23%-ით გაზრდილი დაფარვა დასავლეთში და 50%-მდე მეტი სიჩქარე თბილისში

მერსედეს-ბენცი საქართველო მოქმედებს „მერსედეს-ბენც ჯგუფის“ სტანდარტების შესაბამისად, უზრუნველყოფს ავტომობილებისა და სათადარიგო ნაწილების საგარანტიო პირობების დაცვას. კომპანიის პერსონალი მუდმივად გადის სწავლებას გერმანელი პარტნიორების მიერ ორგანიზებულ ტრენინგებზე, როგორც საქართველოში, ისე გერმანიაში, რაც უზრუნველყოფს პერსონალის კვალიფიკაციის ამაღლებას. დღეს კომპანიას დასაქმებული ჰყავს 100-ზე მეტი თანამშრომელი.ახალი თანამედროვე გაფართოებული მერსედეს-ბენცის სერვის ცენტრი და საგამოფენო დარბაზი, რომელიც 2018 წლის დეკემბრის თვეში საზეიმო ვითარებაში გაიხსნა, კომპანიისთვის ნიშნავს ახალ წარმატებას, ახალ დასაქმებულებს, გაზრდილ სიმძლავრეებს და საერთაშორისო, თანამედროვე სტანდარტებით უზრუნველყოფილ მომსახურებას. ამავდროულად, სერვის ცენტრი სრულიად პასუხობს თანამედროვე გამოწვევებს ეკოლოგიურ საფრთხეებთან დაკავშირებით. კომპანია არსებული პოზიციების შენარჩუნებასა და სამომავლო წარმატებას პირდაპირ უკავშირებს კიდევ უფრო მეტი კმაყოფილი მომხმარებლის მოზიდვას, რაც განპირობებული იქნება სხვადასხვა სიახლეების დანერგვით.„მოხარულნი ვართ, რომ საქართველოს ბიზნეს ასოციაციას პრემიუმ ავტოსეგმენტის ერთ-ერთი ლიდერი მერსედეს-ბენცი საქართველო შემოუერთდა. კომპანია, რომელსაც აქვს ბაზარზე ოპერირების 30 წელზე მეტი წარმატებული ისტორია, წარმოადგენს გერმანული ხარისხისა და თანამედროვე, ეკოლოგიურად სუფთა სტანდარტების საუკეთესო მაგალითს. დარწმუნებული ვართ, რომ მერსედეს-ბენცი საქართველოს გამოცდილება და მაღალი კორპორაციული კულტურა მნიშვნელოვან წვლილს შეიტანს ასოციაციის საქმიანობასა და ქვეყნის ეკონომიკურ პროგრესში. ჩვენ აქტიურად დავუჭერთ მხარს მათ სამომავლო ინიციატივებსა და სიახლეების დანერგვის პროცესს“ განაცხადა საქართველოს ბიზნეს ასოციაციის პრეზიდენტმა სოსო ფხაკაძემ.

1780392758

ყველაფერს აქვს საწყისი, განვითარება და დასასრული. ჩვენი ნაკრების კაპიტნის წასვლის დროც დადგა და ყველამ ვიგრძენით, თითქოს ამდენმა წელმა ელვის სისწრაფით ჩაირბინა. დროის მარადიულ სვლას ვერაფერი აჩერებს. ყოველ დასასრულს სენტიმენტები ახლავს თან, თუმცა ასეთ მომენტებში თავად კაპიტნის სიტყვა გიმაგრებს გულს. გურამ კაშიამ ხომ თქვა: გული არაფერზე მწყდება, არ გვინდა სევდაო.2 ივნისს, 21:00-ზე, მიხეილ მესხის სახელობის სტადიონზე, საქართველოს ეროვნული ნაკრები რუმინეთს უმასპინძლებს. ამ ამხანაგურ მატჩს ქართველი ქომაგი განსაკუთრებული ინტერესით ელოდება - ეროვნული გუნდის მაისურით გურამ კაშიას ბოლოჯერ ვიხილავთ. ეს მისთვის 129-ე შეხვედრა იქნება, რითაც ის ნაკრების აბსოლუტური რეკორდსმენია.კაშია ნამდვილი კაპიტანია - მებრძოლი, სამაგალითო, დამმუხტავი, შრომისმოყვარე, დაუღლელი და სამართლიანი. სწორედ მისი თაოსნობით გავიდა საქართველოს ნაკრები ისტორიაში პირველ ევროპის ჩემპიონატზე. გაგახსენებთ: საბერძნეთთან მატჩში კაშიას ურთულესი ამოცანა ჰქონდა - მას ფიზიკურად “მონსტრი” ფორვარდის, ფოტის იოანიდისის განეიტრალება ევალებოდა, რომელმაც მთელი თამაშის განმავლობაში კარისკენ დარტყმა მხოლოდ ერთხელ მოახერხა.ეროვნულ ნაკრებში მისი დებიუტი 2009 წლის 1 აპრილს შედგა - 21 წლის კაშიას მთავარი გუნდის კარი არგენტინელმა ექტორ რაულ კუპერმა გაუხსნა. საერთო ჯამში, მან ექვსი სხვადასხვა მწვრთნელის ხელმძღვანელობით ითამაშა: კუპერი თემურ ქეცბაიამ ჩაანაცვლა, შემდეგ იყვნენ კახაბერ ცხადაძე, ვლადიმირ ვაისი, რამაზ სვანაძე და ვილი სანიოლი. საგულისხმოა, რომ კაშია თითოეული მათგანისთვის შეუცვლელ მოთამაშესა და მთავარ დასაყრდენს წარმოადგენდა.მხურვალე აპლოდისმენტებითა და გულწრფელი ემოციებით გააცილა საყვარელი გუნდის კაპიტანი არნემის “ვიტესის” ქომაგმაც. ნიდერლანდურ კლუბში კაშიამ რვა წელი გაატარა და გუნდში მისვლიდან სულ რაღაც ორ წელიწადში კაპიტნის სამკლავურიც მოირგო. გარდა იმისა, რომ გურამი გუნდის უცვლელი ლიდერი გახლდათ და კლუბის ისტორიაში ლეგიონერებს შორის ჩატარებული მატჩების რაოდენობით დღემდე საუკეთესოა, სწორედ მან აღმართა ხელში “ვიტესის” არსებობის მანძილზე ყველაზე ძვირფასი და ერთადერთი უმაღლესი ტიტული - 2016/17 წლების სეზონში გუნდი ნიდერლანდების საფეხბურთო თასს დაეუფლა.“ვიტესთან” ემოციური განშორების შემდეგ, ძალები MLS-ში მოსინჯა და ვაკო ყაზაიშვილთან ერთად “სან ხოსეს” მაისური მოირგო. ამერიკული გუნდის ღირსება კაშიამ 45 შეხვედრაში დაიცვა, რის შემდეგაც, თავისუფალი აგენტის სტატუსით, ბრატისლავის “სლოვანს” შეუერთდა. “ეს საოცარი მოგზაურობა იყო”, - ასეთი სიტყვებით გამოემშვიდობა გურამი “სან ხოსეს” ქომაგებს.კარიერის დასკვნითი ნაწილი კაშიამ “სლოვანში“ გაატარა, სადაც ხუთი ბრწყინვალე და სტაბილური სეზონი ჩაატარა. ბრატისლავაში იგი საქართველოს ნაკრების ყოფილ ხელმძღვანელთან, ვლადიმირ ვაისთან ერთად მუშაობდა. ვაისმა სულ ცოტა ხნის წინ აღნიშნა, რომ კაშია საუკეთესო ფეხბურთელია მათ შორის, ვინც კი მას ხანგრძლივი სამწვრთნელო კარიერის განმავლობაში გაუწვრთნია. ამ პერიოდში გურამმა სლოვაკეთის ჩემპიონატი ზედიზედ ხუთჯერ მოიგო და გუნდი ისტორიაში პირველად გაიყვანა ჩემპიონთა ლიგის ჯგუფურ ეტაპზე.“კენწეროში გატკბილდების“ - ეს სიტყვები გურამ კაშიას კარიერას იდეალურად შეესაბამება. თავდაუზოგავი შრომის შედეგად, ცხოვრების გზამ იგი იმ წერტილამდე მიიყვანა, როდესაც 37 წლის ასაკში, სულ რაღაც სამთვიან ინტერვალში, სადებიუტო ევროპის ჩემპიონატსა და ჩემპიონთა ლიგაზე საკუთარ გუნდებს კაპიტნის სამკლავურით გაუძღვა.ახლა კი დამშვიდობების დროა. დავუჯეროთ კაპიტანს და ნუ დაგვწყდება გული - დღეს უკვე ახალი ნაკრების მშენებლობის დროა. „ო კაპიტანო, ჩემო კაპიტანო“, მადლობა თავდაუზოგავი შრომისა და თავდადებისთვის. მადლობა იმისთვის, რომ ერთად ვიზეიმეთ სადებიუტო ევროპის ჩემპიონატი, რომლის დროსაც ყველამ დავიჯერეთ, რომ შეუძლებელი არაფერია.ერთად ვუგულშემატკივროთ გურამ კაშიას. საქართველოს ბანკი საქართველოს ეროვნული საფეხბურთო ნაკრების მთავარი სპონსორია.

1780392000

საკითხზე კომენტარი გააკეთა ესკო-ს გენერალურმა დირექტორმა თორნიკე ყაზარაშვილმა.„სვანეთში გამრიცხველიანების პროცესის დაწყება მნიშვნელოვანი გადაწყვეტილებაა, ვინაიდან ეს პირველ რიგში ემსახურება ქვეყნის ენერგეტიკული სისტემის დაცვას და თავისთავად ემსახურება ადგილობრივი მოსახლეობის ინტერესების უზრუნველყოფას. ხაზგასასმელია, რომ ელექტროენერგიის გადაჭარბებული მოხმარება არის დიდი წნეხი და უნდა აღინიშნოს, რომ 2025 წელს სვანეთის ჯამურმა მოხმარებამ 133 მილიონი კილოვატ/საათი შეადგინა მაშინ, როდესაც მსგავსი მასშტაბის მუნიციპალიტეტის ელექტრომოხმარება, არ აღემატება 10 მილიონ კილოვატ/საათს.რა თქმა უნდა, ამხელა სხვაობა დიდი ფინანსური წნეხია როგორც ქვეყნის ენერგეტიკული სექტორის მონაწილეებისთვის, ასევე ყველა იმ ადამიანისთვის, რომელიც არის ელექტროენერგიის ღირებულების გადამხდელი. გამრიცხველიანება მოგვცემს საშუალებას, რომ აღვრიცხოთ თითოეული მოხმარებული კილოვატ/საათი, გამოვავლინოთ ქსელში არსებული დანაკარგები, უფრო ეფექტურად ვმართოთ ქსელი და რა თქმა უნდა, დროულად გამოვავლინოთ ის უკანონო და გადაჭარბებული მოხმარება, რომელიც არ შეესაბამება მოქმედ წესებსა და გამჭვირვალე სისტემას“, - განაცხადა ესკო-ს გენერალურმა დირექტორმა თორნიკე ყაზარაშვილმა.

1780391432

მინისტრის მოადგილის განცხადებით, მნიშვნელოვანი და სიმბოლური დღეა არა მხოლოდ საქართველოსთვის, არამედ მთელი რეგიონისთვის, რომელსაც ახალი სარკინიგზო ინფრასტრუქტურა ემატება.„ეს სატრანსპორტო ხაზი 2017 წლიდან სატესტო რეჟიმში მუშაობს და გადაზიდვების დინამიკა მზარდია. დარწმუნებულები ვართ, რომ ერთობლივი მუშაობით შევძლებთ ამ სარკინიგზო მაგისტრალის სრულად დატვირთვას. ძალიან მასშტაბური ღონისძიებები ჩატარდა იმისთვის, რომ მარაბდა-კარწახის სარკინიგზო ხაზის რეკონსტრუქცია-რეაბილიტაცია მომხდარიყო. წლების განმავლობაში არაერთი მასშტაბური ინიციატივა განხორციელდა, განსაკუთრებით გამოვყოფდი ბოლო ერთი წლის განმავლობაში გაწეულ სამუშაოებს. აღსანიშნავია, რომ მიმდინარე წლის მაისში, პრემიერ-მინისტრის ბაქოში ვიზიტის დროს ხელი მოეწერა ერთობლივი საკოორდინაციო საბჭოს პროტოკოლს, რომლის საფუძველზეც ახალი სარკინიგზო ხაზი შედის სრულ ექსპლუატაციაში" - აღნიშნა თამარ იოსელიანმა.მინისტრის მოადგილის განცხადებით, საპროექტო მაჩვენებელი დაახლოებით 5 მილიონ ტონას შეადგენს. მისივე თქმით, ერთობლივი ძალისხმევით შესაძლებელი გახდება დამატებითი ტვირთების მოზიდვა აღნიშნული სატრანსპორტო ხაზის სრულად დასატვირთად.

1780391304

ვიზიტის ფარგლებში, დავით სონღულაშვილი ბელარუსის რესპუბლიკის ვიცე-პრემიერს, იური შულეიკოს შეხვდა.შეხვედრაზე მხარეებმა საქართველოსა და ბელარუსის რესპუბლიკას შორის სავაჭრო-ეკონომიკური ურთიერთობების გაღრმავების და აგროსასურსათო სექტორში თანამშრომლობის საკითხები განიხილეს.შეხვედრას ბელარუსის რესპუბლიკის სოფლის მეურნეობის და სურსათის მინისტრი იური გორლოვი, საგარეო საქმეთა მინისტრის მოადგილე პაველ უტიუპინი და სხვა ოფიციალური პირები ესწრებოდნენ.„საქართველოსა და ბელარუსს შორის თანამშრომლობის გაღრმავების მნიშვნელოვანი პოტენციალი არსებობს. სოფლის მეურნეობა ორივე ქვეყნის ეკონომიკის ერთ-ერთი წამყვანი და სტრატეგიული დარგია, რაც სასოფლო-სამეურნეო პროდუქციით ვაჭრობის განვითარებისათვის მყარ საფუძველს ქმნის.არსებობს მნიშვნელოვანი შესაძლებლობები ბელარუსიდან რძისა და რძის პროდუქტების ექსპორტისთვის, ხოლო საქართველოდან ღვინისა და სხვა სასოფლო-სამეურნეო პროდუქციის ბელარუსის ბაზარზე გასატანად. გარდა ამისა, მნიშვნელოვანია გამოცდილებისა და ცოდნის გაზიარება გარემოს დაცვის და ტყის მართვის საკითხებში“, - აღნიშნა დავით სონღულაშვილმა.მინისტრმა ბელარუსულ მხარეს მადლობა გადაუხადა დიალოგისთვის და აღნიშნა, რომ საქართველო დიდ მნიშვნელობას ანიჭებს პარტნიორ ქვეყნებთან შედეგზე ორიენტირებულ თანამშრომლობას.ბელარუსის რესპუბლიკის ვიცე-პრემიერმა, იური შულეიკომ საქართველო-ბელარუსის მთავრობათაშორისი ეკონომიკური თანამშრომლობის კომისიის საქმიანობის განახლება მნიშვნელოვან ნაბიჯად შეაფასა.„საქართველო გამოირჩევა მაღალი ხარისხის აგროპროდუქციით განსაკუთრებით ხილით, ბოსტნეულითა და ღვინის წარმოების ტრადიციებით, რაც საერთაშორისო ბაზარზე ქვეყნის კონკურენტუნარიანობას მნიშვნელოვნად აძლიერებს. გამართულ შეხვედრაზე, ერთ-ერთი განხილული მიმართულება შეეხებოდა ღვინისა და კონიაკის წარმოებისთვის საჭირო ნედლეულის, მათ შორის ყურძნის სპირტის, მიწოდებასა და სავაჭრო მიმოცვლას. ამავდროულად, ჩვენ განსაკუთრებულ ყურადღებას ვაქცევთ სავაჭრო ურთიერთობების სისტემურ და გამჭვირვალე მართვას. აღნიშნული პროცესები მოითხოვს ერთიან, თანმიმდევრულ მიდგომას, რომელიც უზრუნველყოფს ორმხრივი ეკონომიკური თანამშრომლობის სტაბილურ განვითარებასა და პროგნოზირებადობას. დასასრულს, შევთანხმდით, რომ მომდევნო შეხვედრა გაიმართება მომავალ წელს ბელარუსში, სადაც შევაჯამებთ მიღწეულ პროგრესს და წარმოვადგენთ თანამშრომლობის კონკრეტულ, ხელშესახებ შედეგებს“, - აღნიშნა ვიცე-პრემიერმა იური შულეიკომ.ბელარუსის რესპუბლიკის ვიცე-პრემიერთან გამართულ შეხვედრას საქართველოს მხრიდან ესწრებოდნენ საგარეო საქმეთა მინისტრის მოადგილე ალექსანდრე ხვთისიაშვილი, სურსათის ეროვნული სააგენტოს უფროსი გიორგი იაკობაშვილი, ღვინის ეროვნული სააგენტოს თავმჯდომარე ლევან მეხუზლა და ბელარუსის რესპუბლიკაში საქართველოს საგანგებო და სრულუფლებიანი ელჩი გიორგი საგანელიძე.

1780391155

რუსეთის მიერ სომხური საქონლის იმპორტზე რუსეთის მიერ დაწესებული შეზღუდვების ფონზე, სომხეთის პრემიერ-მინისტრმა განაცხადა, რომ ექსპორტის უსამართლო ბარიერების შემთხვევაში, მთავრობა განახორციელებს სუბსიდირებისა და დახმარების პროგრამებს, ასევე დაეხმარება მწარმოებლებს, რომლებმაც ზარალი განიცადეს, ახალი ბაზრების პოვნაში.„მთავრობამ უკვე გადაწყვიტა, რომ ყველა შემთხვევაში, სადაც ექსპორტის უსამართლო ბარიერები არსებობს, ჩვენ განვახორციელებთ დახმარების პროგრამებს, რომლებიც ამ საქონლის სუბსიდირებას მოახდენს, რათა ჩვენი ეკონომიკა არ დაზარალდეს“, - თქვა ნიკოლ პაშინიანმა.პრემიერ-მინისტრმა აღნიშნა, რომ ეს ეხება იმ შემთხვევებს, როდესაც ბარიერები არ არის დაკავშირებული პროდუქტის ხარისხთან. მან დასძინა, რომ არის შემთხვევები, როდესაც ექსპორტირებული საქონელი არ აკმაყოფილებს ხარისხის სტანდარტებს.„ჩვენ არ შეგვიძლია დაბალი ხარისხის საქონლის ექსპორტი ჩვენი სუვერენიტეტისა და სახელმწიფო ინტერესების საზიანოდ.ჩვენ მხარს დავუჭერთ ამ მეწარმეებს, რათა მათ შეძლონ თავიანთი პროდუქციის ახალ ხარისხის სტანდარტებთან შესაბამისობაში მოყვანა“, - ხაზგასმით აღნიშნა პაშინიანმა.მან დასძინა, რომ სომხეთი უკვე მუშაობს ახალი საექსპორტო ბაზრების მოძიებაზე.„ჩვენი რამდენიმე ბიზნეს დელეგაცია დღეს უკვე გაემგზავრა. ჩვენ მადლიერები ვართ ჩვენი საერთაშორისო პარტნიორების სწრაფი რეაგირებისთვის და უკვე გვაქვს კონკრეტული წინადადებები ვარდის, ხილისა და ბოსტნეულის შესყიდვასთან დაკავშირებით“, - აღნიშნა პრემიერ-მინისტრმა.პაშინიანმა ასევე ხაზი გაუსვა საექსპორტო ბაზრების დივერსიფიკაციის მნიშვნელობას და აღნიშნა, რომ სომხეთის ეკონომიკა არ უნდა იყოს დამოკიდებული ერთ კონკრეტულ მიმართულებაზე.„ჩვენ ვაწარმოებთ 100 ტონა წიწაკას და არ უნდა გავიტანოთ 90 ტონა ერთი მიმართულები. უნდა გავიტანოთ 25 ტონა ოთხი მიმართულებით და შემდეგ ხუთი, ექვსი და შვიდი მიმართულებით. ეს არის ფორმულა, რომელზეც ვისაუბრე: დამოუკიდებლობა არის უმცირესობაზე დამოკიდებულების ჩანაცვლება მრავალზე დამოკიდებულებით“, - თქვა მან.პრემიერ-მინისტრის თქმით, მაშინაც კი, თუ საექსპორტო ბარიერები დააზარალებს ზოგიერთ სასოფლო-სამეურნეო პროდუქტს, მთავრობა მზადაა, აუნაზღაუროს ეკონომიკური სუბიექტების დანაკარგები. „წიწაკა ლპება, ვარდი ლპება, მთავრობა გადაიხდის ამას, მაგრამ ამ ყველაფრის შედეგად, სომხეთში წიწაკის წარმოება გაიზრდება და ექსპორტიც გაიზრდება“, - განაცხადა პაშინიანმა.ცნობისთვის, „როსელხოზნადზორმა“ 2026 წლის 2 ივნისიდან სომხეთიდან ალუბლის, გარგარის, ქლიავის, ატმის, ვაშლატამას და ყურძნის იმპორტზე დროებითი შეზღუდვების შემოღების შესახებ განაცხადა და ეს გადაწყვეტილება ფიტოსანიტარიული სტანდარტების დარღვევით და სომხური პროდუქციის მიწოდებაში დაფიქსირებული დარღვევების რაოდენობის ზრდით დაასაბუთა. რუსეთმა ადრეც შეზღუდა სომხეთიდან პომიდვრის, კიტრის, წიწაკის და მარწყვის იმპორტი. ამჟამად, რუსეთი კრძალავს სომხეთიდან ყვავილების, თევზის პროდუქტების, გარკვეული ალკოჰოლური სასმელების და ჯერმუკის მინერალური წყლის იმპორტს.ipress.ge

1780390418