„გაზპრომის“ ექსპორტი ევროპაში მაისში წლიურად 3%-ით გაიზარდა

ინიციატივა ხორციელდება UN Women-ის პროგრამის „ქალთა ლიდერობის გაზრდა მდგრადი და მშვიდობიანი საზოგადოებებისთვის“  ფარგლებში, რომელიც დანიის საგარეო საქმეთა სამინისტროს მხარდაჭერით მიმდინარეობს და მას UN Women-ის ოფისები საქართველოში, მოლდოვასა და უკრაინაში, ევროპის და ცენტრალური აზიის რეგიონულ ოფისთან ერთად ახორციელებენ.პარტნიორობის მიზანია  მეწარმე ქალებისთვის ბაზარზე წვდომის, გაყიდვების შესაძლებლობების, ბიზნეს-კავშირებისა და პროფესიული განვითარების ხელშეწყობა. სწორედ ამ მიზნით, 2025 წელს UN Women-სა და „ბაზარი ორბელიანის“ შორის თანამშრომლობა დაიწყო, რომლის ფარგლებშიც ყოველთვიურად იმართებოდა მეწარმე ქალების გამოფენა-გაყიდვები. ინიციატივამ წლის განმავლობაში დაახლოებით 300 მეწარმე ქალს  უმასპინძლა.პროექტის წარმატების საფუძველზე, თანამშრომლობა 2026 წელსაც გაგრძელდა, ხოლო მიმდინარე წელს ინიციატივას საქართველოს ბანკიც შეუერთდა.თანამშრომლობის ფარგლებში, საქართველოს ბანკი UN Women-ს არამატერიალურ, პრო ბონო და სხვადასხვა სახის მხარდამჭერ აქტივობებს შესთავაზებს, რომლებიც ქალთა ეკონომიკური გაძლიერებისა და ქალთა მეწარმეობის განვითარებას შეუწყობს ხელს.საქართველოს ბანკსა და UN Women-ს შორის თანამშრომლობა საერთო ღირებულებებსა და მიზნებს ეფუძნება და ქალებისთვის მეტი შესაძლებლობის შექმნას, ეკონომიკურ დამოუკიდებლობასა და მდგრად განვითარებას ისახავს მიზნად.გაეროს ქალთა ორგანიზაციის წარმომადგენელი საქართველოში კაორი იშიკავა: „მეწარმე ქალებისთვის ბაზრებსა და ფინანსურ რესურსებზე წვდომის მძლავრი შესაძლებლობების შექმნა ერთობლივ, ინკლუზიურ და ქმედებაზე ორიენტირებულ ძალისხმევას მოითხოვს. გაეროს ქალთა გაძლიერების პრინციპებზე (WEPs) ხელმომწერი კომპანიებისა და მეწარმეების გაერთიანებით, შეგვიძლია შევქმნათ შესაძლებლობები, რომლებიც ქალების მიერ მართულ ბიზნესებს ზრდის, ინოვაციისა და საკუთარი პოტენციალის მდგრად ეკონომიკურ განვითარებად გარდაქმნის საშუალებას მისცემს“.საქართველოს ბანკის გენერალური დირექტორის მოადგილე, ანა კოსტავა: „საქართველოს ბანკისთვის ქალთა ეკონომიკური გაძლიერების მხარდაჭერა განსაკუთრებით მნიშვნელოვანია. ამ მიმართულებით არაერთ ინიციატივას ვახორციელებთ და ვუჭერთ მხარს - ვატარებთ ტრენინგებს, სამუშაო შეხვედრებს, ვქმნით კურსებს - რაც დაეხმარება მათ ცოდნის მიღებასა და საკუთარი იდეების განხორციელებაში. შესაბამისად, სხვადასხვა პროგრამებით მიზნად ვისახავთ, მივცეთ ადამიანებს განვითარების და საკუთარი პოტენციალის გამოვლენის შესაძლებლობა. გვჯერა, რომ ქალთა მეწარმეობის განვითარება ქვეყნის მდგრადი ეკონომიკური განვითარების წინაპირობაა.  სწორედ ამიტომ, მოხარულები ვართ, რომ UN Women-თან ერთად ვიმუშავებთ საზოგადოებისთვის ახალი შესაძლებლობების შექმნაზე“.

1780323367

„თბილისის ფინანსური სამიტი“ საქართველოს ეროვნული ბანკის, ეკონომიკისა და მდგრადი განვითარების სამინისტროსა და სინგაპურის გლობალური ფინანსური და ტექნოლოგიური ქსელის (GFTN) ერთობლივი ორგანიზებით ტარდება. სამიტში მონაწილეობას მიიღებენ მსოფლიოს სხვადასხვა ქვეყნის ცენტრალური ბანკების პრეზიდენტები, ასევე ფინტექ ინდუსტრიის, ფინანსური სექტორის, საერთაშორისო კომპანიებისა და ინოვაციური ტექნოლოგიების სფეროს წარმომადგენლები.ორდღიანი სამიტის ფარგლებში გაიმართება თემატური სესიები, პანელური დისკუსიები, ვორქშოპები და პროფესიული შეხვედრები, სადაც მონაწილეები თანამედროვე ფინანსური ტექნოლოგიების განვითარების ტენდენციებსა და რეგიონული თანამშრომლობის შესაძლებლობებზე ისაუბრებენ. სამიტის მონაწილეები განიხილავენ ისეთ თემებს, როგორებიცაა ქვეყნებს შორის ეკონომიკური და ფინანსური კორიდორების, ასევე ფინანსური ტექნოლოგიების განვითარება, ღია ბანკინგი და ხელოვნური ინტელექტი, საქართველო, როგორც ფინანსური ინოვაციების რეგიონალური პლატფორმა და სხვა.თბილისის ფინანსურ სამიტზე დაგეგმილია ჰაკათონის ჩატარება, რაც ხელს შეუწყობს ახალი იდეებისა და შესაძლებლობების იდენტიფიცირებასა და განხორციელებას.„მსგავსი მასშტაბის საერთაშორისო ღონისძიება ქმნის შესაძლებლობას, საქართველო უფრო აქტიურად ჩაერთოს გლობალურ ფინანსურ და ინოვაციურ პროცესებში, მოიზიდოს საერთაშორისო ინვესტიციები, გააძლიეროს პარტნიორობა მსოფლიოს წამყვან კომპანიებთან და ხელი შეუწყოს ქვეყნის ეკონომიკურ განვითარებას“, - აღნიშნა საქართველოს ეროვნული ბანკის პრეზიდენტმა ნათია თურნავამ.GFTN (Global Finance & Technology Network) სინგაპურში დაფუძნებული საერთაშორისო პლატფორმაა, რომელიც აერთიანებს ფინანსური ტექნოლოგიების, ინოვაციების, ციფრული ტრანსფორმაციისა და თანამედროვე ფინანსური ეკოსისტემების განვითარებაში ჩართულ სახელმწიფო და კერძო სექტორის წარმომადგენლებს. აღნიშნული ქსელი მოიცავს მსოფლიოს წამყვან ფინანსურ ცენტრებს ისეთები როგორიცაა სინგაპური, იაპონია, შვეიცარია, ა.შ. 2025 წლიდან კი აღნიშნული ქსელის ნაწილი საქართველოც გახდა.გთხოვთ დააფიქსიროთ სამიტზე დასწრების სურვილი

1780320221

ფინანსთა სამინისტროს შემოსავლების სამსახურის მიერ გავრცელებული ინფორმაციით,  მას დამთავრებული აქვს ივანე ჯავახიშვილის სახელობის თბილისის სახელმწიფო უნივერსიტეტი და ფლობს დიპლომირებული სპეციალისტის აკადემიურ ხარისხს სამართალმცოდნეობაში. აქვს საჯარო უწყებებში მაღალ თანამდებობებზე მუშაობის მრავალწლიანი გამოცდილება. კერძოდ, 2020-2025 წლებში იყო საქართველოს შინაგან საქმეთა სამინისტროს სსიპ დაცვის პოლიციის დეპარტამენტის იურიდიული სამმართველოს უფროსი, ხოლო ამ დრომდე მას საქართველოს ფინანსთა სამინისტროს საგამოძიებო სამსახურის უფროსის მოადგილის თანამდებობა ეკავა.შემოსავლების სამსახურის უფროსმა ია ახალაიას თანამდებობაზე დანიშვნა მიულოცა და მომავალ საქმიანობაში წარმატება უსურვა.შეხვედრას ესწრებოდნენ შემოსავლების სამსახურის უფროსის პირველი მოადგილე პაატა კილაძე,  მოადგილეები - მიხეილ ჩოკოშვილი, ლევან წითელაშვილი, ირაკლი შარტავა და ყველა სტრუქტურული ერთეულის ხელმძღვანელი პირები.

1780320174

„იამალ-ევროპისა“ და „ჩრდილოეთის ნაკადის“ მილსადენებით მიწოდებების შეწყვეტისა და უკრაინის გავლით რუსული გაზის ტრანსპორტირების მარშრუტის 2025 წლის 1 იანვარს დახურვის შემდეგ, „გაზპრომს“ ევროპაში ერთი მილსადენი დარჩა - თურქეთის გავლით - წელიწადში 15.75 მილიარდი კუბური მეტრის გამტარუნარიანობით. 2026 წლის მაისში, ევროპაში რუსული გაზის მიწოდება „თურქული ნაკადის“ მეშვეობით დაახლოებით 47.4 მილიონ კუბურ მეტრს შეადგენდა დღეში, რაც წინა წელთან შედარებით 3%-იან ზრდას წარმოადგენს (2025 წლის აპრილი: 46 მილიონი კუბური მეტრი დღეში).გაზის გადაცემის სისტემის ოპერატორთა ევროპული ქსელის (ENTSOG) მონაცემებით, მიმდინარე წლის აპრილში დღიური ექსპორტი 41 მილიონ კუბურ მეტრს შეადგენდა დღეში.გაზპრომმა, რომელიც ადრე თვეში ორჯერ აქვეყნებდა ექსპორტის მონაცემებს, 2023 წლის დასაწყისში შეწყვიტა სტატისტიკის გამოქვეყნება. „გაზპრომმა“ არ უპასუხა როიტერის კომენტარის მოთხოვნას.საერთო ჯამში, როიტერის გათვლებით, მაისში „გაზპრომის“ ექსპორტი ევროპაში „თურქული ნაკადის“ მეშვეობით გაიზარდა 1.47 მილიარდ კუბურ მეტრამდე, წინა წლის 1.43 მილიარდ კუბურ მეტრთან შედარებით. მიმდინარე წლის იანვარ-მაისში რუსეთიდან ევროპაში გაზის მიწოდება გაიზარდა 6.4%-ით და მიაღწია 7.66 მილიარდ კუბურ მეტრს, წინა წლის 7.20 მილიარდ კუბურ მეტრთან შედარებით.

1780319106

„დინოტოპია“ შეკვეთილში, „ციცინათელას“ პარკის მიმდებარედ განთავსდება და იქნება თანამედროვე, შემეცნებით - გასართობი სივრცე ბავშვებისთვის, ახალგაზრდებისთვის და შავი ზღვისპირეთის დამსვენებლებისთვის.ამ მიზნით, საქველმოქმედო ფონდ „ქართუსა“ და სახელმწიფო ქონების ეროვნულ სააგენტოს შორის შეთანხმება შედგა. რომლის თანახმად, ოზურგეთის მუნიციპალიტეტში, „ციცინათელას“ პარკთან მდებარე არასასოფლო-სამეურნეო დანიშნულების მიწის ნაკვეთი, შპს „აკვა ცენტრისგან“ შეიძინა ფონდმა „ქართუმ“ და იგი სახელმწიფოს უსასყიდლოდ გადასცა. ეს ტერიტორია არსებულ გასართობ სივრცეს შეუერთდება. შედეგად კი, შეიქმნება ერთიანი, მასშტაბური ტურისტული კომპლექსი .„სთარინგ ჯორჯიას“ მიზანია, „დინოტოპიამ“ რაც შეიძლება მეტი ადგილობრივი და უცხოელი ტურისტი მოიზიდოს. გარდა ამისა, ეს იქნება საუკეთესო სივრცე ახალი სამუშაო ადგილების შექმნისა და ადგილობრივი ეკონომიკის გაძლიერებისთვის.STARRING GEORGIA რეგიონის გასართობი ინდუსტრიის მთავარი მოთამაშეა, რომელიც ქვეყნის ყველაზე მნიშვნელოვან მუსიკალურ, კულტურულ და გასართობ-შემეცნებით გამოცდილებას აერთიანებს. STARRING GEORGIA-ს ეკოსისტემა მოიცავს: ბლექ სი არენას, სოციალურ სივრცეს, მუსიკოსთა პარკს, ციცინათელას პარკს, პარკს "საქართველო მინიატურებში", და ფილარმონიას. მალე ამ ყველაფერს ჰეკატეს ბაღი და დინოტოპია შეემატება.

1780318690

საქართველოს ეკონომიკისა და მდგრადი განვითარების სამინისტროს ინფორმაციით, ახალი ხაზი საქართველოს, აზერბაიჯანისა და თურქეთის ერთობლივი სტრატეგიული პროექტია, რომელსაც მნიშვნელოვანი როლი აქვს ევროპასა და აზიას შორის დაკავშირებადობის გაძლიერებაში. ახალი სარკინიგზო მარშრუტი ქმნის დამატებით გამტარუნარიანობას რეგიონში, მნიშვნელოვნად უწყობს ხელს სატვირთო ნაკადების მარშრუტების დივერსიფიცირებას და აძლიერებს რეგიონის დაკავშირებადობას.მარაბდა-კარწახის სარკინიგზო მონაკვეთის საერთო სიგრძე 180 კილომეტრია. პროექტის ფარგლებში რეაბილიტაცია-რეკონსტრუქცია ჩაუტარდა 153 კილომეტრს, ხოლო აშენდა 27 კილომეტრის სიგრძის სრულიად ახალი, ევროპული სტანდარტების მქონე სარკინიგზო მაგისტრალი.ბაქო-თბილისი-ყარსის ახალ სარკინიგზო ხაზზე სატვირთო გადაზიდვების მოცულობა ყოველწლიურად მზარდია. ხაზის სრულ ექსპლუატაციაში შესვლით პროექტის გამტარუნარიანობა 5 მილიონ ტონამდე გაიზრდება, რაც რეგიონს ტვირთების დამატებით ნაკადების გატარების საშუალებას მისცემს და მნიშვნელოვნად გააძლიერებს მის სატრანსპორტო შესაძლებლობებს.აღნიშნული სარკინიგზო მონაკვეთის სრულ ექსპლუატაციაში შესვლა შესაძლებელი გახდა აზერბაიჯანის ქალაქ ბაქოში საქართველოს პრემიერ-მინისტრის ვიზიტის ფარგლებში ეკონომიკისა და მდგრადი განვითარების მინისტრის მარიამ ქვრივიშვილისა და აზერბაიჯანის ციფრული განვითარებისა და ტრანსპორტის მინისტრის რაშად ნაბიევის მიერ ორმხრივი საკოორდინაციო საბჭოს პროტოკოლზე ხელმოწერით შედეგად.

1780317695