ეროვნული ბანკი 60 წელს გადაშორებული პირებისთვის აზარტული და კრიპტო ტრანზაქციების კონტროლს ამკაცრებს

ზურაბ ხატიაშვილი, საქართველოს ბანკის საშუალო ბიზნესის ჯგუფის უფროსი, გუნდს 16 წლის წინ, საკრედიტო ექსპერტის პოზიციაზე შეუერთდა. მას შემდეგ მისი პროფესიული გზა თანდათან ტრანსფორმირდა — გაიზარდა პასუხისმგებლობის მასშტაბიც: ინდივიდუალური შედეგებიდან — მომხმარებლებისა და გუნდის წარმატებამდე.ამ სტატიაში ზურაბი განვლილ გამოცდილებასა და საქართველოს ბანკის ღირებულებებზე - გულშემატკივრობაზე, გამბედაობაზე, მოტივაციაზე, შექმნასა და მოქმედებაზე - გვიამბობს.სტარტი დინამიკურ გარემოში და პირველი მოლოდინები„თავიდანვე მქონდა განცდა, რომ თუ მოინდომებ, განვითარდები, პასუხისმგებლობას აიღებ და შედეგს შექმნი, შესაძლებლობები აუცილებლად გამოჩნდება“, — იხსენებს ზურაბ ხატიაშვილი.ამ წლების განმავლობაში საკრედიტო ექსპერტის პოზიციას სხვადასხვა ეტაპი და პასუხისმგებლობა მოჰყვა, მათ შორის ადამიანების მართვა და გუნდის შედეგზე პასუხისმგებლობა. სწორედ ეს აღმოჩნდა ერთ-ერთი ყველაზე მნიშვნელოვანი გარდატეხა კარიერაში:„საკრედიტო ექსპერტად დაწყებული გზა ჩემთვის გახდა გამოცდილების, გამოწვევების, ადამიანების და ძალიან ბევრი მნიშვნელოვანი გამარჯვების ისტორია. დღეს, როცა უკან ვიხედები, ვფიქრობ, რომ მაშინ მიღებული გადაწყვეტილება ერთ-ერთი ყველაზე მნიშვნელოვანი პროფესიული ნაბიჯი იყო ჩემს კარიერაში. ეს მხოლოდ პოზიციების ცვლილება არ ყოფილა, ეს იყო მუდმივი განვითარება, ახალი პასუხისმგებლობები და ადამიანებთან ერთად ზრდა“, — იხსენებს ზურაბი.დღეს მისი ყოველდღიურობა ორ დიდ მიმართულებას იტევს — ზრუნვას როგორც საშუალო ბიზნესის შედეგებზე, ისე ადამიანების განვითარებაზე. ეს მოიცავს მომხმარებლებთან ურთიერთობას, პორტფელის ხარისხისა და რისკების მართვას, ბიზნესის მიზნებზე მუშაობას და, ამავდროულად, გუნდის მხარდაჭერას და თანამშრომლების წარმატებაზე მუშაობას.„ლიდერის წარმატება მხოლოდ იმით არ განისაზღვრება, თავად რამდენად კარგ შედეგს აჩვენებს. გაცილებით მნიშვნელოვანია, რამდენად შეუძლია სხვებს მისცეს შესაძლებლობა, გაიზარდონ და მათთან ერთად მიაღწიონ კარგ შედეგს”, — აღნიშნავს იგი.წარმატების საზომი: მდგრადი კულტურაზურაბ ხატიაშვილისთვის განსაკუთრებით საამაყო მისი გუნდის წარმატებაა. გუნდი ზედიზედ ორი წელია, „Best Stuff“-ის გამარჯვებულია. ეს ბანკის დაჯილდოებაა საუკეთესო თანამშრომლების გამოსავლენად. საგულისხმოა, რომ ამავე პერიოდში მისმა გუნდის წევრებმა საუკეთესო ბანკირისა და საუკეთესო ანალიტიკოსის ნომინაციებშიც გაიმარჯვეს.“ეს შედეგები მხოლოდ ერთჯერადი წარმატება არ არის, ვფიქრობ ეს არის იმ გარემოს და კულტურის შედეგი, რომელსაც გუნდში ყოველდღიურად ვქმნით. ჩემთვის, როგორც მენეჯერის ერთ-ერთი ყველაზე მნიშვნელოვანი საზომი სწორედ ის არის, რამდენად შეგიძლია ადამიანებს მისცე განვითარების, საკუთარი შესაძლებლობების გამოვლენის და წარმატების მიღწევის შესაძლებლობა“.გულშემატკივრობა და პარტნიორობა ბიზნესთანწარმატების მიღწევა მისთვის უმთავრესი მიზანია, როცა საშუალო ბიზნესთან მუშაობს. როგორც ზურაბი განმარტავს, ამისთვის ბიზნესის რეალურ საჭირობებებს უნდა იცნობდე, იცოდე მისი მიზნების, გამოწვევებისა და განვითარების ეტაპები. სწორედ ამაში ხედავს ზურაბ ხატიაშვილი საქართველოს ბანკის ერთ-ერთი მთავარი ღირებულების, „გულშემატკივრობის“, პრაქტიკულ მნიშვნელობას:“როდესაც მეწარმეს ვესაუბრებით, მხოლოდ კონკრეტულ ფინანსურ პროდუქტს ან ტრანზაქციას არ ვუყურებთ, ვცდილობთ ვიპოვოთ გზა განვითარებისკენ. სწორედ ეს არის ჩემთვის მომხმარებლის გულშემატკივრობა — პარტნიორის გვერდით დგომა არა მხოლოდ სტაბილურ პერიოდში, არამედ რთული გადაწყვეტილებების მიღებისასაც. ეს კულტურა თანაბრად ვრცელდება როგორც მომხმარებლებთან, ისე კოლეგებთან ურთიერთობაში."გამბედაობა, როგორც წარმატების გზაროგორც ზურაბი განმარტავს, რთული გადაწყვეტილებების მიღება ბიზნესს ხშირად უწევს. არც თუ იშვიათია სიტუაციები, როდესაც სრული ინფორმაცია ხელმისაწვდომი არ არის, თუმცა მოქმედება მაინც აუცილებელია. ეს მომენტი კი არა მხოლოდ ბიზნესთან თანამშრომლობისას, არამედ საკუთარ გუნდშიც ხშირად დგება.„კარიერის განმავლობაში, რა თქმა უნდა, არაერთხელ ვყოფილვარ ასეთი გადაწყვეტილების გზაგასაყარზე. მქონდა მომენტები, როდესაც არჩევანი მარტივი არ იყო, არც ყველა გზა ჩანდა ნათლად. თუმცა დროთა განმავლობაში მივხვდი, რომ სწორედ ისეთ მომენტებში ვითარდები, როცა გამბედაობას ირჩევ.გამბედაობა ჩემთვის ნიშნავს იმას, რომ არასრული ინფორმაციის პირობებშიც მიიღო გააზრებული გადაწყვეტილება, აიღო პასუხისმგებლობა მის შედეგზე და მზად იყო, საჭიროების შემთხვევაში, საკუთარი გადაწყვეტილებისგან ისწავლო.”შექმნა და მოქმედება: CRM სისტემის დანერგვის მაგალითზესაქართველოს ბანკში CRM-ის დანერგვის პროექტში მონაწილეობა სწორედ ის ერთ-ერთი მნიშვნელოვანი ეტაპი იყო, რამაც ბევრი რამ ასწავლა. ეს მრავალსაფეხურიანი პროექტი იყო, რომელიც მოიცავდა: 360°-იანი ხედვის შემუშავებას მომხმარებლებზე, პროცესების ავტომატიზაციას, პერსონალიზაციას, Cross-selling-ს და სხვა.„ეს იყო სრულიად განსხვავებული ტიპის გამოწვევა როდესაც მხოლოდ შენი გუნდის შედეგზე არ ხარ პასუხისმგებელი და ცვლილება ორგანიზაციის ბევრ თანამშრომელსა და პროცესს ეხება. ამ პროექტმა კიდევ ერთხელ დამანახა, რამდენად მნიშვნელოვანია ცვლილებების სწორად მართვა, ადამიანების ჩართულობა და საერთო მიზნის გარშემო გუნდის გაერთიანება.“მოტივაცია და საქმის სიყვარულიასეთი ცვლილებების დანერგვა კი, როგორზეც ზურაბი საუბრობს, დიდი მოტივაციის გარეშე, პრაქტიკულად, შეუძლებელია.„16 წლის შემდეგაც ამ საქმის მიმართ იმავე ინტერესს და პასუხისმგებლობას ვგრძნობ. როცა გიყვარს ის, რასაც აკეთებ, რთული პერიოდიც სხვანაირად აღიქმება — იგი იქცევა გამოწვევად, რომელიც უნდა გადალახო და არა დაბრკოლებად, რომელმაც უნდა შეგაჩეროს.ყველაზე მნიშვნელოვანი ჩემთვის არის ის, რომ მაქვს შესაძლებლობა, ადამიანებზე ვიზრუნო. როცა იცი, რომ შენი გადაწყვეტილება, შენი მხარდაჭერა ან უბრალოდ სწორი სიტყვა შეიძლება ვიღაცისთვის მნიშვნელოვანი აღმოჩნდეს, ეს ძალიან დიდი პასუხისმგებლობაცაა და მოტივაციაც.“რჩევა მათ, ვინც კარიერას ახლა იწყებსზურაბის გზავნილი მათთვის, ვინც საქართველოს ბანკში იწყებს კარიერას, მკაფიოა — „ არ გაჩერდე!”„კარიერული გზა ყოველთვის მარტივი და სწორხაზოვანი არ არის. იქნება რთული პერიოდები, იქნება მომენტები, როდესაც შეიძლება იფიქრო, რომ საკმარისად სწრაფად ვერ ვითარდები ან სასურველ შედეგს ვერ იღებ. ასეთ დროს ყველაზე მნიშვნელოვანია, გქონდეს საკუთარი თავის რწმენა, მიზანი და მოთმინება.მე ამაში საკუთარი გამოცდილებით დავრწმუნდი, ამიტომ ჩემი მთავარი რჩევაც ასეთია: იმუშავე საკუთარ თავზე, არ შეგეშინდეს გამოწვევების, არ დანებდე მაშინ, როცა რაღაც რთულდება და გახსოვდეს ყველაზე მთავარი — არ გაჩერდე!

1788184806

"მაღალი საზოგადოებრივი ინტერესიდან გამომდინარე, ფინანსთა სამინისტროს შემოსავლების სამსახური ეხმაურება ,,ბიზნეს მედია საქართველოს” - bm.ge მიერ, გავრცელებულ უსაფუძვლო ბრალდებების შემცველ ინტერვიუს (აუდიტორული კომპანია ,Kreston Georgia-ს მმართველი პარტნიორის, დავით პაპიაშვილის) და განმარტავს, რომ შემოსავლების სამსახურში მუდმივად ხორციელდება გადამხდელთა გეგმიური საგადასახადო შემოწმება, რომელიც ეყრდნობა საგადასახადო კონტროლის ღონისძიებებისთვის გადამხდელთა შერჩევას საგადასახადო რისკების ინდიკატორებზე დაფუძნებული სისტემის მეშვეობით. აღნიშნული ღონისძიება წარმოადგენს შემოსავლების სამსახურის სტანდარტულ პროცედურას, რაც ითვალისწინებს გადამხდელის რისკების შესწავლას.ზემოაღნიშნულიდან გამომდინარე, ფინანსთა სამინისტროს შემოსავლების სამსახური ხაზგასმით განმარტავს, რომ დავით პაპიაშვილის მიერ გავრცელებული ინფორმაცია, ციტატა - ,,წელს, აგვისტოს თვეში შემოსავლების სამსახურის ძალიან გააქტიურება შეინიშნება და ეს შეიძლება უკავშირდებოდეს მათ შორის, ხელმძღვანელობის ცვლილებას“ არის სრული სიცრუე და მისი მხრიდან მსგავსი შინაარსის განცხადებები ემსახურება საზოგადოების შეცდომაში შეყვანას და მიზნად ისახავს თემის პოლიტიკურ ჭრილში გადაყვანის მცდელობას. ამასთან, კიდევ ერთხელ განვმარტავთ, რომ საგადასახადო შემოწმებების გეგმის ფორმირება სრულად დამოუკიდებელი პროცესია და შემოსავლების სამსახურის სტრუქტურული ერთეულების ხელმძღვანელი პირების ცვლილება მის ფორმირებასა და შესაბამისად შესრულებაზე გავლენას არ ახდენს.აქვე აღვნიშნავთ, რომ ყოველი შემდგომი კალენდარული წლის საოპერაციო აქტივობების, მათ შორის საგადასახადო შემოწმებების, გეგმის შემუშავება და დამტკიცება ხორციელდება წინასწარ, მიმდინარე კალენდარული წლის დასრულებამდე. დაგეგმვის პროცესი შეესაბამება მოწინავე საერთაშირისო პრაქტიკას და ეყრდნობა სტანდარტიზებულ პროცედურებს. დამტკიცებული საოპერაციო გეგმები ხელმისაწვდომია ღია წყაროებით და ყოველწლიურად ქვეყნდება შემოსავლების სამსახურის ვებგვერდზე www.rs.ge ყველა დაინტერესებული პირისთვის.რაც შეეხება საგადასახადო დეკლარაციების კონტროლის პროცედურას, ის სამართალდარღვევათა ეფექტიან პრევენციას უკავშირდება და უკვე წლებია უწყებაში მოქმედებს. აღნიშნული პროცესი მხოლოდ სარეკომენდაციო/საინფორმაციო ხასიათს ატარებს და საგადასახადო ჯარიმის თავიდან აცილების მიზნით, ბიზნესთან პარტნიორულ თანამშრომლობას გულისხმობს.დამატებით გაცნობებთ, რომ მიმდინარე წლის მესამე კვარტლისათვის საგადასახადო შემოწმებების მიმართულებით დაგეგმილი საოპერაციო აქტივობების მაჩვენებლები გასული წლის შესაბამის პერიოდთან შედარებით მნიშვნელოვნად არ განსხვავდება. კერძოდ, გასული წლის მე-3 კვარტალში დაგეგმილი იყო 898 საგადასახადო შემოწმების განხორციელება, ხოლო მიმდინარე წლის შესაბამისი პერიოდისათვის ანალოგიური მაჩვენებელი 960 შეადგენს. შესაბამისად, დავით პაპიაშვილის მხრიდან, სტატისტიკური მონაცემების შესახებ მორიგი დეზინფორმაციის გავრცელება მოკლებულია ყოველგვარ მტკიცებულებასა და დასაბუთებას.ფინანსთა სამინისტროს შემოსავლების სამსახური კიდევ ერთხელ მოუწოდებს ყველას თავი შეიკავონ მცდარი, დაუსაბუთებელი და ქვეყნისთვის საზიანო ინფორმაციის გავრცელებისგან,"-ნათქვამია შემოსავლების სამსახურის მიერ გავრცელებულ ინფორმაციაში. 

1788183511

ცვლილება საქართველოს ეროვნული ბანკის პრეზიდენტის, ნათია თურნავას ბრძანებით დამტკიცდა და მომხმარებლის ძლიერი ავთენტიფიკაციისა და ფინანსური ორგანიზაციების მიერ მომსახურების გაწევისას მომხმარებელთა უფლებების დაცვის წესში შევიდა.რეგულაციის მიზანი 60 წელს გადაცილებული მომხმარებლების თაღლითური სქემებისგან დაცვის გაძლიერებაა. ახალი მოთხოვნების მიხედვით, საგადახდო მომსახურების პროვაიდერებს გარკვეული ტრანზაქციების მიმართ რისკების მართვის უფრო მაღალი სტანდარტის გამოყენება დაევალებათ.რისკიან ოპერაციად ჩაითვლება: 500 ლარზე მეტი თანხის გადახდა, თუ ოპერაცია დაკავშირებულია მაღალი თაღლითური რისკის მქონე საქმიანობასთან; ონლაინ სავაჭრო, მათ შორის ე.წ. ფორექსის, საინვესტიციო საქმიანობასთან დაკავშირებული გადახდები; აზარტულ და სათამაშო ბიზნესთან დაკავშირებული ოპერაციები; ვირტუალურ აქტივებთან დაკავშირებული ტრანზაქციები; ასევე ისეთი ოპერაციები, რომლებშიც მომხმარებლისთვის უჩვეულო ხარჯვის ან ქცევის ნიშნები გამოვლინდება. ასეთი ტრანზაქციის დაფიქსირების შემთხვევაში, საგადახდო მომსახურების პროვაიდერს მისი დროებით შეჩერება, ხოლო საჭიროების შემთხვევაში, შესრულებაზე უარის თქმა შეეძლება.ამასთან, ბანკი ან სხვა საგადახდო მომსახურების პროვაიდერი ვალდებული იქნება მომხმარებელს დაუკავშირდეს და ოპერაციასთან დაკავშირებული რისკების შესახებ ინფორმაცია მიაწოდოს. მიზანი მომხმარებლისთვის გადაწყვეტილების გააზრებულად მიღების ხელშეწყობა და თაღლითების მხრიდან მანიპულაციის რისკის შემცირებაა.საეჭვო ან რისკიანი ტრანზაქციის ინიციირების შემდეგ მომხმარებელს 48 საათი ექნება, რათა საბოლოოდ გადაწყვიტოს ოპერაციის განხორციელება და საკუთარი გადაწყვეტილება მომსახურების პროვაიდერს დაუდასტუროს.ეროვნული ბანკის განმარტებით, რეგულაციის პირველი ეტაპი 1-ელი სექტემბრიდან ამოქმედდება და თავდაპირველად მხოლოდ საბარათე ოპერაციებზე გავრცელდება.

1788176842

მისი განცხადებით, ივლისის თვეში საქართველოს ეკონომიკურმა ზრდამ 8% შეადგინა, ხოლო იანვარ-ივლისის საშუალო ეკონომიკური ზრდის მაჩვენებელი 7.9%-ით განისაზღვრა.„ეკონომიკური ზრდის ხელშემწყობი იყო ასევე საგარეო ვაჭრობის კუთხით დაფიქსირებული პოზიტიური ტენდენციები. როგორც ექსპორტის, ასევე ადგილობრივი ექსპორტის მიმართულებით რეკორდული მაჩვენებლები გაგვაჩნია. აღსანიშნავია, რომ პირველი შვიდი თვის მაჩვენებლებით საქართველო ეკონომიკური ზრდის თვალსაზრისით გლობალურად ერთ-ერთი ლიდერი ქვეყანაა და ჩვენი ამოცანაა, რომ ეკონომიკური ზრდის კუთხით შევინარჩუნოთ ლიდერობა მომდევნო წლებშიც“, - აცხადებს ვახტანგ ცინცაძე.მინისტრის მოადგილის თქმით, საქართველოს მთავრობას საკმაოდ ამბიციური გეგმები გააჩნია და ერთი მხრივ, ხორციელდება ეკონომიკური რეფორმები, რომელიც საბოლოო ჯამში პროდუქტიულობის ამაღლებაზეა ორიენტირებული, მეორე მხრივ დაჩქარების ფაზაშია გადასული ინფრასტრუქტურული პროექტების განვითარება, რაც საბოლოო ჯამში ეკონომიკური ზრდის მასტიმულირებელი ეფექტის მქონეა.

1788176392

საქართველოს საარჩევნო ისტორია, სხვადასხვა ქვეყნის საარჩევნო გამოცდილება, არჩევნებსა და ამ პროცესში ახალგაზრდების ჩართულობის მნიშვნელობა - ამ და სხვა მნიშვნელოვან საკითხზე ცესკოს პრეს-სპიკერმა ახალგაზრდებს ამომწურავი ინფორმაცია მიაწოდა.შეხვედრის ერთ-ერთი მთავარი თემა საარჩევნო ელექტრონული ტექნოლოგიები იყო. ნათია იოსელიანმა ახალგაზრდებს იმ ეტაპების შესახებ მიაწოდა ინფორმაცია, რომელიც საარჩევნო ადმინისტრაციამ ელექტრონული ტექნოლოგიების დანერგვის პროცესში განახორციელა. საუბარი ასევე შეეხო დეზინფორმაციას და მასთან დაკავშირებულ გამოწვევებს. ნათია იოსელიანმა შეხვედრის მონაწილეებს ამ მიმართულებით საარჩევნო ადმინისტრაციის სტრატეგია გააცნო და დეტალური ინფორმაცია მიაწოდა დეზინფორმაციასთან ბრძოლის მიმართულებით განხორციელებული საქმიანობის შესახებ.ყვარლის საოლქო საარჩევნო კომისიის თავმჯდომარე მარიამ შეყელაძემ ახალგაზრდებს საარჩევნო ელექტრონული ტექნოლოგიები პირადად გააცნო და დეტალური ინფორმაცია მიაწოდა საარჩევნო ელექტრონული ტექნოლოგიების უპირატესობების შესახებ ხმის მიცემისა და დათვლის პროცესში. ახალგაზრდებმა ყველა ის ეტაპი გაიარეს, რომელსაც ამომრჩეველი საარჩევნო უბანზე გადის.შეხვედრის დასასრულს ახალგაზრდებმა მათთვის საინტერესო არაერთი კითხვა დასვეს, რაზეც ამომწურავი პასუხები მიიღეს.საარჩევნო ადმინისტრაციის ხელმძღვანელი პირებისა და წარმომადგენლების საინფორმაციო შეხვედრები ახალგაზრდებთან, ქვეყნის სხვადასხვა რეგიონში აქტიურად მიმდინარეობს. ყვარლის ახალგაზრდული ბანაკის წევრებთან შეხვედრას 50-მდე ახალგაზრდა დაესწრო.

1788175580

დიაგრამა: საინვესტიციო ფონდები და აქტივების მმართველი კომპანიები საქართველოს ეროვნული ბანკი ასევე იწყებს საინვესტიციო ფონდების მართვის ქვეშ არსებული აქტივების მოცულობის შესახებ ინდივიდუალური მონაცემების გამოქვეყნებას. ინფორმაცია ხელმისაწვდომია ეროვნული ბანკის ვებგვერდზე. აღნიშნული მონაცემები ქვეყნდება საქართველოს ეროვნული ბანკის პრეზიდენტის 2020 წლის 22 სექტემბრის №170/04 ბრძანებით დამტკიცებული „საინვესტიციო ფონდის ავტორიზაციის, რეგისტრაციის, აღიარებისა და რეგულირების წესის“ შესაბამისად.აღსანიშნავია, რომ საინვესტიციო ფონდებისა და აქტივების მმართველი კომპანიების საქმიანობას საქართველოში „საინვესტიციო ფონდების შესახებ“ კანონი და ეროვნული ბანკის მიერ მის საფუძველზე შემუშავებული ჩარჩო არეგულირებს. ჩარჩო ევროკავშირის შესაბამისი დირექტივებისა და ფასიანი ქაღალდების კომისიათა საერთაშორისო ორგანიზაციის (IOSCO) ძირითად პრინციპებზეა დაფუძნებული.

1788175034