2025 წლის II კვარტალში თბილისში საცხოვრებელი უძრავი ქონების ფასები შემცირდა

„მიმდინარე წლის ივნისის ბოლოს, საქართველოში მუშაობა დაასრულა საერთაშორისო სავალუტო ფონდის მეოთხე მუხლის კონსულტაციების მისიამ. აღნიშნული მისიის ფარგლებში, მომზადდა ანგარიში, რომელიც აღმასრულებელი საბჭოს მიერ დამტკიცდა 21 ივლისს. გავრცელებული განცხადების თანახმად, აღნიშნული მისიის ფარგლებში განხილულ იქნა საქართველოში მიმდინარე მაკროეკონომიკური და ფისკალური პოლიტიკის შედეგები და სხვადასხვა შერჩეული მიმართულებით განხორციელებული და დაგეგმილი სტრუქტურული რეფორმები.საერთაშორისო სავალუტო ფონდის მიერ 2025 წლისთვის გაკეთებული პროგნოზით, ეკონომიკური ზრდა 7.2% ნიშნულზეა განსაზღვრული და საშუალოვადიან პერიოდში სრულიად თანხვედრაშია საქართველოს მთავრობის ოფიციალურ პროგნოზებთან. ასევე, აღნიშნულია, რომ ეკონომიკური ზრდის მაღალმა მაჩვენებელმა წლიურად საშუალოდ 9%-ზე მაღალი ეკონომიკური ზრდის გათვალისწინებით, შესაძლებელი გახდა ერთ სულ მოსახლეზე შემოსავლების ზრდა, უმუშევრობისა და სიღარიბის შემცირება.  ასევე, დოკუმენტში აღნიშნულია ფისკალური პოლიტიკის მდგრადობა და მიღწეული შედეგები. დეფიციტის 2.5%-ის ფარგლებში შენარჩუნება საშუალოვადიან პერიოდში საშუალებას იძლევა გაგრძელდეს ვალის მდგრადობა და ვალი შენარჩუნდეს უსაფრთხო დონეზე“, - განაცხადა ფინანსთა მინისტრის მოადგილემ, ეკატერინე გუნცაძემ.მისი თქმით, ასევე აღნიშნულ იქნა მონეტარული პოლიტიკის მიმართულებით მიღწეული შედეგები და ინფლაციის სამიზნე მაჩვენებელთან ახლოს შენარჩუნება. მინისტრის მოადგილის განცხადებით, დოკუმენტში მიმოხილულია მიმდინარე და დაგეგმილი სტრუქტურული რეფორმები, როგორებიცაა: სახელმწიფო საწარმოების რეფორმა, საჯარო ინვესტიციების მართვის რეფორმა, საგადასახადო და საშემოსავლო ადმინისტრირების მიმართულებით არსებული რეფორმები, ასევე ხარჯების ეფექტურობისა და ეფექტიანობის მიმართულებით არსებული რეფორმები.

1753278640

„ინფლაციის მიზნობრივ მაჩვენებელთან დაახლოების, საპროცენტო განაკვეთის ნეიტრალურ დონესთან დაახლოების და შიდა მოთხოვნის წნეხის შერბილების  ფონზე, ეროვნული ბანკის მონეტარული პოლიტიკის მდგომარეობა შეესაბამება არსებულ გარემოს“, -  ვკითხულობთ ანგარიშში.IMF-ის პროგნოზით, ინფლაცია 2025 წელს მიზნობრივ მაჩვენებელთან ახლოს იქნება. ეროვნული ბანკის პრეზიდენტის ნათია თურნავას შეფასებით, IMF-ის და სებ-ის პროგნოზები ერთმანეთს ემთხვევა, რაც ძალიან სასიხარულოა. „მნიშვნელოვანია ინფლაციასთან დაკავშრებული მათი პროგნოზი, რის მიხედვითაც ინფლაცია მიზნობრივ 3%-იან მაჩვენებელთან ახლოს შენარჩუნდება, ეს ემთხვევა ჩვენს ხედვასაც და ინფლაციის მიზნობრივთან ახლოს შენარჩუნებასთან დაკავშირებით დადებითად აფასებს ჩვენს მონეტარულ პოლიტიკას, სსფ ამბობს რომ ის შეესატყვისება არსებულ მოცემულობას. ეს ჩვენთვის ძალიან სასიხარულოა“, - აღნიშნავს ნათია თურნავა.სავალუტო ფონდის ანგარიშში ხაზგასმულია, რომ რეზერვების დაგროვება უნდა დარჩეს ეროვნული ბანკის  პრიორიტეტად. სსფ წერს, რომ რეზერვების დაგროვების თვალსაზრისით ეროვნული ბანკი მაქსიმუმს აკეთებს.„ჩვენი ხედვა აქაც ემთხვევა და ჩვენ ნამდვილად მაქსიმუმს ვაკეთებთ რომ ეროვნულ ბანკს სულ უფრო მეტი რეზერვი ჰქონდეს“, - განაცხადა ნათია თურნავამ.საერთაშორისო სავალუტო ფონდის ანგარიშში საუბარია ეკონომიკური ზრდის საოცრად კარგ შედეგებზე, რაც შიდა და გეოპოლიტიკური გაურკვევლობის მიუხედავად ფიქსირდება.სავალუტო ფონდი განსაკუთრებით უსვამს ხაზს  ეკონომიკის მედეგობას შოკების მიმართ და ჯანსაღ მაკროეკონომიკურ გარემოს. მნიშვნელოვანია ისიც, რომ სსფ აფასებს ეკონომიკური ზრდის პერსპექტივას და გააუმჯობესა ქვეყნის  ეკონომიკური ზრდის პროგნოზი 7,2%-მდე.„საქართველოს ეკონომიკამ მაღალი შიდა და გეოპოლიტიკური გაურკვევლობის მიუხედავად შთამბეჭდავი მდგრადობა აჩვენა. 2021 წლიდან [ეკონომიკის ზრდის] საშუალო წლიური მაჩვენებელი 9% აღემატებოდა, ინფლაცია ორწლიანი ჩამორჩენის შემდეგ მიზნობრივ მაჩვენებელს დაუბრუნდა, ხოლო სახელმწიფო ვალი 2024 წელს მშპ-ის 36%-მდე შემცირდა. აღნიშნულმა ტენდენციებმა გაზარდა ერთ სულ მოსახლეზე მშპ და შეამცირა უმუშევრობა და სიღარიბე“, - ნათქვამია ანგარიშში.IMF-ი  აღნიშნავს, რომ საქართველოს ეროვნული ბანკის მმართველობისა და დამოუკიდებლობის გაძლიერება კვლავ მნიშვნელოვან პრიორიტეტად რჩება. თუმცა ამავდორულად სსფ ხაზს უსვამს რომ მიღწეულია პროგრესი წარსული რეკომენდაციების შესრულებაში, მათ შორის - საბჭოს ვაკანტური ადგილების შევსებისა და პრეზიდენტის დანიშვნის მიმართულებით.

1753277928

პროექტი, როგორც საქართველოს პირველი პროფესიული ტურიზმის ეროვნული დაჯილდოების პლატფორმა, 2015 წელს დაარსდა და ბოლო ათწლეულში 1000-ზე მეტ ნომინანტს მოუყარა თავი სხვადასხვა კატეგორიაში, მათ შორის 300-ზე მეტი გამარჯვებულს და არსებობის განმავლობაში 150-ზე მეტ საერთაშორისო თუ ადგილობრივ პარტნიორი გააერთიანა მის ირგვლივ. წელს, პროექტის მთავარი მხარდამჭერების სიას პროკრედიტ ბანკიც შეუერთდა.დაჯილდოების მიზანია არა მხოლოდ ინდივიდუალური წარმატების აღიარება, არამედ ეკოსისტემის განვითარება – ინოვაციის, ხარისხის, ინდუსტრიის სტანდარტებისა და პროფესიონალიზმის ხელშეწყობა. კონკურსის მეშვეობით ხილული ხდება იმ ადამიანებისა და ორგანიზაციების მუშაობა, რომლებიც ყოველდღიურად ქმნიან განსაკუთრებულ გამოცდილებას ადგილობრივი და საერთაშორისო ვიზიტორებისთვის და ავითარებენ ინდუსტრიას. Welcome to Georgia! გაცილებით მეტია, ვიდრე დაჯილდოება, ეს არის პროფესიული განვითარებისა და ერთმანეთის მხარდაჭერის სივრცე, სადაც კონკურენცია მეგობრულ გარემოში ახალ სტანდარტებს აყალიბებს. კითხვაზე, თუ რას უნდა ველოდოთ წლევანდელი Welcome to Georgia-სგან, რა განსხვავებული ელემენტები გამოარჩევს მას წინა წლებისგან, პროექტის ორგანიზატორი მაია სიადამონიძე გვპასუხობს: „წელს, სექტემბერში დაჯილდოების მე-10 საიუბილეო ღონისძიება გაიმართება. ამ დროის განმავლობაში, დაჯილდოების ფორმატი კიდევ უფრო დაიხვეწა და გამრავალფეროვნდა – რაც განსაკუთრებით მნიშვნელოვანია სფეროს განვითარებისთვის და მონაწილეების მოტივაციის გაზრდისთვის. ერთ-ერთი მთავარი სიახლეა ახალი კატეგორიების დამატება, რომლებიც გამოხატავენ თანამედროვე ტურისტულ ტენდენციებს და განსხვავებულ მიდგომებს სტუმრის გამოცდილების მართვაში. კიდევ ერთი მნიშვნელოვანი ცვლილებაა შეფასების სისტემის მოდერნიზება.“მრავალ კომპონენტიანი შეფასების პროცესი საერთაშორისო მეთოდოლოგიითა და სტანდარტებით წარიმართება, რაც ჟიურის გადაწყვეტილებას მეტ სანდოობასა და გამჭვირვალობას ანიჭებს.მთლიანობაში, წლევანდელი ფორმატი კონკურსს კიდევ უფრო ღია, დინამიკურ და თანამედროვე ტურიზმის მოთხოვნებზე მორგებულ პლატფორმად აქცევს. წელს გამოცხადებულია 36 განსხვავებულ კატეგორია, წარმოდგენილი ინდუსტრიის ყველა სექტორით, რაც უზრუნველყოფს ამ ინდუსტრიის სხვადასხვა წარმომადგენლის მაქსიმალურ ჩართულობას. მრავალფეროვანი კატეგორიები ქმნის ინკლუზიურ გარემოს – მონაწილეობენ როგორც მსხვილი კომპანიები, ასევე მცირე და საშუალო ბიზნესის წარმომადგენლები. ჯამში ამ ეტაპისთვის 120 კომპანიაა რეგისტრირებული, ხოლო რეგისტრაცია ერთ თვეში დასრულდება.ნომინანტთა განაცხადები ფასდება გამჭვირვალე პროცესით, რომელიც აერთიანებს საჯარო ჩართულობასა და დარგობრივ ექსპერტთა შეფასებას. შეფასება ეფუძნება შემდეგ ძირითად კრიტერიუმებს, როგორებიცაა მომსახურების ხარისხი, პროდუქტის მრავალფეროვნება, მომხმარებელთა კმაყოფილება, ინოვაცია და კრეატიულობა, მდგრადი პასუხისმგებლობა, წვლილი საქართველოს ტურიზმის ინდუსტრიის განვითარებაში და ა.შ.დაჯილდოების შინაარსი და მნიშვნელობა, მისი წვლილი ინდუსტრიის განვითარებაში განსაკუთრებით დასაფასებელია, სწორედ ამიტომ ინიციატივას პროკრედიტ ბანკიც შემოუერდა, როგორც ბიზნესის განვითარების მხარდამჭერი საქართველოში, უკვე 26 წელია. თუ რატომ წელს და რა მიზანს ემსახურება ეს პარტნიორობა, ამაზე პროკრედიტ ბანკის მარკეტინგის ხელმძღვანელი, მარიკა აბულაძე გვპასუხობს:“საქართველოსთვის ეს სფერო განსაკუთრებით მნიშვნელოვანია და რაც მთავარია, ქვეყანაში მრავალი მცირე თუ საშუალო ბიზნესია ჩართული ტურიზმის და სტუმარ-მასპინძლობის სფეროში, ვთლით რომ პროკრედიტისნაირი პარტნიორი კიდევ უფრო გააძლიერებს Welcome to Georgia!-ს, როგორც ინიციატივას. ჩვენთვის საინტერესოა, ის რომ დაჯილდოება განსაკუთრებულ ყურადღებას აქცევს და გამოყოფს ქალების მიერ წარმოებული ბიზნესი და მდგრადი ინიციატივის კატეგორიებს, ვფიქრობთ ამ მიმართულებებით განსაკუთრებით ემთხვევა ბანკის და Welcome to Georgia!-ს ღირებულებები ერთმანეთს და გვჯერა მსგავსი წახალისებით კიდევ უფრო მეტი მდგრადი ბიზნესი შეიქნება და ხელს შეუწყობს ქალების ჩართულობას სტუმარ-მასპინძლობის სფეროში.“შეგახსენებთ, რომ რეგისტრაცია სხვადასხვა კატეგორიებში კვლავ მიმდიანერებს, კატეგორიების სრული ჩამონათვალი და რეგისტრაცია Welcome to Georgia!-ს ვებ-გვერდზე შეგიძლიათ ნახოთ: https://wtgawards.com

1753277574

Harvard Business Review (HBR) ცნობილი პლატფორმაა, რომელიც მკითხველს სთავაზობს სტატიებსა და კვლევებს მენეჯმენტის, ლიდერობისა და ბიზნეს სტრატეგიის შესახებ. ის ეხმარება პროფესიონალებსა და ორგანიზაციებს, იყვნენ ინფორმირებული და მიიღონ უკეთესი ბიზნეს გადაწყვეტილებები. გამოცემა ფარავს მენეჯმენტის უახლეს ტენდენციებს, პრაქტიკულ რჩევებს, ლიდერობისა თუ ინოვაციების საკითხებს. HBR სანდო რესურსია მენეჯერებისა და მეწარმეებისთვის, რომლებიც ცდილობენ, ბიზნესის დინამიურ სამყაროში საკუთარი ადგილი დაიმკვიდრონ.ფასდაკლებით სარგებლობისთვის საჭიროა გამოიყენოთ Mastercard ბიზნეს ბარათი.შეთავაზების შესახებ დეტალური ინფორმაცია იხილეთ აქ.თუ ჯერ კიდევ არ გაქვთ საქართველოს ბანკის Mastercard ბიზნეს ბარათი შეუკვეთეთ ბიზნეს მობილბანკით.ხოლო თუ ჯერ არ ხართ საქართველოს ბანკის ბიზნეს მომხმარებელი, გახსენით ანგარიში ონლაინ მარტივად და პროცესში შეუკვეთეთ Mastercard ბიზნეს ბარათი.

1753275875

როგორც ეკონომიკისა და მდგრადი განვითარების მინისტრის მოადგილე ვახტანგ ცინცაძე აღნიშნავს, პრეს-რელიზში საუბარია იმაზე, რომ საქართველოში იყო მაღალი ეკონომიკური ზრდა, ინფლაცია - მიზნობრივ დონესთან ახლოს, ხოლო სახელმწიფო ვალი - დაბალანსებული.„შესაბამისად, საერთაშორისო სავალუტო ფონდმა საქართველოს 2025 წლის ეკონომიკური ზრდის პროგნოზს გადახედა და 6%-დან 7.2%-მდე გაზარდა. ეს კიდევ ერთხელ მიუთითებს საქართველოს მაკროეკონომიკური პოლიტიკის სანდოობაზე საერთაშორისო სავალუტო ფონდის მხრიდან“, - აღნიშნა მინისტრის მოადგილემ.ვახტანგ ცინცაძე აქცენტს აკეთებს ბოლო ოთხი წლის განმავლობაში საქართველოს ეკონომიკის ზრდის კუთხით არსებულ პოზიტიურ ტენდენციებზე, კერძოდ, საშუალოდ 9.7%-იანი ეკონომიკურ ზრდაზე. მისი შეფასებით, ეკონომიკური ზრდის სწორედ ასეთი მაღალი მაჩვენებელი გახდა იმის საფუძველი, რომ ქვეყანაში გაიზარდა საშუალო შემოსავალი და სამუშაო ადგილების რაოდენობა, ხოლო სიღარიბის მაჩვენებელი ისტორიულ მინიმუმამდე შემცირდა.„ჩვენი მოლოდინია, რომ აღნიშნული ტენდენციები მომავალ თვეებში და მომავალ წლებშიც გაგრძელდება. მათ შორის, საერთაშორისო სავალუტო ფონდის განახლებული პროგნოზით, საშუალოვადიან პერიოდში - 2025-2030 წლებში საქართველოს ექნება 5.4%-იანი საშუალო ეკონომიკური ზრდის მაჩვენებელი, რაც როგორც რეგიონის, ისე ევროპული და გლობალური მასშტაბით ერთ-ერთი ყველაზე მაღალი მაჩვენებელია“, - განაცხადა ვახტანგ ცინცაძემ.ასევე აღსანიშნავია, რომ საერთაშორისო სავალუტო ფონდი ყურადღებას ამახვილებს ეკონომიკური აქტივობის მნიშვნელოვან ზრდაზე ისეთ სექტორებში, როგორიცაა: ტრანსპორტი და დასაწყობება, ინფორმაცია და კომუნიკაცია და ტურიზმთან დაკავშირებული საქმიანობები. ფონდის შეფასებით, ინფლაცია მიზნობრივ 3 პროცენტიან მაჩვენებელთან ახლოს შენარჩუნდება, ხოლო მიმდინარე ანგარიშის დეფიციტი მშპ-ის 5 პროცენტის ფარგლებში დასტაბილურდება. ასევე, ეტაპობრივად გაიზრდება საერთაშორისო რეზერვების მოცულობა.

1753274014

როგორც კონიაშვილმა მედიაჰოლდინგ “კვირას” პრესკლუბში გამართულ პრესკონფერენციაზე აღნიშნა, არალეგალური საწარმოები ხშირ შემთხვევაში რძის პროდუქტებს არაჰიგიენურ პირობებში აწარმოებენ. მისივე თქმით, არაჰიგიენურ პირობებში დამზადებული ყველი და სხვა რძემჟავა ადამიანის ჯანმრთელობისთვის , შეიძლება, ძალიან დიდი რისკის შემცველი იყოს.“ძალიან დადებითად მინდა, შევაფასო ის ფაქტი, რასაც “სურსათის ეროვნული სააგენტო” აკეთებს. ის ქმედებები, რასაც სააგენტო ახორციელებს უფრო ადრე და ინტენსიურად იყო დასაწყები. ჩვენ, ასოციაცია, სექტორში მომუშავე ლეგალური კომპანიები, მომხმარებლები , რომლებიც ჩვენთან მუდმივ კომუნიკაციაში არიან, ყოველთვის ამაზე ვბჭობდით, ხელისუფლებასთანაც და “სურსათის ეროვნულ სააგენტოსთანაც” მუდმივად გვქონდა იმაზე საუბრები, რომ ის სიტუაცია, რომელიც არალეგალურ საწარმოებს ეხება, რომლებიც ხშირ შემთხვევაში რძის პროდუქტებს (ზოგჯერ ფალსიფიცირებულს) არაჰიგიენურ პირობებში აწარმოებდნენ, მოსახლეობის ჯანმრთელობას ძალიან დიდ საფრთხეს უქმნიდა, რადგან მოსახლეობის ჯანმრთელობისთვის არაჰიგიენურ პირობებში დამზადებული ყველი, სხვა რძემჟავის პროდუქტები ძალიან დიდი რისკის შემცველი შეიძლება იყოს. მეორე მხრივ – არალეგალური, არარეგისტირებული საწარმოები სახელმწიფო ბიუჯეტში არანაირ გადასახადს არ იხდიდნენ, შესაბამისად, სახელმწიფო საკმაოდ დიდ შემოსავალს კარგავდა. მესამე – ეს არალეგალური საწარმოები, რომლებიც გადასახადებს არ იხდიდნენ, თავიანთ პროდუქციას ძალიან დაბალ ფასში ყიდდნენ და პრობლემა იყო არაკეთილსინდისიერი, არასათანადო კონკურენცია, რადგან ლეგალური საწარმოები თამაშგარე მდგომარეობაში რჩებოდნენ. მეოთხე – როდესაც ასეთი არაკეთილსინდისიერი კონკურენციაა, ინვესტორი , რომელიც დაინტერესებულია, რომ ამ მიმართულებით თანხები ჩადოს, თავს იკავებდა, რადგან ამ პირობებში განვითარების შესაძლებლობებს ვერ ხედავდა.ამიტომ, ის, რაც ახლა ხდება, ძალიან კარგია, ერთი მხრივ, ჩვენ ბაზარს, მომხმარებელს არაჰიგიენურ პირობებში დამზადებული პროდუქციისგან დავიცავთ. გარდა ამისა, სხვა არალეგალური კომპანია, რომელიც ამას შეხედავს და რეალურად დაინახავს, რომ სახელმწიფო არალეგალურ, არაკეთილსინდისიერ მეწარმეობას ებრძვის, გონს მოეგება და თავის ბიზნესსაქმიანობას ლეგალურ ჩარჩოებში მოახდენს. სურსათის წარმოება იოლი საქმე არაა. ეს არის საქმე, რომლის დროსაც საწარმო მუდმივი კონტროლის ქვეშ უნდა გყავდეს, რათა იქ რამე მიკრობიოლოგიური დაბინძურება არ მოხდეს, გარდა ამისა, ქვეყნის მოსახლეობისა და სახელმწიფოს წინაშე მთელი რიგი ვალდებულებებია”- განაცხადა კონიაშვილმა.შეგახსენებთ, ბოლო პერიოდში “სურსათის ეროვნულმა სააგენტომ” თბილისსა და რეგიონებში რძის გადამმუშავებელი არალეგალური საწარმოები გამოავლინა. სააგენტოს მიერ, 17 ივლისს გავრცელებული ინფორმაციით, სურსათის უწყების ქვემო ქართლის რეგიონული სამმართველოს ინსპექტორებმა ბოლნისის მუნიციპალიტეტში რძის გადამმუშავებელი 4 არალეგალური საწარმო გამოავლინეს. მათი ცნობით, ყველა მათგანი ეკონომიკურ საქმიანობათა რეესტრში რეგისტრაციისა და სურსათის ეროვნული სააგენტოს შესაბამისი აღიარების გარეშე საქმიანობდა.“ქვემო ქართლში განხორციელებული შემოწმების შედეგად ამოღებული და დალუქულია დიდი რაოდენობით რძე და რძის ნაწარმი.კანონმდებლობის შესაბამისად, მეწარმეები დაჯარიმდნენ და საწარმოო პროცესი შეუჩერდათ.• ფიზიკური პირი გ. კ. მისამართი: ბოლნისის მუნიციპალიტეტი, სოფ. რატევანი. ამოღებული და დალუქულია 150 ლიტრი რძე.• ფიზიკური პირი ც. მ. მისამართი: ბოლნისის მუნიციპალიტეტი სოფ.რატევანი. ამოღებული და დალუქულია 530 ლიტრი რძე და 100 კილოგრამი სულგუნი.• ფიზიკური პირი ც. მ. მისამართი: ბოლნისი, გრიგოლ ხანძთელის N11; ამოღებული და დალუქულია 500 ლიტრი რძე, 200 კილოგრამამდე ყველი და ნადუღი, 100 კილოგრამამდე სულგუნი, 40 ლიტრი -მცენარეული ცხიმი; 5 ტომარა რძის ფხვნილი(125 კგ).• ფიზიკური პირი პ. ა. მისამართი: ბოლნისი სოფ: რატევანი. ამოღებული და დალუქულია 400 ლიტრი რძე და 70 კილოგრამი სულგუნი”- წერია სააგენტოს ინფორმაციაში.“სააგენტოს მიერ 16 ივლისს გავრცელებული ინფორმაციით, რძის გადამმუშავებელი არალეგალური საწარმო თბილისშიც გამოავლინეს.„შპს. სანდო“ (მისამართი: ქ. თბილისი, გ. ნადარეიშვილის N5, ს.კ 406121913) ეკონომიკურ საქმიანობათა რეესტრში რეგისტრაციისა და სურსათის ეროვნული სააგენტოს შესაბამისი აღიარების გარეშე საქმიანობდა. ამავდროულად ინსპექტირებისას დადგინდა, რომ სურსათის წარმოებისას დარღვეული იყო ჰიგიენური ნორმები და სურსათის უვნებლობის დადგენილი მოთხოვნები. ამოღებული და დალუქულია 419 ქილა მაწონი, 10 კილოგრამზე მეტი ყველი, 35 ცალი დაფასოებულ რძე (1 ლიტრიანი შეფუთვა), 110 ლიტრა რძე. კანონმდებლობის შესაბამისად მეწარმე დაჯარიმდა და საწარმოო პროცესი შეუჩერდა”- ნათქვამია უწყების ინფორმაციაში.ასევე, “სურსათის ეროვნული სააგენტოს” მიერ 11 ივლისს გავრცელებული ინფორმაციით, რძის გადამმუშავებელი არარეგისტრირებული საწარმო ქობულეთის მუნიციპალიტეტში გამოავლინეს.“ინდივიდუალური მეწარმე ი.ბ. (მისამართი: კლდიაშვილის ქ.18) ბიზნესსაქმიანობას ეკონომიკურ საქმიანობათა რეესტრში რეგისტრაციისა და სააგენტოს შესაბამისი აღიარების გარეშე ეწეოდა.ამავდროულად, ინსპექტირებისას დადგინდა, რომ მეწარმე რძის გადამუშავებასა და სურსათის წარმოებას (ყველი, შებოლილი სულგუნი, მაწონი) სანიტარიულ-ჰიგიენური ნორმებისა და უვნებლობის სტანდარტების დარღვევით ახორციელებდა. ამოღებული და დალუქულია 250 კგ ყველი და 192 ქილა მაწონი. კანონმდებლობის შესაბამისად, მეწარმე დაჯარიმდა და შეუჩერდა საწარმოო პროცესი”- ნათქვამია სააგენტოს ინფორმაციაში.სურსათის ეროვნული სააგენტოს ” ცნობით, დღეისათვის საქართველოს მასშტაბით რძისა და რძის პროდუქტების მწარმოებელი 251 ბიზნესოპერატორია რეგისტრირებული.“ეკონომიკურ საქმიანობათა რეესტრში რეგისტრაცია და სურსათის ეროვნული სააგენტოს შესაბამისი აღიარება, ნიშნავს, რომ წარმოება შესაბამისი სტანდარტებით ხორციელდება. თუმცა, გამოწვევად რჩება არარეგისტრირებული წარმოება, რომელთა გამოვლენის მიზნით, სურსათის ეროვნული სააგენტო სამომხმარებლო ბაზრის მუდმივ კონტროლს ახორციელებს.მიმდინარე წელს, რძისა და რძის მწარმოებელ ბიზნესოპერატორებთან 3600-ზე მეტი სახელმწიფო კონტროლი ჩატარდა. სააგენტოს მიერ გამოვლენილია 36 არარეგისტრირებული წარმოება”- ნათქვამია სააგენტოს მიერ გავრცელებულ ინფორმაციაში.

1753273160