გლობალური საზღვაო ტვირთების ღირებულებამ ორწლიან მაქსიმუმს მიაღწია

ღონისძიება, რომელიც ტრადიციულად გლობალური ფინანსური ბაზრების ტენდენციების განხილვას ეძღვნება, მსოფლიოს სხვადასხვა ქვეყნის ცენტრალური ბანკების მმართველებს, საერთაშორისო საფინანსო ინსტიტუტების ხელმძღვანელებსა და ცნობილ ეკონომისტებს აერთიანებს. წლიური ასამბლეის ფარგლებში, საფინანსო სექტორის წარმომადგენლებმა გლობალური ეკონომიკის უმნიშვნელოვანესი გამოწვევები და შესაძლებლობები მიმოიხილეს.ღონისძიების ფარგლებში, BIS-ის გენერალურმა მენეჯერმა ასამბლეის მონაწილეებს ბანკის წლიური ეკონომიკური ანგარიში წარუდგინა, რომელშიც განსაკუთრებული ყურადღება გლობალური მაკროეკონომიკური პოლიტიკის სტრატეგიულ მიმართულებებს დაეთმო. ასევე მონაწილეებმა ხელოვნური ინტელექტის ეპოქაში, ციფრული რისკების მართვისა და ინოვაციური პროდუქტების უსაფრთხოდ ინტეგრაციის საკითხებზე იმსჯელეს.„ბაზელის საერთაშორისო ფორუმში მონაწილეობა ხელს უწყობს საქართველოს ეროვნული ბანკის გლობალურ საფინანსო პროცესებში აქტიურ ჩართულობას და პარტნიორ ცენტრალურ ბანკებთან გამოცდილების გაზიარებას თანამედროვე ტექნოლოგიებისა და ეკონომიკური პოლიტიკის მიმართულებით“,  - განცხადა ნათია თურნავამ.საერთაშორისო ანგარიშსწორების ბანკის ყოველწლიურ შეხვედრას ევროპის ცენტრალური ბანკის პრეზიდენტი კრისტინ ლაგარდი დაესწრო.

1782741726

ორი თვის განმავლობაში კამპანია კახეთის რვავე მუნიციპალიტეტის 35 საჯარო სკოლაში მიმდინარეობდა. პროექტის ფარგლებში მოსწავლეები ჯერ გარემოსდაცვითი საკითხების შესახებ ინტერაქტიურ შეხვედრებს დაესწრნენ, შემდეგ კი მიღებული ცოდნა პრაქტიკაში გადაიტანეს და ელექტრონარჩენების შეგროვების პროცესში აქტიურად ჩაერთნენ.ინიციატივამ მნიშვნელოვანი შედეგი გამოიღო - მოსწავლეებმა საერთო ჯამში 47 205 კილოგრამი ელექტრონარჩენი შეაგროვეს, რაც კიდევ ერთხელ ადასტურებს, რომ სწორი ინფორმირება და ახალგაზრდების ჩართულობა რეალურ გარემოსდაცვით ცვლილებებს ქმნის.კამპანიის ფარგლებში ყველაზე მეტი ელექტრონარჩენი ლაგოდეხის №1, სოფელ აფენის №1 და სოფელ ვარდისუბნის საჯარო სკოლებმა შეაგროვეს. გამარჯვებული სკოლებისთვის გადაცემული ფულადი პრიზები ეკოინიციატივებისა და გარემოს გაუმჯობესების პროექტების განხორციელებას მოხმარდება.კამპანიის მნიშვნელოვანი ნაწილი იყო ახალგაზრდების შემოქმედებითი ჩართულობაც - TikTok კონკურსის ფარგლებში მოსწავლეებმა გარემოსდაცვით თემებზე 60-მდე ვიდეო შექმნეს და ეკოლოგიური პასუხისმგებლობის შესახებ გზავნილები საკუთარ თანატოლებს გაუზიარეს.კამპანიის წარმატებულმა შედეგებმა კიდევ ერთხელ აჩვენა, რომ მსგავსი ინიციატივები ერთჯერად აქტივობას არ უნდა წარმოადგენდეს. სწორედ ამიტომ, Wasteless-ის ინიციატივით, პროექტი ეტაპობრივად საქართველოს სხვა რეგიონებშიც გაგრძელდება, რაც ქვეყანაში ელექტრონარჩენების მართვის კულტურის გაძლიერებასა და ევროპული პრაქტიკის დანერგვას შეუწყობს ხელს.საქართველოს ბანკი აქტიურად აგრძელებს ისეთი პარტნიორული პროექტების მხარდაჭერას, რომლებიც გარემოზე ზრუნვის პარალელურად ახალგაზრდებს საკუთარი შესაძლებლობების რეალიზებისა და საზოგადოების განვითარებაში აქტიური მონაწილეობის შესაძლებლობას აძლევს.

1782740219

როგორც წინა განახლებაში აღინიშნა, თიბისი კაპიტალის საბაზო სცენარი, რომელიც 2026 წელს 7.4%-იან ეკონომიკურ ზრდას ითვალისწინებს, შედარებით ხანმოკლე კონფლიქტსა და დამატებითი მნიშვნელოვანი გვერდითი ეფექტების არარსებობას მოიაზრებდა. ამდენად, ამ მხრივ პროგნოზი არსებითად უცვლელი რჩება. მართალია, კონფლიქტის მოგვარება სასაქონლო ფასებისთვის უარყოფითი ფაქტორია, თუმცა ექსპორტის დანაკლისს, დიდი ალბათობით, ტურიზმიდან შემოსავლების აღდგენა დააბალანსებს, ისევე როგორც გასულ თვეებში დააკომპენსირა ტურიზმის დანაკლისი სასაქონლო ექსპორტმა.არარეზიდენტების უნაღდო ხარჯებისა და ავიამიმოსვლის მონაცემებზე დაყრდნობით, მსგავსი დინამიკა უკვე შეინიშნება მაისში, როდესაც სტუმარმასპინძლობის სექტორში ზრდამ, წინა თვესთან შედარებით, შემცირებული საქონლის ექსპორტი დააბალანსა. გარკვეულწილად გაიზარდა რეზიდენტების ხარჯვაც. ამავდროულად, უახლესი ინდიკატორების თანახმად, ივნისში როგორც რეზიდენტების, ასევე არარეზიდენტების დანახარჯების მხრივ, მაისთან შედარებით, ჯერჯერობით გარკვეული შენელება იკვეთება.ინფლაციის კუთხით, სასაქონლო პროდუქციის ფასების მკვეთრი კლება მოლოდინების გადახედვის საფუძველია. თიბისი კაპიტალის წინა პროგნოზი, რომლის მიხედვითაც წლის ბოლოს ინფლაცია 6%-ს მიაღწევდა, დეკემბრისთვის ბრენტის ტიპის ნავთობის ფასს 80-85 აშშ დოლარის დიაპაზონში მოიაზრებდა, რისკის პრემიის გარკვეულწილად მაღალ დონეზე შენარჩუნების დაშვების ფონზე. თუმცა, ბაზრების ზემოაღნიშნული ოპტიმიზმის პარალელურად, რისკის პრემია მკვეთრად შემცირდა - ფასების დინამიკაზე დაყრდნობით, ესკალაციამდე პერიოდთან შედარებითაც კი.ამდენად, მიუხედავად იმისა, ეს ოპტიმიზმი მომავალშიც შენარჩუნდება თუ არა, რაც ღია საკითხად რჩება, მიმდინარე ტენდენციები ინფლაციურ ზეწოლას ამცირებს. ამ მხრივ, ორი ყველაზე მნიშვნელოვანი ფაქტორი ნავთობისა და სურსათის ფასებია, რომელთა შემთხვევაშიც მსოფლიო ფასების გადმოცემის მექანიზმი საკმაოდ განსხვავებულია. საწვავის ადგილობრივი ფასები გლობალურ ბაზრებზე ცვლილებაზე მხოლოდ მცირედი ჩამორჩენით რეაგირებს. 29 ივნისის მდგომარეობით, მსხვილ სადგურებში ბენზინის ფასი ჯერჯერობით არ შეცვლილა, ხოლო დიზელის შემთხვევაში გარკვეულწილად კლება ფიქსირდება. თუ ბირჟაზე ვითარება არ შეიცვალა, მოსალოდნელია, რომ ივლისიდან ბენზინის ფასები შემცირებას დაიწყებს.რაც შეეხება სურსათს, გადმოცემის მექანიზმი უფრო სუსტია. ამასთან, მართალია, სასუქების ფასი შემცირდა, თუმცა მასშტაბი სხვადასხვა ინდექსის მხრივ საკმაოდ განსხვავდება, და ყველა მათგანი შარშანდელ პერიოდთან შედარებით ჯერ კიდევ მაღალ ნიშნულზე რჩება. აგრეთვე, ბოლო თვეებში გაძვირებული სასუქების გამოყენება საკვების ფასებში მომდევნო თვეებში აისახება. ამინდის მკვეთრი ცვალებადობის გათვალისწინებითაც, სურსათის ინფლაციის კუთხით სურათი ნაკლებად გამოკვეთილია, თუმცა, მოსალოდნელია, რომ წინა დაშვებებთან შედარებით ფასებზე ზეწოლა შედარებით სუსტი იქნება. საერთო ჯამში, თიბისი კაპიტალის პროგნოზით, წლის ბოლოს ინფლაცია 5.1%-ს მიაღწევს, იმ დაშვებით, რომ კონფლიქტის ესკალაცია აღარ მოხდება და ბრენტის ტიპის ნავთობი დეკემბრისთვის, დაახლოებით, 70 აშშ დოლარი ეღირება.ინფლაციური ზეწოლის შემცირებასთან ერთად, მცირდება გამკაცრებული მონეტარული პოლიტიკის ხანგრძლივად შენარჩუნების ალბათობაც. უფრო მეტიც, რადგან ინფლაციამ, სავარაუდოდ, პიკურ მაჩვენებელს აპრილში უკვე მიაღწია, მეტია განაკვეთის კვლავ 8%-მდე შემცირების არგუმენტებიც. მეორე მხრივ, როგორც სებ მიუთითებს, განაკვეთის შემცირება მხოლოდ მას შემდეგაა მოსალოდნელი, რაც ინფლაცია მიზნობრივ მაჩვენებელს დაუახლოვდება. მიმდინარე პროგნოზით, ფასების ზრდა წლის მეორე ნახევარში საშუალოდ 5% იქნება, მიზნობრივ 3%-იან ნიშნულამდე კი 2027 წლის მეორე კვარტლიდან შემცირდება.სხვა თანაბარ პირობებში, უფრო დაბალი ინფლაცია ლარისთვის ნეგატიური ფაქტორია, რადგან უფრო დაბალ საპროცენტო განაკვეთებსაც მოიაზრებს. მიუხედავად ამისა, თიბისი კაპიტალი წლის ბოლოს აშშ დოლარი/ლარის გაცვლითი კურსის პროგნოზს 2.60-2.65-ის ფარგლებში ინარჩუნებს, რასაც ორი ძირითადი ფაქტორი განაპირობებს. პირველი, 2026 წელს შედარებით გამკაცრებული მონეტარული პოლიტიკის შენარჩუნებაა მოსალოდნელი. ამასთან, გასულ თვეებში, ინფლაციის ზრდის პარალელურად, ლარი მხოლოდ მცირედით გამყარდა.მეორე, უცხოური ვალუტის ბაზარზე კვლავ სიჭარბე ფიქსირდება, რაც მიმდინარე პერიოდში ლარის ძირითადი მხარდამჭერი ფაქტორია. 2026 წლის პირველ ხუთ თვეში ექსპორტი 19.8%-ით გაიზარდა, სასაქონლო პროდუქციის ხარჯზე, ხოლო იმპორტი - მხოლოდ 5.4%-ით. შედეგად, იანვარი-მაისის პერიოდში საქონლით ვაჭრობის დეფიციტი მშპ-ის 26.6%-მდე შემცირდა, რაც წინა წლების მაჩვენებლებს მნიშვნელოვნად ჩამორჩება. შემოდინებებს ხელი შეუწყო მაისში სინდიკაციის მეთოდით 400 მილიონი ლარის სახაზინო ობლიგაციის გამოშვებამაც - ფინანსთა სამინისტროს მონაცემებით, ემისიის 65% უცხოელმა ინვესტორებმა შეიძინეს, რის შედეგადაც თვის ბოლოს სახაზინო ფასიან ქაღალდებში არარეზიდენტი მფლობელების წილი 2022 წლის შემდეგ ყველაზე მაღალ ნიშნულამდე გაიზარდა და 7.1% შეადგინა, ბოლო ერთ წელიწადში საშუალოდ 2.5%-თან შედარებით.აღნიშნული ფაქტორების ფონზე, სებ-მა მაისში რეკორდულად მაღალი 633 მილიონი აშშ დოლარი შეიძინა, რაც ჩვენს მოლოდინებთან თანხვედრაშია. თიბისი კაპიტალის შეფასებით, სავალუტო ბაზარზე სიჭარბე ივნისშიც ნარჩუნდება - შესაბამისად კვლავ აქტიურია ინტერვენციებიც. აღსანიშნავია, რომ სებ-მა ივნისში დამატებით 100 მილიონი აშშ დოლარის ღირებულების ოქრო შეიძინა, რის შედეგადაც ოქროს წილი რეზერვებში 15.5%-მდე გაიზარდა. მაისის ბოლოს, მთლიანმა სავალუტო რეზერვებმა 7 მილიარდი აშშ დოლარი შეადგინა, რაც საერთაშორისო სავალუტო ფონდის (სსფ) შესაბამისობის ნორმის 114.8%-ია. სსფ-ის შეფასებით, საქართველოსთვის ოპტიმალური ნიშნული შესაბამისობის ნორმის, დაახლოებით, 145-150%-ს აღწევს. ამდენად, მოსალოდნელია, რომ ინტერვენციები წლის დარჩენილ პერიოდშიც გაგრძელდება, თუმცა შედარებით ზომიერად.სავალუტო ბაზარზე არსებული სიჭარბე საყურადღებოა საბანკო სექტორისთვისაც. მარტის შემდგომ მნიშვნელოვნადაა გაზრდილი უცხოური ვალუტის დეპოზიტები. მკითხველს ახსოვს 2024 წლის დოლარიზაციის ეპიზოდი, როდესაც სენტიმენტების გაუარესების ფონზე ლარის დეპოზიტები მასობრივად უცხოური ვალუტის დეპოზიტებში დაკონვერტირდა და ე.წ. „კარგი დროის ბუფერის“ შექმნა გამოიწვია. საპირისპიროდ, მიმდინარე წელს უცხოური ვალუტის დეპოზიტების ზრდას თან არ ახლავს ლარის დეპოზიტების კლება, რაც მიუთითებს, რომ ძირითადი ფაქტორი არა კონვერტაციები, არამედ წმინდა სავალუტო შემოდინებებია, ჩვენი შეფასებით, ერთჯერადი ფაქტორების გარეშე, ეს ტენდენცია ივნისშიც ნარჩუნდება.და ბოლოს, აშშ დოლარის კუთხით, ბოლო რამდენიმე დღეში განვითარებული მოვლენების ფონზე, მოსალოდნელია, რომ მოკლევადიან პერიოდში დოლარი შედარებით გამყარებული დარჩება. თებერვლის შემდგომ, აშშ დოლარის გამყარებას აშშ-ში საპროცენტო განაკვეთების ზრდა უწყობდა ხელს, რაც, თავის მხრივ, ინფლაციური მოლოდინების ზრდით იყო განპირობებული. ახლო აღმოსავლეთის კონფლიქტის დასრულების შესახებ შეთანხმების გაფორმების შემდეგ, ინფლაციური მოლოდინები კვლავ შემცირდა. თუმცა საპროცენტო განაკვეთების მოლოდინები არათუ არ შემცირდა, არამედ გაიზარდა კიდეც. შედეგად, აშშ დოლარი, სავაჭრო პარტნიორების მიმართ, გასულ ერთ წელიწადში ყველაზე მაღალ ნიშნულამდე გამყარდა. ამას რამდენიმე მიზეზი აქვს.პირველი, ფედერალური სარეზერვო სისტემის ახალი თავმჯდომარის 17 ივნისის პრესკონფერენცია ბაზრებისთვის ოპტიმისტური გამოდგა. გაიზარდა მოლოდინი, რომ გადაწყვეტილება არა მეტად პოლიტიკური, არამედ ეკონომიკური ფაქტორების გაანალიზების შედეგად იქნება მიღებული. სანამ ბაზარზე ეს მოსაზრება დომინირებს, რაც, შესაძლოა, ძალზე სწრაფად შეიცვალოს, მოსალოდნელია, რომ აშშ დოლარი შედარებით მყარი დარჩება. მეორე, ფედერალური სარეზერვო სისტემის საბჭოს 18 წევრიდან ცხრა ელის, რომ წლის ბოლოსთვის საპროცენტო განაკვეთი მინიმუმ ერთხელ გაიზრდება, მათ შორის ექვსი კი მინიმუმ ორ ზრდას უჭერს მხარს. მესამე, აშშ-ის ეკონომიკის სიძლიერის ფონზე, მონეტარული პოლიტიკის გამკაცრების კუთხით მოქნილობის მეტი სივრცეა.რას ნიშნავს ეს ყველაფერი დაფინანსების ოპტიმალური სავალუტო სტრუქტურისთვის? საშუალო და გრძელვადიანი ფაქტორები კვლავ აშშ დოლარისთვის ნეგატიურია, თუმცა მოკლევადიან პერიოდში დოლარის გამყარების ალბათობა გაიზარდა. ამდენად, მოკლევადიანი პოზიციების შემთხვევაში აშშ დოლარში ნაკლები სესხებაა ოპტიმალური. კონკრეტულად რამდენი უნდა ვისესხოთ, ამ შეკითხვაზე პასუხისთვის ინდივიდუალური, კომპანიაზე მორგებული შეფასება, რასაკვირველია, ყველაზე ზუსტია, თუმცა ორიენტირად მარტის „ერთგვერდიანი შეჯამება“ და მაისის „მკითხველის კომენტარებზე პასუხები“ გამოდგება.იხილეთ პუბლიკაციის სრული ვერსია შემდეგ ბმულზე.

1782737281

ციფრული გადაზიდვების პლატფორმის, Freightos-ის მონაცემებით, გასულ კვირას, აზიასა და აშშ-ის აღმოსავლეთ სანაპიროს, ასევე აზიასა და ევროპას შორის მარშრუტებზე ტარიფებმა 2024 წლის ზაფხულის შემდეგ ყველაზე მაღალ ნიშნულს მიაღწია.პლატფორმის მონაცემებით, ჩინეთ-აშშ-ის აღმოსავლეთ სანაპიროს მარშრუტზე სტანდარტული 40 ფუტიანი კონტეინერის (12.9 მეტრი სიგრძის, 2.44 მეტრი სიგანის და 2.59 მეტრი სიმაღლის) გადაზიდვის ფასმა7,880 დოლარამდე გაიზარდა. ეს მაჩვენებელი წინა თვესთან შედარებით 62%-ით მეტია.ჩინეთსა და ხმელთაშუა ზღვას შორის მსგავსი ტვირთების გადაზიდვის ღირებულება 47%-ით გაიზარდა და 6,431 დოლარს მიაღწია.„გაურკვევლობამ გადასახადებთან და საზღვაო საწვავის ხარჯებთან დაკავშირებით გამოიწვია საქონლის დატვირთვის დაჩქარება, განსაკუთრებით აშშ-ში, რამაც მკვეთრად გაზარდა ტვირთის გადაზიდვის ტარიფები“, - ნათქვამია გემთმფლობელთა უმსხვილესი ასოციაციის, BIMCO-ს განცხადებაში.როგორც Freightos-ის წარმომადგენელმა ჯუდ ლევინმა აღნიშნა, მომხმარებლები და სატვირთო კომპანიები გადაზიდვებს ცვლიან, რათა თავიდან აიცილონ ზაფხულის შესაძლო შეფერხებები და საწვავის ფასების ზრდა ახლო აღმოსავლეთის კრიზისის გამო.ადრე გავრცელდა ინფორმაცია, რომ აშშ ივლისში დაახლოებით 60 ქვეყნის პროდუქტებზე 10%-იანი ან 12.5%-იანი ახალი ტარიფების დაწესებას გეგმავს. ეს გადაწყვეტილება მარტში ამ ქვეყნებში იძულებითი შრომის გამოყენებით წარმოებული საქონლის იმპორტის რეგულაციებთან დაკავშირებით დაწყებულ სამართლებრივ დავას მოჰყვა.

1782735244

მამუკა გვილავა მიიჩნევს, რომ საქართველოს მთავრობამ თურქეთის ხელისუფლებასთან უნდა დააყენოს საკითხი, რომლის მიხედვითაც „ენკასთვის“ გადასახდელი თანხა საქართველოში მზის პროექტების დაფინანსებას მოხმარდება, თავად კომპანიას კი თურქული მხარე შეღავათებს შესთავაზებს.„383.2 მილიონი დოლარი რამეს გახსენებთ? ეს არის ის ჯარიმა, რაც დაგვეკისრა არასწორად აშენებული ჰესის გამო, საუბარი მაქვს „ნამახვანჰესზე“. ეს თანხა გადასახდელი გვაქვს. გადავთვალე რამდენს მივიღებდით ეს რომ მზის ენერგიაში დაგვეხარჯა. მაგალითად, რომ აგვეღო სესხი (ეს თანხა ახლა მაინც გადასახდელია), მზის ენერგიით ბათუმისა და ქუთაისის მოსახლეობას, დაახლოებით 160 ათას ოჯახს დავაკმაყოფილებდით.მე მგონია, რომ საქართველომ პრიორიტეტები უნდა გადაალაგოს, არ გვჭირდება ერთ დიდ პროექტში ინვესტირება, გვჭირდება საზოგადოებაში ინვესტირება. მივცემთ 3 000 დოლარის გრანტი თითო ოჯახს და 3 კვტ მზის ენერგიას დადგამენ. მაგალითად სოფლებში მსგავსი პროექტების განხორციელების პერსპექტივა მაღალია, ქალაქში შედარებით რთული იქნება, რადგან საერთო სახურავია, მაგრამ ამისთვისაც შეგვიძლია შევიმუშაოთ შესაბამისი სამართლებრივი ბაზა. დიდი ლუკმა გამოგვაცალეს ყველას ერთად, ბიუჯეტიდან მოგვიწევს ამ 383.2 მლნ დოლარის გადახდა, ამას ემატება ჯარიმებიც და 450 მილიონი უნდა იყოს ახლა გადასახდელიო. ვცადეთ ჰესების გაკეთება და ვნახეთ დიდი დანაკლისი.რა ქნას ახლა საქართველომ 1 მილიარდი ლარი გადაიხადოს? ჩვენი ბიუჯეტის 5%-ია და ამის გადახდის საშუალება არ გვაქვს. 31 მხარეთა შეხვედრა (გაეროს კლიმატის ცვლილების ჩარჩო კონვენციის მონაწილე მხარეების 31-ე კონფერენცია) ახლა იმართება ანტალიაში, შეიძლება აქ დავსვათ ასეთი საკითხი, იქნებ დაევალოს საქართველოს ხელისუფლებას, რომ ეს მილიარდი გამოყოს საზოგადოებისთვის და თურქეთის ხელისუფლებამ თქვას, რომ მოვილაპარაკებ კერძო სექტორთან, მაგალითად, იმ კომპანიას („ენკა“) გავუკეთებ შეღავათებს და ხელს გიწყობთ პროექტის განხორციელებაშიო.თურქეთის ელჩის კომენტარები გვახსოვს, როცა „ნამახვანს“ პრობლემები შეექმნა, ახლა საქართველოს აქვს პრობლემა, ამდენი თანხა გვაქვს გადასახდელი. ეს არ არის დიპლომატიური, მაგრამ გარემოს დამცველები ხანდახან დიპლომატიის მიღმა მიდიან. დავაყენოთ ეს საკითხი მასპინძელ თურქეთთან - საქართველომ მილიარდი ლარი მზის ენერგიის და მზის გამათბობლებისთვის გამოყოს, თუ დავდებთ პირობას, რომ ამ თანხას მსგავს პროექტში დავხარჯავთ ეს იქნება სასარგებლო საქართველოსთვისაც, თურქეთისთვისაც და მსოფლიოსთვისაც“, - განაცხადა მამუკა გვილავამ.BPN.GE

1782734832

GCCA-ის თავმჯდომარემ, მიწვეული მომხსენებლის სტატუსით, ღონისძიების მონაწილეებს სიტყვით მიმართა და მათ კონკურენციის პოლიტიკის, მომხმარებელთა უფლებების დაცვისა და ანტიდემპინგური პოლიტიკის მიმართულებით საქართველოს გამოცდილება წარუდგინა.„კონკურენციის ეფექტიანი პოლიტიკა მდგრადი ეკონომიკური ზრდის ერთ-ერთი მნიშვნელოვანი საფუძველია. იგი ხელს უწყობს სამართლიანი ბაზრის უზრუნველყოფას, ინოვაციების განვითარებასა და მომხმარებელთა ინტერესების დაცვას. საერთაშორისო გამოცდილება აჩვენებს, რომ ძლიერი კონკურენციის პოლიტიკა ეკონომიკას უფრო მოქნილსა და მდგრადს ხდის, ამცირებს მონოპოლიზაციის რისკებს და ზრდის ინვესტორთა ნდობას,“- აღნიშნა ირაკლი ლექვინაძემ.სააგენტოს თავმჯდომარემ, სიტყვით გამოსვლისას, ყურადღება დაუთმო GCCA-ის მიერ განხორციელებულ ინსტიტუციურ რეფორმებსა და საერთაშორისო კანონმდებლობასთან დაახლოების პროცესს. მოხსენებაში ხაზი გაესვა სტრატეგიული ბაზრების მონიტორინგს, ფარმაცევტულ სექტორში განხორციელებულ რეფორმებსა და მათ შედეგებს, ასევე საწვავის, FMCG-ისა და სხვა მნიშვნელოვანი ბაზრების შესწავლას, კონკურენციის სამართლის აღსრულების პრაქტიკას, მომხმარებელთა უფლებების დაცვის მექანიზმებსა და ამ მიმართულებით საერთაშორისო თანამშრომლობის მნიშვნელობას.ირაკლი ლექვინაძემ ასევე ისაუბრა სააგენტოს საერთაშორისო მიღწევებზე, მათ შორის ხაზი გაესვა იმ ფაქტს, რომ საქართველო მიმდინარე წლის პირველი ივლისიდან ICPEN-ის პრეზიდენტობის სტატუსს ოფიციალურად გადაიბარებს. საუბარი შეეხო კონკურენციისა და მომხმარებელთა უფლებების დაცვის სფეროში ხელოვნური ინტელექტის გამოყენებისა და სტრატეგიული ბაზრების მონიტორინგის გაძლიერების მნიშვნელობას.საერთაშორისო ფორუმში სხვადასხვა ქვეყნის კონკურენციის უწყებების ხელმძღვანელი პირები, საკანონმდებლო და აღმასრულებელი ხელისუფლების, საერთაშორისო ორგანიზაციების, მათ შორის - UNCTAD, OECD, მსოფლიო ბანკი, აზიის განვითარების ბანკი, ასევე აკადემიური წრეებისა და ბიზნესსექტორის წარმომადგენლები მონაწილეობდნენ. კონფერენციის ფარგლებში იმსჯელეს კონკურენციის პოლიტიკის თანამედროვე გამოწვევებზე, საერთაშორისო თანამშრომლობის გაძლიერებასა და სხვადასხვა ქვეყნის საუკეთესო პრაქტიკების გაზიარების მნიშვნელობაზე. ასევე გაიმართა დისკუსიები კონკურენციის პოლიტიკის როლზე ციფრული ტრანსფორმაციისა და გეოპოლიტიკური გამოწვევების პირობებში.ღონისძიებას უზბეკეთის რესპუბლიკის კონკურენციის განვითარების და მომხმარებელთა დაცვის კომიტეტმა ტაშკენტში უმასპინძლა.

1782732402