„ჩემს უკრაინელ კოლეგებს ვაფრთხილებდი, არ ქცეულიყვნენ ბრძოლის ველად, მე მათ სიტყვა-სიტყვით ვუთხარი, რომ „ისინი ევროპის ავღანეთად გადაიქცეოდნენ“ და ეს მოხდა, სამწუხაროდ“

დღეს გამოქვეყნდა ინფორმაცია, რომლის მიხედვით, იმ ბიზნესის ნაწილს, ვინც ხელს აწერს პლატფორმა „თავისუფალი ბიზნესის“ პეტიციას, პროდუქტი რუსეთში გააქვს და საკმაოდ დიდი ბრუნვებიც აქვს. შპს „ჩირინაც“ მათ შორის არის.„არსებული კრიზისი გაცდა პარტიული პოლიტიკის საზღვრებს და გარდაუვალი სოციალური და ეკონომიკური საფრთხის წინაშე აყენებს ქვეყანას. აუცილებელია ვითარების სასწრაფო დეესკალაცია. დეესკალაციის ყველაზე პრაგმატული გზა არის ახალი არჩევნების დანიშვნა და ბოლო პროცესების დროს დაპატიმრებული ადამიანების ახალ წლამდე გათავისუფლება. ჩვენ, ქართული ბიზნესის წარმომადგენლები, ვართ რა პასუხისმგებელნი ქვეყნის ბედზე და მის შეუქცევად განვითარებაზე, განურჩევლად ჩვენი პოლიტიკური პრეფერენციებისა, ხელს ვაწერთ ამ მოწოდებას და განცხადებას“, - წერია პეტიციაში.შეგახსენებთ, რომ მმართველმა გუნდმა იმ კომპანიების სია გაასაჯაროვა, რომლებიც რუსეთის ბაზარზე ოპერირებით მსხვილ შემოსავლებს იღებენ.

1735296751

საქართველოს ეკონომიკა სტაბილურობას პოლიტიკური დაძაბულობის პირობებშიც ინარჩუნებს. ძირითადი პარამეტრები შენარჩუნებულია და ეს მოცემულობა არ იცვლება. ლარის კურსმა კი სულაც გამყარებისკენ აიღო გეზი. მიუხედავად ამისა, რადიკალურად განწყობილი ოპოზიციის ნაწილი, ასევე ბიზნესი კრიზისზე განუწყვეტლივ საუბრობს. ანალიტიკოსები კი რეალურ მდგომარეობას განსხვავებულად აფასებენ. პროტესტი არ არის იმ მასშტაბის, რომ ეკონომიკური პროცესები დაამუხრუჭოს.ბიზნესის მხრიდან ბოლო პერიოდში გაკეთებული განცხადებებით თუ ვიმსჯელებთ, სექტორი ფაქტობრივად  მუქარაზეა გადასული. ოპოზიციურად განწყობილი ფრთა ავითარებს ნარატივს, რომ ეკონომიკა იშლება და ხალხს რამდენიმე თვეში შიმშილობა ელის. მაგალითად, "ექსპო ჯორჯიას" დირექტორმა რესან ქიქავამ სოციალურ ქსელში დაწერა, რომ ეკონომიკა კრიზისში შედის, პროექტები შეჩერებულია და ხალხი რამდენიმე თვეში შიმშილს დაიწყებს.„არაღიარებული, სანქცირებული და კონსტიტუციიდან გასული ადამიანების ჯგუფი, რომლებიც ხელისუფლებობანას თამაშობთ, ორდენებით, ინაუგურაციებით და უაზრო კომენტარებით, მოქალაქეებისთვის ნერვების მოშლის და დაპირისპირების გარდა, სხვა ფუნქცია როგორც ჩანს აღარ გაგაჩნიათ.ამ ვითარებაში, იმის ნაცვლად, რომ კრიზისის დაძლევის გზებს გვთავაზობდეთ, ჯერ 20 იანვრამდე გვაცალეთო, მერე ამას "ცოტა მეტი დრო დასჭირდებაო" და ახლა “თუო”.გაინულეთ შემოსავალი, დააყენეთ მანქანები და მოიხსენით ყველა ის პრივილეგია, რაც ისედაც გაჭირვებული მოქალაქეების ჯიბიდან, 40%-იანი ხარკით გაქვთ მიღებული."მედგრად ვიდგებითო" როცა ამბობთ, თქვენივე მასწავლებლების ყვლეფის ხარჯზე "იდგებით მედგრად”, რომ იცოდეთ. და მართლა მედგრად დგომა რა არის, ამას რუსთაველის ხალხი გაჩვენებთ“, - დაწერა რესან ქიქავამ.,,რეზონანსი" დაინტერესდა, რეალურად რა მდგომარეობაშია ქვეყნის ეკონომიკა, რამდენად საფუძვლიანია კრიზისთან დაკავშირებით მოსაზრება და მიმდინარე პროტესტის გავლენა ყველაზე მეტად რომელ დარგებზე აისახა. აკადემიკოს ავთო სილაგაძის შეფასებით, ასეთია მომსახურების სფერო, განსაკუთრებით ტურიზმი, სადაც მოთხოვნა შემცირებულია, ასევე ინვესტიციები. თუმცა, როგორც აკადემიკოსმა აღნიშნა, სხვა ეკონომიკური პარამეტრები მწყობრშია,,ბოლოდროინდელი შედეგით თუ ვიმსჯელებთ, გარკვეული პრობლემა არის და  ფრთხილად უნდა ვიყოთ, მაგრამ ცალსახად თქმა იმისა, რომ კრიზისია, ეს აშკარად გადაჭარბებული ნათქვამია. რაც არ უნდა იყოს, პოლიტიკური სიტუაცია უნდა ჩაწყნარდეს, რის გარეშეც ეკონომიკური განვითარების მიღწევა და სტაბილურობის შენარჩუნება გაგვიჭირდება.მიმდინარე პროცესს პოლიტიკურად ვერ შევაფასებ, მაგრამ რაც ხდება, ხელს არ უწყობს ეკონომიკის წინსვლას. ცალკეულ დარგებში შესამჩნევია ვარდნა, ეს არის ტურიზმი, სადაც აშკარად კლებაა, ასევე პირდაპირი უცხოური ინვესტიციები, მათ შორის წლიური, გარკვეული პრობლემაა მოპოვებითი დარგების წარმოებაშიც. მშენებლობაში ცოტა უკეთესი მდგომარეობაა, რაც არის ნიშანი, რომ აუცილებელია ქვეყანა ჩვეულებრივ რიტმს დაუბრუნდეს და დაიწყოს განვითარება. ეს ის შემთხვევაა, როცა პოლიტიკა მნიშვნელოვან გავლენას ახდენს ეკონომიკის განვითარებაზე. ეს ყოველთვის ასეა, მაგრამ ახლა განსაკუთრებულად, ამიტომ უნდა დაწყნარდეს სიტუაცია", - განაცხადა ,,რეზონანსთან" ავთო სილაგაძემ.რაც შეეხება სხვა პარამეტრებს, ლარის კურსი სტაბილურია და არც ფინანსურ სფეროში იკვეთება რისკი."მოკლევადიან პერიოდში, ლარს ცვლილება არ ელოდება გაუფასურების თვალსაზრისით, მაგრამ გრძელვადიან პერიოდში რიგი პარამეტრები უნდა გამოსწორდეს. რაც არ უნდა იყოს, ოპტიმისტურად ვართ განწყობილი, თუმცა რაღაც ურთიერთობები უნდა აღდგეს, რომელიც ახლა გართულებულია.რა თქმა უნდა, შორს ვარ იმ აზრისგან, რომ ქვეყანაში შიმშილობა დაიწყება და კრიზისია. თუკი სტაბილურობაზე ვსაუბრობთ, ერთ-ერთი მთავარი ინდიკატორია სავალუტო ბაზარი და ასევე საფინანსო დარგი. ამ სექტორებში რაიმე მკვეთრი რყევა, საბედნიეროდ, არ არის. როგორ განვითარდება მოვლენები ამას ვნახავთ. მჯერა, საბოლო ჯამში, გამოჩნდება მიმართულება, საით და როგორ ვივლით, ეკონომიკური ვექტორი გამოიკვეთება", - განაცხადა აკადემიკოსმა.მართალია, მიმდინარე პროცესების გავლენა ეკონომიკაზე ნეგატიურად მოქმედებს, მაგრამ  პრობლემა დაძლევადია. ეკონომისტი გიორგი ცუცქირიძე ადასტურებს, რომ ფუნდამენტური ფაქტორები მდგრადობას ინარჩუნებს.,,ნოემბრის მონაცემი ჯერ არ გამოქვეყნებულა, თუმცა 10 თვის მდგომარეობით, ჩვენ გვაქვს ორნიშნა ზრდა. გარკვეული პრობლემა ეკონომიკაში დაკავშირებულია ნოემბერ-დეკემბერში განვითარებულ პროცესებთან და მთლიანად მისი  გავლენა იკვეთება.მიუხედავად ყველაფრისა, ლარის გაცვლითი კურსი სტაბილურია. ამ დროს გვახსოვს ოპოზიციონერი ექსპერტები როგორ ამტკიცებდნენ საპირისპიროს, განსაკუთრებით საერთაშორისო რეზერვების ხარჯვის მიზანშეწონილობის ასპეტში. ეს ფაქტორიც ზედმეტად გადაჭარბებული აღმოჩნდა. მართალია, ამ პერიოდში სექტემბრიდან მოყოლებული სებ-მა 600 მილიონ აშშ დოლარზე მეტი დახარჯა ინტერვენციებზე,  მაგრამ დღეს უკვე ყველა ვხედავთ, რომ მიდგომა სწორი აღმოჩნდა, კურსი სტაბილურია და შესაბამისად, უარყოფითი,მოლოდინის ზეგავლენაც, ფაქტობრივად, ამოწურულია.მართალია, რომ ტურიზმმა გარკვეული შემოსავალი დაკარგა, მაგრამ დარგში კრიზისი არ არის და ნებისმიერი ასეთი შეფასება გადაჭარბებულია. ფუნდამენტური ფაქტორები ეკონომიკაში დადებითია, რასაც პოლიტიკური მდგომარეობის გავლენა არ შეხებია.პროტესტი თუ გაგრძელდა და რადიკალური ფორმა მიიღო, ეკონომიკაზეც აისახება, მაგრამ იმას, რაც დღეს ხდება, ფუნდამენტურ ეკონომიკურ ფაქტორებზე ზეგავლენა არ აქვს", - აღნიშნა გიორგი ცუცქირიძემ "რეზონანსთან" საუბრისას.წყარო: resonancedaily.com

1735295011

„მოლოდინები არის პოზიტიური. ჩვენ გაქვს მაღალი ეკონომიკური ზრდა, გაქვს დაბალი ინფლაცია. გაქვს დასაქმების ზრდის ტემპი გაუმჯობესებული და უმუშევრობის შემცირება. ეს პარამეტრები მომავალ წელს უფრო ძლიერად წარმოჩინდება. ჩვენ ვხედავთ სსფ-ს პროგნოზებს, სადაც საქართველო ერთ-ერთი მოწინავეა მსოფლიოში ამ პარამეტრების გაუმჯობესების კუთხით. ასევეა მსოფლიო ბანკის შეფასებები მთავრობის ეფექტიანობასთან დაკავშირებით, სადაც ისტორიული მაქსიმუმი დაფიქსირდა.საბოლოო ჯამში მთავრობის მმართველობის ეფექტიანობით, დაბალი ინფლაციით, დაბალი უმუშევრობით, გაზრდილი დასაქმებით და ზრდის ორნიშნა ტემპით და მაღალი ეკონომიკური ტემპით საქართველო მიაღწევს თავის მიზანს, გახდება ევროკავშირის წევრი. 2030 წლისთვის საქართველო დარწმუნებული ვარ გახდება ევროკავშირის წევრი და იქნება მაღალშემოსავლიანი ქვეყანა, სადაც სიღარიბე როგორც პრობლემა არსებობას შეწყვეტს.შეუძლებელია ჩამოიშალოს სისტემა, რომელიც დაფუძნებულია თავისუფალ საზოგადოებაზე, თავისუფალ ბიზნესზე, ბიზნესზე ხელშეწყობის მაღალ სტანდარტებზე - შეუძლებელია მას რამე დაემუქროს“, - აღნიშნა მიხეილ დუნდუამ. 

1735293886

როგორც მთავრობის მეთაურმა ბიზნესის წარმომადგენლებთან გამართულ შეხვედრაზე საუბრისას აღნიშნა, მიწვეული იყო შეუზღუდავად ყველა ბიზნესმენი, მათ შორის ისინიც, ვინც „შეუერთდა გაუგებარ განცხადებას რიგგარეშე არჩევნების დანიშვნასთან დაკავშირებით".კობახიძის თქმით, შეხვედრაზე ბიზნესმენებს აინტერესებადთ ევროინტეგრაცია და ქვეყანაში სტაბილურობის შენარჩუნება.„ზოგადად, არ შეიძლება, ბიზნესი ასე ღრმად შედიოდეს პოლიტიკაში. როგორც არ შეიძლება, ხელისუფლება შეიჭრას ბიზნესის თავისუფლებაში, ასევე არ შეიძლება, ასე ღრმად შევიდეს ბიზნესი პოლიტიკაში. ეს არის პრინციპები, რომელიც ყველა ქვეყანაშ მოქმედებს, თუმცა, როდესაც იწერება მაიდნის სცენარები, იქ ეს პრინციპებიც აღარ მოქმედებს, იმიტომ, რომ ნებისმიერი სისტემა უნდა ჩამოშალონ, ეს არის ჩვენი არაკეთილმოსურნეების ერთ-ერთ ამოცანა, რომ მოიშალოს ყველა პრინციპი სახელმწიფოში, რათა მათ მიაღწიონ წარმატებას. რაც შეეხება უშუალოდ შეხვედრას, ვინ როგორი კმაყოფილი დარჩა, ამაზე სჯობს, თავად ბიზნესმენებმა ისაუბრონ, ისინი იყვნენ შეხვედრის მეორე მხარე.რაც შეეხება ჩემს დამოკიდებულებას, ჩემთვის ეს შეხვედრა მნიშვნელოვანი იყო. ჩვენ გვქონდა საშუალება, მოსაზრებები გაგვეცვალა, ასევე დაისვა კითხვები, რომლებსაც ვუპასუხეთ. მათ შორის იყო კრიტიკული კითხვები კონკრეტულად ამ ბიზნესმენების მხრიდან. ეს დისკუსია თავისთავად საინტერესო იყო. ყველამ მოისმინა კითხვა-პასუხი და მგონია, რომ ამ ბიზნესმენების უდიდეს უმრავლესობას ყველა კითხვაზე გაეცა პასუხი, რაც შეიძლება, ადამიანს აწუხებდეს, როგორც ევროინტეგრაციის მიმართულებით, ასევე ზოგადად სტაბილურობის შენარჩუნების მიმართულებით. ყველას დავპირდი, რომ აუცილებლად უზრუნველყოფილი იქნება სტაბილურობა, მშვიდობა, სიმშვიდე ჩვენს ქვეყანაში", - განაცხადა პრემიერმა.კობახიძის თქმით, ასეთი მოკლევადიანი რყევები ყოველთვის აისახება ბიზნესსა და ლარის კურსზე, თუმცა ყოველ ჯერზე ძალიან მალე ხდებოდა როგორც კურსის, ისე ზოგადად ეკონომიკური მდგომარეობის დასტაბილურება.„ახლაც ასეა. როგორც კი ეს ძალადობრივი რესურსი გამოეცალა ოპოზიციას, მაშინვე დასტაბილურდა ლარის კურსი. რა თქმა უნდა, აქ ეროვნული ბანკის როლიც ძალიან მნიშვნელოვანი იყო და ეკონომიკური პროცესებიც თანდათან სულ უფრო მეტად სტაბილურდება.იანვრიდან ველოდებით, რომ სრული მასშტაბით აღდგება ეკონომიკური ზრდის ტემპი, რაც გვქონდა მთელი ამ ოთხი წლის განმავლობაში, ამიტომ ამ კუთხით ბიზნესს არაფერი ემუქრება. ამ შეხვედრის შემდეგ იყო შეთავაზება ჩვენი მხრიდან, რომ იმ ბიზნესმენებთან, რომლებსაც ჰქონდათ კრიტიკული შეხედულებები, დამატებით ღია ეთერის ფორმატში, საჯაროდ გაგვემართა დისკუსია. ბიზნესთან შეთავაზება როცა იყო, მათაც გვთხოვეს, სახელებით არ დაგვეკონკრეტებინა, მაგრამ ხალხი ალბათ მიხვდება ვისზეც არის საუბარი, მათაც უარი განაცხადეს საჯარო დისკუსიაზე. თუ ფიქრობ, რომ მართალი ხარ, რატომ არ მოდიხარ ამ დისკუსიაზე? მათაც შეეშინდათ ამ დისკუსიის და უარი თქვეს პირდაპირ ეთერში დაჯდომაზე. ჯანსაღი დისკუსია იყო ის, რაც მათ შევთავაზეთ", - განაცხადა პრემიერ-მინისტრმა გადაცემა ,,იმედი LIVE"-ში.

1735292096

დღეს გამოქვეყნდა ინფორმაცია, რომლის მიხედვით, იმ ბიზნესის ნაწილს, ვინც ხელს აწერს პლატფორმა „თავისუფალი ბიზნესის“ პეტიციას, პროდუქტი რუსეთში გააქვს და საკმაოდ დიდი ბრუნვებიც აქვს.კითხვაზე - ქმნის თუ არა უხერხულობას ის ფაქტი, რომ პეტიციაზე ხელისმომწერ ბიზნესმენებს სწორედ რუსეთში გააქვთ პროდუქცია, გიორგი ჩუგოშვილი აცხადებს, რომ ამაში პრობლემას ვერ ხედავს.„2400 კომპანიაა რეგისტრირებული, ზოგიერთს რუსეთში ექნება ბრუნვა, ზოგიერთს ევროკავშირში და სხვა ქვეყნებში, მანდ რა პრობლემაა. ეს ხალხი ითხოვს დეესკალაციას, რუსეთის წინააღმდეგ იქ არაფერი წერია, იქ წერია, რომ ეკონომიკური კრიზისია მოსალოდნელი და ეს ხალხი დეესკალაციას ითხოვს.არ ვიცი, ვინ დათვალა საიდან უფრო მეტ შემოსავალს იღებენ? 2400 კომპანიაა, მე რაც ვნახე, 4 წლის ჯამური ბრუნვაა, რაც რუსეთიდან აქვთ. ზოგიერთ კომპანიას ეწერა 100 000 და ეს თანხა ბიზნესისთვის კაპიკებია“, - განაცხადა გიორგი ჩუგოშვილმა/ცნობისთვის, ცოტა ხნის წინ შეიქმნა პლატფორმა, სადაც მიმდინარე მოვლენებზე საკუთარი პოზიციის დააფიქსირა ქართული ბიზნესის ნაწილმა.„არსებული კრიზისი გაცდა პარტიული პოლიტიკის საზღვრებს და გარდაუვალი სოციალური და ეკონომიკური საფრთხის წინაშე აყენებს ქვეყანას. აუცილებელია ვითარების სასწრაფო დეესკალაცია. დეესკალაციის ყველაზე პრაგმატული გზა არის ახალი არჩევნების დანიშვნა და ბოლო პროცესების დროს დაპატიმრებული ადამიანების ახალ წლამდე გათავისუფლება. ჩვენ, ქართული ბიზნესის წარმომადგენლები, ვართ რა პასუხისმგებელნი ქვეყნის ბედზე და მის შეუქცევად განვითარებაზე, განურჩევლად ჩვენი პოლიტიკური პრეფერენციებისა, ხელს ვაწერთ ამ მოწოდებას და განცხადებას“, - წერია პეტიციაში.შეგახსენებთ, რომ მმართველმა გუნდმა იმ კომპანიების სია გაასაჯაროვა, რომლებიც რუსეთის ბაზარზე ოპერირებით მსხვილ შემოსავლებს იღებენ.

1735291842

ზურაბ მარგველაშვილი აცხადებს, რომ რუსეთის ბაზარზე, სხვა ქვეყნებთან შედარებით ნაკლები პროდუქცია შეაქვს.„ჩვენ თავის დროზეც რუსეთში ძალიან ცოტას ვტვირთავდით და 2 წლის განმავლობაში საერთოდ ნული გვაქვს გადატვირთვა“, - განაცხადა ზურაბ მარგველაშვილმა.ცნობისთვის, მმართველმა გუნდმა იმ კომპანიების სია გაასაჯაროვა, რომლებიც რუსეთის ბაზარზე ოპერირებით მსხვილ შემოსავლებს იღებენ. ჩამონათვალში კომპანია „თბილღვინოც“ არის, რომელმაც რუსეთში პროდუქციის ექსპორტიდან 2021-2024 წლებში 9,674,708 ლარის შემოსავალი მიიღო.

1735291715