ნათია ჯანაშია უმდიდრეს ქართველ ქალთა ათეულში - ვინ იყო ინვესტორი

მისი თქმით, აუცილებელია რეგულაციის პროცესი შეეხოს გაზის იმპორტის საკითხსაც.“გაზის იმპორტის სქემების დამუშავებისას, ელექტროენერგიის იმპორტისგან განსხვავებით, არის შესაძლებლობა, რომ გამარტივებულმა სქემამ ტარიფზეც პირდაპირი ასახვა ჰპოვოს. ეს, დღევანდელ საკმაოდ გაძვირებულ ენერგეტიკულ ცხოვრებაში, ძალიან მნიშვნელოვანი იქნება, როგორც მოსახლეობისთვის, ისე ბიზნესსექტორისთვის. მით უფრო იმის გათვალისწინებით, რომ მიმდინარე ეტაპზეც, მარეგულირებლის მიერ დაანონსებულია ბუნებრივი აირის ტარიფის გადახედვა მისი კიდევ უფრო გაძვირების მიმართულებით”, - აღნიშნავს ჭიჭინაძე.ენერგეტიკოსი იმ ორ მნიშვნელოვან, თავის დროზე მიღებულ, დანაშაულის ტოლფას გადაწყვეტილებაზეც საუბრობს, რამაც გაზის იმპორტის საკითხში კორუფციული გარიგებების დაშვების ალბათობა კრიტიკულად გაზარდა.“პირველი, რბილად რომ ითქვას, შეცდომა 2007 წელს იქნა დაშვებული, როცა ენერგეტიკის მაშინდელი მინისტრის, ალექსანდრე ხეთაგურის გადაწყვეტილებით (შორს ვარ იმ აზრისგან, რომ ეს მისი პირადი ინიციატივა და გადაწყვეტილება იყო, მაგრამ ხელისმოწერის სიმძიმე სწორედ მასზეა), “ბუნებრივი გაზის ბაზარზე კონკურენციის გაზრდის მოტივით” შეწყდა გაზის ფასის რეგულირება მარეგულირებლის მიერ და საბითუმო და საცალო ტარიფი (გარდა საყოფაცხოვრებო მომხმარებლის რეგულირებადი ნაწილისა და თბოელექტროსადგურებისა) მომხმარებელს მომწოდებლის მიერ შეთავაზებული ტარიფით. ამან, ქართულ წარმოებას, კონკურენტული პროდუქციის შექმნის შანსი ერთი-ათად შეუმცირა.მეორე, ასევე რბილად ნათქვამი იქნება, - შეცდომა არის ის, რომ 2017 წლიდან საქართველო რუსეთიდან სომხეთისთვის მიწოდებული გაზის გატარების საფასურს, ნაცვლად ნატურისა, იღებს ფულადი გამოსახულებით, რაც ჯამში მინიმუმ 2/3 -ით გვაზარალებს. ფულად გამოხატულებაში კი ეს ამბავი შემდეგნაირად გამოიყურება: თუ ტრანზიტის საფასურად, წლიურად უნდა მოიგვეღო 40 მილიონი დოლარის ბუნებრივი აირი, ამ გადაწყვეტილების შემდეგ ვიღებთ საშუალოდ 12,4 მილიონ აშშ დოლარს. ამ გადაწყვეტილებაში ეკონომიკური ლოგიკა, არ მგონია, ვინმემ იპოვნოს. თუ სხვა რამ დევს ამ გადაწყვეტილების მიღმა, საზოგადოება იმსახურებს ამ მიზეზების შესახებ ამომწურავ ინფორმაციას. და თუ ასეთ ინფორმაციას ქართული ენერგეტიკის მესვეურები არ გასცემენ, ეს მხოლოდ კითხვებს ამძაფრებს კორუფციული დაშვებების თაობაზე”, - ხაზს უსვამს თემურ ჭიჭინაძე.“ბუნებრივი გაზის იმპორტის საკითხს რომ დავუბრუნდეთ, ფაქტია, მოქმედი სქემა გადატვირთულია რამდენიმე სრულიად ზედმეტი შუამავალი კომპანიით.იხილეთ და თავად განსაჯეთ - კომპანიები, რომლებიც მხოლოდ დამატებით ბიურაკრატიულ ბარიერებს ქმნიან და ფინანსურად ზრდიან წნეხს ტარიფზე. კერძოდ, “სოკარ ჯორჯია გაზი”, “გაზექსპორტი” და “სოკარგაზ ექსპორტ-იმპორტი” ზედმეტი რგოლებია არსებულ სქემაში.ჩვენი ხედვით შემუშავებულ სქემაში კი გაზრდილია საქართევლოს ნავთობისა და გაზის კორპორაციის როლი. სწორედ მან უნდა მიიღოს სრულად, შემოსული აირი და შემდგომ მანვე უნდა გაანაწილოს იგი გაზის გამანაწილებელ კომპანიებზე, პირდაპირ მომხმარებლებზე და სხვა ტიპის მომხმარებლებზე.ამ შემთხვევაში, სქემა დაიწმინდება და შემდეგ სახეს მიიღებს:ეს იქნება საკითხის მართებული გადაწყვეტა და ეს კეთილმყოფელად იმოქმედებს, როგორც კორუფციული რისკების შემცირების თვალსაზრისით, ისე მათ შორის, ბუნებრივი აირის ტარიფის შემცირების შესაძლებლობაზეც.“კიდევ სხვა საკითხია ის, რომ -ბუნებრივი აირის მომხამრებლები არაფრით არიან დაცული ისეთი შემთხვევებისგან, როცა მოწოდებული პროდუქტი არ შეესაბამება სტანდარტებს, ანუ არ არის შესაბამისად კალორიული. ამ დროს, გამოდის რომ მომხმარებლის  მიერ გადახდილი აირის საფასურში გარკვეული, (არცთუ მცირე) წილი, უბრალოდ ჰაერის ფასია, რომელიც აირს მოჰყვება, ანუ მომხარებელი ტყუვდება და იხდის ზედმეტს - განმკითხავი არავინაა.ამ საკითხის დარეგულირებაც შესაძლებლად მიმაჩნია, თუკი იქნება კეთილი ნება და ბუნებრივი აირის მიმწოდებელი ვალდებული იქნება თითოეულ მომხარებელთან გააფორმოს ხელშეკრულება, სადაც კონკრეტულად იქნება გაწერილი უხარისხო პროდუქტის მიწოდების დაფიქსირების შემთხვევაში მიმწოდებლის ვალდებულება”, - აღნიშნავს თემურ ჭიჭინაძე.“მთავრობას აქვს რესურსი, მოითხოვოს ხელშეკრულებების გადახედვა და თუ შესაძლებელი იქნება, პირიქით მოვითხოვოთ ჯარიმები შეუსრულებელი ვალდებულებების გამო. სავსებით შესაძლებლად მიმაჩნია სომხეთისკენ მიმართული რუსული ბუნებრივი აირის ტრანზიტის საფასურის კვლავ ნატურით მიღების საკითხის დასმაც და ბუნებრივი აირის აზერბაიჯანიდან იმპორტის სქემიდან სრულიად ზედმეტი შუამავალი კომპანიების ჩახსნაც.მოვუწოდებ მთავრობას, ამ მიმართულებებით კიდევ უფრო თამამი და თანმიმდევრული ისეთი ნაბიჯები გადადგას, რაც საქართველოს სახელმწიფოს და საქართველოს თითოეული მოქალაქის ინტერესებშია”, - დასძენს ენერგეტიკოსი. 

1793178394

თბილისის მიმდინარე ფინანსური სამიტის ფარგლებში, მხარეებმა გუშინ ხელი მოაწერეს ხელშეკრულებას, რომლის თანახმადაც „ნეო ქართული ბანკი“ საქართველოში Alipay+-ის ექსკლუზიური პარტნიორი გახდა. ბანკი იმოქმედებს როგორც ცენტრალიზებული ტექნოლოგიური და ანგარიშსწორების ჰაბი ქვეყნის მთელი საბანკო და საფინანსო სექტორისთვის.Alipay+-ის შემოსვლა უპრეცედენტო შესაძლებლობებს უქმნის ქართულ ბიზნესსა და მომხმარებლებს. როგორც გლობალური ეკოსისტემა, Alipay+ აერთიანებს 50-ზე მეტი საერთაშორისო საგადახდო პარტნიორის 2 მილიარდზე მეტ მომხმარებლის ანგარიშს და 150 მილიონზე მეტ სავაჭრო ობიექტს მსოფლიო მასშტაბით. მისი დანერგვა ფუნდამენტურად ცვლის გადახდების გარემოს შემდეგი უპირატესობებით: პირდაპირი წვდომა აზიის სწრაფად მზარდ ბაზრებზე: ქართულ კომპანიებსა და მეწარმეებს ეძლევათ პირდაპირი წვდომა, მიიღონ ტრანსსასაზღვრო გადახდები ჩინეთიდან, სამხრეთ-აღმოსავლეთ აზიიდან და მთელი მსოფლიოდან რთული შუამავალი ბარიერების გარეშე. მნიშვნელოვნად შემცირებული ტრანზაქციული ხარჯები: ინოვაციური QR-კოდით გადახდის ინფრასტრუქტურა არსებითად ამცირებს ტრანსსასაზღვრო საკომისიოებსა და ტრანზაქციის ხარჯებს როგორც სავაჭრო ობიექტებისთვის, ასევე მოგზაურებისთვის. ტურიზმის შემოსავლების ზრდა: საქართველოში შემოსულ საერთაშორისო ვიზიტორებს (განსაკუთრებით აზიის რეგიონიდან) შეეძლებათ შეუფერხებლად გადაიხადონ ადგილობრივ სავაჭრო, კვებისა და მასპინძლობის ობიექტებში თავიანთი მშობლიური მობილური საფულეებითა და აპლიკაციებით — მარტივი QR კოდის დასკანერებით. მაქსიმალური კომფორტი საზღვარგარეთ მოგზაური ქართველებისთვის: ქართველ მოგზაურებსა და ბიზნესის წარმომადგენლებს შეეძლებათ უპრობლემოდ განახორციელონ ანგარიშსწორება აზიის მასშტაბით და Alipay+-ის მთელ გლობალურ ქსელში, ხელოვნურად გაზრდილი კონვერტაციისა და ჭარბი საერთაშორისო საკომისიოების თავიდან არიდებით. კახა კოდუა, „ნეო ქართული ბანკის“ გენერალური დირექტორი:„Alipay+-ის საქართველოში შემოყვანა და ეს პარტნიორობა ერთი ბანკის მასშტაბებს სცდება — ჩვენ საქართველოს მთელ საფინანსო სისტემასა და ეროვნულ ეკონომიკას მსოფლიოში უმსხვილეს საგადახდო ქსელთან ვაკავშირებთ. ეს ჩვენი ბანკის პირველი ფლაგმანური ტექნოლოგიური პროდუქტია, რომელიც ქართულ ბიზნესს აზიისა და გლობალური ბაზრების მომხმარებლებთან პირდაპირ და გაცილებით ეკონომიურ წვდომას აძლევს. დღეს ფინანსები აღარ შემოიფარგლება ეროვნული საზღვრებით; საქართველოს ეკონომიკა გლობალური ნაკადების გზაჯვარედინზე უნდა იდგეს. ამ შეთანხმებას ჩვენი ქვეყანა საერთაშორისო ფინანსურ რუკაზე სტრატეგიულად ახალ სიმაღლეზე აჰყავს“.ლეიმინგ ჩენი (Leiming Chen), Ant International-ის უფროსი ვიცე-პრეზიდენტი და მდგრადობის მთავარი ოფიცერი:„ტრანსსასაზღვრო კავშირები ციფრული ეკონომიკის ზრდის მამოძრავებელ ძალად იქცა და არცერთი სავაჭრო ობიექტი არ არის ზედმეტად მცირე ამ პროცესში მონაწილეობისთვის. ჩვენ მარტივი რწმენით დავიწყეთ: ადამიანებს უნდა შეეძლოთ გადახდა იმ აპლიკაციებით, რომლებსაც უკვე ენდობიან, მსოფლიოს ნებისმიერ წერტილში, ხოლო ნებისმიერი ზომის ბიზნესს უნდა ჰქონდეს შესაძლებლობა, მიაღწიოს მომხმარებლებს საკუთარი საზღვრებს მიღმა. „ნეო ქართულ ბანკში“ ჩვენ ვიპოვეთ პარტნიორი შესაბამისი ამბიციით — ერთიანი ეროვნული კარიბჭე, რომლის მეშვეობითაც საქართველოს საფინანსო ინსტიტუტები დაუკავშირდებიან მსოფლიოს, ხოლო თითოეული სავაჭრო ობიექტი, მსხვილი რითეილერებიდან დაწყებული ყველაზე მცირე საოჯახო ბიზნესით დამთავრებული, შეძლებს მათ მომსახურებას. დროთა განმავლობაში ეს კარიბჭე ორმხრივად იმუშავებს და ქართველ მომხმარებლებს იმავე კომფორტსა და სანდოობას მისცემს, სადაც არ უნდა წაიყვანოს ისინი მოგზაურობამ თუ ვაჭრობამ“.პროექტის განხორციელებაინიციატივა მოიცავს ადგილობრივი ბანკების შეუფერხებელ ინტეგრაციას ცენტრალიზებულ ქსელში, QR-გადახდების მიღების დანერგვას საქართველოს მთელ ტერიტორიაზე, ასევე ქართული ბარათებისა და აპლიკაციების სრულ თავსებადობას Alipay+-ის გლობალურ ქსელთან. მარეგულირებელი ორგანოების ნებართვების მიღებისა და საწყისი საპილოტე ტესტირების წარმატებით დასრულების შემდეგ, სისტემის სრული საოპერაციო გაშვება 2027 წლის მეორე კვარტალის ბოლოსთვის იგეგმება.„ნეო ქართული ბანკის“ საზოგადოებასთან ურთიერთობის დეპარტამენტი.

1793177351

ღონისძიებებს გერმანელი ღვინის მაგისტრი და ღვინის მარკეტინგის ექსპერტი იანეკ შუმანი (Janek Schumann)  უძღვებოდა. გერმანიის ღვინის ინდუსტრიაში ერთ-ერთი კვალიფიციური ღვინის პროფესიონალის მიერ ქართული ღვინის წარდგენა, მნიშვნელოვნად შეუწყობს ხელს გერმანიის ღვინის ბაზაზრე ქართული ღვინის პოზიციების გაძლიერებას.გერმანიაში გამართულ ღონისძიებებს ჯამში 100-მდე ადამიანი - სომელიეები, იმპორტიორები, ღვინის ბიზნესის და HoReCa სექტორის წარმომადგენლები დაესწრნენ.ქართული ღვინის პოპულარიზაციისა და საექსპორტო პოტენციალის გაზრდის მიზნით, გერმანულ კომპანია ff.k Public Relations-თან ღვინის ეროვნულმა სააგენტომ თანამშრომლობა 2021 წლიდან დაიწყო. კამპანიის ფარგლებში, დეგუსტაცია-სემინარები გერმანიის სხვადასხვა ქალაქში ღვინის პროფესიონალების, ღვინით ვაჭრობის სფეროს წარმომადგენლებისა და მომხმარებლებისთვის იმართება; ქართული ღვინო წარმოდგენილია საერთაშორისო გამოფენებზე, ხორციელდება მიზნობრივი სარეკლამო და მედია კამპანიები, მედიის, სომელიეებისა და გაყიდვების სფეროს წარმომადგენლებისთვის ეწყობა ღვინის ტურები საქართველოში.გერმანია ქართული ღვინის გაყიდვების მზარდი დინამიკით გამოირჩევა. მიმდინარე წლის იანვარ-სექტემბერში საქართველოდან გერმანიაში ექსპორტირებულია 1,14 მილიონ ლიტრამდე ღვინო, რაც გასული წლის ანალოგიურ პერიოდთან შედარებით 28%-ით მეტია.

1793176028

შეგახსენებთ, აფბა „ბრიტანულ-ქართული აკადემიის“ გარშემო მიმდინარე ბიზნესდავის საზოგადოებრივ მონიტორინგს ახორციელებს.„რამდენიმეთვიანი დაკვირვების და საჯარო სივრცეში არსებული სხვადასხვა მონაცემის შესწავლისა და გაანალიზების შედეგად იკვეთება, რომ „ბრიტანულ-ქართული აკადემიის“ მინორიტარი აქციონერის, ნათია ჯანაშიას აქტივების განუხრელი ზრდა პირდაპირ კავშირშია „აკადემიაში“ ინვესტორის შესვლის ფაქტთან.წილის გასხვისების მეორე დღესვე, ნათია ჯანაშიას და მისი მეუღლის, დავით ცეცხლაძის საბანკო ანგარიშებზე, ორ თანაბარწილად ჩაირიცხა ჯამში 29 მილიონ 300 ათასი ლარი. ამ ფაქტიდან მოყოლებული კი, რამდენიმე წლის გასვლის შემდეგ, დგინდება, რომ ჯანაშია-ცეცხლაძის ოჯახის უძრავ-მოძრავი ქონება პროგრესულად მზარდია“, – აცხადებენ „აფბას“ მონიტორები.მათ მიაჩნიათ, რომ ნათია ჯანაშიას აქტივების ზრდაში ინვესტორის ტრანზაქციებს უდიდესი როლი უკავია. „პირველ რიგში, გასათვალისწინებელია „ბრიტანულ-ქართული აკადემიის“ 70%-ის გაყიდვის შედეგად მიღებული შემოსავალი და დარჩენილი 30%-იანი წილის ღირებულება, რომლის გამოსყიდვის შეთავაზებაც 2024 წელს „საქართველოს განათლების ჯგუფს“ აქვს გაკეთებული. ასევე, გასათვალისწინებელია ის მოგება, რომელიც „ბრიტანულ-ქართულმა აკადემიამ“ 2019-2025 წლებში მიიღო, რა პერიოდიდანაც აკადემიის საკონტროლო პაკეტს სწორედ „საქართველოს განათლების ჯგუფი“ ფლობს. ეს ყველაფერი საჯაროა და მონაცემების გაცნობა ნებისმიერ მსურველს შეუძლია „ბრიტანულ-ქართული აკადემიის“ სპეციალურ გვერდზე, რომელიც სახელმწიფო ანგარიშგების პორტალზეა განთავსებული.ნათია ჯანაშიას აქტივების გაანალიზებისას ასევე გასათვალისწინებელია თავად მათ მიერ რამდენჯერმე ნახსენები ძვირადღირებული ავტომანქანები, კატარღები, საბრძოლო იარაღები. თუმცა, ნუსხის მიღმა დარჩენილია ძვირფასეულობა, საიუველირო ნაკეთობები, შვეიცარული საათები და სახელგანთქმული დიზაინერების ძვირფასი სამოსი, რომლებსაც ოჯახი, სავარაუდოდ, ფლობს და რაც დეკლარირებული არ არის. ნათია ჯანაშიას და დავით ცეცხლაძის აქტივშია ასევე, მათთვის 5 წლის განმავლობაში, ინვესტორის მხრიდან, ყოველწიური სახელფასო ანაზღაურება - 1 მილიონი ლარის მოცულობით (ჯამში 5 მლნ ლარი), რაც უპრეცედენტოდ მაღალი ანაზღაურებაა საგანმანათლებლო ბიზნესში“ , – აცხადებენ აფბას მონიტორინგის სამსახურში.„რაც შეეხება სულ ახლახანს აღმოჩენილ 20 მილიონიან აქტივს, - საუბარია თბილისში, ლისის ტბის მიმდებარედ განთავსებულ 3 820 კვადრატული მეტრის ფართობის მქონე გრანდიოზულ სასახლეზე, რომლის მშენებლობაც ოჯახმა 2020 წლიდან დაიწყო, ანუ „აკადემიაში“ ინვესტორის შესვლის შემდგომი პერიოდიდან, იგი თამამად შეიძლება ჩაითვალოს ნათია ჯანაშიას აქტივების ბრწყინვალე გვირგვინად. საგულისხმოა, რომ უძრავი ქონების სპეციალისტების აზრით, აღნიშნული სასახლის მშენებლობა, სულ მცირე 4 მლნ აშშ დოლარი მაინც დაჯდებოდა.რამდენადაც ცნობილი ხდება, მუშავდება ინფორმაცია ნათია ჯანაშიას კუთვნილი კიდევ ერთი ფეშენებელური, რამდენიმემილიონიანი აქტივის თაობაზე, რომლის შეძენაც ასევე „აკადემიაში“ ინვესტორის შესვლის შემდგომ პერიოდს უკავშირდება. საუბარია ისევ უძრავ ქონებაზე, რომელიც საქართველოს ერთ-ერთ განსაკუთრებულად საინტერესო რეკრეაციულ სივრცეშია განთავსებული. ამ ინფორმაციის დადასტურება კიდევ უფრო თვალნათელს გახდის იმ ფაქტს, რომ ნათია ჯანაშიას უმდიდრეს ქართველ ქალთა ათეულში მოხვედრა ორგანულად და პირდაპირპროპორციულად უკავშირდება „ბრიტანულ-ქართულ აკადემიაში“ ინვესტორის შესვლის ფაქტს“, - დასძენენ აფბას მონიტორინგის სამსახურში.შეგახსენებთ, აფბა “ბრიტანულ-ქართული აკადემიის” გარშემო მიმდინარე ბიზნესდავის საზოგადოებრივ მონიტორინგს მიმდინარე წლის გაზაფხულიდან აწარმოებს. მონიტორინგი,ინვესტორის წინააღმდეგ ნათია ჯანაშიას მიერ წამოწყებული არაპროვოცირებული დავის დასაწყისიდან 2 წლიან პერიოდს მოიცავს.დავა ნათია ჯანაშიამ ინვესტორის, - „საქართველოს განათლების ჯგუფის“ წინააღმდეგ მას შემდეგ დაიწყო, რაც მენეჯმენტ-კონტრაქტის ვადის ამოწურვის შემდეგ, დირექტორის თანამდებობიდან გაათავისუფლეს.საყურადღებოა, რომ ფინანსთა სამინისტროს საგამოძიებო სამსახური “საქართველოს განათლების ჯგუფის” მიმართვის საფუძველზე, სისხლის სამართლის საქმეს აწარმოებს, რომელიც 2019-2024 წლებში “ბრიტანულ-ქართული აკადემიის” მენეჯმენტში ნათია ჯანაშიას და მისი მეუღლის დავით ცეცხლაძის ყოფნის 5 წლიან პერიოდში, 4 მილიონ აშშ დოლარზე მეტი რესურსის შესაძლო მიტაცება-გაფლანგვის ფაქტს უკავშირდება.

1793175663

სააგენტოს ინფორმაციით, საქმე ეხებოდა პლატფორმაზე მოვაჭრის ვინაობისა და საკონტაქტო მონაცემების შესახებ არასრულ ინფორმირებას. გარდა ამისა, პრობლემური აღმოჩნდა სახელშეკრულებო პირობებიც, რომლებიც სატრანსპორტო მომსახურებაზე მთელ პასუხისმგებლობას მძღოლს აკისრებდა, ხოლო კომპანიას მომხმარებლის წინასწარი ინფორმირების გარეშე მომსახურების პირობების ცალმხრივად შეცვლის შესაძლებლობას აძლევდა.უწყება წერს რომ შესწავლის შედეგად დაადგინა, Yandex Go თავად წარმოადგენს სატრანსპორტო მომსახურების მიმწოდებელ მოვაჭრეს და არა მხოლოდ უბრალო ტექნოლოგიურ შუამავალს. შესაბამისად, კომპანიას ეკისრება ვალდებულება, მომხმარებლებს მიაწოდოს კანონით გათვალისწინებული სრული და გასაგები ინფორმაცია და უზრუნველყოს მათი უფლებების დაცვა.სააგენტომ ასევე ხაზი გაუსვა დისტანციურ ხელშეკრულებაზე უარის თქმის უფლებისა და მისი გამოყენების პირობების მკაფიოდ განმარტების აუცილებლობას.GCCA-ის გადაწყვეტილებით, შპს „რაიდტექ ჯორჯიას“ გამოვლენილი დარღვევების აღმოფხვრა, საკუთარი საქმიანობის მოქმედ კანონმდებლობასთან შესაბამისობაში მოყვანა და მომხმარებელთა დარღვეული უფლებების აღდგენა 1 თვის ვადაში დაევალა.იმ შემთხვევაში, თუ კომპანია სააგენტოს გადაწყვეტილებას დადგენილ ვადაში არ შეასრულებს ან არაჯეროვნად შეასრულებს, მას შესაძლოა ჯარიმის სახით წინა ფინანსური წლის წლიური ბრუნვის 2%-მდე ოდენობის თანხა დაეკისროს.

1793174049

შეხვედრა ერევანში, ბიოლოგიური მრავალფეროვნების შესახებ კონვენციის მხარეთა კონფერენციის მე-17 შეხვედრის (CBD COP17) ფარგლებში გაიმართა.მხარეებმა რამსარის კონვენციის ფარგლებში თანამშრომლობის საკითხები განიხილეს, განსაკუთრებული ყურადღება კოლხეთის ჭარბტენიანი ტერიტორიების დაცვასა და მართვას, საერთაშორისო ვალდებულებების შესრულებასა და სამომავლო თანამშრომლობის პრიორიტეტებს დაეთმო.„საქართველოსთვის მნიშვნელოვანია ჭარბტენიანი ტერიტორიების დაცვა და აღდგენა, მათი ეკოლოგიური მნიშვნელობის შენარჩუნება და საერთაშორისო ვალდებულებების ეფექტიანი შესრულება. საქართველო აქტიურად მუშაობს, რომ რამსარის კონვენციასთან თანამშრომლობა და საერთაშორისო რეკომენდაციები კონკრეტულ ეროვნულ ღონისძიებებში ავსახოთ და უზრუნველვყოთ ჩვენი უნიკალური ბუნებრივი ეკოსისტემების გრძელვადიანი დაცვა“, - განაცხადა დავით სონღულაშვილმა.მხარეებმა იმსჯელეს ჭარბტენიანი ტერიტორიების ეკოლოგიური მდგომარეობის შეფასების, მონიტორინგისა და აღდგენის მიმართულებით თანამშრომლობის შესაძლებლობებზე. ყურადღება გამახვილდა ამ პროცესში საერთაშორისო გამოცდილებისა და შესაბამისი რეკომენდაციების გათვალისწინების მნიშვნელობაზე.შეხვედრას საქართველოს საგანგებო და სრულუფლებიანი ელჩი სომხეთის რესპუბლიკაში გიორგი შარვაშიძე, საერთაშორისო ურთიერთობებისა და ევროინტეგრაციის დეპარტამენტის უფროსი დავით ჩიტაიშვილი და ბიომრავალფეროვნების პოლიტიკის დეპარტამენტის უფროსი ლიანა გიორგაძე ესწრებოდნენ.

1793172641