სერგო სანიკიძემ კონკურენციის პოლიტიკის სფეროში პრესტიჟული საერთაშორისო ჯილდო - Antitrust Writing Awards მიიღო

ღონისძიებას ესწრებოდნენ ინვესტორები, საერთაშორისო საფინანსო ინსტიტუტების, მარეგულირებელი ორგანოებისა და პარტნიორი ორგანიზაციების წარმომადგენლები.ამასთან, გაიმართა პანელური დისკუსიები მდგრადი და ინკლუზიური ეკონომიკის განვითარებაში საფინანსო სექტორის როლის შესახებ. მასში მონაწილეობას იღებდნენ საერთაშორისო დონის ექსპერტები და საერთაშორისო ფინანსური ინსტიტუტების წარმომადგენლები, მათ შორის: ვირჯინია მერტინ ჰერიცი, J&P Morgan-ის ESG კვლევის მეთოდოლოგიებისა და ინტეგრაციის გლობალური მიმართულების ხელმძღვანელი; ელენ ვუდ-გაში, S&P Global-ის მდგრადი გადაწყვეტების სპეციალისტი; ლილიანა პოცო (Liliana Pozzo), საერთაშორისო ფინანსური კორპორაციის - IFC-ის ევროპის მენეჯერი მდგრადი დაფინანსების სერვისების მიმართულებით; ანდრეას ბერკოფი, ევროპის საინვესტიციო ბანკის (EIB) დაფინანსების უფროსი ოფიცერი; ზოი პაი, EBRD-ის ფინანსური ინსტიტუტების სექტორის დირექტორი გარემოს და მდგრადი განვითარების მიმართულებით; ლესლი ბერმან ლამი, აზიის განვითარების ბანკის (ADB) წარმომადგენლობის დირექტორი საქართველოში.  საქართველოს ბანკის 2025 წლის მდგრადი განვითარების ანგარიში ხელმისაწვდომია ბმულზე.ინფორმაციისთვის, მდგრადი განვითარების დოკუმენტი ასახავს საქართველოს ბანკის სტრატეგიას, მიღწევებსა და გაზომვად შედეგებს გარემოსდაცვითი, სოციალური და მმართველობითი (ESG) მიმართულებით. ბანკის ESG მიმართულება მოიცავს ისეთ პროექტებსა და ინიციატივებს, როგორებიცაა: მდგრადი დაფინანსების პროდუქტები, პროექტები და სერვისები, განახლებადი ენერგიის პროექტები, ენერგოეფექტურობა, კლიმატგონივრული სოფლის მეურნეობა, ენერგოეფექტური მშენებლობა და სხვა. ამასთან, მხარს უჭერს ქალ მეწარმეებს, მცირე და საშუალო ბიზნესების განვითარებას, ფინანსურ რესურსებზე ხელმისაწვდომობას, ფინანსურ განათლებასა და ფინანსურ ინკლუზიურობას. გარდა ამისა, ბანკი აქტიურად ახორციელებს ღონისძიებებს ორგანიზაციის მიერ საოპერაციო საქმიანობის შედეგად, გარემოსთვის მიყენებული უარყოფითი გავლენის შესამცირებლად, კერძოდ, გარდა ენერგოეფექტური ღონისძიებებისა, ბანკის ელექტროენერგიის მოხმარების 88% რეგიონებში მზის ენერგიით მარაგდება.ამასთან, საქართველოს ბანკი განათლების, კულტურის, სპორტისა და დაცული ტერიტორიების მთავარი მხარდამჭერია. აღნიშნული ინიციატივები მიზნად ისახავს ახალგაზრდებისთვის შესაძლებლობების შექმნას, ეროვნული კულტურული მემკვიდრეობის შენარჩუნებასა და ჯანსაღი ცხოვრების წესის პოპულარიზაციას, რაც ქვეყნის გრძელვადიანი და მდგრადი განვითარების საწინდარია.

1774526400

აქციის ფარგლებში, მომხმარებლებს შესაძლებლობა აქვთ გაანაღდონ გზავნილი საქართველოს ბანკის მობილბანკით ან ინტერნეტბანკით, ხოლო თუ გზავნილი კვირის განმავლობაში 30 000-ე იქნება, გზავნილის თანხა გაორმაგდება.ამასთანავე, „საქართველოს ბანკის“ მობილბანკით ან ინტერნეტბანკით გზავნილის მიღებისას შეგიძლიათ გზავნილი სტანდარტულთან შედარებით, უკეთესი კურსით დააკონვერტიროთ.გამარჯვებული კვირაში ერთხელ გამოვლინდება, მოგებული თანხის მაქსიმალური ოდენობა კი 3,000 ლარს შეადგენს.აქცია 25 მარტს დაიწყო და 23 ივნისის ჩათვლით გაგრძელდება.ინფორმაციისთვის გზავნილები საქართველოს ბანკის პროდუქტია, რომელიც ემიგრანტებს შესაძლებლობას აძლევს,სწრაფად, უსაფრთხოდ და კომფორტულად მიიღონ თანხა საკუთარ ანგარიშზე. ის ინტეგრირებულია ბანკის ციფრულ არხებში და მომხმარებლებს დამატებით სარგებელს სთავაზობს, მათ შორის, სტანდარტულთან შედარებით, კონვერტაციის უკეთეს კურსს.გაორმაგებული გზავნილების აქციის შესახებ დამატებითი ინფორმაციისთვის კი ეწვიეთ ბმულს.

1774521908

იმპორტულ ხორბალს ქართული პროდუქტი კონკურენციას ვერც ფასის მხრივ უწევს და ვერც ხარისხითაც.ახლა, როცა შედარებით იაფი რუსული ხორბალი შემოდის ქვეყანაში, ქართველ ფერმერებს შარშანდელი მოსავლის გაყიდვა განსაკუთრებით უჭირთ. შესაბამისად, ისინი ითხოვენ იმპორტირებულ მარცვლეულზე გადასახადის დაწესებას, რასაც მეპურეები კატეგორიულად ეწინააღმდეგებიან. ამ გადაწყვეტილებამ შეიძლება პური გააძვიროს, რაც ბაზრისთვის სერიოზუყლი გამოწვევა იქნება.ამ ეტაპზე 1 კგ ადგილობრივი ხორბლის ფასი, საშუალოდ, 60 თეთრს შეადგენს, რაც ფერმერების თქმით, თვითღირებულებაზე დაბალია. ამასთან დაკავშირებით ხორბლის მწარმოებელთა ასოციაციის თავმჯდომარემ ნიკოლოზ ბენიაიძემ ისაუბრა და აღნიშნა,  რომ გამოსავალია ხორბალზე დაწესდეს დამატებით გადასახადი, ვიდრე რუსეთი თავად არ აღადგენს საექსპორტო ბეგარას. ეს დააბალანსებს სამივე მხარეს: პურის ფასი დარჩება სტაბილური, წისქვილები იმუშავებენ და ადგილობრივი ფერმერიც გადარჩება.„როდესაც ორი წლის წინ კრიზისი იყო, ფქვილზე, ქატოსა და ქერზე საბაჟო გადასახადის შემოღებამ დარგი გადაარჩინა. დღეს 1 ტონა ფქვილზე 300 ლარია დაწესებული, ქატოსა და ქერზე კი - 200-200 ლარი, თუმცა ხორბალზე ასეთი გადასახადი არ გვაქვს. იმის გამო, რომ რუსეთმა ხორბალზე საექსპორტო მოსაკრებელი მინიმუმამდე დაიყვანა, ჩვენი ფერმერები კონკურენციას ვეღარ უძლებენ.გამოსავალია, რომ ხორბალზეც დაწესდეს შესაბამისი საფასური, ვიდრე რუსეთი თავადარ აღადგენს საექსპორტო ბეგარას. ამით პურის ფასი დარჩება სტაბილური, წისქვილები იმუშავებენ და ადგილობრივი ფერმერიც გადარჩება“, - აღნიშნა ბენიაიძემ.ფასებთან ერთად, სექტორის კიდევ ერთ დიდ გამოწვევად ნიკოლოზ ბენიაიძემ უხარისხო სათესლე მასალა დაასახელა. მისი თქმით, ქვეყანაში წლებია სერტიფიცირებული სათესლე მასალა დიდი რაოდენობით არ შემოსულა, რაც პირდაპირ აისახება მოსავლიანობასა და ხარისხზე.მის პოზიციას კატეგორიულად ემიჯნება პურის მრეწველთა კავშირის თავმჯდომარე მალხაზ დოლიძე, რომლის განცხადებითაც, დღეს, როცა ხელისუფლება ფასების კლების გზებს აქტიურად ეძებს, ხორბლის იმპორტისთვის გადასახადის დაკისრება წარმოუდგენელია, რადგან ასეთი ნაბიჯი პურის გაძვირებას გამოიწვევს. ფერმერების დახმარების ერთ-ერთ შესაძლებლობად დოლიძე დარგის სუბსიდიას განიხილავს და ამბობს, რომ შესაძლებელია, მთავრობამ ისეთი  მექანიზმი შეიმუშავოს, რაც თავის დროზე მეღვინეებისა და მეციტრუსეების მხარდასაჭერად გაკეთდა.,,პროდუქტების გაიაფებაზეა  საუბარი და ასეთ ვითარებაში მეხორბლეები გადასახადის გაზრდას ითხოვენ. 200 ათასი ტონა ხორბალი მოიწიეს, რაც კარგი მაჩვენებელია, ჩასაბარებელი ხორბლის ფასი იყო 70 თეთრი, მაგრამ სულ 30 ათასი ტონა გაყიდეს. დანარჩენი შეინახეს, რადგან უკეთესი ფასის მოლოდინი ჰქონდათ. ამ დროს გეოპოლიტიკური ვითარება შეიცვალა, ომი დაიწყო, დაპირისპირებამ იჩინა თავი, რის გამოც  მოხდა პირიქით და რუსული ხორბლის ფასი 60 თეთრი გახდა. ამან ქართველი ფერმერები ძალიან შეაშფოთა, ვინაიდან  ჩაუბარებელი პროდუქცია დარჩა.უნდა ითქვას, რომ პურის ცხობისთვის რუსული ხორბალი გაცილებით უკეთესია, მაღალი წებოვანებით, შესაბამისად, ქართული ხორბლის გაყიდვა ჭირს. სუბსიდიით თუ სხვა მექანიზმით თუ დაეხმარებიან ფერმერებს, კარგი იქნება, გადასახადის დაწესება მიუღებელია", - განუცხადა "რეზონანსს" დოლიძემ.მისი თქმით, დღესდღეობით პურის გაძვირებაზე საუბარიც არ შეიძლება, მით უფრო იმ პირობებშიც, თუ ენერგომატარებლების ტარიფი მოიმატებს, რაზეც საუბარი უკვე დაწყებულია.,,საქართველოს წლიურად სჭირდება 600 ათასი ტონა ხორბალი და 200 ათასს აწარმოებს, აქედანაც  მხოლოდ 30 ათასი ტონა ჩააბარეს. ხელოვნურად არ უნდა დავძაბოთ სიტუაცია. საბაზრო ეკონომიკას ვუჭერ მხარს, მოთხოვნა-მიწოდება თვითონ მართავს ფასს, არც უნდა დასმულიყო გაძვირების საკითხი, ეს არის შეცდომა. შეიძლება დახმარება ითხოვო, მაგრამ არა ის, რომ პროდუქცია ხელოვნურად გაუძვირონ მომხმარებლებს, ისედაც ჭირს მაღალი ფასების გამო.რაც შეეხება კონკრეტულად პურს, არავითარ გაძვირებაზე საუბარი არ არის, მიუხედავად იმისა, რომ უმნიშვნელოდ მოიმატებს ენერგომატარებელბის ტარიფი, პურის ფასს მაინც შევინარჩუნებთ, ოღონდ ხელოვნურად ნუ ჩაერევიან ნედლეულის ღირებულებაში", - განაცხადა მალხაზ დოლიძემ ,,რეზონანსთან" საუბრისას.რაც შეეხება ხორბლისა და ფქვილის მწარმოებელთა ასოციაციის პოზიციას, მზად არიან, აღნიშნულ საკითხთან დაკავშირებით კონსულტაციებში აქტიურად ჩაერთონ.  ასოციაციის თავმჯდომარის ლევან სილაგავას თქმით, შექმნილ სიტუაციაში ერთ-ერთი გამოსავალია, რომ სეზონზე იმპორტირებული ხორბლის შემოტანა შეიზღუდოს, რასაც გარკვეული რისკიც ახლავს, თუმცა ჯერჯერობით ესეც ვარაუდის დონეზეა.,,როცა მსგავსი საკითხი წამოიწევს, სიღრმისეული განხილვა უნდა მოხდეს. აღნიშნული თემა მიბმულია სხვადასხვა სექტორთან და ყველას განსხვავებული პოზიცია აქვს. სავარაუდოდ, ასოციაციას აქვს გათვლა, რომ საიმპორტო ხორბალს გადასახადი დაუწესდეს, რათა ადგილობრივი უფრო მაღალ ფასად ჩაბარდეს. ეს საფრთხილო საკითხია, რადგან არ ვიცით, რა იქნება მომავალში.აქვთ ასევე წინადადება, რომ სეზონზე იმპორტირებული ხორბლის შემოტანა შეიზღუდოს. მაშინ უნდა ვიცოდეთ, რომ წისქვილკომბინატებზე გაიყიდება ხორბალი და დეფიციტის საფრთხე არ შეიქმნება. ეს საკითხიც შესასწავლია. ჩვენი ასოციაცია მზადაა, ნებისმიერ საკითხზე ჩერთოს კონსულტაციაში და ერთიან აზრამდე მივიდეთ. ჯერჯერობით მაინც წინადადების დონეზეა და განხილვა არ დაწყებულა. თუკი მიგვიწვევენ, ჩვენს პოზიციას დავამუშავებთ და წარვადგენთ", - განუცხადა ,,რეზონანსს" ლევან სილაგავამ.2025 წელს, 2024 წელთან შედარებით, საქართველოში ხორბლის იმპორტი მნიშვნელოვნად გაიზარდა როგორც ღირებულებით, ისე მოცულობით. შარშან ქვეყანაში იმპორტირებული იყო 515 719 ტონა ხორბალი, რომლის ღირებულებამ 128.5 მილიონი დოლარი შეადგინა. 2024 წელს კი იმპორტი 326 486 ტონას და 76.1 მილიონ დოლარს შეადგენდა. შედეგად, 2025 წელს ხორბლის იმპორტი ღირებულებით 68.7%-ით, ხოლო მოცულობით 57.9%-ით გაიზარდა.იმპორტის მომწოდებლებს შორის წამყვან პოზიციას კვლავ რუსეთი იკავებს - 405 018 ტონა ხორბალი, 102.2 მილიონი დოლარის ღირებულებით. მეორე ადგილზეა ყაზახეთი, საიდანაც 110 447 ტონა ხორბალი, 26 მილიონ დოლარად შემოვიდა. დანარჩენი ქვეყნების წილი შედარებით მცირეა.წყარო: resonancedaily.com

1774520252

კონკურსი სამეცნიერო ანალიტიკური გამოცემის - Concurrences და ჯორჯ ვაშინგტონის უნივერსიტეტის სამართლის სკოლის ორგანიზებით განხორციელდა.დაჯილდოების ცერემონია ქალაქ ვაშინგტონში გაიმართა და ღონისძიებას 150-მდე სტუმარი დაესწრო, მათ შორის იყვნენ სხვადასხვა ქვეყნის კონკურენციის უწყებების, ტექნოლოგიური კომპანიების, სამეცნიერო წრეებისა და საერთაშორისო ორგანიზაციების წარმომადგენლები.სერგო სანიკიძის გამარჯვებული ნაშრომი მეცნიერების კომერციალიზაციის პროცესში კონკურენციის როლს, ამ მიმართულებით არსებულ გამოწვევებსა და პოტენციური გადაჭრის გზებს მიმოიხილავს.ნაშრომი სერგო სანიკიძის სადოქტორო დისერტაციის ფარგლებში მომზადდა. დოკუმენტში გაანალიზებულია ხელოვნური ინტელექტის ტრანსფორმაციული როლი კონკურენციის პოლიტიკის მიმართულებით და შემუშავებულია აღმასრულებელი ჩარჩო საქართველოსა და განვითარებადი ეკონომიკის მქონე ქვეყნებისთვის.

1774519702

შეხვედრაზე განხილულ იქნა საერთაშორისო კაპიტალის ბაზრებზე არსებული ტენდენციები. განსაკუთრებული ყურადღება დაეთმო ადგილობრივი კაპიტალის ბაზრის განვითარების მიმართულებით მიღწეულ პროგრესსა და დაგეგმილ ღონისძიებებს.ფინანსთა მინისტრმა ხაზი გაუსვა ევრობონდების რეფინანსირების პროცესში საერთაშორისო ინვესტორების მხრიდან ქართული ფასიანი ქაღალდების მიმართ დაფიქსირებულ მაღალ ინტერესს. ასევე აღინიშნა, რომ საქართველო გეგმავს აქტიურად გააგრძელოს მუშაობა, როგორც ადგილობრივ, ისე საერთაშორისო კაპიტალის ბაზრებზე, დაფინანსების წყაროების დივერსიფიკაციისა და ინვესტორთა ბაზის გაფართოების მიზნით.შეხვედრას დაესწრნენ ფინანსთა მინისტრის მოადგილეები გიორგი კაკაურიძე, ეკატერინე გუნცაძე და სახელმწიფო ვალის მართვის დეპარტამენტის ხელმძღვანელი ირაკლი კაჭარავა.

1774518372

შეხვედრაზე მინისტრმა წარმოადგინა ინიციატივა, რომლის ფარგლებშიც სამინისტროში დარგობრივი საბჭო შეიქმნება და ამოცანა სექტორის გამოწვევებისა და საჭიროებების გამოვლენა, სიახლეების გაცნობა და მხარდაჭერის უზრუნველყოფა იქნება.მინისტრის განცხადებით, საბჭოს შეხვედრები ყოველთვიურად, მინისტრის მოადგილის კურატორობით, ხოლო კვარტალში ერთხელ უშუალოდ მისი ხელმძღვანელობით გაიმართება.დავით სონღულაშვილის განცხადებით, ვაშლის სექტორის განვითარება მნიშვნელოვანია, რადგან ქვეყნის შიდა ბაზრისთვის ვაშლი სტრატეგიულ და ასევე მზარდი საექსპორტო პოტენციალის მქონე პროდუქტს წარმოადგენს.„განსაკუთრებულად მნიშვნელოვანია სისტემატიური შეხვედრები ფერმერებთან, რათა სწორად იყოს იდენტიფიცირებული ყველა ის გამოწვევა, რომელიც შესაძლებელია არსებობდეს ამა თუ იმ მიმართულებით. შეხვედრები მოგვცემს შესაძლებლობას, დავიჭიროთ თადარიგი და შესაბამისი რეაგირებები მოვახდინოთ გამოწვევებთან მიმართებით“, - განაცხადა დავით სონღულაშვილმა.როგორც მინისტრმა აღნიშნა, საბჭოს ფორმატით მუშაობა მნიშვნელოვნად გაზრდის ფერმერის ინტერესების გათვალისწინებას და სოფლის მეურნეობის სხვადასხვა სექტორის განვითარების ხელშემწყობი პროექტების ეფექტიანი დიზაინის შექმნას.აღსანიშნავია, რომ საქართველოში ვაშლის წარმოება ბოლო წლებში სტაბილურად მზარდი ტენდენციით გამოირჩევა და ქვეყნის აგროსექტორში ერთ-ერთ მნიშვნელოვან მიმართულებად რჩება. წარმოება ძირითადად კონცენტრირებულია შიდა ქართლში, რომელიც ლიდერი რეგიონია, თუმცა მნიშვნელოვანი წილი მოდის მცხეთა-მთიანეთსა და კახეთზე. რეგიონების დივერსიფიკაცია მიუთითებს იმაზე, რომ ვაშლის წარმოება თანდათან ფართოვდება და ნაკლებად არის დამოკიდებული ერთ კონკრეტულ ტერიტორიაზე.ექსპორტის მიმართულებით ვაშლი მნიშვნელოვანი საექსპორტო პროდუქტია. 2025 წელს ექსპორტის მოცულობამ დაახლოებით 20.6 ათასი ტონა, ხოლო საშუალო საექსპორტო ფასმა - დაახლოებით 0.68 დოლარი/კგ შეადგინა. შესაბამისად, 2025 წელს ექსპორტის საერთო ღირებულება, დაახლოებით, 14 მილიონი დოლარი იყო. ძირითადი საექსპორტო ბაზრებია რუსეთი, თურქეთი, სომხეთი და ყაზახეთი.გარემოს დაცვისა და სოფლის მეურნეობის სამინისტროში გამართულ შეხვედრას მინისტრის მოადგილეები ლაშა დოლიძე, ლაშა ავალიანი. სამინისტროს შესაბამისი უწყების ხელმძღვანელი პირები და სამსახურების წარმომადგენლები ესწრებოდნენ.

1774516539