ლაშა აბაშიძე: ზაფხულის სეზონისთვის ორი განახლებული სამგზავრო მატარებელი გვეყოლება, ხოლო წლის ბოლომდე კიდევ სამი შემადგენლობის მოდერნიზებაა დაგეგმილი

განახლებული ციფრული ყულაბა მოსწავლეებს შესაძლებლობას აძლევს, თანხის დაზოგვა მარტივად, უსაფრთხოდ და სახალისოდ დაიწყონ და აქციონ ის ყოველდღიურ ჩვევად, რაც დამოუკიდებელი ფინანსური გადაწყვეტილებების მიღებაში დაეხმარებათ.მისი მეშვეობით, მოსწავლეებს ახლა უკვე აქვთ შესაძლებლობა, დაამატონ კონკრეტული მიზნები და რეალურ დროში დააკვირდნენ, თუ როგორ აგროვებენ თანხას სასურველი ნივთისთვის. ეს პროცესი თანხის შეგროვებას მოტივაციის მიმცემ გამოცდილებად აქცევს და ფინანსური პასუხისმგებლობის განვითარებას უწყობს ხელს.გოჭი-ყულაბით თანხის დაგროვება ორი გზით არის შესაძლებელი: ავტომატური დაზოგვა - მოსწავლე აპლიკაციაში უთითებს მცირე თანხას (25 თეთრიდან 10 ლარამდე), რომელიც ბარათით ყოველი გადახდისას ავტომატურად გადადის ყულაბაში. დანაკლისი შეუმჩნეველია, თანხა კი სტაბილურად გროვდება; ერთჯერადი შევსება - ყულაბაში სასურველი თანხის ერთჯერადად გადარიცხვაც შესაძლებელია ნებისმიერ დროს, რაც იდეალურია დაბადების დღეზე ნაჩუქარი თანხის ან ჯიბის ფულის გადასანახად. sCoolApp-ის ახალი ფუნქციონალი მშობლებისთვისაც მნიშვნელოვანი ინსტრუმენტია. აპლიკაცია მათ შესაძლებლობას აძლევს, ბავშვებთან ერთად მარტივად და ბუნებრივად დაიწყონ საუბარი თანხის შეგროვებაზე, მის მართვაზე, მიზნების დაგეგმვასა და დაზოგვის მნიშვნელობაზე.გოჭი ყულაბის ახალი ფუნქციონალით სარგებლობისთვის, საჭიროა თქვენს შვილს განუახლოთ sCoolApp. თუ sCoolApp ჯერ არ გადმოგიწერიათ, გადადით ბმულზე, გაეცანით დეტალებს და მიჰყევით ინსტრუქციას.

1770300659

სააგენტოს თავმჯდომარის განცხადებით, წელიწადის ამ დროს მიმდინარეობს ვენახების ფორმირება და მევენახეებმა უნდა გაითვალისწინონ დაგეგმილი ცვლილებები.ღვინის ეროვნული სააგენტოს თავმჯდომარემ ისაუბრა იმ დაგეგმილ საკანონმდებლო ცვლილებებზე, რომელიც ასევე მიმართულია ხარისხიანი ღვინის წარმოებისკენ. კერძოდ, საუბარია „ვაზისა და ღვინის შესახებ საქართველოს კანონში ცვლილებზე“, რომლის მიზანია ხარისხიანი, კონკურენტუნარიანი ყურძნისეული წარმოშობის ალკოჰოლიანი სასმელების წარმოების, ასევე, რეალიზაციისათვის აუცილებელი ადგილობრივი და საერთაშორისო ბაზრების მოთხოვნათა გათვალისწინების ხელშეწყობა. მათ შორის, აღსანიშნავია მიმდინარე წლიდან სამეწარმეო ვენახის გაშენებაზე თანხმობას, რომელსაც სსიპ ღვინის ეროვნული სააგენტო გასცემს.„ჩვენი რეფორმები გათვლილია დარგის მომავალსა და განვითარებაზე. ღვინის ხარისხი იწყება ვენახიდან და ის უნდა იყოს ტექნოლოგიურად სწორად გაშენებული. ბოლო ათწლეულია დარგისადმი ინტერესი დიდია, გაიზარდა ვენახების ფართობები და ეს ხდება სპონტანურად. დაწყებული ნიადაგით, ექსპოზიციით, მდებარეობით, ვაზის ნერგებით - ყველაფერი უნდა შეესაბამებოდეს იმ სტანდარტს, რაც საშუალებას მოგვცემს, მივიღოთ ხარისხიანი მოსავალი, რომელიც გამოყენებული იქნება საუკეთესო ღვინის დასამზადებლად. ეს ცვლილებები ეხება მხოლოდ კომერციულ/სამეწარმეო ვენახებს და არ ეხება უკვე გაშენებულს“, - აღნიშნა ლევან მეხუზლამ.

1770297086

ფორუმი ორგანიზებულია აშშ-ის სახელმწიფო დეპარტამენტისა და მაროკოს საგარეო საქმეთა სამინისტროს მხარდაჭერით და აერთიანებს სხვადასხვა ქვეყნის ექსპერტებსა და შესაბამისი უწყებების წარმომადგენლებს.„საქართველოს მონაწილეობა გლობალურ ფორუმში და, ზოგადად, მსგავსი მნიშვნელობის ღონისძიებებში, ხელს უწყობს ბირთვული და რადიაციული უსაფრთხოების უზრუნველსაყოფად  ქვეყნის ეროვნული შესაძლებლობების გაძლიერებას და უახლესი პრაქტიკისა და საერთაშორისო გამოცდილების გაზიარებას“, - აღნიშნა სოლომონ პავლიაშვილმა.გლობალური ფორუმის მიზანია რადიაციული და ბირთვული უსაფრთხოების სფეროში საერთაშორისო თანამშრომლობის გაძლიერება, ეროვნული მზადყოფნის ამაღლება, უწყებათაშორისი კოორდინაციის გაუმჯობესება და ინფორმაციის ეფექტიანი გაცვლა.შეხვედრის ფარგლებში მიმდინარეობს თემატური დისკუსიები ბირთვული კრიმინალისტიკის და რეაგირების მექანიზმების, სამართლებრივი ჩარჩოების, თანამედროვე ტექნოლოგიებისა და სტრატეგიული კომუნიკაციების მიმართულებით.ფორუმი 3 თებერვალს გაიხსნა და 5 თებერვალს დასრულდება. ღონისძიებაში მონაწილეობას იღებს 57 ქვეყნის 200-მდე წარმომადგენელი.

1770286818

თიბისის მხარდაჭერითა და საქართველოს ხელოვნური ინტელექტის ასოციაციის (GAIA) ორგანიზებით, AI ლიგის პირველი ტური ჩატარდა. AI ლიგა ხელოვნური ინტელექტის საოლიმპიადო კურსის ნაწილია და მოსწავლეებს ადგილობრივი და საერთაშორისო AI ოლიმპიადებისთვის ამზადებს.ლიგა კურსის პრაქტიკულ კომპონენტს წარმოადგენს და მონაწილეებს შესაძლებლობას აძლევს, ყოველი მოდულის დასრულების შემდეგ, ოლიმპიადის ფორმატში გამოცადონ საკუთარი ცოდნა და შეძენილი უნარები. ეს პროცესი მოსწავლეებს, არა მხოლოდ ოლიმპიადებისთვის, არამედ ხელოვნური ინტელექტის პრაქტიკულ ამოცანებზე მუშაობისთვისაც ამზადებს.AI ლიგის პირველ ტურში მონაწილეობა 50-მდე მოსწავლემ მიიღო. ღონისძიებას ბიზნესისა და ტექნოლოგიების უნივერსიტეტმა (BTU) „საქართველოს ტექოლიმპიადების ჰაბის“ ფარგლებში უმასპინძლა.შეგახსენებთ, რომ AI-ის საოლიმპიადო კურსი GAIA-ს ინიციატივით და თიბისის მხარდაჭერით უკვე მეორედ ტარდება. 2025 წლის საერთაშორისო ხელოვნური ინტელექტის ოლიმპიადაზე საქართველოს წარმატებული გამოსვლის შემდეგ, ქვეყანა 2026 წლის ეროვნული და საერთაშორისო AI ოლიმპიადებისთვის ემზადება, რომელიც დუბაიში გაიმართება.თიბისისთვის AI განათლება პრიორიტეტული მიმართულებაა. ბრენდის მიზანია, საკუთარი ექსპერტიზისა და პარტნიორული პროექტების საშუალებით ხელი შეუწყო ცოდნის გაზიარების კულტურის განვითარებას, ახალი თაობის პროფესიონალების ჩამოყალიბებას და საქართველოს პოზიციონირებას გლობალურ ტექნოლოგიურ ეკოსისტემაში. 

1770286655

"არსად მინახავს, რამდენიმე კონკურენტი ფარმაცევტული ქსელი გვერდი-გვერდ ხსნიდეს აფთიაქს"- აცხადებს მიხეილ სარჯველაძე.„არ სჭირდება დიდი სტატისტიკა და ანალიტიკა, ყველას გვინახავს, სახლთან ახლოს რამდენიმე დასახელების აფთიაქი გვერდი-გვერდ. რა საკვირველია ეს უცნაურად გამოიყურება, ყველამ ვიცით მაგალითად, ევროპის ქვეყნებში როგორ არის, მე პირადად არსად მინახავს რამდენიმე კონკურენტი ფარმაცევტული ქსელი გვერდი-გვერდ ხსნიდეს აფთიაქს, ჩვენთან, ერთი რომ გაიხსნება, მის გვერდით იხსნება რამდენიმე დასახელების აფთიაქი. ბუნებრივია, რომ ეს გარკვეულ ტვირთს აჩენს ბიზნესზე და ეს ტვირთი აისახება ფასში", - აღნიშნა მიხეილ სარჯველაძემ.

1770285406

ლაშა აბაშიძემ  სავაგონო დეპოში სამგზავრო მატარებლების განახლების მიმდინარე სამუშაოები დაათვალიერა, თანამშრომლებს გაესაუბრა და მათგან არსებული საჭიროებების შესახებ ინფორმაცია მოისმინა.როგორც რკინიგზის გენერალურმა დირექტორმა აღნიშნა,  ორი მატარებლის შეკეთება ზაფხულში დასრულდება,  რის შემდეგაც  კიდევ სამი მატარებლის განახლებაა დაგეგმილი.„იდენტიფიცირებულია ყველა ტექნიკური პრობლემა, რაც სამგზავრო მატარებლების მიმართულებით იყო და დაწყებულია აქტიური მუშაობა  სამგზავრო მატარებლების განახლებისა და მოდერნიზებისთვის“ - განაცხადა ლაშა აბაშიძემ.

1770285022