Fitch-მა თიბისი დაზღვევის რეიტინგი 'BB' დონეზე დაადასტურა სტაბილური პერსპექტივით

თიბისი დაზღვევის რეიტინგები კვლავ ასახავს კომპანიის მაღალ საინვესტიციო რისკს, ზომიერ სარეზერვო რისკებსა და გადაზღვევის გამოყენებას, ასევე მის ლიდერ პოზიციას საქართველოს სადაზღვევო ბაზარზე, ადეკვატურ კაპიტალიზაციას და ძლიერ ფინანსურ შედეგებს. ,,კომპანიის საინვესტიციო პორტფელი კვლავაც მნიშვნელოვნად არის კონცენტრირებული შიდა ბაზარზე, ძირითადად ადგილობრივ ბანკებში განთავსებული დეპოზიტებისა და ადგილობრივი კომპანიების ობლიგაციების მეშვეობით. ამასთან, პორტფელში მაღალია დაკავშირებულ მხარეებში განხორციელებული ინვესტიციების წილიც. საინვესტიციო პორტფელი ძირითადად შედგება შიდა ფიქსირებული შემოსავლის მქონე ინსტრუმენტებისგან, რომელთა საშუალო შეწონილი რეიტინგი 'BB'-ს შეადგენს. ინვესტიციების უდიდეს ნაწილს ადგილობრივ ბანკებში განთავსებული დეპოზიტები წარმოადგენს. 2025 წლის მდგომარეობით, ობლიგაციები საინვესტიციო პორტფელის 10%-ს შეადგენდა, ხოლო 38% აშშ-ის სახელმწიფო ობლიგაციებზე მოდიოდა. ამასთან, თიბისი დაზღვევას დაკავშირებულ მხარეებში ინვესტიციების მაღალი კონცენტრაციაც აქვს - 2025 წლის ბოლოს კომპანიის ფულადი სახსრები, საბანკო დეპოზიტები და თიბისი ბანკის ობლიგაციები საინვესტიციო პორტფელის 55%-ს შეადგენდა", - წერს Fitch Ratings-ი.Fitch ასევე აღნიშნავს, რომ თიბისი დაზღვევა საქართველოს სიცოცხლისა და არასიცოცხლის დაზღვევის ბაზარზე ერთ-ერთი წამყვანი კომპანიაა. 2025 წლის ბოლოსთვის მისი საბაზრო წილი 18.8%-ს შეადგენდა. არასიცოცხლის დაზღვევის მიმართულებით კომპანიის საქმიანობა ძირითადად ავტოდაზღვევაზე, ჯანმრთელობის დაზღვევასა და ქონების დაზღვევაზე არის კონცენტრირებული, ხოლო სიცოცხლის დაზღვევის ბიზნესის ძირითადი ნაწილი მსესხებელთა დაზღვევას მოიცავს, რომელიც თიბისი ბანკის მომხმარებელთა ბაზას ეყრდნობა.Fitch-ის შეფასებით, თიბისი დაზღვევის ბიზნესპროფილი ასახავს კომპანიის ძლიერ პოზიციას ადგილობრივ ბაზარზე, კარგ ბიზნესდივერსიფიკაციას, ზომიერ რისკის პროფილს, თუმცა ასევე ითვალისწინებს, რომ მისი ოპერაციული მასშტაბი რეგიონის ზოგიერთ კონკურენტ კომპანიასთან შედარებით უფრო მცირეა.

1785838173

თავდაპირველად, სააგენტოში მცხეთა-მთიანეთის რეგიონის სოფელ წილკანიდან შემოვიდა შეტყობინება 15 სული მსხვილფეხა პირუტყვის ინტოქსიკაციის შესახებ. ფერმერის (კ. წ.) ინფორმაციით, საქონლის სადგომის მწერების საწინააღმდეგო პრეპარატით დამუშავების შემდეგ, ცხოველებს მოწამვლის ნიშნები აღენიშნათ.სააგენტოს მცხეთა-მთიანეთის დეპარტამენტის ვეტერინარებმა დაუყოვნებლივ მოახდინეს რეაგირება და ლაბორატორიული კვლევისთვის აიღეს გამოყენებული პრეპარატის ნიმუში (პირველადი შესწავლით, ადგილი ჰქონდა პრეპარატის არასწორ გამოყენებასა და უსაფრთხოების წესების დარღვევას). ადგილზე არსებული, ფერმერის მიერ უკვე დაკლული ერთი სული პირუტყვი ვეტერინარული წესების დაცვით განადგურდა, ხოლო დარჩენილ 14 სულთან დაკავშირებით, ჯანმრთელობისთვის საშიში ხორცის ბაზარზე მოხვედრის თავიდან აცილების მიზნით, ფერმერს სააგენტოს წინასწარი ინფორმირების ვალდებულება დაეკისრა.ჩატარებული დამატებითი მოკვლევის შედეგად, შემოსავლების სამსახურისა და სააგენტოს იმერეთის დეპარტამენტის ინსპექტორებმა ერთობლივი ღონისძიების ფარგლებში გამოავლინეს სატრანსპორტო საშუალება, რომელსაც შპს „პროდუქტები 2028“-ის (ს/კ 445530239) კუთვნილი, სასაკლაოს გვერდის ავლითა და ვეტერინარული ზედამხედველობის გარეშე დაკლული 2 ტონამდე ხორცი გადაჰქონდა.შემოწმებით დადგინდა, რომ ცხოველების საიდენტიფიკაციო საყურე ნიშნები სწორედ სოფელ წილკანში სავარაუდოდ მოწამლულ პირუტყვს ეკუთვნოდა.სააგენტოს ინსპექტორებმა კანონმდებლობით გათვალისწინებული ღონისძიებები გაატარეს - ხორცი სრულად ამოიღეს და გაანადგურეს, ხოლო ბიზნესოპერატორი დაჯარიმდა.

1785837671

მისი თქმით, დღევანდელ სხდომაზე მიიღეს პირველადი ინფორმაციები საქართველოს სახელმწიფო ელექტროსისტემიდან და სხვა პირებიდან, თუმცა გარკვეული ინფორმაცია ჯერ კიდევ დამუშავების რეჟიმშია.„ყველაფრის თავმოყრის შემდეგ ჩვენ შეგვეძლება, გავაკეთოთ საბოლოო დასკვნები. წინასწარი შეფასებით, მეორე სისტემური ავარიის გამომწვევი მიზეზი იყო „იმერეთის“ მაღალი ძაბვის გადამცემ ხაზზე არსებული ავარია, რომელიც მერე უკვე გადაეცა მთელ სისტემას და სისტემაში არსებულმა გამორთვის – ძალიან მარტივ ენაზე რომ ვთქვათ, გამორთვის ინსტრუმენტებმა არ იმუშავა სათანადოდ. თუ რა გახდა ამის მიზეზი, რა თქმა უნდა, ეს დადგინდება და მერე უკვე გატარდება შესაბამისი პრევენციული ღონისძიებები. ენგურჰესი, რამდენადაც თქვენთვის ცნობილია, ეს არის ერთ-ერთი ყველაზე მთავარი ჰიდროენერგეტიკული ობიექტი, რომელსაც შეუძლია სიხშირის რეგულირებაში მონაწილეობა და სხვადასხვა ტექნიკური საკითხების დაბალანსება, რომელსაც გააჩნია თავისი დაცვის სისტემები. წინასწარი ინფორმაციით, დაცვის სისტემების გარკვეულ ნაწილში იყო ასევე პრობლემები, აქედან გამომდინარე, მოწვეულია ტექნიკური ჯგუფი საზღვარგარეთიდან, რომელმაც თავის დროზე დაამონტაჟა ეს აპარატურა, აღნიშნული ჯგუფი დამატებით ნახავს და შეისწავლის არსებულ მდგომარეობას და მოგვაწვდიან ასევე შესაბამის დასკვნას“, – განაცხადა ნარმანიამ.მისივე განცხადებით, ყველა უწყება, ყველა პირი წარმოადგენს თავის მოსაზრებებს, ინფორმაციას, რომელიც გაანალიზდება.„ამ უამრავ ინფორმაციაზე დაყრდნობით უნდა მივიღოთ ის გადაწყვეტილება, რომელიც ზუსტად მილიწამებში მომხდარი ავარიის შესახებ გააკეთებს შეფასებას და ეს არ არის ადვილი. ადრე მუშაობდა აღნიშნული დაცვის სისტემები, ამ შემთხვევაში არ იმუშავა. რა გახდა ამ ხარვეზის გამომწვევი მიზეზი, სწორედ ამაზეა კითხვები, რომელიც ჩვენ დავსვით. შესაბამისად, უნდა მივიღოთ პასუხები. ამ პასუხების მიღებაში დაგვეხმარება იმ ექსპერტების დასკვნა, რომლებიც სპეციალურად ამისთვის არიან ჩამოსულები. დაცვის მოწყობილობები არ აქვს მხოლოდ სახელმწიფო ელექტროსისტემას. დაცვის მოწყობილობები გააჩნია ენგურჰესსაც, სხვა გენერაციის ობიექტებსაც და ისინი უნდა იყოს ერთმანეთთან სინქრონში. ასე რომ, წინასწარი დასკვნები ჯერ არ უნდა გავაკეთოთ. ენგურჰესს ძალიან ბევრჯერ აქვს აღნიშნული ფუნქცია შესრულებული, როცა სისტემაში იყო შეშფოთებები, ენგურჰესმა ეს ტვირთი აიღო თავის თავზე, დააბალნსა სისტემა. სწორედ ამიტომ არის ენგურჰესი მარეგულირებელ სადგურთა შორის. ენგურჰესისნაირი მეორე სადგური რომ გვქონოდა, ენგურჰესზე არსებული, შესაძლო ხარვეზის შემთხვევაში, მეორე დაგვიცავდა ამ ყველაფრისგან, მაგრამ სამწუხაროა, რომ არ გვაქვს“, – განაცხადა ნარმანიამ.

1785837158

სწორედ ამ მიზნით, უკვე 10 წელზე მეტია, ბანკი საერთაშორისო სასტიპენდიო პროგრამებს ახორციელებს და ახალგაზრდა პროფესიონალებსა თუ მოსწავლეებს მსოფლიოს წამყვან უნივერსიტეტებსა და სასწავლებლებში სრული დაფინანსებით სწავლის შესაძლებლობას აძლევს.გაეცანით საქართველოს ბანკის მიერახალგაზრდებისთვის შექმნილ საერთაშორისო სასტიპენდიო პროგრამებს, შეავსეთ განაცხადი დაგანათლების გზაზე არ გაჩერდეთ.მოიპოვეთ საქართველოს ბანკის სტიპენდია CHEVENING-ს პროგრამაში და ისწავლეთ ბრიტანეთის წამყვან უნივერსიტეტებშისაქართველოს ბანკი უკვე ათ წელზე მეტია, CHEVENING-ის სასტიპენდიო პროგრამის პარტნიორია. თანამშრომლობის ფარგლებში, ფინანსური ინსტიტუტი ყოველწლიურად საკუთარ სტიპენდიატს ავლენს და დიდ ბრიტანეთში, სამაგისტრო საფეხურზე სწავლას და მასთან დაკავშირებულ ხარჯებს სრულად უფინანსებს.პარტნიორობის ფარგლებში უკვე გამოვლინდა საქართველოს ბანკის 30-ზე მეტი სტიპენდიატი და მათი რაოდენობა ყოველწლიურად იზრდება.2027–2028 სასწავლო წლის პროგრამაზე განაცხადების მიღება 4 აგვისტოს დაიწყო და 6 ოქტომბერს დასრულდება. დეტალური ინფორმაციის მისაღებად ეწვიეთ ვებგვერდს.მოიპოვეთ საქართველოს ბანკის სტიპენდია UWC-ისსაერთაშორისო განათლების პროგრამაში და ისწავლეთ სასურველ სკოლაში ხარისხიან საერთაშორისო განათლებაზე ხელმისაწვდომობის გაზრდის მიზნით, საქართველოს ბანკი UWC Georgia-ს პარტნიორია.პარტნიორობის ფარგლებში ბანკი 15–17 წლის მოსწავლეებს შესაძლებლობას აძლევს, სრული დაფინანსებით სწავლა მსოფლიოს 17 ქვეყანაში მოქმედ 18 UWC სკოლაში გააგრძელონ. პროგრამა ხელს უწყობს სხვადასხვა კულტურის, ერისა და საზოგადოების დაახლოებას განათლების გზით და ახალგაზრდებს უნიკალურ საერთაშორისო გამოცდილებას სთავაზობს.საქართველოს ბანკისა და UWC Georgia-ს თანამშრომლობის ფარგლებში უკვე ორი სტიპენდიატია გამოვლენილი.საერთაშორისო განათლების პროგრამაზე მიღებადაიწყო და 30 სექტემბერს დასრულდება. განაცხადის შესავსებად და დეტალური ინფორმაციის მისაღებად ეწვიეთ ვებგვერდს.საქართველოს ბანკის მიერ განხორციელებული საგანმანათლებლო პროგრამების შესახებ დეტალური ინფორმაციის მისაღებად ეწვიეთ ვებგვერდს.

1785835886

„მეტი აქცენტი უნდა გავაკეთოთ ყურძნის ხარისხზე, რადგან დარგში არის გლობალური გამოწვევები, მათ შორის, ღვინის მოხმარების კლების ტენდენცია. თუ სწორად წარვმართავთ პროცესებს, ნაკლები რისკებით გავივლით ამ კრიზისულ პერიოდს“ - აღნიშნა ლევან მეხუზლამ.მისი ინფორმაციით, მიმდინარე წელს უხვი მოსავალია მოსალოდნელი და წინასწარი შეფასებით, ყურძნის საერთო რაოდენობა 300 ათას ტონას გადააჭარბებს.საქართველოს მთავრობის გადაწყვეტილებით, ჭარბი მოსავლის შემთხვევაში, სახელმწიფო საწარმო შპს „მოსავლის მართვის კომპანია“ მოსახლეობისგან ყურძენს დიფერენცირებული ფასებით შეისყიდის.„ვაზისა და ღვინის შესახებ“ საქართველოს კანონის შესაბამისად ნებადართული ყურძნის ჯიშების შემთხვევაში, თუ შაქრიანობა 20%-ს აღემატება, ერთი კილოგრამის შესყიდვის ფასი 1.30 ლარია, 17%-დან 20%-მდე შაქრიანობის შემთხვევაში - 0.80 ლარი, ხოლო 17%-ზე ნაკლები შაქრიანობის შემთხვევაში - 0.30 ლარი.საფერავის ჯიშის ყურძნის შემთხვევაში, თუ შაქრიანობა 22%-ს აღემატება, ერთი კილოგრამის ფასი 1.50 ლარია, 17%-დან 22%-მდე შაქრიანობის შემთხვევაში - 0.90 ლარი, ხოლო 17%-ზე ნაკლები შაქრიანობის შემთხვევაში - 0.30 ლარი.„წლევანდელი რთველის სქემა ჯერ კიდევ მარტში დავაანონსეთ, რათა ფერმერებს თადარიგი დაეჭირათ. მთელი ზაფხულის განმავლობაში კახეთის 100-ზე მეტ სოფელში მევენახეებს შევხვდით და მათი მოსაზრებები მოვისმინეთ. საფერავის ჯიშთან დაკავშირებით გამოითქვა გარკვეული წინადადებები და დიდი ალბათობით, მაღალი ხარისხის საფერავისთვის დადგენილი შაქრიანობის ქვედა ზღვარი 1 პროცენტული პუნქტით შემცირდება. არანაირ კომპრომისს არ დავუშვებთ 17%-ზე ნაკლები შაქრიანობის მქონე ყურძენთან დაკავშირებით, რომლის ფასი 30 თეთრი იქნება”, - განაცხადა ლევან მეხუზლამ.

1785833870

საქართველოს ეროვნულმა AI ნაკრებმა, თიბისის მხარდაჭერით, საქართველოს ხელოვნური ინტელექტის ასოციაციის ორგანიზებითა და ბიზნესისა და ტექნოლოგიების უნივერსიტეტის (BTU) ბაზაზე შექმნილ ტექ ოლიმპიადების ჰაბში, საერთაშორისო ოლიმპიადისთვის მრავალთვიანი, ინტენსიური მომზადება გაიარა. მონაწილეებმა GAIA-ს სპეციალური საოლიმპიადო პროგრამის ფარგლებში ხელოვნური ინტელექტის, მანქანური სწავლებისა და მონაცემთა მეცნიერების პრაქტიკული მიმართულებები შეისწავლეს.ნაკრების მთავარი მწვრთნელი შოთა ელყანიშვილია, თანახელმძღვანელები კი ლუკა დარსალია და ნიკა მიქაბერიძე ირიან.შოთა ელყანიშვილი: „ცენტრალური ევროპის AI ოლიმპიადაზე მიღებულმა წარმატებამ კიდევ უფროგაგვიმყარა რწმენა, რომ საერთაშორისო დონეზეცკონკურენტუნარიანები ვართ. წლიდან წლამდევაუმჯობესებთ მომზადების მეთოდებს, რათათითოეულმა მოსწავლემ საკუთარი შესაძლებლობებისრულად გამოავლინოს. გვჯერა, რომ ეს შრომასაერთაშორისო ოლიმპიადაზეც შედეგს მოიტანს“.ლუკა დარსალია: „ჩვენ ვიცით, რომ ასტანაშიმსოფლიოს უძლიერესი ნაკრებები დაგვხვდებიან, თუმცაჩვენი გუნდი ამისთვის მზად არის. ინტენსიურმამომზადებამ თავდაჯერებულობა მოგვცა, ხოლო ასეთგამორჩეულ მოსწავლეებთან მუშაობა ჩვენთვისაცმუდმივი განვითარების პროცესია“.ნიკა მიქაბერიძე: „ჩვენი მიზანი მაღალი შედეგი დამედლებია. მოსამზადებელ პროცესში უზარმაზარიშრომა ჩავდეთ, შევქმენით საერთაშორისოსტანდარტების შესაბამისი პროგრამა და გვჯერა, რომ ესყველაფერი საქართველოს ნაკრების წარმატებაშიაისახება“.IOAI მსოფლიოს ერთ-ერთი ყველაზე პრესტიჟული სასკოლო ტექნოლოგიური შეჯიბრებაა, რომელიც 100-ზე მეტი ქვეყნის საუკეთესო ახალგაზრდებს აერთიანებს. საქართველო მასში წელს უკვე მეორედ მონაწილეობს, რაც ქვეყნის AI განათლების განვითარების მნიშვნელოვანი ეტაპია.თიბისისთვის განათლებისა და ტექნოლოგიურიეკოსისტემის გაძლიერება სტრატეგიულიმიმართულებაა. სწორედ ამიტომ კომპანიასისტემურად უჭერს მხარს ინიციატივებს, რომლებიცახალგაზრდებს თანამედროვე ცოდნას, საერთაშორისო გამოცდილებასა და საკუთარიშესაძლებლობების რეალიზების სივრცეს აძლევს.

1785831394