"ტყის აღდგენის ღონისძიებების მასშტაბების ყოველწლიური ზრდა სატყეო რეფორმის ერთ-ერთი ძირითადი კომპონენტია"

კერძოდ, Lion Finance Group-ის (BGEO LN) აქციები დაიხურა 114.40 ბრიტანულ ფუნტ სტერლინგში (GBP), +3.53% წინა კვირასთან შედარებით და +5.44% გასულ თვესთან შედარებით. ვაჭრობის მოცულობამ 331 ათას აქციაზე მეტი შეადგინა, GBP 110.50 - 115.90 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 55 ათასი აქცია შეადგინა.თიბისი ბანკის ჯგუფის (TBCG LN) აქციები დაიხურა 45.30 ბრიტანულ ფუნტ სტერლინგში (GBP), -0.04% წინა კვირასთან შედარებით და +1.34% გასულ თვესთან შედარებით. ვაჭრობის მოცულობამ 418 ათას აქციაზე მეტი შეადგინა, GBP 44.50 - 46.80 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 68 ათასი აქცია შეადგინა.Georgia Capital-ის (CGEO LN) აქციები დაიხურა 41.70 ბრიტანულ ფუნტ სტერლინგში (GBP), -1.53% წინა კვირასთან შედარებით და +2.96% გასულ თვესთან შედარებით. ვაჭრობის მოცულობამ 285 ათას აქციაზე მეტი შეადგინა, GBP 40.10 - 43.20 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 53 ათასი აქცია შეადგინა.

1782123396

შეხვედრა ცენტრალური საარჩევნო კომისიის თავმჯდომარემ გახსნა და არჩევნების მნიშვნელობაზე, საარჩევნო პროცესებში ახალგაზრდების აქტიური ჩართულობისა და ინფორმირების აუცილებლობაზე ისაუბრა. გიორგი კალანდარიშვილმა ასევე დეტალურად ისაუბრა არჩევნების ისტორიაზე, ამომრჩევლის როლზე და საარჩევნო უფლებაზე, საარჩევნო ელექტრონული ტექნოლოგიების უპირატესობებზე, ასევე დეზინფორმაციის გავლენებზე და შედეგებზე საარჩევნო პროცესში.„როგორც მოსალოდნელი იყო შეხვედრა განსაკუთრებული ჩართულობით გამოირჩეოდა. განვიხილეთ ყველა ის მნიშვნელოვანი საარჩევნო საკითხი, რომელიც უკავშირდება ტექნოლოგიების ინტერვენციას, ვისაუბრეთ ისეთ გამოწვევებზე, როგორიცაა დეზინფორმაცია და მასთან გამკლავების გზები, ვისაუბრეთ ახალგაზრდების ჩართულობაზე იმ სარჩევნო პროექტებში რომელსაც საარჩევნო ადმინისტრაცია პერიოდულად ახორციელებს. რა თქმა უნდა, ასეთი ტიპის შეხვედრები მომავალშიც გაგრძელდება, როგორც ახალგაზრდობის სააგენტოსთან თანამშრომლობით, ასევე სხვადასხვა პროექტების ფარგლებში, რომელიც უპასუხებს იმ სტრატეგიულ მიზნებს, რომელსაც ადმინისტრაცია ახალგაზრდების საარჩევნო პროცესში ჩართულობის მიმართულებით ახორციელებს“, - განაცხადა გიორგი კალანდარიშვილმა შეხვედრის დასრულების შემდეგ.დეზინფორმაციის გავლენაზე საარჩევნო პროცესში და მის შედეგებზე, ასევე ამ საკითხთან დაკავშირებით საარჩევნო ადმინისტრაციის სტრატეგიაზე შეხვედრის მონაწილეებს ცესკოს პრეს-სპიკერი ესაუბრა. ნათია იოსელიანმა დეტალურად განმარტა, თუ რა საშუალებებს იყენებს საარჩევნო ადმინისტრაცია ამომრჩევლებისთვის სანდო ინფორმაციის მისაწოდებლად.ხელვაჩაურში გამართულ შეხვედრას ასევე ესწრებოდა ხელვაჩაურის საოლქო საარჩევნო კომისიის თავმჯდომარე ომარ ვარშანიძე.შეხვედრა ცესკოს, ახალგაზრდობის სააგენტოსა და სხვა პარტნიორ უწყებებს შორის გაფორმებული ურთიერთთანამშრომლობის მემორანდუმის ფარგლებში გაიმართა. მემორანდუმი ახალგაზრდების ცნობიერების ამაღლების მიზნით ერთობლივი საგანმანათლებლო და საინფორმაციო კამპანიების განხორციელებას, კონფერენციების, სემინარებისა და სამუშაო შეხვედრების ორგანიზებას ითვალისწინებს. მემორანდუმის ფარგლებში ახალგაზრდებთან შეხვედრები ეტაპობრივად სხვადასხვა რეგიონში გაიმართა.

1782121138

ღონისძიების მონაწილეებს სიტყვით მიმართა ცენტრის დირექტორმა ლევან უჯმაჯურიძემ, რომელმაც ქართული ხორბლის ენდემური სახეობების, ადგილობრივი ჯიშების დაცვისა და აგრობიომრავალფეროვნების შენარჩუნების მნიშვნელობაზე ისაუბრა.„საქართველო პურის ხორბლის წარმოშობის პირველადი კერაა. ქართული ხორბლის ენდემური სახეობებისა და ადგილობრივი ჯიშების მოძიება, დაცვა, კვლევა და მომავალი თაობებისთვის შენარჩუნება ჩვენი ქვეყნის აგრობიომრავალფეროვნებისა და კულტურული მემკვიდრეობის დაცვის მნიშვნელოვანი ნაწილია. ამასთანავე, არანაკლებ მნიშვნელოვანია მისი უნიკალური, მათ შორის, ნუტრიციული თვისებების შესახებ ქართული ხორბლის კულტურის პოპულარიზაცია და საზოგადოების ცნობიერების ამაღლება. მსგავსი ღონისძიებები ხელს უწყობს ქართული ხორბლის, როგორც ჩვენი ისტორიისა და იდენტობის მნიშვნელოვანი ნაწილის წარმოჩენას და მის მიმართ ინტერესის ზრდას“, -  განაცხადა ლევან უჯმაჯურიძემ.ფესტივალის ფარგლებში ცენტრის მიერ წარმოდგენილი იქნა ქართული ხორბლის, ქერის ენდემური სახეობების და ადგილობრივი ჯიშების ნიმუშები, ბეჭდური სამეცნიერო და  საინფორმაციო მასალები, რომელიც აგრობიომრავალფეროვნების დაცვის საკითხებს ეხება.სტუმრებს შესაძლებლობა ჰქონდათ გაცნობოდნენ ცენტრის საქმიანობას მცენარეთა გენეტიკური რესურსების მოძიების, დაცვისა და კონსერვაციის მიმართულებით. წარმოდგენილი იყო აგრეთვე ჯიღაურას ბაზაზე დაცული იშვიათი ქართული ვაზის ჯიშებისგან დამზადებული ღვინის ნიმუშები.ფესტივალი „ოქროს თავთავი - ქართული ხორბლის გაცოცხლებული ტრადიცია“ პურ-ცხობის უძველესი ტრადიციების პოპულარიზაციასა და ქართული ხორბლის კულტურის წარმოჩენას მიეძღვნა. ღონისძიება გაერთიანება „ქართული ხორბლის“ ორგანიზებით გაიმართა.

1782119999

დიდი შვიდეულის ლიდერების ერთობლივ კომუნიკეში ხაზგასმულია, რომ 2030 წლისთვის თითოეული კრიტიკული ნედლეულის მთლიან იმპორტში ნებისმიერი ქვეყნის წილი არ უნდა აღემატებოდეს 60%-ს.ნედლეულის გამოშვების ძირითადი პარამეტრები:პეკინის ამჟამინდელი მონოპოლია: ამჟამად ჩინეთი აკონტროლებს იშვიათ მიწა ლითონების გლობალური ბაზრის დაახლოებით 90%-ს, რომლებიც მიკროელექტრონიკის, ელექტრომობილების აკუმულატორების, მწვანე ენერგიისა და თავდაცვის სექტორის წარმოებისთვის აუცილებელი კომპონენტებია. 60%-იანი ლიმიტის შემოღება მიზნად ისახავს ალტერნატიული ლოგისტიკისა და სამთო მოპოვების სიმძლავრეების შექმნის დაჩქარებას.კოორდინაციისა და მონიტორინგის პლატფორმა IEA-სთან: ამ სტრატეგიის განსახორციელებლად, დიდი შვიდეული ქმნის სპეციალურ პლატფორმას პოლიტიკის კოორდინაციის, მონაცემთა გაცვლისა და სასაქონლო ბაზრის კრიზისებზე სწრაფი რეაგირებისთვის. საერთაშორისო ენერგეტიკული სააგენტო (IEA) ასევე ჩაერთვება მიწოდების ჯაჭვის მონიტორინგსა და რისკების ადრეულ იდენტიფიცირებაში.

1782119679

ფესტივალის ათასობით სტუმარს შესაძლებლობა მიეცა, ქართულ სტენდზე 12 დასახელების  ღვინო დაეგემოვნებინა.სამდღიანი ფესტივალის ფარგლებში, ჩატარდა ქართული ღვინის პროფესიული პრეზენტაცია-დეგუსტაცია „8’000 Years in 8 Glasses“, რომელსაც კომერციული სექტორის წარმომადგენლები და მომხმარებლები დაესწრნენ. დეგუსტაციას ამერიკელი სომელიე, ღვინის ჟურნალისტი ერიკ სეგელბაუმი (Eric Segelbaum) უძღვებოდა. ქართული ღვინო ასევე წარდგენილი იყო ორ მასტერკლასზე, რომელიც ღვინის სფეროში ერთ-ერთმა ყველაზე გავლენიანმა ჟურნალისტმა და ექსპერტმა ვანდა მენმა (Wanda Mann) ჩაატარა.ფესტივალის ერთ-ერთი სპონსორი ღვინის ეროვნული სააგენტო იყო.„ასპენის ფესტივალში მონაწილეობა მნიშვნელოვანია ქართულ ღვინოზე მოთხოვნის ზრდისთვის. აშშ-ის ღვინის ბაზარზე მაღალია როგორც ხარისხის მოთხოვნები, ისე კონკურენციის დონე. ბოლო წლებში, ღვინის ეროვნული სააგენტოს მხარდაჭერით განხორციელებულმა არაერთმა მარკეტინგულმა ღონისძიებამ მნიშვნელოვნად შეუწყო ხელი ქართული ღვინის ცნობადობის ზრდას ამერიკის ბაზარზე, რომელიც ქართული ღვინისთვის ერთ-ერთ ყველაზე მაღალფასიან სეგმენტს წარმოადგენს, სადაც ერთი ლიტრი ქართული ღვინის საშუალო საექსპორტო ფასი დაახლოებით 6 აშშ დოლარს შეადგენს“, - აღნიშნა ღვინის ეროვნული სააგენტოს თავმჯდომარის მოადგილემ, თამთა ყველაიძემ.აშშ-ში ქართული ღვინის მარკეტინგულ კამპანიას ღვინის ეროვნულ სააგენტო უმსხვილეს ამერიკულ მარკეტინგულ კომპანია Colangelo&Partners-თან თანამშრომლობით ახორციელებს. კამპანიის ფარგლებში, აშშ-ის სხვადასხვა ქალაქში, ღვინის პროფესიონალებისა და ღვინით ვაჭრობის სფეროს წარმომადგენლებისთვის დეგუსტაცია-სემინარები იმართება; ქართული ღვინო წარმოდგენილია საერთაშორისო გამოფენებზე; მედიის, სომელიეებისა და გაყიდვების სფეროს წარმომადგენლებისთვის ეწყობა ღვინის ტურები საქართველოში, რაც ხელს უწყობს ქართული ღვინის უკეთ გაცნობასა და პოპულარიზაციას ამერიკულ ბაზარზე.

1782117670

ეროვნული სატყეო სააგენტოს მიერ, ტყის აღდგენა-გაშენების ფართობი სპეციალური შესწავლის საფუძველზე შეირჩა, რაც ეკოლოგიური თვალსაზრისით უზრუნველყოფს მარეგულირებელი ეკოსისტემური სერვისების გაძლერებას ნიადაგის დაცვის თვალსაზრისით.„ტყის აღდგენის ღონისძიებების მასშტაბების ყოველწლიური ზრდა სატყეო რეფორმის ერთ-ერთი ძირითადი კომპონენტია.  ჩვენ გვაქვს ტყის აღდგენა-გაშენების გრძელვადიანი გეგმა, რომლის თანახმადაც 2026  წელს ეროვნული სატყეო სააგენტო  ღონისძიებებს ქვეყნის 9 რეგიონში,  2600 ჰა-მდე ფართობზე განახორციელებს. ხოლო,  2036  წლისთვის  ტყის აღდგენის ღონისძიებები ჯამში 51 000 ჰა-მდე ფართობზე იქნება განხორციელებული“ - აღნიშნა ეროვნული სატყეო სააგენტოს უფროსმა, ბესიკ ამირანაშილმა.

1782115380