დიდი ჰესები საქართველოს ჰაერივით სჭირდება - დავით ნარმანია

კომპანიამ გასულ წელს რეკორდული რაოდენობის, 764, ავტომობილი გაყიდა, რაც 2024 წელს დაფიქსირებულ შედეგთან, 534 ერთეულთან, შედარებით 43%-ზე მეტით გაზრდილი მაჩვენებელია.ნოდარ ჭირაქაძე, „მაზდა ცენტრი თეგეტას“ დირექტორი: „საქართველოში Mazda-ს ბრენდის რეკორდული გაყიდვების კიდევ ერთხელ დაფიქსირება ჩვენი გუნდის დიდი შრომის, ერთგულებისა და სწორად დასახული სტრატეგიის შედეგია. წარმატების მიღწევაში დაგვეხმარა ისიც, რომ გასულ წელს ბაზარზე ახალი მოდელიც - CX60 Plug-in Hybrid - შემოვიყვანეთ, ასევე მნიშვნელოვნად გაიზარდა Mazda-ს ფლაგმანი მოდელის, CX5-ის, გაყიდვები. ეს წარმატება არა მხოლოდ გაყიდვების მაჩვენებლებზე აისახა, არამედ ბრენდის პოზიციონირებაზეც.  გლობალურ რუკაზე დღეს კიდევ  უფრო მაღალ საფეხურზე ვართ. გვაქვს ამბიცია, რომ აღნიშნული დინამიკა შევინარჩუნოთ, ახალ სეგმენტებში შევიდეთ და ბაზარზე ჩვენი წილი კიდევ უფრო გავზარდოთ“. Mazda ბრენდის საუკეთესო დისტრიბუტორებს უკვე 30 წელზე მეტია, ყოველწლიურად აჯილდოებს. ჯილდო ენიჭება იაპონური ბრენდის იმ წარმომადგენლობებს, რომლებიც წლიურ ჭრილში (YOY) გაყიდვების მკვეთრ ზრდას აჩვენებენ და რეალიზაციის კუთხით გამორჩეულ შედეგებს აღწევენ. შერჩევის პროცესში ასევე ფასდება მარკეტინგული აქტივობები და ინიციატივები, რომლებიც ბაზარზე ბრენდის პოზიციონირების გაძლიერებას უწყობს ხელს.საბა მჭედლიშვილი, „მაზდა ცენტრი თეგეტას“ მარკეტინგის ხელმძღვანელი: „ეს ჯილდო ჩვენთვის Mazda-ს მხრიდან კიდევ ერთი მნიშვნელოვანი აღიარებაა. გარდა გაყიდვების ზრდისა, ამ წარმატებაში დიდი წვლილი მარკეტინგული მიმართულებით განხორციელებულმა კამპანიებმაც შეიტანა. განსაკუთრებით გამოვყოფდი კამპანიას ტოჩინოშინის მონაწილეობით , რომელსაც დიდი გამოხმაურება მოჰყვა არა მხოლოდ ლოკალურად, არამედ გლობალურად, Mazda-ს მხრიდანაც. ჩვენმა პარტნიორმა ის ერთ-ერთ საუკეთესო მარკეტინგულ აქტივობად დაასახელა. ვფიქრობთ, ეს აღიარება სწორმა სტრატეგიამ და შედეგებზე ორიენტირებულმა მიდგომამ განაპირობა. მიმდინარე წლისთვისაც ვგეგმავთ საინტერესო კამპანიებს, რომლებიც საქართველოში ბრენდის პოზიციონირებას კიდევ უფრო გააძლიერებს“.„მაზდა ცენტრი თეგეტამ“ აღნიშნული ჯილდო უკვე მეოთხედ მოიპოვა. Mazda-მ ის საუკეთესო დისტრიბუტორებს შორის პირველად 2020 წელს დაასახელა. საუკეთესო დისტრიბუტორებს შორის „მაზდა ცენტრი თეგეტას“ ხშირად დასახელება კომპანიის სტაბილური ზრდისა და ძლიერი ოპერაციული შედეგების დასტურია. მისი წარმომადგენლების განცხადებით, პარტნიორისგან საერთაშორისო აღიარება გუნდისთვის დამატებითი მოტივაციაა, რათა განვითარება და სწრაფი ზრდა მომავალშიც ასეთივე შემართებით განაგრძონ.--„თეგეტა ჰოლდინგის“ ერთ-ერთ მიმართულებაში, „თეგეტა ქარსში“ შემავალი კომპანია „მაზდა ცენტრი თეგეტა“ ქართულ ბაზარზე 2012 წლიდან ოპერირებს. კომპანია იაპონური ბრენდის ერთადერთი ავტორიზებული იმპორტიორია საქართველოში. კომპანია ქართველ მომხმარებელს, Mazda-ს ბრენდის ახალი ავტომობილების გარდა, ორიგინალ ნაწილებსა და სერვისსაც სთავაზობს.

1772193480

Wissol X BOG ბარათი სპეციალურად „საქართველოს ბანკის“ მომხმარებლებისთვის შეიქმნა და მისი გააქტიურება „საქართველოს ბანკის“ მობილბანკიდან მარტივადაა შესაძლებელი. ბარათის გამოყენებას მომხმარებელი „ვისოლის“ აპლიკაციის საშუალებით ქვეყნის მასშტაბით არსებულ „ვისოლის“ ნებისმიერ ავტოგასამართ სადგურზე შეძლებს.„„ვისოლის“ აპლიკაცია განვითარების ახალ ეტაპზე გადადის, რაც მომხმარებლებისთვის მაქსიმალური სარგებლის შეთავაზებას ისახავს მიზნად. გვინდა, რომ შევქმნათ აპლიკაცია, სადაც ავტომობილის მფლობელებისთვის საჭირო ყველა ფუნქცია ერთ სივრცეში მოიყრის თავს. ციფრული ტრანსფორმაციის ამ ეტაპზე ვგეგმავთ სხვადასხვა სექტორში ლიდერი კომპანიების ლოიალობის სისტემასთან დამეგობრებას.“საქართველოს ბანკისა“ და „ვისოლის“ თანამშრომლობაც სწორედ ამ სტრატეგიული განვითარების ერთ-ერთი პირველი საფეხურია, რის ფარგლებშიც დამატებით სარგებელს ვქმნით პარტნიორი კომპანიის მომხმარებლებისთვის „ვისოლის“ აპლიკაციაში. ვფიქრობთ, ამ კუთხით წინ დიდი გზაა გასავლელი და მომავალშიც ბევრი საინტერესო სიახლე გვექნება.“ აცხადებს ჯაბა ბოკუჩავა, „ვისოლის“ მარკეტინგის და ციფრული განვითარების ხელმძღვანელი.აქციის დასრულების შემდეგ, მომხმარებლებს საწვავის ყოველთვიური მოხმარების პროპორციულად, საშუალება აქვს შეინარჩუნონ “Gold” სტატუსი (20 თეთრიანი ფასდაკლება ლიტრზე) და დამატებით სპეციალური შეთავაზებებითა და ფასდაკლებებით ისარგებლებენ „სმარტის“ მარკეტებსა და „ვინტოს“ ავტომომსახურების ცენტრებში. გარდა ამისა, თითოეული ტრანზაქციისას აპლიკაციაში მომხმარებლები ბონუს ქულებს დააგროვებენ, რომელთა გადაცვლა „ვისოლის“, „სმარტისა“ და „ვინტოს“ ნებისმიერ პროდუქტშია შესაძლებელია.

1772190033

„დიდი ჰესები ქვეყანას ჰაერივით სჭირდება და ამას ორი რამით ძალიან მარტივად დავასაბუთებ. პირველი ის, რომ დღეს ნაწილობრივ ბუნებრივი აირი შემოდის იმპორტით და ხდება თბოსადგურებზე ელექტროენერგიის გამომუშავება, ნაწილი ელექტროენერგია შემოდის პირდაპირ იმპორტით. ანუ იმპორტზე დამოკიდებული ვართ, განსაკუთრებით შემოდგომა-ზამთრის პერიოდში, ვიდრე გაზაფხულზე წყალუხვობა არ დაიწყება და ჩვენი ჰიდროელექტროსადგურები მაქსიმალურად არ დაიტვირთება. ამიტომაც გვაქვს დეფიციტი - ანუ ჩვენი მოხმარება უფრო მეტია, ვიდრე ჩვენ გვაქვს ელექტროენერგიის წარმოება. ამიტომაც საკუთარი მოთხოვნილების დასაკმაყოფილებლად ეს არის აუცილებელი და მნიშვნელოვანი.და მეორე, მნიშვნელოვანია ასევე იმ თვალსაზრისით, რომ ენერგოდამოუკიდებელი და ენერგოუსაფრთხო ვიყოთ და ვიცოდეთ რა ფასად შევძლებთ ამ ენერგიის მიწოდებას სისტემისთვის. იმპორტის შემთხვევაში - იმპორტზე ფასები ხშირად ცვალებადია და დამოკიდებულია ბაზარზე. მაშინ როცა თუ ამ სადგურებს ავაშენებთ, იქნება ფიქსირებული ფასი და სხვათა შორის ჩვენ როგორც მარეგულირებელი როცა წინასწარ პროგნოზირებას ვაკეთებთ ამ სადგურების ასაშენებლად არსებული ფასები, რაც შეიძლება ეს დაჯდეს და ინვესტორმა ამოიღოს მისი ჩადებული ინვესტიცია თავის უკუგების ნორმის გათვალისწინებით, არ იქნება მძიმე და ჩვენი საერთო სამომხმარებლო ტარიფისთვის ეს იქნება მისაღები. ამიტომაც უნდა აშენდეს ეს სადგურები, უნდა აშენდეს ხუდონიც და უნდა აშენდეს ნამახვანიც“, - აღნიშნა დავით ნარმანიამ. 

1772185530

მისივე თქმით, ჯერ კომპანიებში რეგისტრირებული მიგრანტების გათავისუფლების საკითხი არ დგას.„ვისაც ჰყავს უკვე დასაქმებული და რეგისტრირებულები არიან, მათ კონტრაქტის ვადით, არაუმეტეს წლის ბოლომდე უნარჩუნდებათ სტატუსი. მათ ჯერ ახალი სისტემით რეგისტრაცია არ ესაჭიროებათ, თუ ძველი სისტემით არიან რეგისტრირებულები - დაახლოებით 150 000 უცხოელი მიგრანტია ამ ეტაპზე ოფიციალურად რეგისტრირებული. ამ წლის განმავლობაში, 1-ელ იანვრამდე, მოუწევთ ხელახლა მიიღონ ახალი სისტემით რეგისტრაცია. ანუ საუბარი იმაზე, რომ ვიღაცამ ვიღაცა უნდა გაათავისუფლოს, არაა“, - აღნიშნა ვეფხვაძემ.ცნობისთვის, 1-ელი მარტიდან, „შრომითი მიგრაციის შესახებ კანონში“ ცვლილებები ამოქმედდება. ცვლილებების თანახმად, საქართველოში უცხოელთა დასაქმება/თვითდასაქმება მხოლოდ შესაბამისი რეგულაციების დაცვით მოხდება.ცვლილების მიხედვით, უცხო ქვეყნის მოქალაქეს კანონიერად დასაქმებისთვის, მათ შორის დისტანციურად, „შრომითი საქმიანობის უფლების“ მოპოვება დასჭირდება.უცხოელთათვის „შრომითი საქმიანობის უფლების“ ნებართვებს „დასაქმების ხელშეწყობის სახელმწიფო სააგენტო“ გასცემს. შრომითი საქმიანობის უფლების გაცემის პროცესი სრულად ელექტრონულია და სარეგისტრაციო პორტალი 1-ელი მარტიდან იქნება ხელმისაწვდომი. ნებართვის მიღება ფასიანია.შრომითი საქმიანობის უფლება კონკრეტულ პოზიციასა და კონკრეტულ დამსაქმებელზე გაიცემა 1 წლის ვადით. კანონი ევროკავშირის რეკომენდაციების გათვალისწინებით მომზადდა.რაც შეეხება თვითდასაქმებულ უცხოელს, სამუშაო უფლება გაიცემა კონკრეტული სფეროს, სექტორისა და სამეწარმეო საქმიანობის მითითებით.აღსანიშნავია, რომ ცვლილებებთან დაკავშირებით განსაზღვრულია საშეღავათო პერიოდები - 2027 წლის 1-ელ იანვრამდე, მათთვის ვინც უკვე რეგისტრირებულია შრომითი მიგრაციის ელექტრონულ სისტემაში და დასაქმებულია ლეგალურად. მეორე საშეღავათო პერიოდი კი ვრცელდება 2026 წლის 1-ელ მაისამდე და იმ თვითდასაქმებულ უცხოელებს შეეხება, ვინც უკვე ახორციელებს შრომით/სამეწარმეო საქმიანობას საქართველოში.

1772185001

მცენარეთა ინტეგრირებული დაცვის კვლევის დეპარტამენტის უფროსმა ზურაბ ხიდეშელმა და მეხილეობის კვლევის სამსახურის უფროსმა ზვიად ბობოქაშვილმა სოფლის განვითარების სააგენტოს სამეგრელო-ზემო სვანეთისა და გურიის რეგიონულ სამსახურებში მუნიციპალური საინფორმაციო-საკონსულტაციო სამსახურების სპეციალისტებისთვის სემინარები ჩაატარეს.შეხვედრებზე განხილული იყო დასავლეთ საქართველოში ბოლო პერიოდში გავრცელებული თხილის სწრაფი ხმობის პრობლემატიკა. მონაწილეებს წარედგინათ  ვრცელი პრეზენტაციები, სადაც აღწერილი იყო დაავადების ძირითადი სიმპტომოკომპლექსები, გავრცელების არეალი, გამომწვევი პათოგენური ორგანიზმების ადგილობრივი და საერთაშორისო თანამედროვე ლაბორატორიული კვლევის  (ELISA, PCR ანალიზი) შედეგები, ასევე დაავადების წინააღმდეგ ბრძოლის პროფილაქტიკური და კურაციული ღონისძიებები.განსაკუთრებული ყურადღება გამახვილდა ფერმერებისთვის რეკომენდებული აგროტექნიკური ღონისძიებების დროულ განხორციელებაზე, განსაკუთრებით გაზაფხულის პერიოდში სპილენძის შემცველი პრეპარატებით პროფილაქტიკური შესხურების მნიშვნელობაზე.სამეცნიერო-კვლევით ცენტრში სპეციალური ბრძანებით შექმნილი თხილის სწრაფი ხმობის პრობლემის შემსწავლელი სამუშაო ჯგუფი აგრძელებს დაავადების გამომწვევი მიზეზების კომპლექსურ კვლევას და პრაქტიკული რეკომენდაციების შემუშავებას. დაგეგმილია მსგავსი შეხვედრები იმერეთის რეგიონსა და აჭარის ავტონომიურ რესპუბლიკაში, ასევე დასავლეთ საქართველოს მასშტაბით სემინარებისა და საველე ტრენინგების ჩატარება თხილის მწარმოებელი ფერმერებისთვის.

1772184921

გიგლა თამაზაშვილმა შეხვედრის მონაწილეებს დეტალური ინფორმაცია მიაწოდა საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკი) მიერ დადგენილ ირიგაციის ახალი ტარიფის შესახებ. მისი განცხადებით, სოფლის მეურნეობის სექტორის მხარდაჭერა მთავრობის ერთ-ერთ პრიორიტეტად რჩება.„შეცვლილი ტარიფი ფერმერებს ტვირთად არ დააწვებათ, რადგან მათ გვერდით სახელმწიფო დგას. ცვლილებები განხორციელდა სარწყავი წყლის ტარიფის სუბსიდირებაში - თუ აქამდე სუბსიდია მიმართული იყო „საქართველოს მელიორაციისკენ“, შეცვლილი მიდგომით ფინანსური მხარდაჭერა უშუალოდ ფერმერებზე იქნება ორიენტირებული. ახალი მიდგომის პირობებში ფერმერები არ იგრძნობენ ფინანსურ წნეხს, ისარგებლებენ სარწყავი წყლით და შეუფერხებლად შეძლებენ მიწების დამუშავებას“, - განაცხადა გიგლა თამაზაშვილმა.კომპანიის ხელმძღვანელმა შეხვედრის მონაწილეებს „საქართველოს მელიორაციის“ ძირითადი მიზნები, მიმდინარე და დაგეგმილი ინფრასტრუქტურული პროექტები, მათი განხორციელების ეტაპები და მოსალოდნელი შედეგები გააცნო. ყურადღება გაამახვილა სერვისების გაუმჯობესების მნიშვნელობაზეც. აღნიშნა, რომ სარწყავი სეზონის დაწყებამდე დმანისში გაიხსნება მომსახურების ცენტრი, სადაც ადგილობრივი მოსახლეობა  ხელშეკრულებების ადგილზე გაფორმებას შეძლებს.შეხვედრაზე საუბარი შეეხო ადგილობრივი თვითმმართველობის ჩართულობის მნიშვნელობას ფერმერებთან კომუნიკაციის და სამელიორაციო მომსახურებასთან დაკავშირებული ხელშეკრულებების ოპერატიულად გაფორმების პროცესში. გიგლა თამაზაშვილის განცხადებით, მუნიციპალიტეტების მხარდაჭერა გადამწყვეტ როლს ასრულებს სარწყავი სეზონის ორგანიზებულად დაწყების უზრუნველყოფაში. აღნიშნა, რომ ადგილობრივი ხელისუფლებისა და კომპანიის კოორდინირებული მუშაობა ხელს შეუწყობს წყლის რესურსის ეფექტიან განაწილებას და თითოეული ფერმერის ინტერესების დაცვას.

1772181793