ნათია თურნავამ SARAS-ის 10 წლის საიუბილეო ღონისძიებაში მიიღო მონაწილეობა

უწყების ცნობით, დავით სონღულაშვილმა მადლობა გადაუხადა კავკასიის ბუნების ფონდს მრავალი წლის განმავლობაში გაწეული მხარდაჭერისა და ეფექტიანი თანამშრომლობისთვის.მინისტრის განცხადებით, მემორანდუმის განახლება საქართველოს დაცული ტერიტორიების განვითარებისა და ბუნების კონსერვაციის მიმართულებით საერთაშორისო პარტნიორებთან თანამშრომლობის გაძლიერების კიდევ ერთი მნიშვნელოვანი ნაბიჯია.„განახლებული თანამშრომლობა მნიშვნელოვან წვლილს შეიტანს საქართველოში დაცული ტერიტორიების შემდგომ განვითარებასა და გაძლიერებაში. ჩვენი მიზანია, ხელი შევუწყოთ ახალი დაცული ტერიტორიების შექმნას, არსებული ინფრასტრუქტურის გაუმჯობესებასა და ისეთი პროექტების განხორციელებას, რომლებიც ბუნების კონსერვაციასთან ერთად ადგილობრივი მოსახლეობის ეკონომიკური შესაძლებლობების გაძლიერებასაც ითვალისწინებს. დარწმუნებული ვარ, რომ კავკასიის ბუნების ფონდთან განახლებული პარტნიორობა ამ მიმართულებით მნიშვნელოვანი შედეგების მიღწევაში დაგვეხმარება“, – განაცხადა დავით სონღულაშვილმა.„თვალსაჩინოა, რომ ბოლო ათწლეულის განმავლობაში ქვეყანა მნიშვნელოვან პროგრესს განიცდის. მოხარული ვარ, რომ ჩვენ ამ პროცესის ნაწილი ვართ. დაცული ტერიტორიების განვითარების მიმართულებით წინ განსაკუთრებით საინტერესო წელი გველოდება“, – განაცხადა დევიდ მორისონმა.„განახლებული მემორანდუმის ფარგლებში კავკასიის ბუნების ფონდი ხელს შეუწყობს კახეთში, ცივგომბორის ახალი დაცული ტერიტორიის განვითარებას. საერთაშორისო დონორი ორგანიზაციის, ვისის ფონდის (Wyss Foundation) მხარდაჭერით, კავკასიის ბუნების ფონდი ასევე გააგრძელებს დაცული ტერიტორიების განვითარებას. აღსანიშნავია, რომ მემორანდუმის ფარგლებში, Wyss Foundation-ის მიერ კავკასიის ბუნების ფონდისთვის გამოყოფილი გრანტის საერთო მოცულობა 7.25 მილიონამდე დოლარს შეადგენს. კავკასიის ბუნების ფონდის და სხვა დამატებითი დონორების თანადაფინანსების გათვალისწინებით, პროექტის საერთო ღირებულება დაახლოებით 11 მილიონ დოლარს შეადგენს და 5 წლის პერიოდზეა გათვლილი.მემორანდუმის ფარგლებში განსაკუთრებული ყურადღება დაეთმობა დაცული ტერიტორიების ეფექტიან მართვას, პერსონალის შესაძლებლობების გაძლიერებას, ბიომრავალფეროვნების მონიტორინგის სისტემების განვითარებასა და ადგილობრივ თემებთან პარტნიორობის გაღრმავებას. საქართველოსა და კავკასიის ბუნების ფონდს შორის დაცული ტერიტორიების მიმართულებით თანამშრომლობა 2008 წელს დაიწყო და, ფონდის მხარდაჭერით, საქართველოში 15 დაცული ტერიტორია განვითარდა.გარემოს დაცვისა და სოფლის მეურნეობის სამინისტროში გამართულ შეხვედრას მინისტრის პირველი მოადგილე ნინო თანდილაშვილი და სამინისტროს შესაბამისი უწყების და სამსახურების ხელმძღვანელი პირები ესწრებოდნენ“, – ნათქვამია გარემოს დაცვისა და სოფლის მეურნეობის სამინისტროს ინფორმაციაში.

1789123682

შემოსავლების სამსახურის ინფორმაციით, მებაჟე ოფიცრების მიერ, საქართველოსა და უცხო ქვეყნის მოქალაქეების, როგორც ფიზიკური, ასევე კუთვნილი ბარგისა და მათი მართვის ქვეშ არსებული სატრანსპორტო საშუალებების დეტალური დათვალიერების შედეგად, ჯამში 642 კოლოფი არადეკლარირებული სიგარეტი აღმოაჩინეს.მათივე ცნობით, საქართველოს საბაჟო კოდექსის 168-ე მუხლის მე-3 ნაწილის შესაბამისად, ექვსივე კანონდამრღვევი მოქალაქე სანქციის სახით, დაჯარიმდა და ჩამოერთვა არადეკლარირებული საქონელი.

1789122021

მობაილბანკის საინვესტიციო პლატფორმას ლონდონის საფონდო ბირჟა (LSE) დაემატა. მომხმარებლებს უკვე შეუძლიათ პირდაპირ მობაილბანკიდან შეიძინონ LSE-ზე დალისტული საერთაშორისო და ქართული კომპანიების აქციები და მათ შორის, TBC PLC-ის აქციები.ინვესტირება შესაძლებელია ბრიტანულ ფუნტში (GBP), £1-დან, დამატებითი აპლიკაციის, რეგისტრაციისა და პლატფორმის გარეშე.ვადიანი ანაბრის მფლობელ მომხმარებლებს ანაბრით უზრუნველყოფილი სესხის გააქტიურება უკვე პირდაპირ მობაილბანკიდან შეუძლიათ. სესხის მისაღებად დამატებითი შემოსავლების შესწავლა, ფილიალში მისვლა ან ქოლ-ცენტრში დარეკვა საჭირო აღარ არის.ფუნქციონალი ხელმისაწვდომია პროდუქტების აქტივაციაში, სესხების ჩანართსა და ანაბრის დარღვევის პროცესში, რაც მომხმარებლებს სესხის რამდენიმე წუთში გააქტიურების შესაძლებლობას აძლევს.მობაილბანკის განახლებული „ავტოკომფორტი“ ავტომფლობელებისთვის შექმნილი ერთიანი ციფრული ჰაბია. მისი საშუალებით მომხმარებლებს შეუძლიათ:• მიიღონ მყისიერი შეტყობინებები ჯარიმების შესახებ;• გადაიხადონ ჯარიმები 0% საკომისიოთი;• შეავსონ პარკირების ბალანსი;• ნახონ ჯარიმების დეტალები და სტატუსი;• ისარგებლონ პარტნიორების სპეციალური შეთავაზებებით.„ავტოკომფორტით“ სარგებლობა 3 თვის განმავლობაში უფასოდ არის შესაძლებელი.მობაილბანკის ახალი ფუნქციონალები მომხმარებლებს ფინანსური და ყოველდღიური საქმეების ერთ სივრცეში, მარტივად და სწრაფად მართვის შესაძლებლობას აძლევს.თიბისი მობაილბანკის განვითარებას და მომხმარებლებისთვის ახალი ციფრული შესაძლებლობების შექმნას მუდმივად აგრძელებს.

1789121526

დედაქალაქში ჩატარებული არაგეგმური ინსპექტირების შედეგად, თბილისის დეპარტამენტის ინსპექტორებმა კრიტიკული შეუსაბამობები, ეტიკეტირებისა და მიკვლევადობის წესების დარღვევები გამოავლინეს. ობიექტებს საწარმოო პროცესი შეუჩერდათ, ბიზნესოპერატორები კი დაჯარიმდნენ.სახელმწიფო კონტროლი განხორციელდა თბილისში, აღმაშენებლის #36-ში მდებარე რესტორანში შპს „ბეთულ“ (ს/კ 404727246); ბიზნესოპერატორი არ იყო რეგისტრირებული ეკონომიკურ საქმიანობათა რეესტში; გარდა ამისა, დაფიქსირდა ეტიკეტირებისა და მიკვლევადობის წესების დარღვევა, კრიტიკული შეუსაბამობა, რის გამოც შპს „ბეთულ“ დაჯარიმდა და შეუჩერდა საქმიანობა.ეკონომიკურ საქმიანობათა რეესტრში რეგისტრაციის არქონის, კრიტიკული შეუსაბამობისა და ეტიკეტირების წესის დარღვევის გამო დაჯარიმდა და საქმიანობა შეუჩერდა ასევე შპს „ფუდაჰოლიკს“ (ს/კ 436059113), რომელიც 26 მაისის მოედანზე მდებარეობს.არაგეგმური ინსპექტირების შედეგად კრიტიკული შეუსაბამობები გამოვლინდა და საწარმოო პროცესი შეუჩერდა ინდივიდუალური მეწარმე უ. მ-ის საშაურმეს (ქეთევან დედოფლის გამზირი 65), შპს „სომხურ ეზოს“ (ს/კ 404809132; ქ.თბილისი, ვაჟა-ფშაველას N7ა), შპს „ევროზია ითს ბრაზერსს“ (ს/კ 402369405; ქ. თბილისი, დავით აღმაშენებლის გამზირი 112), შპს „ინდურ ზაიკას“ (ს/კ 406541470, ქ. თბილისი, ახმეტის ქუჩა 14) და ინდივიდუალური მეწარმე ჰ. ს-ის ობიექტს (ქ. თბილისი, გიული ჭოხონელიძის ქუჩა N16), შპს „ნიუ ქარიპოტს“ (ს/კ 400456396, ქ. თბილისი, ქეთევან დედოფლის გამზირი 47/49), შპს „არქეი რესთორანთ 02“-ს (ს/კ 405554684; ქ. თბილისი, ვაჟა-ფშაველას გამზ. N6), შპს “როიალ ქითჩენ ისანს” (ს/კ 405794868; ქ. თბილისი, აწყურის ქუჩა N76,შპს „ელაკკას“ (ს/კ 406499294; ქ. თბილისი, აწყურის ქუჩა N19ა), შპს „მაუჯ ექსპრესს“ (ს/კ 405869074, ქ. თბილისი, ლუბლიანას ქუჩა 19ა) და შპს „რესტორან სეულს“ (ს/კ 405185428, ქ. თბილისი, ბუდაპეშტის ქ. N7).განმეორებითი კრიტიკული შეუსაბამობებისა და ეტიკეტირების წესის დარღვევის გამო ინდივიდუალური მეწარმე ი. შ (თბილისი, პეკინის 31ბ) და შპს „იომი 1977“ (ს/კ 404747716; ქ. თბილისი, გამრეკელის ქ. 3) 5000-5000 ლარით დაჯარიმდნენ.მომხმარებელთა ჯანმრთელობის დაცვის მიზნით, სურსათის ეროვნული სააგენტო საზოგადოებრივი კვების ობიექტებს მთელი ქვეყნის მასშტაბით ამოწმებს.

1789120967

შეგახსენებთ, აფბა ამ გახმაურებული და მასშტაბური ბიზეს-დავის საზოგადოებრივ მონიტორინგს ახორციელებს.მისი თქმით, მას შემდეგ, რაც ნათია ჯანაშია, ქმართან, დავით ცეცხლაძესთან ერთად, მაჟორიტარმა პარტნიორმა (70%) “აკადემიის” მართვის სადავეებს, მასშტაბურ სავარაუდო გაფლანგვა-მიტაცებაში შემჩნევის ფონზე, სრულიად კანონიერად ჩამოაშორა და ამით წლიური 1 მილიონ ლარიანი ხელფასიც შეუწყვიტა, მათ დაკარგული მდგომარეობის რეიდერული გზით დაბრუნება გადაწყვიტეს და მაჟორიტარი პარტნიორის წინააღმდეგ მასირებული რეპუტაციული შეტევა წამოიწყეს. მათ გადაწყვიტეს, რომ ზეწოლა მოეხდინათ ინვესტორზე და ერთხელ უკვე კოლოსალურ ფასად გაყიდული წილი, ჩაგრულის მანტიამოსხმულებს, უკანონოდ, კვლავ ხელში ჩაეგდოთ - ამბობს ჯინჭარაძე.“ნათია ჯანაშია, დავის საწყის ეტაპზე არწმუნებდა საზოგადოებას, თითქოს მას ინვესტორმა მოტყუებით იაფად გააყიდინა “აკადემიის” 70%-იანი წილი.  რა თქმა უნდა, ამის დამადასტურებელი საბუთი მას საზოგადოებისთვის არ წარუდგენია. მეორე მხრივ კი დადგა ფაქტი - ლევან სამხარაულის სახელობის ექსპერტიზის ეროვნული ბიუროს დასკვნით დადასტურდა, რომ  29,3 მილიონი ლარი, რაც წილის საფასურად ნათია ჯანაშიამ და მისმა ქმარმა, დავით ცეცხლაძემ საკუთარ ანგარიშებზე გარიგების დადებისთანავე თანაბრად მიიღეს, 500 000 ლარით აღემატებოდა იმ დროისთვის არსებულ საბაზრო ფასს. ნათია ჯანაშია იმაშიც არწმუნებდა საზოგადოებას, რომ გარიგების საფასური სრულად არ ჰქონდა მიღებული. ბუნებრივია, ეს ტყუილი იყო და საკმარისი გახდა ერთი მინიშნებაც კი, რომ გარიგების ღირებულების სრული თანხა, სამეწარმეო რეესტრში შესაბამისი ცვლილების ასახვისთანავე, მისი და მისი ქმრის საბანკო ანგარიშებზე სრულად იყო ჩარიცხული, რომ ეს ცრუ ნარატივიც საპნის ბუშტივით გასკდა. ნათია ჯანაშია იმასაც დაუღალავად ამტკიცებდა, რომ თითქოს, ინვესტორს დაპირება ჰქონდა გაცემული, რომ მის საკუთრებაში არსებულ ოქროყანის მიწას, “აკადემიის” კაპიტალში უსასყიდლოდ ასახავდა.  მან ვერც ეს ნარატივი დაადასტურა. ფაქტი კი ის აღმოჩნდა, რომ არც მხარეთა შორის გაფორმებულ მემორანდუმში, არც ხელშეკრულებაში, მსგავსი არაფერი იძებნება. ეს ორი დოკუმენტი კი მხარეთა შორის არსებული გარიგების განმსაზღვრელი საბუთებია”, - აღნიშნავს აფბას ანალიტიკოსი.ჯინჭარაძე აღნიშნავს, რომ ნათია ჯანაშიას სიყალბეზე და ცილისწამებაზე აგებული კამპანიის კიდევ სხვა მხარეა ბულინგის და ბილწისტყვაობის ის გაუგონარი ნიაღვარი, რითაც თავად ჯანაშია და მისი ქმარი, დავით ცეცხლაძე ავსებდა და ავსებს  სოცქსელებს მთელი ამ ხნის განმავლობაში. “ეს ხდება არა მხოლოდ ინვესტორის წინააღმდეგ, არამედ ნებისმიერი მესამე პირის მისამართითაც, ვინც ამ დავასთან დაკავშირებით უწყინარი, მაგრამ ლოგიკური კითხვის დასმას “გაბედავს”.თუმცა, ის რომ მაჟორიტარ აქციონერს, მით უფრო ქვეყნის ერთ-ერთ ყველაზე მასშტაბურ კორპორაციას, ზეწოლით, უკვე გაყიდულ მრავალმილიონიან წილს ვერ დასცინცლავ, წესით, იმთავითვე გასაგები უნდა ყოფილიყო ნათია ჯანაშიასა და მისი ქმრისთვის. შესაბამისად, ბუნებრივად ჩნდება კითხვა - რამ განაპირობა მათი მხრიდან დავის წარმოების ასეთი სტრატეგიის არჩევა”? - კითხულობს ბაჩანა ჯინჭარაძე.მისი მოსაზრებთ, აქ პასუხი ერთია: “მათ გათვლა გააკეთეს იმაზე, რომ პარტნიორი, როგორც ლონდონის ბირჟაზე დალისტული კომპანია, თავს აარიდებდა რეპუტაციულ რისკს, მათ შორის, საერთაშორისო არენაზე და რამდენიმე ათეული მილიონი ლარის გამო “თავს არ აიტკივებდა” და ნათია ჯანაშიას და მის ქმარს, მათივე შეთავაზებული პირობებით დაუთმობდა ერთხელ უკვე ნაყიდ წილს. ეს მსჯელობა ნათია ჯანაშიას თავის საპროგრამო წერილშიც კი აქვს დაუფარავად განვითარებული თავისივე დაფინანსებულ რესურსებზე. სავარაუდოდ, ნათია ჯანაშიამ და მისმა ქმარმა ამ გათვლის წარმატების თითქმის დაიჯერეს კიდეც, რადგან წლების განმავლობაში, კორპორატიული წესებიდან გამომდინარე, ინვესტორი არც მათ  ბრალდებებს და არც მათ უშვერ ლანძღვა-გინებას არ პასუხობდა”, - იხსენებს ჯინჭარაძე.თუმცა, მისი თქმით, დიდი შოკი იქნებოდა თავგზააბნეული რეიდერებისთვის ის გარემოება, რომ როცა ინვესტორმა მათ იურიდიულად გამართულად და დასაბუთებულად უპასუხა, ეს იყო პასუხი ფაქტებით, რიცხვებით, დავის სამართლებრივ სივრცეში გადატანით და იმის გარანტირებული მოლოდინით, რომ სამართალი იზეიმებს და საგამოძიებო სამსახურები და სასამართლო, თავიანთი გადაწყვეტილებებით, საზოგადოებას წარუდგენენ ვერდიქტებს, სადაც დავაში მართალი გამოდგება ინვესტორი, ხოლო ცრუ, ყალბი და ცილისმწამებელი კი ნათია ჯანაშიას მხარე.აფბას ანალიტიკოსი თვლის, რომ ამ მოლოდინის საფუძველს იძლევა ინვესტორის თანმიმდევრული ნაბიჯები. ინვესტორი აუჩქარებლად მიჰყვება ნათია ჯანაშიას მიერ პროვოცირებულ სასამართლო დავებს, როგორც საქართველოში, ისე ბრიტანეთში და მართლმსაჯულების წინაშე როცა საუბრობს, საუბრობს მხოლოდ ფაქტებით, რიცხვებით, დოკუმენტებით და საბუთებით.რაც შეეხება ნათია ჯანაშიას მხარეს, მას უკვე მესამე წელია, რაც “ბრიტანულ-ქართული აკადემიის” თაობაზე დავის გარშემო არც ერთი, ხაზგასმით უნდა ითქვას, - არც ერთი საბუთი არ წარუდგენია საზოგადოებისთვის.ბუნებრივია, დღევანდელი გადასახედიდან, ნათია ჯანაშია უკვე მიხვდება, რომ ინვესტორთან ცილისმწამებლური დავის წამოწყება მისი სტრატეგული და საბედისწერო შეცდომა იყო, მაგრამ მისი ეს მიხვედრილობა, როგორც იკვეთება, ძალიან დაგვიანებულია. - ინვესტორი თანმიმდევრულად მიჰყვება სასამართლო პროცესებს და საკუთარი სიმართლის დასაცავად არც ერთი ნაბიჯით უკან დახევას არ აპირებს”, - ამბობს ჯინჭარაძე. 

1789120137

საიუბილეო ღონისძიება SARAS-ის ხელმძღვანელმა დავით მჭედლიძემ გახსნა. მონაწილეებს მისასალმებელი სიტყვით მიმართეს ფინანსთა მინისტრმა ლაშა ხუციშვილმა, ეროვნული ბანკის პრეზიდენტმა ნათია თურნავამ, პარლამენტის საფინანსო-საბიუჯეტო კომიტეტის თავმჯდომარის მოადგილემ ბეჟან წაქაძემ, სამხრეთ კავკასიაში მსოფლიო ბანკის რეგიონულმა დირექტორმა როლანდ პრაისმა.სიტყვით გამოსვლისას ნათია თურნავამ SARAS-ის მიერ გასული ათწლეულის განმავლობაში განხორციელებულ მნიშვნელოვან რეფორმებსა და მიღწევებზე ისაუბრა და აღნიშნა, რომ ფინანსური ანგარიშგების ხარისხი, გამჭვირვალობა და ანგარიშვალდებულება დღეს უკვე არა მხოლოდ ტექნიკური ან ფორმალური მოთხოვნა, არამედ ჯანსაღი ბიზნესგარემოს, ფინანსური სისტემის მდგრადობისა და ეკონომიკური განვითარების ერთ-ერთი მნიშვნელოვანი საფუძველია.„ხარისხიანი და გამჭვირვალე ფინანსური ინფორმაცია ქმნის ნდობას. ნდობა კი აუცილებელია როგორც ინვესტორისთვის, ისე კრედიტორისთვის, ფინანსური ინსტიტუტისთვის, მარეგულირებლისთვის და მთლიანად საზოგადოებისთვის“, - განაცხადა ნათია თურნავამ.ეროვნული ბანკის პრეზიდენტის შეფასებით, SARAS-ის საქმიანობას განსაკუთრებული მნიშვნელობა აქვს საქართველოს ეროვნული ბანკისთვისაც, რადგან ორივე ინსტიტუტის საერთო მიზანია ისეთი გარემოს შექმნა, სადაც ფინანსური გადაწყვეტილებები ხარისხიან, სანდო და გამჭვირვალე ინფორმაციას ეფუძნება.ნათია თურნავამ ასევე ყურადღება გაამახვილა ეროვნული ბანკისა და SARAS-ის თანამშრომლობაზე და განაცხადა, რომ აღნიშნული თანამშრომლობა წლების განმავლობაში სულ უფრო ღრმავდება. მათ შორის, 2020 წელს უწყებებს შორის გაფორმდა თანამშრომლობის შეთანხმება საჯარო ფასიანი ქაღალდების ემიტენტებთან დაკავშირებული თანამშრომლობისა და კოორდინაციის გაძლიერების მიზნით.ეროვნული ბანკის პრეზიდენტმა თანამშრომლობის ერთ-ერთ მნიშვნელოვან მაგალითად ანგარიშგების ერთიანი პორტალი - Reportal.ge დაასახელა, რომლის მეშვეობითაც საჯარო ფასიანი ქაღალდების ემიტენტებს ანგარიშებისა და სხვა რეგულირებადი ინფორმაციის „ერთი ფანჯრის პრინციპით“ გამოქვეყნების შესაძლებლობა მიეცათ.ნათია თურნავამ ასევე ისაუბრა „საუკეთესო წლიური ანგარიშისა და გამჭვირვალობის ჯილდოზე“ - BARTA-ზე. მისი თქმით, აღნიშნული ინიციატივა ხელს უწყობს კომპანიებში ისეთი კულტურის ჩამოყალიბებას, სადაც ხარისხიანი ანგარიშგება და გამჭვირვალობა თავად კომპანიის ღირებულებად იქცევა. „დარწმუნებული ვარ, რომ საქართველოს ეროვნულ ბანკსა და SARAS-ს შორის თანამშრომლობის სფერო მომავალ წლებში კიდევ უფრო გაფართოვდება“, - განაცხადა სებ-ის პრეზიდენტმა.საიუბილეო ღონისძიების ფარგლებში მრავალწლიანი თანამშრომლობისთვის დაჯილდოვდნენ ბუღალტრული აღრიცხვის, ანგარიშგებისა და აუდიტის სამსახურის თანამშრომლები და საბჭოს წევრები. მათ შორის, ჯილდო გადაეცა ეროვნული ბანკის ფინანსებისა და ბუღალტრული აღრიცხვის დეპარტამენტის ხელმძღვანელს ანდრია მანელაშვილს.

1789118866