"ავერსი" სიყვარულით გილოცავთ დედის დღეს

საქართველოში დადგმული გენერაციის სიმძლავრე 2,5-ჯერ გაიზრდება და დაახლო...

მარიამ ქვრივიშვილმა მინისტერიალის მონაწილეებს საქართველოს ენერგეტიკული სექტორის განვითარების შესაძლებლობები და ამ მიზნით მიმდინარე და დაგეგმილი პროექტები გააცნო.  მინისტრის ინფორმაციით, საქართველოს მთავრობის მიერ გაწეული სამუშაოების შედეგად დადგმული გენერაციის სიმძლავრე 2,5-ჯერ გაიზრდება და დაახლოებით 11500 მეგავატს მიაღწევს. ამასთან, მნიშვნელოვნად გაიზრდება ელექტროენერგიის ექსპორტისა და ტრანზიტის პოტენციალი, ხოლო იმპორტი ნულამდე შემცირდება. როგორც მარიამ ქვრივიშვილმა აღნიშნა, ეს ტრანსფორმაცია შესაძლებელია ახალი გენერაციის ობიექტების, ასევე გადამცემ ინფრასტრუქტურაში განხორციელებული მსხვილი ინვესტიციების მეშვეობით, მათ შორის ახალი ტრანსსასაზღვრო კავშირებით. „მსურს, ხაზი გავუსვა ორ რეგიონულ ფლაგმანურ პროექტს: შავი ზღვის წყალქვეშა კაბელი დააკავშირებს საქართველოსა და რუმინეთს 1300 მეგავატიანი წყალქვეშა გადამცემი ხაზით, რაც ევროპაში სუფთა ელექტროენერგიის ექსპორტს გახდის შესაძლებელს. პარალელურად, აზერბაიჯანთან, რუმინეთსა და უნგრეთთან ერთად, ჩვენ ვავითარებთ მწვანე ენერგიის დერეფანს, რომელიც მოიცავს ფართომასშტაბიან ელექტროენერგიის ინტერკონექტორს და მწვანე წყალბადის კომპონენტს. ეს პროექტები არ არის მხოლოდ ინფრასტრუქტურა და წარმოადგენს დივერსიფიკაციის, დეკარბონიზაციისა და გრძელვადიანი მდგრადობისადმი ჩვენს საერთო ერთგულებას“, - აღნიშნა ეკონომიკის მინისტრმა. ამასთან, სიტყვით გამოსვლისას მარიამ ქვრივიშვილმა ხაზგასმით აღნიშნა, რომ განახლებადი ენერგია საქართველოს სტრატეგიის ქვაკუთხედია, მომდევნო ათწლეულის განმავლობაში საქართველოში იგეგმება 6700 მეგავატზე მეტი განახლებადი სიმძლავრის დამატება, რაც მოიცავს ჰიდრო, ქარისა და მზის ენერგიას. მინისტრის შეფასებით, სტრატეგიული ჰიდროენერგეტიკული პროექტები გადამწყვეტ როლს შეასრულებს არა მხოლოდ მოთხოვნის დაკმაყოფილებაში, არამედ სისტემის სტაბილურობის უზრუნველყოფასა და ცვალებადი განახლებადი ენერგიების ინტეგრაციაში. „ჩვენ ასევე ვატარებთ მნიშვნელოვან რეფორმებს საინვესტიციო გარემოს გასაუმჯობესებლად. პარალელურად, აქტიურად ვნერგავთ ინოვაციებს. აზიის განვითარების ბანკის მხარდაჭერით, წინ მივიწევთ ენერგიის შენახვის ტექნოლოგიებისა და წყალბადის გადაწყვეტების მიმართულებით, ასევე ვახდენთ ჭკვიანი და ციფრული ტექნოლოგიების ინტეგრირებას ჩვენს ენერგოსისტემაში. სამხრეთის გაზის დერეფნის პროექტის წარმატება კიდევ ერთხელ უსვამს ხაზს სახელმწიფოების ერთობლივი ძალისხმევის როლს მსგავსი მნიშვნელობის საერთაშორისო პროექტების განვითარებისას“, - განაცხადა მარიამ ქვრივიშვილმა. მინისტერიალში მონაწილეობა მიიღეს საქართველოს დელეგაციის წევრებმა - ეკონომიკისა და მდგრადი განვითარების მინისტრის მოადგილეებმა გენადი არველაძემ და თამარ იოსელიანმა, ასევე საქართველოს ელჩმა აზერბაიჯანის რესპუბლიკაში ზურაბ პატარაძემ.

"საქართველომ დაამტკიცა, რომ სამხრეთის გაზის დერეფნის აქტიური მხარდამჭე...

მინისტერიალის გახსნის ცერემონიაზე სიტყვით გამოსვლისას მინისტრმა უსაფრთხო და მდგრადი ენერგეტიკული მომავლისთვის, აღნიშნულ ფორმატში ქვეყნებს შორის თანამშრომლობის მნიშვნელობაზე ისაუბრა.„სამხრეთის გაზის დერეფანი იმის ნათელი მაგალითია, თუ რას შეგვიძლია მივაღწიოთ ერთობლივი ძალისხმევით. ამ დერეფანმა მნიშვნელოვნად გააძლიერა ენერგოუსაფრთხოება და დივერსიფიკაცია, საქართველო ამაყობს, რომ ამ პროცესში საიმედო სატრანზიტო ქვეყნის როლში მონაწილეობს. საქართველომ დაამტკიცა, რომ სამხრეთის გაზის დერეფნის აქტიური მხარდამჭერი და შეუცვლელი მონაწილეა, და, ასევე, რომ სტრატეგიული პარტნიორობისა და ყველა ჩართულ მხარეს შორის ორმხრივად სასარგებლო თანამშრომლობის ერთგულია“, - განაცხადა მარიამ ქვრივიშვილმა სიტყვით გამოსვლისას.მინისტრმა ასევე განსაკუთრებული აქცენტი გააკეთა ჩვენი ქვეყნის როლზე ენერგეტიკული დივერსიფიკაციის პროცესში. მარიამ ქვრივიშვილის თქმით, საქართველოსთვის უაღრესად მნიშვნელოვანია, „ხიდის“ ფუნქცია შეასრულოს არა მხოლოდ ეკონომიკურ, პოლიტიკურ, სოციალურ და კულტურულ ჭრილში, არამედ ენერგეტიკის სფეროშიც. ჩვენი ქვეყნის გავლით ტრანსპორტირებულ ბუნებრივ აირს გადამწყვეტი მნიშვნელობა აქვს საერთაშორისო, განსაკუთრებით კი ევროკავშირის ენერგეტიკული ბაზრების დივერსიფიკაციისა და მიწოდების უსაფრთხოების გაუმჯობესებისთვის.მინისტერიალის სხდომას დაესწრნენ ეკონომიკისა და მდგრადი განვითარების მინისტრის მოადგილეები თამარ იოსელიანი და გენადი არველაძე და საქართველოს ელჩი აზერბაიჯანის რესპუბლიკაში ზურაბ პატარაძე.

Goldman Sachs - ჰორმუზის სრუტის დახურვის გამო, ევროპაში ბუნებრივი აირი...

კომპანიის ანალიტიკოსების ვარაუდით, ბუნებრივი აირის ფასები ევროპაში, შეიძლება, გაორმაგდეს, თუ ჰორმუზის სრუტის გავლით გადაზიდვები, სულ მცირე, ერთი თვით შეჩერდება.მათივე თქმით, გლობალური თხევადი ბუნებრივი აირის ექსპორტის დაახლოებით მეხუთედი, ძირითადად კატარიდან, ამ სტრატეგიული გადაზიდვის მარშრუტზე გადის.ანალიტიკოსები აღნიშნავენ, რომ მიმდინარე მოვლენების ფონზე აშშ-ის ბუნებრივი აირის ბაზარზე გავლენა, სავარაუდოდ, მინიმალური იქნება.ცნობისთვის, ჰორმუზის სრუტე ახლო აღმოსავლეთის თხევადი ბუნებრივი აირისა და ნავთობის გადაზიდვის მთავარი მიმართულებაა. ირანმა ჰორმუზის სრუტე 28 თებერვალს დაკეტა.

დიდი ჰესები საქართველოს ჰაერივით სჭირდება - დავით ნარმანია

„დიდი ჰესები ქვეყანას ჰაერივით სჭირდება და ამას ორი რამით ძალიან მარტივად დავასაბუთებ. პირველი ის, რომ დღეს ნაწილობრივ ბუნებრივი აირი შემოდის იმპორტით და ხდება თბოსადგურებზე ელექტროენერგიის გამომუშავება, ნაწილი ელექტროენერგია შემოდის პირდაპირ იმპორტით. ანუ იმპორტზე დამოკიდებული ვართ, განსაკუთრებით შემოდგომა-ზამთრის პერიოდში, ვიდრე გაზაფხულზე წყალუხვობა არ დაიწყება და ჩვენი ჰიდროელექტროსადგურები მაქსიმალურად არ დაიტვირთება. ამიტომაც გვაქვს დეფიციტი - ანუ ჩვენი მოხმარება უფრო მეტია, ვიდრე ჩვენ გვაქვს ელექტროენერგიის წარმოება. ამიტომაც საკუთარი მოთხოვნილების დასაკმაყოფილებლად ეს არის აუცილებელი და მნიშვნელოვანი.და მეორე, მნიშვნელოვანია ასევე იმ თვალსაზრისით, რომ ენერგოდამოუკიდებელი და ენერგოუსაფრთხო ვიყოთ და ვიცოდეთ რა ფასად შევძლებთ ამ ენერგიის მიწოდებას სისტემისთვის. იმპორტის შემთხვევაში - იმპორტზე ფასები ხშირად ცვალებადია და დამოკიდებულია ბაზარზე. მაშინ როცა თუ ამ სადგურებს ავაშენებთ, იქნება ფიქსირებული ფასი და სხვათა შორის ჩვენ როგორც მარეგულირებელი როცა წინასწარ პროგნოზირებას ვაკეთებთ ამ სადგურების ასაშენებლად არსებული ფასები, რაც შეიძლება ეს დაჯდეს და ინვესტორმა ამოიღოს მისი ჩადებული ინვესტიცია თავის უკუგების ნორმის გათვალისწინებით, არ იქნება მძიმე და ჩვენი საერთო სამომხმარებლო ტარიფისთვის ეს იქნება მისაღები. ამიტომაც უნდა აშენდეს ეს სადგურები, უნდა აშენდეს ხუდონიც და უნდა აშენდეს ნამახვანიც“, - აღნიშნა დავით ნარმანიამ. 

2025 წელს აშშ-მა თხევადი ბუნებრივი აირის ექსპორტის ისტორიულ მაქსიმუმს...

აზიაში მიწოდება 37%-ით შემცირდა (27.3 მილიარდი კუბური მეტრი), ხოლო აფრიკაში მიწოდება თითქმის ოთხჯერ გაიზარდა და 12.6 მილიარდ კუბურ მეტრს მიაღწია.ხუთეულში შედიოდა ნიდერლანდები (18.3 მილიარდი კუბური მეტრი), საფრანგეთი (15.1 მილიარდი), ეგვიპტე (12.3 მილიარდი), ესპანეთი (10.6 მილიარდი) და გაერთიანებული სამეფო (10.5 მილიარდი), რომლებიც ერთად ექსპორტის 43%-ს შეადგენდნენ.2025 წლის დეკემბერი რეკორდული თვე იყო, მიწოდებული იქნა 16.1 მილიარდი კუბური მეტრი. მ (38.6%-ით მეტი 2024 წლის დეკემბერთან შედარებით), 168 თხევადი ბუნებრივი აირის ტანკერი, პლაკემინესის ნავთობგადამამუშავებელი ქარხნის ახალი სიმძლავრისა და საბინის უღელტეხილისა და კორპუს კრისტის ტერმინალებში აქტიური ოპერაციების წყალობით.დეკემბერში ლიდერობდა თურქეთი (2.7 მილიარდი კუბური მეტრი), შემდეგ მოდიან გაერთიანებული სამეფო (1.9), ეგვიპტე (1.3), გერმანია (1.3) და ნიდერლანდები (1.2), რომლებიც დეკემბრის ექსპორტის 52.6%-ს შეადგენდნენ.დეკემბერში აზიური მარაგების წილი 12%-მდე შემცირდა, ევროპამ თავისი წილი 76%-მდე გაზარდა, ხოლო დანარჩენი ლათინური ამერიკისა და აფრიკის ქვეყნებს შორის გადანაწილდა.