მაია ომიაძე: ევროპელი ვიზიტორების უპრეცედენტო ზრდა ადმინისტრაციის მიზანმიმართული კამპანიების: საერთაშორისო გამოფენების, მასშტაბური გარე რეკლამებისა და გავლენიან, მაღალი რეპუტაციის მქონე მედიასთან მჭიდრო თანამშრომლობის შედეგია

მათი ცნობით, ამ მიზნით, შვეიცარიული საერთაშორისო სკოლა თბილისში (SIST), "თიბისის" მხარდაჭერით, სკოლის მოსწავლეებისთვის ახალი, საერთაშორისო სტანდარტების მათემატიკურ კონკურსს „გამო-ცადე BY SIST“ ატარებს."კონკურსში 1 500 მოსწავლე დარეგისტრირდა და მომდევნო ეტაპზე გადავიდა. კონკურსი IV, V და VI კლასის მოსწავლეებისთვისაა განკუთვნილი. მათემატიკური ამოცანების საშუალებით მონაწილეები ლოგიკურ და ანალიტიკურ აზროვნებას გამოსცდიან, ცოდნასა და შესაძლებლობებს კი ახალ გამოწვევაში გამოიყენებენ. კონკურსი საერთაშორისო ოლიმპიადების საუკეთესო გამოცდილებას ეფუძნება. მისი მთავარი მიზანია, ბავშვებს მისცეს შესაძლებლობა, გაბედონ, გამოსცადონ საკუთარი შესაძლებლობები და აღმოაჩინონ ის პოტენციალი, რომელიც შესაძლოა ჯერ თავადაც არ შეუმჩნევიათ. აქ მთავარი მხოლოდ სწორი პასუხი არ არის – მნიშვნელოვანია ცნობისმოყვარეობა, მსჯელობა და ახალი გამოწვევების მიღების სურვილი.კონკურსის მონაწილეებს შესაძლებლობა ექნებათ, მოიპოვონ შვეიცარიულ საერთაშორისო სკოლაში სწავლის 100%-იანი, 50%-იანი ან 30%-იანი გრანტი. ყველა მონაწილეს სერტიფიკატი გადაეცემა. კონკურსი 21 ნოემბერს გაიმართება, გამარჯვებულთა დაჯილდოების ცერემონია კი 29 ნოემბერს შედგება."თიბისისთვის" განათლება გამარჯვებაა. "თიბისი" აგრძელებს ისეთი ინიციატივების მხარდაჭერას, რომლებიც ახალ თაობას ცოდნის გამოვლენის, საკუთარი შესაძლებლობების გამოცდისა და წარმატებისკენ პირველი ნაბიჯების გადადგმის საშუალებას აძლევს",-აღნიშნულია ინფორმაციაში. 

1794304672

2026 წლის 9 ნოემბერს, თბილისის საქალაქო სასამართლოს მოსამართლე ქეთევან კურცხალიამ განაახლა „ბრიტანულ-ქართულ აკადემიასთან დაკავშირებით მიმდინარე საქმის მთავარი სხდომა. ამით გაგრძელდა გარიცხვის/მემორანდუმიდან გასვლის და ზიანის ანაზღაურების გაერთიანებული საქმე.სასამართლოს მთავარი სხდომა უკვე მტკიცებულებათა გამოკვლევის ეტაპზეა. მხარეებმა, სასამართლოს წინაშე, ზიანის ანაზღაურების საქმესთან დაკავშირებით წარადგინეს საქმეზე დართული მტკიცებულების კვლევა.“განათლების ჯგუფის” წარმომადგენლებმა მთავარი აქცენტი გააკეთეს იმ ფაქტზე, რომ 2019 წლის ივნისამდე, ანუ მანამ სანამ მხარეთა შორის წილის ნასყიდობის ხელშეკრულება გაფორმდებოდა, “აკადემიის” 100%-იანი მეწილის, ნათია ჯანაშიას მეუღლის, დავით ცეცხლაძის პირად ანაგრიშზე, კომპანიიდან ჯამში მიმართულია 188 000 ლარი.იურისტების განმარტებით, მიმოწერები ადასტურებს, რომ ამ თანხებს დავით ცეცხლაძე ითხოვდა მის სახელზე რიცხული ბინის სარემონტო სამუშაოებისთვის და იმავე მისამართზე საპარკინგე ადგილის შესაძენად.იურისტებისვე განმარტებით, იმავე პერიოდში, მხარეთა შორის გაფორმებული მემორანდუმი ცხადჰყოფდა, რომ დავით ცეცხლაძეს, ისევე როგორც ნათია ჯანაშიას, ხელმოწერით ჰქონდათ აღებული ვალდებულება, რომ ხელშეკრულების საბოლოოდ გაფორმებამდე კომპანიიდან რაიმე სახის უჩვეულო ხარჯს ადგილი არ ექნებოდა.“განათლების ჯგუფის” ადვოკატებმა სასამართლოს აღნიშნული ვითარება დაანახეს, როგორც ფაქტი, როცა დავით ცეცხლაძემ კომპანიიდან გაიტანა ფული, გაარემონტა და მოაწესრიგა საკუთარი საცხოვრებელი ფართი და შემდგომ იგივე ფართი 3-4 ჯერ გაზრდილ ფასად ისევ კომპანიას მიაქირავა უცხოელი მასწავლებლის საცხოვრებელით დაკმაყოფილების მიზნით.იქვე გამოკვლეული იქნა მტკიცებულებები, რაც “აკადემიის” უცხოელი მასწავლებლებისთვის ბინების დიფერენცირებული მიდგომით დაქირავებას შეეხებოდა. შეგახსენებთ, “განათლების ჯგუფი” დავით ცეცხლაძისგან ითხოვს იმ ზიანის ანაზღაურებას, რაც კომპანიამ განიცადა, როცა დადგენილი 500/750 აშშ დოლარის ნაცვლად, დავით ცეცხლაძეს, მისი საკუთრების ქირით სარგებლობაში, ხანგრძლივი პერიოდით, 2 000 აშშ დოლარს იხდიდა.ნათია ჯანაშიას წარმომადგენელთა მხრიდან, საპასუხოდ მოხმობილი იყო არგუმენტი, რომ ისე როგორც ხელშეკრულების, ასევე მემორანდუმის გაფორმებამდეც “განათლების ჯგუფს” დაწვრილებით ჰქონდა შესწავლილი კომპანიის ფინანსური სტრუქტურა, ხარჯების ხასიათი და ა.შ. და თუ რაიმე შეუსაბამობას ან უჩვეულოს ხედავდნენ, იმ ეტაპზევე უნდა მოეხდინათ რეაგირება. მათი განმარტებით, მსგავსი ტიპის პრეტენზია “განათლების ჯგუფს” მაშინ არ გამოუხატავს.ანალოგიური შიანარსის მქონე არგუმენტები ჰქონდათ მხარეებს, როცა ნათია ჯანაშიას ძიძისთვის კომპანიიდან გადარიცხულ თანხებზე მსჯელობდნენ. შეგახსნებთ, ზიანის ანაზღაურების კონტექსტში არის ეპიზოდი, საიდანაც ირკვევა, რომ კომპანიის სახსრებიდან პერიოდულად ირიცხებოდა თანხები/ანაზღაურება ნათია ჯანაშიას შვილების ძიძის სასარგებლოდ, ისე რომ ამ უკანასკნელს კომპანიასთან არანაირი საქმიანი შემხებლობა არ ჰქონია.საგულისხმო იყო ნათია ჯანაშიას წარმომადგენელთა მხრიდან სასამართლოსთვის წარდგენილი შუამდგომლობის განხილვა. შუამდგომლობით მხარე ითხოვდა საქმიდან იმ 8 მტკიცებულების ამორიცხვას, რაც მის პროცესუალურ მოწინააღმდეგეს სარჩელზე ჰქონდა დართული და რაც წარმოადგნენდა სხვა საქმეების სარჩელებს, ან ამონარიდებს სხვა საქმეების სარჩელებიდან.ამაზე “განათლების ჯგუფის” ადვოკატთა პასუხი იყო, რომ აღნიშნული მტკიცებულებები უნდა დარჩეს საქმეში, რამდენადაც ისინი სასამართლოსთვის აუცილებელია, რათა სრულად და ფართოდ იყოს ინფორმირებული მხარეთა შორის არსებული ურთიერთობის თაობაზე, მათ შორის, სხვადასხვა სადავო მომენტთან მიმართებით.გარდა ამისა, “განათლების ჯგუფის” იურისტებმა გაკვირვება გამოხატეს იმ ფაქტის გამო, რომ ნათია ჯანაშიას ადვოკატები სასამართლოსგან ითხოვდნენ იმას (სხვა საქმეებზე მიმდინარე სარჩელების ამორიცხვა მტკიცებულებებიდან), რაც 3 სხვა საქმესთან მიმართებით თავად აქვთ განხორციელებული.მოსამართლე ქეთევან კურცხალიამ შუამდგომლობა არ დააკმაყოფილა. “განათლების ჯგუფის” მიერ წარდგენილი აღნიშნული მტკიცებულებები საქმეში დატოვა და მხარეებს განუმარტა, რომ სასამართლო, მტკიცებულებათა შეფასების ეტაპზე და გადაწყვეტილების მიღებისას, თავად განსაზღვრავს წარდგენილ მტკიცებულებათაგან რომელს რამდენად დაეყრდნოს, ან დაეყრდნოს თუ არა საერთოდ.ნათია ჯანაშიას წარმომადგენლებმა გააჟღერეს, რომ სასამართლო განხილვის სხვა ეტაპზე ისინი გეგმავენ ზიანის ანაზღაურების მოთხოვნის კონტექსტში ზემოთ აღწერილ სამივე ეპიზოდთან დაკავშირებით (პირადი მოთხოვნებისთვის დავით ცეცხლაძისთვის 188 000 ლარის გადარიცხვა; ძიძისთვის თანხების გადარიცხვა და მასწავლებლების ქირაში გადახდილი თანხების საკითხი), სამივე მოთხოვნის ხანდაზმულობის საკითხის დასმას.აღნიშნულ საქმეზე სხდომა 13 ნოემბერს, კვლავ მტკიცებულებათა გამოკვლევის ეტაპით განახლდება.

1794304392

მაია ომიაძის თქმით, ბრიტანეთისა და ევროპის სხვა ქვეყნების ბაზარზე პოზიციების გასამყარებლად განსაკუთრებული მნიშვნელობა ენიჭება არამხოლოდ ფასიან რეკლამას, არამედ სანდო, ავტორიტეტულ გლობალურ გამოცემებში რედაქციული კონტენტის შექმნას.„მიმდინარე წლის მესამე კვარტალში ევროკავშირის ქვეყნებიდან 24%-იანი მატება გვაქვს, რაც უპრეცედენტოა — არასოდეს ევროპის პასპორტის ამდენი მფლობელი საქართველოში არ ჩამოსულა! ევროპელი მოგზაური დაჯავშნამდე, როგორც წესი, ეცნობა სანდო, მაღალი რეპუტაციის მედიას. ჩვენ ძალიან აქტიურად ვთანამშრომლობთ გავლენიანი გამოცემების რედაქციებთან იმისთვის, რომ რედაქციული კონტენტი შეიქმნას. ეს ნიშნავს იმას, რომ გამოქვეყნებული პუბლიკაცია არ არის ნაყიდი, არამედ არის საკუთარ გამოცდილებაზე დაფუძნებული.ჩვენი ძალისხმევის დიდი ნაწილი მიმართულია სწორედ იქითკენ, რომ ასეთ მედიებთან, რედაქტორებთან, ჟურნალისტებთან დავამყაროთ მჭიდრო თანამშრომლობა, საქართველოში ჩამოვიყვანოთ, გავაცნოთ ქვეყნის ტურისტული პოტენციალი, რათა საკუთარ გამოცდილებაზე დაყრდობით მოამზადონ საქართველოს შესახებ მასალები. მოგზაურობის დაჯავშნისას, მაღალი რეპუტაციის მქონე მედიას ძალიან დიდი მნიშვნელობა აქვს ევროპის ქვეყნებისა და ბრიტანეთის მოქალაქეებისთვის“, - აღნიშნა მაია ომიაძემ.

1794303041

ქართული მარნების გამოფენაში მონაწილეობა მიზნად ისახავდა მცირე და საშუალო მარნების ღვინოების ცნობადობის გაზრდას აშშ-ის ბაზარზე და ქართული ღვინის პოპულარიზაციას საერთაშორისო ასპარეზზე.ამერიკის შეერთებული შტატები ქართული ღვინის ერთ-ერთი სტრატეგიული საექსპორტო ბაზარია. მიმდინარე წლის იანვარ-ოქტომბერში საქართველოდან აშშ-ში 821 ათას ლიტრამდე ღვინოა ექსპორტირებული, რაც გასული წლის ანალოგიური პერიოდის მაჩვენებელს 3%-ით აღემატება.აშშ-ში ქართული ღვინის წარდგენას ქართველმა მეღვინეებმა მხარდაჭერა ქალაქ ნიუ-იორკში საქართველოს გენერალური საკონსულოსგანაც მიიღეს.ღვინის ეროვნული სააგენტოს მხარდაჭერით, ქართული მარნები მიმდინარე წელს „RAW Wine“-ის გამოფენებში სხვადასხვა ქვეყანაშიც მონაწილეობდნენ.„RAW Wine“ (The Artisan Wine Fair) მაღალი ხარისხის ბუნებრივი, ორგანული და ბიოდინამიკური ღვინოების საერთაშორისო გამოფენაა, რომელიც მსოფლიოს სხვადასხვა ქვეყნის მწარმოებლებს აერთიანებს. ღონისძიების ორგანიზატორია ცნობილი ფრანგი ღვინის მაგისტრი იზაბელ ლეგერონი.წელს ნიუ-იორკში გამოფენა მეათედ გაიმართა. საიუბილეო ღონისძიებაში მსოფლიოს 18 ქვეყნის 120-მდე ღვინის მწარმოებელი მონაწილეობდა.ინფორმაციას ღვინის ეროვნული სააგენტო ავრცელებს.

1794302950

1996 წელს დაარსებული კომპანია უკვე სამი ათწლეულია, რაც ადგილობრივ ბაზარზე მაღალხარისხიანი და სანდო პროფესიონალური მომსახურების სტანდარტს ამკვიდრებს. დარგის მარეგულირებლის მიერ მინიჭებული უმაღლესი დონის აკრედიტაციის საფუძველზე, კომპანიას და მის პარტნიორებს აქვთ უფლებამოსილება, აუდიტი გაუწიონ ნებისმიერი მასშტაბის საწარმოს, მათ შორის, საზოგადოებრივი დაინტერესების პირებს.ერთ-ერთი ყველაზე მრავალრიცხოვანი პროფესიონალური გუნდით დაკომპლექტებული „ბეიკერ ტილი ჯორჯია“ საშუალო და მსხვილ კორპორაციულ კლიენტებს ეკონომიკური საქმიანობის თითქმის ყველა სფეროში სთავაზობს სრულყოფილ სერვისებს. როგორც საერთაშორისო ქსელის წევრი, კომპანია მკაცრად ეფუძნება პროფესიონალ ბუღალტერთა ეთიკის კოდექსსა და საერთაშორისო სტანდარტებს, რაც კლიენტებს უმაღლესი ხარისხისა და თანამედროვე ტექნოლოგიურ მიღწევებზე დაფუძნებულ მომსახურებას უზრუნველყოფს.2003 წლის თებერვლიდან შპს „ბეიკერ ტილი ჯორჯია“ წარმოადგენს Baker Tilly International-ის დამოუკიდებელ წევრს. გლობალური ქსელი, რომელიც მსოფლიოს მასშტაბით სიდიდით მე-8 ადგილს იკავებს, აერთიანებს 147 ქვეყნის 754 ოფისსა და 50 400-ზე მეტ თანამშრომელს. საერთაშორისო ქსელში ჩართულობა კომპანიას აძლევს შესაძლებლობას, ადგილობრივ ბიზნესს უზრუნველყოფს უმაღლესი დონის აუდიტორული და საკონსულტაციო მხარდაჭერით მსოფლიოს ნებისმიერ წერტილში.„მოხარულნი ვართ, რომ „ბეიკერ ტილი ჯორჯია“, რომელიც ათწლეულებია ბაზარზე უმაღლესი ხარისხისა და სანდოობის სტანდარტს ამკვიდრებს, ჩვენს ერთობლივ პლატფორმას უერთდება. დარგის ლიდერი კომპანიების ჩართულობა ასოციაციის საქმიანობას კიდევ უფრო მეტ ღირებულებას მატებს“, - განაცხადა საქართველოს ბიზნესასოციაციის პრეზიდენტმა სოსო ფხაკაძემ.

1794302529

UNI4VERSE ყოველწლიური ინოვაციების და ტექნოლოგიების საუნივერსიტეტო კონკურსია, რომელიც ახალგაზრდებში ინოვაციური აზროვნების, მეწარმეობისა და ტექნოლოგიური უნარების განვითარების ხელშეწყობას ემსახურება და სტუდენტებს საკუთარი იდეების რეალურ პროდუქტებად გარდაქმნის შესაძლებლობას აძლევს. წლევანდელი კონკურსი საქართველოს ეროვნული ბანკის, ბაზისბანკისა და სხვა პარტნიორი ორგანიზაციების მხარდაჭერით ჩატარდა. მასში საქართველოს 32 უნივერსიტეტი ჩაერთო, მთავარი თემა კი ფინანსური განათლება იყო.კონკურსის ფარგლებში სტუდენტებმა ფინანსური სერვისების ინტეგრაციის, ინვესტიციებისა და გრძელვადიანი დაგეგმვის გამარტივების, კიბერუსაფრთხოებისა და მომხმარებელთა დაცვის, ბიუჯეტირებისა და დანაზოგების მართვის, ასევე მცირე ბიზნესისთვის ფულადი ნაკადების ანალიზის მიმართულებით იმუშავეს. ჩატარდა საინფორმავიო შეხვედრები, ვორქშოფები, რომელშიც მონაწილეობას 1300-მდე სტუდენტი იღებდა.გამარჯვებული გუნდი თბილისის ტექნოპარკში გამართულ დემო დღეზე კომპეტენტურმა ჟიურიმ გამოავლინა. საქართველოს ინოვაციების და ტექნოლოგიების სააგენტოს (GITA) მიერ დაწესებულ 20,000-იან გრანტთან ერთად BTU-ს გამარჯვებულმა გუნდა მიიღო საგზური მსოფლიოში ერთ-ერთ უმსხვილეს ტექნოლოგიურ კონფერენციაზე – Web Summit-ზე გასამგზავრებლად.ბაზისბანკისთვის ახალგაზრდების მხარდაჭერა და ტექნოლოგიური ინოვაციების წახალისება პრიორიტეტული მიმართულებაა. ბანკი განსაკუთრებულ ყურადღებას უთმობს ისეთ ინიციატივებს, რომლებიც ახალგაზრდა თაობაში ფინანსური განათლების ამაღლებასა და ინოვაციური აზროვნების განვითარებას ემსახურება. საქართველოს ეროვნული ბანკის საგანმანათლებლო პლატფორმა „ფინედუსთან“ მჭიდრო თანამშრომლობის ფარგლებში, ბაზისბანკის ჩართულობით უკვე არაერთი მასშტაბური პროექტი განხორციელდა, რაც მომავალშიც აქტიურად გაგრძელდება.

1794301087