირველადი და მთავარი ამოცანა. მათ უნდა შეძლონ სესხების აღება, ინფრასტრუქტურული პროექტების განხორციელება და ბიუჯეტში ფულის შეტანა. ეს არის საბოლოო მიზანი და ამ მიზანს ემსახურება ის პირველი ნაბიჯი, რომელიც უკვე გადაიდგა და რომელიც გულისხმობს საწარმოთა ოპტიმიზაციას“, - განაცხადა ლევან ჟორჟოლიანმა.

1749127769